24
bataqlıqlar yaradır ki, bunların da çox hissəsi Ağquba, Tuliçay,
Seyidrza, Sallacaq qolları əhatəsindədir.
XX yüzilliyin əvvəllərində Viləşçay vətəgə əhəmiyyətli
balıqçılıq ərazisi sayılmışdır. Belə ki, bu çayda hər il yüz tonlarla
ziyad, çəki, kələmo, nərə balıqları ovlanardı. Qotvaldın yaz
dığına görə (1909) Viləşçayda 16-18 kq-lıq qızıl balıq ovlanması
adi hal idi. Həmçinin, çayın yuxarı, şəffaf sularında külli
miqdarda forel ovlanması da qeyd olunur. Əlbəttə, indi göstə
rilən dəlil-faktlar əfsanə kimi səslənir.
Viləşçayın bu günü çox miskindir. O, xeyli vaxtdır öz balıq
çılıq əhəmiyyətini itirib, məcrasını və hətta görkəmini belə dəyi
şib. Hazırda çay demək olar ki, körfəzə axmır. Çay məcrasında
su elektrik stansiyaları, sututarlar yaradılıb. Yaz, payız və qış
aylarına aid su toplanıb, 50-dən çox arxlar vasitəsilə suvar
maya sərf olunur. Düz 30 il öncə, bu sətirlərin müəlliflərindən
biri Viləşçayın mənsəbində Kiçik Qızılağac körfəzindən çaya
kürü tökməyə qalxan çəki, ziyad sürülərinin şahidi olmuşdur.
Lakin, 70-ci illrdən bəri çayın mənsəbi, Kiçik Qızılağac körfəzinə
açılan sahədə qamış, cil cəngəlliklərində bataqlığa sızıb «qeyb»
olmuşdur.
Kənd təsərrüfatında, yerli əhalinin tələbatını ödəmək üçün,
vaxtı ilə körfəzə axan (Astraxanka) Həmşəri, Göytəpə, onun
Türbə adlı qolu da səmərəsiz istifadə olunduğuna görə har
dasa, Qızılağac körfəzinə çatmamış itib batır.
Qum başı çayı həmişə öz suyunu Kiçik Qızılağac kör
fəzinə axıtmaqla Cənubi Xəzərin keçici və yarımkeçici balıqla
rının artıb-çoxalmasında mühüm rol oynamışdır. Lakin, son 30-
35 ildə çaydan suvarmada istifadə olunduğuna görə, demək
olar ki, o, balıqçılığın inkişafındakı öz əvvəlki mövqeyini itir
mişdir.
Çayın mənsəbi Xəzər qəsəbəsindən (keçmiş Port İliç) 8
km şimalda Kiçik Qızılağac körfəzinin cənub-qərb hissəsinə
25
açılır və öz mənbəyini Boradigə çayından alır. Çayın hövzəsinin
sahəsi 400 km2-dir və axım boyu ona yerli kiçik çaylar da
qarışır. Onlardan Boladiçayı, Şıxəliçayı, Mahmudovarı, Xorçayı
və b. göstərmək olar. Qumbaşı çayının dib hissəsi, onun su-
toplayan sahəsinin xüsusiyyətindən asılı olaraq, narın və
yumşaq lillə örtülmüşdür. Bu cür çöküntülər çay məcrasında su
azalan zaman ən çox onun mənsəb hissəsində toplanır, ali su
bitkilərinin inkişafına zəmin yaradır. Ona görə, çayın mənsə
bində qamışlıq, cil ilə zəbt olunan sahələr əmələ gəlir və onların
sahəsi Kiçik Qızılağac körfəzinin sahil dayazlıqları boyu, kör
fəzin daxili istiqamətində ilbəil artır.
Qumbaşı çayı hövzəsinə aid olan ərazi yağmurların miq
darının nisbətən çoxluğu ilə səciyyələnir. Həmçinin, çay mənsə
binin geomorfoloji quruluşu, qonşu ərazilərin rütubətli olması ilə
əlaqədar olaraq, regionda küləkli günlər (137 gün) çoxdur. Re
giondakı çaylar kimi, Qumbaşı çayı ilə axan suyun miqdarı, orta
aylıq sərfi cəminin 1-4%-nə bərabər olmuşdur. Əlbəttə, müasir
dövrdə çayın suyu kəskin azaldığı (çox vaxt çayın mənsəbi tam
quruyur) üçün, onun körfəzin həyatındakı rolu, demək olar ki,
tam ixtisar olunmuşdur.
Qumbaşı çayı 50-ci illərin ortalarına kimi Gamışovan gölü
ilə əlaqədar şəkildə balıqçılıq təsərrüfatının məhsuldar sahə
lərindən biri hesab olunurdu. Məsələn, 1942-1947-ci illərdə
Qumbaşı çayında 21-32 min sentner balıq ovlanmışdır ki,
bunun da 98%-ni ziyad (kütüm), çəki və külmə balıqları təşkil
etmişdir (Quliyev, 1989).
Qumbaşı çayı körfəzə axan yeganə çaydır ki, onun
üzərində xüsusi vətəgə, balıq məhsulları istehsal və tədarük
edən sərbəst müəssisələr fəaliyyət göstərirdi. Maraq üçün 2-ci
cədvəldə ovlanan və emal olunan balıq məhsulları nəzər-
diqqətinizə çatdırılır.
26
Cədvəl 2: Qumbaşı çayında ovlanan və Qumbaşı balıq
zavodunda emal olunan balıqların orta illik miqdarı, sentnerlə
(1937-1942-ci illər)
Balıq növləri
Ovlanan
Zavodda em al edilən
Ziyad
10107
2022
Külmə
21151
984
Çəki
1435
300
Çapaq
288
58
Başqa balıqlar
347
70
Qeyd etmək lazımdır ki, Xəzərdə su səviyyəsinin aşağı
düşməsinin ilk mərhələlərindən etibarən (1928-1935) Qızılağac
körfəzində, onun iri çaylarında ovlanan balıqların azalmağa
doğru meyl etməsi aşkar olmuşdur. Məsələn, 1931-1935-ci il
lərdə 21235, 1936-1940-cı illərdə 8939 və 1942-1947-ci illərdə
isə 3914 sentner balıq ovlanmışdır. Bu baxımdan yaxın keçmişə
aid göstəricilər də maraqlıdır. Belə ki, 1960-cı ildə 4819, 1961-ci
ildə 1982, nəhayət, 1964-cü ildə isə cəmi 1167 sentner balıq
tutulmuşdur. Göründüyü kimi, körfəzdə balığın azalması su sə
viyyəsinin aşağı düşməsi, ekoloji sabitliyin pozulması ilə üzvi
surətdə əlaqədar olmuşdur.
Xəzərin, o cümlədən də Qızılağac körfəzinin məlum sə
bəblər üzündən kəskin dəyişməsini qeyd etmişik və regionda
körfəzlə bilavasitə bağlı olan bir neçə göl və sututarların quru
masını göstərmişik. Bununla belə, onların bəzilərinin yaddaşı
mızdan silinməməsi naminə, gələcəkdə bu təbii sərvətlərin bər
pası qayğısını unutmamaq üçün bir neçə göl və çayları qeyd et
məyi lazım bildik.
Gamışovan1 və Cil gölü. Gamışovan gölü və yaxud
1 Qeyd:
Gamışovan adlı hövzə çoxdan quru sahəyə çevrilmiş və müasir
anlamda Göyşaban adlı kənd, qəsəbə, hətta dəmir yolu
dayanacağı kimi qeyd edilir.
27
Gamışovan mərdosu körfəzin cənubunda, Lənkəranla Xəzər
qəsəbəsi arasında olmuşdur. Qumbaşı çayı, gölü körfəzlə əla
qələndirən vasitə rolu oynamışdır. Lənkəran-Astara bölgələrinə
aid göllərin ən irisi sayılan Gamışovanın iki qonşu bataqlıq və
axarlı gölməçəsi - Gil və ya Cil mərdosu da balıqçılıq təsərrüfatı
üçün yararlı ərazi olmuşdur. Lakin, 50-ci illərin sonuna kimi Ga-
mışovanın ümumi sahəsinin 60%-dən çoxu qurumuş, dayaz
laşan əraziləri isə bitkilər zəbt etmişdir.
Maraqlıdır ki, Gamışovan və onun qonşu mərdolarında su
səviyyəsi yaz, qış fəsillərində yüksək, yay, ümumiyyətlə isti
aylarda 2-3 dəfə aşağı düşsə də, bu vəziyyət ekoloji sistem
üçün qanunauyğun hal sayılmışdır. Belə ki, yağmurlar artan za
man Gamışovan dolmuş, onun «artıq» suyunu Qumbaşı çayı
qəbul edib Kiçik Qızılağac körfəzindəki kürü tökməyə «hazır
olan» yüz minlərlə balığın Gamışovana və başqa sututarlara
qalxmasına imkan vermişdir. Təbii olaraq çay, göl və körfəzlə
əlaqə elə tənzim olunmuşdur ki, kürü tökməyə gələn balıqların
əksəriyyəti geriyə, yəni Qızılağac körfəzinə qayıtmağa «macal»
tapmışdır, necə deyərlər, təbii itki çox cüzi olmuşdur. Olduqca
səciyyəvidir ki, isti aylarda gölün su səviyyəsi aşağı düşəndə,
boşalan sahələrdə su bitkiləri inkişaf etmiş, yaz-qış aylarında
isə, əksinə, səviyyə qalxdığı zaman həmin bitkilər su altında
qaldığına görə, balıq kürülərinin inkişafına (yapışması) müsbət
təsir göstərmişdir (balıq kürüləri üçün substrat lazımdır).
Gamışovanın mövcud olduğu dövrlərdə ona bir neçə çay
- Girdəni, Ləkər, Sudaşaru axarmış, Boradigə çayı isə gölü
Qumbaşı çayı vasitəsilə körfəzlə birləşdirərmiş. Göründüyü
kimi, təbiət bu ərazidə Xəzər kimi sərvətli dənizin keçici və
yarımkeçici balıqlarının artıb-çoxalması və necə deyərlər, ərsə
çatması üçün necə gözəl və əlverişli şərait yaratmışdır.
Əfsuslar olsun ki, biganəlik, təbiətin min illərdən bəri tənzim
lədiyi qanunlara qarşı nadanlıq üzündən nə qədər sərvət itirilib,
Dostları ilə paylaş: |