10
masına, maddi maraq fonduna, sosial məqsədlərə və i.a. yönəldilir. Deməli, bazar
iqtisadiyyatı şəraitində də bölgü prosesi nəinki aradan çıxmır, daha da dərinləşir,
müəssisə daxilində maliyyə vasitəsilə məcmu daxili məhsulun bölgüsü davam edir.
Beləliklə, maliyyənin mahiyyətinə diqqətlə fikir versək, onun əsasən iki
funksiyanı yerinə yetirdiyini görərik. 1) bölüşdürücü; 2) nəzarət.
Maddi istehsal müəssisələrin maliyyəsi bu iki funksiyadan başqa 3-cü bir
funksiya da yerinə yetirir, yəni müəssisənin fəaliyyətini pul vəsaiti fonlu ilə təmin
edir (lakin bu da mahiyyət etibarilə bölgü funksiyasına daxildir).
Maliyyənin nəzarət funksiyası da bölgü funksiyası ilə sıx bağlıdır. Maliyyə mü-
nasibətləri zamanı pul vəsaiti fondlarının yaradılması və istifadə edilməsi maliyyənin
nəzarət funksiyası olmadan həyata keçirilə bilməz.
Məcmu ictimai məhsulun və milli gəlirin yaradılması, bölüşdürülməsi və is-
tifadə edilməsinin bütün mərhələlərində maliyyə nəzarəti həyata keçirilir. Müəs-
sisənin çoxsaylı müxtəlif təsərrüfat fəaliyyəti üzərində istehsal və qeyri-istehsal
məsrəfləri üzərində, əsas fondların, dövriyyə vəsaitinin, yığım fondunun yaradılması
və istifadəsi üzərində, müəssisələrin büdcə ilə qarşılıqlı əlaqələri, kredit münasibətləri
və digər əməliyyatları üzərində maliyyə nəzarəti aparılır.
Maliyyə nəzarətinin əsas formaları aşağıdakılardır:
Ümumdövlət maliyyə nəzarəti;
Təsərrüfat daxili maliyyə nəzarəti;
Müstəqil maliyyə nəzarəti;
Auditor firmaları və xidmətləri.
Maliyyənin nəzarət funksiyasının obyektiv əsasını məhsul istehsalı və satışı,
yerinə yetirilmiş işlər, göstərilmiş xidmətlər üzrə məsrəflərin, gəlirlərin və pul fond-
larının yaradılması, bölüşdürülməsi və istifadəsinin dəyər formasında uçota alınması
təşkil edir.
Maliyyənin əsasını təkrar istehsal prosesinin maliyyələşmə mənbələri ilə təmin
edən və bununla təkrar istehsal prosesinin bütün fazalarını – yəni istehsal, mübadilə
və istehlak fazasını vahid formada əlaqələndirilməsini təmin edən bölgü münasi-
bətləri təşkil edir.
11
Lakin müəssisənin əldə etdiyi gəlirlər onun gələcək inkişaf imkanlarını müəyyən
edir. Təsərrüfatın səmərəli və məqsədəuyğun idarə edilməsi onun sonrakı inkişafını
təmin edir və əksinə, vəsaitin dövranının fasiləsizliyinin pozulması, məhsul istehsalı,
satışı, işlərin görülməsi, xidmətlərin göstərilməsi üzrə xərclərin artması müəssisənin
gəlirlərini azaldır və müvafiq olaraq onun gələcək inkişaf imkanlarını, rəqabət
qabiliyyətini zəiflədir və maliyyə sabitliyini pozur. Bu halda maliyyənin nəzarət
funksiyası onun bölüşdürücü münasibətlərinin qeyri-səmərəli olmasına, maliyyə
resurslarının idarə edilməsində və istehsalın təşkilində nöqsanların olmasına işarə
edir. Bu cür xəbərdarlığın nəzərə alınmaması müəssisənin iflasa gətirib çıxara bilər.
Maliyyənin nəzarət funksiyası müəssisənin təsərrüfat-maliyyə fəaliyyətinin ma-
liyyə göstəriciləri əsasında, onların qiymətləndirilməsi və bölgü mexanizminin səmə-
rəliliyinin yüksəldilməsi üçün zəruri tədbirlərin hazırlanması və həyata keçirilməsi
vasitəsilə təmin edilir.
Müəssisələrin maliyyəsinin mühüm xüsusiyyətlərindən ondan ibarətdir ki,
müəssisə maliyyəsi geniş təkrar istehsal prosesində bilavasitə iştirak edərək yeni
dəyərin yaranmasına, ümumi daxili məhsulun istehsalı və bölgüsünə təsir edir.
Bazar iqtisadiyyatı şəraitində bölgü prosesi daha da inkişaf edir və genişlənir.
Müəssisələrin, təsərrüfat subyektlərinin maliyyəsi ümumi daxili məhsulun yaradıl-
ması, bölüşdürülməsində iştirak etməklə dövlətin və ayrı-ayrı təsərrüfat sub-
yektlərinin pul vəsaiti fondlarının yaranması və istifadə edilməsi ilə əlaqədar olan
pul münasibətləri sistemini ifadə edir. Maliyyə münasibətlərinin miqyasından, əhatə
dairəsindən, istiqamətindən asılı olaraq maliyyə sistemi formaları və inkişaf edir.
Digər inkişaf etmiş ölkələrdə olduğu kimi, Azərbaycanda da maliyyə sistemi dövlət
büdcəsindən, büdcədənkənar dövlət fondlar sığorta fondlarından və müxtəlif
mülkiyyət formalarından olan müəssisələrin maliyyəsindən ibarətdir.
Müəssisələrin maliyyəsi kommersiya müəssisələri və qeyri-kommersiya müəssi-
sələrinin maliyyəsinə ayrılır. Kommersiya müəssisələrinin maliyyəsinin fərqləndirici
mühüm bir xüsusiyyəti də ondan ibarətdir ki, ölkənin maliyyə sisteminin əsasını
təşkil edir, çünki cəmiyyətin maliyyə resurslarının əsas hissəsi kommersiya-istehsal
müəssisələrində yaranır və bu da həm geniş təkrar istehsalın davam etdirilməsinin,
12
həm də dövlətin mərkəzləşdirilmiş pul vəsaiti fondlarının yaradılması və sosial
ehtiyacların ödənilməsi üçün əsas maliyyə mənbəi kimi çıxış edir. Ölkənin ümumi
maliyyə vəziyyəti müəssisələrin maliyyə vəziyyətindən asılıdır.
1.2. Müəssisələrin maliyyəsinin təşkili prinsipləri
Kommersiya müəssisələrinin maliyyə münasibətləri təsərrüfat fəaliyyəti ilə əla-
qədar olan müəyyən prinsiplər əsasında qurulur. Müəssisələrdə maliyyə fəaliyyətinin
təşkilində əhəmiyyətli rol oynayan həmin prinsipləri aşağıdakı ardıcıllıqla nəzərdən
keçirək:
təsərrüfat müstəqilliyi;
özünümaliyyələşdirmə prinsipi;
maddi maraqlandırma;
maddi məsuliyyət;
maliyyə ehtiyatları ilə ətmin olunma.
Təsərrüfat müstəqilliyi prinsipi maliyyə müstəqilliyi olmadan həyata keçirilə
bilməz. Təsərrüfat subyektləri mülkiyyət formasından asılı olmayaraq iqtisadi
fəaliyyət sahəsini, maliyyələşmə mənbələrini, mənfəət əldə etmək üçün pul
vəsaitlərinin sərf edilməsi istiqamətlərini müstəqil müəyyən edirlər.
Bazar iqtisadiyyatı şəraitində bazarın fəaliyyət mexanizmi müəssisələrin öz
istehsalını daha səmərəli sahələrə və istehsal növlərinə yönəlğməyə daha çox tələbat
olan məhsulların istehsal edilməsinə vadar edir. Kommersiya müəssisələri çalışır ki,
əlavə mənfəət əldə etmək üçün uzunmüddətli və qısamüddətli xarakter daşıyan
investisiya qoyuluşu aparsın, digər təsərrüfat subyektləri ilə müvafiq iqtsiadi-təsər-
rüfat əlaqələri yaratsınlar, digər müəssisələrin nizamnamə kapitalının yaradılmasında,
onların qiymətli kağızlarının alınmasında iştirak etsinlər.
Qeyd etmək lazımdır ki, təsərrüfat-maliyyə fəaliyyətində müstəqillik dövlət
qanunlarının müəyyən etdiyi çərçivədən kənara çıxa bilməz. Həmin müəssisələr döv-
lət büdcəsi qarşısındakı zəruri öhdəlikləri yerinə yetirməli, büdcədənkənar fondların
yaradılmasında iştirak etməlidir.
Dostları ilə paylaş: |