16
büdcəyə, banklara, təchizatçı və işçilərə öhdəliklər üzrə ödənişlərin
vaxtında aparılması.
Başqa sözlə desək maliyyə işinin mahiyyəti əsas və dövriyyə kapitalının döv-
ranının normal təmin olunmasından və kommersiya fəaliyyəti ilə yanaşı gedən
maliyyə əlaqələrinin qorunub saxlanılmasından ibarətdir.
Müəssisənin nə dərəcədə iri miqyaslı olmasından asılı olaraq, maliyyə xidməti
göstərən strukturların sayı da müxtəlif olur. Çox da böyük olmayan müəssisələrdə
maliyyə işini maliyyə-satış şöbəsinin və mühasibatlığın tərkibində maliyyə şöbəsi
yerinə yetirir. İri müəssisələrdə maliyyə şöbəsi ayrı-ayrı funksiyaları yerinə yetirən
bir neçə qrupdan (bürodan) ibarət olur. Şöbənin rəisi isə bilvasitə müəssiənin rəhbə-
rinə tabe olur. Müəssisənin maliyyə şöbəsinin strukturu ümumi şəkildə aşağıdakı
kimi olur:
Maliyyə şöbəsinin göstərilmiş strukturu müəssisənin bütün xərclərinin maliy-
yələşdirilməsinə və hesablaşmaların aparılmasına çalışır. Amma o özündə bazar
təsərrüfatına qədərki müəssisələrin idarə olunmasında olan bəzi nöqsanları saxlayır.
Yaxın dövrə qədər müəssisələrdə maliyyə işi xalis operator məsələlərin həllinə –
hesablaşma və ödəniş sənədlərinin rəsmiləşdirilməsinə, başqa müəssisələrdə, büdcə
Maliyyə şöbəsi
Plan-iqtisadi
bürosu
Bank və kassa
əməliyyatları bürosu
Hesablaşma
bürosu
Qruplar
Qruplar
Maliyyə-
kredit
planlaş-
dırılması
Operativ
planlaş-
dırılma
və
nəzarət
İqtisadi
təhlil
İddia
işləri
Təchi-
zatçılarla
hesab-
laşmalar
Alıcı-
larla
hesab-
laşmalar
17
ilə, banklarla işçi və xidmətçilərlə hesablaşmaların təşkilinə həsr olunurdu. Belə bir
şəraitdə müəssisələrin maliyyə xidmətinin qarşısına qoyulan məsələlər də həmin
sistemin tələblərinə cavab verməli idi. Bunlara müəssisənin beşillik maliyyə planında
maliyyə göstəricilərinin işlənib hazırlanması, daha çətin maliyyə məsələlərinin həlli
və müəssisənin daxili maliyyə resurslarının artırılması məqsədilə perspektiv plan la-
yihələrinin qiymətləndirilməsi, illik maliyyə planlarının hazırlanması və s. daxil idi.
Təsərrüfatçılığın müasir şəraitində maliyyə işi keyfiyyətcə yeni məzmun kəsb
edir. Bu qeyd olunduğu kimi qeyri-dövlət mülkiyyət formalarının yaranması ilə,
bələdiyyə mülkiyyətinin yaranması ilə, müəssisələrin xarici-iqtisadi fəaliyyətdə
sərbəstliyi və s. ilə əlaqədardır. Bazar iqtisadiyyatı şəraitində maliyyə xidmətinin
qarşısında duran əsas məsələ təkcə büdcə, banklar, malsatanlar, işçilər və s. sub-
yektlərlə öhdəliklərin vaxtında yerinə yetirilməsi və ya xüsusi və borc vəsaitlərinin
istifadə olunmasına nəzarəti həyata keçirmək deyil, eyni zamanda maliyyə
menecmentini (idarəetməsini) təşkil etməkdir.
Maliyyə menecmenti dedikdə müəssisənin xüsusi və cəlb olunmuş kapitalının
səmərəli istifadə olunması və maksimal mənfəət əldə etmək məqsədilə maliyyə
axınlarının idarə olunması başa düşülür. Maliyyə menecmenti maliyyə göstərici-
lərinin təhlili və gəlirlərin proqnozlaşdırılması əsasında maliyyə strategiyası və
taktikası işləyib hazırlayır. Bunlar müəssisənin gələcəkdə və yaxın dövrlərdə reallaş-
dırılması nəzərdə tutulan tədbirlərinin məcmusundan ibarətdir.
İdarəetmə subyekti
Müəssisənin maliyyə xidməti
Maliyyə meneceri
Maliyyə
funksiya və
alətləri
İdarəetmə obyekti
Pul
dövriyyəsi
Kapitalın
dövranı
Maliyyə resursları və
onların mənbələri
Maliyyə
münasibətləri
18
İstənilən idarəetmə sistemi kimi maliyyə menecmenti də iki alt sistemdən
ibarətdir: idarəetmə obyekti və idarəetmə subyekti.
Maliyyə idarəetmə aparatı təsərrüfat subyektinin idarəetmə aparatının vacib bir
hissəsini təşkil edir. İri müəssisələrdə maliyyə direktorunun və ya baş maliyyə
menecerinin rəhbərliyi ilə maliyyə müdriyyəti təşkil olunur. Onun bölmələrinin
strukturu, funksiyaları və məsuliyyəti, eyni zamanda digər şöbələrlə qarşılıqlı
əlaqələri maliyyə müdiriyyəti haqqında əsasnamə ilə müəyyən olunur. Maliyyə
müdiriyyətinin funksiyalarına daxildir:
təsərrüfat fəaliyyətinin maliyyələşdirilməsi;
inkişafa dair maliyyə proqramının işlənib hazırlanması;
investisiya siyasətinin işlənib hazırlanması;
kredit siyasətinin müəyyənləşdirilməsi;
bütün bölmələr üçün pul vəsaitlərinin xərc smetalarının tərtib olunması;
valyuta siyasətinin işlənib hazırlanması;
maliyyə planlaşdırılması, biznes-planın tərtibində iştirak;
təchizatçı, alıcı, podratçı, bank və büdcə ilə hesablaşmaların həyata
keçirilməsi;
maliyyə risklərindən sığortalanmanın təmin olunması;
girov, trast, lizinq və başqa əməliyyatların normal həyata keçirilməsi;
maliyyə-təsərrüfat və xarici iqtisadi fəaliyyətin təhlili;
maliyyə uçotunun aparılması, mühasibat balansı və başqa maliyyə
sənədlərinin tərtib olunması.
Müəssisənin həcmindən və qarşıya qoyulmuş məqsədlərdən asılı olaraq
sadalanan funksiyalar detallaşdırıla bilər. Məsələn, investisiya siyasəti təkcə kapital
qoyuluşları ilə deyil, başqa müəssisənin nizamnamə kapitalına vəsait qoyuluşu ilə,
səhmlərin, istiqrazların buoaxılmas ıilə həyata keçirilə bilər. Bu funksiyaların həyata
keçirilməsində əsas rol maliyyə sahəsində professional mütəxəssis kimi maliyyə
menecerinə məxsusdur. İri müəssisələrdə, səhmdar cəmiyyətlərində bir neçə maliyyə
meneceri fəaliyyət göstərir. Hər bir müəyyən vəzifə öhdəçiliklərini yerinə yetirir.
Maliyyə menecerləri qrupuna aparıcı menecer rəhbərlik edir, əgər belə qruplar bir