Hansısa fikir sahibi demişdi ki, həyat hadisələrlə
doludur. Hələ tələbəlik illərində oxuduğum bu ifadə mənə
qəribə gəlmişdi. Düşünmüşdüm ki, o boyda mütəfəkkir
hamıya məlum olan məsələni təkrar edib. Həmin ifadəni
ötən həftə Qaxda olarkən rastlaşdığım bir təsadüf yadıma
saldı. Təsəvvür edin, 30 il qabaq, Estoniyada, Fin körfəzi
sahillərindəki "Noorus" ("Gənclik") düşərgəsində tanış
olduğumuz və bir neçə həftə yoldaşlıq etdiyimiz saratov-
lu Viktor İvanovu Qaxda gördüm. Yatsam yuxuma, oyaq
vaxtı isə ağlıma gəlməzdi. "Həyatı hadisələrlə dolduran"
məqamlardan biri də o idi ki, mən Viktoru tanıya bilməsəm
də , o, məni tanıdı. 30 il qabaq gənc jurnalist olsalar da,
özlərini peşəkar qələm sahibi kimi görən İvanovla Həsənov
Moskvada və ya Bakıda deyil, məhz Qaxda görüşür, kövrəlir,
heç zaman unudulmayacaq gənclik xatirələrini Qax dağları-
na danışırlar... səhnəni özünüz təsəvvür edin.
Xeyli söhbət etdik. Viktor
danışdı ki, builki Qax səfəri onun
Azərbaycanın bu dilbər guşəsi ilə
ikinci görüşüdür: – Ötən il gələndə
burada beş gün qaldım. Çox
məmnun oldum. Dağlar, dərələr,
meşələr, saf sular, təmiz hava ilə
yaddaqalan zəngin təbiət, xeyirxah
insanlar, sirlərlə dolu tarixi yerlər,
insan təfəkkürünün məhsulu olan
mədəniyyət abidələri ... bir-birini
mükəmməl şəkildə tamamlayan
bu məqamların bir adı və bir ün-
vanı var -- Azərbaycan. Qax isə bu
möhtəşəmliyin dəyərli bir parçasıdır.
Ona görə də bu il kimsə məndən
soruşanda ki, istirahət etmək üçün
hara gedəcəksən, düşümnədən cavab
verdim ki, Qaxa.
Aradan xeyli keçsə də, kövrək
xatirələrin canlandığı həmin görüşü
unuda bilmirəm. Hətta, o görüşü
nə zaman unutsam belə, Viktorun
Azərbaycan həqiqətləri, Qax turizmi
barədə dedikləri yaddaşımda uzun
illər qalacaq. O da faktdır ki, bu
gün Qaxda öz köhnə dost-tanışı ilə
görüşən tək mən deyiləm. Bizim
görüşümüzə bənzər nə qədər görüşün
şahidi olmuşamsa, bilmirəm. Yəqin
ki, hörmətli oxucularımızdan kimsə
Qaxa gəlsə, burada mütləq anoloji
hadisənin iştirakçısı və ya şahidi
olacaq.
Qaxdakı "İçəribazar" Turizm
və Mədəniyyət Mərkəzi haqqında
çox yazmışam. Böyük sənətkarımız
Müslüm Maqomayevin babasının bu
bazardakı dəmirçi sexini də dəfələrlə
yada salmışam. Həmin faktı indi
ona görə xatırladıram ki, çoxdan bəri
formalaşmış ənənəmə sadiq olaraq
bu dəfə də İçəribazara gələndə başa
düşmədiyim dildə danışan beş-on
turistin məhz həmin dəmirçi sexinin
başına toplaşdığını gördüm. Güman
etdim ki, bu adamlar ən azından
bizim dünənimizə olan hörmət və
ehtiramımızı alqışlayırlar.
...Burada hamı mehriban,
qonaqsevər və ən başlıcası,
həmsöhbət olmağı bacarandır.
Sadə bir fakt. Bir neçə dostla
İçəribazardakı çayxanada əyləşdik.
Qonaqlara xidmət edən Əzizə
Məmmədovadan buraya turistlərin,
yoxsa yerli camaatın daha çox
gəldiyini soruşdum. – Turistlər daha
çox gəlirlər, – deyə cavab verdi və
əlavə etdi ki, bir az əvvəl Fransadan
bir velosipedçi gəlmişdi. İlisuya ge-
dirdi. Əvvəlcə bizim çayımıza qonaq
oldu və sonra yoluna davam etdi. Bizi
başa salmağa çalışırdı ki, belə dağları
və belə içkisi olan camaat xöşbəxtdir.
Söhbətimizə rayon icra
hakimiyyəti başçısının müavini Yunus
Əfəndiyev də qoşuldu: – Maraqlıdır,
indi təyyarə, qatar və ya avtomobil
yolu ilə gələn turistlərlə bahəm,
velosipedlə gələn əcnəbilərin də
sayı artır. Təxminən 10 gün əvvəl
Rusiyadan ər-arvad iki velosipedçi
gəlmişdi. Fransızlar təbiətimizdən,
ruslar isə mətbəximizdən məmnunluq
ifadə edirdilər. Turistlərdən biri
zarafatla dedi: – Adama elə gəlir ki,
əl uzatsan, dağa çatar, amma gedəndə
çatmaq olmur. Xüsusən, ərəblər yaşıl
meşəli dağları görəndə təbiətimizə
dəlicəsinə vurulur, sevinclərini
gizlədə bilmirlər. Əvvəlki illərdə
qonaqlarımız əsasən keçmiş SSRİ
ölkələrindən olurdular. İndi isə
demək olar ki, dünyanın hər yerindən
gəlirlər. Əsası odur ki, nə qədər qonaq
gəlsə, qəbul etməyə imkanımız var.
"İtalyanlar isə sülhüllünü daha
çox sevdilər" – deyə çayxananın
sahibi Tərlan Əhmədov söhbətimizə
qarışdı: – Xarici qonaqlara təqdim
etdiyimiz ət kirsini və dolmanı
dünyanın heç yerində görmədiklərini
söyləyirlər. Dağlarımızın şəklini o
qədər çəkirlər ki, adam başa düşmür,
bir dağın 15-20 şəkli nəyə lazımdır.
Hətta elə turist görmüşəm ki, gün
ərzində dağı, dərəni, meşəni, çayı
gəzir və ancaq şəkil çəıkmək, yazı
yazmaqla məşğul olur. Etiraf edirlər
ki, burada təkcə istirahət etmir, həm
də nə isə öyrənirlər.
İçəribazardakı həmin
söhbətimizdən bir neçə gün sonra
Qaxda, sözün həqiqi mənasında, ilin
ən qələbəlik gününün şahidi olduq.
Belə ki, Heydər Əliyev Fondunun
təşkil etdiyi VIII Qəbələ Beynəlxalq
Musiqi Festivalının iştirakçısı, Ukray-
nanın "Kiyev virtuozları" Kamera Or-
kestri avqustun 10-da Qaxda konsert
proqramı ilə çıxış edirdi. "İçəribazar"
Turizm və Mədəniyyət Mərkəzinin
yay səhnəsində keçirilən konsertdə
yerli musiqisevərlərlə yanaşı,
şəhərin qonaqları da iştirak edirdilər.
Konsertdən əvvəl kiçik giriş nitqi ilə
çıxış edən rayon icra hakimiyyətinin
başçısı Musa Şəkiliyev qeyd etdi ki,
Qəbələ Beynəlxalq Musiqi Festivalı
çərçivəsində artıq 4 ildir şəhərimizin
bu tarixi məkanında tanınmış mu-
siqi kollektivlərinin çıxışları olur.
Məni isə məmnun edən məqam
o idi ki, konsertdə Avropa və rus
bəstəkarlarının əsərləri ilə yanaşı,
görkəmli Azərbaycan bəstəkarları
Fikrət Əmirovun və Qara Qarayevin
simfoniya və baletlərindən parçalar da
səsləndirildi.
Sonra Musa müəllimlə
görüşümüzdə rayonun turizm
potensialı barədə söhbət etdik.
Həmsöhbətim qeyd etdi ki, Qaxın
iqlimi, mineral bulaqları, təbiət
mənzərələri burada turizmin inki-
şafı üçün kifayət qədər əlverişlidir.
Çünki bu diyarın hər bir guşəsi
turistlər üçün əsl istirahət məkanıdır.
Rayon rəhbəri qeyd etdi ki, son illər
Qaxda müasir tələblərə cavab verən
turizm infrastrukturunun yaradılma-
sı istiqamətində davamlı tədbirlər
həyata keçirilir. Nəticədə rayona
gələn qonaqların sayı nəzərəçarpacaq
dərəcədə çoxalıb. Təbii ki, yay
aylarında öz istirahətlərini Qaxda
keçirmək arzusunda olanların sayı
xeyli artır.
Yeri gəlmişkən, rayonda olarkən
öyrəndik ki, hazırda Qaxda 12 turizm
obyekti fəaliyyət göstərir. Müxtəlif
yazılarda onların əksəriyyəti barədə
söz açsaq da, bəzilərini yenə də
yada salmağına dəyər. Məsələn,
2015-ci ildə "Berqs" İstirahət
Mərkəzinin fəaliyyətə başlaması,
"El Resort" otelində və "Eden"
istirahət mərkəzində əlavə korpus-
ların, 2016-cı ilin mayında "Səngər
qala" ailəvi istirahət mərkəzində 39
mənzilli 90 yerlik binanın istifadəyə
verilməsi nəticəsində rayonun
turizm obyektlərində yerlərin sayı
artırılaraq 800-ə çatdırılıb. Rəsmi
statistikaya görə, 2015-ci ildə rayona
25 minə yaxın turist gəlib. 2014-cü
ildə isə bu göstərici 20 min olub.
Statistika göstərir ki, builki göstərici
daha böyük olacaq. Evlərdə qalan
turistlərin sayını da bura əlavə etsək,
həmin göstərici daha da artacaq.
Rayon mədəniyyət və tu-
rizm şöbəsindən öyrəndik ki, yay
mövsümündə turistlərin asudə
vaxtlarının səmərəli təşkili məqsədilə
mədəni-kütləvi tədbirlərin, əyləncəli
proqramların, gəzintilərin həyata
keçirilməsi nəzərdə tutulur. Turistlərin
rayonun tarixi məkanlarına, gəzməli-
görməli yerlərinə ailəvi və kollek-
tiv ekskursiyalarını təşkil etmək
məqsədilə rayon mədəniyyət və
turizm şöbəsi tərəfindən 6 istiqamət
üzrə marşrut müəyyənləşdirilib. Bu
marşrutlardan istifadə olunması üçün
turizm obyektlərinin rəhbərlərinə
proqramlar təqdim edilib, tövsiyələr
verilib.
İlisuda fəaliyyət göstərən "Ulu-
dağ" Turizm və İstirahət Mərkəzində
kottec tipli mənzillərdə eyni vaxtda
120-140 nəfər yerləşə bilir. Tələbatı
nəzərə alaraq, növbəti ildə yataq
yerlərinin sayının artırılaraq 180-ə
çatdırılması, xidmətlərin çeşidinin
çoxaldılması nəzərdə tutulur. İstirahət
mərkəzində bir nəfər üçün bir günlük
qalmaq və xidmət haqqı səhər yeməyi
də daxil olmaqla 30 manat təşkil edir.
Bu qiymət turistləri qane edir.
Rayonun ən səfalı guşələrindən
birində yerləşən "Səngər qala" ailəvi
istirahət mərkəzində (İlisu kəndinə
gedən yolun kənarındadır)
7 mərtəbəli 90 yerlik yeni otel binası
istifadəyə verilib. Milli memarlıq
üslubunun elementləri ilə inşa olunan
"Səngər qala" oteli tarixi abidəni
xatırladır. Otelin adı buradakı Səngər
bulağının adından götürülüb. Tikinti
işlərinə 2011-ci ildən başlanılan
otel 7 mərtəbədən ibarətdir. Bina
gözoxşayan xarici və daxili dizaynda,
fərqli bir üslubda inşa edilib. Birinci
mərtəbədə qeydiyyat, qəbul otağı və
digər inzibati kabinetlər yerləşir. Yed-
dinci mərtəbədə hər tərəfi ətraf dağ və
meşə mənzərəsinə açılan restoran var.
Qalan 5 mərtəbədə isə nömrələrdir.
Burada xidmət çeşidlərinə görə
fərqlənən 38 nömrə var. Hər
nömrədə qonaqların rahat istirahəti
üçün standartlara cavab verən şərait
yaradılıb. Nömrələr kondisioner sis-
temi, birbaşa çıxışlı telefon şəbəkəsi,
simsiz internet şəbəkəsi ilə... təmin
edilib. Restoranda milli və dünya
mətbəxinin gözəl təamlarını dadmaq
mümkündür.
İstirahətini "İlisu" pansionatında
keçirmək arzusunda olanları da çox
maraqlı sürprizlər gözləyir. Dağlar
qoynunda yerləşən, bənzərsiz təbiəti
olan bu istirahət mərkəzində yeni
yaradılan müxtəlif əyləncə guşələri,
o cümlədən uşaqlar və böyüklər üçün
"macəralar parkı", "möcüzələr adası",
velosiped meydançası turistlərin
asudə vaxtlarının olduqca mənalı və
səmərəli keçməsini təmin edəcək.
Burada istirahət edənlər, eləcə də
alpinistliyə maraq göstərənlər üçün
ilk dəfə olaraq dağ yolu ilə gəzinti
marşrutları müəyyənləşdirilib, 5
istiqamət üzrə cığırlar hazırlanıb.
Bu məqsədlə Ekologiya və Təbii
Sərvətlər Nazirliyindən müvafiq
razılıq alınıb. Əsas məqsəd insanları
təbiətə daha yaxın etməkdir. Bu marş-
rutların ən kiçiyinin uzunluğu 300
metr təşkil edir. Uzunluğu 24 kilometr
olacaq ən uzun dağ cığırı isə xüsusi
hazırlıq keçənlər və alpinistlər üçün
nəzərdə tutulub. Bu marşrut Qaşqaçay
kəndinədək uzanacaq.
Qaxın əsrarəngiz təbiəti,
istirahət guşələri haqqında bu
sətirləri hazırlayarkən ürəyimdən
belə bir əminlik keçir ki, gedib orada
istirahət etsəniz, həmin gözəllikləri
gözlərinizlə görsəniz, peşman ol-
mayacaqsınız. Bir çox Azərbaycan
filminin çəkildiyi bu qədim şəhər öz
gözəlliyi ilə hamını heyran qoyur.
Təbii ki, oxucularımızın böyük
əksəriyyəti Qaxı görüb. Görməyənlər
də mütləq buraya gələcəklər. Amma
buna baxmayaraq, mən istərdim
ki, daha bir neçə məlumatı verim.
Məsələn, rayona daxil olarkən ilk
qarşılaşdığımız mənzərə coxillik qoz
agaclarının yollara verdiyi qeyri-adi-
liyi görəcəksiniz. İnsan sanki özünü
tuneldə hiss edir. Bu diyar əksər şir-
niyyatlarımızın bəzəyinə çevrilən qoz
- fındıqla məşhur olan bir bölgədir.
Turistlər üçün maraqlı olacaq
ünvanlar --Şəhər stadionu, İçəribazar,
"İçəribazar" qala qapısı, Səngər
qala , Ulu dag, Ulu körpü (tarixi
abidə), Ləkit kəndində Mamırlı
şəlaləsi, "Qorxma, mən səninləyəm"
bədii filminin bəzi fraqmentlərinin
çəkildiyi Sumuq qala, Qalaça (Şamil
qalası), Beşbulaq, Səngər bulaq və
sair. Onu da unutmayaq ki, Qa-
xın təbiəti və tarixi abidələri kimi
özünəməxsus xörəkləri də var. Qax
mətbəxi Azərbaycanda çox məhşur
mətbəxlərdən birirdir. Məsələn, sür-
hüllü, gürzə, bamiyə, göyərti qutabı
bu diyarın istənilən qonağını özünə
cəzb etmək iqtidarındadır.
... Qaxın əsas ünvanlarından
biri İlisudur, İlisunun mühüm
rəmzlərindən biri isə dövlət tərəfindən
qorunan Beşbulaq su mənbəyidir.
Beşbulaqdan əlavə kəndin ərazisində
daha on bulaq var. Onlardan ikisinin
adı səngər sözü ilə bağlıdır. Səngər
bulaq və Səngər məhəllə bulağı. Bilir-
siniz o bulaqların ətrafında nə qədər
qələbəlik olur? Bilmirsiniz. Bəlkə
onu da bilmirsiniz ki, kəndin digər
bulaqlarına nisbətən Səngər bulağı nə
üçün daim qonaq-qaralıdır. Onda mən
deyim. Elin ən qeyrətli, ən cəsarətli
oğulları səngərdə, düşmənlə üz-üzə
olanda, ən ismətli, ən ləyaqətli, ən
sədaqətli qızları da Səngər bulağnın
suyuna üz tutur, evlərinə aydınlıq
aparırlar ki... Yox, bu lövhələri ancaq
və ancaq görmək lazımdır. Yazmaq
olmur.
İlqar HƏSƏNOV,
"Xalq qəzeti"nin
bölgə müxbiri
İnsan üçün sağlamlıq başlıca amildir. Bu sağ-
lamlığın qorunması isə təkcə insanın özündən asılı deyil.
Bəzən içdiyimiz sudan, qəbul etdiyimiz qidadan başlamış,
yaşadığımız çevrə, şərait, ətraf mühitdə baş verən bütün
neqativ dəyişikliklərə qədər bəzi amillər həm uşaqların,
həm də böyüklərin sağlamlığına zərər vurur. Bu təsirlərdən
qorunmaq özümüzdən nə qədər asılıdırsa, o qədər də
məsuliyyət sanitariya-epidemioloji salamatlıqla məşğul olan
mütəxəssislərin boynuna düşür. Respublika Gigiyena və
Epidemiologiya Mərkəzinin (GEM) fəaliyyətinə dair təşkil
edilən "dəyirmi masa"da öncə bu məsələlər – "Sanitariya-
epidemioloji salamatlıq haqqında" Azərbaycan Respublikası
Qanunu ilə tənzimlənən istiqamətlər üzrə məlumat verildi.
GEM-in baş direktor vəzifəsini
icra edən Vaqif Abdullayev mərkəzin
əsas fəaliyyətinin ölkə əhalisinin
sağlamlığını insanı əhatə edən
mühit amillərinin mənfi təsirlərindən
qorumaq və möhkəmləndirmək
məqsədilə onların sanitariya-epi-
demioloji salamatlığının təmin
edilməsinə yönəldilmiş tədbirlərin
təşkili və həyata keçirilməsindən
ibarət olduğunu bildirdi. Qeyd etdi
ki, GEM tabeliyində olan 74 şəhər
və rayon gigiyena və epidemio-
logiya mərkəzləri, 6 dezinfeksiya
stansiyası və 45 profilaktik dezinfek-
siya şöbəsinin fəaliyyətinə təşkilati-
metodik rəhbərliyi təmin etməklə
geniş miqyaslı tədbirləri həyata
keçirir. V.Abdullayev xüsusi olaraq
vurğuladı ki, Azərbaycan Preziden-
tinin uğurla apardığı sosial-iqtisadi
siyasətin nəticəsi olaraq əldə edilmiş
güclü tərəqqi səhiyyənin profilaktik
istiqamətinin aparıcı qüvvəsi olan
sanitariya-epidemioloji xidmətin
də fəaliyyətinin səmərəliliyinə öz
müsbət təsirini göstərir. Baş direk-
torun epidemiologiya məsələləri
üzrə müavini Afaq Əliyeva yoluxucu
xəstəliklərlə mübarizə və profilak-
tika sahəsində aparılan tədbirlər
nəticəsində vaxtaşırı olaraq qonşu
ölkələrdə və ümumiyyətlə, region-
da müşahidə edilən epidemioloji
gərginliyə baxmayaraq, ölkəmizdə
bu sahədə sabitliyin təmin edildi-
yini diqqətə çatdırdı. Bildirdi ki,
beynəlxalq təşkilatlarla əməkdaşlıq
şəraitində aparılmış səmərəli profilak-
tik və əks-epidemik tədbirlərin həyata
keçirilməsi, ələlxüsus, profilaktik
peyvənd işlərinin ən müasir tələblər
səviyyəsində təkmilləşdirilməsi
nəticəsində idarəolunan xəstəliklərdən
1995-ci ildən poliomielit, 2008-
ci ildən məxmərək, 2010-cu ildən
difteriya, 2014-cü ildən qızılca və
göyöskürək xəstəlikləri müşahidə
edilməyib, epidemik parotit
xəstəliyinin səviyyəsi minimuma
enib. 2009-cu ildən tətbiqinə başla-
nan, beynəlxalq təşkilatlar tərəfindən
yüksək dəyərləndirilən Yoluxucu
Xəstəliklərin Elektron Müşahidə Siste-
mi keyfiyyətcə tam təkmilləşdirilərək,
bütün yoluxucu xəstəliklərin qeydə
alınması, epidemioloji vəziyyətin təhlil
edilməsi, hətta rayon səviyyəsində
yoluxucu xəstəliklərə qarşı mübarizə
sahəsində aparılan işlərin elektron
qiymətləndirilməsinə imkan yaradıb.
A.Əliyeva yoluxucu xəstəliklərin
profilaktikası, bu xəstəliklərdən ölüm
və əlilliyin azaldılması və qarşısının
alınması işində uşaqların peyvənd
olunmasının əhəmiyyətindən söz açdı.
Bildirdi ki, yalnız son 5 il ərzində
profilaktik peyvənd təqviminə B tipli
hemofil infeksiyaya qarşı, pnevmo-
kok əleyhinə vaksinlərin, 2016-cı ilin
fevral ayından isə inaktivləşdirilmiş
poliomielit vaksininin tətbiq edilməsi
bu gün Azərbaycanda uşaqların,
qabaqcıl Avropa ölkələrindəki kimi
11 xəstəliyə qarşı peyvənd olunma-
sını təmin edib. "2016-2020-ci illər
üçün yoluxucu xəstəliklərin immu-
noprofilaktikasına dair Tədbirlər
Proqramı"na əsasən 2016-cı ilin
aprel ayından respublika ərazisində
üçvalentli OPV vaksinin əvəzinə,
ikivalentli OPV vaksinin istifadəsinə
başlanılıb. Tədqirəlayiq haldır ki,
ÜST tərəfindən qızılca və məxmərək
xəstəliklərinə qarşı ölkəmizdə aparı-
lan tədbirlər yüksək qiymətləndirilib.
Qızılca və məxmərəyin ləğvi üzrə
Avropa regional komissiyasının 26-29
oktyabr 2015-ci il tarixli iclasında
Azərbaycanda qızılca və məxmərək
xəstəliklərinin eliminasiyası elan
edilib. Malyariya əleyhinə aparılmış
məqsədyönlü kompleks əks-epidemik
tədbirlərin nəticəsində 2013-cü
ildən etibarən yoluxma halları qeydə
alınmayıb, ölkədə malyariyanın tam
ləğvinə nail olunub və 2016--2020-ci
illər üçün "Azərbaycan Respublika-
sında malyariya xəstəliyinin yenidən
bərpa olunmasının qarşısının alınma-
sı" üzrə Milli Strategiyanın icrasına
başlanıb. Aşqabadda isə bu ilin iyul
ayında "Eliminasiyadan sonrakı
dövrdə xəstəliyin yenidən bərpa olun-
masının qarşısının alınması" üzrə yeni
bəyannamə qəbul edilib. Tədbirdə
bildirildi ki, bu sahədə çalışan kadr-
ların hazırlığının təkmilləşdirilməsi
işlərinə də geniş yer verilib. Son beş
il ərzində gigiyena, epidemiologiya
və laboratoriya ixtisasları üzrə 1110
həkim və 2000-ə yaxın orta tibb
işçisi təkmilləşmə və ixtisasartırma
kurslarını keçməklə, test imtahanları-
nı verərək sertifikat alıb. Qeyd etmək
yerinə düşər ki, çoxsaylı yoluxu-
cu xəstəliklərin profilaktikasında
müstəsna əhəmiyyət kəsb edən su
təchizatına sistemli dövlət nəzarəti
Respublika GEM-in qarşısında duran
ən vacib fəaliyyət istiqamətlərindən
biridir. V.Abdullayev çıxışın-
da su-kanalizasiya sistemlərinin
yenidən qurulması istiqamətində
aparılan tədbirlərə böyük diqqət
yetirilməsinə toxundu. Bildirdi ki,
bu diqqət sanitariya-epidemioloji
xidmət orqanlarının fəaliyyətinin
də genişlənməsinə səbəb olub.
2010-2016-cı illər ərzində 35 rayon
mərkəzinin su təchizatı və kanali-
zasiya sistemlərinin layihələrinin
ekspertizası aparılıb, 9 rayon
mərkəzində isə həmin sistemlərin
istismara verilməsinə müsbət rəy
verilib. "Ölkə əhalisinin təsərrüfat-
içməli su təchizatına sistemli
nəzarətin bilavasitə Respublika
GEM-in daha təkmil olan labora-
toriyalarında həyata keçirilməsinə
önəm verilir. Respublikanın bütün
şəhər və rayon mərkəzlərindən hər
rübdə içməli su nümunələrinin Res-
publika GEM-in laboratoriyalarında
müayinələri təşkil olunur. Bun-
dan başqa, Bakı şəhəri əhalisinin
içməli su təminatı üzərində aparılan
nəzarət Kür və Ceyranbatan Baş Su
Təmizləyici qurğularında ayda bir
dəfə, mərkəzi su anbarları və nasos
stansiyalarında həftədə bir dəfə su
nümunələrinin Respublika GEM-də
laboratoriya müayinələrinin aparıl-
ması ilə həyata keçirilir.
"2008-2015-ci illərdə Azərbaycan
Respublikasında yoxsulluğun
azaldılması və davamlı inkişaf
Dövlət Proqramı"nın əhalinin
içməli su təminatının yaxşılaşdırıl-
ması üçün kənd yerlərində içməli
su mənbələrinin qeydiyyata alın-
ması, onların sanitariya-mühafizə
zonalarının müəyyən edilməsi
istiqamətində geniş tədbirlər həyata
keçirilib, 52 rayonun 2683 kəndində
3647 su mənbəyindən laboratoriya
müayinələri təşkil edilib, 2835 su
mənbəyinin vəziyyəti bilavasitə
Respublika GEM-in mütəxəssisləri
tərəfindən yerində araşdırılıb, 39
rayonda vəziyyət haqqında rayon-
ların icra hakimiyyətlərinə təkliflər
verilib".
Tədbirdə yaşayış məntəqələri
ərazisinin sanitariya qaydalarına, gi-
giyena və ekoloji normativlərə uyğun
olaraq təmizlənməsi, məişət tullantıla-
rının müvəqqəti saxlanması, müntəzəm
daşınması və zərərsizləşdirilməsi
məsələlərinə nəzarəti təmin etməklə
aşkar olunmuş çatışmazlıqlar
barəsində hər il Bakı Şəhər İcra
Hakimiyyətinin müvafiq icra qurum-
larına təkliflər verildiyi də diqqətə
çatdırıldı. Qeyd edildi ki, Bakının
çimərlik ərazilərində dəniz suyunun
keyfiyyət göstəricilərinə hər il çimərlik
mövsümündə laborator tədqiqat üsulla-
rının tətbiqi ilə nəzarət aparılır. Qida
zəhərlənmələrinin və qida vasitəsilə
baş verən infeksion xəstəliklərin
profilaktikası məqsədilə yeyinti
məhsullarının normativ sənədlərinin
razılaşdırılması, məhsulların
gigiyenik sertifikatlaşdırılması, qida
təhlükəsizliyi sahəsində qanunveri-
cilik bazasının beynəlxalq tələblərə
uyğunlaşdırılması istiqamətində geniş
və səmərəli fəaliyyət təmin olunub.
Yeyinti məhsullarının təhlükəsizliyinə
mikrobioloji və toksikoloji laboratori-
ya nəzarəti müasir beynəlxalq tələblər
səviyyəsinədək yüksəldilib. Mağa-
zalarda gün düşən yerlərdə saxlanan
plastik qablaşdırılan su, vitrinlərdəki
vaxtı keçmiş ərzaq məhsulları sağ-
lamlığımızın birinci düşmənidir. Bu
sahədə təkcə nəzarətlə iş bitmir, eyni
zamanda, əhali arasında sağlam qida-
lanma sahəsində bilik səviyyələrinin
genişləndirilməsinə böyük ehtiyac
duyulur. Belə ki, əhali arasında hələ
də kütləvi qida zəhərlənmələrinin və
hətta ölümlə nəticələnən botulizm
hadisələrinin baş verməsi bu sahədə
ciddi işlərin aparılmasını zəruri edir.
Zərifə BƏŞİRQIZI,
"Xalq qəzeti"
Epidemioloji sabitliyə ciddi nəzarət olunur
26 avqust 2016-cı il, cümə
6
Yerli turizmin özünəməxsusluğu
qonaqları heyran edir
Qax: