1 Makroiqtisadiyyatın predmeti. Makroiqtisadi siyasət və makroiqtisadi modellər
Yüklə 164,47 Kb. Pdf görüntüsü
|
- Bu səhifədəki naviqasiya:
- Dairəvi axınlar modeli. Makroiqtisadi müvazinətliyin ümumi şərtləri. 1.1. Makroiqtisadiyyatın predmeti.
- Modellərdə iki növ iqtisadi dəyişənlərdən istifadə olunur: daxili (endogen) və xarici (ekzogen).
| Mövzu 1. Makroiqtisadiyyatın predmeti, metodları və vəzifələri 1.1. Makroiqtisadiyyatın predmeti. Makroiqtisadi siyasət və makroiqtisadi modellər. 1.2. Dairəvi axınlar modeli. Makroiqtisadi müvazinətliyin ümumi şərtləri.
Makroiqtisadiyyatın predmeti. Makroiqtisadi siyasət və makroiqtisadi modellər.
Makroiqtisadiyyat ölkə iqtisadiyyatının davranışını bütöv vahid kimi iqtisadi artım, resursların tam dayanıqlı məşğulluğu, inflyasiya səviyyəsinin minimallaşdırılması baxımından öyrənir. Makroiqtisadiyyat bütövlükdə iqtisadiyyatda əmtəə və xidmətlərin buraxılışının ümumi həcmi və qiymətlərin orta səviyyəsinin dəyişməsinin öyrənilməsinə fikir verir. İqtisadi artım əhali artımı və texnoloji tərəqqi kimi nisbətən dayanıqlı amillərin fəaliyyətinin nəticəsidir. Bu amillərin dinamikası uzunmüddətli perspektivdə potensial istehsal həcminin dinamikasını müəyyən edir. Qısamüddətli dövrdə iqtisadiyyat ahəngdar irəliləmələrin başlıca trayektoriyasından kənarlaşır. Ona görə də dayanıqlı iqtisadi artım həmin dövrü dəyişmələrin idarə edilməsini tələb edir. Resursların tam məşğulluğunu və inflyasiya olmayan iqtisadi artımın təmini məqsədilə iqtisadi dövrün idarə edilməsi makroiqtisadi siyasət, yəni büdcə-vergi
qısamüddətli və uzunmüddətli məqsədləri, alternativ alətlərin seçilməsi və alternativ strategiyaların işlənilməsi makroiqtisadi nəzəriyyənin bilavasitə tədqiqat obyektidir. Dövlətin fiskal və pul-kredit siyasətini təyin edən (məsələn, investisiyanın dinamikası, dövlət büdcəsi və tədiyyə balansının vəziyyəti; əmək haqqı, qiymət, valyuta kursunun səviyyəsi və i.a.) əhəmiyyətli iqtisadi amillərə diqqəti cəmləşdirməklə, makroiqtisadiyyat ayrı-ayrı iqtisadi agentlərin (ev təsərrüfatları və firmalar) davranışını arxa planda qoyur. Makroiqtisadi təhlil ayrı-ayrı bazarların fərqlərindən təcrid olunmaqla, bütövlükdə iqtisadiyyatın əmtəə, əmək və pul bazarları ilə qarşılıqlı əlaqədə fəaliyyətinin başlıca anlarının aşkar edilməsini nəzərdə tutur. Deməli, söhbət fiskal və monetar siyasət tədbirlərinin köməyi ilə qısamüddətli və uzunmüddətli ümumi makroiqtisadi müvazinətliyin qoyulması və saxlanılması mexanizmindən gedir. Qeyd etməliyik ki, mikro və makroiqtisadi proseslər bir-birilə sıx qarşılıqlı əlaqəlidirlər. Mikroiqtisadiyyatdan fərqli olaraq makroiqtisadiyyat vahid tam iqtısadiyyatın fəaliyyətini xarakterizə edən aqreqatlaşdırılmış kəmiyyətlərdən istifadə edir. Bu göstəricilərə ÜMM (ayrı-ayrı firmaların buraxılışı deyil); qiymətlərin orta səviyyəsi (konkret əmtəələrə qiymətlər deyil); bazar faiz norması (ayrı-ayrı bankların faiz norması əvəzinə); inflyasiya, məşğulluq, işsizlik səviyyələri və s. aid olunur. Əsas makroiqtisadi göstəricilərə real ÜMM artım tempi, inflyasiya tempi və işsizliyin səviyyəsi aiddir. İqtisadçılar iqtisadiyyat haqqında təsəvvür yaratmaq məqsədilə sadələşdirilmiş nəzəriyyədən istifadə edərək, modellər yaratmağa səy göstərirlər. Həmin modellərdə müxtəlif iqtisadi dəyişənlər arasında nisbətlər müəyyən olunur. Əksər hallarda onlar riyazi formada yaradılır. Modellərin tətbiqi ona görə məqsədəuyğundur ki, onlar iqtisadi hadisələrin öyrənilməsində əhəmiyyətli olmayan hissələrdən uzaqlaşmağa və prinsipial iqtisadi əlaqələri aşkar etməyə imkan yaradır. Modellərdə iki növ iqtisadi dəyişənlərdən istifadə olunur: daxili (endogen) və xarici (ekzogen). Ekzogen dəyişənlər başlanğıc informasiya olub, kənardan daxil edilir; endogen dəyişənlər isə modelin “daxilində” formalaşır, onlar həmin modelin həllinin nəticəsidir. Başqa sözlə, ekzogen dəyişənlərin kəmiyyəti model qurulanadək verilir, endogen dəyişənlərin kəmiyyəti isə model üzrə hesablamaların gedişi ərzində müəyyən edilir. Xarici (ekzogen) dəyişənlər kimi əksər hallarda hökümətin fiskal siyasətinin və Mərkəzi Bankın monetar siyasətinin əsas alətləri olan dövlət xərclərinin, vergilərin və pul kütləsinin kəmiyyətlərinin dəyişiklikləri çıxış edir. Modellərin köməyilə iqtisadi problemlərin çox variantlı həlli təmin edilməklə makroiqtisadi siyasətin lazımi alternativliyi və çevikliyi əldə olunur. Makroiqtisadi modellərdən istifadə büdcə-vergi, pul-kredit, valyuta və xarici ticarət siyasəti alətlərinin uzlaşdırılmasını optimallaşdırmağa, hökümət və Mərkəzi Bankm iqtisadiyyatda dövrü dəyişmələrin idarə edilməsi tədbirlərini səmərəli əlaqələndirməyə imkan yaradır. Bu baxımdan ən perspektivli modellər iqtisadi agentlərin inflyasiya gözləmələrinin dinamikasını nəzərə alanlardır. Dairəvi axın, AD-AS, Fillips, Laffer əyriləri, Solou modeli və i.a. ümumiləşdirilmiş makroiqtisadi modellər iqtisadi təhlilin ümumi alətləri olub, heç bir milli xüsusiyyətlərə malik deyildirlər. Xüsusiyyətlər yalnız empirik əmsalların kəmiyyəti və müxtəlif ölkələrin iqtisadi dəyişənləri arasında funksional asılılıqlarında konkret formalarda ola bilər. Modellər kifayət dərəcədə reallığı əks etdirməli, çox mürəkkəb olmamalıdır. Lakin modellərin həddindən artıq sadələşdirilməsi təhlildən əhəmiyyətli amillərin çıxarılması və nəticələrin düzgün olmamasına səbəb ola bilər. Ona görə də istənilən modelin qurulmasının ən mürəkkəb anı, konkret problemin makroiqtisadi təhlilində əhəmiyyətli olan amillərin müəyyən edilməsidir. 1.2. Dairəvi axınlar modeli. Makroiqtisadi müvazinətliyin ümumi şərtləri. Makroiqtisadi təhlilin əsasını sadə dairəvi axın modeli (və ya ÜMM, gə lirlər və xərclərin dövr etmə modeli) təşkil edir. Özünün ən sadə formasında bu modelə iki iqtisadi agent - ev təsərrüfatları və firmalar daxildir. O, iqtisadiyyata dövlətin müdaxiləsini, eləcə də xarici dünya ilə heç bir əlaqəni nəzərə almır. Bunu şəkil 1.1- dən daha aydın görmək olar. Sxemdən görünür ki, iqtisadiyyat qapalı sistem olub, orada bir iqtisadi agentin gəlirləri digərinin xərclərini təşkil edir. Şəkil 1.1. Sadə dairəvı axınlar modeli Yüklə 164,47 Kb. Dostları ilə paylaş:
|