10 yanvar 2018-ci il, çərşənbə 4
Yüklə 1,1 Mb. Pdf görüntüsü
|
- Bu səhifədəki naviqasiya:
- Rahu ŞİRİNOVA, Azərbaycan Respublikasının Prezidenti yanında Dövlət İdarəçilik Akademiyasının
- Akademik Zərifə Əliyeva adına Milli
- Zərifə HÜSEYNOVA, “Xalq qəzeti” Azərbaycan xarici mediada
- Ülviyyə VAHİDQIZI, “Xalq qəzeti” Rusiyalı tarixçi erməni terrorizmindən bəhs edən sənədli film üzərində işləyir
- Naxçıvan-Məşhəd-Naxçıvan sürət qatarının hərəkəti bərpa ediləcək
- Ermənistan silahlı qüvvələrinin bölmələri iriçaplı pulemyotlardan istifadə edərək atəşkəs rejimini 118 dəfə pozub
| 10 yanvar 2018-ci il, çərşənbə 4
mədəni müxtəlifliklərin qorunub saxlanılmasına və inkişafına yönəlmiş nəzəriyyə, siyasətdir. Onun ən mühüm özəlliyi assimilyasiyaya qarşı olmasıdır. Multikulturalizm və tolerantlıq həm də cəhalətin, irqçiliyin, ksenofobiyanın süqutu, nəticə etibarilə cəmiyyətdə əmin-amanlıq, bəşəriyyətdə sülh deməkdir. Müxtəlif siyasi, iqtisadi və coğrafi şəraitlərdə yaşayan xalqların ədalətə çıxışı da çoxmədəniyyətliliyin təmin edilməsindən asılıdır. Çünki multikulturalizmin olması cəmiyyətdə bərabərliyin, demokratiyanın, tərəqqinin, sosial rifahın, başqa sözlə, ədalətin bərqərar edilməsi deməkdir. Çoxmədəniyyətlilik ideyasının bu və ya digər cəmiyyətdə davamlığı üçün ən zəruri amil həmin cəmiyyət üzvləri arasında qarşılıqlı dözümlü- lük – tolerantlıq hissinin olmasıdır. Bunsuz humanizm, yüksək fərdi və beynəlxalq münasibətlər, insanlar ara- sında qarşılıqlı anlaşma, zənginləşmə, dostluq və əməkdaşlıq mümkün deyildir. Müasir dövrdə tolerantlıq ənənələrinin təbliğini və yayılma- sını əhəmiyyətsiz hesab edənlər var. Qərb siyasətçilərinin fikrincə, əgər bir cəmiyyətdə dini, milli, irqi mənsubiyyətindən asılı olmayaraq, insan hüquq və azadlıqları təmin edilirsə, demək, həmin cəmiyyət tolerantdır və onun ayrıca təbliğinə ehtiyac yoxdur. İlk baxışdan məntiqli yanaş- ma kimi qəbul edilə bilər. Bunun əleyhdarları da elə qərblilərdir. Ona görə ki, tolerantlıq təkcə hü- quq deyil, həm də mədəniyyət və mənəviyyat məsələsidir. Dünyada tolerant cəmiyyətlərin tarixi əsrlərlə ölçülür. Amma hüquqi, demokratik, dünyəvi dövlətin tarixi iki əsrdən o yana keçmir. Deməli, tolerant- lıq hüquqi dövlətin yox, mədəni və mənəvi cəhətdən inkişaf etmiş cəmiyyətin məhsuludur. Əslində, bu gün Azərbaycanı və azərbaycanlıları başqalarından fərqləndirən xüsusiyyət də məhz budur. Əgər tolerantlıq bir avropalının hüquqi vəzifəsidirsə, azərbaycanlı üçün mənəvi tələbat və mədəni normadır. Tolerantlığın minimum şərtlərinə əsasən, dini çoxluq dini azlığa nəinki hörmətlə yanaşmalı, həm də onun öz inancına uyğun yaşamasına mane olmamalıdır. Minimum şərtlərin təmin edildiyi cəmiyyətlərlə bağlı bir neçə nümunə göstərmək mümkündür. Ancaq Azərbaycandakı dözümlülük mühitinin səviyyəsi tolerantlığın minimum şərtlərini və tələblərini çoxdan ötüb. Azərbaycanlılar tarixən dini azlıqlara hörmətlə yanaşaraq, onların öz inanclarına uyğun yaşa- malarına nəinki, mane olmayıblar, hətta buna şərait yaradıblar. Başqa cür desək, azərbaycanlılar hər zaman dini azlıqların himayədarı və müdafiəçisi qismində çıxış ediblər. Bu ideyanın kökləri qədim tarixə malikdir. Bütün səmavi dinlərdə ideyanın əsaslarını görə bilərik. Azərbaycan da bu sahədə dünya üçün örnək ola biləcək modeldir. Azərbaycan zəngin və mürəkkəb tarixi olan ölkədir. Çoxallahlılıqdan, şamançılıqdan və bütpərəstlikdən tutmuş səmavi dinlərə (yəhudilik, xristianlıq və islam) qədər dünya- nın bütün məşhur dinləri burada öz izlərini buraxmışdır. Bunun nəticəsidir ki, çoxsaylı etnosların Azərbaycanda yaşamasına və etnik tərkibin müxtəlif olmasına baxma- yaraq, minilliklər boyu heç bir milli, dini azlıq buradan başqa bir əraziyə köçməmiş və köçürülməmiş, hər bir etnos milli və dini kimliyini qoruyub saxlamışdır. Müxtəlif tarixi dövrlərdə öz torpaqlarında sıxışdırılan bəzi konfessiya nümayəndələri, dini-et- nik qruplar Vətənimizə sığınmış və cəmiyyətimizin ayrılmaz hissəsinə çevrilərək, ayinlərini rahat yerinə yetirmək imkanı əldə etmiş, yerli əhali ilə qaynayıb-qarışmışlar. Respublikamızda müxtəlif dini konfessiyalar tərəfindən ibadət evlərinin tikintisinə və bərpasına fərqli dini icmaların nümayəndələrinin maddi və mənəvi dəstək verməsi, ianələr toplaması tarixi keçmişimizdən qalan mütərəqqi ənənədir. XIX əsrin sonlarına yaxın Bakı şəhərində “Qızılı kilsə” kimi tanınan “Aleksandr Nevs- ki” kilsəsinin inşası üçün toplanmış ianənin böyük hissəsini müsəlmanların verməsi dünya tolerantlıq tarixinin ən parlaq səhifəsidir. 1907-ci ildə H.Z.Tağıyev tərəfindən tikdirilən Rus Pravoslav Kilsəsinin Jen Mironosets Baş Kafedral kilsəsi, təxminən, 100 ildən sonra müsəlman iş adamı Aydın Qurbanovun maliyyə dəstəyi ilə bərpa olunmuşdur. Çar Rusiyasının Şimali Azərbaycan ərazilərinə sahib ol- ması ilə xalqın ənənəsinə zidd olan yabançı dəyərlər təbliğ edilməyə, sırınmağa başlanmışdı. İşğalçılar öz müstəmləkəçiliyini bu torpaqlarda hökmran etmək üçün etnik-dini qar- şıdurma yaratmaq siyasəti aparmışdı. Çarizm müsəlmanların dini birliyinin qorunması əvəzinə, məzhəb fərqini şişirtməklə sünni-şiə başçılarını bir- birinə qarşı qoymuşdu. Azərbaycan ziyalıları isə iki məzhəb arasında qızışdırılan ixtilafların qarşısını almağa nail olmuşlar. Lakin 1918-ci il 28 mayda Şərqdə ilk demokratik respublika olan Azərbaycan Demok- ratik Respublikası qurulduqdan sonra ölkədə İslama qarşı ayrı-seçkiliyə son qoyulmuşdur. ADR hökuməti Qafqaz müsəlmanlarının vahid ruhani idarəsini yaratmaqla məzhəblərarası gərginlik üçün çalışanlara mane olmuşdur. Şərqdə ilk peşəkar teatrın, qəzetin, operanın və baletində əsası Azərbaycanda qoyulmuşdur. Ən önəmlisi odur ki, Azərbaycanda həm maarifçi hərəkatın yaradıcıları- nın, həm də Xalq Cümhuriyyətinin qurucularının və ideoloqlarının böyük əksəriyyəti ruhani ailəsindən və dini təhsil ocağından, mədrəsədən çıxmış- lar (Qafqaz Şeyxülislamının nəvəsi Əli bəy Hüseynzadə, Azərbaycan Xalq Cümhuriyyətinin əsas qurucusu və ideoloqu, Bakı ruhanisinin oğlu Məhəmməd Əmin Rəsulzadə və s.). Bu cür faktlar və nümunələr kifayət qədərdir. Hətta onların içərisində eləsi də var ki, dünyanın hansısa ölkəsində və tarixin hansısa səhifəsində oxşarını tapmaq qey- ri-mümkündür. Hazırda müxtəlif dinlərin nümayəndələri çox vaxt ya rəsmi qəbul və görüşlərdə, ya da dinlərarası dialoq və tolerantlıqla bağlı tədbirlərdə bir araya gəlirlər. Başqa sözlə, dini konfessiyala- rın rəhbərlərinin görüşü, hətta bir süfrə arxasında əyləşmələri və şəkil çəkdirmələri protokol qaydaların- dan kənara çıxmır. Lakin bu cür protokol qaydaları Azərbaycanda fəaliyyət göstərən dini konfessiya- ların rəhbərləri üçün yaddır. Qaf- qaz Müsəlmanları İdarəsinin sədri Şeyxülislam Allahşükür Paşazadə, Rus Pravoslav Kilsəsinin Bakı və Azərbaycan Yeparxiyasının arxiyepis- kopu Aleksandr İşein, Dağ Yəhudiləri Dini İcmasının sədri Milix Yevdayev, Katolik İcmasının rəhbəri Vladimir Fekete və Avropa Yəhudiləri Dini İcmasının sədri Gennadi Zelmanoviç bir-birinə dost, qardaş münasibəti göstərirlər. Dini icma liderlərinin tez- tez görüşmələri, məsləhət-məşvərət etmələri, müxtəlif tədbirlərdə birgə iştirak etmələri adi haldır. Bu, təkcə qarşılıqlı hörmət yox, həm də bir- birinə etimad deməkdir. Onların bu cür birliyinə çoxları heyrət və qibtə edir. Axı qibtə etməmək mümkün də deyil! Təsəvvür edin ki, Şeyxülis- lam mübarək Ramazan ayında iftar süfrəsi təşkil edir və ölkə Prezidenti İlham Əliyevin sağında o, solunda isə digər dini konfessiyaların rəhbərləri əyləşirlər. Üstəlik, iftar süfrəsində yalnız Şeyxülislam deyil, digər dini konfessiyaların nümayəndələri də çıxış edirlər. Başqa bir nümunə: Müsəl- manların Ramazan ayında təşkil etdikləri iftar süfrələrində digər dinlərin nümayəndələrinin iştirak etməsi praktikası mövcuddur. Qəbələ rayonunun Nic qəsəbəsində toplum halda yaşayan udi xristianlarının məhz kilsədə qəsəbənin müsəlman icması üçün iftar süfrəsi təşkil etməsi bütün dünya üçün örnək nümunəyə çevrilib. Tolerantlığa zəmin yaradan iqtisa- di amillərdən danışarkən, ilk növbədə, Azərbaycanın tarixi İpək yolunun üzərində yerləşməsi xüsusi qeyd olunmalıdır. Uzaq Çindən başlayan və Avropanın qurtaracağında bitən İpək yoluna təkcə ticarət yolu və iqtisadi məsələ kimi baxmaq olmaz. Bu yolla həm ipək və müxtəlif məhsullar da- şınmış, həm də insanlar, fərqli dinlər, mədəniyyətlər səyahət etmişdir. Digər amil dindir. İslam tolerant din olmasaydı, onun mənsublarının yaşadığı Azərbaycanda indiki səviyyədə dözümlülük mədəniyyəti formalaşa bilməzdi. Çünki dinimizə görə, bütün insanlar və millətlər bərabərdir, ali irq, ali millət anlayışı yoxdur. Qurani-Kərim buyurur: “Ey insanlar! Biz sizi bir kişi və bir qadın- dan (Adəm və Həvvadan) yaratdıq. Sonra bir-birinizi tanıyasınız (kimli- yinizi biləsiniz) deyə, sizi xalqlara və qəbilələrə ayırdıq...” (Hucurat, 13). Peyğəmbərimizin hədisi-şərifində bu fikir daha da konkretləşdirilir: “Heç bir ərəb qeyri-ərəbə nisbətən hansısa üstünlüyə malik deyil. Eləcə də qeyri- ərəb zənciyə nisbətən, zənci ağ adama nisbətən hansısa üstünlüyə malik de- yil”. Qurani-Kərimdə insanlara bəyan edilir: “Dində məcburiyyət (zorakılıq) yoxdur...” (2:256). Göründüyü kimi, İslam prinsipial şəkildə insanların vicdan və seçim azadlığına müdaxilə edilməsinə icazə vermir. Buna görə də İslam dini sürətlə yayılarkən xristian, yəhudi məbədlərinə toxunulmamış, həmin dinlərin mənsublarının öz inanclarına uyğun yaşamalarına şərait yaradılmış- dır. İslamdan gələn bu cür dözüm- lülük Azərbaycan xalqının etnik xüsusiyyətlərindən qaynaqlanan tole- rantlıqla çulğaşaraq, daha rəngarəng və mükəmməl bir forma almış və zəngin mədəni sərvətə çevrilmişdir. İslam Azərbaycan xalqının ondan öncəki dinlər və müxtəlif inanclar vasitəsilə əldə etdiyi mədəni və mənəvi sərvəti məhv etməmiş, əksinə, onu daha da zənginləşdirmişdir (Şəkidəki Kiş məbədi, Bakıda atəşpərəstlər tərəfindən tikilmiş qədim Atəşgah məbədi). Şübhəsiz ki, bütün bu sadaladı- ğımız dəyərlər yalnız düşünülmüş dövlət siyasəti nəticəsində daha da möhkəmlənə bilərdi. Məhz ulu öndər Heydər Əliyev ölkəyə rəhbərlik etdiyi müddətdə dini konfessiyalar arasında dözümlülük mühitinin daha da inkişaf etdirilməsi sahəsində dönüş yaranmış, dövlətlə dini qurumların münasibəti yeni mərhələyə qədəm qoymuşdur. Yeni tarixi şəraitdə Azərbaycanın qarşılaşdığı böhranlardan çıxaraq özünə güvənməsi üçün ümumi bir konsepsiyaya ehtiyac var idi. Bu ideologiya həm milli adət-ənənələrə və dini-mənəvi dəyərlərə söykənməli, həm də ölkəmizin çağdaş dünyaya qovuşmasını təmin etməli idi. Ona görə də Heydər Əliyev ölkənin dinə və dindarlara münasibətini düzgün və sağlam müstəvidə həll etməyə baş- ladı, dəfələrlə din xadimləri (yəhudi, xristian, İslam) ilə görüşlər keçirdi. Ulu öndər bu barədə çıxışlarının birində qeyd edirdi: “Dövlət, ölkə nə qədər çox xalqı birləşdirsə, bir o qədər zəngin olur, çünki bunların hər biri ümumdünya mədəniyyətinə və sivilizasiyasına öz töhfəsini verir”. Məhz onun dövründə dinlərarası dialoqla bağlı bir sıra beynəlxalq tədbirlər baş tutmuş, multikultural siyasət özünün pik həddinə çatmışdır. Ümummilli liderin siyasi kursunun davamçısı Azərbaycan Respublikasının Prezidenti cənab İlham Əliyev də həmin irsi yaşadır. Bu gün dünyada tolerantlıq örnəyi kimi tanınan Azərbaycan sivilizasi- yalararası dialoqun, beynəlxalq sülh və təhlükəsizliyin təmin olunması istiqamətində ardıcıl olaraq təşəbbüs və çağırışlarla çıxış edir. Son illər ölkəmizdə beynəlxalq humanitar forumların, dünya dini liderlərinin sammitlərinin keçirilməsi, Beynəlxalq Tolerantlıq Gününün yüksək səviyyədə, ayrı-ayrı konfessiyaların nümayəndələrinin iştirakı ilə qeyd olunması, bəşəriyyəti narahat edən qlobal problemlər ətrafında birgə müzakirələrin aparılması bunun bariz nümunəsidir. Azərbaycan dövləti formalaş- mış din siyasətini təkcə daxildə həyata keçirməklə kifayətlənmir. Belə ki, bu gün Azərbaycan özünün tolerantlıq fəlsəfəsini dünyaya ixrac etməyi hədəfləmişdir. Bu sahədə hökumət multikulturalizm, dinlər və mədəniyyətlərarası dialoq sahəsində müxtəlif tərəflərin bir araya gəlməsi istiqamətində çoxsaylı tədbirlərə – beynəlxalq və regional konfranslara, forumlara ev sahibliyi etmişdir. Bu baxımdan Heydər Əliyev Fondu da fəaliyyət göstərdiyi müddətdə qarşısına qoyduğu başlıca məqsəd kimi ulu öndərin milli dövlətçilik ideyasının həyata keçirilməsi və təbliği istiqamətində ölkə daxilində və xaricində böyük işlər görmüşdür. Bu uğurlu fəaliyyətin təminatçısı Azərbaycanın birinci xanımı, Heydər Əliyev Fondunun prezidenti Mehriban xanım Əliyevaya əməyinin nəticəsi olaraq, 2006-cı ildə ISESCO-nun (İslam Təhsil, Elm və Mədəniyyət Təşkilatı) xoşməramlı səfiri, 2008-ci ildə “İƏT-nin humanitar məsələlər üzrə xüsusi elçisi” statusuna dair diplom təqdim edilmişdir. Bunun nəticəsidir ki, ISESCO-nun qəbul etdiyi qətnaməyə əsasən, Bakı (2009) və Naxçıvan (2018) şəhərləri İslam mədəniyyətinin paytaxtları elan olunmuşdur. Fond, həmçinin “To- lerantlığın ünvanı – Azərbaycan” layihəsi çərçivəsində nəhəng işlərə imza atmışdır. Belə ki, ölkə daxilində və xaricində müxtəlif dini konfessi- yalara mənsub ibadət ocaqları inşa və ya bərpa edilmiş, xalqımızın tolerant- lıq ənənələrinin beynəlxalq aləmdə təbliği məqsədilə foto-sərgilər təşkil edilmişdir. Bir sözlə, tarixən dinlərin və mədəniyyətlərin qovşağı olmuş ölkəmiz bu gün də eyni funksiyanı uğurla yerinə yetirir. Çoxmillətli Azərbaycan artıq dünyanın nəzərində nümunəvi bir dövlətdir. Ölkəmiz dün- yanın multikulturalizm, tolerantlıq, dözümlülük, humanitar əməkdaşlıq mərkəzinə çevrilib və bundan xalqı- mız da, dövlətimiz də qürur duyur. Azərbaycan Respublikası- nın Prezidenti İlham Əliyevin Azərbaycanda multikulturalizmlə bağlı fikirləri bunu təsdiq edir: “Mul- tikulturalizm Azərbaycanda dövlət siyasətidir. Qeyd etməliyəm ki, artıq tarixi keçmişimiz də bunu diktə edir. Eyni zamanda, multikulturalizm Azərbaycanda həyat tərzidir. Biz gündəlik həyatımızda bu prinsiplər əsasında fəaliyyət göstəririk. Bu prinsiplər cəmiyyətin mütləq əksəriyyəti tərəfindən dəstəklənir, müdafiə edilir”.
Oftalmologiya Mərkəzinin bölgələrdə keçirdiyi humanitar aksiya davam edir. Mərkəzin 15 nəfərlik həkim heyəti səyyar klinika ilə bu dəfə Cəbrayıl rayonunun işğaldan azad edilmiş Cocuq Mərcanlı kəndinin sakinlərinə xidmət göstərib. Bu barədə oftalmologiya mərkəzinin elmi–təşkilat bölməsinin rəhbəri, tibb üzrə fəlsəfə doktoru Yazgül Abdiyeva məlumat verib. Y. Abdiyeva bildirib ki, müəyyən səbəblərə görə, bəzən bölgələrdən sakinlərin Bakı- ya gələrək müayinə olunması çətinlik yaradır. Bu məqsədlə də mərkəzin ən yüksək texnologiya ilə təchiz olunan səyyar klinika- sı ölkə əhalisinə yerlərdə xidmət göstərir. 2005-ci ildən indiyədək səyyar klinika respublikanın ra- yon və şəhərlərində bu qəbildən 125 aksiya keçirib. O, həmçinin qeyd edib ki, mərkəzin Azərbaycanın rayon və şəhərlərində həyata keçirdiyi tibbi aksiyalar ölkədə səhiyyə ilə bağlı reallaşdırılan layihələrin tərkib hissəsidir. Aksiyaların keçirilməsində məqsəd pasiyentlərin səhhətində olan problemlərin həllinə kömək göstərmək, göz xəstəlikləri ilə bağlı monitorinqlər aparmaq, əldə edilən nəticələri müzakirə etmək və problemlərin həllinə çalışmaqdır. Oftalmoloqlar bu aksiyalarda, maarifləndirmə işləri ilə də məşğul olublar. Onlar yerli sakinlərə bildiriblər ki, göz insan orqanizminin çox zərif və həssas bir üzvüdür. Ətraf mühitdən məlumatların 90 faizini göz vasitəsilə aldığımızdan, onları qorumaq hər kəsin ən ümdə borcudur. Özünü yeniləməyən, dəyişməyən yeganə orqan olan gözlər vaxtında müayinə və müalicə olunmadıqda həlli müşkül problemlər yaranır ki, bəzən də onların müalicəsi qey- ri-mümkündür. Oftalmoloqlar bu gün korluğun, zəif görmənin və digər xəstəliklərin qarşısını almaq üçün əvvəlcədən bir sıra profilaktik tədbirlər görürlər ki, bu, sözsüz, öz səmərəsini verir. Bölmə rəhbəri işğaldan azad edilən, abadlaşan, tikin- ti-quruculuq işlərinin davam etdiyi bu bölgəyə səfərinin həm də çox qürurverici olduğunu bildirərək 2016-cı ildə 2–5 aprel döyüşlərində Lələtəpə yüksəkliyi azad edildikdən sonra kəndin bərpasına şərait yarandığını və bərpadan sonra Qarabağa ilk qayıdışın baş- ladığını xatırladıb. Qoy bu sakinlər görsünlər ki, dövlətimiz və hökumətimiz Cocuq Mərcanlılara yaşayış üçün yara- dılan bu şəraitlə kifayətlənmir, onların sağlamlıqlarını da daim diqqət mərkəzində saxlayır. Qeyd edək ki, aksiya çərçivəsində Cocuq Mərcanlıda 120-dən çox xəstə müayinə edilib. Yerli sakinlər öz növbələrində görüş, müayinə və tövsiyələr üçün mərkəzin rəhbərliyinə və kollektivinə təşəkkür edib, onlara göstərilən qayğı və diqqət üçün Azərbaycan Prezidenti İlham Əliyevə minnətdarlıq ifadə ediblər.
Zərifə HÜSEYNOVA, “Xalq qəzeti” Azərbaycan xarici mediada
informasiya vasitələrinin diqqət mərkəzindədir. Ölkəmizdə keçirilən beynəlxalq tədbirlər, forumlar və idman yarışları respublikamıza turist axınının artması xarici mətbuatın da diqqətindən yayınmır. Fransanın kütləvi informasiya vasitələrində ölkəmizlə bağlı çox sayda məqalə yer alır. Fransanın “LaCroix” portalında Azərbaycanla bağlı silsilə məqalələr yayımlanıb. Müəllif Pola Buaye ölkəmizin əsrarəngiz təbiətindən, qədim ta- rixi abidələrindən, milli adət-ənənələrindən, müxtəlif millətlərin və dinlərin nümayəndələrinin mehriban yaşamasından, burada mövcud olan xristian kilsələrindən bəhs edir. Müəllif Xınalıq və Qırız kəndlərinin dünyada ən yüksək yaşayış məskənlərindən olduğunu bildirir. Azərbaycan təbiətinin fü- sunkarlığından bəhs edən P.Buaye bildirib ki, burada ilin bütün fəsillərində təbiətin əsrarəngiz mənzərələrini görmək olar. Məqalədə həmçinin Azərbaycanın qədim tarixi abidələrindən olan Şəki və Qəbələdəki alban məbədləri barədə də məlumat verilir. Şəki Xan Sarayının nadir memarlıq incilərindən biri olduğu vurğulanır. Müəllif ölkəmizin məşhur şəbəkə sənətini yüksək dəyərləndirərək bildirir ki, bu qədim sənət Şəkidə hələ də qorunub saxlanılır.
terrorizm ideologiyasını necə müdafiə etməsi ilə bağlı xeyli sayda sənədlər var. Bu faktlarla sənədli film çəkmək olar. Filmin ssenarisi artıq hazırdır, hətta müəyyən kadrlar da çəkilib. Düşünürəm ki, yanvarın sonu – fevralın əvvəllərində filmi yekunlaşdıra biləcəyəm. Bu sözləri AZƏRTAC-a müsahibəsində tanınmış tarixçi, qafqazşünas alim Oleq Kuznetsov deyib. Tarixçi qeyd edib ki, dünyada möv- cud olan müxtəlif terror qruplaşmaları ilə müqayisədə erməni terrorizmi özündə daha çox təhdid və hədələri birləşdirir: “Biz Azərbaycana qarşı törədilənlərin nümunəsində bunun çox şahidi olmuşuq. Bu mövzunu dərindən öyrənəndə məlum olur ki, hazırda erməni ekstremizmi hətta Rusiya dövlətçiliyini də təhdid altına alır. Tarixə nəzər salsaq, görərik ki, vaxtilə erməni terrorçuları Rusiyanın özündə bir sıra terror hadisələri törədiblər. Buna çoxsaylı misallar gətirmək olar. Erməni terrorizmi, erməni ekstremizmi haqqında faktları araşdıranda məlum oldu ki, bu ideologiya indi də davam etdirilir”. Oleq Kuznetsov erməni terrorizminin tarixi haqqında yazdığı kitabının 2015-ci ildə Bakıda, 2016-cı ildə isə Moskvada nəşr olunduğunu bildirib. Eyni zamanda, bu əsər 2015-ci ildə Stokholmda, 2016-cı ildə isə ingilis dilində Berlində böyük tirajla nəşr edilib. Qafqazşünas alim deyib: “Mənim kitablarımı dünyanın müxtəlif ölkələrində oxuyurlar. Erməni terrorizmi ilə bağlı kitabım çap olunandan sonra müxtəlif ölkələrdən elektron poçtuma bununla bağlı xeyli material gəlməyə başladı. Məsələn, Türkiyənin Ankara, İstanbul hava limanla- rında, Fransanın Orli hava limanında, son 7 ildə baş vermiş teraktlarla bağlı kifayət qədər məlumat aldım. Eyni zamanda, Belarusdan çoxsaylı materiallar göndərildi. Hamısı da kifayət qədər əhatəlidir. Onları yenidən işləmək, dəqiqləşdirmək xeyli vaxt aparacaq. Bu ilin ortalarından bu işlə məşğul olmağa başlayacağam.” Naxçıvan-Məşhəd-Naxçıvan sürət qatarının hərəkəti bərpa ediləcək
Naxçıvan beynəlxalq sürət qatarının hərəkəti yenidən bərpa ediləcək. “Azərbaycan Dəmir Yolları” QSC-nin ictimaiyyətlə əlaqələr şöbəsindən AZƏRTAC-a bildirilib ki, qatar yanvarın 11-dən etibarən hər həftə bir dəfə IV gün Naxçıvandan Bakı vaxtı ilə saat 7:00-da yola düşəcək, Məşhəd stansiyasına yanvarın 12-də İran vaxtı ilə saat 14:25-də çatıb, saat 22:00-da geriyə dönəcək. Naxçıvana qatar bazar günləri saat 6:00-da çatacaq. Qeyd edək ki, Naxçıvan-Məşhəd-Naxçıvan beynəlxalq sürət qatarı 2016-cı il dekabrın 29-da hərəkətə başlayıb. Müəyyən texniki səbəblərdən qatarın fəaliyyəti müvəqqəti dayandırılıb. Bu marşrut iki ölkə arasında dostluq, dəmir yolu və turizm əlaqələrinin davamlı inkişafına da dəstək olacaq. Ermənistan silahlı qüvvələrinin bölmələri iriçaplı pulemyotlardan istifadə edərək atəşkəs rejimini 118 dəfə pozub
bölmələri cəbhənin müxtəlif istiqamətlərində iriçaplı pulemyotlardan da istifadə edərək sutka ərzində atəşkəs rejimini 118 dəfə pozub. Müdafiə Nazirliyinin mətbuat xidmətindən AZƏRTAC-a bildiriblər ki, Ermənistan Respublikası Noyemberyan rayonu ərazisindəki adsız yüksəkliklərdə, İcevan rayonunun Parava- kar kəndində və adsız yüksəkliklərdə, Berd rayonunun Mo- sesqex, Çinari və Ayqedzor kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Azərbaycan Respublikasının Ağstafa rayonunun Köhnəqışlaq, Qazax rayonunun Kəmərli, Qaymaqlı, Cəfərli, Bala Cəfərli kəndlərində və adsız yüksəkliklərdə, Tovuz rayonunun Əlibəyli, Koxanəbi, Muncuqlu, Gədəbəy rayonunun Göyəli, Zamanlı kəndlərində və adsız yüksəkliklərdə yerləşən mövqelərimiz atəşə tutulub. Tərtər rayonunun işğal altında olan Çiləbürt, Ağdam rayonunun Tağıbəyli, Şıxlar, Baş Qərvənd, Cəvahirli, Abdinli, Qaraqaşlı, Sarıcalı, Yusifcanlı, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Aşağı Seyidəhmədli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxın- lığında, həmçinin Goranboy, Tərtər, Ağdam və Xocavənd rayon- ları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqelərinə atəş açılıb. Yüklə 1,1 Mb. Dostları ilə paylaş:
|