2006-cı ilin 9 ayının yekunları üzrə pul siyasətinin yerinə
yetirilməsi vəziyyəti haqqında
1. Makroiqtisadi durum və qlobal iqtisadi proseslər
2006-cı ilin 9 ayında Milli Bank makroiqtisadi sabitliyin və birrəqəmli
inflyasiyanın təmin olunmasına, ölkənin sosial-iqtisadi inkişaf proqramlarının
dəstəklənməsinə yönəlmiş pul siyasəti yeritmişdir. Pul siyasəti qarşısında duran
vəzifələrin yerinə yetirilməsinə ölkə daxilində və xaricində baş verən iqtisadi
proseslər də təsir göstərmişdir.
Makroiqtisadi vəziyyət. 2006-cı ildə ölkədə iqtisadi artım tempi daha da
sürətlənmişdir. 9 ayda iqtisadiyyatın əsas makroiqtisadi göstəricisi olan ÜDM-in
34%-lik artımı baş vermişdir. Əvvəlki ilin müvafiq dövrünə nisbətən sənaye
məhsulunun istehsalında 39.2%, yük daşınmasında 9.4%, rabitə xidmətlərində
22.7%-lik, əmtəə dövriyyəsində 12.6%-lik artıma nail olunmuşdur.
Bazar iqtisadiyyatlı ölkə statusu üçün vacib şərt olan özəl sektorun
iqtisadiyyatdakı rolu da artmaqdadır. 2006-сı ilin I yarısında ÜDM-in 75%-dən
çoxu, o cümlədən sənaye məhsulunun 75.8%-i, kənd təsərrüfatı məhsulunun 99%-
i, əsaslı kapitala investisiya qoyuluşlarının 77.3%-i, yükdaşımaların 55%-i, rabitə
xidmətlərinin 72.4%-i qeyri-dövlət bölməsinin payına düşmüşdür.
İnflyasiya 2006-cı ilin sentyabr ayında ilin əvvəlinə nisbətən 6,2%, əvvəlki
ilin müvafiq ayına nisbətən 10,3% təşkil etmişdir. Mövsümi tərəddüdlərə məruz
qalan və inzibati tənzimlənən qiymətlərin çıxarılması yolu ilə hesablanan baza
inflyasiya isə ilin əvvəlinə nisbətən 6%, əvvəlki ilin müvafiq ayına nisbətən 8,2%
olmuşdur.
İnflyasiya modeli göstərir ki, yarım 9 ay ərzində inflyasiyanın 39.1%-i
monetar faktorlarla bağlı olmuşdur. Dövr ərzində pul kütləsi, nominal effektiv
məzənnə, dizelin bahalaşması, mövsüm kimi ənənəvi amillərlə yanaşı, dünya
bazarında şəkərin qiymətinin yüksəlməsi kimi qeyri-ənənəvi amillər də qiymətlərin
dəyişiminə təsir göstərmişdir.
İqtisadiyyatın gələcək inkişafını təmin edən əsas amil kimi əsaslı kapitala
investisiyanın həcmi ötən illə müqayisədə 16.4% artaraq 4.2 mlrd. AZN təşkil
etmişdir. Bunun da 60.3%-ni və ya 2,6 mlrd. AZN-ni xarici investisiyalar təşkil
etmişdir. Daxili investisiyalar ötən ilin müvafiq dövrünə nəzərən 52,8% artmışdır.
İqtisadiyyata investisiyaların 39.6%-i qeyri-neft sektoruna yönəldilmişdir.
Son illər Azərbaycanın xarici ticarət balansında müşayiət olunan müsbət
meyllər bu ildə də davam etmişdir. Dünya bazarında neftin qiymətinin yüksək
olaraq qalması ölkənin xarici balansının daha da yaxşılaşmasına zəmin yaratmışdır.
Xarici ticarət dövriyyəsi yanvar-avqust aylarında 7003.4 mln.$ təşkil etmişdir ki,
bunun da 3658.1.5 mln. $ ixracın, 3345.3 mln. $ isə idxalın payına düşür.
2005-ci
ilin yanvar-avqust ayları ilə müqayisədə xarici ticarət dövriyyəsinin ümumi həcmi
38.2%, o cümlədən ixrac 1.7 dəfə, idxal isə 14.5% artmışdır.
Əhalinin sosial vəziyyətinin də yaxşılaşması davam etmişdir. Belə ki, orta
aylıq əmək haqqı 138.5 AZN-ə çatmış və onun artım tempi 19.9% təşkil etmişdir.
Əhalinin gəlirlərinin artması isə öz növbəsində alıcılıq qabiliyyətinin yüksəlməsinə
səbəb olaraq real sektorun inkişafına zəmin yaradan amillərdən biri olmuşdur.
Dünya maliyyə və əmtəə bazarlarında baş verən meyllər. Aparıcı ölkələrin
iqtisadiyyatında baş verən proseslər onların maliyyə bazarlarının indikatorlarında
öz əksini tapmışdır.
Hesabat dövründə ABŞ dollarının məzənnəsi dünyanın aparıcı valyutalarına
nəzərən müxtəlif istiqamətlərdə dəyişmişdir.
Belə ki, 2006-cı ilin 9 ayında ABŞ
dollarının məzənnəsi avroya nəzərən 4.8%, Rus rubluna nəzərən 6.9%, İsveçrə
frankına nəzərən 2.6%, İngilis funt sterlinginə nəzərən 6.4%, Qazax təngəsinə
nəzərən 4.9% dəyərdən düşdüyü halda, Türkiyə lirəsinə nəzərən 12.8% , Yapon
yeninə nəzərən 1.4% möhkəmlənmişdir.
Qeyd edək ki, bu dövrdə dolların məzənnəsinə ABŞ-ın xarici ticarət
balansındakı kəsirin artması azaldıcı, Federal Ehtiyat Sistemi tərəfindən uçot
dərəcəsinin yüksəldilməsi (dövr ərzində FES-nin uçot dərəcəsi 4 dəfə
dəyişdirilərək 4.25%-dən 5.25%-ə qaldırılmışdır) isə artırıcı təsir göstərmişdir.
Hesabat dövrü ərzində əsas fond indekslərinin səviyyəsində əhəmiyyətli
dəyişiklik baş verməmişdir. Belə ki, Nyu York Fond Birjasında hərraca çıxarılan
30 ən iri sənaye şirkətinin orta qiymətini əks etdirən Dou Cons indeksi 7.7%,
ABŞ-ın 100 ən iri yüksək texnoloji şirkətinin səhmlərinin qiymətləri əsasında
hesablanmış Nasdaq indeksi isə 0.3% artmışdır. Tokio Fond Birjasında hərraca
çıxarılan 225 ən iri şirkətin səhmlərinin qiymətləri əsasında hesablanmış Nikkey
indeksi 2.1% azalmış, Avropanın 100 ən iri şirkətinin səhmlərinin qiymətləri
əsasında hesablanmış FTSE eurotop 100 indeksi 5.2% artmış, Almaniya Fond
Birjasında hərraca çıxarılan 100 ən iri şirkətin səhmlərinin orta qiyməti-DAX
indeksi 8.4% yüksəlmışdır.
2006-cı ilin 9 ayında dünya bazarında Brent markalı neftin orta qiyməti
68.5 ABŞ dolları təşkil etmişdir.
Bu da 2005-ci ilin 9 ayında olduğundan (54.6$)
25.5% çox olmuşdur. Neftin qiymətinin qalxmasına İranın nüvə proqramı
ətrafında yaranan ajiotaj, OPEC tərəfindən neft hasilatı həcminin azaldılacağının
mümkünlüyünə dair fikirlərin səslənməsi, habelə Nigeriyadakı qeyri-sabit siyasi
vəziyyət kimi amillər təsir göstərmişdir.
Hesabat dövrü ərzində dünya bazarlarında qızılın qiymətinin də kəskin
artması müşahidə olunmuşdur. Belə ki, beynəlxalq banklararası bazarda qızılın
spot qiyməti 1 yanvarda 517 ABŞ dolları olduğu halda, hesabat dövrünün sonuna
16,5% (və ya 85.4 ABŞ dolları) artaraq 602.4 ABŞ dolları səviyyəsinə
yüksəlmişdir. Qızılın dünya bazarlarında qiymətinin yüksəlməsinə əsas səbəb
İranın nüvə proqramı ətrafında yaşanan qeyri-müəyyənlik nəticəsində investorlar
tərəfindən etibarlı investisiya obyekti olan qızıla marağın artması olmuşdur.
2. Pul siyasəti
2
Pul siyasətinin hədəfləri və alətləri. Milli Bank nəzərdə tutduğu tək rəqəmli
inflyasiyaya nail olmaq üçün açıq bazar əməliyyatları, faiz dərəcələri, habelə
məcburi ehtiyat normaları kimi alətlərdən istifadə etməklə pul kütləsinə təsir
göstərmişdir.
Hesabat dovru ərzində notların yerləsdirilməsi üzrə Milli Bank tərəfindən
39 auksion keçirilmişdir. Emissiyanın ümumi həcmi 714 mln. AZN təşkil etmişdir.
Yerləşdirilmiş notların həcmi isə 506,4 mln AZN təskil etmişdir. Hesabat dövru
ərzində Milli Bankın qısamüddətli notları üzrə orta ölcülmüş gəlirlilik artaraq,
dövrun əvvəlində keçirilmiş ilk auksiondakı 11,29%-dən sonuncu auksionda
15,09%-dək yuksəlmişdir.
Hesabat dövrünün sonuna dövriyyədə olan notların
həcmi 73,4 mln. AZN təşkil etmişdir.
Bankların likvid vəsaitlərə ehtiyacını, onların müştərilər qarşısında
öhdəliklərin vaxtında icrasını təmin etmək məqsədilə hesabat dovrundə aparılmış
əks-REPO əməliyyatlarının (1 gunluk) həcmi 47,7 mln. AZN təskil etmişdir.
REPO əməliyyatları uzrə orta faiz dərəcəsi isə 4-8% diapozonunda olmuşdur.
Hesabat dövru ərzində Əks-REPO əməliyyatlarının (1 günlük) həcmi 30,4 mln.
AZN təskil etmişdir. Əks-REPO əməliyyatları üzrə orta faiz dərəcəsi 16% təşkil
etmişdir.
Hesabat dövründə uçot dərəcəsi 1 dəfə dəyişdirilmiş, iyul ayının 3-də 9%-
dən 9.5%-ə yüksəldilmişdir.
Məzənnə. Neftin bir barrelinin dünya qiymətinin yüksək olaraq qalması,
xarici investisiyaların yüksək templə artmaqda davam etməsi və neft gəlirlərinin
geniş istifadəsi şəraitində hesabat dövründə də xarici valyutanın təklifi manatın
təklifini üstələmişdir.
Nəticədə 2006-cı ilin 9 ayında manatın ABŞ dollarına qarşı
rəsmi məzənnəsi 4.6% güclənmişdir.
Manatın dollara nəzərən nominal ikitərəfli məzənnəsinin möhkəmlənməsinə
baxmayaraq 2006-cı ilin 9 ayında manatın əsas ticarət partnyoru olan ölkələrin
valyutalarına nisbətən orta dəyişimini xarakterizə edən nominal effektiv məzənnəsi
demək olar ki, sabit qalmışdır.
Belə ki, bu göstərici ümumi ticarət çəkili 0.4%,
ixrac çəkili 1.1% aşağı düşmüş, idxal çəkili isə 0.5% bahalaşmışdır.
Manatın real effektiv məzənnəsi 2006-cı ilin 9 ayında ümumi ticarət
dövriyyəsi üzrə 2.3%, idxal çəkili 2.4%, ixrac çəkili isə 2.2% artmışdır. Qeyri-neft
sektoru üzrə real effektiv məzənnə ümumi ticarət dövriyyəsi üzrə 3.3%, idxal
çəkili 3.4%, ixrac çəkili 1.2% artmışdır.
Lakin, uzunmüddətli dövrdə ölkənin beynəlxalq rəqabət qabiliyyəti əlverişli
olaraq qalmaqdadır. Belə ki, 2006-cı ilin sentyabrında 2000-ci ilin dekabrına
nisbətən manatın qeyri-neft sektoru üzrə real effektiv məzənnəsi 7,7%
ucuzlaşmışdır və ona görə də hesabat dövründəki möhkəmlənmə qeyri-neft
ixracatının beynəlxalq rəqabətliliyinə elə bir ciddi təsir göstərməyəcəkdir.
Milli Bank valyuta bazarında tələb və təklifi tənzimləmək yolu ilə manatın
məzənnəsinə təsir etmişdir. 9 ay ərzində Мilli Bankın valyuta bazarına
müdaxiləsi alışyönlü olmuş və 540.3 mln. $ təşkil etmişdir.
Milli Bankın sərəncamında olan valyuta ehtiyatlarının həcmi 2006-cı ilin 9
ayının yekunu üzrə ilin əvvəli ilə müqayisədə (961,71 mln. ABŞ dolları) 58,3% və
ya 560.6 mln. ABŞ dolları artaraq 1522,3 mln.ABŞ dollarına catmışdır.
3
Monetar idarəetmənin institutsional inkişafı.
Pul siyasəti qarşısında
qoyulan vəzifələrə nail olmaq üçün hesabat dövründə monetar idarəetmənin
institutsional inkişafı da diqqət mərkəzində saxlanılmışdır.
Monetar idarəetmə mexanizminin çox önəmli elementlərindən biri olan
mükəmməl iqtisadi tədqiqat bazasının dərinləşdirilməsi istiqamətində işlər
davam etdirilmişdir.
Baza inflyasiyanı səmərəli hədəfləyə bilən və maliyyə stabilliyini təşviq edən
pul siyasəti mexanizminin yaradılması məqsədilə
Azərbaycanda maliyyə sistemi və
pul siyasətinin transmissiya mexanizminin xüsusiyyətlərinin qiymətləndirilməsi
mövzusunda tədqiqat aparılmışdır. Tədqiqat işində pul siyasətinin ənənəvi
transmissiya kanalları və bu sahədə mövcud olan nəzəri fikirlərin izahı verilmiş,
digər ölkələrin təcrübəsi əsasında pul siyasətinin transmissiyası ilə bağlı aparılmış
tədqiqatların xülasəsi və onların ümumiləşdirilmiş nəticələri təqdim olunmuşdur.
Eyni zamanda burada siyasət alətləri və ya əməliyyat hədəflərinin maliyyə sektoru
göstəricilərinə və bunun vasitəsilə real sektor göstəricilərinə təsirləri müddət və
kəmiyyət baxımından qiymətləndirilmişdir. Bu qymətləndirmə siyasət
əməliyyatlarından asılı olaraq müxtəlif transmissiya kanalları üzrə həyata
keçirilmişdir. Tədqiqatda həmçinin pul siyasətinin son hədəfi olan inflyasiyanın
monetar göstəricilərdən asılılığı və bu asılılığın kəmiyyətcə qiymətləndirilməsi
məsələləri şərh edilmişdir. İnflyasiya proseslərinin qısa və uzun müddətli dövrdə
monetar göstəricilərə reaksiyasının fərqlənməsi və inflyasiyaya keçici, şok
xarakterli təsirlər təhlil olunur.
Kəmiyyət və dəyər parametrlərinin hədəflənməsi üzərində qurulmuş pul
siyasəti rejimləri üzrə beynəlxalq təcrübə öyrənilmişdir. Müasir mərkəzi bankların
təcrübəsində pul siyasəti həyata keçirilərkən istifadə olunan müxtəlif strategiyalar
tədqiq olunmuşdur. Pul siyasətinin taktikasının müxtəlif operativ hədəflər
üzərində qurulması və bunun üçün əsas meyarların seçilməsi, seçilən hədəflərin
müsbət və mənfi cəhətləri araşdırılmış və müəyyən edilmişdir ki, ümumilikdə
inkişaf etməkdə olan və keçid dövrünü yaşayan ölkələrdə kəmiyyət parametrlərinin
hədəflənməsi rejiminə üstünlük verilir. Lakin, həmçinin pul siyasətinin
transmissiyasında maliyyə vasitəçiliyinin rolunun getdikcə artması tendensiyasını
nəzərə alaraq əksər keçid tipli ölkələr dəyər parametrlərinin hədəflənməsi rejiminə
keçidi pul siyasətinin perspektiv strategiyası kimi qarşılarına məqsəd qoymuşlar.
Məcburi ehtiyat normasının monetar göstəricilərə təsiri mövzusunda tədqiqat
aparılmışdır. Tədqiqat işində bu sahədə dünyanın bir sıra aparıcı mərkəzi
banklarının təcrübəsi öyrənilmiş, pul siyasətinin transmissiya mexanizminin
kanallarında biri olan məcburi ehtiyat normasının pul multiplikatoru, kredit təklifi
və faiz dərəcələri mexanizmləri vasitəsilə monetar sektora mümkün təsirləri və
monetar göstəricilərin məcburi ehtiyat normasına reaksiyası araşdırılmışdır.
Yekunda iqtisadiyyatının məxsusi cəhətləri nəzərə alınmaqla müvafiq təkliflər irəli
sürülmüşdür.
İqtisadi siyasətin koordinasiyası və makroiqtisadi idarəetmə konsepsiyasının
layihəsinin işlənməsi çərçivəsində Azərbaycanda Orta Müddətli Xərclər
Sstrtaegiyasının tətbiqi barədə konsepsiya layihəsi hazırlanmışdır.
Çünki,
təhlillər
nəticəsində müəyyən edilmişdir ki, makroiqtisadi idarəetmənin ən effektiv təşkili
4
mexanizminin əsasında Orta Müddətli Xərc Strategiyası (OMXS) dayanır. Bu, orta
müddətli dövrdə fiskal çərçivəni müəyyən edir. OMXS-in Albaniya, Çexiya,
Cənubi Koreya, Pakistan, Hindistan, İsveç, Finlandiya, Gürcüstan, Norveç,
Finlandiya kimi ölkələr üzrə tətbiqi məsələsi araşdırılmışdır.
İqtisadi siyasətin koordinasiyası və makroiqtisadi idarəetmə konsepsiyasının
layihəsinin işlənməsi çərçivəsində həmçinin artıq maliyyə proqramının tərtibi üzrə
metodoloji rəhbərlik hazırlanmışdır. Maliyyə proqramının sistem şəklində
formalaşdırılması üçün zəruri tədbirlər planı hazırlanmış, ölkə iqtisadiyyatının
xüsusiyyətlərini nəzərə alaraq makroiqtisadi hesablar çərçivəsində neft və qeyri-
neft sahələrinin birbirindən ayrılması metodologiyası müəyyənləşdirilmişdir.
3. Monetar indikatorlar və maliyyə bazarları
İqtisadiyyatın pulla təminatı vəziyyəti. 2006-cı ilin 9 ayında iqtisadi artımın
daha da sürətlənməsi şəraitində pul təklifinin artımı davam etmişdir.
Sentyabr ayının yekunu üzrə manatla pul bazası ötən ilin müvafiq ayı ilə
müqayisədə 62.6% artmış və 1193.4 mln. AZN təşkil etmişdir.
Geniş mənada
manatla pul kütləsi (М-2) isə son bir ildə 82.5% artaraq 1530.6 mln. AZN-ə
çatmışdır.
Bank sisteminin pul yaratmaq qabiliyyətini xarakterizə edən göstəricilərin
yaxşılaşması müşahidə edilmişdir.
Belə ki, pul multiplikatoru (manatla geniş pul
kütləsinin manatla pul bazasına nisbəti) 2006-cı ilin sentyabrında ilin əvvəlinə
nəzərən 10.3% artmışdır. Ölkədə bank infrastrukturunun sürətli inkişafı, xüsusən
də mütərəqqi ödəniş sistemlərinin tətbiqi, iri və xırda ödənişlər üzrə banklararası
elektron hesablaşmalar sisteminin yaradılması, plastik kart dövriyyəsinin
genişlənməsi bank sisteminin pul yaratmaq qabiliyyətinin artmasına əlavə stimul
verməkdədir.
Depozit bazarı. 2006-cı ilin sentyabr ayında əmanət və depozitlərin həcmi
ötən ilin müvafiq ayı ilə müqayisədə 42.6% artaraq 1805.9 mln. AZN-ə çatmışdır.
O cümlədən hüquqi şəxslərin depozitləri 44.6% atrataq 1172.6 mln. AZN təşkil
etmişdir.
Fiziki şəxslərin əmanətlərinin artımı da davam etmişdir. Belə ki, fiziki
şəxslərin əmanətləri son bir ildə 52.2% artmış və 633.3 mln. AZN təşkil etmişdir.
Hesabat dövrünün sonuna banklar tərəfindən cəlb olunmuş əmanətlərin 60.6%-i
özəl bankların payına düşmüşdür.
Qeyd edək ki, rezidentlərlə yanaşı qeyri-rezident fiziki şəxslər tərəfindən
də əmanət qoyuluşları yüksək templə artmaqdadır. Belə ki, 1 oktyabr 2006-cı il
tarixinə ötən ilin müvafiq dövrü ilə müqayisədə qeyri-rezident fiziki şəxslərin
əmanətləri 46.8% artmışdır.
Əmanətlərin valyutalar üzrə strukturunun təhlili iqtisadi subyektlərin manata
olan inamının artdığını göstərir. Belə ki, ötən ilin müvafiq dövrü ilə müqayisədə
2006-cı ilin sentyabrında əhalinin xarici valyuta ilə əmanətləri 30% artdığı halda,
manatla əmanətlər 3.2 dəfə artmışdır. Bu amil pul kütləsinin strukturunu
5
yaxşılaşdırmaqla manatın iqtisadi dövriyyədə rolunun daha da möhkəmlənməsinə
əlverişli zəmin yaradır.
Son bir ildə depozitlər üzrə faiz dərəcələrində yüksəlmə müşahidə
edilmişdir. Belə ki, 2006-cı ilin sentyabr ayında manatla depozitlər üzrə orta faiz
dərəcəsi 2005-ci ilin sentyabrındakı 8.1%-dən 10.7%-ə, xarici valyuta ilə
depozitlər üzrə orta faiz dərəcəsi isə 10.2%-dən 11.5%-ə qalxmışdır. Qeyd edək ki,
bu dövrdə ən yüksək artım müddəti 1 ayadək olan depozitlərin faiz dərəcələri üzrə
müşahidə edilmişdir.
Kredit qoyuluşları
.
2006-cı ilin sentyabrında kredit qoyuluşlarının həcmi
ötən ilin müvafiq ayı ilə müqayisədə 61.8% artaraq 2015.1 mln. AZN təşkil
etmişdir.
Kredit qoyuluşlarının ÜDM-də (qeyri-neft sektorunun ÜDM-i) xüsusi çəkisi
2006-ci ilin 9 ayında ötən ilin müvafiq dövrü ilə müqayisədə 6.6% bəndi
yüksəlmişdir.
Yeni verilmiş kreditlərin həcmi 2006-cı ilin yanvar-sentyabr aylarında
2307.8 mln. AZN təşkil etmişdir ki, bu da ötən ilin müvafiq dövründə olduğundan
35.8% çoxdur.
Təhlil olunan dövr ərzində kredit qoyuluşlarının sahəvi strukturunda
köklü dəyişikliklər müşahidə edilməmişdir. Qeyri-maliyyə müəssisələri olan
hüquqi şəxslərə kredit qoyuluşları ötən ilin müvafiq dövrünə nəzərən 64.1% artmış
və onun cəmi kredit qoyuluşunda xüsusi çəkisi 68.2% təşkil etmişdir. Son bir il
ərzində sənaye və istehsala yönələn kreditlərin məbləği 2.1 dəfə artaraq 161.2
mln.AZN, ticarət və xidmətə verilən kreditlərin məbləği 80.9% artaraq 567.3
mln.AZN, kənd təsərrüfatı və emala yönələn kreditlərin məbləği 49.7% artaraq
127.4 mln.AZN, nəqliyyat və rabitə sektorlarına verilən kreditlərin məbləği isə
67.5% artaraq 202.7 mln.AZN təşkil etmişdir. İqtisadiyyatın digər sahələrinin
inkişafına təkan verə biləcək sahə olan inşaat və əmlak sektoruna yönələn
kreditlərin məbləği 2 dəfə artaraq 137.6 mln.AZN-ə çatmışdır.
Fiziki şəxslərə verilən kreditlərin məbləği 63.8% artaraq 617.3 mln.AZN
təşkil etmişdir ki, bunun da 3.6%-i plastik kartlarla əməliyyatlar üzrə kreditlərin
payına düşür.
Ötən ilin müvafiq dövrünə nəzərən qısamüddətli kredit qoyuluşları 28.9%,
uzun müddətli kredit qoyuluşları isə 2.2 dəfə artmışdır. Kredit qoyuluşlarında
uzunmüddətli kreditlərin xüsusi çəkisi ötən ilin müvafiq dövründəki 37.4%-dən
hesabat dövrünün yekunu üzrə 50.1%-ə yüksəlmişdir. Qeyd edək ki, son vaxtlar
ipoteka kreditləşməsi mexanizminin işə düşməsi uzun müddətli kredit
qoyuluşlarının artımına əlavə stimul verməkdədir.
Kredit qoyuluşlarının 97.1%-i bankların, 2.9%-i isə qeyri-bank kredit
təşkilatlarının payına düşür. Banklar tərəfindən verilmiş kreditlərin strukturunda
özəl bankların payı 50%-dən çox təşkil etmişdir.
Ötən ilin müvafiq dövrünə nəzərən dövlət sektoruna verilmiş kreditlər 7%
azaldığı halda, özəl sektora verilmiş kreditlər 76.8% artmış və kredit
qoyuluşlarında özəl sektorun payı 89.7%-ə yüksəlmişdir.
Manatın sərbəst dönərli valyutalara nəzərən məzənnəsinin möhkəmlənməsi
kredit qoyuluşlarının valyuta strukturuna da təsir göstərmişdir. Manatla kredit
6
qoyuluşları 2006-cı ilin sentyabrında ötən ilin müvafiq dövrü ilə müqayisədə
81.5%, xarici valyuta ilə kredit qoyuluşları isə 49.2% artmışdır. 9 ayın sonuna
kredit qoyuluşlarının 56.2%-ni xarici valyuta ilə verilmiş kreditlər təşkil etmişdir
ki, bu da ötən ilin müvafiq dövründə olduğundan 4.8% azdır.
2006-cı ilin sentyabr ayında ötən ilin müvafiq ayına nəzərən kreditlər üzrə
nominal faiz dərəcələrində kəskin dəyişikliklər baş verməmişdir.
2006-cı ilin
sentyabr ayında milli valyuta ilə kreditlər üzrə orta faiz dərəcələri ötən ilin müvafiq
ayına nisbətən 0.6% artmış və 01.10.06 tarixinə 16.2% təşkil etmişdir. Manatla
hüquqi şəxslər üzrə orta faiz dərəcələri ötən ilin müvafiq ayına nəzərən 0.2%
azalaraq 14.8%, fiziki şəxslər üzrə orta faiz dərəcələri isə 2.4% artaraq 19.9%
təşkil etmişdir
.
Xarici valyutada verilmiş kreditlər üzrə orta faiz dərəcələri ötən ilin
sentyabrındakı 17.5%-ə qarşı 17.2% təşkil etmişdir. Bu dövrdə hüquqi şəxslərə
xarici valyutada verilən kreditlər üzrə orta faiz dərəcəsi ötən ilin sentyabrındakı
15.8%-dən hesabat dövrünün sonuna 15%-ə enmiş, fiziki şəxslərə verilən kreditlər
üzrə faiz dərəcəsi isə 21.2%-dən 21.7%-ə yüksəlmişdir.
Mütəşəkkil Banklararası Kredit Bazarı. Hesabat dövru ərzində Mutəşəkkil
Banklararası Kredit Bazarında əqdlər manat və ABŞ dolları ilə bağlanmışlar.
Manatla bağlanmış əqdlərin ümumi həcmi 10,8 mln. AZN təskil etmisdir.
Bağlanmış əqdlər üzrə orta illik faiz dərəcəsi 12,5% təşkil etmişdir. Müvafiq dövr
ərzində ABS dolları ilə baglanmış əqdlərin həcmi 6,3 mln ABS dolları təşkil
etmişdir. Verilmiş kreditlərin müddəti 2-183 gün arasında dəyişmişdir.
Dövlət qısamuddətli istiqrazlar bazarı. 2006-cı ilin 9 ayı ərzində Maliyyə
Nazirliyi tərəfindən Dövlət qısamuddətli istiqrazların yerləşdirilməsi üzrə 25
hərrac kecirilmişdir. Emissiyanın həcmi 117 mln. AZN, yerləşdirilmis DQI-lərin
həcmi isə 61,1 mln. AZN təskil etmişdir. Orta ölçülmuş gəlirlilik ilk hərracda
12,4% təşkil etdiyi halda, sonuncu hərracda 14,4% səviyyəsinə yuksəlmişdir. Dövr
ərzində gəlirliyin kəskin aşağı düşməsi halları da olmuşdur. Belə ki, 2006-cı ilin
mart və aprel aylarında keçirilən 3 hərracda Dövlət qısamüddətli istiqrazları üzrə
orta ölcülmüş gəlirlilik dərəcəsi müvafiq olaraq 5,61%, 5,41% və 5,32% təşkil
etmişdir. Dövrün sonuna dövriyyədə olan DQI-rin həcmi 28,1 mln. AZN təşkil
etmişdir.
Valyuta bazarı. Valyuta bazarının həcmi 2006-cı ilin 9 ayında ötən ilin
müvafiq dövrü ilə müqayisədə 7.2% artaraq 7,1 mlrd. ABŞ dolları təşkil etmişdir.
Valyuta əməliyyatlarının 86.7%-i ABŞ dolları ilə, 10.9%-i Avro ilə, 2%-i Rusiya
rublu ilə və 0.3%-i digər valyutalarla aparılmışdır. Ötən ilin müvafiq dövrü ilə
müqayisədə avro ilə əməliyyatların həcminin ciddi artımı qeydə alınmışdır.
Belə
ki, ötən ilin 9 ayında avro ilə əməliyyatlar ümumi valyuta əməliyyatlarının 7.1%-ni
təşkil etmişdi.
7
Dostları ilə paylaş: |