24 dekabr 2017-ci il, bazar
16
Məsul katib: 493-61-02
Şöbələr: 493-59-03 (8 xətli), 493-69-47, 493-34-13,
493-34-23, 493-59-47, 493-45-18, 493-33-01, 598-84-13.
Reklam və elanlar: 493-82-21, Faks: (99 412) 493-02-80, 598-28-64;
E-mail: info@xalqqazeti.com, xalqqazeti@gmail.com
BAŞ REDAKTOR
HƏSƏN
HƏSƏNOV
T E L E F O N L A R:
“Xalq qəzeti”nin kompüter mərkəzində yığılıb və səhifələnib,
“Azərbaycan” nəşriyyatında ofset üsulu ilə çap olunub.
Ü N V A N I M I Z:
AZ-1000, Bakı şəhəri, Bülbül prospekti, 30.
Şəhadətnamə 022273
Çapa imzalanmışdır 3:00
İNDEKS
TİRAJ
SİFARİŞ
QİYMƏTİ
0282
7369
3659
40 qəpik
Kuba
Kastro erası başa çatır
Kuba lideri Raul
Kastro 2018-ci ilin
aprelində öz postunu
tərk edəcək. Bildirilir
ki, əvvəlcə bunun
fevral ayında baş
tutacağı planlaşdırılsa
da, dekabrın 21-də
parlament Kastronun
səlahiyyətlərinin daha
iki ay uzadılmasına səs verib
Qeyd edək ki, bu, Kuba tarixində təxminən 60 illik Kastro
erasına son qoyacaq. Ölkənin yeni rəhbəri beş il müddətinə
seçiləcək.
Məlumatı “Euronews” yayıb.
Yaponiya
JAXA kosmosa 2 süni peyk göndərib
Yaponiya Ae-
rokosmik Məkanın
Mənimsənilməsi
Agentliyi (JAXA)
kosmosa iki süni
peyk göndərib. Bildi-
rilir ki, bunlar – “Shi-
kisai” və “Tsubame”
peykləridir. JAXA-
nın məlumatına görə,
“Şhikisai” meteo-
roloji peyki 800 kilometr hündürlükdə orbitə yerləşdirilərək
və atmosferdəki mikroskopik çirklənməni ölçəcək. “Tsubame”
süni peyki isə eksperiment xarakteri daşıyır.
Xəbəri NHK verib.
Rusiya
100 karatlıq almaz tapılıb
Rusiyanın “Alrosa” şirkəti Yakutiyada miyonlarla dollar
dəyərində qiymətləndirilən 98,63 karat çəkidə almaz çıxarıb.
Səkkizbucaqlı şəffaf kristal formasında olan almazın diametri 3
santimetrə yaxındır.
Bildirilir ki, həmin yataqdan bu ilin əvvəlindən çəkisi 50
karatı keçən 20-dən çox almaz hasil edilib.
Xəbəri “Novate.ru” verib.
ABŞ
10 min avtomobil geri çağırılır
“Fiat Chrysler
Automobiles”
(FCA) şirkəti Rusiya
bazarında atılmış 10
mindən çox “Jeep”
avtomobilini geri ça-
ğırıb. Bildirilir ki, bu
qərar avtomobillərin
əyləc sistemində
qeydə alınan qüsur-
larla bağlıdır. Şirkətin
yaydığı məlumatda qeyd olunur ki, geri çağırılma 2011-ci ilin
noyabrından 2014-cü ilin sentyabrınadək Rusiyada satılmış
“Grand Cherokee” modellərinə şamil olunur.
Xəbəri “Bloomberg” verib.
İspaniya
Messi yenə birincidir
Planetin 100 ən yaxşı
futbolçusunun reytinqi
tərtib olunub. Bu siyahıya
yenə də “Barselona”nın
hücumçusu Lionel
Messi başçılıq edir. O,
2-ci pillədə qərarlaşan
Kriştianu Ronaldunu
42 bal qabaqlayır. Qeyd
edək ki, siyahının 3-cü
pilləsində “Barselona”nın
sabiq hücumçusu Neymar
qərarlaşıb.
Məlumatı “The Fuar-
dian” yayıb.
Hazırladı:
Elçin ABBASOV, “Xalq qəzeti”
Â
Dekabrın 24-də
Â
Bakıda və Abşeron yarımadasında
buludlu
hava şəraiti üstünlük təşkil edəcək. Gündüz bəzi
yerlərdə yağış yağacağı gözlənilir. Arabir zəif
duman olacaq. Arabir güclənən şimal-qərb küləyi
əsəcək. Gecə 4-7, gündüz 8-11, Bakıda gecə
4-6, gündüz 8-10 dərəcə isti olacaq. Atmosfer
təzyiqi 753 mm civə sütunundan 759 mm civə
sütununa yüksələcək, nisbi rütubət 70-80 faiz
olacaq.
Â
Naxçıvan Muxtar Respublikasında arabir
yağış, dağlıq ərazilərdə qar yağacağı gözlənilir.
Ayrı-ayrı yerlərdə duman olacaq. Qərb küləyi
əsəcək, ayrı-ayrı yerlərdə arabir güclənəcək.
Gecə 3 dərəcə şaxtadan 2 dərəcəyədək isti,
dağlıq ərazilərdə 9-11 dərəcə şaxta, gündüz 3-8
dərəcə isti olacaq.
Â
Yuxarı Qarabağ: Xankəndi, Şuşa, Xocalı,
Xocavənd, Qubadlı, Zəngilan, Laçın, Kəlbəcər,
həmçinin Daşkəsən-Gədəbəy rayonlarında
arabir yağıntılı olacağı, qar yağacağı gözlənilir.
Bəzi yerlərdə intensiv olacağı ehtimalı var. Ayrı-
ayrı yerlərdə duman olacaq. Qərb küləyi əsəcək,
ayrı-ayrı yerlərdə arabir güclənəcək. Gecə 0-5
dərəcə şaxta, gündüz 3-6 dərəcə isti olacaq.
Â
Qazax, Gəncə, Goranboy, Tərtər, Ağdam,
Füzuli, Cəbrayıl rayonlarında bəzi yerlərdə
arabir yağış yağacağı gözlənilir. Dağlıq ərazilərdə
qar yağacağı ehtimalı var. Səhər ayrı-ayrı
yerlərdə duman olacaq. Qərb küləyi əsəcək,
ayrı-ayrı yerlərdə arabir güclənəcək. Gecə 0-5,
gündüz 6-10 dərəcə isti olacaq.
Â
Balakən, Zaqatala, Qax, Şəki, Oğuz,
Qəbələ, İsmayıllı, Ağsu, Şamaxı, Siyəzən,
Şabran, Xızı, Quba, Xaçmaz, Qusar rayonla-
rında arabir yağış, bəzi yerlərdə qar yağacağı
gözlənilir. Ayrı-ayrı yerlərdə intemsiv olacağı
ehtimalı var. Arabir duman olacaq. Qərb küləyi
əsəcək, ayrı-ayrı yerlərdə arabir güclənəcək.
Gecə 3 dərəcə şaxtadan 2 dərəcəyədək isti, gün-
düz 4-8 dərəcə isti, dağlarda gecə 3-8, gündüz
0-3 dərəcə şaxta olacaq.
Â
Mərkəzi Aran: Mingəçevir, Yevlax, Göyçay,
Ağdaş, Kürdəmir, İmişli, Ağcabədi, Beyləqan,
Sabirabad, Biləsuvar, Saatlı, Şirvan, Hacıqa-
bul, Salyan, Neftçala rayonlarında arabir yağış
yağacağı gözlənilir. Bəzi yerlərdə intensiv olacağı
ehtimalı var. Ayrı-ayrı yerlərdə duman olacaq.
Qərb küləyi əsəcək, ayrı-ayrı yerlərdə arabir
güclənəcək. Gecə 0-5, gündüz 7-11 dərəcə isti
olacaq.
Â
Masallı, Yardımlı, Lerik, Lənkəran, Astara
rayonlarında arabir yağış yağacağı gözlənilir.
Bəzi yerlərdə intensiv olacağı ehtimalı var. Dağ-
larda duman olacaq.Şimal-şərq küləyi əsəcək,
ayrı-ayrı yerlərdə arabir güclənəcək. Gecə 5-8,
gündüz 8-11, dağlarda gecə 0-4, gündüz 5-8
dərəcə isti olacaq.
Tanınmış alim və şair Hikmət Mahmudun elm və
poeziyada özünəməxsus dəsti-xətti var. Onun indiyədək 20-
yə yaxın monoqrafiyası, 5 dərslik kitabı, 7 ixtirası işıq üzü
görüb. Professor 50 ildir ki, respublikanın ali məktəblərində
geokimya və ekologiya fənlərini tədris edir. Alim, eyni zamanda,
ədəbi yaradıcılıq sahəsində də məhsuldar fəaliyyət göstərir;
9 şeirlər kitabı, o cümlədən 11 poeması dərc olunub. Şeirləri
bir çox dillərə tərcümə edilib. Ədəbi tənqid Hikmət Mahmud
poeziyasını yüksək dəyərləndirib. Əllidən çox şeirinə mahnı
bəstələnib.
Hikmət Mahmud həyat
müşahidələrini bədii-fəlsəfi
düşüncələri fonunda qələmə alaraq,
elmlə poeziyanın gerçək vəhdətinə
nail olub, intellektual şeirin bariz
nümunələrini yaradıb. AMEA-nın vit-
se-prezidenti, akademik İsa Həbibbəyli
Hikmət Mahmudun yaradıcılığında
diqqəti bu məqama yönəldərək, onun
şeirlərində elmlə poeziyanın sıx bağlı-
lığına nəzər salır, şairin yaradıcılığında
qeyd edilən cəhətin mühüm önəm
daşıdığını xatırladır: “Azərbaycan
oxucularının tanınmış alim və şair
kimi qəbul etdiyi Hikmət Mahmudun
bədii yaradıcılığında bu sahələrdən
hər ikisinin özünəməxsus yeri və
mənalı bir sintezi var. Geologiya-mi-
nerologiya elmləri doktoru, professor
Hikmət Mahmudovun yer elmlərinin
aktual problemlərinə həsr olunan elmi
əsərləri akademik düşərgədə yüksək
qiymətləndirilir. Hətta o, elmdəki
xidmətlərinə görə müxtəlif vaxtlarda
ayrı-ayrı qurumlar tərəfindən “İlin
alimi”, “Şərəfli ömür yolu” və s. kimi
mükafatlara da layiq görülüb. Eyni za-
manda, Hikmət Mahmud yarım əsrdən
artıq bir dövrdə bədii yaradıcılıqla da
ardıcıl şəkildə məşğul olub... Deməli,
alim Hikmət Mahmudovla şair Hikmət
Mahmud elm və sənət yollarında
nəinki yanaşı, sözün əsl mənasında,
bir yerdə addımlayıb, hər iki sahədə
mühüm uğurlar qazana bilib”.
Akademik İsa Həbibbəyli daha
sonra vurğulayır ki, elm adamı olmaq
Hikmət Mahmudovun şeirlərində
şair üçün zəruri olan ilhamla yanaşı,
elmi idrakın və təfəkkürün də iştira-
kını təmin edir. Geologiya aliminin
şeirlərində insana, təbiətə, cəmiyyət
hadisələrinə baxışda elmi təfəkkürlə
bədii dərketmənin qarşılıqlı əlaqəsi
fərqli bir poetik düşüncəni meydana
çıxarır. İlham və istedad Hikmət
Mahmudun poetik şairanəliyini,
elmi qavrayış isə fikirlərindəki
dərinliyi və müdrikliyi müəyyən edir.
Ona görə də bədii düşüncə ilə elmi
idrakın bir yerdə iştirakı ilə yazılan
şeirləri Hikmət Mahmudun bir şair
kimi fərdi özünəməxsusluğunun əsas
göstəricisidir...
Hikmət Mahmudun li-
rik qəhrəmanının qəlbi təbiətin
ülvi gözəlliyilə birgə döyünür,
“uçan quşların nəğməsindən, çay-
çeşmənin zümzüməsindən, yazın gül
nəfəsindən” zövq alır, dağa, torpağa,
ağaca, yarpağa sevgi ilə yanaşır,
“başı qarlı bir dağ, dağ döşündə
bulaq görsən, o mənəm”,-deyir, “mən
çəmənəm, mən çiçəyəm, mən güləm”
söyləyir. Bununla da oxucuya özünün
təbiətin bir parçası olması qənaətini
diktə edir.
Şeirlərində təbiətin min bir
gözəlliyini vəsf edən şair bunu həm
də elə sənətkarlıqla gerçəkləşdirir ki,
oxucunun nəzərində, düşüncəsində
təbiət Vətənləşir. Başqa sözlə, təbiətin
Vətənləşməsi təbiətin sevilməsi, torpa-
ğın, yurdun qədrinin bilinməsi, onun
göz bəbəyi kimi qorunması anlamında
təsəvvür edilir:
Günəştək odlanıb,
Aytək nurlanam,
Ürəklər dərdinə
yarıyam gərək.
Çiçəklər körpəmdir,
təbiət anam,
Onu hər əzabdan qoruyam gərək.
Hikmət Mahmudun yaradıcılığı ilə
bağlı təəssüratlarını bölüşən akade-
mik Fuad Qasımzadə şairin təbiətə
mehr-məhəbbətindən bəhs edərkən,
alimin yer-göy, dağ-daş, çöl-çəmən,
çay, bulaq, bir sözlə, təbiət, kainat
haqqında geniş və dərin biliyə malik
olduğunu da diqqətə çatdırır: “…O,
geoloqdur, elmin bu sahəsində ən
yüksək zirvəyə qalxıb, elmlər doktoru-
dur. Füsunkar təbiətin dostudur, aşiqi-
dir. Üstəlik, təbiətin çox gözəl, dilbər
bir guşəsində-- İsmayıllı torpağında,
Mican kəndində dünyaya göz açıb.
Lahıc, Basqal kimi kəndlərin, Girdi-
man çayının, Babadağın, Niyaldağın
qoynunda boya-başa çatıb”.
Müəllifin “Seçilmiş əsərləri”nin
ikicildliyinə daxil olan şeir və poema-
larda diqqəti bir məqam da daha çox
çəkir. Bu, müəllifin yaradıcılığında
aforizmə çevrilən poetik misralarla
bağlıdır; bədii-fəlsəfi yükü ilə nəzərə
çarpan həmin nümunələr oxucunu
düşündürür, bu dünyanın sevgidən,
etibardan, inamdan, ilahi eşqdən, in-
sanlara hədsiz məhəbbətdən yaranması
qənaətini möhkəmləndirir, Adəm öv-
ladını nəfsinə qalib gəlməyə, tamahına
uymamağa səsləyir:
Qəlbə kədər ələmə,
Könül qəmə bələmə.
Nə kədəri, nə qəmi
Heç bir kəsə diləmə.
Çörək kəsdin qədrini bil,
Müqəddəsdir çörəklə duz.
Hər yetənə dostum deyib,
Dost sözünü etmə ucuz.
Əgər hər hansı bir şeir düşündü-
rücü, maarifləndirici notlarla nəzərə
çarpırsa, oxucu bundan ancaq qaza-
nır; həyat, cəmiyyət barədə fikirləri
dərinləşir, möhkəmlənir. Hikmət
Mahmudun yaradıcılığında da bu
cəhət daha çox diqqət çəkir. Akademik
İsa Həbibbəyli müəllifin ikicildliyində
toplanan şeirlərin də bu baxımdan
mühüm önəm daşıdığını xatırladır.
Şairin “Seçilmiş əsərləri”nin II cildinə
yazdığı “Qoşa qanadlı poeziya “ adlı
önsözündə qeyd edir: “...Hikmət
Mahmudun “Seçilmiş əsərləri”
Azərbaycan ədəbiyyatında müasir
maarifçi poeziyanın maraqlı, cəlbedici
və əhəmiyyətli nümunəsi sayılma-
ğa layiqdir. Bu, elmlə şeiriyyəti,
müdrikliklə şairanəliyi özündə
birləşdirən qoşa qanadlı poeziyanın
geniş imkanlarını əks etdirən qiymətli
əsərlərin bir toplusudur. Bu, şeirdə
elmliyin yerini və elm adamının
fəaliyyətində şeirin mövqeyini aydın-
laşdırmağa imkan yaradan düşündürü-
cü poetik bir irsdir”.
Bax, bu cəhətə görə, Hikmət
Mahmudun poeziyasının hər zaman
yaşayacağı, maraqla oxunacağı,
seviləcəyi də şübhə doğurmur.
Vaqif BAYRAMOV,
“Xalq qəzeti”
Təbiət təravətli
şair dünyası
ABŞ Ukraynanın müdafiə qabiliyyətini
möhkəmləndirmək üçün bu ölkəyə müdafiə
təyinatlı silahların verilməsi barədə qərar qəbul
edib. Bunu ABŞ Dövlət Departamenti mətbuat
xidmətinin rəisi Hizer Nauert bəyan edib.
Məlumatı TASS verib.
“Birləşmiş Ştatlar Ukrayna-
ya uzunmüddətli perspektivdə
özünün suverenliyini, ərzai
bütövlüyünü qorumaq və
gələcəkdə mümkün təcavüzlərin
qarşısını almaq üçün bu ölkəyə
müdafiə xarakterli silahlar
vermək barədə qərar qəbul edib,
- deyə xanım Hauert bildirib. –
Amerikanın hərbi yardımı sırf
müdafiə xarakteri daşıyır. Biz
həmişə demişik ki, Ukrayna
suveren dövlətdir və özünü
qorumaq hüququna malikdir”.
Dövlət Departamentinin
rəsmisi bəyan edib ki, bütün
bunlarla yanaşı, ABŞ Ukray-
nanın şərqindəki münaqişəni
həll etməyə imkan verən Minsk
sazişlərinə sadiqdir.
Bu bəyanatdan sonra TASS
ABŞ-ın Müdafiə Nazirliyinə
sorğu göndərərək Ukray-
naya məhz hansı silahların
veriləcəyini aydınlaşdırmağa
çalışıb. Ancaq hələ cavab ala
bilməyib.
Bir müddət əvvəl bildirilir-
di ki, ABŞ Prezidenti Donald
Tramp Ukraynaya 47 milyon
dollar həcmində tank əleyhinə
silahların verilməsi planını
dəstəkləyib. Həmin silah parti-
yasında tank əleyhinə “Javelin”
raket komplekslərinin olacağı
da istisna edilmirdi.
Bu ilin avqustunda isə
ABŞ-ın müdafiə naziri Ceyms
Mettis Ukraynaya 175 milyon
dollar dəyərində hərbi texnika-
nın göndərilməsi barədə qərarı
təsdiqləmiş, bundan başqa, bu
ölkəyə müdafiə təyinatlı letal
(öldürücü) silahların verilməsini
nəzərdən keçirdiklərini
açıqlamışdı. Noyabr ayında
Senatın silahlı qüvvələr üzrə
komitəsinin saytında bildiri-
lirdi ki, 2018-ci ilin müdafiə
büdcəsinə əsasən, ABŞ Uk-
raynanın hərbi təhlükəsizlik
sahəsinə 350 milyon dollar
ayırmaq niyyətindədir.
ABŞ-ın bu planı Rusiyada
ciddi narazılıqla qarşılanmış-
dı. RF-nin BMT-dəki daimi
nümayəndəsinin müavini Pyotr
İliçev bildirmişdi ki, Ukraynaya
ABŞ və Kanada tərəfindən silah
verilməsi bu ölkənin rəhbərliyini
yeni hərbi avantüraya vadar
edəcək. “Belə qərarlar qəbul
edənlərə məsləhət görərdim ki,
məsuliyyət daşıyıdıqlarını unut-
masınlar. Göz qabağındadır ki,
Amerika və Kanada tərəfindən
Ukraynanın müharibə vasitələri
ilə təmin edilməsi Minsk
sazişlərinin sabotajı ilə məşğul
olan ölkə rəhbərliyini yeni hərbi
avantüraya doğru itələyir. Hamı
başa düşməlidir ki, Donbasda
münaqişəni güc yolu ilə həll
etmək mümkün deyil, insanların
öldürülməsinə görə günah isə
qatillərin əlinə silah verənlərin
üzərinə düşür”.
Paşa ƏMİRCANOV,
“Xalq qəzeti”
ABŞ Ukraynaya yeni silahlar
verilməsi barədə qərar qəbul etdi
Zaqatala Suvarma Sistemləri İdarəsi 2018-ci il üçün sementin,
tikinti materiallarının, maşın və mexanizmlərə ehtiyat
hissələrinin satınalınması məqsədilə
A Ç I Q T E N D E R E L A N E D İ R
Tender 3 lot üzrə keçirilir.
Lot -1. Sementin satınalınması.
Lot-2. Tikinti materiallarının satınalınması.
Lot -3. Maşın və mexanizmlərə ehtiyat
hissələrinin satınalınması.
Tender iştirakçılarına təklif edilir ki, öz tender
təkliflərini möhürlənmiş, imzalanmış, ikiqat bağla-
mada yazılı surətdə təqdim etsinlər.
Təkliflərin qiymətləndirilməsində aşağıdakı me-
yarlara üstünlük veriləcəkdir: aşağı qiymət, yüksək
keyfiyyət, müqavilənin vaxtında yerinə yetirilməsi,
analoji işlərdə təcrübəsi, maliyyə vəziyyəti.
Müqaviləni yerinə yetirmək üçün tender iştirak-
çıları lazımi texniki və maliyyə imkanlarına malik
olmalıdırlar.
Tenderdə iştirak etmək istəyənlər hər lot üçün
50 manat məbləğində iştirak haqqını göstərilən
hesaba köçürdükdən sonra Azərbaycan dilində
tərtib olunmuş əsas şərtlər toplusunu Zaqatala
şəhəri, F.Əmirov küçəsi, 46 nömrəli ünvandan
(əlaqələndirici şəxs--S.Alqayev, telefon: -02422-4-
00-49) ala bilərlər.
Təşkilat: Zaqatala SSİ
Hesab: AZ 41 NABZ 01360100000000003944
VÖEN: 5100135161
D X A Kod: 210005
VÖEN: 90000000001
S.W.İ.F.T.BİK -AIIBAZ2x
İştirak haqqı heç bir halda geri qaytarılmır.
İddiaçılar tenderdə iştirak etmək üçün aşağıdakı
sənədləri təqdim etməlidirlər:
- tenderdə iştirak etmək üçün yazılı müraciət;
- tenderdə iştirak haqqının ödənilməsi barədə
bank sənədi;
- tender təklifi (zərflərin açıldığı tarixdən ən
azı 30 bank günü qüvvədə olmalıdır);
- tender təklifi dəyərinin 1 faizi həcmində bank
təminatı (zərflərin açıldığı tarixdən ən azı 60 bank
günü qüvvədə olmalıdır);
- Azərbaycan Respublikasında vergilərə və
digər icbari ödənişlərə dair yerinə yetirilməsi vaxtı
keçmiş öhdəliklərin olmaması haqqında müvafiq
vergi orqanından arayış;
- iddiaçının son bir ildəki fəaliyyəti haqqında
vergi orqanları tərəfindən təsdiq olunmuş maliyyə
hesabatının surəti;
- iddiaçının son bir ildəki maliyyə vəziyyəti
haqqında bank arayışı;
- iddiaçının tam adı, hüquqi statusu,
nizamnaməsi, qeydiyyatdan keçdiyi ölkə və
rekvizitləri;
- müvafiq mallar üzrə mənşə və uyğunluq
sertifikatları.
Sənədlər Azərbaycan dilində, 2 nüsxədə (əsli
və surəti) tərtib olunmalıdır (xarici dildə olan tender
təklifləri Azərbaycan dilinə tərcümə olunmalıdır).
Tender proseduru "Dövlət satınalmaları haqqın-
da" Qanuna uyğun keçiriləcəkdir.
İddiaçılar tenderdə iştirak etmək üçün yuxa-
rıda göstərilən sənədləri (tender təklifi və bank
zəmanəti istisna olmaqla) 30 yanvar 2018-ci il saat
18.00-a qədər, tender təklifi və bank zəmanətini isə
möhürlənmiş ikiqat zərfdə 7 fevral 2018-ci il saat
18.00-a qədər Zaqatala şəhəri, F.Əmirov küçəsi, 46
nömrəli ünvana təqdim etməlidirlər.
Göstərilən vaxtdan gec təqdim olunmuş zərflər
açılmadan geri qaytarılacaqdır.
İddiaçıların təklifləri 8 fevral 2018-ci il saat
11.00-da yuxarıda göstərilən ünvanda açılacaqdır.
İddiaçıların səlahiyyətli nümayəndələri iştirak
edə bilərlər.
Tender komissiyası
BBC-nin yaydığı məlumata görə, Birləşmiş Millətlər Təşkilatının
(BMT) Təhlükəsizlik Şurası (TŞ) ballistik raket sınağına cavab olaraq,
Şimali Koreya Xalq Demokratik Respublikası (KXDR) barəsində sanksiyaları
sərtləşdirib.
Belə ki, yeni sanksiyalar KXDR-
dən işçi qüvvəsinin ixracını qadağan
edir. ABŞ tərəfindən hazırlanan
qətnamə, həmçinin rəsmi Pxenyana
yanacaq ixracına ciddi qadağa qoyur.
Qeyd edilir ki, TŞ-nin bütün 15
üzvü, o cümlədən KXDR-in əsas
ticarət tərəfdaşları olan Rusiya və Çin
də qətnamənin lehinə səs veriblər.
Sənədə əsasən, KXDR-ə neft
məhsullarının çatdırılması ildə 500
min barrelə qədər məhdudlaşdırılacaq.
Məlumata görə, 2016-cı ildə Pxenyan
4,5 milyon barrel neft idxal edib və beləliklə, bu
ölkəyə karbohidrogen məhsullarının ixracatının
həcmi, demək olar ki, 90 faizə qədər azalmalıdır.
BMT-nin yeni qətnaməsi, həmçinin KXDR-ə
xarici valyuta axını üzrə əsas mənbəyi təhlükə
altında qoyur. Təhlükəsizlik Şurası BMT-nin
bütün üzvlərindən Şimali Koreyadan olan əmək
mühacirləri ilə əlaqələri kəsməyi və onları 24
aydan gec olmayaraq ölkələriə geri göndərməyi
tələb edir.
Mahmud QƏRİBOV,
“Xalq qəzeti”
KXDR-ə qarşı
sanksiyalar sərtləşdirilib