Arxeologiya, Etnoqrafiya
243
Tarix və onun problemləri,
№ 3 2013
NƏCƏF MÜSEYIBLI
AMEA Arxeologiya və Etnoqrafiya İnstitutunun aparıcı elmi işçisi
Tarix üzrə fəlsəfə doktoru
E-mail: Necef_museyibli@mail.ru
LEYLATƏPƏ MƏDƏNIYYƏTINƏ AID QALAYERI YAŞAYIŞ MƏSKƏNININ
DAŞDAN ƏMƏK ALƏTLƏRI
Açar sözlər: Xalkolit, daş alətlər, dən daşları, obsidian, çaxmaq daşı
Ключевые слова: Халколит, каменные орудия, зернотерки, обсидиан, кремень
Key words: Chalcholit, stone tools, hand-millstones, obsidian, flint
E.ə. IV minilliyin əvvəlinə aid Qalayeri yaşayış məskəni Qəbələ rayonunda beynəlxalq
aeroportun ərazisində yerləşir. Xalkolit dövrünün Leylatəpə mədəniyyətinin digər abidələri
kimi Qalayeri də mənşə etibarilə Ön Asiya ilə bağlıdır. Burada 2012 – 2013-cü illərdə aparılan
arxeoloji tədqiqatlar nəticəsində abidənin Şərqi Anadolunun son xalkoliti ilə əlaqəli olduğu və
həmin ərazilərdən Cənubi Qafqaza miqrasiya etmiş əhali tərəfindən yaradıldığı müəyyən
edilmişdir.
Qalayerində aşkar edilmiş çoxsaylı arxeoloji materialların bir qismini müxtəlif cinsli
daşlardan hazırlanmış əmək alətləri təşkil edir. Çay daşlarından və müxtəlif məsaməli daşlar-
dan dən daşları, sürtkəclər və s. tipli alətlər hazırlanmışdır.
Daş məmulatının böyük əksəriyyətini obsidiandan və çaxmaqdaşından hazırlanmış alət-
lər təşkil edir. Qara, şəffaf, qırmızı-qəhvəyi və gümüşü obsidiandan, eyni zamanda çaxmaq
daşından hazırlanmış alətlər tipoloji-funksional baxımdan olduqca zəngindirlər. Təsadüfi istis-
nalar nəzərə alınmazsa bütün alətlər lövhə üzərindədir. Leylatəpə mədəniyyətinə aid digər abi-
dələrdən fərqli olaraq Qalayerində çoxfunksiyalı alətlər daha çoxdur. Qaşovlar, sıyırğallar,
yonqarlar, iskənələr və s. alətlər aşkar edilmişdir.
Gümüşü obsidiandan hazırlanmış alətlər Leylatəpədə (1) və Böyük Kəsikdə də aşkar
edilmişdir. Lakin Qalayerində onların sayı daha çoxdur.
Qalayeri felzit cinsli daşdan alətlərin aşkar edildiyi eneolit dövrünə aid bizə məlum
olan yeganə abidədir. Bu daşdan da, obsidian və çaxmaqdaşından olduğu kimi, lövhəşəkilli
alətlər hazırlanmışdır.
Yaşayış yerində mezolit və erkən neolit tipli mikrolitlər, yonqarlar, iskənələr və yastı
nukleuslar aşkar edilmişdir. Belə tapıntılar Ön Asiya xalkoliti, Leylatəpə və Maykop mədə-
niyyətləri üçün səciyyəvidir (2; 4).
Çay daşlarından alətlər
Qalayerində çoxsaylı dən daşları aşkar edilmişdir (Tablo I, 1-2). Bunlar boz rəngli
məsaməli daşlardan olub uzunsov, oval və bəzən dairəvi formalıdırlar. Bəzi hallarda iri ölçülü
dən daşları aşkar edilmişdir ki, onların ortası uzun müddətli istifadə nəticəsində çökəlmiş və
daş qayıqvari formaya düşmüşdür. Dən daşlarının bir qisminin işlək səthində 3-5 sm diametrli
oyuqlar düzəldilmişdir (Tablo I, 2). Bu oyuqlar dən daşlarının ikinci istifadəsi ilə bağlı deyil.
Belə dən daşları Leylatəpə mədəniyyəti üçün səciyyəvi olub Böyük Kəsikdə və Şimali
Qafqazdakı Leylatəpə – erkən Maykop tipli Natuxayevski yaşayış yerində aşkar edilmişdir (3;
5). Bundan əlavə, abidədən sürtkəclər, həvəng dəstələri və digər daş alətlər aşkar edilmişdir
(Tablo II, 4-5).
244
Arxeologiya, Etnoqrafiya
Tarix və onun problemləri,
№ 3 2013
Maraqlı tapıntılardan məsaməli daşdan hazırlanmış bir neçə konusşəkilli daş alətləri
qeyd etmək lazımdır (Tablo I, № 3). Onların bir tərəfi yastı, digər tərəfi isə qabarıqdır.
Mərkəzi hissədən ikitərəfli deşik açılmışdır. Belə alətlərin ən yaxın analoqu Böyük Kəsikdən
məlumdur və onların dulus çarxının detalı olması istisna deyildir (3).
Obsidiandan hazırlanmış alətlər
Leylatəpə mədəniyyətinə aid digər abidələrdən fərqli olaraq Qalayerində daha çoxsaylı
obsidian məmulatı aşkar edilmişdir (Tablo II, 1-6). Burada müxtəlif nukleusların, çoxsaylı
qəlpələrin və dişəkləyicilərin tapılması obsidiandan alətlərin bilavasitə yaşayış yerində istehsal
edildiyini göstərir. Təsadüfi hallarda tünd qırmızı-qəhvəyi rəngli obsidian lövhələrinə rast
Arxeologiya, Etnoqrafiya
245
Tarix və onun problemləri,
№ 3 2013
gəlinsə də bu növdən olan məmulatın demək olar ki, hamısı qara və az sayda şəffaf daşlardan
hazırlanmışdır.
Nukleuslar diskşəkilli, piramidal, prizmatik və s. tiplidirlər. Maraqlıdır ki, nukleusların
bir neçəsi mezolit-neolit səciyyəli olub, yastı nüvə tipinə aiddirlər (Tablo II, 1-2).
246
Arxeologiya, Etnoqrafiya
Tarix və onun problemləri,
№ 3 2013
Obsidian məmulatı tipoloji-funksional baxımından olduqca müxtəlifdir. Bəzi istisnalar
nəzərə alınmazsa, alətlərin böyük əksəriyyəti lövhələrdən hazırlanmışdır. Lövhələrin müəyyən
qismi çoxfunksiyalı alətlərdir. Qalan bütün lövhələr bıçaq, uc və yan qaşovu kimi isitifadə
edilmişdir.
Arxaik səciyyəli alətlərin əkəsəriyyəti məhz qəlpələrdən hazırlanmışdır. Bunlar bir və
çoxfunksiyalı alətlərdir. Bir funksiyalı alətlərdən daha çox iskənələrə təsadüf olnur. Onlardan
biri nisbətən iri və qalın qəlpədən, digərləri isə kiçik və yastı qəlpələrdən düzəldilmişdir.
Qəlpələrdən hazırlanmış alətlərin bir qismi qaşovlardır. Bunlar əsasən yan və bir ədəd
dairəvi qaşovdur. Yan qaşovlardan birinin eyni zamanda bir tərəfi sınmış ox ucluğu olması
ehtimalı da vardır. Dairəvi qaşov qalın olub, üstü piramidal şəkildə işlənmiş, ətrafları dikinə
hündür dişəklənmişdir.
Qaşovlardan biri çoxfunksiyalı qəlpə üzərindədir. Uzunsov qəlpənin bir sonluğu burğu,
yan tərəfi isə qaşov kimi istifadə edilmişdir.
Qəlpə üzərində hazırlanmış sıyırğallardan biri çoxfunksiyalı alətlər sırasına daxildir
(Tablo II, 3). Qalın qəlpənin tədricən nazikləşən uzunsov tərəfinin sonluğu burğu, bir yanı
qaşov, digər yanı isə sıyırğaldır. Digər bir sıyırğal qalın, uzunsov qəlpənin geniş
sonluğundadır.
Bir ədəd qalın qəlpənin bir yanı mişar funksiyalı olub, dərin dişəklənmişdi (Tablo II,
4). Maraqlıdır ki, mişarlar yalnız lövhə üzərindədir (Tablo II, 5) və qəlpədən hazırlanmış bu
mişar hələlik yeganədir.
Obsidiandan hazırlanmış kəsərlər lövhə üzərindədir. Onlar qalın və nazik olmaları ilə
fərqlənirlər. Qalın lövhələrdən birinin qalın tərəfi kəsər, nazik tərəfi isə bıçaq funksiyalı
olmuşdur.
Şəffaf obsidiandan hazırlanmış bir ədədox ucluğuaşkar edilmişdir. Bir qanadının
sonluğu sınmış bu ox ucluğu üçbucaq lövhədən hazırlanmışdır. Arxası zəif oyuqludur.
Arxaik səciyyəli alətlərdən bir maraqlı tapıntını qeyd etmək lazımdır. Bu, lövhənin
sonluğunda düzəldilmiş yonqardır. Lövhənin iki üzdən vurularaq səthi qoparılmış və sonluğa
doğru nazikləşdirilmişdir. Lövhənin digər tərəfində isə dəstəyə keçirmək üçün saplaq düzəl-
dilmişdir.
Obsidiandan hazırlanmış arxaik alətlərin bir qismini üçbucaq, trapes və düzbucaqlı for-
malı mikrolitlər təşkil edir. Altı ədəd mikrolitin hamısı məhz şəffaf obsidiandan hazırlanmış-
dır. Onlar yığma alətlərin dişlərindən ibarətdir. Həcmcə çox da böyük olmayan qazıntı sahə-
sindən yalnız obsidiandan hazırlanmış 6 ədəd mikrolitin aşkar edilməsi daş alətlərin hazırlan-
masında arxaik ənənənin kifayət qədər güclü olduğunu göstərir.
Gümüşü obsidiandan hazırlanmış alətlər
Gümüşü rəngli obsidiandan hazırlanmış alətlər digər abidələrdə olduğundan daha
çoxsaylıdırlar (Tablo II, 7-13). Bu daşdan qaşov, bıçaq, iskənə, yonqar, sıyırğal, burğu və s.
funksiyalı alətlər, eyni zamanda bir neçə mikrolit hazırlanmışdır. Bunlarla yanaşı, gümüşü
obsidiana aid nüvələrin aşkar edilməsi göstərilən alətlərin bilavasitə yaşayış məskənində
istehsal edildiyini sübut edir. Aşkar edilmiş yastı nüvələr, mikrolitlər və s. alətlər mezolit-
erkən neolit səciyyəlidir.
Yastı nüvələrdənbiri ikinci dəfə istifadə edilmişdir. Onun bir tərəfi yonqar funksiyası
üçün nəzərdə tutulmuşdur .
Təsadüfi istisnalar nəzərə alınmazsa alətlərin hamısı lövhə üzərindədir. Bunlar əsasən
üçbucaq və trapesşəkilli lövhələrdir. Əksəriyyəti təkfunksiyalı olsa da, bir qismi
çoxfunksiyalıdır.
Arxeologiya, Etnoqrafiya
247
Tarix və onun problemləri,
№ 3 2013
Maraqlıdır ki, qazıntı zamanı cəmi iki ədəd seqmenttipli alət aşkar edilmişdir ki, bunlar
da məhz gümüşü obsidiandan hazırlanmışdır. Onların işlək ağzı qaşov kimi istifadə edilmişdir.
Sıyırğallarəsasən lövhələrin və az hallarda qəlpələrin yanlarında olsalar da, bir
lövhənin sonluğunda sıyırğal qeydə alınmışdır.
Üç ədəd mikrolitaşkar edilmişdir. Onlardan birinin kənarları dişəksizdir. İkinci mikrolit
üzərindəuc qaşovudüzəldilmişdir. Üçüncü mikrolitin sonluğundan iskənəkimi istifadə
edilmişdir. Bunlar sırf mezolit-neolit səciyyəli alətlərdir.
Burğu funksiyalı alətlər adətən lövhə və ya qəlpələrin künclərində düzəldilmişdir.
Yalnız bir ədədburğulövhənin ucunun mərkəzində hazırlanmışdır. İstifadə zamanı burğunun
sonluğu sınmışdır. Üç üzlü lövhənin yanlarının dişəksiz və istifadəsiz olması bu lövhənin
yalnız burğu üçün nəzərdə tutulduğunu göstərir.
İri ölçülü trapes lövhələrdən biri ilkin olaraq bıçaq kimi istifadə edilmiş, sındıqdan
sonra isə bir fraqment ikinci dəfə istifadə edilmişdir. Belə ki, 3 sm enə malik bu lövhə
fraqmentinin hər iki sonluğu hündür, dikinə dişəklənmişqaşovdur.
Digər bir qaşov düzbucaqlı qəlpə üzərindədir. Bir tərəfi nisbətən qalın olan bu qəlpənin
nazik yanı mezolitüsulu ilə yayma dişəklə dişəklənərək qaşov hazırlanmışdır.
Çoxfunksiyalı alətlərin əksəriyyətindəbıçaqtəmsil olunmuşdur. Lövhələrdən birinin bir
sonluğu uc qaşovu, bir yanı kəsər, digər yanı isə bıçaqdır. Digər bir trapesin bir sonluğu
arxaik səciyyəli alət − yonqardır. Lövhənin bir yanıqaşov, digər yanı isə bıçaqdır.
Trapes fraqmentlərindən biri kiçik ölçülü olsa da, onun üzərində üç funksiyalı alət
düzəldilmişdir. Belə ki, lövhənin bir sonluğuqaşovdur,bir yanı mişar, digər yanı isə bıçaq
kimi istifadə edilmişdir.
Bıçaqşəkilli lövhənin bir sonluğunun hər iki yanı əks istiqamətlərdən, altdan və üstdən
dişəklənərək ucda yan qaşovu düzəldilmişdir.
Gümüşü obsidiandan hazırlanmış alətlərdən bir qrupunu mişarlar təşkil edir. Daha
doğrusu, ən çox mişar məhz bu daşdan istehsal edilmişdir. Mişarların dişəklənməsi üsulu diq-
qəti cəlb edir. Onlardan biri qalın trapes üzərindədir. Lövhənin bir yanından mişar düzəldil-
mişdir. Lövhə qalın olmağına baxmayaraq dişəklənmə dərin deyildir. Dişəklər arasındakı mə-
safə demək olar ki, eynidir. Onunla eyni yerdə aşkar edilmiş başqa bir mişarnazik lövhə üzə-
rindədir. Bu mişarın dişəkləri dərin və dayaz dişəklərin bir-birini əvəzləməsi üsulu ilə dü-
zəldilmişdir. Həmin lövhənin digər yanı bıçaq, bir sonluğu isə iskənəkimi istifadə edilmişdir.
Nazik lövhənin hər iki yanlarının mişar kimi düzəldilməsində də eyni dişəkləmə
üsulundan istifadə edilmişdir. Bu lövhənin bir sonluğu isə yonqar funksiyasını daşımışdır.
Yonqarın düzəldilməsi zamanı lövhənin qabarıq tərəfinin üstü vurulub götürülmüşdür.
Trapes şəkilli lövhələrdən birinin bir yanından mişar düzəldilmişdir. Maraqlıdır ki,
dişəkləmə lövhənin sonuna qədər davam etməmişdir. Dərin vurulmuş dişlər çəpinə olub, qar-
maq şəkillidir. Bəzən bu dişlərin arasındakı məsafələr kiçik dişəklənmişdir. Dişlər olan işlək
ağız uzunmüddətli istifadədən yaxşı cilalanmışdır.
Hər iki dişəkli lövhələrdən birinin bir yanı qaşov, digər yanı isə sıyırğalkimi istifadə
edilmişdir. Onunla eyni yerdə yastı, enli bir lövhə tapılmışdır. Bu lövhə işlənməsi ilə diqqəti
çəkir. Onun sağ yanı üst üzdən seyrək və xırda dişəklənmişdir. Lövhənin sol tərəfi alt üzdən
iri qoparmalardan sonra həmin qoparılmış sahə daxilində dişəklənmiş və qaşov kimi istifadə
edilmişdir. İri qoparmalar lövhənin ucunda da davam etmişdir. Lakin burada dişəkləmə aparıl-
mamışdır. Lövhənin ucunda üst üzdən də iri qoparma müşahidə edilir. Bu da həmin ucluğun
yonqar kimi istifadəsini göstərir.
248
Arxeologiya, Etnoqrafiya
Tarix və onun problemləri,
№ 3 2013
Lövhələrdən biri üzərində üç funksiyalı alət düzəldilmişdir. Üç səthli lövhənin sağ
yanından bıçaq kimi istifadə edilmişdir. Nisbətən qalın, sol tərəfi isə üst üzdən dikinə
dişəklənərək qaşov düzəldilmişdir. Qaşov olan tərəfdəsonluğa yaxın yerdə dərin gəz
açılmışdır. Həmin tərəfin digər sonluğunda burğu düzəldilmişdir (Tablo II, 7).
Çaxmaqdaşından hazırlanmış alətlər
Çaxmaqdaşından hazırlanmış alətlər say etibarilə ikinci yeri tutur. Bu daş cinsinin boz,
qonur, qəhvəyi, gümüşü, tünd qırmızı (surquç) və s. rənglərindən hazırlanmış müxtəlif təyi-
natlı alətlər aşkar edilmişdir.
Əsasən lövhəşəkillidirlər və daha çox təkfunksiyalı olub oraq dişləri və ya yığma alətin
hissələri kimi istifadə edilmişlər. Belə alətlərin üzərindəki bitum izləri və işlək ağızın istifadə
nəticəsində hamarlanaraq cilalanması belə bir qənaətə gəlməyə imkan verir. Belə xüsusiy-
yətlər əsasında yığma alətlərin qövsvari deyil, düz xətli olmasını söyləmək mümkündür.
Çaxmaqdaşından çoxfunksiyalı alətlər də hazırlanmışdır. Belə alətlərin sayı çox olmasa
da, onlarda neolit dövrü daş alətlər istehsalının ənənələri qorunub saxlanmışdır.
Qara rəngli lövhənin bir yanı bıçaq, digər tərəfi isə qaşov kimi istifadə edilmişdir.
Qaşovun bir yanından həm də sıyırğal kimi istifadə edilmişdir.
Kiçik ölçülü, ağ rəngli lövhənin dişəklənməsi diqqəti cəlb edir. Trapesşəkilli bu lövhə-
nin sol yanı narın dişəklənib. Lövhənin sağ tərəfi isə mərkəzdən başlayaraq yayılma retuşla
dişəklənib ki, bu da neolit dövrü üçün səciyyəvidir. Yayılma dişəkdən sonra işlək ağızda açıl-
mış dişlər olduqca narındır.
Arxaik səciyyəli çoxfunksiyalı alətlərdən biri qonur rəngli çaxmaqdaşından hazırlan-
mışdır. Dörd səthli alətin üstündə bitum ləkələri saxlanmışdır. Lövhənin bir tərəfi dişəklənmiş
və istifadə nəticəsində cilalanmışdır. Həmin tərəfin bir sonluğu həm də burğu aləti, lövhənin
digər sonluğu isə uc qaşovudur. Görünür, bu daş ilk olaraq yığma alətin dişi, sındıqdan sonra
isə burğu və uc qaşovu kimi isitfadə edilmişdir.
Çaxmaqdaşından hazırlanmış bir neçə mişar aşkar edilmişdir. Onlardan biri qonur
rəngli trapes lövhədən düzəldilmişdir. Lövhənin bir yanı sıx, digər tərəfi isə seyrək dişəklən-
mişdir. Seyrək dişəklənmiş tərəfin işlək ağzı istifadədən cilalanmışdır. Maraqlıdır ki, hər iki
tərəfin dişləri qarmaqvari şəkildə eyni istiqamətə yönəlmişdir (Tablo II, 14).
Digər bir mişar tünd qırmızı rəngli çaxmaqdaşı qəlpəsi üzərində düzəldilmişdir. Mişar
yayılma retuşla dərin dişəkləmə üsulu ilə hazırlanmışdır. Qəlpənin bir küncü burğu, digər bir
yanı yonqar, üçüncü bir tərəfi isə kəsər funksiyalı olmuşdur. Bütün bu əlamətləri ilə alət
mezolit-neolit səciyyəlidir.
Arxaik alətlər sırasında qara rəngli çaxmaqdaşı qəlpəsindən hazırlanmış iskənə funk-
siyalı aləti qeyd etmək lazımdır. Bu qəlpə üzərində işlək ağızın hazırlanması üçün qabarıq
hissənin üstü uzununa vurulub götürülmüşdür.
Felzitdən hazırlanmış alətlər
Kəsici alətlərin müəyyən qismini felzitdən hazırlanmış məmulat təşkil edir (Tablo II,
15-16). Onlar tünd boz və qara rənglidirlər. Alətlərin hamısı lövhəşəkillidirlər. Tipoloji-funk-
sional baxımdan əsasən bıçaqvari lövhələr və oraq dişləridir. Cəmi bir neçə çoxfunksiyalı alət
tapılmışdır. Onlardan biri qara rəngli lövhə üzərində düzəldilmişdir. Üç səthli bu lövhənin bir
yanı dikinə, hündür dişəklənərək qaşov əmələ gətirilmişdir. Lövhənin digər tərəfi dərin
dişəklənərək mişar düzəldilmişdir (Tablo II, 16).
Çox təsadüfi hallarda felzitdən istehsal tullantılarına rast gəlinir.
Üç səthli digər lövhənin bir yanı sıyırğal, digər yanı isə bıçaq kimi istifadə edilmişdir.
Lövhənin üzərində bitum izlərinin olması onun yığma alətin dişi kimi də istifadəsini göstərir.
Arxeologiya, Etnoqrafiya
249
Tarix və onun problemləri,
№ 3 2013
Beləliklə, Qalayeri yaşayış məskəninin daşdan hazırlanmış əmək alətləri Leylatəpə
mədəniyyətinin digər abidələrində olduğundan daha zəngindir. Xüsusilə dən daşları və bəzi
beləalətlərdən ikinci istifadə Qalayerində daha çoxsaylı və əhatəli təmsil olunmuşdur. Bu
abidənin tədqiqi göstərdi ki, üstü oyuqlu dən daşları məhz xalkolit dövründə Cənubi Qafqazda
Leylatəpə mədəniyyətinə aiddir.
Kəsici alətlər də tipoloji-funksional baxımından fərqlənir. Diqqəti çəkən faktlardan biri
Qalayerində gümüşü obsidian məmulatının zəngin olmasıdır. Bu daşdan hazırlanmış çox-
funksiyalı alətlər daha çoxsaylıdırlar.
Bütövlükdə Qalayerinin daş məmulatı əkinçi-maldar təsərrüfatında istifadə edilmiş
alətlərdir. Bunlar əsasən oraq dişlərindən ibarət biçin alətləri və biçilmiş taxılın üyüdülməsi
üçün dən daşları, sürtkəclər və s. tipli alətlərdir. Obsidian və çaxmaqdaşından düzəldilmiş bəzi
alətlər çox güman ki, həm də heyvan dərisinin aşılanması, ağac və sümükişləmə məqsədilə
istifadə edilmişdir.
ƏDƏBİYYAT
1.Алиев Н.Г., Нариманов И.Г. Культура Северного Азербайджана в эпоху позднего
энеолита. Баку, 2001
2.Мунчаев Р.М.. Майкопская культура. Археология. Ч. II. Эпоха бронзы Северного
Кавказа. Москва 1994
3.Мусеибли Н. А. Энеолитическое поселение Беюк Кесик. Баку 2007
4.Мусеибли Н.А. Курганный могильник позднего энеолита у с. Союгбулаг в
Азербайджане //Российская археология, №1, Москва, 2012, с.16-25
5.Шишлов А., Колпакова А. Поселение майкопской культуры у станицы Натухаевской
в приморской части северо-западного Кавказа // Доклад на второй международный
конгресс по археологии Евразии, проводимый в 2010 г. Тире (Турция)
НАДЖАФ МУСЕИБЛИ
КАМЕННЫЕ ОРУДИЯ ТРУДА ПОСЕЛЕНИЯ ЛЕЙЛАТЕПИНСКОЙ
КУЛЬТУРЫ ГАЛАЕРИ
Поселение Галаери эпохи халколита (I пол. IV тыс. до н.э.) находится на терри-
тории Габалинского международного аэропорта. Памятник лейлатепинской культуры
Галаери возник в результате миграции населения восточноанатолийского позднего
халколита на Южный Кавказ. Во время раскопок здесь обнаружены богатые изделия из
разных пород камня, использовавшиеся в земледельческом хозяйстве: зернотерки, те-
рочники, песты и многочисленные режущие орудия. На рабочей поверхности неко-
торых зернотерок имеются круглые углубления, характерные для таких орудии лейла-
тепинской культуры. Режущие орудия изготовлены из обсидиана, кремня и фельзита.
Изделий из серебристого обсидиана обнаружены больше, чем на других памятниках
указанного периода. Режущие орудия представлены вкладышами серпов, скребками,
ножевидными пластинками, стамесками, микролитами и др. Многофункциональные
орудия изготовлены, в основном, из серебристого обсидиана. Выявленные нуклеусы,
производственные отходы и ретушеры доказывают, что режущие орудия изготовлены
на месте.
250
Arxeologiya, Etnoqrafiya
Tarix və onun problemləri,
№ 3 2013
NAJAF MUSEYIBLI
STONE LABOR TOOLS OF GALAYERI SETTLEMENT
RELATING TO LEILATEPE CULTURE
Galayeri settlement relating to Chalcholithic period (I half of the IV millennium B.C) is
located within the area of Gabala International Airport. This settlement being one of the
Leilatepe culture monuments had emerged as a result of migration of the Late Chalcholithic
population from Eastern Anatolia to the South Caucasus. Rich stone products have been found
in the monument. These are hand-millstones, graters, mortar and pestles and a great deal of
cutters used in the agricultural sector.There is a circular hallow on the surface of some hand-
mill stones which is typical namely for Leilatepe culture. Cutting tools were made of obsidian,
flint and felsit. The monument where most of the tools made of silver obsidian were found is
just the Galayeri settlement. The cutting tools cover the sickle teeth, knife-shape slabs, curry-
combs (horse-combs), saws, chisels, filings, cutting tools and so on. Multi-function tools
outnumber in Galayeri settlement than in other monuments of Leilatepe culture. The detection
of nuclei, industrial wastes andshows that cutting tools were prepared just in the settlement.
Rəyçilər: t.e.d. Q.S.İsmayılzadə, t.e.d.R.C.Süleymanov
AMEA-nın Arxeologiya və Etnoqrafiya İnstitutu “İlk orta əsrlər arxeologiyası” şöbə-
sinin 13 sentyabr 2013-cü il tarixli iclasının qərarı ilə çapa məsləhət görülmüşdür (pr.№06).
Dostları ilə paylaş: |