30 avqust 2017-ci il, çərşənbə 6
Yüklə 297,71 Kb. Pdf görüntüsü
|
- Bu səhifədəki naviqasiya:
- İlqar HƏSƏNOV, “Xalq qəzeti”nin bölgə müxbiri Balakəndə tərəqqinin əhatə etmədiyi sahə yoxdur
- Goranboy rayonu ərazisində uğurla davam etdirir
- R. AĞAZADƏ Gürcüstanda NATO-nun növbəti hərbi təlimləri keçiriləcək
- ABŞ təmsilçisi: Ukrayna ilə bağlı siyasətimizi o vaxt uğurlu sayarıq ki, onun ərazi bütövlüyü bərpa olunsun
| 30 avqust 2017-ci il, çərşənbə 6
səfəri, sözün həqiqi mənasında, hadisəyə çevrilir. Dövlət başçımızın rayon ictimaiyyətinin nümayəndələri ilə söhbətləri, müxtəlif obyektlərin açılış və ya təməlqoyma mərasimlərində iştirakı, müəyyən aktual məsələlər barədə respublika əhəmiyyətli müşavirələr keçirməsi, xüsusən, səfər etdiyi rayon və ya şəhərin sosial-iqtisadi inkişafını sürətləndirmək məqsədilə imzaladığı sərəncamlar uzun müddət bölgə əhalisinin yadından çıxmır. Balakəndə də belə oldu. Rayon- dakı “ABAD Mərkəz”in açılışında iştirak edən ölkə rəhbərinin sakinlərlə görüşdə səsləndirdiyi fikirlər indi də maraqlı söhbət mövzusu kimi tez-tez yada salınır: “İndi siz yaxşı bilir- siniz ki, biz ölkəmiz üçün ənənəvi olan kənd təsərrüfatı sahələrini bərpa edirik. Bu bölgənin imkanla- rı, iqlim şəraiti və ənənələri nəzərə alınır. Bölgədə çox geniş vüsət alan sahələr fındıqçılıqla, baramaçılıqla, tütünçülüklə bağlıdır. Siz – burada yaşayan insanlar yaxşı görürsünüz ki, son bir-iki il ərzində bu sahədə çox böyük artım var və bu, əhalinin həyat səviyyəsinin yaxşılaşdırılmasına birbaşa müsbət təsir göstərir. Bir il ərzində Balakən rayonunda 2 min 200 hektarda yeni fındıq bağları salınıb və bağların sahəsi 7 min hektara çatıbdır. Ancaq növbəti illərdə əlavə minimum 3 min hektarda fındıq bağları salına- caq və bütün bunlar dövlət hesabına olan məsələlərdir. Yəni, dövlət lazım olan tingləri gətirir, suvarma işlərini təşkil edir, kəndlilərə şərait yaradır ki, onlar bu ağaclara qulluq edərək öz maddi vəziyyətlərini daha da yaxşı- laşdırsınlar və xaricə valyuta gətirən məhsullar çıxara bilsinlər”. Dövlət başçımızın həmin səfərindən bir neçə gün sonra rayon Mədəniyyət Mərkəzində Prezidentin Balakən səfərinin yekunlarına və kənd təsərrüfatı sahəsində qarşı- da duran vəzifələr barədə rayon ictimaiyyətinin müşavirəsi keçirilib. Müşavirədə rayon icra hakimiyyətinin başçısı İslam Rzayev, hüquq-mühafizə orqanlarının, idarə, müəssisə və təşkilatların rəhbərləri, ərazidəki icra nümayəndələri, bələdiyyələr, ziyalılar, ictimaiyyətin təmsilçiləriləri iştirak ediblər. İslam Rzayev Prezident İlham Əliyevin Balakəndə 5-ci dəfə, son beş ildə isə 2-ci dəfə olmasını tarixi hadisə adlandırıb. Bildirib ki, son beş ildə ölkə başçısının rayona ikinci dəfə gəlməsi onun balakənlilərə böyük inamı, rayona böyük diqqət və qay- ğısı, balakənlilərin Prezidentə böyük məhəbbəti hesab olunmalıdır. Rayon rəhbəri qeyd edib ki, Azərbaycan Prezidenti İlham Əliyevin avqustun 3-də rayona növbəti səfəri əvvəlki gəlişlərindəki kimi uğurlu oldu. Səfər zamanı ölkə başçısı Balakən Su Elektrik Stansiyasının, Bayraq muzeyinin , Balakən-Sarıbulaq-Qabaqçöl-Xalatala avtomobil yolunun və “ABAD Mərkəz”in açılışında iştirak edib və rayon ictimaiyyətinin nümayəndələri ilə görüşüb. Prezident görülmüş işləri yüksək qiymətləndirib. Qeyd olunub ki, dövlət rəhbərinin uğurlu daxili siyasətinin bariz nümunəsi özünü respublikanın bütün regionlarının, o cümlədən, Balakən rayonunun da hərtərəfli inkişafında göstərməkdədir. Balakənlilər əmindirlər ki, ölkədə həyata keçirilən düzgün daxili və xarici siyasətin ali məqsədi – ana xətti Azərbaycanın daha gözəl, daha qüdrətli olmasına, insanlarımızın isə xoşbəxt və firavan yaşamasına xidmət edir. Rayon icra hakimiyyətindən bildirdilər ki, təsərrüfatlarda qarğı- dalı yığımına başlanılıb. İlk olaraq Qabaqçöl ərazisindəki təsərrüfatlarda yığım aparılır. Bu il rayonda 6 min 885 hektar sahədə qarğıdalı əkilib. Göstərilən yüksək aqrotexniki qulluq nəticəsində sahələrdə bol məhsul ye- tişdirilib. Mütəxəssislərin rəyinə görə, hər hektardan orta hesabla 62 sentner məhsul gözlənilir. Balakənli fermerlər cari mövsümdə 40 min tondan çox dən qarğıdalı istehsal etməyi qarşıları- na məqsəd qoyublar. Bu xəbəri digər məlumatlardan önə çəkməyimizin əsas səbəbi də məhz bu “40 min tondan çox dən” ifadəsini qabartmaq idi. Çünki bu gün qarğıdalıya ölkəmizdə çox böyük ehtiyac var və bu məhsulun yetişdirilməsinin əsl ustaları da elə balakənli sahibkarlardır. Sahibkarlardan söz düşmüşkən, rayon icra kakimiyyətinin başçısı İslam Rzayevlə söhbətimiz zamanı da sahibkarlara qayğı göstərilməsi istiqamətində həyata keçirilən tədbirlər barədə maraqlı məlumatlar eşitdik. İslam müəllim xatırlatdı ki, ölkə Prezidenti İlham Əliyevin kiçik və orta sahibkarlığın inkişafı üçün münbit şəraitin yaradılma- sı, kənd təsərrüfatında islahatların genişləndirilməsi, yerli infrastruktur layihələrinin icra olunması, yeni istehsal və emal müəssisələrinin açıl- ması, əhalinin məşğulluq səviyyəsinin artırılması ilə bağlı qarşımıza qoydu- ğu konkret vəzifələrin icrasının təmin edilməsi məqsədilə yaradılan rayon qərargahı 2017-ci ildə də öz işini səmərəli qurub. Rayon qərargahının müntəzəm keçirilən iclaslarında kənd təsərrüfatının inkişaf etdirilməsi, torpaqlardan səmərəli istifadə olun- ması, məhsul istehsalının artırılma- sı, istehsalçılara dövlət dəstəyinin göstərilməsi, fermerlərə və torpaq mülkiyyətçilərinə təsərrüfatların qurulmasında kömək edilməsi kimi məsələlər müzakirə edilir. Rayonda torpaq mülkiyyətçilərinin texnika- ya, mineral gübrələrə, toxuma və dərman preparatlarına olan tələbatının ödənilməsi sahəsində konkret qərarlar qəbul edilib və icrası təmin olunub. Balakəndə baramaçılığın, tü- tünçülüyün və fındıqçılığın inkişaf etdirilməsi sahəsində qarşıya qoyul- muş vəzifələrin yerinə yetirilməsi məqsədi ilə ardıcıl işlər aparılır, rayon icra hakimiyyətində fəaliyyət göstərən komissiya tərəfindən fermerlərin, torpaq mülkiyyətçilərinin kənd təsərrüfatı işləri ilə bağlı problemləri vaxtında öyrənilir və onların texni- kaya, mineral gübrələrə, pestisidlərə olan tələbatlarının ödənilməsinə lazı- mi kömək göstərilir. Barama və tütün istehsal edəcək, eləcə də yeni fındıq bağları salacaq istehsalçılar hələ ilin əvvəlindən müəyyən edilib, əkin aparılacaq sahələr müəyyənləşdirilib və şumlanaraq tütün, fındıq və digər kənd təsərrüfatı bitkilərinin əkilməsi təmin edilib. Bu il rayonda 11,5 ton barama istehsal olunub ki, bu da keçən ilə nisbətən 3,7 dəfə çoxdur. Tütünçülüyün inkişaf etdirilməsi ilə bağlı tütün əkiləcək torpaq sahələri və istehsalçılar hələ yaz- dan da qabaq müəyyən edilib, şitil ehtiyatının yaradılması üçün istixanalar hazırlanıb, həmçinin, emal müəssisələri olan “İnterta- bacco” MMC və “İlham” MMC ilə müqavilələrin bağlanması təmin edilib. 241 hektar sahədə Virciniya, 8 hektar sahədə Berley, 279 hektar sahədə isə İtiyarpaq növ olmaqla, cəmi 528 hektar sahədə tütün əkilib. Tütün əkilmiş sahələrin becərilməsi, suvarılması, istehsalçıların texnika- ya, mineral gübrələrə olan tələbatının ödənilməsi, həmçinin, sahələrdə bitki xəstəliklərinə və zərərvericilərə qarşı mübarizə aparılması üçün tədbirlər görülüb. Hazırda təsərrüfatlarda tütün yarpaqlarının yığımı davam etdirilir. Xatırlatmaq yerinə düşər ki, bu il Balakəndə “Pambıq və tütün isteh- salçılarına dövlət büdcəsinin vəsaiti hesabına subsidiyanın verilməsi Qaydası”na uyğun olaraq 19 tütün istehsalçısına emal müəssisələrinə satdıqları yaş və quru tütünün miqda- rına görə 4385,47 manat, 6 istehsalçı- ya 2016-cı ilin təkrar əkinlərinə görə 3784 manat vəsaitin ödənilməsi təmin edilib.
Həmsöhbətimiz qeyd etdi ki, rayonda fındıqçılığın inkişaf etdirilməsi sahəsində yeni bağlar sa- lınması məqsədi ilə dövlət, bələdiyyə və xüsüsi mülkiyyətdə olan torpaq sahələri müəyyənləşdirilib, 2264,2 hektar sahədə yeni fındıq bağları sa- lınıb ki, onun da 662 hektarı cari ildə salınan bağlardır. Yeni salınmış fın- dıq bağlarının 1405.5 hektarı xüsusi, 509 hektarı bələdiyyə, 349.5 hektarı dövlət mülkiyyəti torpaqlarıdır. Rayon icra hakimiyyətində yara- dılmış qərargah torpaq sahələrindən səmərəli istifadə olunmasının təşkili ilə bağlı monitorinqlər aparıb və Xalatala, Hənifə, Talalar, Tülü, Qullar və Qaysa kəndlərində 189,95 hektar səmərəsiz istifadə olu- nan örüş və digər təyinatlı torpaq sahələri müəyyən edilib. Səmərəsiz istifadə olunan örüş və digər kənd təsərrüfatına yararlı sahələrin əkilməsi məqsədilə təyinatının dəyişdirilməsi üçün Azərbaycan Respublikasının Nazirlər Kabi- neti qarşısında məsələ qaldırılıb. “Kənd təsərrüfatı məhsullarının istehsalçılarına əkin sahəsinin becərilməsində istifadə etdiyi yanacaq və motor yağlarına, habelə buğda, çəltik, pambıq əkininə görə dövlət büdcəsinin vəsaiti hesabına yardımların verilməsi Qaydaları”na uyğun olaraq, istehsalçılara yardım- ların verilməsinin təşkili ilə əlaqədar 3924,5 hektar əkin sahəsinə görə 2333 istehsalçıya 219011,9 manat subsidiya hesablanıb və sənədlər respublika komissiyasına təqdim olunub. Rayonda “ABAD” layihəsinin icrası nəticəsində sahibkarlığın inkişafına, əhalinin məşğulluq səviyyəsinin artırıl- masına, rəqabətqabiliyyətli ailə təsərrüfatlarının və ixrac yönümlü milli ailə biznesi brendlərinin forma- laşdırılmasına əlverişli şərait yarana- caqdır. Hazırda bu sosial layihənin pilot rayonu kimi seçilən Balakəndə icra edilməsi üçün “ABAD park” kompleksinin tikinti işləri başa çatmaq üzrədir. “ABAD” layihəsi çərçivəsində rayonda 12 ailəyə kənd təsərrüfatı məhsullarının emalı üçün müasir standartlara cavab verən zəruri istehsal avadanlıqları ilə təchiz edilmiş monoblok konteynerlər verilib. Konteynerlər istehsala hazır vəziyyətə gətirilərək, avadanlıq- ların istehsal keyfiyyətliliyi test edilib. Hazırda 8 ailədən müxtəlif növlərdə 44 ədəd cem və mürəbbə məhsullarının nümunəsi götürülərək sertifikatlaşdırılması üçün Respub- lika Gigiyena və Epidemiologiya Mərkəzinə göndərilib. Cem-mürəbbə istehsalı ilə məşğul olan “ABAD”çılar ümumilikdə 6 tondan yuxarı məhsul istehsal ediblər. Həmin məhsulların sertifikatlaşdırılma işləri başa çatdı- rıldıqdan sonra qablaşdırılaraq satışı- na başlanacaqdır. Süd məhsullarının emalı üçün nəzərdə tutulan 2 konteynerdə və ət məhsullarının emalı üçün nəzərdə tutulan 1 konteynerdə “ABAD” publik hüquqi şəxsin nəzdində çalışan müvafiq sahələrin mütəxəssislərinin iştirakı ilə konteynerlərin istehsal avadanlıq- larının yoxlanılması, “ABAD”çılara istehsal prosesinin öyrədilməsi və məhsul nümunələrinin test edilməsi istiqamətində işlər davam etdiri- lir. Kənd təsərrüfatı məhsullarının emalı ilə yanaşı, tətbiqi xalq sənətkarlığı sahəsində çalışan 5 nəfər sənətkarımızın əl işlərinin “ABAD”ın Bakı şəhərində yerləşən sənətkarlıq mərkəzlərində satışı təşkil edilib. Aqrar sektorun inkişaf etdirilməsi lə yanaşı, tikinti-quruculuq və abadlıq işləri də daim diqqət mərkəzindədir. Şəhərdə 29 çoxmənzilli yaşayış binasında və binaların həyətlərində təmir işlərinin aparılması nəzərdə tutulub, artıq 16 binada təmir işləri qismən başa çatdırılıb. Şərif kəndində 360 şagird yerlik məktəbin, Sarıbulaq və Mahamalar kəndlərində müvafiq olaraq 20 və 10 yerlik modul tipli məktəblərin tikintisi davam etdirilib. Şəhərin Səttar Gözəlov küçəsində “Bayraq muzeyi”nin, Heydər Əliyev prospektində “ABAD-park” komp- leksinin ikimərtəbəli binasının, Katex kəndində “Balxurma” MMC-nin qurutma sexinin və anbar binasının tikintisi davam etdirilir. Şəhərin Heydər Əliyev prospektində su xətlərinin dəyişdirilməsinə başlanı- lıb, həmin prospektin Qazbinə kəndi istiqamətində yolun hər iki tərəfində bardür və tamet daşları ilə səkilər düzəldilib, yaşıllıqlar salınıb. Xidmət sahələrinin fəaliyyətindən danışan həmsöhbətim dedi ki, elektrik enerjisi ilə təminatın yaxşılaşdırıl- ması sahəsində 32 transformator cari, 6 transformator əsaslı təmir edilib. Elektrik verilişi xətləri üzrə ümumilikdə 230-dan çox dayaq basdırılıb, 1,8 kilometr məsafədə SİP kabel çəkilib. Əhaliyə verilmiş qazın və elektrik enerjisinin dəyəri 100 faiz, içməli suyun dəyəri 91,7 faiz ödənilib. Yazının sonunda daha bir fakt barədə söz açmaq istəyirəm. Amma bu məsələnin sosial-iqtisadi inki- şafa, aqrar sektordakı uğurlara və ya, tikinti-abadlıq işlərinə qətiyyən dəxli yoxdur. Deyə bilərəm ki, bəlkə də, həmin işlərin heç birindən geri qalmayan bir addımdır. Söhbət ondan gedir ki, av- qustun 11-də rayonun Mərkəzi Xəstəxanasında qanvermə aksi- yası keçirilirdi. Aksiyada rayonda fəaliyyət göstərən bütün idarə, müəssisə və təşkilatların işçiləri, gənclər, o cümlədən, ictimaiyyətin nümayəndələri yüksək həvəslə və könüllü olaraq iştirak edərək, qana ehtiyacı olan insanların köməyinə çatmaq üçün bu nəcib və humanist xarakterli aksiyaya qoşulmuşlar. Bu xeyriyyə aksiyasının keçirilməsində məqsəd talassemiyalı və hemofiliyalı xəstələrə yardım etməkdən ibarət idi. Mən həmin gün qan vermək üçün tibb işçisinin qarşısında əyləşən müəllim, məmur, polis, sahibkar, tələbə, trak- torçu, bərbər, prokurorluq işçilərini görəndə qeyri-adi bir qürur hissi keçirdim. Onda yadıma düşən ilk fikirlərdən biri Birinci vitse-prezident, Heydər Əliyev Fondunun prezidenti Mehriban xanım Əliyevanın sözləri oldu. Mehriban xanım bir tədbirdə demişdi ki, xeyirxahlıq hissi hər bir azərbaycanlının ürəyində vardır.
tam orta məktəbi Goranboy rayonunun Meşəli kəndində fəaliyyət göstərir. Sözügedən təhsil müəssisəsində lazımi səviyyədə tərtibat və səliqə-sahman yaradılmışdır. Ulu öndərin, ölkə Prezidentinin həyat və fəaliyyətini əks etdirən stendlər yara- dılıb. Divar qəzetləri, fənn bülletenləri vaxtlı-vaxtında buraxılır. Şagirdlərin və məktəbə gələn qonaqların kəndin və məktəbin keçmişi və fəaliyyəti ilə bağlı tam məlumat alması üçün zəngin eksponatlı stendlər quraşdırılmışdır. Vaxtilə Meşəli kənd tam orta məktəbində işləyən kadrların 10 faizi, hazırda isə 80 faizi məktəbin öz məzunlarıdır. Son 10 ildə məktəb məzunlarından 3 nəfəri 500-dən yuxarı bal toplayaraq ali məktəblərə qəbul olunmuşdur. Onlardan 2 nəfəri 680 bal toplayaraq Prezident təqaüdünə layiq görülmüşdür. Bundan əlavə, 2017-ci ildə məktəbi bitirən məzunlardan 1 nəfəri 652 balla ali məktəbə qəbul olunmuşdur. Məktəbin şagirdləri keçirilən müsabiqə və yarışların rayon və respublika mərhələlərində fəal iştirak edirlər. 2016-2017-ci dərs ilində Meşəli kənd tam orta məktəbinin XI sinif şagirdi Qərib Vaqif oğlu Həsənov “Ədəbiyyat biliciləri” müsabiqəsinin rayon mərhələsində II yeri tutmuşdur. Məktəbin VIII sinif şagirdi İlham Teymur oğlu Əzimov fənn müsabiqələrinin respublika mərhələsində fəal iştirak etmişdir. Onuncu sinif şagirdi Vəfa Tahir qızı Nurməmmədova ulu öndər Heydər Əliyevin yubileyinə həsr olunmuş “Ən yaxşı təqdimat” müsabiqəsinin rayon mərhələsində III yerə layiq görülmüş- dür.
Məktəbə 28 ildir ki, Alış Alışov rəhbərlik edir. Onun 37 illik pedaqoji stajı var. A.Alışov məktəbə rəhbərlik etməklə yanaşı, 1988-1992-ci illərdə Meşəli kəndinin erməni terrorçu- larından müdafiə olunması üçün kənd özünümüdafiə batalyonunun təşkilində, dinc əhalinin qorunmasın- da fəallıq göstərmişdir. A.Alışov baş leytenant rütbəsi ilə özünümüdafiə batalyonu komandirinin müavini vəzifəsində döyüşmüş və yaralanmış- dır. A.Alışov direktorluq fəaliyyəti dövründə məktəbin təlim-tərbiyə işini günün tələbləri səviyyəsində qur- muş, müəllim, valideyn və şagirdlər arasında böyük hörmət və nüfuz qazanmış, rayonun ictimai işlərində yaxından iştirak etmişdir. Məktəb di- rektorunun səmərəli fəaliyyəti yüksək qiymətləndirilmiş və ölkə Prezidenti İlham Əliyevin 30 sentyabr 2014-ci il tarixli sərəncamı ilə o, “Tərəqqi ” medalına layiq görülmüşdür. Məktəbin pedaqoji kollektivi və şagirdləri Xocalı soyqırımı qurbanları- nın xatirəsinin əbədiləşdirilməsi üçün tez-tez müxtəlif tədbirlər təşkil edirlər. Məsələn, bunlardan biri bu ilin fevral ayında keçirilmişdir. Kollektiv 25 il əvvəl Xocalı soyqırımında şəhid olmuş 63 uşağın xatirəsinə məktəbin qarşısın- dakı ərazidə 63 ədəd həmişəyaşıl ağac əkmişdir. İndi hər gün həmin ağaclara xüsusi qulluq göstərilir. Pedaqoji kollektivin üzvləri ilə görüş zamanı aparılan söhbətdən məlum oldu ki, onlar yaradılan iş şəraitindən tam razıdırlar. Müəllimlər öz işlərini mövcud qanunvericiliyin tələblərinə və Təhsil Nazirliyinin müvafiq tapşırıqlarına və təlimatlarına uyğun qurmağa çalışırlar. Burada məktəbdaxili nəzarət mexanizmi- nin gücləndirilməsi istiqamətində məqsədyönlü tədbirlər həyata keçirilir. Məktəb jurnallarının və məktəbdaxili qiymətləndirmənin mövcud qaydalara uyğun aparılmasına və əmək intizamı qaydalarına ciddi əməl olunur. Vaxta- şırı açıq dərslərin keçirilməsi məktəb rəhbərliyinin diqqət mərkəzində saxlanılır. Bununla yanaşı, 2016-2017-ci dərs ilinin yekunları ilə əlaqədar məktəbdə aparılmış ilkin təhlillər göstərmişdir ki, məktəbin fəaliyyəti onun iş planına uyğun olaraq qurul- sa da, bəzi hallarda nəzərdə tutulan məsələlərin icrası ləngiyir. Həmçinin kadrların mövcud qaydalara uyğun seçilib yerləşdirilməsi, müəllimlərin peşəkarlıq səviyyəsinin artırılması, informasiya-kommunikasiya texno- logiyalarının tətbiqi və s. sahələrdə müəyyən problemlər qalmaqdadır. Məktəbin direktoru A.Alışovun da qeyd etdiyi kimi, bütün bunları pedaqoji kollektivin üzvləri yaxşı bilir və onların aradan qaldırılması üçün lazımi tədbirləri görürlər. Hazırda bu təlim-tərbiyə ocağında təhsilin keyfiyyətinin yüksəldilməsinə xidmət edən yaradıcılıq və təşəbbüskarlıq mühitinin yaradılması, icra intizamının daha da gücləndirilməsi və məsuliyyət mədəniyyətinin formalaşdırılması, gənc nəslin müstəqil həyata hazır- lanması və vətəndaş tərbiyəsi Meşəli kənd tam orta məktəbin rəhbərliyinin və müəllim heyətinin yeni 2017/2018- ci dərs ilində qarşısında duran ən mühüm vəzifələrdəndir və ümid edirik ki, onlar bu vəzifələrin öhdəsindən layiqincə gələcəklər. R. AĞAZADƏ Gürcüstanda NATO-nun növbəti hərbi təlimləri keçiriləcək
ruh”) çoxmillətli hərbi təlimləri keçiriləcək. APA-nın yerli bürosunun Gürcüstanın Müdafiə Nazirliyinə istinadən verdiyi xəbərə görə, təlimlər 3-11 sentyabr tarixində Orpolo hərbi poliqonu və leytenant Şota Xurtsidze adına Tank Qoşunları Mərkəzində təşkil olunacaq. Təlimlərdə Gürcüstan hərbçiləri ilə yanaşı ABŞ, Bolqarıstan, Latviya, Rumıniya, Ukrayna və Ermənistan hərbçiləri də iştirak edəcək. Təlimlərin keçirilməsində məqsəd ABŞ hərbçiləri ilə NATO-nun üzv və tərəfdaş ölkələrinin hərbçiləri arasında qarşılıqlı əlaqənin inkişaf etdirilməsi, müdafiə və hücum əməliyyatları üzrə biliklərin artırılması və regionda təhlükəsizliyin təmin olunmasıdır. Qeyd edək ki, “Agile Spirit 2017” (“Çevik ruh”) təlimləri 2011-ci ildən etibarən hər il keçirilir. Təlimlər Gürcüstanın ABŞ və NATO ilə əməkdaşlığının komponentlərindən biridir.
APA-nın xəbərinə görə, bunu ABŞ- ın Ukrayna üzrə xüsusi nümayəndəsi Kurt Volker “Deutsche Welle”yə müsahibəsində deyib. Xatırladaq ki Almaniya Azad Demokrat Partiyasının lideri Kristian Lindner Krımın statusunun dəyişməsinə göz yummağa və Rusiya ilə əlaqələrin bərpasına başlamağa çağırıb. O, hazırkı situasiyaya “qeyri-müəyyən müddətli müvəqqəti qərar” kimi baxmağı təklif edib. K. Volker isə bu cür fikirlərlə razı olmadığını söyləyib: “Mən Rusiyanın Krıma müdaxiləsi və bu bölgəni işğal etməsi ilə Donbas problemi arasın- da fərq görmürəm. Üstəlik, Krımla bağlı rusiyalılar bu ərazinin ilhaqından, mənimsənilməsindən danışırlar, təkcə işğaldan söhbət getmir. Mən hesab etmirəm ki, biz bu cür addımları qəbul etməli və legitimləşdirməliyik”. V. Volkerin sözlərinə görə, ABŞ Ukraynanın bütün ərazisində sülhün əldə olunmasında və Krımın qayıtma- sında maraqlıdır. O, Vaşinqtonun Don- bas probleminin həlli üzrə Kiyevdən və Avropa ölkələrindən xəbərsiz Rusiya ilə hər hansı razılıq əldə etməyə ça- lışmadığını da söyləyib: “Bu, olma- yacaq. Ukraynalıların başı üzərindən və ya avropalıların arxasından heç bir sövdələşmə ola bilməz”. ABŞ təmsilçisi bəyan edib ki, Ukrayna məsələsi Tramp administrasi- yasının beynəlxalq siyasətinin prioritet istiqamətlərindən biridir: “Ukrayna vacibdir. ABŞ və Rusiyanın ikitərəfli münasibətlərində başqa vacib məsələlər də var. Suriya, Şimali Koreya kimi beynəlxalq problemlər də var. On- ların hamısı vacibdir, lakin Ukrayna əsasdır”. Diplomatın sözlərinə görə, Va- şinqton Ukrayna ilə bağlı siyasətini o vaxt uğurlu sayacaq ki, bu ölkənin ərazi bütövlüyü bərpa olunsun və bütün ukraynalıların təhlükəsizliyinə təminat verilsin. Yüklə 297,71 Kb. Dostları ilə paylaş:
|