BAKI UNİVERSİTETİNİN XƏBƏRLƏRİ
№4
Humanitar elmlər seriyası
2011
UOT 81
UOT 81’367
46 21 45
MÜASİR AZƏRBAYCAN DİLİNDƏ BƏZİ LEKSİK VƏ QRAMMATİK
ŞƏKİLÇİLƏRDƏ QOVUŞMA
S.X.VƏLİYEVA
Bakı Dövlət Universiteti
s.x.valiyeva@gmail.com
Məqalədə təsviri üsula əsaslanaraq müasir Azərbaycan dilində leksik və bəzi qramma-
tik şəkilçilərdə mövcud olan qovuşuq və ya mürəkkəb şəkilçilərin tədqiqinə yer verilmişdir.
Burada leksik şəkilçilərdən zərflərin morfоloji хüsusiyyətləri araşdırılmaqla yanaşı, mən-
subiyyət şəkilçilərində də qovuşma faktı izlənilmişdir.
Açar sözlər: söz yaradıcılığı, dil vahidləri, mürəkkəb struktur, şəkilçi birikməsi,
qovuşma, zərf düzəldən və mənsubiyyət şəkilçiləri, semantik-morfoloji xüsusiyyətlər
Zərflərin özünəməxsus, onları digər nitq һissələrindən quruluş baxımından
fərqləndirən xüsusi sözdüzəldici şəkilçiləri var. Zərf yaranış etibarilə digər
nitq hissələrindən çox-çox sonralar meydana çıxmış və müasir dilimizin leksik
sistemində mühüm yer tutur. Zaman-zaman başqa nitq hissələrinin zəminində
formalaşan zərflər bu gün bəzi nitq hissələri ilə qarışıq Salınır. Bunun əsas
səbəbi türk dillərində zərfin sintaktik baxımdan, sintaktik zəmində müəyyən-
ləşdirmə tendensiyasıdır. Belə ki, zərflər, bir qayda olaraq, sözün cümlə da-
xilində daşıdığı sintaktik vəzifəsinə, semantikasına və ya semantik-morfoloji
xüsusiyyətlərinə görə müəyyənləşir. Bu xüsusiyyətlərin hər biri zərfin başqa
nitq hissələri ilə müqayisə olunması üçün əsas yaradır. Sintaktik cəhətə fikir
versək, əlamət və keyfiyyətlilik həm ismə, həm də felə aid olur ki, eyni sözü
çox vaxt isimdən də, feldən də əvvəl işlətmək olur və bu zaman həmin sözün
hansı nitq hissəsinə aid olduğunu müəyyənləşdirmək çətinlik yaradır.
Morfoloji cəhətə gəldikdə isə hətta xalis sifət düzəldən şəkilçi ilə formalaşmış
sifət özü də fellə əlaqəyə girə bilir. Bütün bunlar onu göstərir ki, zərfin
müəyyənləşdirilməsi olduqca çətindir. Lakin buna baxmayaraq, zərf yaradan
müxtəlif üsullar zərfi nitq hissələri içərisində yerini dəqiqləşdirilməsinə kömək
22
edir. Bu gün zərflər müxtəlif üsullarla tərkibini zənginləşdirir. Belə ki, zərflər
leksik, morfoloji və sintaktik üsullarla yaradılır. Bu yolların içərisində mor-
foloji yolla zərf yaradıcılığı zənginliyi və rəngarəngliyinə görə səciyyələnir.
“Morfoloji söz yaradıcılığı prosesində iştirak edən şəkilçilərin ümumi cəhətləri
onların leksik-qrammatik əlamətləri, məhsuldarlığı, törəmə yolları, məna
yaradıcılığı; xüsusi cəhətləri isə ayrı-ayrı nitq kateqoriyalarına münasibəti ilə
müəyyənləşə bilir” (3,6).
Dil strukturunun inkişafı yeni dil vahidlərinin yaranması və yaxud möv-
cud vahidlərin zənginləşməsi ilə sıx bağlıdır. Dil quruluşundan asılı olaraq dil
vahidlərinin yaranmasının müxtəlif yolları var. Azərbaycan dilində iltisaqiliyin
əsas əlamətlərindən biri olaraq, şəkilçilərin sözə qoşulması müəyyən ardı-
cıllığa malikdir. Belə ki, söz köklərinə, ilk növbədə, leksik şəkilçilər, daha
sonra isə qrammatik şəkilçilər artırılır. Lakin bununla yanaşı, bəzi istisnalar da
olur. Yaratdıqları çalarlara görə bir–birindən fərqlənən şəkilçilər öz quruluşu-
na görə də müxtəlif strukturludur.
Ümumiyyətlə, dildə daim bir-birinə tərs mütənasib olan proseslər gedir.
Bəzi vahidlərdə çoxhecalılıqdan təkhecalılığa transformasiya, həmçinin
mürəkkəb və düzəltmə söz köklərində sadələşmə prosesi baş verdiyi halda,
dildə bunun əksinə olan bir proses də gedir ki, bu da müstəqil şəkilçilərin
birikərək və yaxud qovuşaraq mürəkkəb şəkilçilərə çevrilməsi prosesidir.
Bunu da şərti olaraq mürəkkəbləşmə adlandırmaq olar.
Müasir Azərbaycan dilində zərf düzəldən şəkilçilərin müxtəlif növlərinə
rast gəlinir ki, bunlardan biri qovuşuq şəkilçilərdir. Dilimizdə qovuşuq halda
işlənən zərf şəkilçiləri bunlardır:
1. -casına/-cəsinə; 2. -cadan/-cədən; 3. -ına /-inə; 4. -arı /-əri; 5. -akı /-əki.
Ümumiyyətlə, tərkib baxımından müxtəlif xüsusiyyətlərə malik olan
zərflərin mənşəyində müxtəlif nitq hissələri dayanır. Hər nitq hissəsindən bir
əlaməti özündə cəmləşdirən zərflər Azərbaycan dilində artıq müstəqil bir nitq
hissəsidir. Məhz bu cəhətdən də, dilimizdəki qovuşuq zərf şəkilçilərinin əsa-
sında bu və ya digər nitq hissəsinə məxsus olan şəkilçilərin durması təbiidir.
1. –casına /–cəsinə. Quruluş etibarilə mürəkkəb olan bu şəkilçi, müasir
Azərbaycan dilində üç müstəqil şəkilçinin birikməsindən formlaşmışdır.
Məhsuldar şəkilçi adlandırıla bilən –casına
2
modallıq və intensivlik mənası
yaradan –ca /–cə, üçüncü şəxs mənsubiyyət–sı /–si və yönlük hal şəkilçilərinin
şəkil əlamətinin –(n)a / –(n)ə birləşməsindən yaranmışdır.
Quruluşu : -ca+(s)ı+(n)a / -cə+(s)i+(n)ə.
Bu şəkilçi dilimizdə əsasən, isim və sifət köklərinə artırılaraq, hərəkətin
tərzini bildirir. Məsələn: dostcasına; qardaşcasına; insancasına; alçaqcasına;
asancasına; qorxaqcasına və s.
2. –cadan /–cədən. Göründüyü kimi, bu şəkilçidə qovuşuq şəkildədir. –
ca /–cə ilə ismin çıxışlıq hal –dan /–dən şəkilçilərinin vəhdətindən ibarətdir.
Və şəkilçi artırıldığı sözdə hərəkətin icrasının əvvəlcədən çıxış nöqtəsinin
zaman əlamətini ifadə edir. Məs.: qabaqcadan; gizlincədən; əvvəlcədən və s.
23
3. –(s)ına /–(s)inə qovuşuq şəkilçisi. Məhsuldar şəkilçilərdəndir. III şəxs
mənsubiyyət (–ı
4
və ya –sı
4
) və (n)–a /–ə yönlük hal şəkilçisinin birləşməsidir.
Bu şəkilçi iş və hərəkətin tərzini bildirərək tərz bildirən zərflər əmələ gətirir:
başına; tərsinə; düzünə; əyrisinə; çəpinə; boşuna və s. Bu sözlərdə –ı(sı) və –
(n)a şəkilçisinin mövcudluğu açıq şəkildə özünü göstərir, lakin, təbii ki, bun-
ları ayrı-ayrı təqdim etmək olmaz, ən azı ona görə ki, -ına
2
, artıq qrammatik
şəkilçi deyil, vahid leksik şəkilçi kimi formalaşmışdır.
4. –arı /–əri. Zərf əmələ gətirən şəkilçilərin formalaşmasında ismin hal
şəkilçilərinin xüsusi rolu var. Bu da ilk növbədə hal şəkilçiləri olan sözlərin
adverballaşması ilə əlaqədardır. Bu prosesi keçən zərflərin tərkibindəki hal şəkil-
çilərinin bir qismi (–da; –dan) leksik funksiya daşıdığı halda, digər isə (–qarı
arxaikləşib asemantik morfemə çevrilmişdir. Məs.: dilimizdəki ayda, ildə, gündə,
yaxında; bərkdən, pəsdən, tezdən və s. bu kimi zərflərin çoxunda yerlik və çıxışlıq
hal şəkilçiləri artıq ilkin qrammatik semantikasını itirərək, zərfin morfoloji
göstəricisinə, daha doğrusu, zərfdüzəldici şəkilçiyə çevrilmişdir.
–arı /–əri şəkilçisini izah edən S.Cəfərov yazır ki, «Bu şəkilçi yönlük hal
şəkilçisi ilə bir zaman, məkan bildirmək üçün işlədilən və sonra –ra /–rə kimi
formaya düşmüş qoşmanın birləşməsi nəticəsində törəmişdir. Vaxtilə məkan
qoşması olmuş və indi şəkilçiləşmiş olan –ra /–rə ünsürünü bura, ora, üzrə,
içrə sözlərində görə bilirik. Görünür ki, –ra/–rə yönlük hal şəkilçili sözlərlə
işləndikdə –rı /–rı şəklində düşərək –arı /–əri zərf şəkilçisini əmələ gətirmişdir.
Müasir dilimizdə bu şəkilçi iç sözündə (içəri) öz varlığını saxlamışsa da,
yuxarı, geri, ayrı, bəri kimi bir sıra sözlərdə itirərək söz tərkibinə qarışmış və
sadə yer zərfləri əmələ gətirmişdir» (3, 130).
Bu şəkilçidən bəhs edən F.A.Cəlilov göstərir ki, –arı /–əri şəkilçisi
yönlük hal şəkilçisi olan –qarı /–qaru şəkilçisindəndir. Və inkişaf xəttini bu
cür izah edir: –qarı > –arı // –ar dəyişməsi ilə (2, 186).
Bizə görə, bu şəkilçi –qarı/–qaru şəkilçisinin birinci səsininin düşməsi
ilə əmələ gəlmişdir. Məs.: yuxarı, irəli, geri, bəri və bu kimi s. sözlər müasir
dildə sadələşir. Qədim yönlük hal şəkilçisi olan –qaru//-gerü – [q][g] – səsinin
düşməsi ilə formalaşmışdır. Bu forma –arı/-əri şəkilçili zərflərin tərkibində
aydın seçilir. Məs.: irəli≤iləgərü sözlərində ilkin forma saxlanılmışdır. –qaru
morfemi ilgərü, yuxqaru sözlərində rekonstruksiya etmək olursa, oxşar keçid
keçirən yerə, ara sözlərində olan –re və –ra şəkilçilərini bura (bu ara), ora (o
ara) sözlərində də bərpa etmək olur.
5. Zərf düzəldən qovuşuq şəkilçilərdən sonuncusu –akı / –əki şəkilçisi-
dir. Bu şəkilçinin tərkib hissələri müasir dilimizdə geniş işlənmə tezliyinə
malikdir: belə ki, –akı / –əki şəkilçi –a / –ə yönlük hal şəkilçisi və –ki /–kı
adlardan sifət düzəldən (səhərki, bizimki və s.) şəkilçilərin qovuşmasıdır. Bu
şəkilçi ilə düzələn söz köklərinə Azərbaycan dilində çox da rast gəlinmir,
yalnız bir–iki sözün tərkibində. Məs.: yanakı, çəpəki və s.
Bura qədər deyilənlərdən aydın olur ki, mürəkkəbləşmə nəticəsində
formalaşmış şəkilçinin tərkib hissələri ayrılıqda yeni mənalı söz yaratmaq
24
funksiyasını itirmiş olur (və ya qrammatik şəkilçi mövqeyində dayanır). Bu
şəkilçilər birləşmə daxilində fonetik tamlığını saxlasa belə, bəzi şəkilçi bir-
ləşmələrin səs xüsusiyyətlərindən asılı olaraq tamamilə dəyişib, başqa bir
şəkilə düşmüşdür.
Tarixən dilimizdə leksik şəkilçilərdə qovuşma ilə yanaşı qrammatik şə-
kilçilərdə də qovuşma prosesi mövcud olmuşdur. Müasir Azərbaycan dilində
qovuşuq qrammatik şəkilçilərə əsasən felin təsriflənməyən formalarında (xüsusilə,
feli bağlama və feli sifət şəkilçiləri); felin təsriflənən formalarında (xüsusilə,
xəbərlik formasının – qəti gələcək zaman şəkilçisi, felin lazım və vacib formaları)
və mənsubiyyət şəkilçisinin I–II şəxsin cəm şəkilçilərində rast gəlinir. Məqalənin
həcmi nəzərə alınaraq, burda son şəkilçilərin izahına çalışacağıq.
Müasir dilimizdə qrammatik qovuşuq şəkilçilərdən biri I və II şəxs mən-
subiyyət (cəmi) kateqoriyasının şəkil əlamətidir: «-ımız
4
,-ınız
4
şəklində
işlənən bu şəkilçi əksər türk dillərində mövcuddur (6).
«Mənsubiyyət kateqoriyası diaxroniya baxımından hal, şəxs və kəmiyyət
kateqoriyaları ilə sıx əlaqədə olmuşdur ki, bunun da izi həmin kateqoriyaların
morfemlərində aydın hiss olunur» (2, 203).
A.N.Kononov mənsubiyyət şəkilçilərindən bəhs edərkən göstərir ki, I
şəxsdə təkdə –m, cəmdə –iz, II şəxsdə təkdə –n, cəmdə –iz şəkilçiləri cəm
şəklinin arxaik formalarıdır (7, 52).
N.K.Dimitriyev də I və II şəxsin təki və cəmini şəxs əvəzlikləri ilə ifadə
olduğunu qeyd edir və tərkib etibarilə I və II şəxsin cəmi mənsubiyyət şəkil-
çilərini iki morfemə ayırır: –ım+ız; –ın+–ız. Burada –ız kəmiyyət kateqo-
riyasının arxaik şəkli olduğunu vurğulayır (5, 57).
Bu şəkilçilərin mənşəyi çox aydındır: belə ki, I və II şəxs mənsubiyyət
kateqoriyasının formantları –(ı)–m+ız və –(ı)n +ız şəklindən ibarətdir.
–(ı)m, –(ı)n mənsubiyyət şəkilçisi, –ız formantı isə türk dillərində geniş
işlənən, lakin Azərbaycan türkcəsində vaxtı ilə qoşalıq, cəmlik anlayışını ifadə
edən şəkilçidir. Bu şəkilçilər Azərbaycan dilində keyfiyyət etibarilə güclü qo-
vuşmaya məruz qalaraq, dildə vahid formant kimi çıxış edirlər.
Bütün bu deyilənlərdən aydın olur ki, şəkilçilərin qovuşması böyük bir
proses olub, dildə yeni morfoloji, leksik vahidlərin formalaşmasına səbəb olur.
Sonda qovuşma prosesi keçirmiş və keçirməkdə olan şəkilçilərin ümumi
xarakteristikasını bu cür vermək və yekunlaşdırmaq olar:
1. Qovuşmuş şəkilçi tarixən ən azı iki şəkilçidən ibarət olmalıdır.
2. Bu tip şəkilçilərin komponentinin biri məhsuldar, digəri qeyri–məh-
suldar ola bilər. Məs.: –ıcı
4
.
3. Vahid struktura malik olurlar.
4. Söz daxilində parçalanmaya məruz qalmırlar.
5. Eyni formant müxtəlif şəkilçilərlə birləşərək başqa kateqoriyanın
əlamətinə çevrilə bilər. Məs.: dıq+da; dıq+ım; dıq+ca və s.
6. Qovuşmuş şəkilçilər dildə yeni leksik-qrammatik vahidlərdəndir.
7. Dildə mövcud olan şəkilçilər müxtəlif fonetik hadisələrə məruz qalıb,
25
ya sadələşə, ya da ki, mürəkkəbləşə bilər. Məs.: la+ar > –lar sadələşir, –an+aq
şəkilçisi isə mürəkkəb quruluş yaradır.
8. Dildə iki leksik şəkilçinin qovuşması bu şəkilçinin artırıldığı sözün
semantikası ilə çox bağlıdır.
ƏDƏBİYYAT
1.
Cəlilov F.A. Azərbaycan dilinin morfonologiyası. Bakı: Maarif, 1988, 285 s.
2.
Cəfərov S. Azərbaycan dilində söz yaradıcılığı. Bakı: ADU, 1960, 204 s.
3.
Qiyasbəyli M. Azərbaycan dilində morfoloji söz yaradıcılığı. Bakı: Maarif, 1987, 180 s.
4.
Джафаров М.М. Сложные слова как объект лингвистического исследования // Из-
вестия Бакинского Университета. Серия гуманитарных наук, 2006, №4, с. 12-16.
5.
Дмитриев Н.К. Грамматика башкырского языка. М.-Л., Акад. Наук ССР в Ленин-
граде. 1948, 276 с.
6.
Закиев М.З. О тюркской морфонологии/ / Советская тюркология, Баку, 1984, №1, с.
35-44.
7.
Кононов А.Н. О фузии тюркских языков // Структура и история тюркских языков.
М.: Наука, 1971, с. 108-121.
8.
Щербак А.М. Слог и его структура (на материале тюркских языков) // Вопросы
тюркологии. Баку, 1971, с. 175-176.
НЕКОТОРЫЕ ЛЕКСИЧЕСКИЕ И ГРАММАТИЧЕСКИЕ СОЕДИНЕНИЯ
СУФФИКСОВ В СОВРЕМЕННОМ АЗЕРБАЙДЖАНСКОМ ЯЗЫКЕ
С.Х.ВЕЛИЕВА
РЕЗЮМЕ
В статье впервые в азербайджанском языкознании с точки зрения современного
языка рассматриваются соединения суффиксов создающих наречие, а также дается
анализ суффиксов в притяжательном падеже. Соединенные суффиксы иногда внутри
соединения хотя и оставляют свое фонетическое значение, но в зависимости от звука
полностью меняют свой вид и принимают другую форму.
Ключевые слова: язык, слова, сложный аффикс, словообразования, наречия, фузии
SOME LEXICAL AND GRAMMATICAL AFFIXES
IN MODERN AZERBAIJAN LANGUAGE
S.Kh.VALIYEVA
SUMMARY
Along with the connective affixes making adverb from the point of view of modern
language, the connection fact at the possessive affixes are systematically described in the
article. Though, in some parts connective affixes keep their phonetic integrity, they are
completely modified depending on the voice peculiarities of the connection of affixes.
Key words: language, words, complex affixes,
affixes of possession, structure, lan-
guage,
to create a word
26
Dostları ilə paylaş: |