BAKI UNİVERSİTETİNİN XƏBƏRLƏRİ
№4
Humanitar
elmlər seriyası
2011
UOT 003.29
ƏCNƏBİ ALİMLƏRİN ƏSƏRLƏRİNDƏ AZƏRBAYCAN
NUMİZMATİKASI ( ƏN YENİ ƏSƏRLƏR SIRASINDA)
M.İ.VƏLİYEVA
AMEA-nın Arxeologiya və Etnoqrafiya İnstitutu
aylin70@mail.ru
Azərbaycan tarixinin sosial-iqtisadi və siyasi münasibətlərinin öyrənilməsi əksər
hallarda maddi mədəniyyət nümunələrinə əsaslanır. Bu cür maddi-mədəniyyət qalıqları
sırasında numizmatik materialların danılmaz və əvəzedilməz rolu vardır. Belə ki, əgər orta
əsrlərdən etibarən tarixin qaranlıq səhifələrini araşdırmaq üçün kifayət qədər əlyazmalar
mövcuddursa, erkən dövlətçilik tariximizin dəqiqləşdirilməsində məhz arxeoloji qazıntılar
zamanı və yaxud təsadüfi tapıntılar nəticəsində aşkar edilən sikkə nümunələri bütöv bir tarixi
hadisələri araşdırmaq üçün mütəxəssislər tərəfindən əsas mənbə kimi götürülür. Sikkələrin
avers və reversindəki paleoqrafik nümunələr – simvollar, ayrı-ayrı sözlər, monoqramlar,
əsasən dövlətlərin kimlər tərəfindən idarə edildiyini, ikonoqrafik nümunələr – portret və
şəkillər onların bütün kiçik detalları ilə birlikdə dövrün geyim nümunələrinin, dini dünya
görüşlərinin, bəzək elementlərinin və s. çox vacib olan faktların araşdırılmasında mühüm
mənbə olaraq qalır. Ən kiçik elementin belə, yəni «oxşatma zərbin» mövcudluğu hansısa bir
dövlətin tərkibində nominal asılılığı və bu səbəbdən də, zaman-zaman pul bazarında
çatışmazlığın öyrənilməsi üçün ən vacib bir faktordur.
Açar sözlər: Sasanilər. Şəddadilər; etnik sual
Sikkəşünaslıq materialları ən qədim dövrlərdən etibarən dövlətlərin ya-
ranma və inkişaf pillələrinin öyrənilməsi üçün vacib bir mənbə kimi istifadə
olunur. Dünya elmi ictimaiyyəti bu vacib faktoru hələ XVIII əsrin ortalarından
etibarən qəbul etmiş və istifadə etməyə başlamışlar.
Azərbaycan tarixinin çox mühüm və qədim dövrlərinin ciddi araşdırıl-
ması baxımından dünya alimləri tərəfindən numizmatik materialların vacibliyi
uzun zamandır ki, qəbul edilməmişdir. Buna baxmayaraq, XXI əsrin əvvəlin-
də, keçən 200 il ərzində əcnəbi alimlərin əsərlərində dövlətimizin tarixinin
dəqiqləşdirilməsi üçün sikkə materiallarının və hansı kontekstdən elmə daxil
edilməsi öyrənilməmişdir.
XXI əsrin ilk onilliyində dünyada baş verən qlobal dəyişikliklər sırasın-
da bir çox elm sahələrinə də yenidən “baxış” keçirilir. Belə dəyişikliklərə, yeni
213
ideyalara məruz qalan elmlər sırasında numizmatika və numizmatik material-
ları da göstərmək olar.
Keçən iki yüz ildə Azərbaycan numizmatika elminin həm vətənimizin
tarixinə, həm də dünya tarixinə bəxş etdiyi bir çox yeniliklər vardı. Bu kimi
yeniliklər sırasında Orta əsrlərdə Şərq ölkələrində yaranmış feodal dövlətləri-
nin tarixi və onlarla bağlı bir çox məsələlər məhz sikkələrin araşdırılması za-
manı aydınlaşdırılmışdı. Belə məsələlər sırasında Azərbaycanda xilafətin
dağılması zamanı meydana gələn kiçik, bəzi hallarda yarımmüstəqil və qısa-
müddətli fəaliyyət göstərən feodal dövlətlərinin hakim sülalələrinin, şəcərələ-
rinin dəqiqləşdirilməsini göstərmək olar.
Bu cür dövlətlərdən olan Şəddadilərin ölkəmizin tarixində böyük rolu
olmuşdu. Şəddadilərin, əsasən Azərbaycan torpaqlarında yaranması məsələsi
dünya alimləri tərəfindən qəbul olunmuş aksiomadır. Buna baxmayaraq yeni
erməni numizmat-tarixçilərindən olan A.Akopyan adlı birisi 2010-cu ildə
Gürcüstanda keçirilən “Qafqazın arxeologiyası, etnologiyası, folkloristikası”
adlı beynəlxalq konfrans materiallarında bu dövlətin hakim şəcərəsini heç bir
sikkə materialı olmadan “erməniləşdirməyə” çalışmışdır. Müəllif ilk dəfə
tarixə adı məlum olmayan Aşot ben Şavur (460-461 hicri ili - 1067-1069-cu
illər) haqqında məlumat verərək onun erməni mənşəyini əsaslandırmağa çalışır
və belə bir gülünc nəticəyə gəlir ki, onlar (Baqratilər - ana xətti ilə) “qədim
erməni şəhərləri” olan Dəbil və Anidə qanuni hökmdarlıq etmişlər. Hətta onlar
İsgəndər ben Şavurdan da əvvəl hakimiyyətdə olmuşlar.
Maraqlıdır ki, müəllif Dəbil ərazisində 2010-cu ildə təsərrüfat işləri
zamanı aşkar edilən bir qrup eynitipli sikkələri təyin etməyə çalışır və orada
İsgəndərin adından Ərməniyyədə 331 hicri ilində (942-943-cü illər) və 353 h.i.
(964-cü ildə) zərb edilən bilon sikkələrin bəzi fotoşəkillərini oxucuya təqdim
edirlər (1, 49-50). Şəddadilərin tarixində bilon sikkələrin daxili bazarlarda
istifadə edilməsi haqqında elmi ədəbiyyatda müəyyən məlumatlar vardı.
Amma həmin sikkələrin anonim olması elə məqalədə verilən 1 və 2-ci fotoşə-
killərdə də öz əksini tapır (1, 50). Bu fotolarda İsgəndər ben Şavurun adı aydın
oxunur. Digər yazılar təyin edilmir.
Başqa bir qərəzli məqam isə Şəddadilərin bir neçə qola bölünməsidir.
Belə ki, müəllif Gəncə Şəddadilərini Dəbil Şəddadilərindən kəskin olaraq
məhz sikkələrinə əsasən fərqləndirmişdir. Əsas kimi çox primitiv elementlər
göstərir. O cümlədən, Gəncədə zərb edilən pulların nisbətən iri hərflərlə, Dəbil
və Anidə isə lakonik və yalnız hökmdarın adının göstərilməsini əsas kimi təq-
dim edir. Halbuki, numizmatik elminin əsaslarında hərflərin eyni vaxtda mə-
kanda və hökmdar tərəfindən fərqli zərb işi artıq mərkəzləşmiş dövlətin
mövcudluğundan xəbər verməsi kimi qəbul olunubdur (3). Yəni kiçik şəhərlər-
də zaman-zaman yerli zərbə icazə verilib və bunun da əsas səbəbləri xırda pul
vahidlərinin çatışmazlığı ola bilərdi.
A.Akopyanın digər bir araşdırması Cənubi və Şimali Qafqazda 2007-
2009-cu illərdəki numizmatik tapıntılara həsr olunmuşdu. Müəllif həmin sik-
214
kələrin ona hansı yolla, kimlər tərəfindən və dəqiq haradan tapılmasını, yəni
topoqrafik məlumatları vermədən birbaşa təsvirə keçmişdi. Bizim üçün maraq-
lı olan 2009-cu ildə köhnə Qəbələdən aşkar edilən Ərəşdə 978 hicri ilində
(1570-1571-ci illər) zərb olunmuş və onun tərəfindən “lənətlənmiş” tipli iki
ədəd mis sikkə, Ordubadda da zərb olunmuş eynitipli mis sikkə, 2008-ci ildə
Ordubadın Dəstə kəndi yaxınlığında tapılan iki ədəd qızıl nomınaldı. Burada
erməni mənşəli müəllif fürsətdən istifadə edərək Dəstə kəndinin qədim erməni
şəhəri olan Aqulisin yaxınlığında olmasını xüsusi olaraq qeyd edir (2, 47).
2010-cu ildə Fransada gürcü alimi M.Tsotseliya tərəfindən qələmə alı-
nan “Sasanilərin sikkələri” adlı monoqrafiyası çap olunmuşdu. Bu kitabda,
əsasən Gürcüstan ərazisində XX-XXI əsrin əvvəllərində aşkar edilən və Gür-
cüstan Milli Muzeyinin “Numizmatika” Fondunda saxlanılan bəzi dəfinələr
geniş araşdırılmışdı. Sikkələrin numizmatika təhlili zamanı, həmçinin Azərbay-
can şəhərlərində zərb edilən Sasani dövrünün pullarından da bəhs edilir (5).
2009-cu ildə rusiyalı alim Q.V. Zlobin tərəfindən “Монеты Ширванша-
хов династии Дербенди (третья династия) 784 г. x (1382) – 956 г. х. (1548)
əsəri işıq üzü görüb.
Bu əsərdə Şirvanşahların sikkə materiallarının öyrənilməsi tarixində ilk
dəfə dövlətin son 172 ili 151 ədəd sikkənin öyrənilməsi ilə həyata keçirilmişdi.
Burada 284 sikkənin əllə çəkilmiş və 254 ədəd sikkənin isə fotoşəkilləri vardı.
Üç bölümdən ibarət olan kitabda Şirvanın tarixi-coğrafi təsviri, öyrənilmə
tarixi, ikinci fəsildə Dərbəndilərin hakimiyyət illərinin geniş tarixi təsviri,
üçüncü fəsildə bu sülalənin elmə məlum olan gümüş və mis sikkələrinin elmi
kataloqu çap olunmuşdu.
Araşdırdığımız mövzu çərçivəsində həm də Şirvanşahların sikkələrinin
bənzətmələri haqqında da məlumat vardı. Bu cür sikkələrin mövcudluğu haq-
qında Azərbaycan numizmatika elmində araşdırma, ümumiyyətlə yox dərəcə-
sindədir (4).
ƏDƏBİYYAT
1.
Acopyan A. An unique coin of the Shaddadidruler, Ashot ibn Shavur //Journal of Oriental
Numizmatic Sosiety, 195 (2008), p. 5-6. 120 s.
2.
Акопян А. О монетных находках в Закавказье и на Северном Кавказе в 2007-2008
гг. – В материалах Международной конференции «Археология, этнология, фольк-
лористика Кавказа» Тбилиси: Меридиани, 670 с. 2011.
3.
Лебедев В.П. , Марков Д.Б. , Коуфман А.А. Монетное дело и монетное обращение
Ганджинского эмирата Шаддадидов (сер XI в), М.: Просвещение, 46 с. 2006.
4.
Злобин Г. В. Монеты династии Дербенди (третья династия), М.: Просвещение, 432
с. 2010.
5.
Tsotselia M. History and coin finds in Georgiya, Sasanian coin finds and hoards Paris, 96
pages. 2003.
215
АЗЕРБАЙДЖАНСКАЯ НУМИЗМАТИКА В ТРУДАХ ЗАРУБЕЖНЫХ УЧЕНЫХ
(НА ОСНОВЕ ОПУБЛИКОВАННЫХ ТРУДОВ ПОСЛЕДНИХ ЛЕТ)
М.И.ВЕЛИЕВА
РЕЗЮМЕ
В данной статье автор обращает внимание на некоторые исследования зарубеж-
ных авторов, где рассматриваются некоторые вопросы азербайджанской нумизматики .
В целом, монеты и монетная регалия в денежном обращении нашей страны около 200
лет привлекает внимание многих зарубежных ученых. В настоящее время эта тенденция
как бы продолжается в другом направлении. Примечательно, что в данном исследова-
нии особо рассмотрены некоторые вопросы истории Азербайджана на основе этих
опубликованных материалов.
Ключевые слова: Сасаниды, Шеддадиды, этнический вопрос
AZERBAIJAN NUMISMATICS IN THE WORKS OF FOREIGN SCHOLARS
(ON THE BASIS OF PUBLISHED WORKS IN RECENT YEARS)
M.I.VELIYEVA
SUMMARY
The article elucidates some studies of foreign authors which examine Azerbaijan
numismatics. In general, coins and monetary regalia in the currency of our country have
attracted the attention of many foreign scholars for nearly 200 years. Currently, this trend
seems to continue in another direction. It is noteworthy that in the paper, we consider some
aspects of the history of Azerbaijan on the basis of published materials.
Key words: Sassanids, Shaddadids, ethnic questions.
216
Dostları ilə paylaş: |