6 dekabr 2016-cı il, çərşənbə axşamı 6
Yüklə 381,14 Kb. Pdf görüntüsü
|
- Bu səhifədəki naviqasiya:
- Qoşqar ƏLİYEV, ATU-nun ictimai fənlər kafedrasının müdiri, fəlsəfə elmləri doktoru
- Suraxanıda silsilə tədbirlərlə anılır
- Vaqif BAYRAMOV, “Xalq qəzeti” Azərbaycan əhalisinin 75 faizdən çoxu internet istifadəçisidir
- Hazırladı: M.MÜKƏRRƏMOĞLU, “Xalq qəzeti” Azərbaycan ilə Pakistan arasında sərmayə qoyuluşu və
- Şərifov ölkəmizdə səfərdə olan Pakistan İslam Respublikasının ticarət naziri Xürrəm Dastgir Xan ilə görüşüb.
- Lənkəran qışın sınaqlarına hazırdır
- Əli NƏCƏFXANLI, “Xalq qəzeti”
| 6 dekabr 2016-cı il, çərşənbə axşamı 6
demişdir: “Mən çox istərdim ki, biləm: mən kiməm və bu dünyada nə axtarıram?” Bu sualı bütün zəka sahibləri həmişə özlərinə verirlər. Bu sualın cavabı geniş dünyagörüşünə sahib olan şəxsiyyətlərin daxili aləmlərində, mənəviyyatında, yaradıcılığında öz təcəssümünü tapır. AMEA-nın müxbir üzvü, Əməkdar elm xadimi, iqtisad elmləri doktoru, professor Aqil Əliyev belə zəka sahiblərindən idi. Doxsan illik yubileyi ərəfəsində aramızda olmadığı bir zamanda onun haqqında yazmaq, sözsüz ki, çox çətindir. Bu çətinlik onun cismani yoxluğu ilə əlaqədar olsa da, bu böyük insanın yaratdıqları, iqtisad elmi sahəsində zəngin fikirləri ilə bağlı mülahizə və ideyaları bu gün də çox dəyərli və əhəmiyyətlidir. Bu dəyərləri qiymətləndirmək heç də asan deyil. Milli Elmlər Akademiyası- nın müxbir üzvü, Əməkdar elm xadimi, iqtisad elmləri dokto- ru, professor Aqil Əlirza oğlu Əliyev, sözün əsl mənasında, ziyalı idi. Aqil müəllimin ziyalı- lığı xalqımızın əsrlərdən bəri yol yoldaşı olan mənəviyyatımızı, ədəb-ərkanımızı qoruyub saxla- maqda, onu intellektin işığında həmişə uca tutmaqdadır. Aqil Əlirza oğlu Əliyev 1926-cı il dekabrın 10-da Vətənimizin ən qədim diyarla- rından biri olan Naxçıvanda ana- dan olmuşdur. Atası Əlirza Cəfər oğlu Əliyev 1943-cü ildə Nax- çıvan şəhərində vəfat etmişdir. Atasının vəfatından sonra ailənin bütün ağırlığı yeniyetmə Aqil Əliyevin üzərinə düşmüşdür. Müharibə illərində arxa cəbhədə çalışaraq çətinliklə ailə üzvlərinə kömək edərdi. Anası İzzət xanım sadə bir evdar qadın kimi, öz övladlarının təhsilli olmalarına çox üstünlük verərdi. Namaz qılıb oruc tutan ananın ümdə ar- zusu övladlarını təhsilli görmək idi. O, Məhəmməd peyğəmbərin (s.) beşikdən qəbrədək elm öyrənməyi müsəlmanlara tövsiyə edən sözlərini övladlarına xatır- ladırdı. Həzrət Əli (ə.) demişdir: “Elm zənginlər üçün bəzək, kasıblar üçün zənginlikdir”. Onun övladlarına tez-tez çəkdiyi bu cür misallar öz bəhrəsini verməyə bilməzdi. Odur ki, Aqil Əliyev 1946-cı ildə Bakı Dövlət Universitetinə daxil olmuş və 1951-ci ildə oranı bitirmişdir. 1953-cü ilə qədər Azərbaycan EA-nın Tarix İnstitutunda elmi işçi vəzifəsində çalışmışdır. Onun iqtisad elminə və pedaqoji fəaliyyətə böyük marağı olduğundan 1953-cü ilin may ayında Azərbaycan Tibb Universitetinin siyasi iqtisad kafedrasında əmək fəaliyyətinə başlamışdır. Ömrünün sonuna qədər, yəni 53 il müddətində həmin universitetin siyasi iqtisad kafedrasında müəllim, dosent, professor və kafedra müdiri vəzifələrində çalışmışdır. Aqil Əliyev 1970-ci ildə “Şəhər və kənd əhalisinin həyat səviyyəsinin bir-birinə yaxınlaşması problemləri” mövzusunda namizədlik dissertasiyası müdafiə edərək iqtisad elmlər namizədi alimlik dərəcəsi almış, 1973-cü ildə dosent vəzifəsinə, 1979-cu ildə professor vəzifəsinə seçilmişdir. O, 1982-ci ildə “Şəxsi istehlakın iqtisadi problemləri” mövzu- sunda doktorluq dissertasiyası müdafiə edərək iqtisad elmləri doktoru alimlik dərəcəsinə layiq görülmüşdür. A.Əliyevin elmi-pedaqoji fəaliyyəti, xidmətləri ayrı-ayrı dövrlərdə dövlətimiz tərəfindən layiqincə qiymətləndirilmişdir. O, 1982-ci ildə Əməkdar elm xadimi fəxri adına, “Şöhrət” və “Qırmızı Əmək Bayra- ğı” ordenlərinə, çoxlu say- da medal, fəxri fərman və təşəkkürnamələrə layiq görül- müşdür. Aqil Əliyev 190-dan artıq elmi əsərin, o cümlədən 32 monoqrafiya və kitabın müəllifi olmuşdur. Çoxsaylı elmlər namizədi və elmlər doktorunun yetişməsində əvəzsiz xidmətlər göstərmişdir. Azərbaycanda ilk dəfə olaraq “Şəxsi istehlakın iqtisadiyyatı və problemləri”, “Aqrar iqtisadiyyatın aktual problemləri”, “Kənd əhalisinin həyat səviyyəsinin yüksəldilməsi problemləri” və digər sanballı monoqrafiyaların müəllifidir. Aqil müəllimin bir alim kimi qoyub getdiyi elmi-peda- qoji irsini bir məqalədə əhatə etmək çətindir. Lakin o, elmi ideyaları, bilavasitə praktikaya tətbiq edən bir alim kimi xalqı- mızın tarixində özünəməxsus yer tutur. Ulu öndərimiz Heydər Əliyevin sözləri ilə desək: “Hər bir alim qiymətlidir. Ancaq nəzəriyyəni təcrübə ilə birləşdirən, fikirlərini tətbiq edə bilən və onlardan əməli nəticə götürə bilən, cəmiyyətə, ölkəyə, xalqa konkret fay- da gətirən insanlar alimlərin sırasında xüsusi yer tutur”. Belə zəka sahiblərindən biri də Aqil müəllim olmuşdur. Aqil müəllim zəngin elmi- pedaqoji təcrübəsi, natiqliyi, əməldə fəzilətliyi və xeyirxah- lığı, fəaliyyətdə mübarizliyi və tükənməz səbri sayəsində insanlıq zirvəsini fəth etmişdir. Bu zirvə yalnız müdrik insanlara nəsib ola bilər. Aqil müəllim bir çoxları- nın dərdinə çarə tapan, işinə yarayan insan idi. O, insanın düşüncəsinin aydınlığını, şəffaflığını, saflığını sevən idi. O, heç kəsə ağır söz deməz, ya- raya köz basmazdı. Yaxşı bilirdi ki, tikanlı söz qəlbi qırır, sındırır, insanın ruhi aləmini zədələyir. Aqil müəllim sözünün qədir– qiymətini bilən idi, sözü zərgər dəqiqliyi ilə seçər, onu hədəfə vurardı. O, sözünün ağası idi, sözü ilə əməli həmişə üst-üstə düşürdü. İllər keçir, zaman dəyişir, çoxları zamana uyğun hərəkət etməyə çalışır, o isə dəyişməz idi. Ona görə də o, daim qərarlı, sakit, iradəli və seçmək qabiliyyətinə malik, seçdiyini sevən, ona vurulan, ona tapınan bir insan idi. Aqil müəllim hadisələri saf-çürük etməyi, onun səbəblərini aşkara çıxarmağı, çevik hərəkətlə ona cavab verməyi bacaran bir zi- yalı idi. Bu çeviklik ona həmişə cəsarət, güc, şərəf gətirirdi. Aqil müəllim sadə, təbii bir insan idi. Onun şəxsiyyəti haqqında o qədər maraqlı faktlar var ki, bəzən bilmirsən hansını deyəsən, hansını yazasan. Aqil Əliyev xeyirxahlığı, prinsipi- allığı və mərhəmətliyi özündə təcəssüm etdirən nurlu bir sima idi. Xalqımızın ən gözəl xüsusiyyətləri olan insana yaxşılıq etmək, qayğı göstərmək Aqil müəllimin əqidə manifesti, həyat devizi idi. O, insanlara qayğı göstərirdi, onların işinə yarayırdı. Bu, onun həyatını mənalandırırdı, dəyərini, qiymətini yüksəldirdi. Aqil müəllim, sözün əsl mənasında, bir çox insanlar üçün ümid yeri idi. N.Tusinin belə bir fikrini yada salmaq çox yerinə düşür: “Başqasına etdiyin yaxşılığı unuda bilərsən, ancaq sənə edilən yaxşılığı unutmamalısan”. Bu fikir həmişə mənim qəlbimdə yaşayır. Onun insanlara səmimi, xeyirxah və qayğıkeş münasibəti bizim üçün əbədi bir örnəkdir. Aqil müəllim həddən artıq tələbkar idi. O, biganəliyi xoşlamırdı. El- obasının qədrini bilən idi, xalqa xidməti həyatının məna və məqsədi hesab edirdi. Aqil müəllim saf əqidəsi və məsləki olan ziyalı idi. Onun əqidəsi humanizmə, həqiqətə, ədalətə söykənirdi. Antik dövr filosofu Epikü- rün şagirdləri onları müəlliminə bağlayan nədir sualına belə cavab vermişdilər: “Bizi Epikürə bağlayan onun həmişə özü- özünə bərabər olmasıdır”. Bu epitet tamamilə Aqil müəllimə aiddir: o həmişə özü-özünə bərabər idi, təkrarsız idi! Aqil müəllim insanlığı, şəxsiyyəti, səmimiyyəti uca tutub qiymətləndirən, onu qoru- mağı bacaran nadir bir şəxsiyyət idi. O, adamlar arasında özünün ən ülvi keyfiyyətləri ilə sayı- lıb- seçilirdi. Təbiətən sakit, mülayim, həddən artıq nəvazişli və qayğıkeş idi. İşlədiyi müddətdə onun xalq və Vətən qarşısında xidmətləri layiqincə qiymətləndirilmişdir. Onun əmək fəaliyyətində çox gərgin illər də olmuşdur. Azərbaycan KP MK-nın o zamanki rəhbərliyinin nadanlığı nəticəsində professor A.Əliyev heç bir əsas olmadan 1988-ci ildə işdən uzaqlaşdırılaraq, təqaüdə göndərilmişdir. Lakin çox keçmədən bu səhv dərk edilmiş və professor A.Əliyev 1992-ci ildə yenidən elmi-pedaqoji fəaliyyətə qayta- rılmışdır. 1998-ci ildən ATU- da “İqtisadiyyat və hüququn əsasları” kafedrasının müdiri vəzifəsində ömrünün sonuna qədər çalışmışdır. 1996-cı ildə A.Əliyev Beynəlxalq Enerji İnforma- siya Elmlər Akademiyasının Azərbaycan bölməsinin həqiqi üzvü – akademik seçilmişdir. O, 2001-ci ildə AMEA-nın müxbir üzvü seçilmişdi. 2003- cü ildə A.Əliyev Beynəlxalq Menecment Akademiyasının həqiqi üzvü olmuşdur. 2006-cı ilin yanvar ayında Beynəlxalq İqtisadçılar İttifaqının üzvü seçilmişdi. A.Əliyev 1986-2005-ci illərdə Azərbaycanın elmi-texni- ki inkişafının kompleks proq- ramının işlənilməsində yaxın- dan iştirak etmişdir. Əhalinin sağlamlığının qorunması problemi komissiyasının sədri olmuşdur. Əhalinin sağlamlı- ğının qorunması bölməsinin proqramı onun tərəfindən tərtib edilərək kompleks proqrama daxil edilmişdir. O, həmçinin Azərbaycanda məhsuldar qüvvələrin yerləşdirilməsinin inkişaf sxeminin işlənib tərtib olunmasının müəlliflərindən biri olmuşdur. Professor A.Əliyev el- mi-pedaqoji institutlar və universitetlər üçün “İqtisadi nəzəriyyə” kursu üzrə yazılmış 2 cildlik dərsliyin müəlliflərindən biri olmuşdur. A.Əliyev geniş oxucu kütləsi üçün nəzərdə tutulmuş müxtəlif jurnal və qəzetlərdə yüzlərlə elmi-kütləvi və publisis- tik məqalənin müəllifi olmuşdur. A.Əliyev yüksək ixtisaslı iqtisadçı və tibb kadrlarının hazırlanmasındakı xidmətlərinə görə 1982-ci ildə “Əməkdar elm xadimi” fəxri adına layiq görülmüşdür. Professor A.Əliyevin ictimai fəaliyyəti də çox zəngin olmuşdur. O, dəfələrlə rayon və universitet partiya komitələrinin büro üzvü seçilmiş və bu işdə çox fəallıq göstərmişdir. O, “Şəxsi istehlakın iqtisadiyyatı və problemləri”, “Aqrar iqtisadiyyatın aktual problemləri”, “Kənd əhalisinin həyat səviyyəsinin yüksəldilməsi problemləri”, “Səhiyyədə iqtisadiyyat, planlaşdırma, idarəetmə, maliyyələşdirmə və əməyin elmi təşkili”, “ASK-nın aqrar bölməsində elmi-tex- niki tərəqqini sürətləndirmə problemləri” və sair sanballı monoqrafiyaların müəllifidir. Yalnız bazar iqtisadiyyatı- na keçid şəraitində A.Əliyevin 80 elmi əsəri çap olunmuşdur. Onlardan “Azərbaycanın so- sial-iqtisadi inkişafında isla- hatların rolu”, “İpək Yolunun bərpası bəşəriyyətin tərəqqisi yoludur”, “Azərbaycanda bazar münasibətləri şəraitində əhalinin sosial problemləri”, “Səhiyyənin iqtisadiyya- tı”, “Azərbaycanda əhalinin səviyyəsinin yüksəldilməsinin aktual problemləri”, “Nax- çıvan Muxtar Respublikası: nailiyyətlər, problemlər” (I və II cild), “Bazar iqtisadiyyatına keçid: dövlətin iqtisadi siyasəti”, “Bələdiyyələr. Metodik kömək”, “Dünya iqtisadiyyatı: müasir dövrün problemləri”, “Müstəqil Azərbaycan iqtisadiyyatının ak- tual problemləri” və sair sanballı kitabları yazmışdır. Professor A.Əliyev zəhmətlə dolu ibrətamiz bir həyat yolu keçmiş, həyatını bütövlükdə xalqımızın və Vətənimizin tərəqqisinə həsr etmişdir. O, ATU-nun və respublikamızın ic- timai həyatında yaxından iştirak etmişdir. Çox təəssüf ki, aman- sız ölüm onu sıralarımızdan tez apardı. Görkəmli iqtisadçı alim, peşəkar pedaqoq gözəl insani keyfiyyətlərini, humanistliyi, ədalətliliyi, prinsipiallığı ilə yaddaşlarda iz və işıqlı bir xatirə qoyub getmişdir. Bütün həyatı boyu saflıq, əməksevərlilik və insansevərlilik mücəssəməsi olan Aqil müəllimin əziz xatirəsi onu istəyənlərin qəlbində daim ya- şayacaqdır. Cəlaləddin Ruminin bir sözü var ki, öləndən sonra məni torpaqda yox, insanların qəlbində axtarın. Bu sözlər dostlarının, həmkarlarının, tələbələrinin, bütün xalqımızın ürəyində nəcibliyi, kamilliyi, böyüklüyü ilə əbədi yer tutmuş professor Aqil Əliyevə tam layiqdir.
Heydər Əliyevin zəngin irsinin öyrənilməsi məqsədilə Suraxanının idarə, müəssisə və təşkilatlarında silsilə anım tədbirləri keçirilir. Növbəti belə tədbir rayonun 118 nömrəli tam orta məktəbində reallaşıb. Tədbir iştirakçıları əvvəlcə ulu öndərə həsr olunan sərgiyə və məktəblilərin əl işlərinə baxıblar. Anım tədbiri bir dəqiqəlik sükutla ümummilli liderin əziz xatirəsinin yad edilməsi ilə baş- lanıb. Sonra ulu öndərin zəngin irsini öyrənmək məqsədi ilə hazırlanan film nümayiş olunub. Tədbiri giriş sözü ilə açan məktəbin direktoru Nizaməddin Ağayev dahi rəhbərin Vətən və xalq qarşısında əvəzolunmaz xidmətlərindən danışıb. Bildi- rib ki, ümummilli lider Heydər Əliyevin Azərbaycan dövlətçiliyi naminə göstərdiyi fəaliyyət xalqımız tərəfindən həmişə minnətdarlıq hissi ilə xatırlanır. Onun ideyaları bu gün Prezident İlham Əliyev tərəfindən uğurla həyata keçirilir. Tədbirdə çıxış edən rayon icra hakimiyyəti başçısı aparatı- nın ictimai-siyasi və humanitar məsələlər şöbəsinin müdiri Barxudar Barxudarov qeyd edib ki, ulu öndər Azərbaycanı formal müstəqillikdən həqiqi müstəqilliyə qovuş- dura bilib, özünəməxsus müdrikliklə müstəqilliyin təməl prinsiplərini, ideoloji bazasını formalaşdırıb. Azərbaycançılıq ideologiyasını milli birliyin bünövrəsinə çevirib. Sabitliyin, hüquq qaydalarının bərpası istiqamətində qətiyyətli addım- lar atıb. Dövlətin suverenliyinə və ərazi quruluşuna qəsd etmək niyyətinə düşən, etnik sepa- ratizmi təşviq edən ünsürləri zərərsizləşdirib. Dövlət çevrilişləri cəhdlərinin qarşısını qətiyyətlə alıb. B.Barxudarov deyib ki, Heydər Əliyev xalqı öz ətrafında birləşdirməklə, dövlətçiliyə qəsd etməyə çalışan daxili və xarici qüvvələrin məkrli niyyətlərinin qarşısına ciddi sipər çəkib. Onun rəhbərliyi ilə güclü və modern ordu quruculuğuna başlanılıb. Bu sahədə mühüm nailiyyətlər əldə olunub və biz onun nəticələrini elə aprel hadisələri zamanı düşmənə ca- vab verməklə hamılıqla gördük, qürurla seyr etdik. Sonda onu da qeyd edək ki, ulu öndər Heydər Əliyevin zəngin irsinin öyrənilməsi məqsədi ilə rayon icra hakimiyyətinin təşkilatçılığı ilə bu il noyabrın 29-dan etibarən müvafiq tədbirlər planına uyğun olaraq idarə, müəssisə və təşkilatlarının kollektivləri xüsusi cədvəl üzrə rayondakı Heydər Əliyev Mərkəzi ilə tanış olurlar. Vaqif BAYRAMOV, “Xalq qəzeti” Azərbaycan əhalisinin 75 faizdən çoxu internet istifadəçisidir
genişzolaqlı rabitəyə çıxış üzrə hesabat təqdim edib. Bu barədə rabita.az saytı məlumat yayıb. Hesabatda bildirilir ki, Hindistan ABŞ-ı ötərək dünyada ikinci ən böyük internet bazarına çevrilib. Bu ölkədə 333 milyon nəfər “ümumdünya hörümçək toru”na çıxışa malikdir. Birinci yerdə qərarlaşmış Çində 721 milyon insan internetdən istifadə edir. "Genişzolaqlı rabitənin vəziyyəti" adlı yeni hesabatda qeyd edilir ki, daha zəngin ölkələrdə internetə çıxış doyma həddinə yaxınlaşdığı halda, dünyada əhalinin yoxsul təbəqəsinin internetə çıxışı üçün imkanlar hələ ki, yüksək templə artmır. Bu da, xüsusilə, təhsil və səhiyyə sahələrində müşahidə olunan fərqin aradan qaldırılma- sına problem yaradır. Hazırda dünyada 3,9 milyard nəfər internetdən istifadə etmir. Ancaq komis- siyanın yeni hesabatına əsasən, planetin internetə çıxışı olmayan əhalisinin 55 faizi Çin, Hindistan, İndoneziya, Pakis- tan, Banqladeş və Nigeriyada yaşayır. Bu nəticələr onu göstərir ki, yalnız bir neçə əsas bazarda məqsədyönlü səylər internetə qoşulmuş və internetə qoşulmamış ölkələr arasında “rəqəm fərqi”ni aradan qaldırmaq- da böyük kömək etmiş olardı. Hesabatda mobil genişzolaqlı rabitənin imkanları haqqında optimist fikirlər yer alıb. Hazırda 165 ölkədə “4G” yüksək sürətli mobil şəbəkəsi istifadəyə verilib. ABŞ, Avropa, Yaponiya və Koreyada smartfonların populyarlığı doyma həddinə çatdığından Hindistan və İndoneziya kimi ölkələrin gələcək artımı təmin edəcəyi gözlənilir. Hindistan bu yaxınlarda dünyada ikinci ən böyük smartfon satışı bazarına çevrilib. Hesabata əsasən, Beynəlxalq Tele- kommunikasiya İttifaqının (BTİ) son rəqəmlərinə uyğun olaraq, 2016-cı ilin sonunadək 3,5 milyard (dünya əhalisinin 47 faizi) nəfər internetdən istifadə edəcək. Ötən il bu göstərici 3,2 milyard nəfər olub. BMT tərəfindən daha az inkişaf et- miş ölkələr kimi tanınan 48 ölkədə böyük irəliləyiş qeydə alınıb, həmçinin ilin sonunadək az inkişaf etmiş ölkələrin əhalisinin 15 fai- zinin internetə çıxışı təmin ediləcək. Cari ilin məlumatına görə, inkişaf etməkdə olan ölkələrin ev təsərrüfatlarında internetin nüfuzetmə səviyyəsi göstəricisi üzrə Koreya Respublikası, əvvəllər olduğu kimi, ev təsərrüfatlarında geniş- zolaqlı rabitənin yüksək nüfuzetməsi ilə səciyyələnir: 98.8 faiz ev idarəetməsi internetə çıxışa malikdir. Qətər (96 faiz) və Birləşmiş Ərəb Əmirlikləri (95 faiz) müva- fiq olaraq ikinci və üçüncü yerləri tuturlar. İslandiyada əhalinin 98,2 faizi internetdən istifadə edir. Lüksemburq (97,3 faiz) bu göstərici üzrə Norveçi ötərək ikinci yeri tutub. Monako əvvəlki kimi İsveçrəni cüzi qabaqlayaraq, genişzolaqlı stasionar rabitənin nüfuzetməsi üzrə dünya lideridir. Hazırda Monako, İsveçrə, Lixtenşteyn, Danimarka, Niderland, Fransa və Koreya Respublikasında genişzolaqlı stasionar rabitənin nüfuzetmə səviyyəsi 40 faizi ötür, 2014-cü ildə belə ölkələrin sayı altı, 2012-ci ildə yalnız bir idi. Finlandiya mobil genişzolaqlı rabitə üzrə aktiv müqavilələrin sayına görə dün- yada birincidir: 100 nəfərə 144 müqavilə düşür. Sonrakı yerlərdə Sinqapur (142) və Küveyt (139) yerləşib. Mobil genişzolaq- lı rabitə üzrə bütün aktiv müqavilələrin təxminən 48 faizi Asiya-Sakit okean regio- nunun payına düşür. Ümumilikdə, hazırda dünyanın 91 ölkəsində əhalinin 50 faizdən çoxu internetə çıxış imkanına malikdir, halbu- ki 2015-ci ildə belə ölkələrin sayı 79 idi. Amma 2014-cü ildə internetdən istifadə üzrə 10 aparıcı ölkə Avropada yerləşirdi, cari ildə bu qrupa Bəhreyn (7-ci yer) və Yaponiya (9) daxil edilib. Mərkəzi Afrika ölkələrində internetə çıxış üzrə ən aşağı səviyyə qeydə alınıb. Çad, Syerra Leone, Niger, Somali və Eritreyada əhalinin 3 faizdən az hissəsi internetə çıxış imkanına malikdir. Hesabatda Azərbaycanın internet istifadəçilərinin sayı barədə məlumat verilməsə də, Rabitə və Yüksək Texno- logiyalar Nazirliyinin müvafiq struktur- larından əldə etdiyimiz məlumata görə, ölkəmizdə əhalinin 75 faizdən çoxu internet istifadəçisidir və bunun da 70 faizə yaxını genişzolaqlı internetdən istifadə edir. Beynəlxalq Telekommunikasiya İttifa- qının “The State of Broadband” adlı hesa- batında isə ölkəmiz reytinq cədvəlində hər 100 nəfərə düşən internet istifadəçilərinin sayına görə 63-cü yerdən 36-cı yerə yüksəlib. Hesabata əsasən, ölkədə hər 100 nəfərdən 77-si internet istifadəçisidir. Hər 100 nəfərə düşən genişzolaqlı internet istifadəçilərinin sayına görə isə Azərbaycan reytinq cədvəlində 53-cü pillədə qərarlaşıb. Azərbaycan bu göstərici üzrə Rusiya, Türkiyə, İran, Qazaxıstan və Ermənistanı geridə qoyub. Hazırladı: M.MÜKƏRRƏMOĞLU, “Xalq qəzeti” Azərbaycan ilə Pakistan arasında sərmayə qoyuluşu və biznes imkanları müzakirə edilib
Şərifov ölkəmizdə səfərdə olan Pakistan İslam Respublikasının ticarət naziri Xürrəm Dastgir Xan ilə görüşüb. Maliyyə Nazirliyinin mətbuat xidmətindən AZƏRTAC-a bildiriblər ki, görüşdə Azərbaycan ilə Pakistan arasında siyasi əlaqələrin hazırkı yüksək səviyyəsinin iqtisadi müstəvidə də münasibətlərin inkişa- fına geniş imkanlar açdığı vurğulanıb. Söhbət zamanı qarşılıqlı ticarətin səviyyəsinin artırılması, sərmayə qoyuluşu və biznes imkanlarının müəyyənləşdirilməsi, xüsusilə enerji, kənd təsərrüfatı, ticarət, tran- zit, eləcə də sənayenin müxtəlif sahələrində əməkdaşlığın önəmi qeyd olunub.
görülmüş işlər və qarşıda duran vəzifələr Lənkəran Şəhər İcra Hakimiyyəti başçısı yanında şuranın növbəti iclasında ətraflı müzakirə edilib. İcra hakimiyyətinin baş- çısı Taleh Qaraşov bildirib ki, həmin məsələ avqustun 16-da keçirilmiş şura iclasında da nəzərdən keçirilmişdi və hazırkı yekun mərhələdə məsələnin aktuallığı daha da artıb. Gərək elə edək ki, əhali qışın sərt sınaqlarında əziyyət çəkməsin. Məsələ ilə bağlı icra başçı- sının müavini, şəhər təsərrüfatı şöbəsinin müdiri Möhübbət Babayev məlumat verib. O, əhalinin fasiləsiz elektrik enerjisi, qaz və içməli su ilə təchizatının təmin olunması istiqamətində lazımi tədbirlərin görüldüyünü, elektrik hava xətlərinə və yarımstansiya- lara baxış keçirildiyini, bəzi avadanlıqların yenisi ilə əvəz olunduğunu və nasazlıqların aradan qaldırıldığını qeyd edib. Hazırlıq dövründə 25 transfor- matorda təmir işləri aparıldığı, çıxış xətlərinin yenilənərək SİP kabellərlə əvəzləndiyi, iki faza ilə işləyən 5 transformatorun dəyişdirildiyi, altı kənddə az gücə malik elektrik transfor- matorlarının daha güclüləri ilə əvəz edildiyi diqqətə çatdı- rılıb. Həmçinin qeyd olunub ki, rayonda 2 yarımstansiya, 26 transformator məntəqəsi yenidən qurulub. Lənkəranın təbii qaz alan yaşayış məntəqələri də artıb. Son vaxtlarda Ləj kəndi üzrə 304, Qumbaşı kəndi üzrə isə 248 abonentə təbii qaz verilib. Artıq rayon üzrə 93 yaşayış məntəqəsindən 65-i, yəni 69,9 faizi, ev təsərrüfatlarının isə 42620-si, başqa sözlə, 88,1 faizi qazlaşdırılıb. İlin sonuna kimi Haftoni qəsəbəsinin də mavi yanacaqla təmin olu- nacağı vurğulanıb. Rayonun təhsil müəssisələrinin istilik sisteminin yaxşılaşdırılması üzrə də işlər görülür. Qazanxa- nası olan məktəb binaları qaz xəttinə qoşulub. Şəhərdəki 53 çoxmənzilli yaşayış binası- nın zirzəmi hissəsində qəzalı vəziyyətdə olan kanalizasiya boruları dəyişdirilib, suötü- rücü kanallar və kollektorlar təmizlənib, kommunal bina- larda su-kanalizasiya xətləri qaydaya salınıb, tüstü bacaları təmizlənib. Müvafiq maşın və mexanizmlər, yoltəmizləyici qurğular işlək vəziyyətə gətirilib. Küçələrdə buz qatının yaranacağı təqdirdə istifadə olunmaq üçün qum və duz ehtiyatı tədarük edilib, təhlükə törədə biləcək köhnə ağaclar kəsilərək yerində təzələri əkilib, şaxtaya davamsız ağaclar polie- tilen örtüklə bükülüb. Şura iclasında qışa hazırlıq sahəsindəki bəzi çatışmaz- lıqlar da qeyd olunub. İcra hakimiyyətinin başçısı aidiyyəti qurumların rəhbərlərinə və məsul şəxslərə bununla bağlı konkret tapşırıqlar verib. Əli NƏCƏFXANLI, “Xalq qəzeti” Yüklə 381,14 Kb. Dostları ilə paylaş:
|