3.2.1
3.2.2
3.2.3
3.2.4
3.2.5
3.2.6
3.2.7
|
Ahıl vətəndaşların sağlamlığının qorunması məqsədilə xüsusi profilaktik tədbirlərin hazırlanması və həyata keçirilməsi
Ahıl vətəndaşların reabilitasiya xidməti ilə təmin edilməsi sahəsində müvafiq tədbirlərin həyata keçirilməsi
Ahıl vətəndaşlar üçün tibbi və sosial-məişət xidmətinin təşkili ilə əlaqədar dövlət standartlarının (xidmətin həcmi, keyfiyyəti, qayda və şərtləri öz əksini tapmaqla) hazırlanması
Rayon və şəhər səhiyyə xidməti müəssisələrində herontoloji xidmətin təşkil edilməsi
Herontologiya üzrə müvafiq tədris kurslarının təşkil edilməsi
Ahıllar üçün ixtisaslaşdırılmış psixoloji tibbi xidmətlərin təşkili
Ahıl vətəndaşların sağlamlığının təmin edilməsi məqsədilə idman-sağlamlıq tədbirlərinin həyata keçirilməsi
|
Ahıl vətəndaşlara tibbi-sanitar və tibbi-sosial və həmçinin tibbi yardımın təmin edilməsi, lazım gəldikdə profilli stasionarlara hospitallaşdırılması, qocalar və əlillər üçün internat evlərinə göndərilməsi onların yaşadıqları ərazi üzrə qeydiyyatda olduqları poliklinikalar tərəfindən həyata keçirilir.
Bakı şəhərində “Sağlamlıq zonası” poliklinikasında Herontoloji mərkəz fəaliyyət göstərir. Bu mərkəzdə əhalinin həssas təbəqəsi olan ahıl vətəndaşlara ambulator, ixtisas-laşdırılmış heriartrik tibb xidməti, reabilitasiya tədbirləri, ixtisaslaşdırılmış psixioloji tibbi xidmətlər və idman sağlamlıq tədbirləri təşkil olunmuşdur. Sağlamlıq zonasının herontoloji mərkəzinə 2010-cu ildə 53374 nəfər ahıl vətəndaş müraciət etmişdir.
Herontoloji mərkəzdə herontologiya sahəsində aparılan işlərin həcminin genişləndirilməsi məqsədilə poliklinikalarla əlaqə yaradılmış və müalicə kursu almaq üçün xəstə ahılların “Sağlamlıq zonasına” göndərilməsi təşkil olunmuşdur.
“Sağlamlıq zonası”na göndərilən və müraciət edən ahıllara həkim müayinəsi, laborator müayinələr, elektrokardioqrafiya, spirometriya, antropometriya və digər müayinələr aparılır. Müayinələrin nəticələrinə əsasən müəyyən edilən xəstəliklərə uyğun olaraq, onların müalicəsi təşkil olunur.
Eyni zamanda ahıl xəstələr dispanser qeydiyyatına götürülərək, ildə iki dəfə hərtərəfli müayinələrdən keçmək və müalicə kursu almaq üçün xüsusi çağırış vəsiqəsi ilə Mərkəzə dəvət olunurlar.
Səhiyyə Nazirliyinin 15.01.2008-ci il tarixli 3 saylı əmrinə uyğun olaraq, Səhiyyə Nazirliyinin strukturuna daxil olan və dövlət büdcəsindən maliyyələşən müalicə-profilaktika müəssisələrində əhaliyə və o cümlədən də, yaşlı insanlara pulsuz tibbi xidmət göstərilir.
Azərbaycan Respublikası Nazirlər Kabinetinin 7 mart 2005-ci il tarixli 37 və 38 N-li qərarlarına əsasən imtiyazlı qrupa daxil olan vətəndaşlara, həmçinin qeyd olunan qrupa daxil olan ahıl vətəndaşlara dövlət tibb müəssisələri tərəfindən tam pulsuz tibbi və dərman yardımı göstərilir.
Bakı şəhəri Mərdəkan qəsəbəsində yerləşən Səhiyyə Nazirliyinin Müharibə Veteranları Xəstəxanasında herontoloji şöbə yaradılmışdır. 2010-cu il ərzində bu şöbədə ahıl vətəndaşlar sırasından 49 nəfər müharibə əlili, 354 nəfər müharibə iştirakçısı, 3 nəfər onların ailə üzvlərinə stasionar tibbi yardım göstərilmişdir.
Respublikanın digər şəhər və rayonlarında ahıl vətəndaşlar dispanser qeydiyyatına götürülmüş və mütəmadi olaraq müayinələrdən keçirilir və lazımi tibbi yardımla təmin olunurlar
Herontologiya Mərkəzi tərəfindən rübdə bir dəfə olaraq tibb müəssisələrində herontologiyanın aktual problemlərinə dair seminar məşğələləri keçirilir.
“Sağlamlıq zonası”nda tənha ahıllar üçün “Gündüz sağlamlıq” klubu təşkil olunmuşdur və burada mütəmadi olaraq ahıllara xüsusi tədbirlər (musiqi terapiyası, fitoterapiya, psixo-terapiya) həyata keçirilir.
“Sağlamlıq zonasın”da müalicəvi bədən tərbiyəsi və katerlə dəniz gəzintiləri təşkil olunmuşdur.
|
|
Ahıllara sosial xidmət göstərən müəssisələrdə sanitariya-gigiyena tələblərinə əməl olunması ilə bağlı keçirilən yoxlama və monitorinqlərin sayı, aşkar olunmuş pozuntular, bununla bağlı görülmüş tədbirlər və nəticələri
|
İldə iki dəfə yoxlamalar aparılmışdır:
Bakı şəhəri Xəzər rayonu 9 N-li Xüsusi qoca və
əlillər evində;
Bakı şəhəri Sabunçu rayonu Qocalar və əlillər evində;
Zaqatala rayonu Qocalara qulluq evində;
Quba rayonu Veteranlar evində;
Şamaxı rayonu Qocalar və əlillər evində;
Qəbələ rayonu Qocalar evində.
|
