Aslan aslanov
Yüklə 300,6 Kb. Pdf görüntüsü
|
- Bu səhifədəki naviqasiya:
- Türkdilli Xəbər Agentlikləri Birliyi – TKA
- Qara Dəniz İqtisadi Əməkdaşlıq Təşkilatının üzvü olan ölkələrin Milli İnformasiya Agentlikləri Assosiasiyası – BSANNA
- MDB-nin üzvü olan ölkələrin Milli İnformasiya Agentlikləri Assosiasiyası -ANİA
- Asiya və Sakit Okean Ölkələri İnformasiya Agentlikləri Təşkilatı – OANA
- Avropa Xəbər Agentlikləri Alyansı – EANA
- Xəbər Agentlikləri Konsorsiumu – Asia Pulse
- Dünya İnformasiya Agentlikləri Konqresi
- ВОЗНИКНОВЕНИЕ И РАЗВИТИЕ ЗАРУБЕЖНЫХ СВЯЗЕЙ АЗЕРТАДЖ (1991-2010гг) АСЛАН АСЛАНОВ РЕЗЮМЕ
| 180
BAKI UNİVERSİTETİNİN XƏBƏRLƏRİ №3 Humanitar elmlər seriyası 2010 AZƏRTAC-IN XARİCİ ƏLAQƏLƏRİNİN YARANMASI VƏ İNKİŞAFI (1991-2010-cu illər) ASLAN ASLANOV AzərTAc erhan 2006@box.az. Məqalədə Azərbaycan Dövlət Teleqraf Agentliyinin (AzərTAc) beynəlxalq əlaqələrindən, müxtəlif ölkələrin xəbər agentlikləri ilə imzalanmış müqavilələrdən, agentliyin ev sahibliyi ilə keçirilmiş tədbirlərdən, Azərbaycan həqiqətlərinin dünya ictimaiyyətinə çatdırılmasındakı fəaliyyətindən bəhs edilir. AzərTAc-ın 1920-ci ildə dövlət informasiya agentliyi kimi fəaliyyət göstərdiyi ilk aylarda onun xarici əlaqələri barədə konkret faktlar olmasa da, ötürücü radiostansiyadan istifadə etdiyi nəzərə alınsa, qonşu ölkələrlə xəbər mübadiləsinin olması faktı ehtimal olunur. Bütövlükdə isə AzərTAc-ın beynəlxalq əlaqələrinin təşəkkülü Azərbaycanın dövlət müstəqilliyinin bərpasından sonrakı illərə təsadüf edir. Müstəqil dövlətin rəsmi xəbər agentliyinin dünya informasiya məkanına çıxmasına nail olmaq, xarici tərəfdaşlarla sıx əlaqələr qurmaq, Ermənistan Respublikasının Rusiya Federasiyasının hərbi-siyasi dairələrinə arxalanaraq hərbi təcavüzü ilə üzləşmiş, məkrli erməni təbliğat maşınının və xaricdəki güclü erməni lobbisinin məqsədyönlü antiazərbaycan fəaliyyəti nəticəsində informasiya blokadasına düşmüş Azərbaycan Respublikasının haqq işini, ölkəmiz haqqında həqiqətləri dünyaya bəyan etmək AzərTAc-ın səmərəli xarici əlaqələr qurmasını həyati vacib məsələyə çevirmişdi. Lakin bu, yalnız AzərTAc-ın səyləri sayəsində mümkün deyildi, bütövlükdə müstəqil dövlət kimi Azərbaycan Respublikasının özünü dünyada tanıtması ilə bilavasitə bağlı idi. Ümummilli lider Heydər Əliyevin siyasi hakimiyyətə qayıdışından sonra Azərbaycan Respublikasının dünya birliyində öz yerini tutması, ulu öndərin daxili və xarici siyasətinin müasir mərhələdə Prezident İlham Əliyev tərəfindən uğurla davam etdirilməsi sayəsində ölkənin regionda şəksiz lider dövlətə çevrilməsi, beynəlxalq aləmdə nüfuzunun daha da artması və mövqelərinin möhkəmlənməsi, habelə AzərTAc-ın maddi- texniki bazasının gücləndirilməsi, fəaliyyətinin təkmilləşdirilməsi sahəsində dövlət səviyyəsində görülən ardıcıl tədbirlər agentliyin xarici əlaqələrinin inkişafında, onun dünya informasiya məkanına çıxmasında həlledici rol oynamışdır (2, 30) Azərbaycan Respublikasının yeni informasiya məkanında öz mövqeyini möhkəmləndirməsində, ölkəmizin üzləşdiyi problemlər barədə həqiqətlərin dünya ictimaiyyətinə çatdırılmasında Bakıda keçirilən beynəlxalq tədbirlər, bu tədbirlərdə xarici kütləvi informasiya vasitələri nümayəndələrinin iştirakı, dövlətimizin başçısının nüfuzlu nəşrlərə və telekanallara müsahibələri də böyük rol oynayır. AzərTAc-ın qlobal informasiya məkanında daha geniş təmsil olunması, Azərbaycan haqqında obyektiv informasiyanın yayılma coğrafiyasının genişləndirilməsi fəaliyyətinin strateji istiqamətidir. Dünyanın aparıcı agentliklərinin zəngin təcrübəsinin öyrənilməsi və tətbiq edilməsi də daim diqqət mərkəzindədir. Hazırda Anadolu agentliyi (Türkiyə), İTAR-TASS (Rusiya), Sinxua (Çin), Ukrinform (Ukrayna),ANSA (İtaliya), BTA (Bolqarıstan),MENA (Misir), TANYUQ (Serbiya), MTİ (Macarıstan), İRNA (İran), Aqerpress (Rumıniya), Anta- ra (İndoneziya), BELTA (Belarus), ATA (Albaniya), “Petra” (İordaniya), KUNA (Küveyt), Kazinform (Qazaxıs- tan), “Kabar” (Qırğızıstan), “Xovar” (Tacikistan), Yonhap (Koreya Respublikası), KYODO (Yaponiya) agentlikləri ilə qarşılıqlı əməkdaşlıq haqqında ikitərəfli sazişlər bağlanmışdır. Həmin sazişlər agentliyin beynəlxalq miqyasda nüfuzunun getdikcə artmasının daha bir təsdiqidir. Ümumiyyətlə isə AzərTAc 90-dan artıq xəbər agentliyi ilə əlaqə saxlayır (3, 44-45). Regionun informasiya agentliyi kimi tanınmış Azərbaycan Dövlət Teleqraf Agentliyi həm də bir neçə regional informasiya qurumunun təsisçilərindəndir. Türkdilli Xəbər Agentlikləri Birliyi – TKA Türkdilli Xəbər Agentlikləri Birliyi (TKA) 1992-ci ilin noyabrında Türkiyə Cümhuriyyətinin paytaxtı Ankarada Anadolu Agentliyi (Türkiyə), AzərTAc (Azərbaycan), Kaztaq – indiki Kazinform (Qazaxıstan), “Kabar” (Qırğızıstan) və TAK (Şimali Kipr) agentlikləri tərəfindən yaradılmışdır. Bu Birliyin təşkil edilməsinin məqsədi türk dünyası haqqında etibarlı informasiyanı ilk mənbədən bütün dünyaya qərəzsiz və obyektiv çatdırılmasına kömək etmək, əməkdaşlığı tənzimləmək, informasiya agentlikləri arasında texniki infrastruktur və işçilərin öyrədilməsi sahəsində qarşılıqlı təcrübə mübadiləsi imkanlarını genişləndirməkdir (5, 7). 181
TKA-nın Baş Məclisinin sonrakı iclasları Ankarada, Aşqabadda və Lefkoşada keçirilmişdir. 2007-ci ilin mayında Türkiyə Cümhuriyyətinin Karaman şəhərində TKA Baş Məclisinin VI iclası keçirilmiş, növbəti iclasın 2008-ci ildə Bakıda keçirilməsi haqqında qərar qəbul olunmuşdur. Ümummilli lider Heydər Əliyevin anadan olmasının 80 illiyi ilə əlaqədar TKA Baş Məclisinin “Türkdilli ölkələrin əlaqələrinin inkişafında xəbər agentliklərinin rolu” mövzusunda VII iclası 2008-ci il aprelin 30-dan mayın 3-dək Bakıda keçirilmiş, qloballaşma dövründə informasiyanın təsir gücünün son dərəcə artmasını nəzərə alaraq, TKA-ya daxil olan agentliklərin birgə səylərinin gücləndirilməsinin zəruriliyini xüsusi vurğulamışlar. İclasda “Başinform”, “Tatarinform” və “Krım xəbərləri” agentlikləri Birliyə üzv qəbul olunmuş, təşkilat Türkdilli Xəbər Agentlikləri Birliyi (TKA) adlandırılmış, bununla əlaqədar Nizamnamədə müvafiq dəyişiklik edilmişdir. TKA Baş Məclisinin VII iclası Yekun sənədinin qəbul edilməsi ilə başa çatmışdır. Bu ic- lasdan etibarən növbəti toplantıya qədər TKA-da sədrlik AzərTAc-a keçmişdir (5,7-8). TKA Baş Məclisinin AzərTAc-ın ev sahibliyi ilə keçirilən VII iclasının materialları “Türkdilli agentliklərin Bakı görüşü” (2009) adı altında ayrıca kitab şəklində çap olunmuşdur. Hazırda hər gün TKA-nın İnternet resursunda (http://www.tkaonline.org/) Azərbaycanla bağlı 25-30 informasiya yerləşdirilir. Qara Dəniz İqtisadi Əməkdaşlıq Təşkilatının üzvü olan ölkələrin Milli İnformasiya Agentlikləri Assosiasiyası – BSANNA 2006-cı il mayın 29-dan 31-dək Ukraynanın paytaxtı Kiyev şəhərində keçirilən təsis konfransında yaradılmış Qara Dəniz İqtisadi Əməkdaşlıq Təşkilatının üzvü olan ölkələrin Milli İnformasiya Agentlikləri Assosiasiyası (BSANNA) Qara dəniz hövzəsi ölkələrinin milli informasiya agentliklərini birləşdirən regional təşkilatdır. 14 milli informasiya agentliyinin təmsil olunduğu BSANNA-nın məqsədi sərbəst və bərabərhüquqlu informasiya mübadiləsi aparmaqdır. Üzv agentliklər texniki əməkdaşlıq, təcrübə və texnologiyalar mübadiləsinə də kömək etməyə çalışırlar. BSANNA-nın saytı da (http://bsanna-news.ukrinform.ua/) ölkəmiz haqqında informasiyaların ən çox yayıldığı (hər gün 20-25 xəbər) internet kanalıdır.
ANİA MDB Hökumət Başçıları Şurasının 2003-cü il sentyabrın 18-də Yaltada keçirilmiş iclasında qəbul edilmiş Birliyin üzvü olan ölkələrin milli informasiya agentliklərinin materiallarının mübadiləsi haqqında sazişin həyata keçirilməsi məqsədi ilə professional əməkdaşlıq forması kimi təsis edilmişdir (www.ania-news- .info/). ANİA-nın məqsədi MDB-nin üzvü olan ölkələrin milli informasiya agentliklərinin potensialından fəal istifadə edilməsinə, milli informasiya agentlikləri arasında material mübadiləsinin səviyyəsini və səmərəsini artırmağa, informasiya axınında tarazlığın təmin edilməsinə və MDB-yə daxil olan ölkələrin həyatına dair obyektiv informasiyanın operativ yayılması üçün agentliklərin səylərini birləşdirməyə kömək etməkdir. Şuranın əsas vəzifələri dövlət informasiya agentliklərinin xəbərlərinin maneəsiz yayılması üçün ən əlverişli şəraitin yaradılması barədə tövsiyələr hazırlamaq, informasiya fəaliyyətinə dair məsləhətləşmələr aparmaq, telekommunikasiya və rabitənin inkişafına, informasiya münasibətlərinin beynəlxalq prinsip və nor- malarının tətbiq edilməsinə kömək göstərmək, informasiya mübadiləsinin normativ hüquqi tənzimlənməsinə dair təkliflər hazırlamaqdır (3, 45-46). ANİA da hər gün AzərTAc-ın 30-35 informasiyasını və fotoinformasiyasını öz saytında yerləşdirir.
2004-cü ilin sentyabrında agentliyin həyatında çox əlamətdar bir hadisə baş vermişdir – AzərTAc YUNESKO-nun təşəbbüsü ilə 1961-ci ildə, dünya əhalisinin yarıdan çoxunun yaşadığı regionun informasiya agentlikləri arasında xəbərlərin birbaşa və pulsuz mübadiləsinin təmin edilməsi üçün yaradılmışdır. Asiya və Sakit Okean Ölkələri İnformasiya Agentlikləri Təşkilatının – OANA-nın üzvü olmuşdur ( www.oana
news.org). Bunun sayəsində AzərTAc-ın hər gün 20-25 informasiyası, o cümlədən fotoinformasiyaları OANA-nın xüsusi saytında yerləşdirilir və quruma üzv olan 33 ölkənin 40 informasiya agentliyi həmin məlumatlarından məhduduiyyətsiz istifadə edə bilirlər. Azərbaycan MDB məkanında sayca dördüncü ölkədir ki, onun informasiya agentliyi bu nüfuzlu regional strukturda təmsil olunmuşdur. 2007-ci il dekabrın 12-də bu təşkilatın Baş Assambleyasının İndoneziyanın paytaxtı Cakartada keçirilmiş növbəti iclasında AzərTAc qurumun rəhbər orqanına – İcraiyyə Komitəsinə üzv seçilmişdir. Bu, dünya media məkanında öz mövqelərini möhkəmlədən AzərTAc üçün çox mühüm hadisə idi (1, 62-63). 2008-ci il sentyabrın 1-4-də Bakıda AzərTAc-ın ev sahibliyi ilə OANA İcraiyyə Komitəsinin “Qloballaşan dünyada informasiya hamı üçün” mövzusunda 30-cu iclası keçirilmişdir. Xüsusi vurğulamaq lazımdır ki, ilk dəfə olaraq, dünyanın 21-dən çox ölkəsindən ən nüfuzlu xəbər agentliklərinin rəhbərləri və yüksək vəzifəli təmsilçiləri respublikamıza gəlmişdilər. Azərbaycanın ictimai həyatında mühüm hadisə olan bu toplantının əhəmiyyəti həm də onda idi ki, OANA və EANA-nın tarixində ilk dəfə olaraq bu qurumların rəhbərləri tədbirdə birlikdə iştirak edirdilər. 182
Azərbaycan Respublikasının Prezidenti İlham Əliyevin OANA İcraiyyə Komitəsinin 30-cu iclasının iştirakçılarına ünvanladığı məktubda deyilirdi: “İnformasiya agentliklərini birləşdirən böyük regional təşkilatların və nüfuzlu xəbər agentliklərinin rəhbər şəxslərinin iştirakı ilə belə bir tədbirin Bakı şəhərində keçirilməsi beynəlxalq aləmə inteqrasiya yolu seçmiş və dünya informasiya məkanına daxil olmuş müstəqil ölkəmizin ictimai həyatında mühüm hadisədir (4). Müasir Azərbaycanın sürətli sosial-iqtisadi inkişafı, hüquqi islahatların keyfiyyətcə yeni mərhələyə qədəm qoyması, vətəndaş cəmiyyəti quruculuğunun dərinləşməsi ölkəmizdə informasiyaya olan ictimai tələbatı daha da artırır. Dövlətin informasiya siyasəti Azərbaycan Respublikasının Konstitusiyasında əks olunmuş fikir, söz və məlumat azadlığının, vətəndaşların informasiya əldə etmək hüququnun təmin edilməsinə, habelə cəmiyyətin obyektiv məlumatlandırılması funksiyasını effektiv yerinə yetirməsi üçün kütləvi informasiya vasitələrinə zəruri şərait yaradılmasına yönəlmişdir. Azərbaycanda müstəqillik illərində senzuranın ləğvi, fikir, söz və məlumat azadlığının inkişaf etdirilməsi üçün qanunvericiliyin beynəlxalq standartlara uyğunlaşdırılması, mətbuatın iqtisadi müstəqilliyinin gücləndirilməsi istiqamətində həyata keçirilmiş çoxsaylı tədbirlər məhz bu məqsədə xidmət edir. Bütün dünyada insanlar üçün obyektiv, qərəzsiz, vicdanlı informasiyanın açıq olması son nəticədə həm də Yer üzündə sülhün, təhlükəsizliyin möhkəmlənməsinə, ölkələr və xalqlar arasında əməkdaşlığın, sivilizasiyalararası dialoqun genişlənməsinə xidmət edir. Əmin olduğumu bildirirəm ki, yaşadığımız dövrün çox mühüm və aktual bir mövzusuna həsr olunmuş toplantı konstruktiv müzakirələr, faydalı fikir mübadiləsi ruhunda keçəcək, bəşəri dəyərlərin təbliğinə öz töhfəsini verəcəkdir”.
AzərTAc-ın həyatında ən mühüm hadisələrdən biri də 2008-ci il aprelin 18-nə təsadüf edir. Həmin gün AzərTAc daha bir nüfuzlu regional media qurumuna – Avropa Xəbər Agentlikləri Alyansına (EANA) (www.newsalliance.org) üzv qəbul olunmuşdur. EANA Baş Assambleyasının Estoniyanın paytaxtı Tallinndə keçirilmiş iclasında AzərTAc-ın bu quruma üzv olmasını təşkilatın həmin forumda təmsil olunmuş 29 üzvündən 26-sı dəstəkləmişdir. Beləliklə, AzərTAc postsovet məkanında İTAR-TASS və Ukrinformdan sonra EANA-ya üzv qəbul edilmiş üçüncü milli informasiya agentliyi və həmin təşkilatın sayca 31-ci üzvü olmuşdur. Bu, AzərTAc-ın dünya informasiya məkanında daha geniş təmsil olunması, Azərbaycan haqqında xəbərlərin yayılma coğrafiyasının genişlənməsi üçün çox vacib idi. EANA-nın 52 il əvvəl “Avropa xəbər agentlikləri ailəsi” kimi təsis edilməsinə baxmayaraq, bu təşkilatın sələfinin təməli hələ 1924-cü ildə qoyulmuşdu. Təşkilat İkinci Dünya müharibəsi dövründə bağlanmış, 1956-cı ildə yenidən fəaliyyətə başlamışdır. Avropa alyansının başlıca məqsədi informasiya agentliklərinin müstəqil və qərəzsiz xəbəryayma vəzifəsini yerinə yetirmələri üçün biznes mühitini təmin etməkdir. Buraya informasiya agentlikləri üçün müəlliflik hüquqlarının tanınması, informasiya mənbələrinə müraciət imkanı, iştirakçı agentliklər arasında əməkdaşlığın inkişafı və informasiya mübadiləsi, habelə seminarlar, praktikumlar və başqa tədbirlər təşkil etməklə təcrübə mübadiləsinə nail olmaq daxildir (3, 45-46). EANA mənfəət əldə etmək məqsədi güdməyən üzvlərin ittifaqıdır. Təşkilat quruma daxil olan agentliklərin eyni məbləğdə ödədiyi üzvlük haqları hesabına fəaliyyət göstərir. Hər il keçirilən Baş Assambleyada səsvermə zamanı “bir agentlik – bir səs” qaydası əsas götürülür. EANA “Avropa xəbər agentlikləri ailəsi” hüdudlarında aylıq bülletenlər, konfranslar və ikitərəfli əlaqələr vasitəsilə əməkdaşlığı və təcrübə mübadiləsini həyata keçirən ümumavropa forumu kimi xidmətlər göstərir.
AzərTAc 2008-ci ildən Asiya Xəbər Agentlikləri Konsorsiumunun (Asia Pulse) (www.asiapulse.com) üzvüdür. 1996-cı ildə yaradılmış Asia Pulse real vaxt rejimində çalışan, Asiyada sahibkarlıq fəaliyyətinin həyata keçirilməsi üçün zəruri informasiyanı korporasiyalara, hökumətlərə və ayrı-ayrı şəxslərə təqdim edən xəbərlər və kommersiya-kəşfiyyat xidmətidir. 30-dan çox ölkədə 50-dən artıq sənaye sahəsini əhatə edən, bu sahədə ixtisaslaşan jurnalistlər və analitiklər hər gün bu qurumun internet resursunda 300-ə yaxın xəbər yayır, ayrı-ayrı sənaye sahələri barədə məlumatları, şirkətlərin elanlarını, analitik materiallar, şərhlər, layihələr dərc edirlər (3, 47). Asia Pulse Asiya şirkətlərində, sənaye sahələrində modernləşməyə, infrastruktur və investisiya məsələlərinə, müştərək müəssisələrin yaradılmasına, ticarət imkanlarının öyrənilməsinə və iqtisadi inkişafa kömək edir. Bu qədər çoxşahəli fəaliyyəti bir mərkəzdə cəmləşdirməklə, konsorsium yüzlərlə pərakəndə informasiya mənbəyinə müraciət etmək zərurətindən yaxa qurtarmağa imkan verir. Dünya İnformasiya Agentlikləri Konqresi Azərbaycan Dövlət Teleqraf Agentliyi Dünya İnformasiya Agentlikləri Konqresinin fəal iştirakçısıdır ( www.nawc.com.ar ). Dünya İnformasiya Agentlikləri Konqresi 2004-cü ildə BMT-nin, YUNESKO-nun və aparıcı regional informasiya agentliklərinin dəstəyi ilə yaradılmışdır. İTAR-TASS agentliyinin təşəbbüsü ilə 2004-cü il sentyabrın 23-25-də Moskvada keçirilmiş ilk iclasda dünyanın 100-dən çox ölkəsini təmsil edən 115 informasiya
183
agentliyinin rəhbərləri qurumun konsepsiyanı yekdilliklə dəstəkləmiş və Konqresin işçi orqanını – Dünya İn- formasiya Agentlikləri Şurasını yaratmışlar. Bu ictimai şuraya regional informasiya agentliklərinin rəhbərləri və digər nümayəndələri daxildir. Şura dünyanın müxtəlif regionlarını təmsil edən agentliklər arasında peşəkar əməkdaşlığı və qarşılıqlı əlaqələri inkişaf etdirir. Xəbər agentliklərinin beynəlxalq səviyyədə bu cür görüşləri dünyanın aparıcı xəbər provayderləri arasında dialoq, habelə fikir, informasiya və təcrübə mübadiləsi üçün platforma rolu oynayır. Dünya İnformasiya Agentlikləri Konqresinin 2007-ci il oktyabrın 24-27-də İspaniyanın Estepona şəhərində keçirilmiş ikinci iclasında 110-a yaxın ölkənin 120-dən çox xəbər agentliyi, o cümlədən AzərTAc da təmsil olunmuşdu. Estepona görüşündə əməkdaşlığı genişləndirmək imkanları, yeni texnologiyalardan agent- liklərin işində istifadə edilməsinin üstünlükləri, dünyanın “qaynar nöqtələrində” işləyən jurnalistlərin üzləşdiyi problemlər, informasiya piratlığına qarşı mübarizə məsələləri müzakirə edilmişdi. Tədbir çərçivəsində fotoşəkil müsabiqəsi də keçirilmişdi. AzərTAc-ın həmin müsabiqəyə təqdim etdiyi fotoşəkil birinci mükafata layiq görülmüşdü. Müstəqil Azərbaycanın rəsmi informasiya agentliyinin dünya informasiya məkanına çıxması, Azərbaycan reallıqlarının yayılma coğrafiyasının genişləndirilməsi Heydər Əliyevin ən böyük arzularından biri idi. Ümummilli liderin bu arzusu da reallığa çevrilmişdir. Azərbaycan qloballaşan dünyanın yeni informasiya məkanında layiqli yerini tutmuşdur və bunu getdikcə möhkəmləndirir. Beləliklə, AzərTAc-ın xarici əlaqələrinin yaranması və inkişaf tarixi üzrə aparılan tədqiqatlar aşağıdakı qənaətlərə gəlməyə imkan verir: 1. AzərTAc-ın xarici əlaqələrinin təşəkkülü Azərbaycanın dövlət müstəqilliyinin bərpasından sonrakı illərə təsadüf edir. Heydər Əliyevin siyasi hakimiyyətə qayıdışından sonra Azərbaycanın dünyada tanıdılması istiqamətində gördüyü işlər ölkənin beynəlxalq aləmdə nüfuzunun artması və mövqeyinin möhkəmlənməsi ilə nəticələnmişdir. Bu da AzərTAc-ın xarici əlaqələrinin inkişafında, onun dünya informasiya məkanına inteq- rasiyasında mühüm rol oynamışdır. 2. Hazırda AzərTAc 90-dan çox xəbər agentliyi ilə informasiya mübadiləsi aparır, OANA, EANA, BSANNA, TKA, ANİA, Asia Pulse kimi dünyanın ən mötəbər xəbər agentlikləri təşkilatına üzv olmuşdur. Belə ikitərəfli və çoxtərəfli əməkdaşlıq AzərTAc-a həmin qurumların informasiya resurslarından istifadə etməklə Azərbaycan haqqında həqiqətləri beynəlxalq aləmdə daha geniş coğrafiyada yaymağa, eyni zamanda, Azərbaycan oxucusunu dünyadakı yeniliklərlə, ən mühüm hadisələrlə təmin etməyə imkan verir.
1.
çıxışı. Qloballaşan dünyada informasiya hamı üçün. Bakı: Şərq-Qərb, 2009, 479 s. 2.
Aslanov Aslan. Heydər Əliyev və AzərTAc. Bakı: Nurlan, 2005, 178 s. 3.
Aslanov A., Musayev V., İsmayılov D. AzərTAc-dan AzərTAc-a mürəkkəb və şərəfli yol. Bakı: Şərq-Qərb, 2008, 184 s. 4.
Azərbaycan Respublikasının Prezidenti İlham Əliyevin Asiya və Sakit Okean Ölkələri Xəbər Agentlikləri Təşkilatı (OANA) İcraiyyə Komitəsinin 30-cu iclasının iştirakçılarına məktubu. “Azərbaycan” qəz., Бакы, 2008, 3 sentyabr 5.
ESTABLISHMENT AND DEVELOPMENT OF AZERTAJ`s FOREIGN RELATIONS (1991-2010) ASLAN ASLANOV SUMMARY The article highlights AzerTAj`s foreign relations, its agreements with various countries` news agencies, its membership in international organizations and the agency-hosted events. AzerTAj has also attached a particular emphasis to building and developing its foreign relations with the aim of integrating into the global information network and mastering and applying rich experience of transnational news agencies. But it can raise some questions, like What is the state of AzerTAc`s international relations? and What is the role of these relations in delivering Azerbaijan`s truths to the world community? The author elucidates the answers to such questions in the article.
В этой статье говорится о международных связях Азербайджанского государственного телеграфного агентства, соглашениях, заключенных им с новостными агентствами различных стран, представительстве в международных структурах, проведенных под руководством АзерТАдж мероприятиях. 184
АзерТАдж постоянно держит в поле внимания налаживание таких связей для интеграции в мировое информационное пространство, изучения и применения богатого опыта транснациональных информационных агентств. При этом возникают следующие вопросы: «На каком уровне находятся международные связи АзерТАдж?», «Какое значение имеют эти связи в донесении азербайджанских реалий до мирового сообщества?» В статье автор попытался ответить на эти и другие вопросы. Yüklə 300,6 Kb. Dostları ilə paylaş:
|