«Aspoliqraf» Bakı–2013 teymur cəbrayilov
Yüklə 41,32 Kb. Pdf görüntüsü
|
| Məsləhətçilər: Nadir Davud oğlu Babayev, Rauf Hacıyev adına 15 saylı onbirillik UMM-in direktoru, Respublikanın əməkdar müəllimi Eldar Novruz oğlu Bağırov, Bakı şəhəri Xətai rayonu 30 saylı UMM-in direktoru Mətni Azərbaycan dilinə tərcümə edən: Sevda Sabir qızı Kərimova, Rauf Hacıyev adına 15 saylı onbirillik UMM-in müəllimi Not qrafikası və dizayn: Oqtay Şəmsi oğlu Kərimov C 2013 Cəbrayılov Teymur C45 Uşaq xoru üçün mahnılar. Bakı, «Aspoliqraf», 2013, 36 səh. 4905000000 053 © «Aspoliqraf», 2013 Musiqi – həyatın bəzəyi, yüksək ilham mənbəyidir. Onun qədər əzəmətli, ruhlandırıcı qüvvəyə, yüksək fikir və duyğuları qanadlandırmaq qüdrətinə, bu qədər hüdudsuz mahiyyətə, incə psixoloji təhsil iqtidarına və həmçinin kollektivçilik, kütləlik, səfərbərlik kimi emosional mühit yaratmağa, bəlkə də, incəsənətin digər növləri qadir deyildir. QARA QARAYEV ÖN SÖZ Teymur Qəhrəman oğlu Cəbrayılov 1961-ci ildə Bakı şəhərində anadan olmuşdur. İlk musiqi təhsilini Bakı şəhərinin ibtidai musiqi məktəbində, daha sonra Soltan Hacıbəyov adına Sumqayıt musiqi kollecində tanınmış xormeyster Fazil Əliyevin sinfində davam etdirmişdir. Musiqi sənətini özünə həyat yolu seçmiş gənc Teymur Cəbrayılov təhsilini daha da təkmilləşdirmək məqsədilə 1983-cü ildə Üzeyir Hacıbəyov adına Azərbaycan Dövlət Konservatoriyasının xor dirijorluğu fakültəsinə daxil olmuş və o zamanın görkəmli xor sənətçisi, Respublikanın əməkdar incəsənət xadimi, professor Eduard Novruzovun sinfinə təyin edilmişdir. Fitri istedada malik olan gənc musiqiçinin bir dirijor kimi inkişafı özünün tam təzahürünü məhz tələbəlik illərində tapır. Dirijorluq texnikasının bütün incəliklərinə dərindən yiyələnən Teymur Cəbrayılov həmin dövrdən başlayaraq bir çox musiqi əsərlərinin xor üçün aranjiman edilməsi ilə məşğul olmağa başlayır. İndi T.Cəbrayılov bir xormeyster kimi artıq sənət aləmində öz sözünü demişdir. O, bir sənətkar olaraq bu gün musiqi və incəsənət məktəblərində müəllim vəzifəsində çalışır. T.Cəbrayılov böyük musiqiçi olmaqla yanaşı, eyni zamanda geniş pedaqoji fəaliyyətlə də məşğuldur. Pedaqoji ustalığı, uşaqlara olan sevgi və məhəbbətinin nəticəsidir ki, hazırladığı uşaq xor kollektivləri bütün şəhər və Respublika miqyasında keçirilən tədbirlərdə uğurla çıxış edir, özünəməxsus üslubda ifaçılıq tərzi nümayiş etdirərək ən yüksək nəticələr əldə edir. Onun bir yetirməsi – İsmayıl Yunusov özünün yüksək ifaçılıq məziyyətlərinə görə Prezident təqaüdünə layiq görülmüşdür. Məhz belə geniş pedaqoji fəaliyyətinə görə o, 2008–2009-cu tədris ilinin yekun nə ti cə lərinə əsasən ilin müəllimi adını qazanmışdır. Teymur Cəbrayılov yorulmadan yaradıcılıqla da məşğul olur. Azərbaycanın zəngin xalq musiqisinə də - rindən bələd olan Teymur Cəbrayılov bir çox xalq mahnı və rəqslərini xor üçün işləmiş və geniş dinləyici kütləsinə təqdim etmişdir. “Aman ovçu”, “Ay dili-dili”, “Səndən mənə yar olmaz”, “Qalalıyam”, “Qara qa - şın vəsməsi”, “Qoy gülüm gəlsin” kimi mahnılar, “Uzundərə”, “Nəlbəki”, “Kintovari”, “Bakı”, “Maralı”, “Darçını”, “Şalaxo” və s. xalq rəqslərinin aranjimanı məhz onun qələminin məhsuludur. Teymur Cəbrayılov yaradıcılığında dünya klassik musiqi ədəbiyyatına da dəfələrlə müraciət etmişdir. Dünya klassikləri sayılan Lüdviq Van Bethovenin “Ay sonatası”, Frans Şubertin “Ave Mariya” əsəri, Vol f - qanq Amadey Motsartın “Türk marşı”, Montinin “Çardaş”, italyan mahnıları “Camayka”, “Bella çao” və s. bu kimi əsərlər də Teymur Cəbrayılov tərəfindən xor üçün işlənmişdir. Öz sənətinin vurğunu olan Teymur Cəbrayılov bir bəstəkar kimi də fəaliyyət göstərərək gözəl xor əsərləri yaratmışdır. Vətənə, xalqa, ana torpağa olan tükənməz sevgi və ona bağlılıq hissi ilə bəstələnmiş “Ey Vətən”, “Mənim Bakım”, “Ana və dəniz” (vokaliz ifa üçün), “Müqəddəslər yaşayırlar” (görkəmli oftalmoloq Zərifə Əli ye vaya həsr olunmuşdur) və digər əsərləri ilə o, doğma Azərbaycanla qırılmaz tellərlə bağlı olduğunu sübut etmişdir. Məcmuəyə daxil olunan əsərlər həm professional, həm də təhsil müəssisələrində yaradılmış xor kollektivlərinin ifası üçün nəzərdə tutulmuşdur. Bu mahnılardan üçü doğma Azərbaycanımızı bütün dünyada ən yüksək səviyyədə təmsil edən üç böyük şəxsiyyətə ithaf olunmuşdur. Birinci mahnı – “Ürəklərdə yaşayırsan” həmişəyaşar mərhum Prezidentimiz, ulu öndər Heydər Əliyevə, ikinci mahnı – “El oğlu” onun siyasi kursunu uğurla davam etdirən möhtərəm Prezidentimiz İlham Əliyevə, üçüncü mahnı – “Adınla ucal” Azərbaycanın birinci xanımı Mehriban Əliyevaya həsr olunmuşdur. Məcmuədə yer alan və dördüncü – “Şuşam” adlanan mahnı isə vətənimizin ən dilbər guşəsi olan qədim şəhərimizin təsvirinə həsr olunmuş və görkəmli bəstəkar mərhum Süleyman Ələsgərovun əziz xatirəsinə ithaf olunmuşdur. Hər bir mahnı ecazkar, həzin, yaddaqalan melodiyası, şəffaf və ahəngdar harmoniyası, dərin məzmunu və parlaq müşayiət partiyası ilə fərqlənir. Musiqinin bütün ifadə vasitələrindən ustalıqla istifadə edən bəstəkar hər üç obrazın təcəssümünü və eləcə də doğma Şuşamızın füsunkar təbiətini ən yüksək səviyyədə tərənnüm etməyə nail olmuşdur. Natiq Vəliyev, musiqişünas, Respublikanın əməkdar müəllimi 4
5 Uşaq xoru üçün musiqisi və sözləri Teymur Cəbrayılovundur Ulu öndər Heydər Əliyevin əziz xatirəsinə həsr olunur. 6 7 8 9 10 11 ÜRƏKLƏRDƏ YAŞAYIRSAN! Şərq ulduzusan, bir əbədi rəhbər! Hər gün açılan səhər. Hər yoluna nur saçan Heç sönməyən bir məşəl Nəqarət Bahar, yaz ətirlisən, Vətəni dirçəltmisən! Ulu öndər dahisən! Xalqın böyük oğlu! Sən öpdüyün o üçrəngli bayrağın, Oldu müqəddəs andın. Xalq uğruna can qoydun, Ürəklərdədir adın Nəqarət Boy atırıq biz müstəqil dövlətdə, Nəğmə deyib ürəkdən. Çox istərdim hər an Sən bizi xoşbəxt görəsən! Nəqarət Son üçün: Yaşayırsan!!! 12 Azərbaycan Respublikasının Prezidenti cənab İlham Əliyevə həsr olunur. Uşaq xoru üçün musiqisi və sözləri Teymur Cəbrayılovundur 13 14 15 16 17 18 19 20 EL OĞLU! Vətənin azadlığı, Odur xoşbəxtlik! Sənə miras qalıbdır Ərənlik, mərdlik! Nəqarət El oğlu! Sənin əməlindədir paklıq, mərhəmət. Nəsibin olacaqdır ad-san, şan-şöhrət! Vətənin rifahına çalışaraq sən, Xalqına əməyinlə edirsən hörmət! Qələbəyə doğrudur Atdığın addım. Zəfərlərlə səslənir Prezident andın. Nəqarət Biz sənə qəlbimizdə Tam inanırıq. Səninlə gələcəyə Addımlayırıq! Nəqarət Son üçün: El oğlu!!! 21 Uşaq xoru üçün musiqisi və sözləri Teymur Cəbrayılovundur 22 23 24 25 26 27 28 ADINLA UCAL! Dahi öndər irsinin vahid rəhbəri! O xoşməramlı səfiridir ölkənin. Millətinin rifahı üçün çalışan Mehriban tək qızı var bu məmləkətin. Nəqarət Göydən enən mələk! Səninlə qürur duyur Azəri xalqı. Göydən enən mələk! Odlar yurdunun yanan çırağı Göydən enən mələk! Sən bizim qəlbimizə xoşbəxtlik saçan, Cəsur qızısan doğma torpağın! Adınla ucal! Xalqın adını ucaldıbsan göylərə! Əməllərin düşübdür dildən dillərə. Bir müqəddəs müdriklik var sözlərində Səni Tanrı göndərib bizim ellərə! Nəqarət 29 Uşaq xoru üçün musiqisi Teymur Cəbrayılovundur Söz: Telman Quliyevindir 30 31 32 33 34 ŞUŞAM Dörd bir yanı sərt qaladır, ağ buludlar ona çadır, Cənnətin özü burdadır, gözəl Şuşa, doğma Şuşa! Əsirlərdir onun yaşı, Qarabağın zümrüd qaşı, Cıdır düzü can sirdaşı, gözəl Şuşa, doğma Şuşa! Nəqarət Şuşam! Gözəlliklər diyarım sənsən, Gül-çiçəkli baharım sənsən Qarabağın özəyisən. Şuşam! Sənə nəğmə qoşuram hər an, Dəniz kimi coşuram bil ki, Sən mənim ürəyimdəsən! Zirvələrdir qol-qanadı, hər qayan bir əl çırağı, Xan qızının daş bulağı, gözəl Şuşa, doğma Şuşa! Çanaqqala sənə sipər, hər tərəfin daşdan çəpər, Küləklər üzündən öpər, gözəl Şuşa, doğma Şuşa! Nəqarət Vaqif, Natəvan nəfəsi, Xan əminin şaqraq səsi, Dahilərin xoş müjdəsi, gözəl Şuşa, doğma Şuşa! Üzeyiri sən yetirdin, Niyaziyə qanad verdin, Muğamınla laylay dedin, gözəl Şuşa, doğma Şuşa! Nəqarət Son üçün: Mənim Şuşam! 35 MÜNDƏRİCAT Ön söz (Natiq Vəliyev) ...............................................................4 Ürəklərdə Yaşayırsan! ................................................................5 El oğlu!.....................................................................................12 Adınla ucal!..............................................................................21 Şuşam .......................................................................................29 Çapa imzalanmışdır 01.07.2013. Kağız formatı 60x90 1/8
. Ofset çapı. Fiziki çap vərəqi 4,5. Sifariş 22. Tiraj 300. «Aspoliqraf» nəşriyyat-poliqrafiya müəssisəsinin mətbəəsində çap olunmuşdur. Bakı, AZ 1052, Fətəli xan Xoyski küç., 121 B Tel.: (+994 12) 567-81-28/29; Faks: (+994 12) 567-82-68 e-mail: aspoligraf_az@yahoo.com Teymur Qəhrəman oğlu Cəbrayılov UŞAQ XORU ÜÇÜN MAHNILAR Bakı, «Aspoliqraf», 2013. Yüklə 41,32 Kb. Dostları ilə paylaş:
|