Azərbaycan döVLƏT İQTİsad universiteti magistratura məRKƏZİ Əlyazması hüququnda Çəndirli Nurlan Mehdi oğlu



Yüklə 2,25 Mb.
səhifə1/9
tarix06.05.2018
ölçüsü2,25 Mb.
#43242
  1   2   3   4   5   6   7   8   9

AZƏRBAYCAN DÖVLƏT İQTİSAD UNİVERSİTETİ

MAGİSTRATURA MƏRKƏZİ

Əlyazması hüququnda

Çəndirli Nurlan Mehdi oğlu

«Bazar münasibətlərinin inkişafına logistikanın təsir imkanlarının qiymətləndirilməsi»

Mövzusunda

M A G İ S T R D İ S S E R T A S İ Y A S I

İxtisasın şifri adı 060408 «Marketinq»

Elmi rəhbər: dos.Ə.M.Babaşov

Magistr proqramının rəhbəri: dos. E.N.Quliyev

Kafedra müdiri: i.e.d., prof. T.İ.İmanov

Bakı-2016

Mündəricat

GİRİŞ…………………………………………………………………………...3

Fəsil 1. İqtisadi münasibətlər sistemində logistik metodologiyadan istifadənin nəzəri əsasları

1.1. Qloballaşan biznes mühitində iqtisadiyyatın logistləşdirilməsinin obyektiv zəruriliyi……………………………………………..……………………….……6

1.2. Təsərrüfat subyektlərinin rəqabət üstünlüklərinin təmin edilməsinin logistik şərtləri və onlara təsir edən amllər………………….…………………………….16

1.3. Bazar münasibətləri şəraitində ümumi iqtisadi problemlərin logistik qoyuluşu və onların xarakterik cəhətləri………………….…………………………………31



Fəsil 2. Ölkə iqtisadiyyatında inteqrativ funksiya kimi logistikadan istifadənin müasir vəziyyətinin təhlili

2.1. İqtisadi fəaliyyət sahələrinə logistikanın təsir imkanlarının dəyərləndi-rilməsi…………………………………………………………………………….53

2.2. İnkişaf etmiş bazar şəraitində istehsal-satış müəssisələrində logistik xidmətin təşkili və idarəedilməsi mexanizmi……………………….………………………69

2.3. İstehsal-satış müəssisələrində logistik strategiyaların işlənib hazırlan-ması……………………………………………………………………………….77

2.4. Təsərrüfat subyektlərinin logistik idarəetmə sisteminin təkmilləşdirilmə

si …………………………………………………………………………….....…84


Nəticə və təkliflər……………………………………………………………….102

İstifadə olunmuş ədəbiyyat siyahısı……………………………………..…….104

Резюме………………………………………………………………………….106

Summary………………………………………………………………………..107



GİRİŞ
Mövzunun aktuallığı. Respublikamız iqtisadi müstəqillik qazandıqdan sonra iqtisadiyyatı bazar yönümündə inkişaf etdirmək üçün təsərrüfat fəaliyyətinin bütün sahələrində köklü iqtisadi islahatlar həyata keçirirlər. Ötən dövrlər ərzində reallaşdırılmış iqtisadi islahatların müsbət və mənfi сəhətlərini dərindən təhlil etmək yolu ilə milli iqtisadiyyatın dirçəlməsinə imkan verən tədbirlər sisteminin elmi cəhətdən əsaslandırılması günün vaсib problemlərindən biridir.

Bu baxımdan material axınların idarəedilməsi və tənzimlənməsini «sərt» və «сiddi» bölgü mexanizmi ilə həyata keçirən mərkəzi idarəetmə orqanlarının ləğv edildiyi və tədavül sferasında yeni keyfiyyət dəyişiklikləri baş verdiyindən müasir iqtisadi şəraitdə istər müəssisə daxilində, istərsə də ayrı-ayrı bazar subyektləri arasında material axınlarının fiziki bölüşdürülməsinin təşkili və idarə edilməsinin zəruriliyi meydana çıxır. Material axınının idarəedilməsi materialların bölgü kanallarında və müəssisələrdə yerləşdirilməsi, saxlanması, ehtiyatların yaradılması, satışın həyata keçirilməsi və nəqletmə proseslərini əhatə etməklə sistemli yanaşma prinsipinə əsaslanır. Daha doğrusu xammalın hasilatdan başlayaraq əmtəənin sonuncu istehlakçıya çatdırılması onların arasında vaxt intervalının qısaldılmasını nəzərdə tutur. Başqa sözlə axınların idarəedilməsi material ehtiyatlarının azaldılmasına, öhtələrin istehsal yerlərinə çatdırılma tezliyinin artırılmasına, informasiya alma prosesinin sürətləndirilməsinə, servis səviyyəsinin yüksəldilməsinə imkan verir.



Tədqiqatın işinin predmeti yeni təsərrüfatçılıq şəraitində bazar münasibət-lərinin inkişafına logistikanın təsir imkanlarının qiymətləndirilməsi ilə bağlı iqtisadi münasibətlər sistemindən ibarətdir.

Tədqiqatın obyektini respublikada istehsal-satış fəaliyyəti ilə məşğul olan müəssisələr təşkil edir.

Tədqiqatın məqsədi. Respublikanın istehsal-satış müəssisələrinin logistik təminatı ilə bağlı məsələləri aşkar etmək və bu müəssisələrdə logistik idarəet-mənin təşkilati-iqtisadi mexanizmin formalaşdırmaqdan ibarətdir.

Tədqiqatın məqsədinə uyğun olaraq aşağıdakı vəzifələr qarşıya qoyul-muşdur:

- qloballaşan biznes mühitində iqtisadiyyatın logistləşdirilməsinin obyektiv zəruriliyini əsaslandırmaq;

- təsərrüfat subyektlərinin rəqabət üstünlüklərinin təmin edilməsinin logistik şərtləri və onlara təsir edən amlləri müəyyənləşdirmək;

- bazar münasibətləri şəraitində ümumi iqtisadi problemlərin logistik qoyuluşu və onların xarakterik cəhətlərini aşkar etmək;

- iqtisadi fəaliyyət sahələrinə logistikanın təsir imkanlarını dəyərləndiril-mək;

- inkişaf etmiş bazar şəraitində istehsal-satış müəssisələrində logistik xidmətin təşkili və idarəedilməsi mexanizmini formalaşdırmaq;

- istehsal-satış müəssisələrində logistik strategiyaları işlənib hazırlamaq;

- təsərrüfat subyektlərinin logistik idarəetmə sistemini təkmilləşdirmək.

Tədqiqatın elmi yeniliyi. Yeni iqtisadi şəraitdə istehsal strukturlarının logistik idarəedlilməsi baxımından tədqiqat obyekti çərçivəsində material axın-larının planlaşdırılması və idarəedilməsi strategiyasının işlənib hazırlanmasın-dan ibarətdir.

Tədqiqat işinin nəzəri və metodoloci əsasını bazar münasibətləri şəratində son illər ölkə alimlərinin logistika sahəsində apardıqları fundamental və tətbiqi xarakterli tədqiqatların əsas müddəaları və nəticələri qəbul edlilmişdir.

Nəzəri hissəsinin işlənməsi zamanı tarixi və məntiqi-nəzəri təhlil üsulları tətbiq edilmiş, ekspert qiymətləndirmə, eləcə də ümumi anlayış və kateqoriya-lardan konkret iqtisadi proseslərə istiqaməti müəyyənləşdirən deduktiv metod-lardan istifadə olunmuşdur.



Tədqiqatın informasiya bazası. Tədqiqatın informasiya bazasını müasir elmi-iqtisadi ədəbiyyatlar, marketinq, menecment və müəssisələrin marketinq fəaliyyətinə dair dövrü mətbuat, qəzet və curnallarda çap edilmiş müxtəlif məqalələr, ölkəmizdə, eləcə də xarici ölkələrdə fəaliyyət göstərən müəssisə və təşkilatların təcrübəsindən götürülmüş və internet saytlarından əldə edilmiş informasiyalar təşkil edir.

Tədqiqatın praktik əhəmiyyəti.Aparılan tədqiqat nəticəsində müəllif tərə-findən bir sıra, o cümlədən bazar münasibətlərinin inkişafına logistikanın təsir imkanlarının qiymətləndirilməsi ilə bağlı müxtəlif təklif və tövsiyələrin verilmə-sindən ibarətdir.


Fəsil 1. İqtisadi münasibətlər sistemində logistik metodologiyadan istifadənin nəzəri əsasları

1.1. Qloballaşan biznes mühitində iqtisadiyyatın logistləşdirilməsinin obyektiv zəruriliyi
Respublika iqtisadiyyatının bazar iqtisadiyyatı yönümündə inkişaf etdirilməsi iqtisad elmləri qarşısında dərin nəzəri təhlil və əsaslandırılmış üsullarla praktiki həll edilməli olan çoxlu problemlər qoymuşdur. Bu problemlərdən ən mühümü mülkiyyətin totalitar dövlətləşdirilməsini və iqtisadiyyatın mərkəzləşdirilmiş idarəetmə prinsipi əsasında fəaliyyətini nəzərdə tutan bir sıra direktiv orqanların ləğv edilməsi ilə əlaqədar material, informasiya və maliyyə axınlarının rasional təşkili və bazar subyektlərinin yüksək keyfiyyətli məhsul və xidmətlərlə təmin edilməsindən ibarətdir.

Uzun illər material və istehsal resurslarının mübadiləsi sferasında mütləq hökmranlığa malik olan maddi-texniki təchizat sistemi ölkədə bazar iqtisadi sisteminin tələblərinə uyğun həyata keçirilən iqtisadi islahatlar nəticəsində əsaslı surətdə kəmiyyət və keyfiyyət dəyişikliklərinə məruz qalmışdır.İqtisadiyyatın bu sektoruna aid edilən müəssisə və təşkilatlar dövlətsizləşdirilərək istehsal-kommersiya fəaliyyətini həyata keçirən müxtəlif təşkilati-hüquqi formalı müstəqil təsərrüfat subyektləri kimi fəaliyyət göstərməyə başladılar. Bununla əlaqədar olaraq istehsalçıların və istehlakçıların iqtisadi maraqlarını nəzərə almadan resursların «yuxarıdan» «ciddi» «nizamlaşdırılmış» sərt bölgü mexanizmindən fərqli olaraq tələb və təklifə, qiymət və rəqabətə söyknən bazar iqtisadiyyatı mübadilə sferasının özünün və ona xidmət edən subyektlərin fəaliyyətinin yeni tələblər baxımından formalaşması zəruriyyətini meydana çıxardı.

Beləliklə, ilkin olaraq, müasir bazar iqtisadiyyatı şəraitində material axın-larının bölgüsü və hərəkətini tənzimləyən sistemin (maddi-texniki təchizat) dağıl-ması nəticəsində təsərrüfat praktikasında material resurslarının ilk təchi-zat mənbəyindən son istehlakçıya qədər ümumi hərəkətinin yeni metod və texnologiyası, axınların tənzimlənməsi, bu axınların təşkili, planlaşdırılması və idarə edilməsini həyata keçirən yeni bir sistemin və onun keyfiyyət üstünlüklə-rinin aşkar edilməsinə böyük ehtiyac yarandı.

İkincisi, istər ölkədaxili, istərsə də dünya təsərrüfat sistemində inteqrativ əlaqələrin artması ilə müşahidə edilən bazar iqtisadiyyatında istehsal-kommersiya fəaliyyətinin ağırlıq mərkəzinə çevrilən tədavül sferasında xərclərin artması bazar fəaliyyətinin yeni-optimal formasının axtarılıb tapılmasını və xərclərin azaldılmasını aktuallaşdırdı.

Üçüncüsü, ilkin xammal mənbəyindən son istehlakçıya qədər material axınlarının ümumi vaxtının 93%-i məhsulların müxtəlif bölgü və satış kanalla-rında saxlanılmasına, 2%-i xüsusi istehsala, 5%-i məhsulların nəql edilməsinə sərf edildiyindən material axınlarının hərəkəti ilə bağlı müxtəlif mərhələlərdə vaxt məsrəfinin optimallaşdırılması hər bir təsərrüfat subyektinin ali məqsə-dinə çevrildi. Daha doğrusu, müasir iqtisad elmləri qarşısında duran ən vacib problem məsələ məhsulların tədavül kanallarında ləngimədən təkrar istehsalın növbəti mərhələsinə tez keçidinin təmin edilməsi, məhsul istehsalçılarının məhsullarının keyfiyyətinin yaxşılaşdırılması, məhsul çeşidinin artırılması, istehlakçı sifarişlərinə dolğun cavab vermək baxımından əlavə vaxt qazanması, ayrı-ayrı mərhələlərdə çəkilən maddi məsrəflərin azaldılmasından ibarətdir.

Bazar iqtisadiyyatı və onun genetik əsasları bir daha sübut edir ki,bu iqtisadi sistemdə mühüm rol oynayan və onun əsas həlqələrindən biri olan sahibkarlıq firmaları özlərinin korporativ missiyalarının həyata keçirilməsi və qarşılarına qoyduqları məqsədlərə (mənfəət həcminin artırılması, bazar seqmentinin genişləndirilməsi, istehsal xərclərinin azaldılması,əmək məhsuldarlığının və məhsulun keyfiyyətinin yüksəldilməsi) nail olması üçün marketinq və menecment bazası əsasında güclü təsərrüfat mexanizminə malik olmalıdır.

Sənayecə inkişaf etmiş ölkələrin təcrübəsi göstərir ki, bazar uğrunda rəqabət mübarizəsinin getdikcə kəskinləşdiyi resurs mərhələsində hər bir təsərrüfat subyekti material, maliyyə, informasiya, kadr və digər resursların həm istehsal, həm də tədavül sferasında səmərəli idarə edilməsini həyata keçirmək üçün yeni təsərrüfat mexanizmi kimi logistikaya böyük ehtiyac duyur (şəkil 1.1). Çünki, müstəqil məhsul istehsalçıları bazar tələbindən asılı olmayaraq əmtəəlik məhsul istehsalı zamanı ikili xarakterə malik rəqabətlə üzləşirlər. Bu ilk növbədə,bazar üçün nəzərdə tutulan məhsulların istehsalına lazım olan xammal, material və dəstləşdirici məmulatların əldə edilməsi zamanı optimal satış şəbəkələrinin Материал ресурсларынын идаря едилмяси

P - Y


Təhcizat prosesi

Мящсулларын бюлцшдцрцлмясинин идаря едилмяси

P - Y'


Təhcizat prosesi

İstehsal

İstehsal sferası

Satış bazarı

Daxili material axınları

Тədarükat bazarı

Мцбадиля сферасы

qiymətləndirilməsində mövcud çətinliklər və analoci məhsul istehlakçılarının istifadə etdikləri metod və üsullar, xüsusilə qiymət faktoru ilə əlaqədardır. İkincisi isə hazır məhsulların reallaşdırılmasında meydana çıxan problemlərlərlə-xüsusi satış şəbəkəsinin olmaması, satış şəbəkələrinin saxlanmasına çəkilən xərclərin yüksək olması, bu şəbəkələrdə məhsulların reallaşdırılması imkanlarının məhdudluğu, məhsulların bazar tələbinə tam cavab verməməsi, keyfiyyətinin aşağı olması və s. ilə bağlıdır. Buna görə də istehsalçı firma və şirkətlər hazır məhsul axınlarının çox saylı bölüşdürücü şəbəkələrdə hərəkətini-fiziki bölüşdürmə (bölüşdürmə prosesinə adətən nəqletmə, satış zamanı materialların və hazır məhsulların yerdəyişməsi, istehlakçı sifarişlərinin uçotu və yerinə yetirilməsi, ehtiyatların səviyyəsinə nəzarət, istehsal güclərinin və anbarların yerləşdirilməsi və s. əməliyyatlar aid olunur) və onun idarə edilməsi problemini həll etmək məcbu-riyyətində olurlar.

Deməli, bazar münasibətləri sisteminin mürəkkəbliyi, özünün dinamikliyi ilə seçilən bazar iqtisadiyyatı şəraitində təsərrüfat subyektlərinin hər dəfə dəyişən iqtisadi vəziyyətdən çıxış yolları axtarmaları və bu tip problemləri həll etmələri məhz iqtisadiyyatın logistləşdirilməsinə zəruriyyət yaradır.

Beləliklə, ümumi formada iqtisadiyyatın logistləşdirilməsini şərtləndirən amilləri şərti olaraq aşağıdakı kimi qruplaşdıra bilərik:

1. İqtisadiyyatın logistləşdirilməsinin cəlbedici motivlərindən bir bölüşdürmə proseslərinin keyfiyyətinə tələbatın artamısı ilə bağlı satış problemlərinin çətinləş-məsindən ibarətdir.Bunun nəticəsi olaran müxtəlif bazar subyektləri arasında mürəkkəb əlaqələr sistemi formalaşmışdır ki, bu da öz növbəsində təchizat və satış sferasında aparılan əməliyyatların təşkilinin mövcud modelinin təkmilləşdirilməsini tələb edir. Bunun üçün isə ilk növbədə mövcud iqtisadi şəraitin tələblərinə uyğun olaraq ayrı-ayrı istiqamətlər üzrə məhsulyeridilişinin optimallaşdırılması, anbarlar şəbəkələrinin və terminal mərkəzlərinin optimal yerləşdirilməsi, əlverişli məhsul-göndərmə partiyasının həcminin müəyyənləşdirilməsi, optimal nəqletmə marşurut-larının seçilməsi və s. sahədə yerinə yetirilən işlər intensivləşdirilməlidir.

2. İqtisadiyyatın logistləşdirlməsinin obyektiv stimullarından digərini isteh-sal strategiyasında və məhsulyeridilisi sitemində əhəmiyətli dəyişikliklərlə müşahidə olunan satıcı bazarından alıcı bazarına keçid təşkil edir. Əgər əvvəllər məhsul buraxılışı haqqında qərarlar satış siyasətindən əvvəl gəlirdisə, müasir şəraitində bazar tələbinin həcmi və strukturundan asılı olaraq satş siyasəti imperativ olaraq istehsal proqramlarına əsasən formalaşır.Sərt rəqabət şəraitində müştərilərin maraqlarına uyğunlaşmaq və göstərilən xidmətin keyfiyyətini yüksəltmək öz növbəsində məhsul istehsalçılarından adekvat reaksiya tələb edir. Aydındır ki, müştərilərə göstərilən xidmətin keyfiyyətinin yüksəltmək üçün hər şeydən əvvəl, verilən sifarişlərin yerinə yetirlməsi müddətini qısaltmaq və və məhsulgöndərmə qrafiklərinə şərtsiz olaraq riyaət etmək lazımdır.Bu zaman qiymət və məhsulun keyfiyyəti ilə yanaşı zaman faktoru təsərrüfat subyektinin normal fəaliyyətinin müyyənləşdirən mühüm amil kimi çıxış edir.

3. Logistikadan istifadəni şərtləndirən digər mühüm amil material resurslarının istehsalçıdan istehlakçıya qədər bütün hərəkəti yolunda axın proseslərinin fasiləsizliyini təmin etməkdən ibarətdir. İnkişaf etmiş ölkələrin təcrübəsinə istinadən qeyd etmək olar ki, bu problemi müxtəlif təchizat mənbələrindən daxil olan material resurslarının akkumulyasiyasını həyata keçirən regional mərkəzlərdə iri anbar terminallarını yaratmaqla aradaq qaldırmaq mümkündür.İxrac yönümlü məhsul və xidmətlərdən istehlakçıların asılı olduğu müasir şəraitdə belə bir həll variantının aktuallığı və əhəmiyyəti bir qədər də artır.Bu zaman ictimai istehsalın ixtisaslaşması və kooperasiyası, elmi texniki tərəqqinin inkişaf səviyyəsi,bazar infrastrukuturun rolunun artması, teylor tipli idarəetmə sistemindən inteqrativ idarəetmə sisteminə keçid, eləcədə bazarın müasir inkişaf səviyyəsi ilə şərtləşən amlillərdə təbii ki, bu prosesə əsaslı təsir göstərir [17].

4. İstehsalın həcminin artması,ölkədaxil və dünya təsərrüfat əlaqələrinin yeni-lənməsi mübadilə sferasında tədavül xərclərinin artmasına gətirib çıxardığından təsərrüfat subyektlərinin əsas diqqəti bazar fəaliyyətinin optimallaşdırılması üçün yeni formaların axtarılıb tapılmasına və bu sferada xərclərin azaldılmasına yönəl-dirlər.Nəzərə almaq lazımdır ki, material resurslarının ilk yaranma-təchizat mənbəyindən son istehlakçıya çatidırlımasına qədər ümumi hərəkətinə çəkilən məsrəflərin tərkibcə üçdə iki hissəsini nəqliyyat xərcləri, üçdə bir hissəsini isə ehtiyatların yaradılması və saxlanılmasına çəkilən xərclər təşkil edir (3). Ekspert qiymətləndirmələrinə görə logistik metodların tətbiqi ehtiyatların səviyyəsini 30-50%, nəqletmə müddətinin isə 25-45% azaldılmasına imkan verir.

Bu zaman tətbiq edilən ənənəvi bölgü metodları xərc tutumlu olduğundan firmanın menecerləri bu məsrəflərə ciddi nəzarət etmək məcburiyyəti ilə üzlə-şirlər.Çünki, bu sahədə mövcud vəziyyətiin kəskin xarakterini uçota alan menecerlər nəqliyyatı biznes üçün dayanıqlı, sabit faktor adlandırmaqda bir qədər tərəddüd edirdilər.Nəqliyyat sahəsində baş verən dəyişikliklərə tez uyğunlaşmaq üçün mütləq çoxlu sayda və bir-birilə məntiqi bağlı olan yeni qərarlar qəbul etmək lazım gəlir. Bu tip qərarlardan ən ümdəsi nəqliyyat vasitələrindən istifadə sahəsinə dövlət müdaxiləinin azaldılması və ya məhdudlaşdırılması hesab olunur. Bazar iqtisadiyyatı yolu ilə inkişaf edən ölkələrin təcrübəsi göstərir ki, ötən əsrin 1970-ci illərin sonlarından ehtibarən dünya təsərrüfat sistemində ümumi istifadədə olan nəqliyyat təşkilatları üçün dövlət tənzimlənməsi demək olar ki, aradan qaldırılmış, əsasən məhsulgöndərənlər tərəfindən istifadə edilən nəqliyyat vasitələri üçün köhnə «oyun qadaları» ləğv edilmişdir. Belə bir şəraitdə yeni islahatın yaratdığı imkanlardan nəqliyyat vasitələrini istismar edən firma və şirkətlərin bəhrələnməsi üçün nəqliyyat sferasında həm cari, həm də uzunmüddətli strategiyaları yenidən nəzərdən keçirmək lazım gəlir.

5. Praktiki baxımdan diqqət çəkən digər mühüm məqam ondan ibarətdir ki, müasir şəraitdə ağırlıq mərkəzi məhsul və xidmətlərin istehsalı sferasından bölügü və mübadilə sferasına keçmişdir. Bununla əlaqədar olaraq qeyd etmək lazımdır ki, əgər yaxın zamanlara qədər respublikanın milli iqtisadiyyatında məhsul qıtlığı və ya çatışmamazlığı halları müşahidə edilirdisə, əmtəə bazarında məhsul bolluğunun yarandığı və alıcılıq qabiliyyətinin məhdud olduğu müasir şəraitdə məhsulların bölüşdürülməsi və ticarətin bazar iqtisadiyyatının tələbələri çərçivəsində təşkili bazarda rəqabət bazar üstünlüklərinin əldə edilməsinə imkan yaradır. Deməli, logistik prinsiplərdən istifadə bu və ya digər firmanın müştəri tələbinin maksimum ödənilməsi əsasında rəqabət mühitinin formalaşması üçün yeni imkanlar açır. Bu nöqteyi-nəzərdən marketinq və menecmentdən fərqli olaraq logistikaya məhsul-yeridilişinin idarəedilməsi konsepsiyasından ümumi forması kimi baxmaq daha məqsədəuyğundur. Əgər nəzər alsaq ki, menecment müəssisədaxili idarəetmə məsələlərinə, marketinq isə ətraf mühit tərəfindən tələbin idarəedilməsi kimi mühüm hesab edilən məsələləri mütəmadi olaraq diqqət mərkəzində saxlayıb tədqiq edirsə, logistka hər iki konsepsiyanı son istehlakçı tələbinin ödənilməsinə yönəldilmiş vahid sistem formasında birləşdirir [48].



6. Mənfəətin (mənfəət və effektivlik nöqteyi-nəzərindən məhsulların fiziki bölüşdürülməsi faktiki olaraq tədqiq olunmayan sahə hesab edilir) əsas hissəsinin istehsal sferasında formalaşmasına baxmayaraq maliyyə, material və əmək resurslarından istifadə sahəsində əlavə iqtisadi qənaətlərə nail olunması mürəkkəb xarakterli əmtəə-material ehtiyatları və onların idarə edilməsi fəlsəfəsində əsaslı dəyişikliklə gətirib çıxardı. Belə ki, inzibati-amirlik dövründə istehsal olunan hazır məhsulun təqribən 50%-i pərakəndə ticarət şəbəkələrinin əlində cəmləşirdisə, digər yarısı istehsalçılarda və topdan ticarət şəbəkələrində qalırdı. Bazar iqtisadiyyatı şəraitində material və əmtəəlik məhsul ehtiyatlarının idarə edilməsi üzrə daha mütərəqqi metodların tətbiqi hazır məhsul ehtiyatı həcminin azaldılmasına və yuxarıda qeyd olunan proporsiyaların dəyişməsinə (pərakəndə ticarət struktur-larında 10%, istehsalçılar və topdansatış strukturlarında isə 90%) səbəb oldu.

7. Müasir şəraitdə əmtəə bazarında məhsul çeşidinin əhəmiyyətli dərəcədə genişlənməsi bölüşdürmə kanalları və ya şəbəkələrində ehtiyatların yaradılması və saxlanmasına çəkilən xərcləri avtomatik surətdə artırır (Cədvəl 1.1).

Logistik xərclər üzrə məsrəflərin strukturu, %-lə, (45)


Xərc maddələri

Minimal hədd

Maksimal hədd

Orta hədd

Məhsulların daşınması

22.7

64.5

54.0

Ehtiyatların saxlanması

27.0

70.7

37.5

Yükləmə-boşaltma işləri

4.4

17.1

8.5

Müasir şəraitdə təsərrüfat subyektlərinin iqtisadi fəaliyyəti ümum məlum «ilkin hesablama-iqtisadi səmərə-istehlakçı» triadasına əsaslanır. Buna görə də qeyd edilən triadanın bucağlarının birində logistik konsepsiyanın tələblərinə tam cavab verən məsrəflərə qənaət, xüsusi mənfəətin əldə edilməsi naminə tədavül xərclərinin azaldılması və bunula bağlı istehlakçının maraqlarnın qorunması üçün ona kompleks xidmətlərin göstərilməsi durur.

Böyük Britaniyada və Yaponiya kimi ölkələrdə məhsulların fiziki bölüşdürülməsinə çəkilən logistik xərclər satılan məhsul həcminin təqribən 16% və 26,5%-ni (bunun da müvafiq olaraq 5,5%-i və 13,5%-i məhsulların daşınması ilə əlaqədar nəqliyyat xərclər) təşkil edir. Avropa İttifaqına üzv olan ölkələrdə isə bu rəqəm 21% olmaqla, onun 8,6%-ni nəqliyyat, 9,2%-ni ehtiyatların yaradılması və saxlanılmasına çəkilən məsrəflər, 3,2%-ni isə logistik əməliyyatlar və funksiyaların idarə edilməsi ilə məşğul olan heyətin saxlanılmasına çəkilən xərclərdən ibarətdir.

Bu isə öz növbəsində məhsulyeridilişi kanallarının təkmilləşdirilməsi və məhsulların fiziki bölüşdürülməsi prosesinə çəkilən məsrəflərin azaldılması üçün yolların axtarılmasını, hər bir istehlakçıya ona lazım olan məhsulun tələb olunan həcmdə və yerdə verilməsi üçün marketinq siyasətinin lazımı səviyyədə qurulması və yerinə yetirilməsini tələb edir. Məsələn, ötən əsrin 50-ci illərinin ortalarına qədər bir sıra məhsullar,o cümlədən elektrik lampası,məişət cihazları və kosmetik salfetkalar öz təbiətlərinə görə əhəmiyyətli dərəcədə funksional xarakter daşıyırdı, yəni kifayət qədər müəyyən, konkret eyni funksiyanın yerinə yetirilməsinə xidmət göstərirdi. Lakin geniş çeşidli məhsul nomenklaturasının istehsal olunması əvvəllər bir qrupa aid edilən məhsullar arasında funksional baxımdan mövcud olan fərqləri aradan qaldırdı.

8. Təbii ki, logistik qərarların qəbul edilməsi metodologiyasının inkişaf etdirilməsi üçün bazis rolunu oynayan ümumi məsrəflər konsepsiyasının (bəzi ədəbiyyatlarda bu məhsulların fiziki bölüşdürülməsinə çəkilən ümumi məsrəflərin azaldılması konsepsiyası adlanır) təşəkkül tapması iqtisadiyyatın logist-ləşdirilməsini şərtləndirən amillərdən hesab olunur. Nəqletmə və ehtiyatların idarə edilməsi kimi iki mühüm logistik funksiyalar arasında qarşılıqlı münasibətlərin tənzimlənməsinə xidmət göstərən bu konsepsiyaı mahiyyət ehtibarı ilə məhsulların istehsalçılardan istehlakçılara hərəkəti zamanı çəkilən bütün məsrəflərin ümumi səviyyəsinin azaldılması məqsədilə onların bölüşdürmə şəbəkələrində mütləq qruplaşdırılmasını nəzərdə tutur. Məsələn, avtomobil nəqliyyatı ilə məhsul daşımaların gözləmələrə yol vermədən hava nəqliyyatı ilə davam etdirilməsi digər logistik əməliyyatların, xüsusilə də «əlaltı» anbarların yaradılması zəruriyyətini aradan qaldırır. Başqa sözlə, xammal, material və hazır məhsulların anbarlaşdırılması, saxlanılması və ehtiyatların idarə edilməsi üçün heç bir canlı və maddiləşmiş əmək məsrəfinə ehtiyac olmur. Lakin məhsulların xüsusi nəqlinə-daşınmasına çəkilən ümumi məsrəflərin (göstərilən nümunədə avtomobil nəqliyyatı+hava nəqliyyatı) həcmi artsa da bölüşdürmə şəbəkələrində məsrəflərin ümumi səviyyəsi azalır. Daha doğrusu, bölüşdürmə şəbəkələrində çəkilən ümumi məsrəflərin səviyyəsinin azalma tempi daşımalara çəkilən məsrəflərin artma tempini üstələyir.

9. Aydındır ki, iqtisadiyyatda logistk metodologiyadan istifadə edilməsinə şərait yaradan obyektiv amillərdən biridə rabitə vasitələri və informatika sahəsində texniki tərəqqi hesab edilir. Bu, hər şeydən əvvəl logistik təfəkkürün inkişafına təsir göstərən və logistik metodların tətbiqinə əlverişli şərait yaradan kompyüter və kommunikasiya texnologiyalarının biznes sferasında geniş tətbiqi ilə əlaqələndirilir. Menecerlər biznes sahəsində məsrəflərin azaldılması və optimal idarəetmə qərarlarının qəbul edilməsi vasitəsi kimi informasiya-kompyüter texnologiyalarının tətbiqinə daha çox maraq göstərirlər. Kompyüter texnologiyası ilə logistik prinsiplərin sintezinin nəticəsi olaraq istehsaldaxili mikrologistik sistemlərin (materiallara tələbatın hesablanması) işlənib hazırlanması buna əyani nümunədir.

Bazar iqtisadiyyatı yolu ilə inkişaf etmiş ölkələrin təcrübəsi göstərir ki, İKT-dən istifadə çoxalternativli və optimallaşdırma məsələlərinin həll edilməsinə əlverişli şərait yaradır, eləcə də ən yüksək səviyyədə bütün əsas və köməkçi hesab edilən məhsulyeridilişi proseslərinə nəzarət işinin aparılmasını asanlaşdırır. Bu sistem xammal və yarımfabrikatların mövcudluğuna, hazır məhsul buraxılışına,ehtiyatların cari səviyyəsinə, göndərilən dəstləşdirici məmulatların həcminə, sifarişlərin yerinə yetirilməsi dərəcəsinə, istehsalçı-istehlakçı dövriyyəsində yüklərin yerləşdirilməsinə avtomatik nəzarət etməyə imkan verir. Material axınlarının hərəkətinə müasir informasiya texno-logiyalarını tətbiq etməklə nəzarət edilməsi «kağızsız» texnologiyadan istifadə olunmasına şərait yaradır. Nəqletmə zamanı yüklər müşahidə edən çox saylı sənədlərlə yanaşı rabitə kanalları vasitəsi ilə sinxron olaraq daşınan yükləri xarakterizə edən zəruri rekvizitlər haqqında informasiyalarda ötürülür. Belə bir sistemdən istifadə etməklə istənilən vaxt yüklərin hərəkət traektoriyası üzrə lazımı informasiyaları əldə edilməsi və operativ idarəetmə qərarlarının qəbulu mümükün olur. «Kompyüter» logistikasının köməkliyi ilə bütün xidmət zənciri üzrə firmanın fəaliyyətinin təhlilini aparmaq və rəqiblərlə müqayisədə onun mövcud vəziyyətini qiymətləndirmək imkanı əldə edilir. Aydındır ki, bu tip informasiya sistemləri bazarı tutumu və onun bu və ya digər məhsullarla təminat dərəcəsini haqqında məlumatlara malik olur. Digər tərəfdən alqı-satqı sövdələşmələri ilə bağlı hesablaşma əməliyyatlarının rəsmiləşdirilməsi həyata keçirilir. Bu tip əməliyyatların tezliyi və dəqiqliyi firmanın cari vəsaitlərin hərəkətini əks etdirən balans hissəsinə və nəticə ehtibarı ilə dövriyyə kapitalına təsir edir [9].

10. Marketinq konsepsiyalarının tətəbiq imkanlarının genişlənməsi. Təbii ki, oliqopolist bazar strukturlarının tez formalaşması biznesin təşkilini həyata keçirən ali menecerləri tələb və təklifi əlaqələndirmək, istehlakçılara yaxşı xidmət göstərmək üçün yeni yollar axtarmağa məcbur edir.

11.Bazar iqtisadiyyatı şəraitində istehsal sahələri və ticarət şəbəkələrinin material resursları və əmtəəlik məhsullarla təminatı ilə bağlı proseslərə idarəetmə təsirlərinin sosial-iqtisadi istiqaməti dəyişmişdir. Bu dəyişiklik özünü maddi-texniki təchizat və satış sferasında bu və ya digər məsələnin (məsələn, nəqliyyat növünün seçilməsi, istehsal və anbarların optimal yerləşdirilməsi, çoxçeşidli məhsul ehtiyatlarının idarə edilməsi, resurslara tələb və təklifin proqnoz-laşdırılması və s.) qoyuluşunda deyil, eyni zamanda mövcud problemin logistik prinsiplərdən istifadə etməklə həllində göstərir. Bu zaman qeyd olunan sferalarda əvvəlki illərdə toplanan təcrübənin mütləq nəzərə alınması lazım gəlir. Belə ki, «logistik konveynerin» müxtəlif elementlərinin fəaliyyətnin təhlili göstərir ki, resursların sərt mərkəzləşdirilmiş qaydada bölgüsü mexanizminin tətbiq edildiyi inzibati-amirlik dövründə maddi-texniki təchizat sistemi tərəfindən həll edilən bir çox ənənəvi məsələlər həm özünün qoyuluşuna, həm də alternativ həll variantlarnın seçilməsi baxımından bazar iqtisadiyyatının tələbləri nəzərə alın-maqla müvafiq korrektə işləri aparıldıqdan sonra öz aktuallığını saxlayır.

12. Aydındır ki, bu gün dünya iqtisadiyyatının qloballaşması və bununla bağlı baş verən proseslər iqtisadiyyatın logistləşdirilməsini şərtləndirən amillər qrupuna daxildir. Nəzərə almaq lazımdır ki, 1996-cı ilin oktyabr ayında Almaniyada logistik problemlərə həsr edilmiş konqresdə bütün iqtisadi proseslərin qloballaşmasının qaçılmaz olduğu və bununla əlaqədar dünya iqtisadiyyatının yeni dircəliş dövrünə daxil olması haqqında fikirlər səsləndi-rilmişdi.

Bazar iqtisadiyyatının müasir inkişaf mərəhələsi ayrı-ayrı ölkə və region-lar üzrə ixtisaslaşmadan dünya təsərrüfat sisteminin multitəşkilinə doğru istiqamətlə xarakterizə olunur. Ölkələr arasında siyasi şəraitlə bağlı müxtəlif-liyin aradan qaldırılması, beynəlxalq əmək bölgüsünün yeni formasının təşək-kül tapması, dünyanın ayrı-ayrı ölkələrində istehlak standartları arasında mövcud sərhədlərin aradan qaldırılması qeyd edilən istiqamətin fərqləndici cəhətləri kimi səciyyələndirilə bilər.

Dünya təsərrüfat sistemində baş verən dəyişikliklər təbii ki, rəngarəngliyi ilə seçilən dünya bazarını tam əhatə etməklə ona intensiv təsir göstərir. Bütün regional bazarlara daxil olmaq üçün siyasi şəraitin formalaşdırılması əmtəə və xidmətlərə tələbin həcmini dinamik olaraq artırır və buda öz növbəsində müştəri tələbinin dolğun ödənilməsi üçün prinsipial yeni istehsal strukturlarının formalaşmasına zəruriyyət yaradır. Deməli, bu proseslərin reallaşması nəticəsində əlavə investisiya qoyuluşları və məhsulgöndərmələr üçün yeni standartlar formalaşır. Bu yeni standatlar əsasən dünya məhsulgöndərmə sisteminin yaxşılaşdırılması və nəqletməyə çəkilən xərclərin azaldılmasını özündə ehtiva edir. Başqa sözlə, burada loqistika qloballaşmanın mühüm elementi kimi çıxış edir. Yəni, diqqət yönəldilən əsas məqam ondan ibarətdir ki, sahibkarlıq fəaliyyəti üçün əlverişli mühit formalaşdıran logistik sistemlərsiz dünya iqtisadiyyatının qloballaşmasını reallığa çevirmək qeyri-mümkündür.



1.2. Təsərrüfat subyektlərinin rəqabət üstünlüklərinin təmin edilməsinin logistik şərtləri və onlara təsir edən amllər

Dünya ölkələrinin tarixi inkişaf təcrübəsinin ümumiləşdirilmiş yekunu göstərir ki, əlahiddə götürülmüş təsərrüfat subyektinin məcmu fəaliyyətində əsas ağırlıq mərkəzi qısamüddətli maksimum mənfəətlikdən tədricən ətraf mühitə uyğunlaşma və nəticə ehtibarı ilə rəqabət üstünlüklərinin əldə edilməsi müstəvisinə keçir.

Bazar iqtisadiyatının həvəsləndirici motivi hesab edilən və işgüzar aktivliyi stimullaşdıran rəqabət və rəqabət şəraitinin istehsalçı və vasitəçi strukturlar arasında mövcudluğu onun inkişafının əsas atributudur. Azad rəqabət bazar iqtisadiyyatı sisteminin daxili immanent xassəsi kimi onun formalaşması prosesində fəaliyyətə başlayır və getdikcə geniş təsir dairəsinə malik olur.

Rəqabətin faydası və ya pozitiv nəticələri, adətən resursların səmərəli bölüşdürülməsi və istifadəsi, innovasiya və o cümlədən texnoloci yeniləşdirmələr, istehlakçıların rifahının təmin edilməsi və bir sıra hallarda iqtisadiyyatın strukturunun təkmilləşdirilməsi kimi müəyyənləşdirilir [12].

Rəqabət üstünlükləri firmanın ayrı-ayrı fəaliyyət növlərinin necə təşkil etməsi və yerinə yetirməsindən asılı olaraq bazar üçün nəzərdə tutulan məhsulları yaratmaq və xidmətləri göstərməklə reallaşır. Firmalar rəqabət üstünlüklərinə yalnız o halda nail olurlar ki, onların istehsal (konkret vaxt müddətində tələb olunan məhsullara istehlakçı sifarişlərinin kəmiyyət və keyfiyyət parametrləri üzrə ödənilməsi üçün əmtəəlik məhsul istehsalı həcminin və məhsul çeşidinin artırılması)-kommersiya fəaliyyəti rəqiblərlə müqayisədə səmərəli təşkil edilmiş olsun və ya bu fəaliyyətin həyata keçirilməsi üçün çəkilməsi nəzərdə tutulan bütün növ məsrəflərdə qənaət recimi gözlənilsin. Bu zaman məhsulların istehsal məsrəfləri və son istehlak məntəqələrinə daşınması ilə əlaqədar olan xərclər konkretləşdirilməli, məhsulların potensial diferensiasiya mənbələri müəyyənləşdirilməlidir.

Deməli, rəqabət mübarizəsi nəticə ehtibarı ilə istehsal məsrəflərinin azal-dılmasına stimul yaradır, iqtisadiyyatın səmərəliliyinin yüksəldilməsini təmin edir, istehsalçıların və istehlakçıların diferensiasiyasına gətirib çıxarır.

Təsərrüfat subyektlərinin rəqabətqabiliyyətliliyi konkret bazarda anoloci obyektlərlə müqayisədə rəqabətə dözümlülük qabiliyyəti ilə xarakterizə olduğun-dan rəqabət anlayışının mahiyyətinə nüfuz etmək və rəqabət nəzəriyyəsini tədqiq etməyi zəruri hesab edirik. Belə ki, dünya iqtisadçılarının daima diqqət mərkə-zində olan rəqabət iqtisadi nəzəriyyəsinin əsas kateqoriyalarından və bazar iqtisadiyyatının ən mühüm anlayışlarından biridir. Rəqabət-bazarın mövcudlu-ğunun başlıca şərtidir və rəqabət bazarı isə inhisarçı strukturların fəaliyyətinin məhdudlaşdırılmasına xidmət göstərməklə ayrı-ayrı iqtisadi subyektlər arasında bazar paylarının artırılması uğrunda aparılan mübarizə ilə xarakterizə olunur.

Klassik və neoklassik iqtisadi məktəbin nümayəndələrindən A.Smit, D.Rikardo, D.S.Mill, Y.Şumpeter, E.Çemberlin, C.Robinson, A.Kurno, F.Ecuort, P.Hayne, A.Marşall, C.Keyns, F.Hayek, K.Makkonnell, S.Bryu, M.Porter özlərinin iqtisadi araşdırmalarında mahiyyət baxımından rəqabət anlayışınını kifayət qədər geniş tədqiq etmişlər.

Rəqabət nəzəriyyəsinin inkişafında mühüm işlər görmüş klassik iqtisadi məktəbinin banisi A.Smit rəqabəti bazarın ayrılmaz tərkib hissəsi hesab etməklə onu fərdi davranış kateqoriyası, yəni, satıcı və alıcıların bazarda daha səmərəli alış və satış uğrunda mübarizə aparması kimi nəzərdən keçirərək göstərir ki, «rəqabət iştirakıların fəaliyyətini tənzimləyən bazarın (görünməz əlin) özüdür” (18). O, ilk dəfə olaraq rəqabətin şəxsi maraqları və istehsalın iqtisadi səmərəliliyini balanslaşdırdığı,mənfəət normasını tənzimləyərək əmək və kapitalın optimal bölüşdürməsini təmin etdiyini nəzəri surətdə sübut etməklə rəqabət nəzəriyyəsinin inkişafına mühüm töhvələr vermişdir:

- bəhsləşmənin daimi prosesi kimi rəqabət anlayışını formalaşdırmışdır;

- həqiqi rəqabətin əsas şərtlərini müəyyənləşdirmişdir;

- istehsal sahələri arasında əmək və kapitalın səmərəli bölüşdürülməsində rəqabətin rolunu göstərmişdir;

- əsl rəqabət modelinin əsas elementlərini əsaslandırmış və ictimai tələbatın maksimal ödənilməsi mümkünlüyünü göstərmişdir.

A.Smitdən fərqli olaraq D.Rikardo bazar sisteminin uzunmüddətli pers-pektivdə fəaliyyətini təmin edən təkmil rəqabət (bazarda iqtisadi resursların mütləq mənada mobil olması və bu bazara resursların daxil olması və ya çıxarılması zamanı məhdudiyyətlərin olmaması, habelə bütün alıcı və satıcı kateqoriyası üçün bazar haqqında tam informasiyaların əldə edilməsində hüquq bərabərliyinin təmin edilməsi) modelini (dövlətin iqtisadiyyatı tənzimləməsi, inhisarçı hakimiyyət və s. subyektiv amillər əks olunmadığı) yaratmışdır. D.Rikardoya görə rəqabət bazarda məhsul bolluğu yaratmaqla onların mübadilə dəyərini aşağı salır. Belə yanaşmaya görə qiymət kəskin rəqabət mübarizəsi nəticəsində məhsula olan tələb və təklif əsasında formalaşır.

D.Rikardodan sonra rəqabət nəzəriyyəsinin inkişafında əhəmiyyətli rol oynayan D.S.Mill beynəlxalq tələb bərabərliyini tərtib edərək həll etdi, qiymət səviyyəsindən asılı olaraq onun elastikliyinin təsnifatını verdi, həmçinin əmtəə bazarında neytral qrupları müəyyənləşdirdi.

A.Marşall isə A.Smit və D.Rikardonun fikirlərini inkişaf etdirərək təkmil rəqabətin köməyilə bazarda tarazlığın təmin olunmasının mexanizmini əsaslandır-dı. “Onların təkmil rəqabət modeli aşağıdakı şərtlərin olmasını tələb edirdi: 1) tələbin avtomatik strukturu, yəni hər bir satıcı məhsulun satışı üzrə hər hansı qruplar təşkil etməyərək yalnız öz adından çıxış edir; 2) ayrı-ayrı firmaların satış həcmi və onun sahənin ümumi təklif həcmində xüsusi çəkisi nəzərə alınmırdı. 3) hər bir alıcı və satıcının bir-biri ilə əlaqə saxlamaq imkanın olması, yəni təklif və tələb haqqında maksimal informasiya və satıcıların və alıcıların hərəkətinə maneə-lərin olmaması qəbul edilirdi; 4) məhsulların eynicinsli olması qəbul edilirdi” (16).

Neoklassiklər başqa iqtisadi problemlərə olduğu kimi rəqabət məsələsinə də özünəməxsus yanaşma tərzi ortaya qoydular: rəqabət iqtisadi resurslar və bazarda dayanıqlı mövqe tutmaq uğrunda mübarizədir. Y.Şumpeterin fikrincə rəqabətli mübarizədə əsas məsələ köhnənin “məhv edən” yenilərin tətbiq edilməsidir; rəqabət özlüyündə isə ideal deyil, texnoloci tərəqqi çox vaxt inhisarçılıq yaradır. “İlk növbədə rəqabətin ənənəvi nəzəriyyəsini nəzərdən keçirmək lazımdır. Hazırda iqtisadçılar təkcə qiymət rəqabətini deyil, həm də satış siyasəti rəqabətini də etiraf etməyə başlayırlar. Bu, baş verən kimi qiymət parametri iqtisadi nəzəriyyədə öz dominant rolunu itirir. Lakin hələ indiyə qədər iqtisadçıların diqqət mərkəzində dəyişməyən şəraitdə, xüsusən də istehsal metodlarının və təşkilati formalarının dəyişməməsində olan rəqabət durur. Lakin dərsliklərin əksinə olaraq, kapitalist reallığında yeni məhsulların, yeni texnologiyaların, yeni xammal mənbələrinin, yeni təşkilat tipinin (məsələn iri firmalar) ixtirasına əsaslanmış rəqabət əhəmiyyət kəsb edir. Belə rəqabət xərclərin əhəmiyyətli azlamasını və ya keyfiyyətin yüksəl-məsini təmin edir, o, mövcud firmaları satışın və mənfəətin cüzi azalması ilə deyil, tam müflisləşmə ilə təhdid edir. Bəlkə də qeyd etmək lazımdır ki, sözügedən rəqabət təkcə yalnız təzahür etdikdən sonra deyil, həm də sadəcə potensial təhlükə olanda təsir göstərir” (15).

Neoliberal istiqamətin əsas simalarından biri olan F.Hayek rəqabət prosesini nəzərdən keçirərkən informasiyanı ön plana çəkir (13). “Onun fikrincə, rəqabət qiymət mexanizmi vasitəsilə bazar iştirakçılarına ictimaiyyətin sahib olduğu məhdud resurslardan səmərəli yararlanması üçün istifadə edə biləcəyi imkanlar haqqında informasiya verir. Bu zaman bazar cəmiyyətdə dağınıq formada olan və məhsulların istehsalı üçün isifadə edilə biləcək biliklərin, vərdişlərin və bacarıq-ların yığılmasına şərait yaradır. Məhz buna görə Hayek rəqabətə kəşf etmə üsulu kimi yanaşır” (10). “Sonda mən başlanğıc ana qayıdıb əsas nəticəni daha ümumi şəkildə yenidən ifadə etmək istəyirəm. Mahiyyət etibarilə rəqabət fikrin formalaş-dırılması prosesidir: o, informasiyanın yayılması vasitəsilə bizim vahid bazar dedikdə nəzərdə tutduğumiz iqtisadi sistemin vəhdətini və uzlaşmasını təmin edir. O, insanlarda nəyin daha yaxşı və daha ucuz olması fikrini formalaşdırır, insanlar əlverişli imkanlar və şanslar haqqında bilgilərinə görə ona minnətdardılar. Beləliklə, bu proses məlumatların və düşüncənin fasiləsiz dəyişməsini özünə daxil edir və müvafiq olaraq da bu məlumatları dəyişməz (sabit) kimi qəbul edən nəzəriyyələr üçün əlçatmazdır”(13).

Amerika iqtisadçısı E.Çemberlin özünün “İnhisarçı rəqabət nəzəriyyəsi” kitabında iqtisad elminə “inhisarçı rəqabət” terminini gətirdi. E.Çemberlin göstə-rirdi ki, bazarda çoxlu sayda müstəqil və bazara sərbəst girmək imkanlarına malik firmaların olmasına baxmayaraq, alıcılar bir sıra məhsullara üstünlük verir və hətta buna görə daha yüksək məbləğ ödəməyə də hazırdılar. İnhisarçı rəqabət məhsul inhisarına əsaslanır. Bazarda üstünlük əldə etmək istəyən firma məhsulunu diffe-rensiallaşdırır və nəticədə də məhsulun keyfiyyətinin yüksəldilməsinə, dizayn və qablaşdırılması ilə diqqəti cəlb edən yeni modellərin buraxılmasına, müştərilərə xidmətin yaxşılaşdırılmasına əsaslanan qeyri-qiymət rəqabəti meydana gəlir. Firma məhsulunu differensiasiya edərək öz seqmentində inhisarçıya çevrilir və “məhsu-lun differensiasiyasına görə inhisarçılıq” yaranır. Məhsul differensiallaşdırıldıqda isə istehsalçı eyni zamanda həm inhisarçı, həm də rəqabətli olur. “Beləliklə, E.Çemberlinə görə “inhisarçı rəqabət vəziyyəti” cəmiyyət səviyyəsində istehlak-çıların məhsula görə daha çox ödəməsinə, məhsul buraxılışının potensial səviyyə-dən aşağı olmasına və nəticədə istehsalın tam yüklənməməsinə (çünki inhisarçı rəqabət şəraitində firma mənfəətini istehsalın aşağı həcmli olduğu halında maksi-mallaşdıra bilir) və işsizliyin yaranmasına səbəb olur. Eyni zamanda Çemberlin qeyd edir ki, bütövlükdə məhsulun differensiallaşdırılması istehlakçıların zövqü-nün müxtəlifliyindən, onların tələblərinin və həssaslığının yüksəlməsindən yaranır, inhisarçılığa meyllənmə isə tələbin differensiallaşması ilə izah olunur” (13, s.14 ).

Özünün “Qeyri-təkmil rəqabətin iqtisadi nəzəriyyəsi” kitabı ilə rəqabət konsepsiyasının tənqidçiləri sırasında mühüm yer tutan C.Robinson göstərir ki, bazarda inhisarçı mövqe tutan firma qiymətin elastik olmamasından istifadə edərək qiyməti yüksəltməklə istehsalın həcmini aşağı sala və nəticədə ümumi qazancı maksimallaşdıra bilər. Başqa sözlə, mümkün qədər az məhsul istehsal edərək daha yüksək qiymətə satmaq firmaya daha yüksək nəticələr vəd edir (28, s. 74-96).

Məşhur Amerika iqtisadçıları P.Samuelson və V.Nordhaus C.Robinsonun fikirlərini bir növ təsdiq edərək özlərinin məşhur “Ekonomiks” dərsliyində yazır-dılar: “Müasir iqtisadiyyatda təkmil rəqabətli bazarların olması olduqca nadir haldır -bu reallıq yox, sadəcə arzu olunası idealdır... Müasir iqtisadiyyatda əksər hallarda bazarlar bir neçə iri, bəzən isə cəmisi iki və ya üç firmanın təsiri altında olur” (52).

Amerikan iqtisadçı-alimləri K.R.Makkonnell və S.R.Bryu isə rəqabətə aşağıdakı kimi yanaşmışlar: “Hər bir şəxsin özü üçün şəxsi pul gəliri əldə etmək cəhdi formasında realizə olunan seçim azadlığı kapitalizmin əsas xüsusiyyəti kimi rəqabəti və ya iqtisadi yarışı əmələ gətirir. İqtisadçılar üçün rəqabət aşağıdakı anlama gəlir:

1. Bazarda istənilən məhsul və ya resursun çoxlu sayda müstəqil hərəkət edən alıcı və satıcılarının olması.

2.Alıcı və satıcıların bu və ya digər bazarlara daxil olmasında və ya onu tərk etməsində azad olması” (4, s.52).

Tanınmış rus iqtisadçısı A.S.Bulatova görə ən ümumi şəkildə rəqabət bazar iştirakçıları arasında yarışmadır. A.S.Bulatov rəqabətə dair fikirlərini belə yekun-laşdırır: rəqabət bazar iqtisadiyyatının əsas anlayışlarından biridir. O bazarın əsas hərəkətverici qüvvəsidir, daxili inkişaf amilidir, bazar iştirakçılarının öz məhsulla-rının istehsalı və satışı üçün daha yaxşı şərait uğrunda mübarizəsidir... Rəqabətin əhəmiyyəti ondan ibarətdir ki, o, məhdud resursların bölüşdürülməsini yarışanların iqtisadi arqumentlərindən asılı edir.Daha keyfiyyətli və yaxud da daha ucuz nemətlər (iqtisadi resurslar və məhsullar) təklif edərək rəqabət mübarizəsində qalib gəlmək olar (9, s.47).

Beləliklə, A.Smitdən başlayaraq bazar iqtisadiyyatı sisteminə iqtisadiy-yatın «təbii sistemi» kimi yanaşan bütün iqtisad nəzəriyyəsi məktəbləri özəl mülkiyyətin və rəqabətin zəruriliyini əsas prinsiplər səviyyəsinə qaldırmış və bu məktəblərin, xüsusi ilə standart neoklassik nəzəriyyələrin məntiqinə görə bazar iqtisadiyyatının səmərəli işləməsi rəqabət və özəl mülkiyyətin vəhdətliyi halında mümkün olur və optimal bazar iqtisadiyyatı prinsipləri baxımından rəqabət və özəl mülkiyyət «Siam ekizləridir».

Yuxarıda qeyd olunanları ümumiləşdirərək belə qənaətə gələ bilərik ki, rəqabət mövcud iştirakçıların özlərinə daha əlverişli şəraiti təmin etməsi üçün məhdud resurslar uğrunda iqtisadi mübarizədir. Rəqabət bazar iqtisadiyyatının mühərrikidir, iqtisadi sanitardır və təsərrüfat subyektlərinin fəaliyyətinin tənzimləyicisidir. Rəqabət probleminin tədqiqinə həsr olunmuş iqtisadi ədəbiyyatların təhlili “rəqabət” anlayışının üç kontekstdən araşdırıldığını ortaya qoyur: davranış (xüsusən də klassiklərin və neoklassiklərin araşdırmasında ön plana çıxır. A.Smit rəqabəti “satıcıların öz məhsullarının satışı üçün daha əlverişli şərait yaratmaq uğrunda vicdanlı mübarizəsi”, neoklassiklər isə nadir iqtisadi nemətlər uğrunda mübarizə kimi izah edirdilər), struktur (rəqabətin məzmunu bazarın tipləri və orada olan qaydalardan çıxış edilərək müəyyənləşdirilir), funksional (bu yanaşma rəqabətin iqtisadi mahiyyətini deyil, onun iqtisadi inkişafda rolunu tədqiq edir) (6).

Deməli, bazar münasibətlərinin formalaşması tempi və sürəti rəqabət mübarizəsi və onun xarakterini də mütəmadi olaraq dəyişdirir. Belə bir şəraitdə iqtisadi fəaliyyətlə məşğul olan təsərrüfat subyektlərinin hər birini bu və ya digər dərəcədə iqtisadi mübarizə gözləyir, lakin, iqtisadi mübarizənin (rəqabət mühitinin) vəziyyəti bu və ya digər amillərdən asılı olaraq dəyişir.

Ayrı-ayrı rəqabət formalarının mövcud olduğu bazar iqtisadiyyatı şəraitində logistikanın maraq dairəsi və fəaliyyət istiqaməti ondan ibarətdir ki, mövcud iqtisadi resurslar və xidmətlər həm istehsal və mübadilə sferasında, həm də istehlak sferasında elə bölüşdürülməlidir ki,bölüşdürməyə cəlb edilən tərəflərin heç birisinə iqtisadi cəhətdən ziyan dəyməsin, resursların bölgüsü zamanı onların iqtisadi mənafeləri nəzərə alınsın və təmin edilsin, nəticə etibarı ilə isə istehlakçı tələbi tam və dolğun ödənilmiş olsun.

Bütün digər sferalarla bərabər logistika üçün ən maraqlı məqam resursların istehsal sferasında səmərəli bölüşdürülməsindən ibarətdir. Çünki təkmil rəqabətin mövcud olduğu iqtisadi şəraitdə hər bir istehsalçının ixtiyari məhsulun istehsalına çəkdiyi istehsal xərcləri yol verilən hədd daxilində bərabərdir və belə bir şəraitdə tarazlığın qorunub saxlanılması istehsal üçün səmərəli hesab edilir. Buna görə də istehsal sferasında istənilən məcmu həcmə malik hazır məhsulların (resursların) bu məhsulların (resursların) istehsalına çəkilən məcmu istehsal xərclərinin azaldılması baxımından yenidən bölüşdürülməsi daha səciyyəvi xarakter kəsb edir.

İstehsal olunan məcmu məhsul kütləsi satılmaq üçün bölüşdürmə kanalları vasitəsilə mübadilə sferasına daxil olur. Təbii ki, göstərilən xidmətlər və istehsal olunan məhsulların məcmu həcmini konkret zaman kəsiyi üçün dəyişmək mümkün olmadıqda resursların mübadilə sferasında bölüşdürülməsinin iqtisadi effektivliyi məhz müəyyən mənada bir istehlakçının iqtisadi vəziyyətini yaxşılaşdıraraq ixtiyari digər istehlakçıların iqtisadi vəziyyətinin pisləşməsinə yol verməməkdə təzahür edir. Daha doğrusu, resursların heç bir idarəetmə orqanının müdaxiləsi olmadan bu prinsip üzrə bölüşdürülməsi iqtisadi cəhətdən effektiv hesab olunur.

İqtisadi resursların istehlak sferasında bölüşdürülməsidə məhz mübadilə sferasında aparılan bölüşdürmə prinsipi ilə eyniyyət təşkil edir. Burada logistik yanaşma konsepsiyalarından əsasən digər istehlakçı qruplarının iqtisadi mənafeyinə ziyan gətirmədən və bunlardan hər hansı birinin iqtisadi vəziyyətini müəyyən mənada yaxşılaşdırmaqla istehlak ediləcək məcmu resursları onların arasında yenidən bölmək mümkün olmadığı hallarda istifadə olunur.

M.Porter tərəfindən işlənib hazırlanan rəqabət üstünlükləri nəzəriyyəsində rəqabət məsələləri olduqca dərin və hərtərəfli nəzərdən keçirilmişdir. Rəqabət qabiliyyətini yaradan səbəblərin izah edilməsinə müxtəlif baxışları təhlil edən və işçi qüvvəsi, təbii resurslar, milli firmalara münasibətdə dövlətin proteksionist siyasəti kimi müqayisəli üstünlükləri təmin edən amilləri və firmaların idarə edilməsinə yanaşmalarda müxtəliflikləri nəzərdən keçirən M.Porter belə qənaətə gəlmişdir ki, bu sadalanan amillərdən hər hansı biri ayrılıqla firmanın rəqabət mübarizəsində qalib gəlməsi və ya uğursuzluğa düçar olmasını izah etməyə qadir deyil. M.Porterin fikrincə firmaların rəqabətqabiliyyəti həm firmanın malik olduğu, həm də onun gələcək sahibkarlıq fəaliyyəti üçün əldə etdiyi resurslardan tam və səmərəli, yəni məhsuldar istifadə olunması hesabına təmin edilir.

Rəqabət üstünlükləri təsərrüfat suybektlərinin ayrı-ayrı fəaliyyət növlərini necə təşkil etməsi və yerinə yetirməsindən asılı olaraq bazar üçün nəzərdə tutulan məhsulları yaratmaq və xidmətləri göstərməklə reallaşır. Fəaliyyət növləri kateqoriyalara bölünür və yekunda onların hər biri məhsul istehsalı prosesinə bu və ya digər dərəcədə öz töhvəsini verməklə qiymətli hesab olunan qapalı bir dövrəni yaradır, təşkil edirlər.

Praktiki olaraq bütün kateqoriyaların (bəzi hallarda əmək resurslarının idarə edilməsi istisna olmaqla) iqtisadi inkişafın müasir mərhələsində lazımı səviyyədə müvəffəq icra olunması, reallaşması üçün funksional idarəetməni bilavasitə həyata keçirən logistikanın tətbiq edilməsi obyektiv tələbatdan irəli gəlir. Bu zaman şəkil 1.3-də göstərilən fəaliyyət növləri arasında son nəticələrin əldə edilməsinə istiqamətlənmiş əlaqələrin təşkili böyük əhəmiyyət kəsb edir. Deməli, ayrı-ayrı sahələrdə rəqabət aparan bu və ya digər firmalar məhsul istehsalı mərhələsindən başlamış satışdan sonrakı xidmətin təşkilinə qədər qapalı bir dövrəni yaratmaqla daha böyük, iri fəaliyyət sahəsinə daxil olurlar ki, M.Porter bunu da dəyərlər sistemi adlandırmışdır. Qeyd etmək lazımdır ki, bu kateqoriyanın (iri fəaliyyət sahəsinin) logistik cəhətləri ola bilsin ki, makro səviyyədə həm xammal, dəstləş-dirici məmulat və avadanlıqların göndərilməsini həyata keçirən məhsulgöndərənlərin, həm də mikrosəviyyədə firmanın özünün dəyərlərqapalı sisteminə aid edilməsin. Aydındır ki, firmanın əmtəəlik məhsulları lokal qapalı sistemdən-satış kanallarından keçərək son nəticədə istehlakçıların dəyərlər sistemində məcmu elementlərdən birinə çevrilir və istehlakçılar bu məhsullardan özlərinin təsərrüfat fəaliyyətində istifadə edirlər.

Firmanın infrastrukturu (maliyyə fəaliyyəti, planlaşdırma)

Əmək resurslarının idarə edilməsi

Маddi-texniki təchizat



Техnologiyanın inkişafı

Хаmmal və materialların göndərilməsinin təmin edilməsi

Мəhsul istehsalı

Мəhsul satışının təşkili

Маrketinq və satış

Satışdan sonrakı xidmət



Yüklə 2,25 Mb.

Dostları ilə paylaş:
  1   2   3   4   5   6   7   8   9




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə