Azərbaycan Dövlət Neft Akademiyası
İnnovasiya menecmenti
(Mühazirələr konspekti)
Tərtib edən: prof. Ramiz Hümbətov
Bakı-2012
2
Mündəricat
Səh.
Giriş ..................................................................................
3
1
İnnovasiya anlayışı ................................................
4
2
İnnovasiya fəaliyyətinin başlanğıcı .....................
8
3
İnnovasiyalı ideyanın sənədləşdirilməsi ................
9
4
İnnovasiya fəaliyyətində dövlətin rolu .................
9
5
Özəl qurumlarda innovasiya fəaliyyətinin
xüsusiyyətləri ........................................................
13
6
İnnovasiya təşkilatları ...........................................
14
6.1
İnnovasiya təşkilatlarının xarakteristikaları ..........
15
6.2
İnnovasiya təşkilatlarının formalaşdırılması
qaydaları ................................................................
16
7
Vençur innovasiya fəaliyyəti .................................
16
7.1
Vençur innovasiya təşkilatlarının yaradılması ......
18
8
İnnovasiya fəaliyyətinə təşkilatı dəstək formaları .
23
8.1
Texnopark ..............................................................
24
9
Vençur fondları .....................................................
33
10
İnnovasiya layihələri. Layihələrdə risk amilləri və
onlarla mübarizə.....................................................
37
11
İnnovasiya fəaliyyətinin verə biləcəyi səmərə və
onun hesablanması
39
12
İnnovasiya biznesinin təşkili ................................
41
12.1
Təsərrüfat hüququ subyektlərinin yaradılma
üsulları, qaydaları və bəzi xüsusiyyətləri .............
44
13
İnnovasiyaların kommersiyalaşdırılması ............... 51
14
Texnologiyaların transferi .....................................
57
15
İntellektual mülkiyyət ...........................................
58
16
İntellektual mülkiyyət üzərində müəlliflik hüququ 62
17
Ali təhsil müəssisəsinin intellektual mülkiyyətinin
mühasibat uçotuna daxil edilməsi və innovasiyalı
müəssisənin yaradılmasına nizamnamə kapitalı
kimi daxil edilməsi ................................................
63
18
Lisenziyalaşdırma .................................................. 70
3
GİRİŞ
Elmi-texniki tərəqqinin müasir inkişaf tempi insan
fəaliyyətinin hər bir sahəsində innovasiya xarakterli işləmələrin
geniş tətbiq olunmasını tələb edir.
Bu isə innovasiya xarakterli işləmələri ərsəyə gətirən
alimlərin və mütəxəssislərin fəaliyyət göstərdiyi elmi-tədqiqat
və layihə-konstruktor təşkilatları, ali təhsil müəssisələri və
hətta ayrı-ayrı ixtiraçılar ilə bu işləmələrin potensial
istifadəçiləri olan sənaye müəssisələri, şirkətlər, firmalar və
təşkilatlar arasında sıx əməkdaşlıq əlaqələrinin yaradılmasını
vacib bir məsələ kimi ortaya çıxarır.
Belə əlaqələrin olmaması innovasiyalı işləmələrin istifa-
dəsiz qalmasına, belə işləmələrə ehtiyacı olan müəssisələrin isə
daim mütərəqqi innovasiyaların axtarışında olmasına gətirib
çıxarır.
Məhz bu baxımdan innovasiyaların meydana çıxdığı an-
lardan onların bilavasitə istehsalata tətbiqinə qədər proseslərin
elmi cəhətdən əsaslandırılmış şəkildə idarə olunması aktual bir
məsələ kimi ortaya çıxır.
Təqdim edilən “İnnovasiya menecmenti” kursununn təd-
risində əsas məqsəd dinləyicilərə məhz bu proseslərin idarə
olunması haqqında biliklər verməkdir.
Tədris prosesində innovasiya fəaliyyəti ilə bağlı əsas
anlayışlar, bu fəaliyyəti həyata keçirən təşkilatların formalaş-
dırılması qaydaları, dövlətin innovasiya fəaliyyətinə dəstəkdə
rolu, onlara təşkilati dəstək formaları, innovasiya layihələri,
innovasiya biznesinin təşkili, innovasiyaların kommersiyalaş-
dırılması, innovasiyalı texnologiyaların transferi, intellektual
mülkiyyət, onun üzərində müəlliflik hüquqları, təsərrüfat
hüquqi subyektlərin yaradılma qaydaları və digər məsələlər
geniş şərh ediləcəkdir.
4
1.
“İNNOVASİYA” ANLAYIŞI
İnnovasiya (yenilik gətirmə)- yeniləşdirmə prosesinin
son məhsulu kimi istehlak bazarına çıxarılan yeni, yaxud
mükəmməlləşdirilmiş məhsul və ya praktikada istifadə olunan
yeni və mükəmməlləşdirilmiş texnoloji prosesdir.
İnnovasiya prosesi (fəaliyyəti)- innovasiya xarakterli
dəyişikliklərin hazırlanmasından və həyata keçirilməsindən
ibarət olaraq qarşılıqlı əlaqədə olan fazaları vahid və bütöv
kompleksdə birləşdirir.
İnnovasiya fəaliyyəti:
– prinsipial cəhətdən yeni və ya yeni istehlak xüsusiy-
yətlərinə malik məhsulun (malların, işlərin, xidmətlərin)
istehsalının yaradılmasına və təşkilinə;
– məhsulun istehsalının yeni texnologiyasının yara-
dılmasına və ya mövcud texnologiyaların mükəmməlləşdiril-
məsinə, onların yayılmasına və istifadəsinə;
– yeni məhsulun (malların, işlərin, xidmətlərin)
istehsalında xərclərin azaldılmasını təmin edən və bunun üçün
şərait yaradan struktur, maliyyə-iqtisadi, kadr, innovasiya və
digər xarakterli yeniliklərin tətbiqinə istiqamətlənmiş işlərin
yerinə yetirilməsi və ya xidmətlərin göstərilməsidir.
İnnovasiya məhsulu innovasiya fəaliyyətinin bazarda
realizə etmək üçün yaradılmış nəticəsidir (mallar, işlər,
xidmətlər).
İnnovasiya sistemi işlərini dövlətin innovasiyaların
inkişafı sahəsində apardığı proqram çərçivəsində quran,
innovasiyalı məhsulun yaradılmasında və realizə edilməsində
birgə fəaliyyət göstərən subyektlərini və obyektlərini özündə
ehtiva edir.
İnnovasiya sisteminin infrastrukturu innovasiya
məhsullarının yaradılması və realizə edilməsi üçün xidmətlərin
göstərilməsi də daxil olmaqla innovasiya fəaliyyətinin həyata
Dostları ilə paylaş: |