AZƏRBAYCAN DÖVLƏT PEDAQOCI UNIVERSITETI
Könül Səmədova
QƏRBI AZƏRBAYCAN
ETNOTOPONIMLƏRININ
AREALLARI
Azərbaycan Respublikası
Təhsil
Nazirliyi Elmi-Metodik Şurası «Azərbaycan
dili və ədəbiyyatı» bölməsinin 07.01.2008-ci
il tarixli 1№-li iclas protokoluna əsasən dərs
vəsaiti kimi çap olunur.
Bakı
«Nurlan»-2008
3
Ön söz
Müasir dövrdə Ermənistan ərazisindəki türk mənşəli
etnotoponimlərin tədqiqi daha vacib məsələ olub, təkcə elmi aktuallığı
ilə deyil, siyasi əhəmiyyəti baxımından da son dərəcə vacibdir.
Onomastik vahidlər, xüsusən də etnotoponimlər dil tarixi ilə
bağlı qiymətli mənbədir. Onlar xalqın qədim yaşayış məskənini
müəyyənləşdirmək, bu ərazidə baş vermiş ictimai-siyasi
hadisələri
qiymətləndirmək, həmin hadisələrin səbəb və köklərini aydın-
laşdırmaq, həqiqəti üzə çıxarmaq üçün faktlar kimi dəyərlidir.
Ermənilər Azərbaycan və türk mənşəli toponimlərə mü-
nasibətdə həmişə qərəzli mövqe tutmuşlar. Qərbi Azərbaycanda, –
indiki Ermənistanda türk mənşəli toponimlərin uzun illər boyu
dəyişdirilib erməniləşdirilməsi türklərin, xüsusən də azərbaycanlıların
min illər boyu bu ərazidə yaşamasını sübut edən faktlar saxta-
laşdırmaq məqsədi daşımışdır.
Müəllifin qeyd
etdiyi kimi Qərbi Azərbaycan, indiki
Ermənistan ərazisindəki azərbaycanlıların etnogenezində müxtəlif
qədim türk tayfaları iştirak etmişdir. Müəllif ölkəmizin, o cümlədən də
Qərbi Azərbaycan ərazisinin müasir toponimiyasında 4600-dən çox
olan coğrafi adın təxminən 70 faizini tayfa və ya tayfa başçılarının
adları ilə bağlı meydana gəldiyi qeyd edilmişdir. Həmin tayfalar təbii
ki, Şimali və Cənubi Azərbaycan ərazisindəki etnotoponimlərin sayı
az deyildir. Müəllif əsərdə onları tədqiq
etməklə müxtəlif türk
etnoslarının, xüsusilə oğuzların bu ərazilərin aborigen sakinləri
olduğunu sübuta yetirir, Azərbaycan toponimiiyasında az öyrənilmiş
sahələrdən biri olan etnotoponimləri çox yüksək səviyyədə tədqiq
etmiş, onların areallıq xüsusiyyətlərini araşdırmış, ilk dəfə olaraq
Qərbi Azərbaycan ərazisindəki etnotoponimlər
tədqiq edilmiş, onların
onomostik lüğəti tərtib olunub, etnotoponimlərin linqiristik və tarixi
aspektdə araşdırılmışdır.
Əsərdə müxtəlif etnotoponimlərlə
etnotoponim olmayan toponimlərin struktur leksik-semantik, fonetik,
qrammatik xüsusiyyətlərini müqayisəli şəkildə tədqiq etimş və bu
qrupplar arasındakı oxşar və fərqli cəhətləri üzə çıxarmışdır.
Müəllif
etnotoponimləri yalnız linqvistik baxımından deyil, həmçinin tarixi və
coğrafi aspektdən də tətbiq etmişdir. Bu da dərslikdən yalnız dilçilərin
4
deyil, o cümlədən də tarixçilərin və coğrafiyaçıların da yararlanmasına
kömək edəcək.
Bu kitabda həmçinin Qafqaz hərbi dairəsinin Tiflis 1903-cü il
xəritəsindən də istifadə olunmuş və kitabda verilmişdir. Müəllif həm
filoloq, həm tarixçi, həm də bir coğrafiyaçı mövqeyində çıxış edib.
«Qərbi Azərbaycan–indiki Ermənistan etnotoponimlərinin arealları»
adlı əsəri bir daha sübut edir ki, Qərbi Azərbaycan qədim türk-oğuz
məskənləridir. Könül Səmədova belə bir araşdırmanın
öhdəsindən
layiqincə gəlmiş, hamımızın bütün azərbaycanlıların ağrılı problemi
olan Qərbi Azərbaycan-indiki Erəmnistan torpaqlarının tarixini,
linqistikasını həm də hər bir azərbaycanlı üçün şərəf işi olan
vətəndaşlıq borcunu yerinə yetirərərk elmi ictimaiyyətə həm də geniş
oxucu kütləsinə çox əhəmiyyətli və dəyərli bir kitab təqdim etmişdir.
Təklif edərdim ki, müəllif gələcəkdə ya kitabı bütövlükdə, ya
da müəyyən hissələrini rus, ingilis hətta erməni dilinə belə tərcümə
etdirsin. Düşmənə düşmənnin dilində zərbə endirmək
də böyük qə-
ləbədir!
AMEA-nın Nəsimi adına
Dilçilik Institutunun prof. Qara Məşədiyev