Azərbaycan Hava Yolları



Yüklə 7,63 Kb.
tarix17.01.2018
ölçüsü7,63 Kb.
#21106

"Azərbaycan Hava Yolları" QSC

Heydər Əliyev Beynəlxalq Hava Limanı

Əlaqəli şəxs: Paşa Kəsəmənski

(+994 12) 504 82 22 | www.airport.az




Heydər Əliyev Beynəlxalq Aeroportu 2017-ci ilin yeddi ayı ərzində 2 milyondan çox sərnişinə xidmət göstərmişdir
7 avqust 2017-ci il, Bakı – Heydər Əliyev Beynəlxalq Aeroportu 2017-ci ilin yanvar-avqust ayları ərzində təxminən 2,2 milyon sərnişinə xidmət göstərmişdir ki, bu da öncəki illərin göstəricilərindən 30 faiz çoxdur.
Hesabat dövründə “Azərbaycan Hava Yolları” (AZAL) milli aviadaşıyıcısının payına 1,25 milyon sərnişin düşmüşdür ki, bunun da 329 min nəfəri daxili reyslərlə daşınmışdır.
Sərnişinlərin 85 faizi beynəlxalq reyslərin payına düşmüşdür. Heydər Əliyev Beynəlxalq Aeroportunun beynəlxalq daşımalarının 49,6 faizi AZAL-ın, 50,4 faizi xarici aviadaşıyıcıların payına düşmüşdür.
Hazırda Heydər Əliyev Beynəlxalq Aeroportu 53 istiqamət üzrə 29 aviaşirkətə xidmət göstərir. Yeddi aviaşirkət – “IrAero”, “Jazeera Airways”, “ZagrosJet”, “Pegas Fly”, “Kish Air”, “Nordwind Airlines” və “Wataniya Airlines” cari ilin yayından uçuşlara başlamışdır.
Cari ilin sentyabr ayından Azərbaycan ilk lou-kosteri “Buta Airways” uçuşlara başlayacaq.
Heydər Əliyev Beynəlxalq Aeroportunun yeni aerovağzal kompleksi (Terminal 1) 2014-cü ilin aprel ayında istifadəyə verilmişdir. Onun ümumi sahəsi 65 min kvadratmetr təşkil edir.
Dünyada müxtəlif aviaşirkətlər və hava limanları tərəfindən göstərilən xidmətlərin keyfiyyətinin öyrənilməsi üzrə ixtisaslaşan Böyük Britaniyanın nüfuzlu konsaltinq şirkəti "Skytrax" tərəfindən Heydər Əliyev Beynəlxalq Aeroportu 4 ulduza layiq görülmüşdür.
Cari ilin mart ayında Heydər Əliyev Beynəlxalq Aeroportu Rusiya və MDB ölkələrinin bütün hava limanları arasında göstərilən xidmət səviyyəsinə görə ən yaxşılar siyahısına başçılıq edərək Skytrax World Airport Awards mükafatına layiq görülmüşdür.
Heydər Əliyev Beynəlxalq Hava Limanının mətbuat xidməti



Yüklə 7,63 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə