BAKI UNİVERSİTETİNİN XƏBƏRLƏRİ
№4
Sosial-si
yasi elmlər seriyası
2013
UOT 101.1:316
FƏLSƏFƏDƏ ÜNSİYYƏT PROBLEMİ
A.
Ə.ƏHMƏDOVA
Bakı Dövlət Universiteti
a_akhmedova@mail.ru
Məqalə sosial fəlsəfənin aktual və elmi ədəbiyyatda az işlənilmiş problemlərindən bi-
rinin
təhlilinə həsr olunmuşdur. Burada ünsiyyət anlayışının mahiyəti açılır, formaları
göstərilir, müasir dövrdə ünsiyyətin problemsiz (maneəsiz) olmasından bəhs edilir. Müəllif
haqlı olaraq belə bir məqamı vurğulayır ki, ünsiyyət konkret bir fəaliyyətin nəticəsinə, o
cümlədən maddi istehsala istiqamətlənməsə də, istehsalın baş verməsinə şərait yaradan
amillərdəndir.
Açar sözlər: ünsiyyət, cəmiyyət, mədəniyyət, fəaliyyət, insan, şəxsiyyət, münasibət
Ünsiyyət müasir dövrün aktual problemlərindən biridir. Çünki ünsiyyət
cəmiyyətin inkişafına səbəb olan amillərdəndir. Belə ki, cəmiyyətin inkişafının
mühüm şərti olan şəxsiyyətin formalaşması məhz ünsiyyət prosesində
mümkündür. Ünsiyyət subyektlər arasında qarşılıqlı əlaqə və qarşılıqlı fəaliy-
yət prosesində yaranaraq informasiya, təcrübə, qabiliyyət və bacarıqların,
elmin və fəaliyyətlərin nəticələrinin mübadiləsi prosesidir. Ünsiyyət prosesində
əsas rolu dil, siqnallar və işarələr oynayır ki, məhz ünsiyyət onlarsız mövcud
ola bilməz. Məhz ünsiyyət prosesində insanın şəxsiyyəti, onun özünüdərki və
dünyanı dərki formalaşır.
Başlıca olaraq ünsiyyət birbaşa və dolayı olmaqla iki cür fərqləndirilir.
İştirakçılar arasında bilavasitə əlaqə zamanı birbaşa ünsiyyət baş verir. Dolayı
ünsiyyət isə o zaman yaranır ki, subyektlər arasında məkan-zaman müna-
sibətləri mövcud olur.
Birbaşa ünsiyyət zamanı əsas rolu dil – şifahi dil, mimika və jestlərin dili
oynayır.
Dolayı ünsiyyət isə şifahi xalq ədəbiyyatı, incəsənət nümunələrinin
qavranılması, KİV və s. ilə həyata keçirilir. Göründüyü kimi bu ünsiyyət bir-
tərəfli xarakter daşıyır. Lakin onun insan şəxsiyyətinin inkişafında rolu böyük
əhəmiyyət kəsb edir.
Bəşəriyyətin meydana gəlməsi ilə ünsiyyətin yaranması üst-üstə düşür.
Belə ki, bəşər övladı özünü qorumaq, saxlamaq, yeni nəsillər yaratmaq üçün
81
digər insanlarla ünsiyyətdə olmalı idi. Bu isə ünsiyyətsiz qeyri-mümkündür.
Burada ünsiyyət dedikdə isə mən təkcə dil ilə həyata keçirilən aktı deyil,
həmçinin instinktiv olaraq mövcud olan siqnalları nəzərdə tuturam. Göründüyü
kimi ünsiyyət dildən daha geniş həcmə malikdir. Ünsiyyətin həyata keçirilməsi
təkcə dil ilə məhdudlaşmadığına görə belə nəticə çıxarmaq olar ki, bu
biofizioloji akt bütün canlıların həyatında önəmli yer tutur. Məhz buna görə də,
ünsiyyət linqvistlərin, semiotiklərin, məntiq, informasiya nəzəriyyəsi mütəxəs-
sislərinin diqqət mərkəzindədir. Bununla yanaşı, psixoloqlar, filosoflar, este-
tiklər, antropoloqlar, ritoriklər, semiotiklər, kibernetiklər və digər ayrı-ayrı peşə
sahibləri də ünsiyyəti müxtəlif aspektdən nəzərdən keçirir. Ünsiyyət
problem
ləri ilə məşğul olmuş hər bir elmin özünəməxsus yanaşma tərzi var.
Psixologiya ünsiyyəti insanın psixi və fizioloji strukturunu onun sosial statusu
ilə determinizə edən psixofizioloji həyatın nəticəsi kimi öyrənir. Psixologiya
ünsiyyətin daxili aspektlərini tədqiq edir. Ünsiyyətin ayrı-ayrı tərəflərini,
komponentlərini, strukturunu analiz etmək daha çox psixologiya elminə
məxsusdur. Məsələn, psixoloq Q.M. Andreyeva ünsiyyətin üç tərəfini göstərir:
kommunikativ, interaktiv və perseptiv.
Sosiologiya, etnoqr
afiya və mədəniyyətşünaslıq ünsiyyətin xarici
aspektlərini nəzərdən keçirir. Bu elmlər üçün ünsiyyət iştirakçılarının bio-
sosio-
mədəni xüsusiyyətlərini öyrənmək vacib məsələdir. Bəs nə üçün
ünsiyyəti müxtəlif elmlər bir problem səviyyəsinə qaldırır? Bildiyimiz kimi hər
bir cəmiyyət həyatı ziddiyətlərdən yan keçə bilmir – bu ziddiyyətlər siyasi,
sosial və iqtisadi zəmində olur, lakin hər bir partlayışın – istər sosial, istər
siyasi, istərsə də iqtisadi zəmində olsun – müəyyən səbəbi var, bunun əsasında
isə insanların bir-birilə ünsiyyəti dayanır. Tarix sübut edir ki, münasibətlərdəki
anlaşılmazlıq, qeyri-müəyyənliyin nəticəsi cəmiyyət üçün hər zaman ağır olub.
Fəlsəfə ünsiyyəti insan fəaliyyətinin strukturunda və daha geniş
götürdükdə isə mövcudluğun strukturunda öyrənir. Fəlsəfədə ünsiyyət yeni
problem deyil, bu problemin öyrənilməsi qədim dövrlərdən başlamışdır.
Ünsiyyət – sosial münasibətlər problemi kimi antik filosofların diqqətini
çəkmişdir. Sokrat və Platonun əsərlərində nəinki şəxsiyyətdaxili münasibətlər,
həmçinin etik problemlərdən sayılan insanlararası ünsiyyət də əsas yer tutur.
XVII-
XIX əsrlərdə insanlararası münasibət məsələsində yeni baxışlar
meydana gəldi. Yeni dövr fəlsəfi fikrində ünsiyyətlə bağlı müəyyən nəzəri
fikirlərə rast gəlmək olar. Belə ki, R.Dekart, Q.Leybnis, F.Bekon, T.Hobbs,
C.Lokk, D.Yum, C.Berkli, P.Holbax, J.J.Russo, D.Didro, İ.Kant, İ.Q.Fixte,
Q.V.F.Hegel, Y.V.Şellinq, L.Feyerbax, K.Marks və F.Engels, O.Kont, Q.Spen-
ser və digərlərinin əsərlərində ünsiyyətə mühüm amil kimi diqqət yetirilir.
Artıq bu dövrdə ünsiyyət prosesində iştirak edən subyektlər bərabərhüquqlu
şəxslər kimi tanındılar. J.J.Russonun ideyaları, İ.Kantın etika və estetikası,
Şillerin estetik tərbiyəsi – bütün bunlar ictimai fikirdə, etika və estetika,
pedaqogika
, antropologiya sahəsindəki inkişafa nümunədir. Artıq bu dövrdə
əsas diqqət mərkəzində olan məsələ insanın Allah və təbiətlə münasibətləri
82
deyil, şəxsiyyətlərarası münasibət məsələləri idi. XX-XXI əsrlərdə ünsiyyət
probleminə maraq daha da artdı. İndi ünsiyyət yuxarıda qeyd etdiyim kimi bir
neçə elmin tədqiqat sahəsinə çevrildi.
İ.Kanta görə insan başqa insanların əhatəsində yaşamağa məcburdur, “o
insanların ki, insan həqiqətən onlara dözə bilmir, lakin onlarsız da keçinə
bilmir” [4, 33].
Martin Büber də bu mövzuya müraciət edən filosoflardandır. Onun
fikrincə ünsiyyət bir “Mən”in digər “Mən”lə görüşməsidir. Filosof bu
görüşməni “ikinci mövcudluq” adlandırır. “Mən və sən” əsərində Büber yazır
ki, sən və onlar arasında ünsiyyət – qarşılıqlı bəxşiş xarakterlidir. Belə ki, sən
ona Sən deyirsən və özünü ona təslim edirsən, həmçinin o, sənə Sən deyir və
özünü sənə verir [6] .
Haydeqqer göstərir ki, insan yalqız, tənha varlıq deyil. Hər bir insan
digər insanların əhatəsində yaşamağa və fəaliyyət göstərməyə məcburdur.
Ancaq başqalarının mövcudluğu və insanın onlarla həmrəyliyi ona gətirib çı-
xarır ki, özlüyündə yüksəkdə duran, unikal və yeganə olan subyekt artıq ortada
dayanır və “simasızlaşır”. Bu şəkildə görünməni Haydeqqer Das man
adlandırır [6].
Ünsiyyət nəzəriyyəsinin inkişafına alman filosofu K.Yaspers “Ekzis-
tensial kommunikasiya” nəzəriyyəsi ilə əhəmiyyətli dərəcədə xidmət etmişdir.
Fransız fəlsəfi fikrində ünsiyyət nəzəriyyəsinin inkişafı ekzistensializmin
nümayəndəsi Q.Marselin adı ilə əlaqədardır. Marselin xidməti intersubyektiv-
lik nəzəriyyəsinin işlənməsi ilə bağlıdır. Onun fikrincə, əsas əhəmiyyət kəsb
edən məsələ subyektin obyektə münasibəti deyil, əsas vacib olan subyektə
bütöv, tam kimi, yəni “Mən” olaraq yanaşmaqdır [6].
J.P.Sartrın fəlsəfi görüşlərində Mən Başqalarına qarşı qoyulur. Onun
fikrincə istənilən ünsiyyət aktı dağıdıcı xarakter daşıyır. Belə ki, ünsiyyət pro-
sesində Mən başqalarına qarşı gərginlik hiss edir, Başqalarından gələn
çətinliklə qarşılaşır. Sartrın çıxardığı nəticə isə budur: “Cəhənnəm –
Başqalarıdır” [3, 128].
Habermasa görə, hər bir kommunikativ fəaliyyətin məqsədi qarşılıqlı
anlama əldə etməkdir. Qarşılıqlı anlama isə kor-koranə olmamalıdır. Müəyyən
qanunlar yaradılmalıdır ki, bunlar da insanların bir-birini anlamasına yonəldil-
məlidir. Bu qanunları isə Habermas “Lebensvelt” (həyati dünya) qanunları
adlandırır. O, hesab edir ki, bu qanunlardan hər zaman istifadə etmək olar, belə
ki, həyatda gözlənilməz hadisələr və vəziyyətlər yoxdur. Habermasa görə hətta
ən yeni hadisələr də əvvəlkilərə nəzərən meydana çıxır [6].
N.A.Berdyayevin fikrincə, başqası ilə ünsiyyətdə olmadan insan özünü
tapa bilməz. O, hesab edir ki, məhz başqası “mən”ə onun əsl mahiyyətini
göstərir [6] .
Ünsiyyət insan fəaliyyətinin bir istiqamətli forması deyil, o, qarşılıqlı
təsirdir. Ünsiyyət zamanı insanlar nəinki bir-birilə münasibət qururlar, yaxın-
laşırlar, həmçinin özünü müəyyənləşdirir, digər şəxsdən onun şəxsiyyətinin
83
varlığını və dəyərini tanımasını tələb edir. Lakin hazırkı dövrdə ünsiyyətin
yuxarıda sadalanan funksiyalarını reallaşdırmaq mümkün deyil. Məhz
dövrümüzdə ünsiyyət üçün dağıdıcı olan iki tamamilə bir-birinə zidd tenden-
siya vardır. Bir tərəfdən, individualizmin inkişafı insanın ünsiyyət qurmasını
çətinləşdirir, yəni onu sözün həqiqi mənasında bacarıqsız edir. Bunun
nəticəsində də saysız-hesabsız psixi, sosial və mədəni böhranlar və fəlakətlər
baş verir. Digər tərəfdən isə, insanların kütlə daxilində qarşılıqlı fəaliyyəti
inkişaf edir. Hər iki tendensiya ünsiyyəti dağıdaraq onu ya laqeyd ictimai
münasibətə, ya da karların dialoquna çevirir.
Ünsiyyət – siniflər, sosial qruplar, şəxsiyyətlərarası qarşılıqlı təsir və
əlaqələrdir. Məhz ünsiyyət vasitəsilə insanlar arasında və bütövlükdə isə
millətlər arasında bilik və informasiya, təcrübə, müxtəlif fəaliyyətlərin
nəticələri mübadilə edilir, bu isə cəmiyyətin inkişafına təkan verir.
Ünsiyyət – insan fəaliyyətinin struktur elementidir, onun formaları
mədəniyyətin tərkibinə daxildir və mədəniyyətlə birgə addımlayır, birinin var
olması digərinin mövcudluğunu şərtləndirir.
Ünsiyyət hər hansı bir fəaliyyətin nəticəsinə istiqamətlənməsə də ona
xidmət edə bilər. O, elə bir prosesdir ki, başlıca məqsəd elə onun özündədir.
Ünsiyyət insanın konkret və vəhdət halında (mənəvi və praktik) qarşılıqlı
fəaliyyətidir.
Ünsiyyətin tiplərə ayrılması birmənalı olmayıb, onun müxtəlif
xüsusiyyətliliyinə görə müəyyənləşdirilir. Məsələn, xarakterinə görə - formal
və qeyri formal, məqsədinə görə - utilitar və utulitar olmayan, istiqamətinə
görə - humanist və manipulyativ, özünü göstərmə formasına görə - vasitəli və
vasitəsiz, səmimilik dərəcəsinə görə - açıq və qapalı, fəaliyyət istiqamətinə
görə - işgüzar, ailəvi, idman kimi növləri fərqləndirilir.
Ünsiyyətin tarixi tipologiyasına görə iki tipi fərqləndirilir: 1) ənənəvi mə-
dəniyyətlər üçün səciyyəvi olan funksional ünsiyyət və 2) kreativ mədə-
niyyətlər üçün səciyyəvi olan şəxsiyyətlərarası və şəxsiyyətdaxili ünsiyyət.
-
Funksional ünsiyyət - eyni və ya müxtəlif sosial qrupların nümayən-
dələri arasında ənənə şəklini almış əlaqəni nəzərdə tutur. Bu əlaqə isə müvafiq
sosial funksiyaların həllinə istiqamətlənmişdir.
-
Şəxsiyyətdaxili ünsiyyət – iki konkret şəxsin əlaqəsidir. Bu əlaqə isə
yalnız və yalnız onların özlərinin təqdim etməsinə istiqamətlənir.
-
Şəxsiyyətlərarası ünsiyyətdə iştirakçılar təmsil etdikləri sosiumun
müəyyənləşmiş funksiyalarını həyata keçirirlər, lakin bu zaman onların
subyektivlikləri sosiumun xarakterində itmir; sosiumun xarakteri ilə şəxsiyyət
arasında müəyyən fərqlər saxlanır [7] .
Ünsiyyət insanın, bütövlükdə cəmiyyətin həyatında xüsusi əhəmiyyətə
malikdir. Məhz ünsiyyət insanların çoxşaxəli ehtiyaclarının nəticəsi kimi
meydana çıxır. Ünsiyyət və fəaliyyət qarşılıqlı vəhdət təşkil edir. Belə ki,
ünsiyyət, insanların qarşılıqlı münasibət yaratma üsulu, söz mübadiləsi
olmadan heç bir fəaliyyət prosesi müvəffəqiyyətlə nəticələnə bilməz. Ünsiyyət
84
olmadan heç bir insan fəaliyyəti baş verə bilməz, bu da onu göstərir ki,
cəmiyyət inkişaf edə bilməz və daha da irəli gedərək demək olar ki, ünsiyyət
olmadan cəmiyyət mövcud ola bilməz.
Əvvəlki dövrlərdən fərqli olaraq XX əsrdə ünsiyyət probleminə maraq
daha da artmışdır. Dini fenemonologiyada E.Levinasın fəlsəfəsində ünsiyyət
əsas anlayış kimi ifadə olunur. Fəlsəfədə insanlar arasında qarşılıqlı münasibət-
lər problemləri ilə ekzitensializm, personalizm, fəlsəfi antropologizmin
nümayəndələri geniş şəkildə məşğul olmuşlar. Bununla da fəlsəfədə ünsiyyət
nəzəriyyəsi formalaşmışdır. Buna misal olaraq E.Münyenin, K.Yaspersin,
M.Haydeqqerin, J.P.Sartrın adlarını çəkmək olar.
Pessi
mist fəlsəfənin nümayəndəsi olaraq J.P.Sartr belə bir iddia irəli
sürürdü: gün gələcək münaqişələr ünsiyyətin yeganə forması olacaqdır. Bəzi
detalları istisna edərək filosofun verdiyi proqnozla razı deyiləm. Çünki elm və
texnikanın günbəgün inkişafı insanların həyatını, yaşayış şəraitini rahat və asan
etməklə cəmiyyətin inkişafını sürətləndirir. Elm və texnologiya insanlar
arasındakı əlaqə və münasibətləri qırılmaz edir, insanlar arasında ünsiyyəti
artırır, insanların bir-birilə ünsiyyət yaratması üçün yeni üsul və vasitələr
yaradır. Əvvəllər ünsiyyətin şifahi və yazılı formaları var idisə, müasir dövrdə
şifahi ünsiyyətlə əlaqəli olan vizual ünsiyyət forması da yaranmışdır. Bir neçə
onillik öncə yazılı ünsiyyətin çətinlikləri var idisə, hazırda heç bir çətinlik
olmadan insan yazılı formada ünsiyyət qura bilər.
Vizual ünsiyyətin də üstünlükləri çoxdur və onun insan həyatında rolu
əvəzedilməzdir. Belə ki, kilometrlərlə uzaqdakı insanlarla ünsiyyət qurmaq
cəmiyyətin inkişafı üçün mühüm addımdır. Bu həm xarici ölkə insanları ilə
təmas qurmaq, yenilikləri tez tutmaq imkanı verir, həm də insanı öz kökündən,
doğmalarından uzaq düşməyə qoymur. Bu da doğma dilin, mentalitetin
yaşaması üçün mühüm vasitədir.
Yaspersə görə, ünsiyyət həqiqətdir, həqiqətin aşkar edilməsi yoludur.
Onun fikrincə, gözəllik, qayğı və təəccüb kimi stimullar insanları ünsiyyət
qurmağa vadar edir. Əgər yuxarıda sadaladığımız anlayışlar insanların
gündəlik praktikasında (həyatında) özünü göstərirsə, onda insanlar arasında
ünsiyyət yaranır. Yaspersin belə bir fikri də maraqlı səslənir: əgər mən öz-
özümə, təkbaşıma həqiqəti anlasam, onda ünsiyyətin yetərsiz olduğu, çatma-
dığı (ünsiyyət olmadığı) zaman yaranan narahatlığı hiss etmərəm və eyni
zamanda ünsiyyət baş verdiyi zaman yaranan həzzi ünsiyyətdən kənarda duya
bilmərəm. Çünki məhz ünsiyyət prosesində mən özüm kimi oluram. Bu zaman
mən sadəcə olaraq yaşamır, həm də həyatı mükəmməlləşdirirəm [8, 26-27].
Yaspersə görə, ünsiyyəti aşağıdakı mənalarda nəzərdən keçirmək olar:
insanın dünya ilə ünsiyyəti, başqaları ilə ünsiyyət, insanın öz-özü ilə ünsiyyəti
və ali ünsiyyət. Birinci anlamda Yaspers obyektiv dünya ilə insanın öz
dünyasını bir-birindən fərqləndirir. Obyektiv dünya insandan asılı olmayaraq
mövcud olan dünyadır. İnsanın dünyası isə əsasında insanın düşüncəsi,
davranışı və ünsiyyəti duran dünyadır. Obyektiv dünya uca dağları, yaşıl
85
meşələri və s. ilə zəngin mənzərəli dünyadır. Ancaq bu zənginliklər dünyasında
insan tənhadır. Yaspersə görə, bununla yanaşı insan obyektiv dünya ilə
ünsiyyət qura bilər. Bu, onu qavrayaraq, ona təsir edərək mümkündür. Əgər
dünya mövcuddursa, bu, mənim düşüncələrimdə mövcuddur. Əgər dünya
mövcud deyilsə, demək mən mövcud deyiləm [2, 494].
İnsanın başqaları ilə ünsiyyəti – Yaspersə görə, insanın hər zaman baş-
qalarına ehtiyacı vardır. İnsan özünün mövcudluğunu başqaları ilə ünsiyyətdə
dərk edir.
Həqiqətin aşkar edilməsi də məhz insanların bir-birilə ünsiyyəti zamanı
mümkündür.
İnsanın öz-özü ilə ünsiyyəti – bunu Yaspers həqiqi ünsiyyət adlandırır.
Həqiqi ünsiyyət onun fikrincə emosiyadır. İnsan özü üçün hər zaman rahatlıq
və xoşbəxtlik arzulayır və onun xoşbəxt olması üçün digər insanlarla ünsiyyəti
vacibdir. Burada Yaspers insan azadlığı məsələsinə də toxunur və qeyd edir ki,
azadlıqla ünsiyyət qırılmaz əlaqədədir. Belə ki, ünsiyyət olmadan insan
mövcud ola bilməz, o zaman isə deməli, azadlıq da mümkün ola bilməz.
Ali
ünsiyyət dedikdə isə Yaspers insanın Allahla olan ünsiyyətini nəzərdə
tutur.
İnsanın Allaha dua etməsi, ondan kömək istəməsi və ona tapınması ali
ünsiyyətə aiddir. Onun fikrincə bu ünsiyyət hər bir şəxsin gündəlik yaşamının
bir
parçasıdır [8, 324].
Hazırda ünsiyyətə maraq mədəniyyətin bütün sferalarında görünür, onun
şüaları adi həyatdan tutmuş siyasətə və elmə qədər uzanır. Ünsiyyətə maraq
XXI əsrdə daha da artmışdır. Bunun mühüm səbəbi tarixi vəziyyətin,
insanlığın, humanist ideyaların dövrün mərkəzində dayanmasıdır. Texnika,
rabitə və nəqliyyat sahəsindəki irəliləyişlər minillik tarixdə insanlara ilk dəfə
həqiqətən birləşmək imkanı verir. Dünyəvi inteqrasiya şəraitində ünsiyyətin
yolları və vasitələri ciddi problem olaraq qarşıda durur.
ƏDƏBİYYAT
1.
İsmayılov F. Seçilmiş əsərləri. I cild. Bakı, 2011, 576 s.
2.
İsmayılov F. Seçilmiş əsərləri. II cild. Bakı, 2011, 664 s.
3.
Sartr J.P.
Varlıq və Heçlik: Fenomonoloji ontologiya təcrübəsi. Bakı, 2012, 856 s.
4.
Агальцев А.М. Проблема общения в нравственно-критической философии И.Канта.
Вестник Томского Государственного Университета. 2007, №302, с.32-35.
5.
Демченко Л.М. Проблема единства экзистенциальной коммуникации и экзистен-
циального прояснения в философии К.Ясперса: Текст // Вестник Оренбургского
государственного университета. 2006. Т. 1, №1, с. 25-34.
6.
Общение и этика общения hi-edu.ru/e-books/
7.
Ясперс К. Экзистенция и коммуникация http://existentialism.traktaty.ru
8.
Ясперс К. Смысл и назначение истории: пер. с нем. М., 1991, 527 с.
86
ПРОБЛЕМА ОБЩЕНИЯ В ФИЛОСОФИИ
А.А.АХМЕДОВА
РЕЗЮМЕ
Научная статья посвящена исследованию одной из актуальных проблем
современности – проблема общения в философии. В данной статье говорится о роли и
значении общения, выявляются соответствующие ему и отличающие его исторические
типы, анализируются структурные особенности по отношению к различным
философским школам.
На основании приведенных в работе рассуждений делается вывод о том, что
раньше были приняты устные и письменные формы общения, то в современный период
появилась новая визуальная форма общения
Ключевые слова: общение, общество, культура, деятельность, человек, лич-
ность, отношения
THE PROBLEM OF COMMUNICATION IN PHILOSOPHY
A.A.AHMADOVA
SUMMARY
The problem of communication is one of the most urgent problems of philosophy. The
main aim of the article is to demonstrate the role of communication in philosophy. It maintains
that the problem of communication has changed during the development of philosophical
thought. Yet, it has become one of fundamental issues in our time.
The article concludes that the novel visual form of communication prevails over the
known written and oral forms.
Key words: intercourse, society, culture, activities, human, personality, attitude
87
Dostları ilə paylaş: |