2
Azərbaycan Respublikası Səhiyyə Nazirliyi, Elmi Tədqiqat Ağ ciyər Xəstəlikləri
İnstitutu
Vərəm əleyhinə dərmanlar və onların əlavə təsirlərinin aradan qaldırılması
yolları (metodik təlimat)
Müəlliflər: Əməkdar həkim, tibb elmləri doktoru - Y.Ş.Şıxəliyev
Tibb üzrə fəlsəfə doktoru - İ.Ə.Qasımov
Tibb üzrə fəlsəfə doktoru - M.A.Şıxlinskaya
Rəyçi – tibb elmləri doktoru G.S.Hacıyev (9 saylı Xüsusiləşdirilmiş vərəm
xəstəxanasının baş həkimi)
Metodik təlimata Azərbaycan Respublikası Səhiyyə Nazirliyinin Elmi
Tədqiqat Ağ ciyər Xəstəlikləri İnstitutunun elmi şurasında baxılıb dərc edilməsi
məsləhət görülmüşdür.
Metodik təlimat vərəmin profilaktikası və müalicəsi ilə məşğul olan həkim
ftizio-pulmonoloqlar üçün nəzərdə tutulmuşdur. Metodik təlimatdan tibb
universitetinin tələbələri dərs vəsaiti kimi istifadə edə bilərlər.
3
Vərəm əleyhinə dərmanların qısa xarakteristikası
Antibakterial dərmanlar bakteriostatik təsirə malik olub, mikobakteriyaların
virulentliyini azaldır və onların artmasının qarşısını alır. Bununla yanaşı, antibakterial
dərmanlar öz növbəsində orqanizmə toksiki təsir göstərərək qaraciyərin, böyrəklərin
və digər orqanların funksiyalarına mənfi təsir edir.
Dərman preparatlarının düzgün təyin edilməməsi istər ilkin, istərsə də xroniki
xəstələrin müalicəsində dərmana davamlı mikobakteriyaların yaranmasına, artmasına
səbəb olur və nəticədə müalicədə effekt əldə edilmir.
Kimyəvi terapiya vərəm xəstəliyinin müalicəsində mühüm yer tutur və vərəm
törədicisinin artmasının (bakteriostatik effekt) və orqanizmdən təmizlənməsinin
(bakteriosid effekt) baş verməsində mühüm rol oynayır.
Kimyəvi terapiya vərəm xəstəliyi təyin olunan andan başlanmalıdır. Dərman
preparatları nəzarət altında qəbul olunmalıdır. Antibakterial dərmanlar 4-5 və bəzən
çox preparatların kombinasiyası şəklində təyin edilməlidir ki, mikobakteriyaların
dərmanlara davamlığı yaranmasın.
Kimyəvi terapiya kursu iki mərhələdən ibarətdir:
-
intensiv mərhələ - bu mərhələ xəstəliyin kliniki əlamətlərinin ləğv edilməsinə,
mikobakteriyaların artmasının qarşısının alınmasına, mikobakteriya ifrazının
dayanmasına və mikobakteriyaların spesifik dərmanlara davamlı formalarının
yaranmasının qarşısının alınmasına yönəldilir. Bu mərhələdə spesifik infiltrativ
dəyişikliklərin sorulması, dağılma boşluğunun kiçilməsi və ya ləğv edilməsi baş
verir. Bəzi hallarda, bu mərhələ cərrahi müdaxiləyə hazırlıq funksiyasını yerinə
yetirir;
-
davamedici mərhələ - bu mərhələ mikobakteriyaların tam ləğv edilməsinə,
spesifik prosesin invalyusiya edilməsinə və orqanların funksiyasının bərpasını təmin
edir.
Spesifik dərmanlar 5 qrupa bölünürlər:
-
birinci sıra dərmanlar (əsas qrup) – bu qrupa izoniazid (H), rifampisin (R),
etambutol (E), pirazinamid (Z) aiddir. Bu dərmanlar ayrı-ayrılıqda və kombinasiya
olunmuş şəkildə tətbiq olunurlar.
-
inyeksion vərəm əleyhinə dərmanlar – bu qrupa streptomisin (S), kanamisin
(Km), amikasin (Am), kapreomisin (Cm), viomisin (Vi) aiddir. Bu dərmanlar
həssaslığı qorunan bütün xəstələrə tətbiq olunur. Həssaslıq qorunan halda
streptomisinin təyini yüksək effektliyə malikdir. Kanamisin və amikasin
streptomisindən sonrakı yerləri tutur və onlar çarpazlaşmış davamlığa malikdirlər.
4
Kanamisinə və streptomisinə davamlıq müşahidə olunduqda kapreomisin və viomisin
tətbiq edilə bilər. Sonuncu iki preparatın da çarpaz davamlığı qeyd olunur.
-
ftorxinolonlar – ofloksasin (Ofz), siprofloksasin (Cfx), levofloksasin (Lfz),
moksifloksasin (Mtz), qatifloksasin (Gfz) və s. aiddir. Bu preparatları həssaslıq
qorunduqda tətbiq etmək mümkündür. Vərəm əleyhinə təsirinin səviyyəsinə görə
xinolonlar aşağıdakı şəkildə qəbul olunur: moksifloksasin (Mtz) = qatifloksasin
(Gfz) > levofloksasin (Lfz) > ofloksasin (Ofz) = siprofloksasin (Cfx). Bu
preparatların uzun müddətli tətbiqi mümkündür.
-
ikinci sıra vərəm əleyhinə dərmanlar (ehtiyat qrup) – bu qrupa etionamid
(Eto), protionamid (Pto), sikloserin (Cs), terizidon (Trd), PAST (PAS), tioasetazon
(Th) aiddir. Bu dərmanlar vərəm əleyhinə müəssisələr tərəfindən mərkəzləşmiş
qaydada mikobakteriyaların dərmanlara həssaslığının təyini mümkün olan halda
tətbiq olunur.
-
dərmana davamlı vərəmin müalicəsində istifadə olunan yeni preparatlar
-bu qrupa (klofazemin (Cfz), amoksisillin / klavulanat (Amx/Clv), klaritromisin (Clr),
bedaquilin, linezolid (Lzd) və s. aiddir. ÜST tərəfindən bu qrupa aid dərmanların
effektlik səviyyəsi öyrənilməkdədir. Beynəlxalq Vərəm və Ağ Ciyər xəstəliklərinə
qarşı İttifaq vərəm əleyhinə dərmanları antibakterial aktivliyinə görə üç kateqoriyaya
(A, B, C) bölərək təsnifat tərtib etmişdir: A-kateqoriyasına ən güclü dərmanlar –
izoniazid və rifampisin; B-kateqoriyasına nisbətən güclü dərmanlar –etambutol,
kanamisin, streptomisin, etionamid, protionamid, tizamid, pirazinamid, floromisin
(viomisin), sikloserin; C-kateqoriyasına isə ən zəif dərmanlar – PAST və tibon
(tioasetazon) aid edilmişdir. Dünyada spesifik dərmanlara davamlığın multirezistent
formasının (Rifampisinə və Rifampisin-İzoniazidə davamlıq) artması ilə əlaqədar
olaraq vərəm əleyhinə dərmanlar aşağıdakı kimi qruplaşdırılır:
A.
ftorxinolonlar (Lfz, Mtz, Gfz);
B.
ineksion preparatlar (S, Km, Am, Cm, Vi);
C.
ikinci sıra preparatlar (Eto, Pto, Cs, Trd, Th, Clr, Lzd);
D.
əlavə dərmanlar (multirezistent xəstələrin müalicəsində əsas müalicə rejiminə
daxil olmayan);
d
1
. Z, E, yüksək dozada izoniazid
d
2
. Bdq, Dlm,
d
3
. PAST, İpm, Mpm, Amk/Clv, Th;
Dərmanların dozası xəstənin yaşı, çəkisi və yanaşı xəstəlikləri nəzərə alınmaqla
optimal səviyyəyə uyğun təyin edilməlidir. Spesifik dərmanların təyini zamanı
mikobakteriyaların bu dərmanlara həssaslığı və davamlığı nəzərə alınmalıdır.
Orqanizmdə dərmana qarşı toksiki, toksikoallergik, allergik reaksiyalar baş verdikdə