Azərbaycan Respublikasının Gənclər və İdman Nazirliyi tərəfindən
2015-ci il ərzində görülmüş işlər haqqında
A R A Y I Ş
GƏNCLƏR SİYASƏTİ
Hesabat dövründə gənclər siyasəti sahəsində bir sıra vacib istiqamətverici tədbirlər baş tutmuşdur. 26
yanvar 2015-ci il tarixdə Azərbaycan Respublikasının Prezidenti tərəfindən "2015-2025-ci illərdə Azərbaycan
gənclərinin İnkişaf Strategiyası" imzalanmışdır. Dünyanın çox az sayda ölkəsində əhalinin ən dinamik qrupu
üçün belə uzunmüddətli strateji sənəd mövcuddur. Strategiyanın qəbul edilməsi ilk növbədə ölkədə
yaradılmış dayanıqlı inkişafı, gələcək hədəflərin aydın təsviri və dövlətin bu sahəyə olan münasibətini
özündə əks etdirir.
2015-ci ildə gənclər siyasətinin infrastrukturu genişlənmişdir. 13 yanvar 2015-ci il tarixdə Azərbaycan
Respublikası Prezidenti cənab İlham Əliyevin iştirakı ilə Sumqayıt şəhərində növbəti “Gənclər evi” istifadəyə
verilmişdir. Hazırda ölkədə istifadəyə verilmiş 33 "Gənclər evi Mərkəzi" Azərbaycanda gənclərin geniş
kütləsi ilə iş aparmaq üçün unikal imkan və şərait yaradır.
Gənclərin yaradıcılıq və təşəbbüskarlığını stimullaşdırmaq və qiymətləndirmək məqsədi ilə 2 fevral 2015-ci il
tarixdə elm, təhsil, mədəniyyət, ədəbiyyat və ictimai fəaliyyət sahələrində fərqlənmiş 6 nəfər gəncə
"Gənclər üçün Prezident Mükafatı" təqdim edilmişdir.
Gənclər arasında tariximizin, milli adət-ənənələrimizin, mədəni köklərin daha yaxşı öyrənilməsi və
vətənpərvərlik ruhunun yüksəlməsi məqsədi ilə 13 mart 2015-ci il tarixdə “Atəşgah Məbədi” Dövlət Tarixi-
Memarlıq Qoruğu ərazisində "açıq səma altında teatr" formatında
“Mədəni irs: Novruz” Gənclər
Festivalı,
24-27 sentyabr 2015-ci il tarixdə İsmayıllı rayonunda isə etno-irs günləri keçirilmişdir.
02 may 2015-ci il tarixdə Lənkəran rayonunda faşizm üzərində Qələbənin 70 illiyinə həsr olunmuş
ali təhsil müəssisələri tələbələrinin iştirakı ilə “Tarixin canlı səhifələri” adlı lII Gənclər Festivalı keçirilmişdir.
“Tarixi rekonstruksiya” formatında təşkil edilmiş Festival azərbaycanlı döyüşçülərin Böyük Qələbəyə
verdikləri töhfələri və onların şərəf dolu tarixi döyüş səhnələrini canlandırmışdır. Hadisələrin
canlandırılmasında 250 nəfərə yaxın gənc iştirak etmişdir.
Gənclərin elmə həvəsləndirilməsi, dəqiq elmlər sahəsində bilikli gənclərin üzə çıxarılması və dəstəklənməsi
məqsədi ilə "İstedadların hazırlığı laboratoriyası" layihəsi çərçivəsində keçirilən 3 on-line olimpiadaya 1200
nəfər məktəbli qatılmışdır. 26-27 noyabr 2015-ci il tarixlərində Bakıda keçirilmiş III Respublika Final
Olimpiadasında onlardan 87 nəfər iştirak etmiş, 29 nəfər qalib müəyyən edilmişdir. Həmin şagirdlərin
beynəlxalq elmi yarışlara hazırlığı aparılacaqdır.
Sosial müdafiəyə ehtiyacı olan uşaq və yeniyetmələrə dövlət qayğısının daha da artırılması və onların asudə
vaxtının səmərəli təşkil edilməsi məqsədilə 10 iyun – 23 avqust 2015-ci il tarixlərində Bakı şəhəri, Şüvəlan
qəsəbəsində yerləşən Respublika Uşaq İstirahət və Sağlamlıq Mərkəzində dörd növbədə yay düşərgələri
təşkil edilmişdir. Düşərgələrdə ümumilikdə 420 nəfər aztəminatlı ailələrdən olan, Azərbaycanın
Ermənistanla təmas xəttində yerləşən rayonlarda yaşayan, sağlamlıq imkanları məhdud uşaq və
yeniyetmələrin mənalı istirahəti təmin edilmişdir.
Tələbələ və gənclərin diplomatiya və beynəlxalq əməkdaşlıq sahəsində təcrübi biliklər və bacarıqlarını
artırmaq məqsədilə 10-15 avqust 2015-ci il tarixlərdə Daşkəsən rayonunda yerləşən Gənclərin İstirahət və
Təlim Mərkəzində BMT Modeli üzrə Yay Məktəbi keçirilmişdir. Tədbirdə 9 ali məktəbdən 80-dən artıq gənc
iştirak etmişdir.
2
31 oktyabr 2015-ci il tarixdə Rusiya Federasiyasının Moskva şəhərinə Rusiyanın Azərbaycanlı Gənclər
Təşkilatının (AMOR) “RAGT: gənclərin layiqli gələcəyi naminə” adı altında VI Forumu və sərgi keçirilmişdir.
Forum çərçivəsində RAGT-nin III Hesabat-seçki konfransı, 5 bölmədə müzakirələri (İDEA: “Bir Dünya, Bir
Gələcək”, “Ədalət səfiri ol”, “Azərbaycan və yeni dövrün çağırışları”, “Turizmin və diyarşünaslığın inkişafı
gənclərin vətənpərvərlik və mənəvi-əxlaqi tərbiyəsinin vasitəsi kimi”, “Gənclər karyera inkişafı: sahibkarlıq və
uğura aparan yol”) təşkil edilmişdir.
Azərbaycanda böyük miqyaslı beynəlxalq tədbirlərin keçirilməsi gənclər arasında könüllülər hərəkatının
inkişafına təkan vermişdir. I Avropa Oyunlarına 17 minədək gənc könüllü olaraq qatılmış, qısa müddətdə
onların hazırlığı aparılmışdır. Könüllülər üzərinə düşən vəzifələri böyük məsuliyyət və ruh yüksəkliyi ilə icra
etmişlər.
Ümumilikdə 2015-ci il ərzində gənclərlə iş sahəsində 94 tədbir keçirilib, onlardan 79-u yerli, 15-i isə
beynəlxalq səviyyəli olmuşdur. 199 nəfər xarici ölkələrə ezam olunmuş, 771 nəfər isə Azərbaycan
Respublikasında qəbul edilmişdir.
Vətənpərvərlik və vətəndaşlıq tərbiyəsi
19 yanvar 2015-ci il tarixdə “20 Yanvar - hadisələrinin gənclərin vətənpərvərlik tərbiyəsində rolu”
mövzusunda toplantı keçirilmişdir.
30 yanvar 2015-ci il tarixdə “2 fevral – Azərbaycan Gəncləri Günü” münasibəti ilə Cəmşid Naxçıvanski adına
Hərbi Liseydə xidmət edən kursantlarla görüş keçirilmişdir. Görüş zamanı təhsildə fərqlənmiş kursantlar
nazirliyin "Fəxri Fərman"ları ilə təltif olunmuş, hərbi liseyə idman ləvazimatları və hədiyyələr təqdim
edilmişdir.
01 may 2015-ci il tarixdə "Virtual Qarabağ" İnformasiya-Kommunikasiya Texnologiyaları Mərkəzinin istehsal
etdiyi "Qafqaz Albaniyası: Gecikmiş həqiqətlər" sənədli və "Laçın - virtual səyahət" 3D qrafik təsvirli filmlərin
təqdimat mərasimi keçirilmişdir.
09-10 may 2015-ci il tarixlərdə Bakı şəhərində “Şahin” hərbi-idman oyununun respublika final yarışı
keçirilmişdir.
14 may 2015-ci il tarixdə ümummilli lider Heydər Əliyevin azərbaycançılıq məfkurəsinin gənclər arasında
təbliğ edilməsi məqsədi ilə Sumqayıt şəhərində “Ümummilli lider Heydər Əliyevin azərbaycançılıq
məfkurəsinin gənclərin vətənpərvərlik tərbiyəsində rolu” mövzusunda konfrans keçirilmişdir.
01 oktyabr 2015-ci il tarixdə Rəşid Behbudov adına Azərbaycan Dövlət Mahnı Teatrında „Mən
Azərbaycanlıyam“ adlı milli-intellektual televiziya layihəsinin 5-ci mövsümünün qaliblərinin
mükafatlandırılması mərasimi keçirilmişdir.
16 oktyabr 2015-ci il tarixdə Abşeron rayonu ərazisində yerləşən "N" saylı hərbi hissədə xidmət edən əsgər
və zabit heyəti ilə "18 oktyabr-Dövlət Müstəqilliyi Günü" münasibəti ilə görüş keçirilmişdir.
23 dekabr 2015-ci il tarixdə “Ağdam” 3D qrafik sənədli filmin, “Qarabağ atı” adlı animasiya filmin və
Qarabağın dövlət əhəmiyyətli memarlıq abidələrinin elektron xəritəsinin təqdimat mərasimi keçirilmişdir.