Azərbaycan Respublikasının Mərkəzi Bankı
yanında Maliyyə Monitorinqi Xidmətinin
2010-cu il
.
29
.
dekabr tarixli
.
F-050
.
nömrəli Əmri ilə təsdiq edilmişdir
AZƏRBAYCAN RESPUBLİKASININ MƏRKƏZİ BANKI
YANINDA MALİYYƏ MONİTORİNQİ XİDMƏTİNDƏ
İŞƏ QƏBUL QAYDALARI
BAKI – 2010
1.
Ümumi müddəalar
1.1.
Bu Qaydalar Azərbaycan Respublikasının Əmək Məcəlləsi, Azərbaycan
Respublikası Prezidentinin 2010-cu il 16 iyul tarixli 122 nömrəli Fərmanı ilə təsdiq
edilmiş «Azərbaycan Respublikasının Mərkəzi Bankı yanında Maliyyə
Monitorinqi Xidməti haqqında Əsasnamə», digər müvafiq normativ hüquqi aktlar,
insan resurslarının idarə edilməsi siyasəti sahəsində mövcud olan qabaqcıl
beynəlxalq təcrübə əsasında hazırlanmışdır.
1.2.
Bu Qaydalar Azərbaycan Respublikasının Mərkəzi Bankı yanında
Maliyyə Monitorinqi Xidmətində (bundan sonra – Maliyyə Monitorinqi Xidməti)
işə qəbul proseduralarını müəyyən edir.
1.3.
On altı yaşına çatmış, irqindən, milliyyətindən, dinindən, dilindən,
cinsindən, sosial mənşəyindən, əmlak vəziyyətindən, yaşayış yerindən,
əqidəsindən, ictimai və digər birliklərə mənsubiyyətindən asılı olmayaraq, təhsil
səviyyəsinə, peşəkarlığına, səhhətinə, işgüzar və mənəvi keyfiyyətlərinə görə
Maliyyə Monitorinqi Xidmətinə həvalə edilmiş vəzifələri yerinə yetirə və
Azərbaycan
Respublikasının dövlət dilini sərbəst bilən Azərbaycan
Respublikasının vətəndaşları Maliyyə Monitorinqi Xidmətinin əməkdaşı ola
bilərlər.
1.4.
İkili vətəndaşlığı, digər dövlətlər qarşısında öhdəlikləri olan şəxslər, din
xadimləri, məhkəmənin qanuni qüvvəyə minmiş qərarı ilə fəaliyyət qabiliyyəti
olmayan və ya məhdud fəaliyyət qabiliyyətli hesab edilmiş, məhkumluğu
ödənilməmiş və ya götürülməmiş şəxslər, əvvəllər fəaliyyət göstərdiyi dövlət
orqanlarında yol verdiyi kobud nöqsanlara və ya əmək fəaliyyəti ilə bir araya
sığmayan hərəkətlərə görə bu orqanlardan xaric edilmiş şəxslər Maliyyə
Monitorinqi Xidmətində işə qəbul edilə bilməzlər.
1.5.
Maliyyə Monitorinqi Xidmətində işə qəbul prosesi şəffaflıq, obyektivlik
və müraciət edən bütün Azərbaycan Respublikası vətəndaşlarının (bundan sonra –
namizədlər) hüquq bərabərliyi prinsiplərinə əsasən həyata keçirilir.
1.6.
Maliyyə Monitorinqi Xidmətində müvafiq vakant ştat vahidləri
olduqda, işə qəbul ilə əlaqədar Maliyyə Monitorinqi Xidmətinin rəsmi internet
səhifəsində
və
digər
kütləvi informasiya vasitələrində elan verilir.
Qanunvericilikdə nəzərdə tutulmuş hallar istisna olmaqla, yalnız bir cinsin
nümayəndəsi üçün müsabiqənin elan edilməsinə yol verilmir. Elanda vakant
vəzifənin adı, bu vəzifəni tutmaq istəyən namizədlər qarşısında qoyulan tələblər, o
cümlədən Maliyyə Monitorinqi Xidmətində işləmək üçün lazım olan şərtlər
göstərilir.
1.7.
Maliyyə
Monitorinqi
Xidmətində
işə qəbul müsabiqə və
müsabiqədənkənar üsulla aparılır.
2.
Müsabiqə Komissiyası və onun təşkili
2.1.
Müsabiqənin keçirilməsi üçün Maliyyə Monitorinqi Xidmətində 7
nəfərdən ibarət Müsabiqə Komissiyası (bundan sonra – Komissiya) yaradılır. Sədr,
sədr müavini, məsul katib və digər üzvlərdən ibarət Komissiyanın tərkibi Maliyyə
Monitorinqi Xidməti direktorunun əmri ilə təsdiq edilir.
2.2.
Komissiya zərurət olduğu hallarda səlahiyyətlərinə aid olan məsələlərlə
əlaqədar üzvlərinin ən azı üçdə iki hissəsinin iştirakı ilə iclas keçirir. İclasın vaxtı,
yeri və müzakirəyə çıxarılan məsələlər barədə Komissiya üzvlərinə məsul katib
tərəfindən qabaqcadan məlumat verilir.
2.3.
Komissiyanın iclaslarında baxılan məsələlər üzrə qərarlar sədrin
sonuncu səs verməsi şərti ilə açıq səsvermə və səs çoxluğu ilə qəbul edilir, iclasda
iştirak edən bütün Komissiya üzvləri tərəfindən imzalanır. Komissiya üzvünün
xüsusi rəyi olduqda, rəy qərara əlavə edilir.
3.
Müsabiqənin keçirilməsi
3.1.
Hər bir namizədin bilik səviyyəsinin, peşə hazırlığının, ümumi
dünyagörüşünün, Maliyyə Monitorinqi Xidmətində vakant vəzifələrə yararlı və
layiqli olmasının müəyyən edilməsi məqsədi ilə aşkarlıq şəraitində şəffaf üsullarla
müsabiqə keçirilir. Müsabiqə test imtahanından və müsahibədən ibarətdir.
3.2.
Maliyyə Monitorinqi Xidmətində işə qəbul edilmək üçün namizədlər
müsabiqə elan edilən gündən etibarən 20 gün müddətində aşağıdakı sənədləri
təqdim edirlər:
3.2.1.
təhsilini və əmək fəaliyyətini əks etdirən tərcümeyi hal (CV);
3.2.2.
ali təhsil haqqında sənədin (diplomun) surəti (xarici dövlətlərin
ali təhsil sahəsində ixtisasları Azərbaycan Respublikasında tanınmaqla və
ekvivalentliyi müəyyən edilməklə);
3.2.3.
şəxsiyyət vəsiqəsinin surəti;
3.2.4.
əmək kitabçasının surəti (ilk dəfə əmək fəaliyyətinə başlayanlar
istisna olmaqla);
3.2.5.
hərbi biletin surəti.
3.3.
Müsabiqədə iştirak etmək istəyən namizədlər yuxarıda qeyd olunmuş
sənədlərin surətini Maliyyə Monitorinqi Xidmətinin İnsan resursları üzrə
mütəxəssisinə (bundan sonra – İnsan resursları üzrə mütəxəssis) təqdim edə və ya
Maliyyə Monitorinqi Xidmətinin rəsmi elektron poçtuna göndərə bilərlər.
3.4.
Namizədlərin sənədləri qəbul edildikdən sonra, həmin sənədlərin
müsabiqə barədə elanda nəzərdə tutulmuş tələblərə uyğunluğu yoxlanılır.
3.5.
Sənədlərini təqdim etmiş və ya Maliyyə Monitorinqi Xidmətinin
elektron poçtuna göndərmiş namizəd sənədlərini təqdim etdiyi gündən ən geci 1 ay
müddətində İnsan resursları üzrə mütəxəssis tərəfindən test imtahanının keçirilmə
yeri və vaxtı barədə və ya təhsilinin və ya iş təcrübəsinin müsabiqə elan olunarkən
qoyulmuş tələblərə uyğun olmadığı barədə yazılı qaydada məlumatlandırılır.
3.6.
Sənədlərin qəbulu üçün müəyyən edilmiş müddət başa çatdıqdan sonra
daxil olan sənədlər (göstərilən müddət üçün poçtla göndərilən sənədlər istisna
olmaqla) qəbul edilmir.
3.7.
Test nümunələrinin hazırlanması, ekspertizası, təsdiqi, test imtahanının
təşkili, keçirilməsi, qiymətləndirilmənin aparılması qaydaları və keçid balları
vakant vəzifənin xüsusiyyətləri nəzərə alınmaqla hər bir müsabiqə üzrə müsabiqə
elan edilməzdən əvvəl Komissiya tərəfindən müəyyən edilir.
3.8.
Test imtahanının müəyyən edilmiş qaydada keçirilməsi məqsədi ilə
Azərbaycan Respublikasının Tələbə Qəbulu üzrə Dövlət Komissiyası və digər
qurumlar cəlb edilə bilər. Bu halda həmin qurumlar test imtahanının keçirilməsi
üçün öz səlahiyyətləri daxilində zəruri tədbirlər görür.
3.9.
Namizəd test imtahanının nəticələri haqqında həmin gün məlumat alır
və nəticələr 5 iş günü ərzində Maliyyə Monitorinqi Xidmətinin rəsmi internet
səhifəsində yerləşdirilir. Namizədin tələbi əsasında ona 2 gün müddətində test
imtahanında topladığı bal haqqında təsdiq edilmiş formada arayış verilir.
3.10.
Test imtahanından müvəffəqiyyətlə çıxan namizədlər müsahibəyə
buraxılırlar.
3.11.
Komissiya müsahibənin keçirildiyi yer və vaxt barədə 5 iş günü
əvvəldən namizədlərə məlumat verir. Müsahibəyə buraxılan namizədlərin siyahısı
Komissiyanın sədrinə hər dəfə müsahibə keçirilən gün müsahibə başlanmazdan
əvvəl verilir.
3.12.
Müsahibə
başlanarkən
Komissiyanın
sədri
tərəfindən
namizədlərin siyahısı elan edilir və Komissiyanın üzvlərindən etirazları olub-
olmaması soruşulur. Yaxın qohumluq və ya şəxsi yaxınlıq münasibəti olduqda,
Komissiyanın üzvü özünə etiraz verir. Namizəd əsaslar olduqda, Komissiyanın hər
hansı bir üzvünə etiraz edə bilər. Belə etiraz müsahibə başlanmazdan əvvəl
olmalıdır.
3.13.
Hər bir namizədə onun ümumi bilik və bacarıqlarını, dünya
görüşünü, fərdi xüsusiyyətlərini qiymətləndirmək üçün suallar verilir və namizədin
vəzifəyə uyğunluğu müəyyənləşdirilir. Hər bir namizədlə müsahibə fərdi qaydada
ən azı 20 dəqiqə aparılır və müsahibənin nəticələri balla qiymətləndirilir.
3.14.
Hər bir namizədə hər bir Komissiya üzvü tərəfindən ən çoxu 4
sual verilir. Namizədin verdiyi cavablar ümumi olaraq hər bir komissiya üzvü
tərəfindən 0–5 bal arasında qiymətləndirilir. Sonda Komissiya üzvlərinin verdiyi
ballar toplanaraq iclasda iştirak etmiş Komissiya üzvlərinin sayına bölünür. İclasda
iştirak edən Komissiya üzvlərinin sayından asılı olaraq toplana biləcək maksimum
balın 2/3-ni toplayan namizəd müsahibədən müvəffəqiyyətlə keçmiş hesab edilir.
3.15.
Müsabiqə nəticəsində yaxın və ya eyni nəticəni göstərən
namizədlərdən müqayisə yolu ilə aşağıdakı göstəriciləri üstün olan namizədlərə
müsbət rəy verilir:
3.15.1.
«Cinayət yolu ilə əldə edilmiş pul vəsaitlərinin və ya digər
əmlakın leqallaşdırılmasına və terrorçuluğun maliyyələşdirilməsinə qarşı mübarizə
haqqında» Azərbaycan Respublikasının Qanununu, Azərbaycan Respublikası
Prezidentinin müvafiq fərman və sərəncamlarını bilənlərə, o cümlədən, təhsil
səviyyəsi, peşə nailiyyətləri, xarici dilləri bilməsi, kompüterdə işləmək bacarığı və
səviyyəsi;
3.15.2.
özünü təqdimetmə bacarığı, təmkinliliyi, fikir və rəyini ifadə
etmək qabiliyyəti;
3.15.3.
təşəbbüskarlığı,
analitik düşünmək qabiliyyəti, hadisələri
obyektiv qiymətləndirmək, problemlərin həlli ilə bağlı qərar çıxarmaq bacarığı.
3.16.
Müsahibənin nəticələri haqqında məlumat Maliyyə Monitorinqi
Xidmətinin rəsmi internet səhifəsində yerləşdirilir. Namizədin tələbi əsasında ona
2 iş günü müddətində müsahibənin nəticəsi üzrə topladığı bal haqqında Komissiya
tərəfindən təsdiq edilmiş formada arayış verilir.
3.17.
Test imtahanından və müsahibədən müvəffəqiyyətlə çıxmış
namizədlər müsabiqədən keçmiş hesab edilirlər.
3.18.
Elan olunmuş müsabiqədə iştirak edərək test imtahanından və
müsabiqədən müvəffəqiyyətlə keçmiş namizədlər vakant vəzifəyə təyin edilmək
üçün Maliyyə Monitorinqi Xidmətinin direktoruna təqdim olunurlar.
3.19.
Maliyyə Monitorinqi Xidmətinin direktoru ona təqdim edilən test
imtahanının və müsahibənin nəticələri barədə Komissiya tərəfindən təqdim olunan
hesabata əsasən müsabiqənin yekununa dair müvafiq qərar qəbul edir.
3.20.
Vakant vəzifəyə təyin olunmaq üçün Maliyyə Monitorinqi
Xidmətinin direktoruna təqdim olunmuş, lakin vakant vəzifəyə təyin edilməmiş
şəxslər iki il müddətində Maliyyə Monitorinqi Xidmətində ehtiyat kadr kimi
saxlanılır və həmin müddət ərzində onların vakant vəzifələrə müsabiqədənkənar
təyinatı aparıla bilər.
3.21.
İnsan resursları üzrə mütəxəssis müsabiqənin yekununa dair
müvafiq qərar qəbul edildiyi gündən iki il müddətində test imtahanının və
müsahibənin keçirilməsi ilə bağlı sənədlərin, o cümlədən namizədlərin cavab
kartlarının saxlanılmasını təmin edir.
3.22.
Test imtahanının və ya müsahibənin nəticələri ilə razı olmayan
namizəd həmin nəticələr Komissiyanın rəsmi internet səhifəsində yerləşdirildiyi
gündən 10 iş günü müddətində Maliyyə Monitorinqi Xidməti tərəfindən təşkil
edilmiş Apellyasiya Komissiyasına şikayət verə bilər. Apellyasiya Komissiyası
mövcud şikayət əsasında Maliyyə Monitorinqi Xidməti direktorunun birdəfəlik
əmri ilə yaradılır. Apellyasiya Komissiyası şikayətçinin cavab kartını, müvafiq
arayışı və digər materialları ərizəçinin iştirakı ilə müqayisə edib araşdırır. Şikayətin
baxılması nəticələrinə dair müvafiq qərar çıxarılır.
3.23.
Müsabiqənin keçirilməsi ilə əlaqədar bütün xərclər Maliyyə
Monitorinqi Xidmətinin büdcəsində bu məqsədlər üçün nəzərdə tutulmuş vəsaitlər
hesabına maliyyələşdirilir.
4.
Müsabiqədənkənar qaydada işə qəbul
4.1.
Müsabiqədənkənar qaydada işə qəbul yalnız bu Qaydalara 1 nömrəli
Əlavədə nəzərdə tutulmuş vəzifələr üzrə həyata keçirilir.
4.2.
Maliyyə Monitorinqi Xidmətində struktur bölmə rəhbəri vəzifəsinə
namizədlər təcrübəli şəxslər sırasından seçilməklə Maliyyə Monitorinqi
Xidmətinin direktoru tərəfindən müsahibə yolu ilə işə qəbul oluna bilərlər.
4.3.
Digər müsabiqədənkənar işə qəbul edilən namizədlər, bir qayda olaraq,
Maliyyə Monitorinqi Xidmətinin müvafiq struktur bölmə rəhbəri və İnsan
resursları üzrə mütəxəssis tərəfindən işə cəlb edilir. Namizədlər müvafiq sənədlərlə
birlikdə İnsan resursları üzrə mütəxəssis tərəfindən qəbul edilərək iddia etdikləri
vəzifələrin tələblərinə uyğun yoxlanıldıqdan sonra namizədin işə qəbulu üzrə
müvafiq struktur bölmə rəhbərinin rəyi öyrənilir və Maliyyə Monitorinqi
Xidmətinin direktoruna təqdimatla müraciət edilir. Maliyyə Monitorinqi
Xidmətinin direktorunun razılığı olduğu təqdirdə işə qəbul prosesi rəsmiləşdirilir.
4.4.
Bu Qaydalara 1 nömrəli Əlavədə nəzərdə tutulmuş vəzifələrdən başqa
digər vəzifələrə namizədlərin müsabiqədənkənar qəbuluna yol verilmir.
5.
Sənədləşmənin aparılması
5.1.
Azərbaycan Respublikasının Əmək Məcəlləsinə uyğun olaraq namizəd
barəsində müsbət qərar qəbul edildikdən sonra o, Maliyyə Monitorinqi Xidmətinə
işə dəvət olunur.
5.2.
İşə qəbul prosesini rəsmiləşdirmək üçün namizəd aşağıdakı sənədləri
təqdim etməlidir:
5.2.1
sərbəst formada Maliyyə Monitorinqi Xidməti direktorunun
ünvanlanmış ərizə;
5.2.2
kadrların uçotunun şəxsi vərəqəsi;
5.2.3
tərcümeyi–hal;
5.2.4
ali təhsil haqqında sənədin (diplomun) surəti (xarici dövlətlərin
ali təhsil sahəsində ixtisasları Azərbaycan Respublikasında tanınmaqla və
ekvivalentliyi müəyyən edilməklə;
5.2.5
şəxsiyyət vəsiqəsinin surəti;
5.2.6
əmək kitabçası (ilk dəfə əmək fəaliyyətinə başlayanlar istisna
olmaqla);
5.2.7
Dövlət Sosial Sığorta Şəhadətnaməsinin surəti (ilk dəfə əmək
fəaliyyətinə başlayanlar istisna olmaqla);
5.2.8
sağlamlıq barədə arayış (xüsusi hallarda);
5.2.9
hərbi biletin surəti, ərazi üzrə Hərbi Komissarlıqdan həqiqi hərbi
xidmət keçmə və qeydiyyat haqqında sənəd;
5.2.10
4x6 sm ölçüdə 3 ədəd rəngli fotoşəkil.
5.3.
Surətləri tələb olunan sənədlər əsli ilə birlikdə təqdim edilir. Daha sonra
sənədlərin əsli namizədə geri qaytarılır.
5.4.
Müsabiqədən
müvəffəqiyyətlə
keçmiş
namizədlərin
Maliyyə
Monitorinqi Xidmətində işləmək üçün yararlı olub-olmaması yoxlanılır. Maliyyə
Monitorinqi Xidmətində işə qəbul edilmək üçün bu Qaydalarla müəyyən edilmiş
tələblərə cavab verməyən, habelə bilərəkdən yanlış məlumatlar vermiş namizədlər
müsabiqədən kənarlaşdırılır.
5.5.
Namizəd müsabiqədən kənarlaşdırıldıqda, ona Komissiya tərəfindən 5
iş günü müddətində müsabiqədən kənarlaşdırılmasının səbəbləri izah olunan rəsmi
yazılı cavab verilir.
5.6.
Müsabiqədən müvəffəqiyyətlə keçmiş və barəsində müsbət qərar qəbul
edilmiş namizəd Maliyyə Monitorinqi Xidmətinin direktorunun qərarı ilə
müddətsiz əmək müqaviləsi ilə 3 aylıq sınaq müddətinə, yaxud müddətli əmək
müqaviləsi ilə işə qəbul edilir. Üç iş günü ərzində namizəd ilə əmək müqaviləsi
bağlanılır və beş iş günü ərzində ona əmək kitabçası açılır.
6.
Oriyentasiyanın təşkili
6.1.
Müsabiqə nəticəsində qalib elan edilmiş namizədlər üçün Təşkilati şöbə
tərəfindən hazırlanmış oriyentasiya proqramı əsasında oriyentasiya həyata keçirilir.
6.2.
Namizədin işə qəbul prosesi rəsmiləşdirildikdən sonra İnsan resursları
üzrə mütəxəssis tərəfindən yeni əməkdaşın oriyentasiyası həyata keçirilir.
6.3.
Oriyentasiya yeni əməkdaşı Maliyyə Monitorinqi Xidmətinin fəaliyyəti,
strukturu, daxili qaydaları, əməkdaşın mənsub olduğu şöbələrin ümumi fəaliyyət
istiqamətləri və əməkdaşın vəzifə təlimatı ilə yaxından tanış etmək, onun
kollektivə daha tez uyğunlaşması prosesinə yardımçı olmaq məqsədi daşıyır.
6.4.
Oriyentasiya proqramı bir həftə müddətində həyata keçirilir.
7.
Yekun müddəalar
7.1.
Bu Qaydalar imzalandığı gündən qüvvəyə minir.
«Azərbaycan Respublikasının Mərkəzi Bankı
yanında Maliyyə Monitorinqi Xidmətində işə
qəbul Qaydaları»na Əlavə №1
Müsabiqədənkənar qaydada tutulan vəzifələrin siyahısı
Struktur bölmə
Vəzifə
Bütün struktur bölmələr
Struktur bölmə rəhbərləri
İcra aparatı
Katib-referent
Kargüzar
Təşkilati şöbə
Ümumi təhlükəsizlik üzrə
mütəxəssis
Anbardar
Sürücü
Xadimə
Dostları ilə paylaş: |