Azərbaycanın böyük şairi Xəlil Rzanın bizim xalqın mədəniyyətinin inkişafında böyük
Yüklə 2,49 Mb. Pdf görüntüsü
|
- Bu səhifədəki naviqasiya:
- Heydər Əliyev Azərbaycanın Ümummilli Lideri
- Xəlil Rza Ulutürk.
- S E Ç İ L M İ Ş Ə S Ə R L Ə R İ
- Xəlil Rza Ulutürk: “Məndən başlanır Vətən...”
| Azərbaycanın böyük şairi Xəlil Rzanın bizim xalqın mədəniyyətinin inkişafında böyük xidmətləri var. Onu fərqləndirən mühüm cəhət yaradıcılığının milli məzmun, milli ruhla bağlı olmasıdır. Buna görə bəziləri onu millətçi adlandırırdılar. Mənim fikrimcə o millətçi yox, həmişə millətini sevən, millətinin azadlığı uğrunda mübarizə aparan şairdir. Xəlil Rza ən böyük dissidentlərdən biri idi. Çünki onun əsərləri həqiqəti deyirdi. Amma bu həqiqət o vaxtkı kommunist ideologiyasına zidd idi, buna görə də o, dissident idi. Ancaq biz Xəlil Rzanı qoruduq, saxladıq. Heydər Əliyev Azərbaycanın Ümummilli Lideri İdeya: Xalq Bank Layihənin rəhbəri: Rafiq Həşimov Nəşrin tərtibçisi və redaktoru: Yusif Günaydın Məsləhətçi: Firəngiz Ulutürk Ön söz:
Teymur Kərimli Rəyçi:
Əlizadə Əsgərli Layihənin redaktoru: Səlim Babullaoğlu Mətnin yığımı: Afət Tahirqızı Korrektor: Şəhla Tahirqızı Bədii tərtibat: Novruz Novruzov Texniki tərtibat: Gülnar Səfərova Məsul katib: Jalə Muradova Kitabın hazırlanmasında göstərdikləri köməyə görə Xəlil Rzanın ailəsinə, M.F.Axun dov adına Azər baycan Milli Kitabxana sına, Azərbaycan Respublikası Dövlət KinoFoto Sənədləri Arxivinə təşəkkür edirik.
Xəlil Rza Ulutürk. Seçilmiş əsərləri. Bakı, 2014, 608 səh. Xalq şairi Xəlil Rza Ulutürkün (19321994) oxuculara təqdim olunan “Seçilmiş əsərləri”ndən ibarət bu ən iri həcmli bircildlik Xalq Bankın “Xalq Əmanəti” layihəsinin ərsəyə gətirdiyi 4cü poetik toplu, ümumilikdə isə 11ci nəşridir. Kitabda şairin zəngin yaradıcılıq bioqrafiyasının 40 illik bir dövrünü, başqa sözlə, böyük istiqlal şairinin poetik axtarışlarının bütün mərhələlərini əhatə edən müxtəlif janrlı ədəbi nümunələr – şeirlər, poemalar toplanmışdır. Poeziya həvəskarları müəllifin bədii tərcümə sahəsindəki olduqca məhsuldar və səmərəli fəaliyyətinin nəticələri ilə də tanış ola biləcəklər. Bütün hüquqlar qorunur, kitabda təqdim olunan materiallardan istifadə olunarkən istinad vacibdir. Xalq Bank, 2014 www.xalqbank.az ISBN 9789952815160
S E Ç İ L M İ Ş Ə S Ə R L Ə R İ Bakı – 2014 HƏYAT DÜŞÜNCƏLƏRİ Sən elə bilmə ki, köçdüyüm zaman Dünyadan bir yolluq köçəcəyəm mən. Bir dəfə ölüncə, bəlkə min dəfə Ölümü tapdayıb keçəcəyəm mən! Bir gün öz yanında görməsən məni, Çıx yaşıl bağlara quşları dinlə! Okean qüdrətli Araz nəhrini Saxlamaq istəyən daşları dinlə! Dinlə küləkləri, küləklərdəyəm! Ürəklərdən soruş, ürəklərdəyəm! Bütün ulduzlarda, bütün çaylarda, Bütün güllərdəyəm, çiçəklərdəyəm. Buludu şimşəklə parçalayaraq, Zülməti nur ilə boğacağam mən! Qərbdə ulduz kimi batsam, Şərqə bax: Şərqdən günəş kimi doğacağam mən! Qanadlanacağam sənin yanına, Qışla əlbəyaxa ilk bahar ilə. Savalan dağının zirvələrindən Qərbə, Şərqə düşən şüalar ilə! İtib-batmaq üçün yaranmamışam. Dünənəm! Bugünəm! Gələcəyəm mən! Bir gün bu dünyadan getsəm də, nə qəm, Dünyaya təzədən gələcəyəm mən! 8 Xəlil Rza Ulutürk: “Məndən başlanır Vətən...” ... Vaxtaşırı onun poetik irsini bir də nəzərdən keçirmək, müdrik qələm sahibinin zəngin, rəngarəng könül dünyasına bir daha səyahət etmək istəyi oyanır. Bu, şairin əziz xatirəsini yenidən yad etməklə məhdudlaşmayan bir dilək, bir həvəsdir. Parlaq zəka sahibi, böyük vətəndaş, böyük şair Xəlil Rza Ulu türkün xatirəsi onsuz da həssas ürəklərdə yaşayır, əminəm ki, həmişə yaşayacaq. Üstüörtülü mətləblər, ritorik suallar, eyham dolu misralar, bir sözlə, yarımtonlar onun yaradıcılığı üçün səciyyəvi olmasa da, hər təkrar mütaliə zamanı onun sətirlərində yeni məna çalarları, vaxtilə gözümdən qaçmış bədii detalları kəşf etməkdən xüsusi zövq alıram. Odur ki, təkrartəkrar Xəlil Rza dünyasına qayıtmaq daxildən gələn güclü bir istək, tükənməyən mənəvi ehtiyacdır. Şairlə birlikdə ana yurdun hər bucağını qa rışqarış gəzib dolaşmaq, onun bənzərsiz gözəlliklərinə vətəndaş şairin gözləri ilə baxmaq, vətənə yenidən vurulmaq, ana yurda saf övlad məhəbbəti ilə əbədi bağlanmaq deməkdir. Şair bizi bu nadir gözəlliklərin qədirqiymətini bilməyə, on ları sevib, qorumağa çağırır. Çünki vətəndaşlıq, əslində, yurdun tarixinə bələd olmaq, vətəni duyub sevməkdən başlayır və hər bir ölkənin ən böyük sərvəti onun vətəndaşıdır: – Vətəndaş olmasa, boş şeydir vətən Beş günlük, on günlük güney qarıdır.
Yüklə 2,49 Mb. Dostları ilə paylaş:
|