Azərbaycanın islam həmrəyliyi təşəbbüsü
müasir qlobal çağırışlar kontekstində
Səbuhi Abbasov,
Azərbaycan Respublikasının Prezidenti yanında Dövlət İdarəçilik
Akademiyasının doktorantı
E-mail:
sabuhiabbasov@mail.ru
İ
qtisadi əsaslar üzərində başlanmış qloballaşma prosesi
XXI əsrin II onilliyində yaşadığımız hazırkı tarixi mərhələdə
təkcə iqtisadiyyatı, dünya ticarətini deyil, təhlükəsizlikdən
mənəviyyata kimi digər sahələri də əhatə etməkdədir. Media,
informasiya-kommunikasiya vasitələrinin qloballaşmanın əsas
elementlərindən olması ilə yanaşı, millətlər arasında mədəni
axınlar da müasir qloballaşmanın aparıcı xüsusiyyətlərindəndir.
Qloballaşmanın indiki mərhələsini xarakterizə edəndə 3 əsas
tarixi vəziyyəti mütləq nəzərə almaq lazımdır: 1) sovet blo
kunun dağılması və beynəlxalq münasibətlərin ikiqütblü sis
teminin parçalanması; 2) lider dövlətlərin dünya inkişafının
postsənaye mərhələsinə keçməsi; 3) dünya iqtisadiyyatının
məhəlliləşdirilməsi
(1).
Qloballaşma özü ilə birgə beynəbcalq siyasətə də müəyyən
çalarlar gətirərək təsir göstərir. Qeyd edilən təsirləri bir neçə
istiqamətdə göstərmək olar: 1) qloballaşma Qərb dəyərləri
ilə yanaşı, Qərb siyasi sisteminin, siyasi qaydalarının da Yer
kürəsinə yayılması ilə vahid siyasi unifikasiyaya, alternativ siya
si sistemlərin sıradan çıxarılmasına və ya zəiflədilməsinə səbəb
olur; 2) qloballaşma prosesində yaşanan siyasi-iqtisadi böhran
lardan istifadə edərək böyük dövlətlərin digər məkanlarla yanaşı,
islam coğrafiyasında da nüfuz dairələrini genişləndirmək cəhdləri
müşahidə edilir (misal üçün: ərəb baharı böhranı); 3) çoxqütb
lü dünyaya doğru irəlilədikcə qüvvələr balansı nəzəriyyəsindən
tədricən uzaqlaşma, təhlükəsizlik üçün hegemon rol uğrunda
mübarizəyə istiqamətlənmə meyilləri artın A) qloballaşma za
manı ticarət əlaqələri, iqtisadi münasibətlər sərbəst xarakterlə
yanaşı, böyük güclərin maraqları naminə hərbi-siyasi təhdidləri
ilə məcburedici xarakter də daşıya bilir. Qeyd olunanlar qloballaş
ma prosesinin islam dünyasında siyasi çağırışlarla da müşayiət
edildiyini göstərir.
Beynəlxalq münasibətlərdəki hazırkı reallıqlar və çağırışlar
islam dünyasının gələcəyi ilə bağlı pessimist baxışların
formalaşmasına əsas verməməli,
problemlərin
müəyyən
edilməsi və səbəblərinin aradan qaldırılması istiqamətində
birgə addımlar atılmalıdır. Bütün bu çağırışlar islam dünyasında
birgə hərəkatın formalaşmasının, fəaliyyətlərin koordinasiya
edilməsinin, böyük islam sivilizasiyasının mühafizəsi və inkişafı
üçün
müsəlmanlar
arasında
həmrəylik
mexanizmlərinin
tətbiqinin əhəmiyyətini ortaya qoymaqdadır. İslam dünyasına
aid olan dövlətlər bütün sahələrdə üzləşdiyi çətinliklərin həllinin
tələbinə görə bu gün yolayrıcında durmuşdur və seçim etməlidin
ya qısamüddətli fərdi maraqlara görə böyük güclərin maraqlarına
uyğun hərəkət edərək tərəddüdlü və zəif aktor kimi qalmaq, ya da
məzhəblərarası, iqtisadi, siyasi gərginliklərdən kənar, həqiqi islam
həmrəyliyi nəticəsində dünyada yeni kollektiv güc mərkəzinə,
islam birliyinə çevrilmək istiqamətində irəliləmək. Belə bir güc
mərkəzinə çevrilməyə islam dünyasının hər cür potensialı - təbii
resursları, əlverişli coğrafi məkanı, işçi qüvvəsi, elmi-texnoloji,
hərbi imkanları mövcuddur. Həmçinin müştərək dini inanc və
mənəvi qüvvə, sivilizasiya identikliyi, ümumi maraq və tələbatlar,
ümumi təhdidlərə qarşı birgə çıxış etmək islam dünyası üçün
mühüm birləşdirici faktorlardır. Ekspertlərə görə, müsəlman
40
Mədəniyyət.AZ / 4 • 2017
dövlətləri qlobal güc sistemjndə öz real statuslarına müsəlman
dövlətlərinin maraqlarına cavab verə biləcək “islam Dövlətləri
Birliyi’nin yaradılması yolu ilə nail ola bilərlər
(2).
Bu baxımdan
qloballaşmanın davam etdiyi müasir beynəlxalq münasibətlər
kontekstində islam dünyasının üzləşdiyi çağırışlara reaksiyası
kimi islam həmrəyliyi konsepsiyası aktuallaşmışdır.
İslam həmrəyliyinin islam dünyası, dünya sülhü üçün
əhəmiyyətini, eyni zamanda Azərbaycan Respublikasında möv
cud multikultural şəraiti, təkcə islam məzhəbləri deyil, digər
dinlərin nümayəndələri arasında da tarixən təşəkkül tapmış
qarşılıqlı hörmət və həmrəylik münasibətlərinin dünyada is
lam həmrəyliyi üçün də nümunəvi əhəmiyyətini nəzərə alaraq
Azərbaycan Respublikasının Prezidenti İlham Əliyev tərəfindən
dünyadakı müsəlman liderləri arasında islam həmrəyliyi üçün
dövlət səviyyəsində ilk dəfə təşəbbüs göstərilərək böyük siya
si müdrikliklə 2017-ci il Azərbaycan Respublikasında “İslam
həmrəyliyi ili" elan edilmiş, bu barədə 10 yanvar 2017-ci il tarixli
sərəncam imzalanmışdır. İslam həmrəyliyi ilə bağlı islam dünya
sında formalaşmış fikirlərlə yanaşı, Azərbaycan Respublikasının
islam həmrəyliyi konsepsiyası öz xüsusiyyətləri ilə, ölkədaxili və
xarici elementləri vəhdətdə ifadə etməsi, təkcə müsəlmanları
deyil, qeyri-müsəlmanları da əhatə etməsi ilə əlamətdardır.
Yerləşdiyi coğrafi məkan, xristian sivilizasiyası ilə islam siviliza
siyasının görüşdüyü strateji mövqeyi, Azərbaycanın islam dün
yasında demokratik, dünyəvi dövlət kimi bir çox Üklərə imza at
ması, dialoq məkanına çevrilməsi Azərbaycanın islam həmrəyliyi
təşəbbüsünün dünyada sülhün və inkişafın təmini baxımından
üstünlüklərindəndir. Planetin artan enerji ehtiyacı və ticarət
əlaqələrinin genişləndirilməsi tələbatı qarşısında Xəzər hövzəsi
və Cənubi Qafqaz özünün zəngin karbohidrogen ehtiyatları, Şərq-
Qərb, Şimal-Cənub əlaqələrində, nəqliyyat-kommunikasiya
sahəsindəki imkanları ilə bütün transmilli dünyanın nəzər-
diqqətini özünə cəlb edərək geoiqtisadi maraqların kəsişmə
nöqtəsinə çevrilmişdir
(3).
Belə bir kəsişmə nöqtəsində yerləşən
Azərbaycanın islam həmrəyliyi konsepsiyasını irəli sürməsi ilə si-
vilizasiyalararası münasibətlərdə öz mövqeyini ifadə etmiş, islam
sivilizasiyasına aid olduğunu, eyni zamanda demokratik-dünyəvi
respublika kimi öz inkişaf xətti ilə uğurla irəlilədiyini göstərmişdir.
Azərbaycan Respublikasının islam həmrəyliyi konsepsiyasını
səciyyələndirən digər bir mühüm cəhət ondan ibarətdir ki, islam
həmrəyliyi fərqli dinlərə qarşı islam cəbhəsi açmaq mənasında
deyil, islam dini ən gözəl birləşdirici dəyər kimi, müsəlman
ölkələrinin həmrəyliyini təmin edən ortaq nöqtə kimi qəbul edi
lir. Sülh dini olan islam dininin fərqli dinlərə qarşı hörmətlə ya
naşma prinsipini də əhatə edən islam həmrəyliyi təkcə islam
dünyası üçün deyil, bütövlükdə dünya sülhü üçün də əhəmiyyət
kəsb etməkdədir. İslam həmrəyliyi müsəlman dövlətləri arasın
da ən vacib çağırışlardan olan təhlükəsizliyə də böyük töhfə verə
biləcək bir konsepsiyadır. Məlum olduğu kimi, təhlükəsizliyin
təmini funksiyası müasir dövrümüzdə hər bir dövləti düşündürən
ən vacib məsələlərdəndir. Bu baxımdan təhlükəsizliyi təhdid edən
elementlərin, o cümlədən də həmin təhdidlərin tərkib hissəsi
olan qlobal çağırışların müəyyənləşdirilməsi və həmin çağırışlara
qarşı tədbirlərin tətbiqinin əhəmiyyəti şübhəsizdir. Nəzərə almaq
lazımdır ki, hər bir cəmiyyət üçün təhlükəsizliyə müasir təhdidlər
kompleks xarakter daşıyır. Çox zaman onların daxili və xarici, iqti
sadi və siyasi təhdidlərə bölünməsi çətinlik törədir
(4).
Müasir dövrün yeni siyasi çağırışlarından biri kimi qlobal
laşma dalğası ilə imperializmin fərqli qiyafədə təzahürü bu
cür elementlər qarşısında islam həmrəyliyinin nə qədər vacib
olduğunu göstərir. Professor Hikmət Məmmədov müasir ki-
bertexnologiyaların və yaxud texnoloji innovasiyaların gətirdiyi
xüsusiyyətlər və keyfiyyətlərin cəmiyyət daxilində, eləcə də müa
sir beynəlxalq münasibətlər sistemində əhəmiyyətli dəyişikliklər
etmək gücündə olduğundan qloballaşma dövründə imperia
lizmin yeni forması kimi daha çox informasiya resursları və
Mədəniyyət. AZ / 4*2017
41
idarəetməsi üzərində qurulan "infoimperiaiizm'' anlayışını irəli
sürür. Hikmət Məmmədovun fikrincə, infoimperiaiizm adlandı
rılan yeni beynəlxalq siyasi sistem inkişaf prosesində olduqca
maraqlı, ancaq eyni zamanda proqnozlaşdırılması xeyli çətin
olan problemləridə əmələ gətirir. Bu problemlər cəmiyyətin
ən ağlagəlməz sahələrinə nüfuz etməklə bir sıra hallarda yeni
keyfiyyət dəyişikliklərinə, əksər hallarda isə dəhşətli aşınmalara
gətirib çıxarır
(5).
informasiya müharibəsinin, infoimperializmin kəskinləşdiyi
qloballaşan dünyamızda dezinformasiyadan ən çox əziyyət çəkən
elə islam dünyasıdır, islamı ləkələməyə çalışan, müsəlmanları
terrorçu kimi qələmə vermək istəyən islamofob dairələrin əsas
alətlərindən biri də media və digər informasiya vasitələridir.
İslam dini və müsəlmanları nüfuzdan salmağı, dini nifrət oyat
mağı hədəfləyən bu cür imperialist informasiyalara qarşı birgə
çıxış etməkdə islam həmrəyliyi təşəbbüsü mühüm rol oyna
ya bilər. Müsəlman dövlətləri arasında müxtəlif səviyyələrdə
sıx təmasların qurulması, informasiya imperiyasına qarşı
müqavimət resurslarının işə salınması, dünyaya nifrət deyil, sülh
mesajının verilməsi üçün islam həmrəyliyi böyük potensiala ma
lik bir yanaşmadır. Bu cür yanaşma ilə islam dünyasına daxil olan
dövlətlər həm müsəlmanlar haqqında mənfi obraz yaradılması
na çalışan qüvvələri ifşa etmiş olar, həm də milli dövlət kimi öz
dəyərlərinə qarşı istiqamətlənmiş çağırışlara adekvat cavab verə
bilər.
Dünyada vahid imperialist şəbəkə və yaxud şəbəkə hakimiyyəti
(netokratiya) formalaşdırılmasına, “qlobal dövləfin yaradılması
na istiqamətlənən proseslər milli dövlətlərin zəiflədilməsinə və
idarə edilə bilən olmasına gətirib çıxarmaqdadır. Əslində, info-
imperializm çərçivəsində idarəetmə aparatı kimi istifadə olunan
institusional qurum məhz milli dövlətlərdir. Çünki milli dövlət
real sosial-siyasi təsisat olmaq etibarilə başlıca idarəetmə apa
ratıdır. Elə ilkin idarəetmə institutları deyəndə də milli dövlətlər
nəzərdə tutulmuşdur. Nəticə etibarilə "Mondializm" və "Qlobal
dövlət" konsepsiyasında da milli dövlətlər “qlobal dövləfin da
yağı və yaxud institusional substratı kimi səciyyələndirilir.
Bunun üçün milli dövlətlərin gücünün və səlahiyyətlərinin
məhdudlaşdırılması nəzərdə tutulur
(6).
Bu prosesdə is
lam dövlətlərinin təkbaşına qlobal çağırışlara qarşı duruş
gətirə bilməsi olduqca çətin bir vəzifədir. Bu baxımdan
islam həmrəyliyi "Qlobal dövlət" istiqamətində irəliləyən
qloballaşma prosesindəki çağırışlara müqavimət göstərə
bilməsi üçün bir daha öz əhəmiyyətini göstərmiş olur. Təbii
ki, islamı bölmək istəyən qüvvələr bunu dərk edərək is
lam həmrəyliyinə qarşı öz məkrli fəaliyyətlərinə də davam
etməkdədirlər. Nazirlər Kabinetinin 2016-cı ilin sosial-iq
tisadi inkişafının yekunlarına və qarşıda duran vəzifələrə
həsr olunan iclasındakı yekun nitqində cənab prezident il
ham Əliyev bu gün fəaliyyət göstərən antiislam dairələrini
ifşa edərək qeyd etmişdin “Onlar öz imkanları hesabına
həm mediada, həm ictimai fikirdə, həm müxtəlif qeyri-
hökumət təşkilatları çərçivəsində rəy formalaşdırırlar ki,
islam dünya üçün təhlükədir, islamı terrorizmlə eyniləşdirirlər, is-
lamofobiyaya rəvac verirlər, xalqları dinə görə bölürlər, müsəlman
qaçqınlarına qarşı hörmətsizlik edirlər. Avropa ittifaqına üzv olan
bəzi ölkələrin rəhbərləri “Stop, islam!" deyirlər. Bəziləri deyirlər
ki, biz miqrantları qəbul etməyə hazırıq, ancaq müsəlmanları
yox. Bu, faşizmdir və faşizm harada yaranıb biz yaxşı bilirik və
unutmamışıq. Faşizm islam aləmində yaranmayıb. Ona görə də
islam Həmrəyliyi Oyunlarının çox böyük mənası var. Biz bu oyun
ları keçirməklə bir daha gücümüzü, imkanlarımızı göstərəcəyik,
dini dəyərlərimizə sadiqliyimizi nümayiş etdirəcəyik, çalışacağıq
ki, islam aləmini birləşdirək. Bizi bölmək, aramıza nifaq salmaq,
bir-birimizə qarşı qoymaq istəyənlər öz hədəflərinə çatmamalı
dırlar”
(7).
Beynəlxalq münasibətlər müstəvisi fərqli ərazi ölçülərinə
malik olan subyektlərin (iştirakçıların, münasibət tərəflərinin),
elementlərin, ünsürlərin yan-yana coğrafi-siyasi düzülüşü ilə
xassələnir. Beynəlxalq münasibətlərin harmonizasiyası başlı
ca olaraq fərqli elementlərin bir-biri ilə müxtəlif səviyyələrdə
və məsələlərdə yaranan əlaqələri, təmasları ilə meydana gəlir
(8).
Beləliklə, qeyd edə bilərik ki, islam həmrəyliyi konsepsiyası
qlobal çağırışlara qarşı səmərəli müqavimət göstərməklə yana
şı, beynəUalq münasibətlərdə də bir harmoniyanın, müsəlman
dövlətlərin qeyri-müsəlman dövlətləri ilə münasibətlərində
ahəngin yaranmasında mühüm rol oynayan bir konsepsiyadır.
Bu gün islam dünyasında milyardlarla dollarlıq valyuta ehti
yatları ilə zənginləşmiş, yüksək rifah halında yaşayan bəzi ərəb
dövlətləri ilə yanaşı, xüsusilə Afrika qitəsində yerləşən, əhalisi
aclıqdan əziyyət çəkən, minimum iqtisadi imkanlardan, inves
tisiyalardan məhrum olan, qeyri-müsəlman dövlətlərinin və
beynəlxalq təşkilatların yardımına möhtac qalmış müsəlman
dövlətləri də mövcuddur. Görünən odur ki, bəzi müsəlman
dövlətlərinin ictimai-siyasi, iqtisadi geriliyində islam dünya
sının öz günahları da böyük təsir göstərir və təəssüflər olsun
ki, islam dünyasındakı həmrəyliyə xidmət edən və mane olan
42
Mədəniyyət. AZ / 4 • 2017
faktorların analizi müsəlman dövlətləri arasındakı beynəlxalq
münasibətlərdə ikincilərin sayca daha çox və daha təsirli oldu
ğunu göstərməkdədir. Bu baxımdan islam həmrəyliyi iqtisadi
imkanların da səfərbər edilməsinə yönəlmiş təşəbbüs kimi vur
ğulana bilər.
islam həmrəyliyi bütün dünyanı düşündürən növbəti bir ça
ğırış - sivilizasiyalararası toqquşmanın qarşısının alınması
kontekstində də böyük əhəmiyyət kəsb etməkdədir. ABŞ alimi
Samuel Hantinqtonun “Sivilizasiyaların toqquşması” nəzəriyyəsi
1993-cü ildə ABŞ-ın xarici siyasət jurnalı olan “Foreign affairs"də
dərc edilən məqaləsi ilə məşhurlaşmış, təhlükəli bir proqnoz kimi,
əslində, dünya üçün qlobal çağırışa çevrilmişdir (9). Təbii ki, biz
buna görə Samuel Hantinqtonu “çağırışın müəllifi" kimi günah
landırmır, əksinə, mövcud reallıqları ifadə edən bir nəzəriyyə kimi
müsbət qarşılayırıq, lakin sivilizasiyaların toqquşmasının qaçınıl-
mazlığı fikrinə təslim olmağı düzgün hesab etmirik və bunun qar
şısının alınmasında sivilizasiyaların imkanlarının tükənmədiyinə
inanırıq.
Nə
qədər paradoksal görünsə
də,
sivilizasiyalararası
münaqişənin həmin sivilizasiyaların içində gedən proseslərdən,
parçalanmalardan
doğacağı
T
fikri
elə
Hantinqtonun
özü
tərəfindən irəli sürülür. Professor Ali Yaşar Sarıbayın fikrincə.
Hantinqtonun önə sürdüyü gerçəkliklər bir cümlə ilə belə xülasə
edilə bilər; “Sivilizasiyaları təşkil edən cəmiyyətlərin içində
düşdükləri parçalanmışlıq və bölünmüşlük bu çarpışmanı
(sivilizasiyalararası toqquşmanı) doğuracaqdır” 00). Daxilən
parçalanmış sivilizasiya öz vahid mövqeyini itirir ki, bu gün biz
bunu beynəlxalq münasibətlərdə islam dünyasının simasında
müşahidə edə bilərik. Terrorçu qrupların islam adına çıxılması,
idarəçiliyi itirilmiş müsəlman dövlətlərində radikallığın artması,
məzhəblərarası gərginliyin alovlandırılması ilə islam sivilizasiyası
da böyük zərər görərək parçalanmağa doğru sürüklənməkdədir.
Bu isə son nəticədə daxildən islam sivilizasiyası adından çıxan hər
hansı qüvvənin digər sivilizasiya ilə qarşıdurmaya getməsinə və
bununla da sivilizasiyaları məcburən toqquşmaya istiqamətləndirə
bilər. Həmrəylik ideyası isə sivilizasiyanın bütövləşməsinə,
radikallığın qarşısının alınmasına, sağlam düşüncələrin üstünlük
qazanmasına səbəb olan bir yanaşmadır. Bu nöqteyi-nəzərdən
Azərbaycan Respublikasının islam həmrəyliyi konsepsiyası
təkcə islam dünyasındakı cəmiyyətlər arasında parçalanmaların,
bölünmələrin qarşısının alınmasını hədəfləyən konsepsiya kimi
deyil, bütövlükdə sivilizasiyalararası toqquşmanı da istisna edən
yanaşma kimi öz əhəmiyyətini aşkar etmiş olur.<-
Ədəbiyyat;
1. Hikmət Babaoğlu. Dünya siyasəti və beynəlxalq münasibətlər. Dərslik. Bakı-2010, səh. AA9.
2. Geopolitical Challenges o f Convergence in Islam ic World. Hafeznia M. R., Zarghani S.H. Human Geography Research Quarterly, No. 80,
Summer 2012.
3. Ə.M.Həsənov. Xəzər - Qara dəniz hövzəsi və Cənubi Qafqazın geoiqtisadiyyati: Azərbaycanın enerji siyasəti. Bakı, “Zərdabi LTD" MMC,
2016, səh. 9.
4. Xəlilov Cəlil. “Milli təhlükəsizlik strategiyası”. Bakı, 2016, səh. 139.
5. Hikmət Baba oğlu Məmmədov. “İnfoimperializm və media”. Bakı, “MSA", 2013, səh. 12.
6. Yenə orada, səh. 24.
7. http://president. az/articles/22435
8. E.M.Nəsibov. Münasibətlərin balanslaşdırılması (dövlətdaxili siyasətdə və beynəlxalq aləmdə). Dinamik inkişaf; sabitlik; sülh (dünya sül
hü). I cild. Bakı, “Elm və təhsil”, 2012, səh. 320.
9. Huntington, Samuel P. “The Clash o f Civilizations” Foreign A ffairs Vol. 72. No 3 (Summer 1993), p. 22-49.
10. MEDENİYYETLER ÇATIŞMASINDAN DİYALOĞA. Gazeteciler ve Yazarlar Vakfı Yayınlan. ZAMAN. İstanbul-2000, səh. 169.
Резюме
Современные международные отношения в странах исламского
мира сталкиваются с большими трудностями. В связи с этим,
понятие исламской солидарности актуализируются в ответ на
вызовы, с которыми сталкивается исламский мир в контексте
процесса тобализации. Обо всем этом говорится в этой статье.
В статье проанализирован важность инициативы Исламской
солидарности в Азербайджанской Республике против современных
тобальных проблем.
Ключевые слова: исламский мир, солидарность, концепция, мир,
вызов.
Summary
In Contemporary international relations the countries of the Isla
mic world with a wave of globalization faced great difficulties and
challenges in order to protect from the adverse effects of globa
lization and to create a balance between the national economic,
political and cultural features and globalization. In this regard,
the concept of Islamic solidarity actualized as a response to the
challenges facing the Islamic world in the context of ongoing glo
balization. In this article the importance of the Islamic Solidarity
initiative of the republic of Azerbaijan against the modern global
challenges has been analyzed.
Key words: the Islamic world, solidarity, concept, peace, chal
lenge.
Mədəniyyət.AZ / 4 • 2017
43
Dostları ilə paylaş: |