BAKI UNİVERSİTETİNİN XƏBƏRLƏRİ
№2
Humanitar elmlər seriyası
2011
KİTABXANAŞÜNASLIQ
UOT 654.19; 002.2
AZƏRBAYCAN RESPUBLİKASININ REGİONLARININ
KİTABXANA-İNFORMASİYA RESURSLARININ
YERLƏŞMƏSİNİN VƏZİYYƏTİ
İ.Z.BAYRAMOVA
Бakı Dövlət Universiteti
irade8@rambler.ru
Məqalədə Azərbaycan Respublikasının regionlarında kitabxana-informasiya resursla-
rının müasir vəziyyəti, kitabxanaların insanların mədəni–intellektual potensialının artırılma-
sındakı rolu, onlara göstərilən dövlət qayğısı tədqiq edilmişdir.
Açar sözlər: Kitabxana-informasiya təminatı, informasiya resursları, kadr təminatı
Azərbaycan Respublikası Prezidentinin 2004-cü il 11 fevral tarixli
Fərmanı ilə “Azərbaycan Respublikası regionlarının sosial-iqtisadi inkişafı
Dövlət Proqramı (2004-2008-ci illər)” təsdiq edildi (1). Dövlət Proqramından
da məlum olduğu kimi, Azərbaycan Respublikası 10 iqtisadi rayona bölünür.
Bu iqtisadi rayonlar aşağıdakılardır: 1) Abşeron iqtisadi rayonu; 2) Gəncə-
Qazax iqtisadi rayonu; 3) Aran iqtisadi rayonu; 4) Quba-Xaçmaz iqtisadi rayo-
nu; 5) Şəki-Zaqatala iqtisadi rayonu; 6) Dağlıq Şirvan iqtisadi rayonu; 7) Lən-
kəran iqtisadi rayonu; 8) Naxçıvan iqtisadi rayonu; 9) Kəlbəcər-Laçın iqtisadi
rayonu; 10) Yuxarı Qarabağ iqtisadi rayonu. Bu iqtisadi rayonlar iqtisadi
potensialına, təbii sərvətlərinin miqyasına, məşğulluq səviyyəsinə görə bir-
birindən fərqlənir. İqtisadi, coğrafi və tarixi baxımdan iqtisadi rayonları fərq-
ləndirən amillər əsasən aşağıdakılardır: iqtisadi-coğrafi mövqeyi; təbii şəraiti
və ehtiyatları; əhalinin məskunlaşması səviyyəsi; regionun sahə və ərazi quru-
luşu; tarixi inkişaf xüsusiyyətləri;
Azərbaycan Respublikası Prezidenti 14 aprel 2009-cu il tarixində “Azər-
baycan Respublikası regionlarının 2009-2013-cü illərdə sosial-iqtisadi inkişafı
Dövlət Proqramının təsdiq edilməsi haqqında” Fərman imzaladı (2). Dövlət
Proqramında növbəti beş ildə həlli nəzərdə tutulan tədbirlər içərisində region-
lararası mədəni əlaqələrin möhkəmləndirilməsi, milli mədəniyyətin ümumdün-
ya mədəni proseslərinə inteqrasiyası, Azərbaycan Respublikasının mədəni irsi-
nin qorunmasının təmin edilməsi, kitabxana fondlarında müasir komplektləş-
dirmə mexanizminin yaradılması, kitabxanaların informasiya təminatı və ölkə
250
üzrə kitabxana-informasiya kompyuter şəbəkəsinin yaradılması və inkişafı və
s. kimi məsələlər də var idi.
Azərbaycan Respublikasının ayrı-ayrı regionlarında, kitabxana-informa-
siya sahəsinin inkişafından, gələcək perspektivlərindən bəhs edərkən, bu
sahədə 2008-ci il 6 oktyabr tarixində Azərbaycan Respublikası Prezidenti
tərəfindən imzalanmış “Azərbaycan Respublikasında kitabxana-informasiya
sahəsinin 2008-2013-cü illərdə inkişafı üzrə Dövlət Proqramı”nı xüsusi ilə
qeyd etmək lazımdır (3, 6-29). Bu sərəncamın yerinə yetirilməsinə uyğun
olaraq, Azərbaycan Respublikasının Dövlət Statistika Komitəsi tərəfindən
2009-cu il sentyabr ayının 1-dən 10-dək Azərbaycan Respublikasının regionla-
rında yerləşən kitabxanalarda monitorinq keçirilmişdir. Monitorinqin keçiril-
məsində əsas məqsəd, əhaliyə göstərilən kitabxana-informasiya xidmətinin
səviyyəsinin yüksəldilməsi, kitabxana-informasiya sahəsində yeni texnologi-
yaların tətbiqi və istifadəsi nəticəsində onun dünya standartları səviyyəsinə
çatdırılması, elektron informasiya daşıyıcılarının formalaşdırılması və virtual
kitabxanaların inkişaf etdirilməsi, kitabxanaların kadr təminatının yaxşılaş-
dırılması, fasiləsiz təhsilin təmin edilməsinə şərait yaradılması istiqamətində
olmuşdur (6, 3). Monitorinq zamanı kütləvi, uşaq, gənclər, elmi, elmi-texniki
digər ixtisaslaşdırılmış, həmçinin müəssisələrin nəzdində olan 8507 kitabxa-
nanın 72,7 faizinin kənd yaşayış məntəqələrində olması məlum olmuşdur.
Kitabxanaların növlərinə əsasən bölgüsü aşağıdakı kimidir: Mədəniyyət və
Turizm Nazirliyinin tabeliyində 46,6%; Təhsil Nazirliyi tabeliyində 50,7%.
Bu kitabxanaların iqtisadi rayonlar üzrə bölgüsündən aydın olur: Bakı
şəhəri 8,4%; Aran iqtisadi rayonu 23,4%; Gəncə-Qazax iqtisadi rayonu 14,9%;
Abşeron iqtisadi rayonu 2,1%; Quba-Xaçmaz iqtisadi rayonu 8,2%; Şəki-
Zaqatala iqtisadi rayonu 9 %; Lənkəran iqtisadi rayonu 11,7 %; Naxçıvan
iqtisadi rayonu 5,8%; Dağlıq Şirvan iqtisadi rayonu 4,9%; Kəlbəcər-Laçın
iqtisadi rayonu 4,5%; Yuxarı Qarabağ iqtisadi rayonu 7,1% .
Azərbaycan Respublikasında kitabxanaların 111 milyon nüsxədən ibarət
olan informasiya resurslarının 80,5%-ni kitablar, 5,4%-ni qəzet və jurnallar,
14,1%-ni isə digər materiallar təşkil edir. Onların 27,2%-i kənd kitabxanala-
rındadır. Kənd kitabxanalarında informasiya resurslarının 99%-ni kitablar,
0,6%-ni qəzet və jurnallar, 0,4%-ni isə digər materiallar təşkil edir. Kənd ki-
tabxanalarında olan informasiya resurslarının 52,3%-i Mədəniyyət və Turizm
Nazirliyinin tabeliyindəki kütləvi kitabxanalardadır. Təhsil Nazirliyi tabe-
liyində olan ilk peşə-ixtisas təhsil müəssisələrində və ümumtəhsil məktəblə-
rində cəmi 47,2% informasiya resursu var. İnformasiya resurslarının 65,5%-i
Azərbaycan, 31,1%-i rus, 2%-ingilis, 1,4%-i digər dillərdədir. Azərbaycan di-
lində olan ümumi fondun 71,9%-i latın, 28,1%-i kiril əlifbasındadır. Azərbay-
can dilinin latın qrafikasında olan fondun xüsusi çəkisi kənd yaşayış məntə-
qələrində 56,8%-dir. Kənd kitabxanaları 5,8% kompyuterlə təchiz edilmişdir.
Kənd yaşayış məntəqələrində yerləşən kitabxanalara edilən müraciətlərin
48,3%-i 18 yaşınadək istifadəçilər tərəfindən edilmiş, 65,2%-i kütləvi, 33,5%-i
251
ümumtəhsil məktəbləri, 0,1%-i isə ilk peşə-ixtisas müəssisələrində yerləşən
kitabxanalara olmuşdur. Kənd yerlərində Mədəniyyət və Turizm Nazirliyi
tabeliyində yerləşən kitabxanalar tərəfindən 18 yaşınadək istifadəçilərə 55,7%
kitab verilmişdir. Bu kənd musiqi məktəblərində 73,5%, ümumtəhsil məktəb-
lərində isə 85,9 % olmuşdur. Ölkə üzrə kitabxanalarda cəmi 8727 nəfər mütə-
xəssis var. Onların 4129 nəfəri kənd yaşayış məntəqələrindəki kitabxanalarda
işləyir. Kənd kitabxanalarında işləyən mütəxəssislərin sayı aşağıdakı kimidir:
ali ixtisas təhsillilər 206 nəfər; ali qeyri-ixtisas təhsillilər 308 nəfər; orta ixtisas
təhsillilər 820 nəfər; orta qeyri-ixtisas təhsillilər 635 nəfər; ümumi orta təhsil-
lilər isə 2160 nəfər.
Azərbaycan Respublikasının regionlarında kitabxana-informasiya resurs-
larının yerləşməsi vəziyyəti və ondan səmərəli istifadənin perspektivlərinin
ümumi mənzərəsi belədir: Abşeron iqtisadi rayonu: Abşeron, Xızı inzibati
rayonlarını, Bakı və Sumqayıt şəhərlərini əhatə edir. Əhalinin ümumi sayı
387,9 min nəfər olmaqla ölkə əhalisinin 4,8%-ni təşkil edir. Əhalinin 82,5%-i
Bakı şəhərinin, 17,5%-i isə digər inzibati rayonların payına düşür və 89,1%-ni
azərbaycanlılar, 5,76%-ni ruslar, qalan 5,2%-ni isə digər milli və etnik qruplar
təşkil edir. Abşeron iqtisadi rayonu üzrə 182 kitabxana var. Abşeron və Xızı
rayonları üzrə kənd yaşayış məntəqələrində 79,7% kitabxana Mədəniyyət və
Turizm Nazirliyinin tabeliyində fəaliyyət göstərir. Təhsil Nazirliyi tabeliyində
fəaliyyət göstərən kitabxanalar hər iki rayonda birlikdə 120,3% edir. Ayrılıqda
isə bu göstərici belədir: Abşeron rayonu üzrə 64,7%, Xızı rayonu üzrə 55,6%.
Abşeron iqtisadi rayonu üzrə cəmi 3257798 nüsxə informasiya resursu var ki,
onun da 36,4%-i Abşeron rayonu üzrə, 47,8%-i Xızı rayonu üzrə kənd yaşayış
məntəqələrində yerləşir (6.S.48). Azərbaycan Respublikasının iqtisadi rayonla-
rı içərisində iqtisadi əhəmiyyətinə görə ikinci yerdə Gəncə-Qazax iqtisadi
rayonu durur. İqtisadi rayon Ağstafa, Qazax, Tovuz, Daşkəsən, Gədəbəy,
Samux, Şəmkir, Göy-Göl, Goranboy rayonlarını, Gəncə və Naftalan kimi
şəhərləri əhatə etməklə Azərbaycanın qərbində yerləşir. Əhalinin ümumi sayı
1103,3 min nəfər olmaqla ölkə əhalisinin 13,6%-ni təşkil edir. İqtisadi rayonda
əhalinin 53%-i kənd yaşayış məntəqələrində yaşayır. İqtisadi rayonda cəmi
1265 kitabxana var. Onlardan 78,6% kənd yaşayış məntəqələrindədir (6, 23).
Kitabxana fondunun informasiya mənbələrinə görə bölgüsü zamanı Gəncə-
Qazax iqtisadi rayonunda 11773454 nüsxə informasiya resursunun 46,5%-nin
kənd kitabxanalarının payına düşdüyü məlum olur. İqtisadi rayonda 1125
nəfər kitabxana mütəxəssisi var (6, 75). Onların təhsil səviyyələrinə görə
bölgüsü aşağıdakı kimidir: ali ixtisas təhsillilər 89 nəfər; ali təhsilli qeyri
ixtisas-təhsillilər 129 nəfər; orta-ixtisas təhsillilər 225 nəfər; orta qeyri-ixtisas
təhsillilər 173 nəfər; ümumi orta təhsillilər 509 nəfər. İnformasiya resurs-
larının kənd yaşayış məntəqələrinə görə bölgüsünə əsasən Qazax rayonunda
68,2%, Tovuz rayonunda 67,4%, Ağstafa rayonunda 72,3%, Şəmkir rayonun-
da 70,4%, Gədəbəy rayonunda 78,9%, Daşkəsən rayonunda 61,4%, Goranboy
rayonunda 70,8%, Göygöl rayonunda 58%, Samux rayonuda 60,8% informasi-
252
ya mənbələri var (6, 57) Azərbaycan Respublikasının iqtisadi rayonlarından
biri də Şəki-Zaqatala iqtisadi rayonudur. Bu iqtisadi rayon Azərbaycanın
şimal-qərbində yerləşir. İqtisadi rayonun ərazisinin ümumi sahəsi 8,96 min kv.
km olmaqla, ölkə ərazisinin 10,3%-ni təşkil edir. İqtisadi rayonun əhalisinin
ümumi sayı 531,9 min nəfər olmaqla ölkə əhalisinin 6,5%-ni təşkil edir. Şəki-
Zaqatala iqtisadi rayonunda cəmi 764 kitabxana resursu var. Bu kitabxanaların
83,6%-i kənd yaşayış məntəqələrində fəaliyyət göstərir. İqtisadi regionun
tərkibinə Balakən, Qax, Qəbələ, Oğuz, Şəki, Zaqatala rayonları daxildir. Kənd
yaşayış məntəqələrində yerləşən kitabxanaların bölgüsü aşağıdakı kimidir:
Balakən rayonu 88%; Qax rayonu 88,7%; Qəbələ rayonu 90,3%; Oğuz rayonu
88,2%; Şəki rayonu 71%; Zaqatala rayonu 85,7%; Ümumi hesablamalara
görə, Şəki-Zaqatala iqtisadi regionunda kənd yaşayış məntəqələrindəki kitab-
xanaların 53,5%-i Mədəniyyət və Turizm Nazirliyinin, 46%-i isə Təhsil Nazir-
liyinin tabeliyində fəaliyyət göstərir. Kitabxana fondunun bölgüsünə görə,
ümumilikdə iqtisadi rayonda kitabxana-informasiya resurslarının 5515558
nüsxə olması məlumdur. İnformasiya resurslarının 62,7%-i kənd kitabxanaları-
nın payına düşür. Regionun kənd kitabxanalarında cəmi 10 kompyuter var.
İqtisadi rayonda olan 640 nəfər kitabxana mütəxəssisindən 535 nəfəri kənd
kitabxanalarında çalışır.
Azərbaycan Respublikasının iqtisadi rayonları içərisində önəmli yerlər-
dən birini də Lənkəran iqtisadi rayonu tutur. Azərbaycan Respublikasının Lən-
kəran iqtisadi rayonu Astara, Cəlilabad, Lerik, Masallı, Yardımlı və Lənkəran
inzibati rayonlarının ərazisini əhatə etməklə, Azərbaycanın cənub-şərqində
yerləşir. İqtisadi rayonun ümumi sahəsi 6,08 min kv.km olmaqla, ölkə ərazisi-
nin 7%-ni əhatə edir. Əhalinin ümumi sayı 753,7 min nəfər olmaqla ölkə
əhalisinin 9,3%-ni təşkil edir. Ölkə kitabxana resursunun 11,7%-i bu iqtisadi
rayonun payına düşür. Kitabxanaların sayına görə Cəlilabad (211), Lənkəran
(191) və Masallı rayonları (174) xüsusilə fərqlənir. Ümumiyyətlə, iqtisadi
rayonunun kitabxana-informasiya resursları ölkə informasiya resurslarının
5,9%-ni təşkil edir. Belə ki, regionun ümumi kitabxana resursları 6578166
nüsxə çap vahidi ilə ölçülür. Lənkəran iqtisadi rayonununda ümumi əhalinin
86%-i azərbaycanlılar, 13,5%-i talışlar, 0,3%-i ruslar, 0,1%-i avarlar, 0,1%-i
isə digər millətlərdir. (8, 331). İqtisadi rayonda cəmi 994 kitabxana resursu
var. Onların 86,4%-i kənd yaşayış məntəqələrində yerləşir. Kənd kitabxanala-
rının 49,5%-i Mədəniyyət və Turizm Nazirliyinin, 50,2%-i isə Təhsil Nazirli-
yinin tabeliyindədir (6, 23-41). Lənkəran iqtisadi rayonunda, kənd kitabxa-
nalarında cəmi 15 kompyuter var. İqtisadi rayonda ümumi informasiya resurs-
larının 62,9%-i kənd kitabxanalarında yerləşir. Onların 99,6%-ni kitablar təşkil
edir. İqtisadi rayonun kitabxanalarında 734 nəfər kitabxana mütəxəssisi var.
Onlardan 611 nəfəri kənd kitabxanalarında çalışır. Bu mütəxəssislərin təhsil
səviyyəsi aşağıdakı kimidir: ali ixtisas təhsillilər 37 nəfər; ali qeyri-ixtisas
təhsillilər 29 nəfər; orta-ixtisas təhsillilər 107 nəfər; orta qeyri-ixtisas təhsilli-
lər 110 nəfər; ümumi orta təhsillilər 328 nəfər.
253
Azərbaycan Respublikasının regionları içərisində Quba-Xaçmaz iqtisadi
rayonu da xususi yer tutur. İqtisadi rayon Şabran, Xaçmaz, Quba, Qusar və
Siyəzən inzibati rayonlarını əhatə edir. İqtisadi rayonun ümumi sahəsi 7,66
min kv.km olmaqla, ölkə ərazisinin 8,8%-ni təşkil edir. Region əhalisinin
ümumi sayı 453,1 min nəfər olmaqla, ölkə əhalisinin 5,6%-ni təşkil edir. Əha-
linin 32%-i şəhərlərdə, 68%-i kəndlərdə yaşayır. İqtisadi rayonda cəmi 698
kitabxana resursu var. Onların 593-ü kənd yaşayış məntəqələrində yerləşir.
Kənd kitabxanalarının 334-ü Mədəniyyət və Turizm Nazirliyinin, 259-u isə
Təhsil Nazirliyinin tabeliyində fəaliyyət göstərir (6, 26-43). Quba-Xaçmaz
iqtisadi rayonunda kitabxanalarda 4782603 nüsxə informasiya resursu var.
Onun 3190555 nüsxəsi kənd yaşayış məntəqələrindədir. Kənd kitabxanaların-
dakı informasiya resursunun 99,4%-i kitablardır. İqtisadi rayonun kənd kitab-
xanalarında cəmi 7 kompyuter var. Ümumi yekuna görə, kitabxanalaların cəmi
8,2%-i kommunikasiya texnologiyaları ilə təmin olunmuşdur. İqtisadi rayonun
569 nəfər kitabxana mütəxəssisindən 479 nəfəri kənd kitabxanalarında çalışır.
Azərbaycan Respublikasının Aran iqtisadi rayonu Ağcabədi, Ağdaş,
Beyləqan, Bərdə, Biləsuvar, Göyçay, Hacıqabul, İmişli, Kürdəmir, Neftçala,
Saatlı, Sabirabad, Salyan, Ucar, Zərdab inzibati rayonlarını və Şirvan, Mingə-
çevir, Yevlax şəhərlərini əhatə edir. İqtisadi rayonun ümumi sahəsi 21,43 min
kv. km olmaqla ölkə ərazisinin 24,7%-ni əhatə edir. Aran iqtisadi rayonunda
1988 kitabxana resursu var. Onlardan 1571-i kənd yaşayış məntəqələrindədir.
Bu kitabxanalardan 875-i Mədəniyyət və Turizm Nazirliyinin, 688-i isə Təhsil
Nazirliyinin tabeliyindədir. Ümumiyyətlə, iqtisadi rayonun kənd yaşayış mən-
təqələrində 7842550 nüsxə informasiya resursu var ki, onun 98,9%-i kitablar-
dır (6, 55-56). İqtisadi rayonun kənd kitabxanalarında 25 kompyuter var. Ra-
yonda cəmi 1932 nəfər kitabxana mütəxəssisi var və onların təhsil səviyyəsi
belədir: ali-ixtisas təhsillilər 133 nəfər; ali-qeyri-ixtisas təhsillilər 132 nəfər;
orta ixtisas təhsillilər 437 nəfər; orta-qeyri-ixtisas təhsillilər 306 nəfər; ümumi
orta təhsillilər 924 nəfər. Mütəxəssislərin 1558 nəfəri kənd yaşayış məntəqələ-
rindəki kitabxanalarda çalışır (6, 75-83).
Azərbaycan Respublikasının Dağlıq Qarabağ və Kəlbəcər-Laçın iqtisadi
rayonları işğal altındadır. Bu iqtisadi rayonlarda, kitabxanalar, məktəblər,
muzeylər və bir çox maddi və mədəniyyət abidələri dağıdılmış, məhv edilmiş-
dir. Artıq uzun illərdir ki, Dağlıq Qarabağda, Kəlbəcər-Laçında və digər işğal
olunmuş ərazilərdə yaşayan xalqımız məcburi şəkildə doğma yurd-yuvasından
didərgin düşərək, respublikamızın müxtəlif regionlarında yaşayırlar. Dağlıq
Qarabağ iqtisadi rayonu Ağdam, Tərtər, Xocavənd, Xocalı, Şuşa, Cəbrayıl,
Füzuli rayonlarını və Xankəndi şəhərini əhatə edir. İqtisadi rayonun Xoca-
vənd, Xocalı, Şuşa, Cəbrayıl rayonlarının və Xankəndi şəhərinin əraziləri
tamamilə, Ağdam, Füzuli və Tərtər rayonlarının əraziləri isə qismən erməni
işğalı altındadır. Bu səbəbdən Dövlət Proqramı çərçivəsində bu iqtisadi rayon
üzrə Ağdam və Füzuli rayonlarının işğal olunmamış ərazilərinin və Tərtər
rayonunun inkişafına dair tədbirlərin həyata keçirilməsi nəzərdə tutulur.
254
Hazırda 1482 kv.km ərazini əhatə edən bu üç rayonda 211,8 min əhali yaşayır.
Dağlıq Qarabağ iqtisadi rayonunda cəmi 608 kitabxana resursu var. Bu ölkə
üzrə göstəricilərin 7,1%-i deməkdir. Kitabxanaların 36,2%-i Mədəniyyət və
Turizm Nazirliyinin, 59,1%-i isə Təhsil Nazirliyinin tabeliyində fəaliyyət gös-
tərir. Bu kitabxanaların 442-i (72,7%) kənd yaşayış məntəqələrində yerləşir.
Ümumi yekuna görə iqtisadi rayonun kənd kitabxanaları ölkə üzrə göstəricilə-
rin 2,3%-ni təşkil edir. İqtisadi rayonun kənd yaşayış məntəqələrində Mədə-
niyyət və Turizm Nazirliyinin tabeliyində 197, Təhsil Nazirliyinin tabeliyində
236 kitabxana fəaliyyət göstərir. Dağlıq Qarabağ iqtisadi rayonunda 2072714
nüsxə informasiya resursundan 1264257 nüsxəsi kənd kitabxanalarındadır.
98,2% olmaqla, fondun əsasını kitablar təşkil edir (6, 23-56). Kənd kitabxana-
larında cəmi 2 kompyuter var. İqtisadi rayonda 560 nəfər kitabxana mütəxəssi-
si var. Onların ixtisas səviyyəsinə görə bölgüsü belədir: ali-ixtisas təhsillilər 33
nəfər; ali-qeyri-ixtisas təhsillilər 56 nəfər; orta ixtisas təhsillilər 147 nəfər;
orta-qeyri-ixtisas təhsillilər 94 nəfər; ümumi orta təhsillilər 230 nəfər. İqtisadi
rayon üzrə mütəxəssislərin yalnız 32,2%-i kitabxana üzrə ali və orta-ixtisas
təhsillidir. Kənd kitabxanalarında çalışan 406 nəfər mütəxəssisdən 33,3%-nin
ali və orta-ixtisas təhsilli, 20,4%-nin ali və orta qeyri-ixtisas təhsilli, 46,3%-
nin isə ümumi orta təhsilli olması məlum olur.
Kəlbəcər-Laçın iqtisadi regionunda cəmi 381 kitabxana resursu var. Bu
kitabxanaların 289-u kənd yaşayış məntəqələrindədir. 116 kitabxana Mədəniy-
yət və Turizm Nazirliyinin, 173 kitabxana isə Təhsil Nazirliyinin tabeliyində
fəaliyyət göstərir. İqtisadi rayonda cəmi 1055843 nüsxə informasiya resursu
var. Fondun 446165 nüsxəsi kənd kitabxanalarında yerləşir ki, onun da
444976 nüsxəsini kitablar təşkil edir (6, 44-66). Regiondakı kitabxanalarda
cəmi 369 nəfər mütəxəssis çalışır. Mütəxəssislərdən 277 nəfəri kənd kitabxa-
nalarında çalışır ki, onlardan 29%-i ali və orta-ixtisas təhsilli, 34,4%-i ali və
orta qeyri-ixtisas təhsilli, 36,6%-i ümumi orta təhsillidir.
Azərbaycan Respublikasının Dağlıq Şirvan iqtisadi rayonunun ərazisi
6,06 min kv.km olub, ölkə ərazisinin 6,9%-ni təşkil edir. Bu iqtisadi rayona
Şamaxı, İsmayıllı, Ağsu və Qobustan inzibati rayonları daxildir. İqtisadi rayon
ölkə kitabxana resurslarının 4,9%-ni təşkil edir. İqtisadi rayonda 419 kitabxana
resursu fəaliyyət göstərir. Bunlardan 366-ı və ya 87,4%-i kənd yaşayış mər-
kəzlərində yerləşmişdir ki, bu da ölkə kitabxana resurslarının 5,9%-ni təşkil
edir. İqtisadi rayon üzrə kitabxanalar inzibati rayonlar baxımından aşağıdakı
kimi yerləşmişdir: İsmayıllı rayonu 126 kitabxana; Şamaxı rayonu 122
kitabxana; Ağsu rayonu 119 kitabxana; Qobustan rayonu 52 kitabxana. Bəhs
edilən regionda kitabxana resursları kənd yaşayış məntəqələri üzrə bu şəkildə
yerləşmişdir: Ağsu rayonunda 91,6%, İsmayıllı rayonunda 88,9%, Qobustan
rayonunda 96,5, Şamaxı rayonunda isə 82%. İqtisadi rayonda fəaliyyət
göstərən kitabxanaların 43,7%-i Mədəniyyət və Turizm Nazirliyinin, 53,4%-i
Təhsil Nazirliyinin payına düşür. Dağlıq-Şirvan iqtisadi rayonunun informa-
siya resursları ölkə kitabxana-informasiya resurslarının 2,3%-ni təşkil edir və
255
2,6 milyon nüsxəyə yaxındır. İnformasiya resursunun 69,1%-i kənd yaşayış
məntəqələrində toplanmışdır. İqtisadi rayonda 292 kitabxana mütəxəssisi
fəaliyyət göstərir. Onlardan 2,7%-i ali ixtisas təhsilli, 5,1%-i ali qeyri-ixtisas
təhsilli, 19,9%-i orta-ixtisas təhsilli, 18,2%-i orta qeyri-ixtisas təhsilli, 54,1%-i
isə ümumi orta təhsilli kadrlardan ibarətdir (6, 75-83).
Azərbaycan Respublikasının Naxçıvan iqtisadi rayonunun ərazisi 5,5
min kv.km-dir. İnzibati cəhətdən iqtisadi rayonun tərkibinə Naxçıvan, Ordu-
bad, Culfa, Babək, Şahbuz, Şərur, Sədərək və Kəngərli rayonları daxildir.
2009-cu ilin statistik məlumatına əsasən iqtisadi rayonun əhalisi 397,4 min
(4,6%) olmuşdur. Naxçıvan iqtisadi rayonunda əhalinin 73%-i kənd yaşayış
məntəqələrində yaşayır. Hazırda iqtisadi rayonda 491 kitabxana fəaliyyət gös-
tərir və onların 397-i (80,9%) kənd yaşayış məntəqələrində yerləşir. İqtisadi
rayonda olan kitabxanaların 47,7%-i Mədəniyyət və Turizm Nazirliyinin,
46,4%-i isə Təhsil Nazirliyinin tabeliyindədir. Bu kitabxanalar ölkə kitabxana
resurslarının 5,8%-ni təşkil edir. Kitabxanaların ümumi informasiya resursları
4696103 nüsxə təşkil edir. Bu resursların 49,8%-i kənd yaşayış məntəqələrin-
də yerləşir ki, bu da ölkə informasiya resurslarının 7,7%-i deməkdir. İqtisadi
rayon üzrə kitabxana mütəxxəsislərinin 33%-i ali ixtisas təhsilli, 10,1%-i orta-
ixtisas təhsilli, 10,4%-i ali qeyri-ixtisas təhsilli, 9,8%-i isə orta qeyri-ixtisaslı
kadrlardır. Bu da ümumilikdə, 20,2 %-təşkil edir. Kitabxanaçı-biblioqraf kadr-
larının 614 nəfəri (88,9%) kənd yaşayış məntəqələrində fəaliyyət göstərən
kitabxana resurslarını idarə edir.
Kitabxana-biblioqrafiya işinin inkişafı və bu sahənin daha da yaxşılaşdı-
rılmasına dövlətimiz tərəfindən daim qayğı göstərilmişdir. “Azərbaycanda
kitabxanaların fəaliyyətinin yaxşılaşdırılması haqqında” Azərbaycan Respubli-
kasının Prezidentinin 20 aprel 2007-ci il sərəncamında deyildiyi kimi “Bəşər
mədəniyyətinin qazandığı nailiyyətlərin nəsildən-nəslə çatdırılmasında və
cəmiyyətimizin intellektual-mənəvi potensialının artırılmasında kitabxanaları-
mız əvəzsiz rol oynayır” (4).
“Kitabxana işi haqqında” Azərbaycan Republikasının Qanununda kitab-
xanaların elm, informasiya, mədəniyyət, təhsil və tərbiyə müəssisəsi kimi çap
əsərlərini və digər informasiya daşıyıcılarını toplayıb mühafizə edən, onların
sistemli ictimai istifadəsini təşkil edən, cəmiyyətin intellektual və mənəvi po-
tensialının inkişafına xidmət göstərən sosial institut olması öz əksini tapmışdır
(7, 3-16).
Azərbaycan Respublikasının ayrı-ayrı regionlarında fəaliyyət göstərən
MKS-lər, onların informasiya resursları, oxucularının və filiallarının sayı, kadr
təminatı regionların kitabxana- informasiya təminatı sistemində mühüm yer
tutur. Respublikamızda kitabxanaların mərkəzləşdirilməsi işinə əsasən 70-ci
illərdən sonra başlanıldı. MKS-lər struktur cəhətdən bütöv, vahid maddi-texni-
ki və təşkilati baza, ümumi fond və texnologiyaya əsaslanan kitabxana birliyi
kimi formalaşmağa başladı. Bu mərkəzləşdirmə, kütləvi kitabxanaların bir-biri
ilə sadəcə birləşdirilməsi deyil, həmçinin onların keyfiyyətcə yeni kitabxana-
256
informasiya şəbəkələrinin qurulması demək idi. Respublikamızın müxtəlif
iqtisadi rayonlarında fəaliyyət göstərən MKS-lər və onların filiallarından bəhs
edərkən, qeyd etməliyik ki, 2009-cu ilin əvvəllərinə qədər respublikamızdakı
bütün kütləvi kitabxanaların sayı 4029 olmuşdur (5, 232-235).
“Azərbaycan Respublikasında kitabxana-informasiya sahəsinin 2008-
2013-cü illərdə inkişafı üzrə Dövlət Proqramı”nda qeyd edilir ki, ötən əsrin
90-ci illərinin əvvəllərində ölkədə baş verən hadisələr kitabxanaların da
fəaliyyətinə mənfi təsir göstərmiş, kitab nəşri və kitab təhcizatı sistemi tama-
milə iflic vəziyyətinə düşmüş, onların maddi-texniki bazasının olduqca zəiflə-
məsinə gətirib çıxarmışdır. Bütün bunlar kitabxana sahəsinin tənəzzülünə sə-
bəb olmuşdur. Nəticədə kitabxanalar real və potensial oxucularını itirmiş, xey-
li sayda kitabxanalar bağlanılmış, əksəriyyəti oxucu tələbatını ödəyə bilməmiş,
mövcud ştat vahidləri ixtisar edilmişdir. Bunun əsas səbəbi, Ermənistan silahlı
qüvvələri tərəfindən respublika ərazisinin 20 faizinin işğal olunması, hazırda
bu torpaqların hələ də erməni tapdağı altında olması və bunun nəticəsində 9
Mərkəzləşdirilmiş Kitabxana Sisteminin, 927 kitabxananın və onların 4 mil-
yondan artıq kitab fondunun məhv edilməsi, kitabxanaların yeni nəşrləri almaq
üçün vəsaitlə təmin edilməməsi, habelə kitabxana fondlarından məzmunca
əhəmiyyətini itirmiş və mənəvi cəhətdən köhnəlmiş kitabların çıxarılması ol-
muşdur (3, 6-29).
Dövlət Proqramında Kitabxanaların müxtəlif sahələrə aid yeni nəşrlərlə
təmin edilməsinə, fondlarının mühafizəsinə, binalarının əsaslı təmirinə, ava-
danlıqla təmin edilməsinə və kitabxana-biblioqrafiya proseslərinin avtomat-
laşdırılmasına ciddi ehtiyac olduğu nəzərə çatdırılmışdır. Bu problemləri həll
etmək üçün, Azərbaycan Respublikası Prezidentinin “Azərbaycan dilində latın
qrafikası ilə kütləvi nəşrlərin həyata keçirilməsi haqqında” 2004-cü il 12 yan-
var tarixli və “2005-2006-cı illərdə Azərbaycan dilində latın qrafikası ilə çapı
nəzərdə tutulan əsərlərin siyahısının təsdiq edilməsi haqqında” 2004-cü il 27
dekabr tarixli sərəncamları xüsusi əhəmiyyət daşıyır. Belə ki, kitabxanalarda
olan ədəbiyyatın kiril qrafikasından latın qrafikasına çevrilərək, yenidən nəşr
edilib kitabxanalara pulsuz paylanması, kitabxana fondlarından məzmunca
əhəmiyyətini itirmiş və köhnəlmiş ədəbiyyatların çıxarılması da bu sərəncamın
gözlənilən nəticələri arasındadır.
ƏDƏBİYYAT
1.
Azərbaycan Respublikası regionlarının sosial-iqtisadi inkişafı Dövlət Proqramı (2004-
2008-ci illər). “Azərbaycan” qəz., Bakı, 2004, 11 fevral.
2.
Azərbaycan Respublikası regionlarının 2009-2013-cü illərdə sosial-iqtisadi inkişafı
Dövlət Proqramı. Bakı: Nurlar, 2009,184 s.
3.
Azərbaycan Respublikasında kitabxana-informasiya sahəsinin 2008-2013-cü illərdə
inkişafı üzrə Dövlət Proqramı// Kitabxanaşünaslıq və biblioqrafiya: elmi-nəzəri, metodiki
və təcrübi jurnal, 2008, № 2, s.6-29.
4.
”Azərbaycanda kitabxanaların fəaliyyətinin yaxşılaşdırılması haqqında” Azərbaycan
Respublikası Prezidentinin Sərəncamı.”Azərbaycan” qəz., Bakı, 2007, 21 aprel.
5.
Azərbaycanın statistik göstəriciləri 2009. Bakı: Səda, 2009, 772 s.
257
6.
«Kitabxanaların fəaliyyəti haqqında» statistik müayinənin nəticələri barədə:Statistik
bülleten /Azərbaycan Respublikasının Dövlət Statistika Komitəsi.Bakı, 2009, 88 s.
7.
«Kitabxana işi haqqında» Azərbaycan Respublikasının Qanunu // Kitabxanaşünaslıq və
biblioqrafiya: elmi-nəzəri, metodiki və təcrübi jurnal,1999, №1, s.3-16.
8.
Məmmədov Z.S. Regionların iqtisadi inkişaf problemləri. Bakı: Elm,2007, 465 s.
СОВРЕМЕННОЕ СОСТОЯНИЕ РАЗМЕЩЕНИЯ
БИБЛИОТЕЧНО-ИНФОРМАЦИОННЫХ РЕСУРСОВ В РЕГИОНАХ
АЗЕРБАЙДЖАНСКОЙ РЕСПУБЛИКИ
И.З.БАЙРАМОВА
РЕЗЮМЕ
В статье анализируются современное состояние размещения библиотечно-инфор-
мационных ресурсов в регионах Азербайджанской Республики, а также проявление за-
боты государства в этой области, о роли библиотек в повышении интеллектуально-
культурного развития уровня населения.
Ключевые слова: библиотечно-информационное обеспечение, информационные
ресурсы, кадровое обеспечение
MODERN STATE OF LIBRARY- INFORMATION
RESOURSES IN THE REGIONS OF THE AZERBAIJAN REPUBLIC
I.Z.BAYRAMOVA
SUMMARY
The article analyzes modern state of library-information resources in the regions of the
Azerbaijan Republic. The role of libraries in intellectual-cultural development of the regions
as well as the state care to the specified sphere are elucidated in the article.
Кей words: Bibliographic-information provision, information resourses, current status
258
Dostları ilə paylaş: |