BAKI UNİVERSİTETİNİN XƏBƏRLƏRİ
№3
Sosial-
siyasi elmlər seriyası
2014
FƏLSƏFƏ
UOT 1:001;001.8
S
İSTEMLƏRİN ÖZÜNÜTƏŞKİLETMƏSİ
VƏ SİNERGETİK PARADİQMA
Ə.B.MƏMMƏDOV, S.M.TALIŞLI
Bakı Dövlət Universiteti
mamedov.aziz@gmail.com
Məqalə mürəkkəb və az işlənmiş bir problemin təhlilinə həsr olunmuşdur. Burada si-
nergetikanın elmi xüsusiyyətlərinin təhlilinə mikroaləmdə bifunksiya nöqtəsində mürəkkəb sis-
temlərdə dissinativ strukturların yaranması, sinergetika ilə fəlsəfənin qarşılıqlı əlaqəsi açıq-
lanır, elmin intellektual bioqrafiyası haqqında obyektiv təsəvvür yaranır.
Açar sözlər: sinergetika, paradiqma, mürəkkəblik, dissipativlik
Elmi dövriyyəyə 1973-cü ildə daxil edilmiş “sinergenatika” termini qədim
yu
nan dilinə məxsus “synegeticas” sözündən alınmışdır. Hərfi mənası “kollektiv ”,
“birgə fəaliyyət” deməkdir. G.Hakenin elmi dairələrə yaxşı məlum olan və bir çox
dillərə tərcümə olunmuş “Sinergetika” kitabının girişində bu elmin mahiyyəti belə
açıqlanır: “Mən öz təlimimi ona görə “sinergenatika” adlandırdım ki, əvvəla, onda
sistemin bir çox elementlərinin birgə fəaliyyəti tədqiq olunur, həm də ona görə
belə adlandırdım ki, özünütəşkiletməni idarə edən ümumi prinsiplərin tapılması
üçün müxtəlif təlimlərin birgə fəaliyyəti zəruridir” [10, 24-25].
Hakenin fikrindən aydın görünür ki, müasir anlamda “sinergenatika”
sözünün iki mənası vardır: burada söhbət, bir tərəfdən sistemin elementlərinin
kooperativ, birgə təsirindən, digər tərəfdən biliyin müxtəlif sahələrində fəaliy-
yət göstərən alimlərin birgə elmi əməkdaşlığından gedir. Sinergetikanın ikinci
mənası təsadüfi olmayıb, bu elmin özünün mürəkkəb, çoxaspektli təbiəti ilə
şərtlənir, belə ki, sinergenatika yeni elmlərarası istiqamət olmaq etibarilə müx-
təlif elmlərin , o cümlədən fizika, riyaziyyat, kimya, biologiya, sistemotexnika,
kibernetika, informatika, sosiologiya və s. bilik sahələrinin qovuşmasından ya-
ranmışdır. Buna görə də yalnız bir ixtisasa yiyələnməklə bu elmin qanuna-
uyğunluqlarını dərk etmək mümkün deyil. Sinergetika mürəkkəb sistemləri
85
öyrənən mürəkkəb elmdir. Hakenin etirafına görə sinergetika müasir elmin si-
ner
getik ideyaları sayəsində yaranmış, müxtəlif qohum fənlərin ümumi anla-
yışlarının, vahid tədqiqat prinsiplərinin və metodlarının yaradılması naminə
onların inteqrasiya olunması zərurətindən doğulmuşdur. Bir sözlə, sinergetik
ideyalar konkret elmlərə məxsus spesifik anlayış və prinsiplərin ümumiləşdiril-
məsi və inkişafının nəticəsidir, belə ki, özünütəşkiletmə prosesləri ilk dəfə ayr-
ayrı konkret fənlərdə(fizika, kimya, kibernetika və s.) məhz bu elmlərdə müəy-
yən edilmişdir. Özünütəşkiletmə vahid sistem təşkil edən böyük sayda element-
lərin qarşılıqlı təsirlərinin məhsuludur.
Sinergeti
kanın əsas məzmunu onun predmetində əks olunur: Sinergetika
özünütəşkiledən mürəkkəb, açıq, qeyri-xətti, dissipativ, tarazlıq halından
uzaq yerləşən sistemlərin ümumi qanunauyğunluqdarını öyrənən elmdir
[1, 37-
41]. Sinergetikanın tədqiqat obyektini təşkil edən və elmin bu vaxtadək
öyrəndiyi sadə və özünütənzimləyən mürəkkəb sistemlərdən özlərinin özəl-
likləri ilə fərqlənən bu tipli sistemlər sinergetik sistemlər adlanır.
Yuxarıda verdiyimiz xarakteristikadan aydın olur ki, sinergetik sistemlər
müəyyən tip sistemlər olub, ümumiyyətlə, sistemlərin malik olduğu ümumi
əlamətlər ilə (tamlıq, emercent xassələr, hissələr, elementlər, struktur, kompo-
zi
siya, funksiya və s.) yanaşı bir sıra özəl, təkrarsız xüsusiyyətlərə də malikdir-
lər. Sinergetik sistemlər haqqında oxucuda daha aydın təsəvvür yaratmaq üçün
onun səciyyəvi əlamətlərinin də nəzərdən keçirilməsi vacibdir. Bu zərurətdən
çıxış edərək biz sinergetik sistemlərin əsas əlamətlərinin qısa xarakteristikasını
verməyə çalışaq.
Sinergetik sistemlərin mühüm əlamətlərindən birincisi onların mürəkkəb
olmasıdır. Sistemin mürəkkəbliyi onun elementlərinin say çoxluğu, bu ele-
ment
lərin qarşılıqlı təsirlərinin zənginliyi, sistemin struktur mürəkkəbliyi, sis-
tem funksiyalarının rəngarəngliyi, ətraf mühitin təsirlərinə sistemin reaksiya-
sının mürəkkəbliyi və s. amillər ilə müəyyən olunur.
Sinergetik sistemin ikinci əlaməti onun özünütəşkiletməsidir. Qeyd edək
ki, istər cansız təbiətdə, istərsə də canlı aləmdə təkamülün hər bir addımı
materiyanın atributu sayılan özünütəşkiletmə prosesləri ilə bağlıdır. Özünütəş-
kil
etmə anlayışı mürəkkəb sistemlərdə baş verən özünüstrukturlandırma,
özünütənzimləmə, özünühasiletmə proseslərini ifadə edir.
Sinergetik sistemlərin üçüncü əlaməti onların açıq sistemlər olmasıdır.
Açıq sistemlər elə sistemlərdir ki, onlar xarici mühitdən fasiləsiz olaraq maddə,
enerji və informasiya qəbul edir və bu mübadilə hesabına özlərinin qeyri-ta-
razlıq hallarını qoruyub saxlayırlar.
Sinergetik sistemlərin mühüm əlamətlərindən birini də onların qeyri-
xəttiliyi təşkil edir. Professor D.İ.Trubetskov qeyri-xəttiliyin obrazını aşağıdakı
sözlərlə ifadə edir: “Elmi tədqiqatın əsrimizə gətirdiyi fəxri titullar arasında ən
az ahəngdarı, lakin ən çox əhəmiyyətlisi qeyri-xəttilikdir” [9, 314].
Sinergetik
ada öyrənilən sistemlərin nüvəsini “qeyri-xətti mühit” təşkil
edir. Qeyri-
xətti mühit elə mühitdir ki, onun xassələri həmin mühitdə cərə-
86
yan edən proseslərdən asılıdır, onun hərəkəti isə qeyri-xətti (iki və ya daha
çox tərtibli) riyazi tənliklərlə təsvir olunur. Özünütəşkiledən mürəkkəb sistem-
lərin həssaslıq həddini nümayiş etdirən qeyri-xəttilik, həm də bu sistemlərin tə-
ka
mül yollarının diskretliyini yaradaraq mühitdə məcburi və ya spontan bütün
həcmi boyunca elementləri və altsistemləri arasında dəyişmələrin baş vermə-
sini təmin edir. Müxtəlif istiqamətlərdə inkişafa qabil olan xətti sistemlərdən
fərqli olaraq qeyri-xətti sistemlər mümkün inkişaf yollarından yalnız birini
seçməyə qabildirlər.
Sinergetik sistemlərin beşinci əlaməti onların termodinamik tarazlıq
ha
lında kifayət qədər uzaqda olmasıdır. Əgər sistem tarazlıq nöqtəsində və
ya ona yaxın bir nöqtədə qərar tutmuşdursa, bu halda o özünün xaos və ya
nizamsız halına uyğun maksimum entropiyaya malik olacaqdır.
Nəhayət, sinergetik sistemlərin mühüm əlamətlərindən biri də dissipativ-
lik xassəsidir. İ.Priqojininin təbirincə, dissipativliyin ən sadə izahı bundan iba-
rətdir ki, və forma etibarilə rəngarəng maddi sistemlərdən necə təşkil olun-
muşdur? Görəsən canlı təbiət qeyri-adi şəraitdə təsir göstərən amillərin təsadüfi
gedişindənmi sinergetik sistem açıq olduğundan ətraf mühitdən qəbul etdiyi
ener
jini özünün hər hansı bir nöqtəsində və yaxud kiçik bir həcmində kristal-
laşdırmayıb, başlayaraq özlərini spontan surətdə təşkil edirlər. Mürəkkəb sis-
temlər məhz dissipativlik hesabına xaosdan, nizamsızlıqdan nizama, qay-
daya, özü
nütəşkiletməyə keçirlər [11, 108-110].
Bir elm kimi sinergetikanın bəşəriyyətin mənəvi həyatında rolu ondadır
ki, o özünütəşkiletmənin yayır. Açıq sistemlərin elementləri dissipatsiya aktları
hesabına kollektiv və kooperativ fəaliyyətə materiya təşkilinin bütün səviy-
yələrində meydana gəlməsi imkanını müəyyən etmişdir. Buna görə də, özü-
nütəşkiletmə materiyanın universal xassəsidir.
Müasir elmi idrakda özün
ütəşkiletmə paradiqmasından geniş istifadə edil-
məsi bir sıra mühüm fəlsəfi – metodoloji problemlər irəli sürür. Həmin problem-
lərdən biri özünütəşkiletmənin aləmin ümumi təkamül prosesindən və onun mexa-
nizminin müəyyənləşdirilməsindəki rolunun açıqlanmasından ibarətdir. Bu müna-
sibətlə belə bir məsələni aydınlaşdırmağa çalışaq ki, bizi əhatə edən aləm məzmun
və forma etibarilə rəngarəng maddi sistemlərdən necə təşkil olunmuşdur? Görəsən
canlı təbiət qeyri-adi şəraitdə təsir göstərən amillərin təsadüfi gedişindənmi
yaranmış, canlı materiyanın, daha sonra isə cəmiyyətin yaranması ilə başa çatmış,
yoxsa özünütəşkiletmənin qanunauyğun nəticəsi kimi meydana gəlmişdir?
Bəşəriyyətin inkişaf tarixindən məlumdur ki, cəmiyyətin yaranması və
insanların maddi nemətlər istehsalında şüurlu, məqsədəuyğun fəaliyyətinin
başlanması ilə əlaqədar olaraq təşkil olunmanın da yeni üsulu meydana çıxmış-
dır. Təşkilatlanmanın bu yeni forması özünütəşkiletmə idi. Özünütəşkiletmə
cəmiyyətin bir sıra sferalarında kortəbii baş verdiyi təqdirdə, onun nəticələri in-
sanlar tərəfindən irəlicədən dərk olunmamış müəyyən ictimai və dövlət təşki-
latları isə şüurlu surətdə formalaşaraq ayrı-ayrı insan qruplarının, xalqların və
dövlətlərin konkret məqsəd və maraqlarını izləmişlər. Buradan isə cəmiyyətin
təkamülü prosesində özünütəşkiletmə ilə təşkiletmənin fərqləndirilməsi, on-
87
ların düzgün nisbətinin və qarşılıqlı təsirinin müəyyənləşdirilməsi zərurəti
doğmuşdur. Özünütəşkiletmənin tədqiqi müxtəlif təbii və sosial sistemlərin tə-
kamül
mexanizminin aydınlaşdırılması üzərinə əlavə işıq salır. Biz intuitivcəsi-
nə anlayırıq ki, sistemlərin inkişaf səviyyəsi onların mühitlə qarşılıqlı təsirin-
dən əhəmiyyətli dərəcədə asılıdır. Darvinin təkamül nəzəriyyəsi başlıca diqqəti
canlı orqanizmlərin təkamülünə olan xarici şəraitin təsirinə yönəldirdi. Açıq
sistem
lərin müasir konsepsiyası isə sistemlərin mühitə əks təsirini ön plana
çəkərək təkamülün cərəyan etdiyi ümumi şəraiti daha geniş bucaq altında
görməyə əlverişli imkan yaradır.
Özünütəşkiletmə başlığı altında sinergetikanın əsas ideyaları tarixin
dərinliklərinə gedib çatır [8, 29-37]. Antik fəlsəfəyə göstərilən maraq xatirinə
qeyd edək ki, hələ Aristotel tərəfindən aydın dərk olunan bu problem ondan
xeyli əvvəllər də qədim yunanların kosmoqonik təsəvvürlərinin inkişafında
önəmli rol oynamış, mifoloji təfəkkürə heç də pis yiyələnməmiş qədim yunan
biliciləri dünyanın formalaşmasına kosmosun və ya nizamın xaosdan və ya
hərcmərclikdən, nizamsızlıqdan yaranması fikrinə şərik çıxmışlar. Lakin bu
ümumi ideya antik yunan təfəkküründə eksperimental təbiətşünaslığın olma-
ma
sı üzündən elmi cəhətdən əsaslandırılmış hipotezadan daha çox dahiyanə
gümandan başqa bir şey olmamışdır. Lakin Avropanın mənəvi-intellektual hə-
ya
tında mühüm mərhələ təşkil edən Yeni dövr mədəniyyətində sadə mexaniki
sistemləri öyrənmək məqsədilə irəli sürülən prinsip və metodlar da ictimai
həyat hadisələrini, sosial sistemləri öyrənmək üçün yaramadı. Məhz buna görə
də, təəccüblü deyildir ki, sosial-iqtisadi və humanitar elmlər meydana gəldik-
ləri ilk vaxtlarda belə, özünütəşkiletmə problemi ilə qarşılaşdılar.
Belə bir sual da xüsusi maraq kəsb edir ki, insanların maraq və məqsədlə-
rinin müxtəlifliyinə, hətta əksər hallarla onların əksliyinə baxmayaraq bazarda
kimsə tərəfdən planlaşdırılmayan spontan qaydalar, nizam necə yaranır? Biz
mənəviyyat normaları haqqında da düşündükdə eyni sualla rastlaşırıq: görəsən,
bu normalar yuxarıdan diqtə olunur, yoxsa onlar insanların mədəni-tarixi inki-
şafının gedişində dəyişən həyat şəraitinin təsiri altında formalaşır? Özünütəş-
kiletmənin intuitivcəsinə anlaşılması ilə bağlı olan bu suallar bir o qədər də
aydın və dəqiq olmayan formada ilk dəfə məhz sosial-iqtisadi və humanitar
elmlərdə söylənilmişdir. Buna görə də, bu sualların rasional analitik xarakter
daşımasından daha çox intuitiv xarakter daşıması onların sinergetik baxışları-
nın sonrakı inkişafı üçün əhəmiyyətini heç də azaltmır. Təsadüfi deyil ki, müa-
sir alimlər klassik siyasi iqtisadın banisi A. Smiti kibernetikanın müjdəçisi ad-
lan
dırır və öz mövqelərini belə bir dəlillə əsaslandırırlar ki, müasir kibernetika-
nın əsas prinsiplərindən sayılan “mənfi əks əlaqə prinsipi”, bir o qədər də ay-
dın olmayan şəkildə olsa da, ilk dəfə məhz A.Smit tərəfindən söylənilmişdir.
A
lman filosofu İ.Kant özünütəşkiletmə probleminə təbiətdə daxili
məqsədəuyğunluq məsələsi ilə bağlı təbii və süni obyektlərin fərqini araşdırdığı
“Mühakimənin tənqidi” əsərində fəlsəfi dünyagörüşü kontekstində toxunmuş-
dur. Kantın təbirincə, təbiət elə təşkil olunmuşdur ki, onun sanki hər bir hissəsi
88
öz mövcudluğu üçün yalnız digər hissələrə borcludur və o, ancaq bu hissələri-
nin hesabına mövcuddur. Sistemin elementləri yalnız bu şərt daxilində özünü-
təşkil edən varlıqlar kimi mövcud ola bilirlər. Təəssüflər olsun ki, canlı və so-
sial sistemlərin öz-özünə funksiyalaşması və təkamülü haqqında yeni radikal
ideyalar maarifçilik fəlsəfəsində və onunla bağlı olan rasionalizmdə özünün
sonrakı inkişafını tapmadı. Rasionalizmin “dünyanı ağıl idarə edir” ehkamı
cəmiyyət və onun obyektiv inkişaf qanunları haqqında həqiqi təsəvvürlərin for-
ma
laşdırılmasını uzun müddətə ləngitdi.
Özünütəşkiletmə prinsipinin dərinliyinin və ümumiliyinin dərkinə təbiət
və ictimai elmlərin müxtəlif sahələrində fəaliyyət göstərən tədqiqatçıların
pərakəndəliyi də az mane olmamışdır. Bu dövrdə təbiət və ictimai elmlərin
metodlarının bir-birinə qarşı əks qoyulması, həmçinin pozitivistlər tərəfindən
id
rakın təbii-elmi metodların sosial və humanitar elmlərə daxil edilməsi cəhd-
ləri də buna geniş meydan açırdı. Bu müdaxilə isə sosial-humanitar elmlərin
nümayəndələri tərəfindən kəskin etirazlarla qarşılanırdı. Bütün bunlara baxma-
ya
raq müxtəlif elmlərin ayrı-ayrı problemlərinin həllində özünütəşkiletmə prin-
sipi özünü bu və ya başqa formada göstərirdi. Məsələn, U.Kennon fiziolo-
giyada məşhur homeostaz prinsipini formulə etmişdi. Bu prinsipə görə, canlı
or
qanizmlər dəyişilən xarici şəraitə adaptasiya (uyğunlaşma) prosesində özlə-
rini bir qayda olaraq həyat fəaliyyətlərinin parametrlərinin dayanıqlığını qoru-
yub saxlaya biləcək bir tərzdə dəyişirlər [2, 183-185].
Mənfi əks əlaqə prinsipini ümumiləşdirən kibernetikanın yaranması da
özünütəşkiletmə proseslərinin tədqiqinə yeni impuls vermişdir. Bu prinsip sa-
yəsində dinamik sistemlərdə dayanıqlı halların mövcudluğunu, onların homeo-
stazını, bazarda tələb və təklif arasındakı tarazlığı tənzimləyən spontan nizamlı
və bir çox digər proses və hadisələri izah etmək mümkün olmuşdur. Lakin əks
əlaqə prinsipi dinamik sistemlərdə dayanıqlıq və nizamın necə yaranmasını de-
yil, yalnız saxlanmasını izah edə bilirdi. Halbuki, adına uyğun olaraq özünü-
təşkiletmə sistemdə yeni nizam və strukturların təşkili, onların dəyişilməsi,
sistemdə elementlərin qarşılıqlı təsirləri sayəsində yeni təşkilin və strukturların
meydana gəlməsi deməkdir. Başqa sözlə, elementlərin davranışlarındakı hər cür
dəyişikliyin və özünütəşkiletmənin səbəbini sistemlə mühitin qarşılıqlı təsirində,
onların maddə, enerji və informasiya mübadiləsində axtarmaq lazımdır. Lakin
kibernetikada quraşdırılan avtomatlar və texniki qurğular həqiqətdə xarici təşkilə
əsaslanır, onlarda baş verən “özünütəşkiletmə” prosesləri irəlicədən insan-
konstruktor tərəfindən planlaşdırılır. Kibernetik qurğulardan fərqli olaraq canlı
təbiətdə və cəmiyyətdə özünütəşkiletmə və ona əsaslanan təkamül yalnız
dinamik tarazlığın saxlanılmasına müncər edilmir. [5, 7-11]. Sistemin təkamülü
gec və ya tez, bu və ya digər dəyişikliklərlə müşayiət olunur. Bu dəyişikliklərin
sırasına onların parametr və strukturlarında baş verən və yeninin yaranmasına
gətirib çıxaran hər cür kəmiyyət və keyfiyyət dəyişiklikləri də aiddir. Canlı və
cansız aləm arasındakı məhz bu dərin fərq uzun müddət klassik termodinamika
(fizika) ilə Darvinin təkamül nəzəriyyəsi (biologiya) arasında həll edilməmiş
89
ziddiyyət kimi mövcud olmuşdur.
Sinergetikanın müasir elm qarşısında ən böyük xidməti ondadır ki, bu
elm sistemlərin və strukturların yaranma mexanizmini açmaq üçün keyfiyyətcə
mənfi əks əlaqə prinsipindən fərqlənən müsbət əks əlaqə prinsipindən istifadə
edir. Bu prinsipə görə, köhnə sistemdə baş verən dəyişikliklər sistemdən kə-
narlaşdırılmayıb, əksinə, bir yerə toplanaraq, daha da gücləndirilir [7, 3-15].
Bütün hallarda olduğu kimi sinergetik sistemlərdə də tədricən kəmiyyət dəyiş-
mələri sistem çərçivəsində köklü keyfiyyət dəyişmələrinə başlanğıc verir və bu
dəyişikliklər son nəticədə yeni strukturlu, yeni xassəli sistemlərin yaranmasına
gətirib çıxarır.
Sinergetika yeni elmi istiqamət olmaq etibarı ilə dərin fəlsəfi məzmuna
malikdir. Sinergetikanın bu keyfiyyəti təsadüfi olmayıb, bütün elmlər üçün
səciyyəvi olan ümumi bir cəhətdən irəli gəlir. Həmin ümumi cəhət isə bundan
ibarətdir ki, hər bir elmin məzmunu üç blokdan - elmin mənzərəsindən, onun
xüsusi metodologiyas
ından və fəlsəfi əsaslarından ibarətdir.
Bütün elmlər kimi sinergetika da gerçəkliyi qanunlar, anlayışlar, kateqo-
riyalar, idey
alar, prinsiplər və nəzəriyyə formasında əks etdirir. Sinergetikanın
anlayış və kateqoriyaları, ehtiva etdiyi ideya və nəzəriyyələr onun gerçəkliyə
münasibətini ehtiva edib sinergetikanın elmi mənzərəsini formalaşdırır.
Bir elm olmaq etibarilə sinergetikanın həm də özəl, özünəməxsus meto-
dologiyası vardır. Özünütəşkiledən mürəkkəb sistemləri öyrənmək üçün siner-
getika özünün xüs
usi, təkrarsız metodlarından istifadə edir. Həmin metodlar
məcmusu isə sinergetikanın xüsusi metodologiyasını yaradır.
Sinergetikanın məzmununda onun fəlsəfi əsasları xüsusi yer tutur. Siner-
getikanın fəlsəfi əsasları onun fəlsəfə ilə qarşılıqlı münasibətinin ifadəsi kimi
çıxış edərək onun dünyagörüşünün mahiyyətini təşkil edir.
Biliyin müxtəlif formaları olmaq etibarilə sinergetika və fəlsəfə arasında
qarşılıqlı əlaqə, qarşılıqlı şərtlənmə mövcuddur. Sinergetika və fəlsəfənin bu
əlaqəsi təsadüfi olmayıb, belə bir ümumi cəhətə malikdir ki, istər sinergetika,
istərsə də, fəlsəfə eyni bir dünyanı öyrənir. Lakin bununla belə, sinergetika və
fəlsəfənin predmeti heç də üst-üstə düşmür. Sinergetika ilə müqayisədə fəlsəfə
daha universal elm statusunda çıxış edir. Sinergetikanın mərkəzində nizam və
xao
sun qarşılıqlı əlaqəsi məsələsi, fəlsəfənin nüvəsində isə əlaqə, hərəkət və
qar
şılıqlı təsir münasibətləri dayanır. Bu baxımdan fəlsəfənin qanun və kateqo-
ri
yaları sinergetikanın müvafiq qanun və kateqoriyalarından daha ümumi
səciyyə daşıyır. Sinergetika yalnız mürəkkəb sistemləri, fəlsəfə isə eyni zaman-
da həm sadə, həm də mürəkkəb sistemləri də öyrənir. Sinergetika yalnız özünü-
təşkiledən prosesləri, fəlsəfə isə həm özünütəşkiletməyən, həm də özünütən-
zim
ləyən və özünütəşkiledən prosesləri öyrənir. Bu baxımdan fəlsəfə sinergeti-
ka
ya nisbətən daha geniş, daha ümumi səciyyə daşıyan elmdir. Sinergetika isə
fəlsəfənin təbii elmi əsaslarından yalnız biridir. Sinergetikanın fəlsəfənin inki-
şafına gətirdiyi bir sıra yeniliklər ilə diqqəti çəkir. Sinergetika ilə fəlsəfənin
qarşılıqlı əlaqəsini əks etdirən həmin yeniliklərə qısaca da olsa nəzər yetirək.
90
Fəlsəfədə nizam və xaosun nisbəti məsələsində nizam bir qayda olaraq,
harmoniyanın, xaos isə qaydasızlığın, intizamsızlığın göstəricisi rolunu oyna-
mışdır. Deməli, fəlsəfə nizam ilə xaos arasında sədd çəkmiş, onları bir-birindən
qəti sürətdə ayırmışdır. Fəlsəfədən fərqli olaraq sinergetika nizam ilə xaosun
əlaqəsini əks etdirir. Sinergetika sübut etmişdir ki, nizam ilə xaos arasında ke-
çil
məz sərhəd yoxdur: Nizamın daxilində xaos, xaosun daxilində isə nizam var-
dır. Xaos nizamdan, nizam isə xaosdan törəyir. Təbiətdə ən mükəmməl nizam
məhz xaosun yaratdığı nizamdır. Fəlsəfəyə görə xaos destruktiv, yəni dağıdıcı,
nizam isə konstruktiv və yaradıcı səciyyə daşıyır. Fəlsəfəyə görə nizamın mü-
təşəkkil strukturu olduğu halda, xaosun strukturu yoxdur. Sinergetika isə sübut
edir ki, xaos heç də dağıdıcı, destruktiv deyil, onda yaradıcılıq, konstruktivlik
əlaməti, özünəməxsus keyfiyyəti vardır. Sinergetika, həmçinin sübut edir ki,
ni
zam kimi xaosun da strukturu vardır. Fərq bundadır ki, nizamın strukturu da-
ya
nıqlı, xaosun strukturu isə dayanıqsızdır.
Sinergetika və fəlsəfənin qarşılıqlı əlaqəsini zərurət və təsadüf kateqori-
yalarının münasibətlərində də görmək olar. Dialektik fəlsəfə kursunda mükəm-
məl öyrənilən bu problemin həllində üstünlük bir qayda olaraq zərurət kateqo-
ri
yasına verilir. Fəlsəfə də oxucuya belə bir fikir aşılayır ki, zərurət və təsadü-
fü
n münasibətində zərurət birinci və əsas, təsadüf ikinci və törəmədir. Burada
zərurətin təsadüf üzərində üstünlüyü özünü həm də belə bir cəhətdə göstərir ki,
bü
tün təsadüflərin arxasında zərurət yerləşir. Yəni zərurət təsadüflərin yaradıcı-
sı, bir növ onların formalaşmasının əsasını təşkil edən generatordur. Sinergeti-
ka
ya gəldikdə isə vəziyyət kökündən dəyişilir. Belə ki, sinergetikada zərurətin
təsadüf üzərində hökmranlığı aradan qaldırılır, təsadüf daha geniş nisbi müstə-
qil
liyə malik olan fenomen kimi təqdim olunur. Sinergetikaya görə proses və
ha
disənin funksiyalaşmasında və inkişafında zərurətlə yanaşı təsadüfün də rolu
bö
yükdür. Bu prosesdə təsadüf zərurəti, hətta üstələyə də bilir. Gerçəklikdə
pro
ses və hadisələrin meydana gəlməsində təsadüflərin rolu kifayət qədər bö-
yük
dür. Təsadüflər haqda nəzəriyyə stoxastik və ya ehtimal nəzəriyyəsi adla-
nır. Bu nəzəriyyənin prinsip və müddəaları sinergetikada öz təsir dairəsini ge-
nişləndirərək proseslərin cərəyan etməsində özlərinin aparıcı mövqeyini ortaya
qoyur.
Sinergetika və fəlsəfənin qarşılıqlı əlaqəsinin digər bir cəhəti öz ifadəsini
təkamül anlayışında tapır. Fəlsəfədə təkamül anlayışı ilə biz kəmiyyət dəyiş-
mələrinin keyfiyyət dəyişmələrinə keçməsi qanununda rastlaşırıq və bu nəzə-
riy
yədə təkamül inkişafın formalarından biri kimi, arasıkəsilməz, tədricən kə-
miy
yət dəyişmələri kimi çıxış edir. Sinergetikada isə təkamül anlayışı tamamilə
yeni məzmun, yeni məna kəsb edir. Belə ki, əgər fəlsəfəyə görə təkamül yalnız
bir istiqamətdə, yalnız bir trayektoriya boyunca baş verirsə sinergetikada bifur-
ka
siya nöqtəsində sistemin təkamülü müxtəlif trayektoriyalar boyunca istiqa-
mətlənir və bu istiqamətlərin hər biri sistemin gələcəyi ilə bağlı olur. Burada
artıq gələcəyin fəlsəfi və sinergetik anlamları arasında kəskin fərq yaranır. Belə
ki, əgər fəlsəfədə sistemin yalnız bir gələcəyi varsa, sinergetikada onun gələcə-
91
yi çox mənalı və müxtəlifdir.
Sinergetika ilə fəlsəfənin fərqinin digər bir cəhəti də bundan ibarətdir ki,
əgər fəlsəfəyə görə sistemin inkar böhran nöqtələrində baş verirsə və hər bir
ölçü daxilində belə böhran nöqtələrinin sayı sağ və solda olmaq etibarilə iki-
dirsə, sinergetikada sistemin köhnədən yeniyə keçidi bifurkasiya adlanan yal-
nız bir nöqtədə baş verir. Əgər fəlsəfədə sistemin böhran nöqtələrinə yaxınlaş-
ması kəmiyyət dəyişmələri vasitəsilə yaranırsa, sinergetikada sistemin bifurka-
siya nöqtəsinə yaxınlaşması fluktasiyalar vasitəsilə baş verir. Fluktasiya de-
dikdə sistemdə baş verən kiçik harmonik rəqslər başa düşülür. Fluktasiyalar,
ümu
miyyətlə, sistemlərin ayrılmaz səpkiləri olub, hər bir zaman baş vermək-
dədirlər. Sinergetikaya görə sistem tarazlıq vəziyyətindən uzaqlaşdıqda öz
funk
siyalarını artıraraq bifurkasiya nöqtəsinə çatır və bu nöqtədə sistemin fluk-
tasiyaları güclənərək onun təkamül yolunun şaxələnməsinə, sistemin təkamü-
lünün müxtəlif trayektoriyalar boyunca səpələnməsinə səbəb olur. Bu göstərir
ki, hər bir sistemin gələcəyə düşməsi birmənalı olmayıb, çoxmənalı xarakter
da
şıyır.
Sinergetikan
ı fəlsəfədən fərqləndirən mühüm cəhətlərdən biri də zaman
anlayışı ilə bağlıdır. Klassik fizikaya görə zaman geriyə dönən, kvant fizikasına
görə zaman geridönməzdir. Priqojinin rəhbərliyi ilə Belçika məktəbi belə bir
kəşfə imza atmışdır ki, zaman istər makro-, istərsə də mikroaləmdə geridön-
məzdir, yəni dünyada yalnız bir “zaman oxu” vardır. Bu zaman vektoruna görə
zaman keçmişdən indi vasitəsilə gələcəyə doğru axır.
Beləliklə, biz görürük ki, yeni elmlər arası istiqamət, yəni dünyagörüş ol-
maq etibarı ilə sinergetika fəlsəfə ilə sıx bağlıdır. Bu mənada sinergetikanı
fəlsəfənin təbii elmi əsaslarından biri kimi qəbul etmək olar.
ƏDƏBİYYAT
1.
Qurbanov F. Sinergetika: Xaosun astanasında. Bakı: Bakı Universiteti, 2004, 316 s.
2.
S
əmədova R.M., Məmmədov Ə.B. Sistemli yanaşma və sinergetik paradiqma. Bakı, 2012,
279 s.
3.
Аршинов В.И. Синергетика как феномен постнеклассической науки. М: Ифран, 1999,
350 s.
4.
Гайденко П.П.Проблема рациональности на исходе ХХ века // Вопросы философии,
1991,№6, s.3-15.
5.
Князева Е.Н., Курдюмов С.П. Основания синергетики. М.: УРСС, 2005, 240 s.
6.
Князева Е.Н., Синергетика как новое мироведение: диалог с Пригожиным//Вопросы
философии, 1992, №12, с.3-20.
7.
Николис Г., Пригожин И. Познание сложного М: Едиториал УРСС, 2003, 344 с.
8.
Пригожин И., Стенгерс И. Квант, Хаос, время. К решению парадокса времени.
М.УРСС, 2003, 240 с.
9.
Трубецков Д.И. Введение в синергетику. Хаос и структуры. М: УРСС, 2004, 240 с.
10.
Хакен Г. Синергетика. М.: Мир, 1980, 404 с.
92
ЯВЛЕНИЯ САМООРГАНИЗАЦИИ СИСТЕМ И
СИНЕРГЕТИЧЕСКАЯ ПАРАДИГМА
А.В.МАМЕДОВ, С.М.ТАЛЫШЛЫ
РЕЗЮМЕ
В статье рассматриваются основные понятия и представления современной меж-
дисциплинарной теории самоорганизации и коэволюции сложных систем. Синергетиче-
ские идеи живо иллюстрируются образами из фактов разнообразия в живой природе.
В статье также рассматривается также диалектическая взаимосвязь синергетики и
философии. В этом аспекте раскрывается значение синергетики для философии, а также
философии для синергетики.
Ключевые слова: синергетика, парадигма, сложность, диссипативность
PHENOMENA OF SELF-ORGANIZATION SYSTEMS
AND SYNERGETIC PARADIGM
A.B.MAMMADOV, S.M.TALISHLI
SUMMARY
The article deals with the main concepts and the ideas of modern inderdisciplinary theo-
ry of organization and coevolution of diffucult systems/ Synergetic ideas illustrate characters
of different datas in vivid nature/
The article also considers with dialectical interaction of synergetic and philosophy/ In
this aspect the mean of synergetic is explained for philosophy.
Key words: synergetic, paradigm, complexity
93
Dostları ilə paylaş: |