Qeyri-rəsmi tərcümə
Bosniya və Herseqovinada qəbul olunmuş
“Azərbaycan Respublikasının suverenliyi və ərazi bütövlüyünə hörmət
edilməsi və dəstəklənməsi üzrə” Qətnamə
Birləşmiş Millətlər Təşkilatının məqsəd və prinsipləri, beynəlxalq hüququn
norma və prinsipləri ilə istiqamətlənərək, Nümayəndələr Palatasının millət
vəkilləri:
-
Azərbaycan Respublikasının suverenliyinə və beynəlxalq səviyyədə
tanınmış ərazi bütövlüyünə hörmət və dəstək göstərdiyini təsdiqləyir;
-
Beynəlxalq təşkilatların bütün tövsiyə, qətnamə və bəyanatlarını, xüsusən
də BMT Təhlükəsizlik Şurasının Ermənistan-Azərbaycan Dağlıq Qarabağ
münaqişəsi ilə bağlı və Ermənistan silahlı qüvvələrinin Azərbaycan
Respublikasının işğal edilmiş ərazilərindən dərhal, tam şəkildə və heç bir
qeyd-şərt olmadan çıxarılmasını tələb edən dörd qətnaməsini (822, 853,
874 və 884 saylı) icra etməyə çağırır;
-
Millətçi və etnik motivlərdə, xüsusən də Ermənistan-Azərbaycan Dağlıq
Qarabağ münaqişəsi zamanı Xocalı şəhərində mülki əhalinin kütləvi
şəkildə qətlə yetirilməsini, insanlığa qarşı cinayət və millətlərin dinc
şəkildə birgə yaşayışına təhdid kimi pisləyir və faciəvi münaqişənin
qurbanlarının və onları ailə üzvlərinin kədərlərinə şərik çıxır;
-
Regional təhdidlərin aradan qaldırılması və beynəlxalq sabitlik üçün zəmin
yaratmaq məqsədilə öz əraziləri üzərində suverenliyin bərpası uğrunda
Azərbaycan Respublikasının səylərini alqışlayır;
-
ATƏT-in Minsk Qrupu çərçivəsində regionda davamlı sülh və sabitliyin
əldə edilməsi üçün sülh prosesinin sürətləndirilməsinin zəruriliyini qeyd
edir;
-
Hökumət və qeyri-hökumət sektorları vasitəsilə yuxarıda qeyd olunan
münaqişənin sülh yolu ilə həllinə nail olmağa
töhfə verən səyləri
dəstəkləyir və qanunun aliliyi, demokratiya, insan hüquqları və əsas
azadlıqların universal sisteminə tam dəstəyini ifadə edir.