Namiq Abbasov, Rəhim Həsənov
~ ~
2
Elmi redaktor:
Niyazi Mehdi –
Fəlsəfə elmləri doktoru, professor
Rəyçilər:
Apdin Əlizadə –
Fəlsəfə üzrə fəlsəfə doktoru, dosent
Əlikram Tağıyev –
Fəlsəfə elmləri doktoru, professor
Ġlqar Hüseynov –
Kulturologiya elmləri doktoru, professor
Elfira Məlikova –
Sənətşünaslıq üzrə fəlsəfə doktoru, dosent
Namiq Abbasov, Rəhim Həsənov, ―
NƏSĠRƏDDĠN TUSĠ-
NĠN MÜDRĠKLĠK FƏLSƏFƏSĠ”, Bakı, 2012. 220 səh.
Dünyanın bir sıra məşhur ensiklopedik filosofları ilə adı
birgə çəkilən, bəşəriyyətin idrak tarixinin yaradıcılarından biri
olan N.Tusi dövrünün ən parlaq simalarından biri olmuşdur.
N.Tusi özünün çoxcəhətli yaradıcılığı, ensiklopedik zəkası,
təkzibedilməz mütəfəkkirlik qabiliyyəti ilə təkcə Şərq fəlsəfəsinə
deyil, ümumdünya təfəkkür tarixinə təsir edə biləcək bir yara-
dıcılıq yolu keçmışdir. N.Tusi fəlsəfə ilə yanaşı kulturologiya,
astronomiya, riyaziyyat, optika, minerologiya, məntiq, etika və
başqa elmlərə dair orjinal fikirlərə malikdir. Dünya şöhrəti
qazanmış əsərlərin müəllifi olması onun tədqiqatçılarının
müxtəlif elm sahələrindən olmasına səbəb olmuşdur.
Müasir dövr üçün aktual olan mədəni insan problemi
N.Tusi yaradıcılığında geniş təhlil edilmişdir. Bu baxımdan
böyük mütəfəkkirin kamil və müdrik insan kriteriyaları müasir
dövrün mədəni insan probleminin həlledici açarı ola bilər.
© Namiq Abbasov, Rəhim Həsənov, 2012
NƏSİRƏDDİN TUSİNİN MÜDRİKLİK FƏLSƏFƏSİ
~ ~
3
Müdrikliyə ilkin səbəblər və nəyin idrak üçün
daha layiq olması haqqında elm kimi tərif
verildiyi üçün, müdrikliyin mahiyyət haqqında
elm olmasını qəbul etmək lazımdır.
Aristotel
Əqli hərəkət, əxlaqi hərəkətin əsasıdır.
Nəfsi özbaşına buraxsan insanı alçaqlığa, cilovlayıb
istiqamət versən kamala çatdırar.
N.Tusi
ÖN SÖZ
Bəşəriyyətin düşüncə tarixi formalaşdığı gündən başla-
yaraq insanın kimliyi, onun ümumi mahiyyəti fikir sahiblə-
rini hər zaman narahat etmiş, bu barədə müxtəlif mütəfək-
kirlər tərəfindən müxtəlif izahatlar özünü biruzə vermişdir.
İnsanın mahiyyətindən bəhs edən mütəfəkkirlərin yal-
nız cüzi bir qismi insan barəsində bitkin bir fikir söyləyə
bilmişdir. Antik dövrdə klassik yunan filosofları olan Sok-
rat, Platon və Aristotelin insan barəsində irəli sürdüyü fi-
kirlər özünün dolğun və bitkin olması cəhətdən diqqət cəlb
edirdi.
Sokrat, Platon və Aristotelin insan barəsində olan bu
cəlbedici ideyalar Orta əsrlərdə yaşamış türk-islam filosof-
larının da diqqətini özünə cəlb edə bilmişdi. Bu dövrdə ya-
ranmış fəlsəfi cərəyanlar və bu cərəyanların məşhur nüma-
yəndələri insana islam dini nöqteyi-nəzərindən yanaşır və
yaxud da islam dininin insan haqqında olan fikirlərini
klassik yunan filosoflarının dünyagörüşü aspektindən şərh
edirdilər.