Coğrafiya və təbii resurslar, №1, 2015
Yüklə 5,19 Kb. Pdf görüntüsü
|
- Bu səhifədəki naviqasiya:
- COĞRAFİYA VƏ TƏBİİ RESURSLAR Proceedings of the Azerbaijan Geographical Society
- REDAKSİYA HEYƏTİ: Baş redaktor
- EDITORIAL BOARD Editor-in-chief
- Buraxılışına məsul : Mail Xəlilov Redaktor
- Responsible for the issue
- ________________________
- Akademik R.M.Məmmədov GEOMORFOLOGİYA
| AMEA akad. H.Ə.Əliyev adına Coğrafiya İnstitutu Institute of Geography named after acad. H.A.Aliyev, ANAS Azərbaycan Coğrafiya Cəmiyyəti Azerbaijan Geographical Society Azərbaycan Coğrafiya Cəmiyyətinin əsərləri COĞRAFİYA VƏ TƏBİİ RESURSLAR Proceedings of the Azerbaijan Geographical Society GEOGRAPHY AND NATURAL RESOURCES 2015 №1 REDAKSİYA HEYƏTİ: Baş redaktor: akademik Ramiz Mahmud oğlu Məmmədov Baş redaktorun müavinləri: AMEA-nın müxbir üzvü, prof. Elbrus Kərim oğlu Əlizadə, prof. Fərda Əli oğlu İmanov Üzvlər: akademik Qərib Şamil oğlu Məmmədov akademik Məmməd Əhəd oğlu Salmanov c.e.d., prof. Tapdıq Güləhməd oğlu Həsənov c.e.d. Zakir Namin oğlu Eminov c.e.d. Rəna Bəyim Mir Tağı qızı Qaşqay c.e.d. Xalid Kazım oğlu Tanrıverdiyev c.e.d. Yaqub Əli oğlu Qəribov c.ü.f.d. Nazim Səfərəli oğlu Bababəyli c.ü.f.d. Məhərrəm Səməd oğlu Həsənov c.ü.f.d. Mirnuh Cavad oğlu İsmayılov (məsul katib) c.ü.f.d. Mətanət Mahmud qızı Əsgərova c.ü.f.d. Oqtay Kamil oğlu Alxasov EDITORIAL BOARD Editor-in-chief: acad. Ramiz Mahmud oghlu Mammadov Deputies of editor-in-chief: Cor. member of the ANAS, prof. Elbrus Kerim oghlu Alizadeh, Prof. Farda Ali oghlu İmanov Members: Acad. Garib Shamil oghlu Mammadov Acad. Mammad Ahad oghlu Salmanov Dr. Geog., prof. Tapdyg Gulahmad oghlu Hassanov Dr. Geog. Zakir Namin oghlu Eminov Dr. Geog. Rena Beyim Mir Taghy gyzy Gashgay Dr. Geog. Khalid Kazym oghlu Tanryverdiyev Dr. Geog. Yagub Ali oghlu Garibov PhD Geog. Nazim Safarali oghlu Bababeyli PhD Geog. Maharram Samad oghlu Hassanov PhD Geog. Mirnuh Javad oghlu İsmayilov (executive secretary) PhD Geog. Matanat Mahmud gyzy Askerova PhD Geog. Ogtay Kamil oghlu Alkhasov Buraxılışına məsul: Mail Xəlilov Redaktor: Zahid Məhəmməd oğlu Əhmədov Kompüter tərtibatçısı: Emil Akif oğlu Cəbrayılov Jurnal AMEA akad. H.Ə.Əliyev adına Coğrafiya İnstitutunda yığılmış və səhifələnmişdir. *** Responsible for the issue: Mail Khalilov Editor: Zahid Mahammad oghlu Ahmadov Computer designer: Emil Akif oghlu Jabrayilov This journal has been composed the Institute of Geography named after acad. H.Aliyev, ANAS. *** Ünvan: AMEA akad. H.Ə.Əliyev adına Coğrafiya İnstitutu, AZ 1143, Bakı ş., H.Cavid pr., 115 Address: Institute of Geography named after acad. H.Aliyev, ANAS, AZ 1143 Baku c. H.Javid ave. 115 ________________________ --------------------------------------------- Çapa imzalanmışdır 24.02.2015 Formatı 70x100Tiraj-100 «AVROPA» nəşriyyatı, 2015 ISBN-978-9952-8032-5-9 BAŞ REDAKTORDAN Jurnal ACC-nin IX qurultayının (30.04.2014) və AMEA Yer Elmləri Bölməsi iclasının (22.10.2014) qərarlarına əsasən təsis və nəşr edilmişdir. The journal has been founded and published in accordance with the resolutions of the Congress of AGS (30.04.2014) and Department of Earth Sciences’ meeting (22.10.2014). Coğrafiya və təbii resurslar, №1, 2015 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti 3 Baş redaktordan Müasir mərhələdə qloballaşma meyillərinin güclənməsi, milli özünüdərklə yanaşı, iqtisadi inteqrasiyanın daha da dərinləşməsi müxtəlif elm sahələri arasında əlaqələrin və elmi-texniki informasiya mübadiləsinin ge- nişlənməsini tələb edir. Elmi kəşflər, yeniliklər, nailiyyətlər, ixtiralar o zaman uğurlu olur ki, tədqiqatçı özünə qədər elmin əldə etdiyi uğurları dərindən öyrənsin və dərk etsin, elmi biliyə çevirsin. Qeyd etmək lazımdır ki, müxtəlif elmlərin nailiyyətlərini birləşdirmək və sintez etmək missiyası əsasən coğ- rafiya elminin payına düşmüşdür. Hazırda elmin əsaslarının öyrənilməsi ki- tablar, monoqrafiyalar, dövri mətbuat orqanları və ən nəhayət, informasiya texnologiyaları vasitəsilə həyata keçirilir. Alimlər və mütəxəssislər arasında əlaqələrin qurulmasında qeyd olunanların, xüsusilə elmi-tədqiqatların əks- olunduğu dövri mətbuat orqanlarının əvəzsiz rolu vardır. Coğrafiya elmi artıq çoxdan özünün təsvir funksiyasını başa vurmuş, təbiətin və təbii proseslərin, ayrılıqda və qarşılıqlı inkişaf qanunauyğunluqlarını öyrənən fundamental və həm də tətbiqi elmə çevrilmişdir. Hazırda iqti- sadiyyatın və sosial həyatın elə bir sahəsi yoxdur ki, coğrafi məlumatlara ehtiyac duyulmasın və coğrafiya elminin nailiyyətlərindən istifadə edilməsin. Əsasən təbii ehtiyatlar və onlardan səmərəli istifadə, istehsalın yerləşdirilmə- si, genişləndirilməsi və əhalinin məskunlaşmasının coğrafi problemlərini öyrənən bu elm Azərbaycanda onun təbii və iqtisadi xüsusiyyətlərinə müvafiq istiqamətdə inkişaf etdirilir. Azərbaycanda coğrafiya elmi üzrə ardıcıl və sistemli tədqiqatların başlanması məhz XX əsrin birinci yarı- sına təsadüf edir. Belə ki, hələ 1937-ci ildə SSRİ EA Azərbaycan Filialının tərkibində Coğrafiya Sektoru yaranır və bununla da keçmiş SSRİ və dünya elmi miqyasında özünəməxsus yeri olan Azərbaycan coğrafiya məktəbinin əsası qoyulur. Maraqlıdır ki, Coğrafiya Sektoru hələ 1925-ci ildə Azərbaycan Sovet Sosialist Respublikası Mərkəzi İcraiyyə Komitəsinin respublikanın təbii ehtiyatlarının öyrənilməsi və rayonlaşdırılması haqqında verdiyi qərar əsasında yaradılmışdır, yəni bu elm nəzəri əsasları ilə yanaşı, həm də real və praktikdir. Yuxarıda göstərilən ildən bəri Azərbaycanın coğraf alimləri və mütəxəssisləri tərəfindən bu ölkənin coğrafiası və təbii resurslarına, ekologiyasına aid çoxlu sayda kitab və monoqrafiyalar, minlərlə məqalələr yazılmasına baxmayaraq, indiyə qədər Azərbaycanda elmin bu sahəsinin özünün dövri mətbuat orqanı olmamışdır. Bu cəhətdən Azərbaycanın coğrafiya və ona yaxın elm sahələrində çalışan alim və mütəxəssislərin ən yeni elmi nailiyyətlərini özündə əksetdirən, Azərbaycan Coğrafiya Cəmiyyəti və AMEA akademik H.Ə.Əliyev adına Coğrafiya İnstitutunun birgə təşəbbüsü ilə yeni nəşrə başlayan “Coğrafiya və təbii resurslar” elmi-metodiki jurnalının işıq üzü görməsini ciddi addım saymaq olar. Jurnal Azərbaycan alimlərinin əldə etdiyi uğurların ölkə daxilində və ölkədən kənar alim və mütəxəssislər arasında yayılmasına və elmi əlaqələrin güclənməsinə kömək edəcəkdir. Jurnalın redaksiya heyətinə AMEA alimləri ilə yanaşı, respublikamızın universitetlərində çalışan tanınmış tədqiqatçılar və pedaqoqlar cəlb edilmişdir. Jurnalda məqalələrin dərc olunmasına qoyulmuş tələblər beynəlxalq standartlara uyğunlaşdırılmışdır. Gələcəkdə jurnalın redaksiya heyətinə görkəmli xarici ölkə alimlərinin də cəlb edilməsi nəzərdə tutulmuşdur. Jurnala coğrafiya elminin bütün sahələrinə − landşaftşünaslıq, geomorfologiya və paleocoğrafiya, iqlimşünaslıq, hidrologiya, torpaq coğrafiyası, biocoğrafiya və ekocoğrafiya, iqtisadi və sosial coğrafiya ilə yanaşı, Xəzər dənizinin coğrafi problemləri, coğrafi təhsil və dünyagörüşünə aid bölmələr daxil edilmişdir. Nəşrdə yubileylər və konfranslar haqqında bilgilər də yer almışdır. Çap olunacaq məqalələrdə, əsas tələb kimi, elmi cəhətdən novatorluğa, müasir yanaşmalara, elmi yeniliyə üstünlük veriləcəkdir. Coğrafiyanın ali və orta məktəblərdə tədrisinin müasirləşdirilməsi, coğrafi informasiya texnologiyalarının tətbiqi, təhsilin müxtəlif səviyyələrində subyektlərə çatdırılacaq biliyin məzmun və səviyyəsininin müəyyən edilməsi də diqqət mərkəzində olacaqdır. İnanırıq ki, yenicə işıq üzü görən “Coğrafiya və təbii resurslar” jurnalı coğrafi təbəqəni müxtəlif as- pektlərdən tədqiq edən alimlərin, tədrisin müxtəlif pillələrində çalışan müəllim və mütəxəssislərin, elmi yenili- klərin istehsalatda tətbiqində maraqlı olan iş adamlarının və geniş oxucu kütləsinin böyük marağına səbəb ola- caqdır. Jurnalın əsas missiyalarından biri də vətəndaşlarımızı Yer kürəsi və Azərbaycan coğrafiyası haqqında biliklərlə maarifləndirməkdir. “Coğrafiya və təbii resurslar” jurnalının ilk sayının işıq üzü görməsi münasibətilə Azərbaycanın coğra- fiyası, ekolologiya və təbii resursları ilə məşğul olan alim və mütəxəssisləri, ümumtəhsil məktəblərində coğrafiya fənnini tədris edən müəllimləri təbrik edir, onları jurnalın ardıcıl və maraqlı çıxmasında fəallıq göstərməyə çağırır, jurnala isə uzunömürlülük və uğurlar diləyirəm! Akademik R.M.Məmmədov GEOMORFOLOGİYA Yüklə 5,19 Kb. Dostları ilə paylaş:
|