1
Denov tadbirkorlik va pedagogika instituti Boshlang‘ich
ta‘lim yo‘nalishi 5BT-s22 guruhi 2- bosqich talabasi
Ibragimova Shahnozaning Ona tili nazariyasi va amaliyoti
fanidan yozgan mustaqil ishi.
Mavzu: Ravish so'z turkumi sifatida
Harakat va holatning belgisini, belgining belgisini (sifat va ravishning),
ba’zan predmetning (ot) belgisini bildiradigan mustaqil so`z turkumi ravish deyiladi.
Masalan: Qutlug`jon tez orada o`zbekcha biyron-biyron gaplasha boshladi (O.).
Ko`kday bepoyon mening Vatanim (Q.Hikmat).
Sifat so`z turkumi kabi ravish ham belgi bildiradi. Lekin sifat, asosan,
predmetning belgisini, ravish esa, asosan, ish-harakatning belgisini, belgining
belgisini bildiradi.
Ravish ish-harakatning bajarilish tarzi (astoydil urindi), payti (hozir keldi),
o`rni (yuqoriga intildi), miqdori (kam gapirdi), darajasi (nihoyatda achindi), sababi
(noiloj ko`ndi) va maqsadi (jo`rttaga indamadi)ni anglatadi.
Ayrim ravishlar ba’zan otga bog`lanib, predmetning noaniq miqdorini (ko`p
kitob), sifat va ravishning o`ziga bog`lanib, belgining kuchini; darajasini,
o`xshashligini (obdon pishiq, ancha ilgari, toshday qattiq) ifodalaydi. Shu ma’no
xususiyatlariga ko`ra ravish qanday? qay tarzda? qachon? qayerga? qayerda?
qayerdan? qancha? qay darajada? nega? nima maqsadda? kabi so`roqlariga javob
bo`ladi.
Ravish o`ziga xos grammatik xususiyatlarga ega:
1) ravish boshqa so`z bilan bog`lanib kelganda morfologik jihatdan
o`zgarmaydi (so`z o`zgartiruvchi affikslarni olmaydi). Lekin ma’lum kelishik yoki
egalik qoʻshimchasi shaklida (qotib qolgan holda) ravishga ko`chgan so`zlar
mavjud: kunda, yiliga, kunduzi, chindan, rostdan, yaqinda, birdan, birga kabi.
2) ravish belgi bildiruvchi so`z bo`lgani uchun sifat kabi belgini (harakatning
belgisini) darajalab, chog`ishtirib ko`rsatish xususiyatiga ega. Biroq ravishlarda
2
daraja anglatish sifatlardagi kabi taraqqiy qilgan emas. Ravish ham uch daraja
ko`rinishiga ega: oddiy daraja, qiyosiy daraja, orttirma daraja. Daraja ma’nosi sifat
darajalaridagi vositalarning o`zi bilan ifodalanadi. Belgini darajalab ifodalash,
asosan, holat ravishlari (ayrim payt va miqdor)ga xos
1
.
Oddiy daraja. Oddiy darajada ravish ish-harakat belgining normal holatda
(chog`ishtirilmagan holatda) ekanligini bildiradi va o`ziga xos morfologik
ko`rsatkichga emas: Usmonjon gunohkorona jilmaydi.
Qiyosiy daraja. Qiyosiy darajadagi ravish harakat belgisining boshqa belgi
bilan chog`ishtirish orqali belgining kamligi, kuchsizligi, ko`pligi, ya’ni
kuchaytirish ma’nosini ko`rsatadi va ravishlarga -roq affiksini qo`shish bilan hosil
qilinadi: astaroq, ozroq, barvaqtroq, keyinroq kabi: Zaynab ilgariroq, Kumush
keyinroq ichkariga kirishdi (A.Qodiriy). Ba’zan qiyosiy darajadagi ravishdan oldin
sal, yana, tobora kabi ravishlar keladi. Bunday holda kuchaytiruv va kuchsizlantiruv
ekspressiv yo`l bilan yanada orttirilgan bo`ladi: Sal burunroq o`tkazilsa, ancha bo`y
bergan bo`ladi (Sh.Rashidov).
Orttirma daraja esa ravishdan oldin juda, nihoyatda, eng, hammadan kabi
so`zlarni keltirish bilan hosil qilinadi va harakat belgisining normal holatdan o`ta
ortiqligini, kuchaytirilganligini ifodalaydi: Bu yurtda eng avval senda tong otar, Eng
keyin tark etar seni quyoshing (E.Vohidov). Imon bilan amal bir-biriga juda
yaqindir. Ular bir-birisiz durust emas (Hadisdan).
3) ravishning fe’lga bog`lanib, gapda ko`pincha hol vazifasida kelishi, uning
asosiy grammatik xususiyatlaridan biri sanaladi: Ogahiy yaratgan she’riy misralar
o`zining serjiloligi bilan kishilarni hamon o`ziga rom qilib kelmoqda.
4) ravish sifat va ravishga, ba’zan otga bog`lanib kelib, belgining belgisini
bildiradi, gapda sifatlovchi-aniqlovchi vazifasi bajaradi: Tog`day og`ir bilak
berdim...
Ba’zi ravishlar otga ham bog`lanib, uning belgisini ko`rsatadi va sifatlovchi
aniqlovchi vazifasini bajaradi. Fe’lga bog`lanib, harakatning belgisini bildirgan
1
Sayfullayeva R., Mengliyev B., Boqiyeva G., Qurbonova M., Yunusova M., Abuzalova M. Hozirgi o‘zbek adabiy tili.
“Fan va texnologiya”, -T.: 2009.
3
sifatlar ravish so`z turkumiga o`tib ketmagani kabi, otga bog`langan ravishlar ham
sifat turkumiga o`tmaydi: U ancha jo`yaklarni oraladi, ancha qovunlarni ushlab, qay
birini uzishni bilmadi. Yetti qizning onasi haligacha kelinchak (Topishmoq).
5) ravish otlashish xususiyatiga ega, ya’ni ravish bog`lanib kelgan ot gapda
qo`llanmasligi mumkin. Bunday holda ravish otga xos egalik, kelishik, ko`plik
affikslarini qabul qiladi va gapda ot kabi ega, qaratuvchi-aniqlovchi, to`ldiruvchi
vazifalarida keladi: Ko`pni ko`rgan ko`hna dunyoda Baxt axtarib ko`plar o`tdilar.
Har bir ishimizdan ertaning shabadasi kelib turibdi, o`g`lim.
Ravishlarda otlashish hodisasi, asosan, holat, miqdor belgisini (ba’zan payt
belgisi) bildiruvchi ravishlarga xos.
6) ravish gapda hukm tushunchasini anglatib bosh bo`lak ot kesim vazifasida
ham keladi: Odam har qancha olim bo`lsa ham, uning o`zi sezmagan kamchiliklari
ko`p («Oz-oz o`rganib dono bo`lur»).
7) ravish so`z yasalish xususiyatiga ega. Ravish yasovchi maxsus so`z
yasovchi affikslar mavjud: do`stona, yangicha, tasodifan, butunlay kabi. Bunday
usul bilan ravish yasalishi morfologik usul sanaladi. Ravish sintaktik usul bilan ham
yasaladi: bir oz, har gal, bir yo`la, dam-badam kabi.
8) ravishlarda modal ma’no yasalishi ham mavjud. Bunday shaklda kelgan
ravishlar harakat belgisining kuchsizligi, ta’kid, noaniqlik kabi ma’nolar anglatadi.
Bu modal ma’no sintetik shakl orqali hosil qilinadi, ya’ni ravishga -roq, -gina (-kina,
-qina) affikslarini qo`shish orqali: ko`proq, endigina, sekingina, kechagina kabi
hamda ravishlarni aynan takrorlash yo`li bilan hosil qilinadi: asta-asta, tez-tez, sal-
pal kabi.
Men ko`proq uni ko`rish niyatida yurar edim, lekin o`ylaganim bo`lmadi
(P.Qodirov). Hasanali sekingina daricha ostig`a yotib hujra ichiga quloq soldi
(A.Qodiriy). Chiqsak ham Sulton amaki bilan chiqardik. Sekin-sekin unga o`rgana
boshlagandik (H.Nazir)
2
.
2
Amonov, Ulug‘murod Ona tili (morfologiya) [Matn] : o‘quv qo‘llanma / U. Amonov .-Buxoro: "Sadriddin Salim
Buxoriy" Durdona,2021.-216 b.
4
Ravish mustaqil soʻz turkumi sifatida quyidagi morfologik xususiyatlar bilan
ajralib turadi: 1) daraja kategoriyasiga ega: tez, koʻp (oddiy daraja) — tezroq,
koʻproq (qiyosiy daraja) — eng tez, juda koʻp (orttirma daraja) kabi; 2) oʻzgarmas
bulib, koʻpincha feʼllarga bogʻlanib keladi: Soʻrida qat-qat duxoba koʻrpachalar
ustma-ust toʻshalgan edi; 3) Ravish ayrim oʻrinlarda sifat va otga bogʻlanib kelishi
ham mumkin. Bunday hollarda Ravish belgining belgisini yoki predmetning
belgisini emas, oʻzi bogʻlanib kelgan sifat yoxud otdan anglashilgan harakatlarning
belgisini bildiradi: Kecha havo juda sovuq edi. U hozir beqiyos va tasavvur qilib
boʻlmas baxtiyor edi; 4) Ravish yasovchi muxsus qoʻshimchalarga ega: cha, ona,
larcha, lab va boshqa; 5) turlanmaydi va tuslanmaydi (otlashish hollari bundan
mustasno)
3
.
Ravishlar morfologik va sintaktik usullar bilan yasaladi: doʻstona,
qahramonlarcha, oylab (morfologik usul), har zamon, shu on, bir dam (sintaktik
usul) kabi. Ravishlar tuzilishiga koʻra, sodda (kamtarona, vijdonan, butunlay),
qoʻshma (har dam, bir yoʻla, ozmuncha, har qachon), juft (kechakunduz, qishin-
yozin) va takroriy (ozoz, tez-tez, koʻp-koʻp) turlarga boʻlinadi. Ravishlarning
anchagina, juda, kam, kamkam kabi shakllari modal shakl hisoblanadi. Ravishlar
gapda hol, aniqlovchi va kesim vazifalarida keladi.
Ot, sifat, fe’l, ravish yasovchi qo‘shimchalar so‘z yasovchi hisoblanadi.
Affiksatsiya so‘z yasashda unumli usuldir: chiroy-lichiroyli; mulk-dor-mulkdor;
qahramon-ona-qahramonona, qahramon-larcha-qahramonlarcha.
3
Sayfullayeva R., Mengliyev B., Boqiyeva G., Qurbonova M., Yunusova M., Abuzalova M. Hozirgi o‘zbek adabiy tili.
“Fan va texnologiya”, -T.: 2009.
Dostları ilə paylaş: |