1
Düzəliş edilmiş və yenidən tərtib olunmuş AÇG
HPBS-in imzalanması mərasimində Bob Dadlinin
çıxışı – 14 sentyabr 2017-ci il
Cənab Prezident, xanım Birinci vitse-prezident, zati-aliləri,
nazirlər, SOCAR-dan olan dostlarımız, möhtərəm qonaqlar.
Hər birinizin sabahı xeyir.
Ümid edirəm ki, hər kəsin foyedə təşkil edilmiş sərgiyə baxmaq
imkanı oldu – sərgidə ötən 25 il ərzində baş vermiş bütün
əlamətdar hadisələr öz əksini tapıb.
Bu, kifayət qədər uzun bir tarixçədir.
Möhtəşəm nailiyyətlərə görə cənab Prezidentə və onun
hökumətinə minnətdarlığımı bildirmək istəyirəm.
Eləcə də, Rövnəq Abdullayevə və onun SOCAR-dakı heyətinə və
bu gün burada iştirak edən bütün tərəfdaşlarımıza da təşəkkür
edirəm.
Bütün bu nailiyyətlər yalnız mərhum Prezident Heydər Əliyevin
uzaqgörən siyasəti sayəsində mümkün olmuşdur. Onun da
xatirəsini dərin ehtiramla yad etmək istəyirəm. 1994-cü ildə
imzalanmış və haqlı olaraq “Əsrin Müqaviləsi” adlandırdığımız
saziş məhz onun uzaqgörənliyinin bəhrəsidir.
Altı fərqli ölkədən olan on bir şirkət SOCAR ilə birlikdə ölkənin
enerji yolunda yeni bir səhifə açdı.
2
1994-cü ildə sentyabr ayının məhz həmin əlamətdar günündə
mərhum Prezident Heydər Əliyev “Azərbaycanın həyatında yeni
dövrün başlandığını” demişdir.
O, haqlı idi.
Azərbaycanın dənizdəki neft ehtiyatlarının işlənməsində və eləcə
də həmin ehtiyatların dünya bazarlarına nəql edilməsində
möhtəşəm nailiyyətlər əldə olunmuşdur.
Bu vaxtadək təxminən 33 milyard dollar investisiya qoyulmuş və
3,2 milyard barel neft hasil edilmişdir.
Həmçinin Azəri-Çıraq-Günəşli yatağından ümumilikdə 30 milyard
kubmetr səmt qazı hasil edilərək Azərbaycan Hökumətinə
verilmişdir.
Buna görə də, haqlı olaraq qeyd etmək olar ki, cənab Prezident,
məhz Sizin və mərhum atanız Prezident Heydər Əliyevin enerji
sahəsində verdiyi qərarlar bu möhtəşəm ölkənin iqtisadi
inkişafına yol açıb və dünyanın enerji xəritəsini həmişəlik
dəyişdirib.
Və bu gün, biz sazişin müddətini əsrin ortasınadək uzadırıq və bu
çox əlamətdar bir andır. Biz burada bu tarixi hadisəni qeyd etmək
üçün toplaşmışıq və hesab edirəm, bunu “Yeni Əsrin Müqaviləsi”
adlandırmaq düzgün olar.
3
İcazə verin cənab Prezident Sizə, Hökumətinizə, SOCAR-a və
Türkiyə, Norveç, Yaponiya, ABŞ və Hindistandan olan
tərəfdaşlarımıza bu vaxtadək əldə etdiyimizi nailiyyətlər və
bugünkü tarixi imzalanma münasibətilə təbriklərimi bildirim. Bu
sazişin imzalanması AÇG-nin tarixində növbəti mərhələyə qədəm
qoymaqla tərəfdaşlığımızın yeni səhifəsini açmağa imkan verir.
Növbəti 32 il ərzində birgə işləyərək və AÇG üzrə potential olaraq
40 milyard dollardan artıq həcmdə yeni sərmayə qoyaraq, biz
Azərbaycanın neft və qaz hasilatının uzunmüddətli gələcəyini
təmin etməyə davam edəcəyik.
Və bu da öz növbəsində, Türkiyə və Gürcüstan əraziləri ilə
əlverişli təchizat marşrutlarına malik olan bu regionun rolunu
daha da gücləndirməklə, onu bütövlükdə mühüm beynəlxalq
enerji mərkəzinə çevirir.
Bütün bunlara dəstək olmaq üçün, BP şirkəti olaraq, biz dünyada
aparıcı mövqe tutan texnoloji imkanlarımızla, dünyanın bir çox
yerindəki nəhəng yataqlar boyunca həyata keçirdiyimiz işlərdən
qazandığımız təcrübələr və xüsusi biliklərimizlə töhfə verərək
Azərbaycandakı 25 illik uğurlu təcrübəmizi davam etdirəcəyik.
Xəzər dənizində də bu dünya səviyyəli infrastrukturun inkişafını
davam etdirəcəyik. Elə ötən həftə Şahdəniz konsorsiumu ilə birgə
sualtı tikinti işləri üçün dünyada ən qabaqcıl gəmilərdən biri olan
“Xankəndi” gəmisini istismara verdiyimiz kimi.
4
Cənab Prezident, həmin mərasimində iştirak etdiyinizə görə Sizə
təşəkkürümü bildirirəm.
Həmçinin qeyd etmək istəyirəm ki, BP-nin Azərbaycandakı
öhdəliyi genişlənərək biznes və sosial inkişafın digər sahələrini də
əhatə etməyə davam edəcək.
Cənab Prezident, Siz bir dəfə qeyd etmişdiniz ki, dünyada müasir
inkişaf biliyə, texnologiyalara və təhsilə əsaslanacaq. BP şirkəti
və bütün tərəfdaş şirkətlər, Azərbaycanda bu sahələrin hər birinə
töhfə verməyimizdən qürur duyuruq.
Bizim Azərbaycan qarşısındakı öhdəliyimiz nəhəng platformalar
və uzun boru kəmərləri ilə bitmir.
İqtisadiyyatı quran enerjini istehsal etdiyimiz kimi, biz hər
mərhələdə təhsilə dəstək olmaqla yerli potensialın yaradılmasının
da önəmli olduğuna inanırıq. Bu, uşaq bağçalarındakı uşaqlardan
tutmuş universitetlərdə, o cümlədən Bakı Ali Neft Məktəbindəki
Layihələrin İdarə Edilməsi Məktəbində və ADA Universitetindəki
“Big Data” Mərkəzində yetişən sənayedəki yeni nəsil rəhbər
şəxslərədək hər kəsi əhatə edir.
Biz bacarıqları inkişaf etdirməklə, yeni biznes imkanları
yaratmaqla və gəlir mənbələrinin formalaşdırılmasına dəstək
olmaqla, yaşadığımız və fəaliyyət göstərdiyimiz regionlardakı
icmalara yardım etməyin əhəmiyyətli olduğuna inanırıq.
5
Biz mədəniyyətə və müxtəlifliyə hörmətlə yanaşmağın və idman
sahəsindəki təşəbbüsləri dəstəkləməyin önəmli olduğunu hesab
edirik.
BP şirkəti olaraq, biz Bakı 2015 Avropa Oyunlarının və Bakı 2017
İslam Həmrəyliyi Oyunlarının rəsmi tərəfdaşı olmaqdan çox qürur
duymuşuq.
Biz Azərbaycan Milli Olimpiya və Paralimpiya Komitələri ilə
tərəfdaşlıq sazişlərimizi uzatmaqla Azərbaycanın istedadlı
idmançılarına dəstəyi davam etdirəcəyimizə ümid edirik.
Beləliklə, bir çox istiqamətlərdə Azərbaycanın gələcəyi parlaqdır
və BP ölkənin davamlı inkişafının bir hissəsi olmaqdan qürur
duyur.
İcazə verin, qarşıdan gələn uzun illər ərzində AÇG-də yeni
mühüm mərhələlərin təməlinin qoyulmasına başladığımız bir
vaxtda bütün tərəfdaşlarımıza bir daha öz təşəkkürümü bildirim.
Təşəkkür edirəm!
Dostları ilə paylaş: |