12
«ƏL-MƏHDİ (əc)» İSLAM MAARİF MƏDRƏSƏSİ
MÜQƏDDƏS QUM ŞƏHƏRİ
2016 - 2017
İSLAM MƏZHƏBLƏRİ
və TƏRİQƏTLƏRİ
XƏYAL TOFİQOĞLU
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
1
Giriş
Qeyd edildiyi kimi Əşərilər məktəbi 4-cü yüzilliyin əvvəllərində meydana
qədəm qoydu. İraqda əşəri hərəkatı ilə yanaşı biri Səmərqənddə və digəri
Misirdə olmaqla, metod, hədəf və etiqad baxımından Əşairəyə bənzər digər
iki kəlami hərəkat ərsəyə gəldi. Bu iki hərəkatdan birinin təsisçisi Əbu
Mənsur Maturidi (vəfatı: 333 h.q.), digərinin banisi isə Əbu Cəfər Təhavi
(vəfatı: 321 h.q.) idi. Hər üç hərəkat dini etiqadları qorumaq, Mötəziləni inkar
etmək, bir də Əhlul-hədis və Mötəziləyə əməldə orta yol göstərmək
məqsədilə meydana qədəm qoydu.
Əşəri fiqhdə Şafii, Maturidi və Təhavi isə Hənəfi tərəfdarları idi. Etiqad
xüsusunda da Əbu Hənifənin etiqad prinsiplərini bəyan və şərh etmək iddiası
edirdilər. İslam dünyasında təsir və əhəmiyyət baxımından Əşəri yuxarı
pillədə, Maturidi ondan sonra, Təhavi də son pillədə qərarlaşır.
Maturidi ilə Təhavinin fərqi ondan çox ictihad və əqli nəticələrə vaxt
ayırmasıdır. Təhavinin hədəfi Əbu Hənifənin nəzərlərini xülasələşdirmək və
onun əql və nəqlə müvafiqliyini bəyan etmək olduğu halda, Maturidi Əbu
Hənifənin prinsip və qaydaları əsasında etiqadlardan çıxarış etməyə, yeni
nəticələr əldə etməyə çalışırdı. Məzhəb və təriqət tarixində Təhavinin
mühüm rolu olmadığını nəzərə alıb deyilənlərlə kifayətlənirik. Əvəzində isə
hənəfilərin bir çoxunun etiqadda nəzərlərinə tabe olduğu Maturididən bir az
çox danışacağıq.
Maturidiyyənin şəxsiyyəti və əsərləri
Bu kəlami məktəbin təsisçisi – qeyd edildiyi kimi – Əbu Mənsur
Maturididir. Tam adı Məhəmməd ibn Məhəmməd ibn Mahmud Maturidi
Səmərqəndidir. O, Səmərqəndin Maturidi kəndindəndir. Nəsəbi Əbu Əyyub
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
2
Ənsariyə – Peyğəmbərin (s) səhabəsi və Məkkədən Mədinəyə hicrət edərkən
ona evində yer vermiş şəxs – çatır. Ardıcılları onu “əş-Şeyx”, “əl-Fəqih”,
“İlmul-huda” və “İmamul-mutəkəllimin” kimi vəfs edirlər. Bu da, ardıcılları
arasında üstün mövqeyini göstəricisidir.
Tarixçilər vəfatının hicri tarixlə 333-cü ilə təsadüf etdiyini yazsalar da,
doğum tarixi haqda bir söz deməmişlər. Buna rəğmən, bəziləri doğum
tarixinin 238
1
, bəziləri 248-ci il
2
olduğunu iddia ediblər.
Əbu Mənsur Maturidi təfsir, kəlam, usuli-fiqh və digər İslam elmləri
sahəsində mühüm əsərlər qələmə almışdır. Həmin kitabların siyahısı belədir:
1-
“Təvilatul-Quran” və ya “Təvilatu əhlus-sunnə”;
2-
“Məaxizuş-şəriə” və ya “Məxəzuş-şərayi”;
3-
“ət-Tövhid”;
4-
“əl-Cədəlu fi usulil-fiqh”;
5-
“əl-Məqalat”;
6-
“Öyüdnamə”
3
.
Qeyd edilən əsərlərdən nəşr edilənləri bunlardır:
a)
“ət-Tövhid”: Bu kitab Maturidiyyənin ilk kəlam mənbəyi sayılır, həm
də daima Maturidiyyə məktəbinin müəllim və şagirdlərinin diqqət
mərkəzində olmuşdur. Sözügedən kitab Dr. Fəthullah Xəlifin
müqəddiməsi və araşdırması ilə “Darul-Məşriq” tərəfindən
Dəməşqdə çap edilmişdir
4
.
b)
“Təvilatu əhlus-sunnə”: Maturidi bu kitabda Quran ayələrini təfsir
etmişdir. Kitabda özünün üsuli-fiqhi və məzhəbinin imamı Əbu
Hənifənin nəzərlərindən istifadə etmişdir. Bu cəhətdən kitab etiqadi
1
“ət-Tövhid” kitabının müqəddiməsi, səh. 2; “İslamın fəlsəfə tarixi”, c. 1, səh. 368.
2
“Buhusun fil-miləl vən-nihəl”, c. 3, səh. 12.
3
“Kəlami məzhəb və təriqətlər”, səh. 72.
4
Hicri-qəməri tarixlə 1390-cı ildə, 412 səhifədə.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
3
və fiqhi rəng alıb. Kitabın ilk və son bölümü
5
hicri tarixlə 1390-cı ildə
Qahirədə nəşr olunmuşdur.
c)
Öyüdnamə: Bu kitab İrəc Əfşarın səyi ilə “İran mədəniyyəti
toplusu”nun 9-cu cildində çap edilmişdir. Öyüdnamə kitabı hikmət,
möizə və əxlaq mövzularını əhatə edir
6
.
Maturidinin əsərlərini mütaliə etməklə, elmi məqamını dərk
etmək olar.
Maturidiyyənin kəlami metodu
Maturidi “Tövhid” kitabında əvvəlcə əqidə və imanda təqlid etməyin
düzgün olmadığına toxunur, daha sonra öz əqidə üsullarını haqq bilib
sələflərə tabe olduğunu, digərlərinin əqidələrinin isə batil olduğunu deyən
təriqətləri tənqid atəşinə tutur. O, inanırdı ki, hər hansı bir məzhəb
ardıcıllarının sayca çoxluğu həmin məzhəbin haqlılığına dəlalət etmir; etiqad
prinsipləri, əqli nəticələr əsasında araşdırılıb təsdiq olunmalıdır, əks
təqdirdə, onun heç bir elmi dəyəri olmayacaqdır. O, həmçinin dini anlayışları
əldə etməkdə ağlı yetərli bilən şəxsləri tənqid edir, mərifətin əldə
olunmasının mümkünlüyünü aşkar şəkildə bəyan etməklə yanaşı, bilik
vasitələrini duyğu, xəbər və ağılda görürdü.
1.
Duyğu
İnsanın bilik əldə etməsi üçün ilk vasitə hissdir. Maturidi, bilik vasitələri
içərisində hissi ən ümumi və ibtidai saymış, hətta heyvanlar da öz hiss və
duyğu orqanları ilə onlar üçün faydalı və ya zərərli olan şeyləri dərk edə
bildiklərini demişdir. Maturidi duyğu əsasında bilgini aksiom hesab edir və
onu dananlara arqument göstərilməsini əsassız sayırdı. Sonra belə şəxsləri
5
Sözügedən kitabın ilk bölümü Quranın əvvəlindən “Bəqərə” surəsinin 114-cü ayəsinədək,
son bölümü isə “Münafiq” surəsindən Quranın sonunadək olan ayələlərin təfsiridir.
6
“Düşüncə fəzası”, №4, səh. 74.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
4
yalnız əməli surətdə ədəbləndirməyin gərəkliyini vurğulayırdı. Çünki, ağrını
dadan, duyğunu inkar etməz.
2.
Xəbər
Maturidi mötəbər xəbərləri bilikdə digər bir vasitə bilir. O, deyir: Xəbərlər
nəsəb elmi, tarixi hadisələr, əlçatmaz ölkə və ərazilər, faydalı və zərərli
şeylər, qida maddələri, dərmanlar və sair şeylər haqqında məlumat
toplamaq üçün bir vasitədir. Xəbər iki növdür:
1. Tarixi, yaxud mütəvatir xəbərlər;
2. Elçiliyinin doğru olmasına dair aydın sübutlar göstərən peyğəmbərlərin
xəbərləri.
Maturidi sonra deyir: Bu iki növ xəbərin hər biri mərifət üçün bir vasitədir.
Amma nəbəvi xəbərlərə çox diqqət edilməlidir. Çünki xəbərlərin
ötürülmləsində vasitəçilik edən ravilər məsum deyil və xətaya yol vermələri
mümkündür.
Maturidi xəbərin bilik mənbəyi olmasını dananlar barəsində də əməli
tədbir görülməsini təklif edərək deyirdi ki, bu kimi şəxsləri fiziki tənbeh
etmək lazımdır. Onlar ağrıdan şikayətləndikləri zaman deyilməlidir: “Sizin
şikayətiniz də bir xəbərdir və sizə görə xəbər əhəmiyyətsizdir, çünki bilik
doğurmur”.
3.
Ağıl
Maturidinin nəzərinə görə, ağıl mərifətin ən mühüm mənbəyidir. Çünki
duyğu və xəbər ağlın köməyi olmadan həqiqi elmə çevrilə bilməz. Fövqəl-
təbii nəsnələrin həqiqəti, əxlaqi kodeks haqqında elm əldə etmək yalnız
ağılla mümkün ola bilər. İnsanla heyvan arasındakı ən böyük fərq məhz
Allahın insana bəxş etdiyi ağıl qüvvəsidir. Ağıl qüvvəsi həqiqətin kəşf
olunmasında ən mühüm vasitə olduğundan, Qurani-kərim insanı daim
təfəkkürə və ağlını işlətməyə dəvət edir.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
5
Maturidinin nəzərində ağıl bilik kəsb etməkdə ən mühüm mövqe və
məqama malikdir. Bununla belə, o inanırdı ki, ağılla bütün işlər, o cümlədən
insana zəruri məsələlər barəsində tam bilgi əldə etmək mümkünsüzdür.
Duyğu kimi ağılın da müəyyən məhdudiyyətləri var. O cümlədən, ağıl meyl,
məqsəd, adət və mühit kimi xarici və daxili amillərin təsirinə düşür və fərqli
nəticələr alır. Alimlər arasında bir-birinə zidd və fərqli nəzər və etiqadların
mövcudluğu müddəamıza şahiddir.
Buna əsasən Maturidi bildirir ki, ağıl düzgün nəticə almaq və həqiqətin
kəşfində mötəbər bələdçiyə möhtacdır və bu yol göstərən də məhz vəhydir
7
.
Tədqiqatçıların nəzərini özünə cəlb edən məsələlərdən biri də budur ki,
görəsən, Maturidinin metodu Əşəri metodundan fəqli idi, ya yox? Əgər
aralarında fərq varsa, nədir? Bu xüsusda iki versiya irəli sürülüb:
1-
Uyğunluq fərziyyəsi
Bəzilərinin nəzərinə görə, Mötəziləyə müxalifət və Əhlul-hədisə dəstək
prinsipində Əşəri və Maturidi müvafiq olduqları kimi metod baxımından da
bir-birinə uyğundurlar. Dr. Fəthullah Xəlif bu versiyanı belə izah edir:
“Maturidi də Əşəri kimi zahirpərəst və ağılpərəstlər arasında orta yolu
tutmuşdu. Necə ki, bu iki şəxsiyyət Cəbriyyə və Ğali cərəyanları qarşısında
orta və oxşar yol və mövqe tutmuşdu. Deməli, onlar məzhəbdə yekdil olduğu
kimi, metod bəhsində də müttəfiqdirlər”
8
.
2-
Fərqlilik fərziyyəsi
Bir qrup araşdırmaçı Maturidinin metodunu Əşəri metodundan fərqli
bilmişdir. Nəticə etibarı ilə, Maturidinin metodu daha ağlabatan
olduğuna, Mötəzilə ilə Əşairə arasında orta yol saymaq olar. Necə ki,
Əşərinin metodu Mötəzilə və Əhlul-hədis arasında orta xətt idi
9
.
7
“İslam məzhəbləri ilə tanışıq”, səh. 80-81.
8
“ət-Tövhid” kitabının müqəddiməsi, səh. 10.
9
Şeyx Məhəmməd Zahid Kövsəri, Əbu Zöhrə, Dr. Əli Əyyub, Dr. Mahmud Qasim və ustad
Cəfər Sübhani bu görüşün tərəfdarlarıdır.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
6
Ustad Cəfər Sübhani bu xüsusda belə deyir: “Maturidiyyənin metodu
Əşərinin metodundan fərqlidir və onun kəlami məzhəbini aşağıdakı
xüsusiyyətlərlə vəsf etmək olar:
a)
Maturidiyyə məzhəbində ağlın etibarı çoxdur;
b)
Əşəridən fərqli olaraq Maturidinin metodu “təşbih” (bənzətmə)
və təcəssümdən uzaq, “tənzih”ə (pak və nöqsansız saymaq) daha
yaxındır;
c)
Maturidi Mötəzilənin nəzər və etiqadlarını kəskin tənqid etsə də,
metod baxımından onlara yaxındır
10
.
Maturidiyyənin kəlami etiqadları
1.
İmanın həqiqəti
İmanın tərifi barəsində müxtəlif fikirlər səsləndirilmişdir. Onlardan
bəzilərinə işarə edirik:
Kərramiyyə iki şəhadəti dilə gətirmək kimi təfsir ediblər. Cəhm ibn Səfvan,
Əbul Həsən Əşəri və İmamiyyənin bir qismi imanı Allahı tanımaq kimi qəbul
etmişlər. Mötəzilənin qədim alimləri ilahi hökmlərə əməl etməyi imanın
sütunlarından saymışlar.
Əhlul-hədis imanı qəlbi etiqad, dil irarı və fizik əməlin tərkibi bilmişlər.
İmamiyyə kəlamçılarının əksəriyyəti və Əşairə imanın həqiqətini yalnız qəlbi
təsdiqdə görmüşlər
11
. Maturidi də bu nəzəri qəbul etmişdir. O, bunu isbat
etmək üçün əqli və nəqli dəlillər önə sürmüşdür
12
.
2.
Böyük günaha bulaşanın hökmü
Maturidi ilk öncə bu məsələdə İslam təriqətlərinin ixtilafına işarə edir
və xatırladır: Bəziləri böyük günaha bulaşanları kafir və müşrik sayır (Xəvaric),
bəziləri də münafiq bilir (Həsən Bəsri və ardıcılları). Bir çoxları isə onu fasiq
10
“Buhusun fil-miləl vən-nihəl”, c. 3, səh. 24.
11
Fazil Miqdad, “İrşadut-talibin”, səh. 438-442.
12
“Kitabut-tövhid”, səh. 373-380.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
7
mömin hesab edir (İmamiyyə, Murciə və Əşairə). Və bir qrup da belələrini nə
iman adına layiq bilir, nə də küfür (Mötəzilə).
Sonra o, Xəvaric və Mötəzilənin etiqadlarını tənqid edir; əqli və nəqli
sübutlar gətirərək puça çıxarır. Bu məsələdə Maturidinin nəzəri, əslində
imanın təfsiri barəsindəki nəzərinin təfərrüatıdır
13
. Çünki, imanın qəlbi təsdiq
və etiqad olduğunu, hökmlərə əməlin imanın əsaslarından sayılmadığını
nəzərə alsaq, ilahi hökmü inkar etməyən, lakin nəfsinin təsiri altında şeytana
uyub böyük günaha mürtəkib olan günahkar şəxs yenə də mömindir (İmanın
ilkin dərəcəsi, elə zahiri imandır) və zahiri imanın hökmləri barəsində
keçərlidir. Axirət əzabı baxımından da tövbə etmədiyi və şəfaət nəsibi
olmadığı təqdirdə əzaba düçar olacaq. Amma, əzabda əbədi qalmaq hökmü
ona şamil deyil.
3.
Mütəşabihlərdə təfviz
Quran ayələri xüsusunda Maturidinin metodu təfvizdir, yəni zahiri dəlalət
öhdəliyini götürmədən və ayələrini məqsədi, təvili haqqında nəzər
bildirmədən onların faydalarına etiqaddır (Mötəzilə kimi). O, “Rəhman ərşin
üzərində qərar tutmuşdur”
14
ayəsi haqqında demişdir:
“Allah-taala buyurur: “Ona bənzər bir şey yoxdur”
15
və növ bənzərliyi
özündən kənar etmişdir. Eləcə də, Allah feil və sifətdə bənzərlikdən uzaqdır.
Deməli, “Rəhman ərşin üzərində qərarlaşmışdır” ayəsinin Quranda gəldiyi
şəkildə məzmununa bağlı olaq, amma təvilini də əmin olmayaq. Çünki,
məqsədin başqa şey olma ehtimalı da var. Mütəşahib ayələrə aid olan prinsip
Allahın görünməsi və bu kimi digər məsələlərə də aiddir. Yəni, bənzətməni
inkar edib, Allahın iradə etdiyinə xüsusi məna axtarmadan iman gətirək”
16
.
13
“Kitabut-tövhid”, səh. 329-365.
14
“Taha”: 5.
15
“Şura”: 11.
16
“Kitabut-tövhid”, səh. 74.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
8
Maturidi bu məsələdə Əşəri ilə eyni mövqedədir. Əşəri də belə deyib:
17
Allahın üzü vardır, amma keyfiyyəti olmadan. Necə ki, buyurub: “Və əzəmətli
və kərəm sahibi olan Rəhbbinin üzü qalacaqdır”
18
. Allahın əli də vardır, amma
keyfiyyəti olmadan. Necə ki, buyurub: “Əlimlə yaratdım”
19
.
Keyfiyyəti olmadan dedikdə məqsəd Allahın üz və əl xüsusiyyətlərini bizə
bəlli olmamasıdır. Odur ki, insanın üz və əl xüsusiyyətlərini (cismaniliyini)
Allah üçün isbat etmir, eyni halda təvilindən də çəkinirik. Halbuki bu, elə
təfviz (Allaha həvalə etmək) deməkdir.
Buna rəğmən, Maturidi və Əşəri ardıcılları təfviz nəzəriyyəsi xüsusunda
yekdil rəydə deyillər. Bəziləri təvilə əl ataraq, əl, üz, yüksəlmə və bu kimi
xüsusiyyətləri Allahın ayrıca sifətləri bilməyib, əli qüdrətə, qərarlaşmanı
ucalığa kinayə hesab etmişdir.
Həmçinin,
“əl-Məvaqif”in
müəllifi
demişdir:
Əksər
səhabələr
“qərarlaşmanı” ucalıq kimi təfsir etmişlər. Şeyx Əşəri bir sözündə bunu ayrıca
sifət saymışdır, amma lehinə sübut göstərilməmişdir. Bu üzdən isbatından
ötrü zahiri ilə kifayətlənmək olmaz. Çünki, qeyd edilən (ucalıq ehtimalı) buna
manedir. Şeyx Əşəri üzü də ayrıca sifət bilmişdir. Amma bu mövzuda da
haqq, “qərarlaşma” barəsində deyilənlədir. Əslində belə demək lazımdır: üz
kəlməsi lüğətdə xüsusi bir üzvdür. Dinləyicinin anlamadığı mənaya sirayət
etdirilməsi düzgün deyil. Bəs, məqsəd məcazi məna olmalıdır. Deməli, üz
Allahın zatı və zati sifətindən başqa bir şey deyil, “qalıcılıq” sifəti də bunun
kimi. Necə ki, “Əlimlə yaratdım” dedikdə, məqsəd Şeyx Əşəri və öndərlərin
dediyi ayrıca sifət mənası deyil, - əksər səhabələrin nəzərinə əsasən - Allahın
tam qüdrətidir
20
.
17
“əl-İbanə”, səh. 18.
18
“Rəhman”: 27.
19
“Sad”: 75.
20
“Şərhul-məvaqif”, c. 5, səh. 110-111.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
9
Niyə Maturidi Əşəri qədər tanınmadı?
Maturidi elmi məqam baxımından Əşəridən geri qalmırdı. Buna rəğmən,
Əşərinin Əhli-sünnə yanındakı şöhrətini qazanmadı. Hətta, Hənəfiyyə və
Maturidiyyə kəlamının rəvac tapdığı yerlərdə belə kəlami bəhslərdə
mütəmadi olaraq Əşəridən və ya Əşairədən söz açılır. Əşəri dedikləri zaman
Maturidiyyəni də qəsd edirlər.
Şübhəsiz ki, bunun bir sıra amilləri var. Bir neçəsinə işarə edirik:
1-
Əşəri İraqda (Bəsrə və Bağdad) Mötəzilə etiqadlarına qarşı çıxdı.
Mötəzilə məktəbinin mərkəz və bazası olan yerdə öz yeni
etiqadlarının müdafiəsinə qalxdı. Bu da, onun tanınmasına səbəb
oldu. Halbuki, Maturidi Mötəzilə məktəbinin mərkəzindən
kilometrlərlə uzaqda idi;
2-
Maturidi bəlli şəkildə özünü Hənəfi məzhəbinin ardıcılı bildiyi üçün,
təkcə Əbu Hənifə ardıcıllarının diqqətini cəlb edə bildi. Əşəri Şafii
məzhəbinin ardıcılı kimi tanınmasına rəğmən buna israr etmir və
bütün Əhli-sünnəni haqq sayırdı. Nəticədə ayrı-ayrı məzhəb ardıcılları
ona təmayül tapdı;
3-
Maturidinin metodu Əşərinin metodundan daha rasional və Mötəzilə
- hansı ki, Əhlul-hədis və adi insanların müxalifi idi - təfəkkürünə daha
müvafiq idi. Bu sarıdan onun etiqadları Əhlul-hədis və ümumi Əhli-
sünnə camaatının diqqətini cəlb etmədi
21
.
Maturidiyyənin məşhur kəlamçıları
Əbu Mənsur Maturidinin ölümündən sonra Maturidiyyə məzhəbinin
yayılmasından ötrü ayrı-ayrı dövrlərdə məşhur alimlər səy göstərmişlər.
Onların ən mühümləri aşağıdakılardır:
21
“Kəlami məzhəb və təriqətlər”, səh. 79-80.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
10
1.
Qazi Əbul Yusr Məhəmməd ibn Hüseyn Əbdul Kərim Bəzdəvi (421-
493 h.q.): O, “Usulid-din”
22
kitabının müəllifidir. Kitabın
müqəddiməsindən anlamaq olur ki, Bəzdəvi tədqiqatçı olmaqla
yanaşı Mötəzilə, Əşari və filosofların nəzərlərinə vaqif imiş. Belə ki,
deyir: “Mən tövhid barəsində yazılan qədim kitabları gözdən
keçirdim. Onlardan bəziləri İshaq Kindi və Əsəfzari kimi filosofların,
bəziləri Əbdul Cabbar, Cəbbai, Kəbi və Nəzzam kimi mötəzililərin,
bəziləri də Məhəmməd ibn Heysəm kimi təcəssümə inanan şəxslər
tərəfindən təlif olunub. Bu xüsusda Əbul Həsən Əşərinin bir çox
kitablarına rast gəldim...”
23
.
2.
Məymun ibn Məhəmməd Nəsəfi (508-418 h.q.): Künyəsi Əbul
Muindir və Maturidiyyənin kəlam üzrə tanınmış kəlamçılarındandır.
Kəlam elmi üzrə yazdığını “Təbsirətul-ədillə” kitabı Maturidinin
“Tövhid” kitabından sonra Maturidiyyənin kəlami mənbələrinin ən
mühümü sayılır. Bu kitab əlyazma halındadır. Amma onun “Bəhrul-
kəlam” adlı digər kitabı nəşr edilmişdir
24
.
3.
Ömər ibn Məhəmməd Nəsəfi (537-460 h.q.): Künyəsi Əbu Həfs,
ləqəbi isə Nəcmuddin Nəsəfidir. O, kəlam elmində “Əqaidun-
nəsəfiyyə” kitabının müəllifidir. Sözügedən kitab Nəsəfinin
“Təbsirətul-ədillə” kitabının xülasəsidir. Əhli-sünnə mədrəsələrində
bu kitabdan dərs vəsaiti kimi istifadə edildiyi üçün ona çoxlu şərhlər
yazılmışdır və onlardan ən məhşuru Təftazaninin şərhidir.
4.
Şeyx Məsud ibn Ömər Təftazani; O, tanınmış İslam alimlərindən
biridir; ərəb dili və kəlam barəsində çoxlu kitablar yazmışdır. “Şərhul-
əqaidin-nəsəfiyyə” onun ən məşhur əsəridir.
22
Bu kitab 1383 h.q. ili tarixində Qahirədə çap edilib.
23
“Buhusun fil-miləl vən-nihəl”, c. 3, səh. 56; “Usulid-din”ə istinadən, səh. 1-3.
24
“Buhusun fil-miləl vən-nihəl”, c. 3, səh. 56.
------------------------------------------------------------------------------------ İSLAM MƏZHƏBLƏRİ və TƏRİQƏTLƏRİ (Dərslik)
-------------------------------------------------------------------------
«ƏL-MƏHDİ (əc)» İSLAM MAARİF MƏDRƏSƏSİ
-
11
5.
Əllamə Kamaluddin Əhməd ibn Həsən əl-Rumi əl-Hənəfi əl-Bəyazi. O,
hicri tarixlə XI əsrin alimlərindən olub, Maturidinin mühüm
mənbələrindən sayılan “İşaratul-məram min ibadatil-imam” kitabını
yazmışdır. Hansı ki, Şeyx Zahid ibn Həsən Kövsərinin müqəddiməsi və
Yusuf Əbdul Rəzzaq araşdırması ilə 1368 h.q. tarixində çap edilmişdir.
Bu kitab Maturidinin “Tövhid”, Bəzdəvinin “Usulid-din” kitablarından
sonra Maturidiyyənin kəlamı kitablarının ən mötəbəridir.
ARDI VAR...
Dostları ilə paylaş: |