İNKİŞAF –
MƏQSƏDİMİZDİR
ON BEŞİNCİ KİTAB
—————
DEKABR 2005 - MART 2006
AZƏRNƏŞR
BAKI - 2014
2
ÇIXIŞLAR * NİTQLƏR
BƏYANATLAR * MÜSAHİBƏLƏR
MƏKTUBLAR * MƏRUZƏLƏR
MÜRACİƏTLƏR * FƏRMANLAR
AZƏRNƏŞR
BAKI - 2014
3
BBK 32
Ə 56
Buraxılışına məsul
akademik
RAMİZ MEHDİYEV
ƏLİYEV İLHAM
Ə 56 İnkişaf – məqsədimizdir. B., Azərnəşr, 2014, 384 səh.
Azərbaycan Respublikasının Prezidenti İlham Əliyevin oxuculara
təqdim olunan çoxcildliyinin bu növbəti cildində Azərbaycanın uğurla
aparılan xarici siyasətinə, iqtisadi potensialın möhkəmlənməsinə, ordu qu-
ruculuğuna, regionların sosial inkişaf proqramının həyata keçirilməsinə,
cəmiyyətimizin demokratikləşdirilməsi istiqamətində önəmli nailiy-
yətlərə, eyni zamanda ictimai-siyasi həyatın digər sahələrinə dair nitqləri,
çıxışları, tövsiyələri öz əksini tapmışdır.
Kitabda prezident İlham Əliyevin Fransaya işgüzar səfəri zamanı
prezident Jak Şirak ilə, ATƏT-in Minsk qrupu həmsədrlərinin iştirakı ilə
Ermənistan prezidenti R.Köçəryanla görüşdə Ermənistan–Azərbaycan,
Dağlıq Qarabağ münaqişəsinin sülh yolu ilə həllinə dair müzakirələrin
materialları, Bakıya gəlmiş bir sıra xarici dövlət və hökumət, beynəlxalq
təşkilatların nümayəndələri ilə görüşləri, KİV-lərə verdiyi bəyanat və
müsahibələri toplanmışdır.
Bu cilddə, həmçinin Azərbaycanda «Rusiya İli»nin təntənəli açılışı
mərasimində iştirak etmək üçün prezident Vladimir Putinin Bakıya
səfəri, İlham Əliyevlə bir sıra görüşlərindən, ölkələr arasında ikitərəfli
əlaqələrin, səmərəli beynəlxalq əməkdaşlığın daha da möhkəmlən-
məsindən və genişlənməsindən bəhs edən materiallar dərc olunmuş,
eyni zamanda, prezident İlham Əliyevin Yaponiyaya rəsmi səfəri
zamanı dövlət xadimləri, şirkət rəhbərləri, nüfuzlu dairələrin nüma-
yəndələri ilə keçirdiyi görüşlərə, danışıqlara dair materiallar, Yaponiya
televiziyasına verdiyi geniş məzmunlu müsahibə öz əksini tapmışdır.
İSBN 978-9952-8100-7-3
32
-
ББК
2014
651(07)
М
0801000000
Я
© Azərnəşr, 2014
4
DÜNYA AZƏRBAYCANLILARININ
HƏMRƏYLİYİ GÜNÜ VƏ YENİ İL
MÜNASİBƏTİLƏ AZƏRBAYCAN
XALQINA TƏBRİK
31 dekabr 2005-ci il
Hörmətli xanımlar və cənablar!
Mən sizi Yeni il münasibətilə ürəkdən təbrik edirəm.
2005-ci il arxada qaldı. Ölkəmiz üçün bu il uğurlu olub-
dur. 2005-ci ildə qarşımızda duran bütün vəzifələr, bütün
planlar həyatda öz əksini tapıbdır. Azərbaycan daha da inkişaf
etdi. Azərbaycanda iqtisadi islahatlar, siyasi islahatlar uğurla
davam etdirildi. Beynəlxalq əlaqələrimiz gücləndi, Azərbaycan
dünyadakı mövqelərini daha da möhkəmləndirə bilmişdir.
İkitərəfli və çoxtərəfli müstəvidə bütün ölkələrlə, dost ölkələrlə
çox səmərəli əlaqələr qura bilmişdir. Bu əlaqələr bizə imkan
verir ki, Azərbaycan dünyadaki mövqelərini daha da
möhkəmləndirə bilsin və Dünya Birliyində öz yerini daha da
gücləndirə bilsin.
Bizim üçün ən ağrılı, ən çətin problem Ermənistan–Azərbay-
can, Dağlıq Qarabağ münaqişəsi və bunun həlli yollarıdır. Bu
istiqamətdə də müsbətə doğru addımlar atılmışdır. 2005-ci ildə
Birləşmiş Millətlər Təşkilatı bu məsələni öz gündəliyinə salmışdır.
Eyni zamanda, Avropa Şurası 2005-ci ilin əvvəlində bu məsələyə
dair çox dəyərli qətnamə qəbul etmişdir və bu qətnaməyə əsasən,
Ermənistan işğalçı dövlət kimi tanındı. ATƏT öz faktaraşdırıcı
missiyasını işğal olunmuş ərazilərə göndərmişdir və missiya orada
ermənilərin qanunsuz məskunlaşmasını aşkar etmişdir. Eyni
zamanda, Avropa İttifaqı və digər beynəlxalq təşkilatlar bu məsələ
ilə bağlı öz işlərini daha da fəallaşdırmışlar. Bütün bunlar
5
deməyə əsas verir ki, ədalətli sülh razılaşmasına biz yalnız və
yalnız beynəlxalq hüquq normaları əsasında yaxınlaşa bilərik.
Bildiyiniz kimi, indi danışıqlar Praqa prosesi çərçivəsində
aparılır və Praqa prosesi mərhələli həll deməkdir. Azərbaycanın
mövqeyi bütün zamanlarda ondan ibarət olmuşdur ki, bu məsələ
yalnız və yalnız mərhələli həll çərçivəsində öz həllini tapa bilər
və Azərbaycanın ərazi bütövlüyü danışıqlar mövzusu deyil və
heç vaxt olmayacaqdır. Bu bizim prinsipial mövqeyimizdir və
danışıqlar yalnız və yalnız bu amillər üzərində qurulubdur.
Bizim işimiz haqq işidir. Azərbaycan bu münaqişəyə dair öz
mövqeyindən dönməyəcəkdir. Biz bu məsələnin beynəlxalq
hüquq normalarına əsasən həll edilməsinin tərəfdarıyıq və ümid
edirəm ki, buna nail olacağıq.
Eyni zamanda, Azərbaycan öz ordu potensialını da güclən-
dirməlidir. Bildiyiniz kimi, bu mənim siyasətimin prioritet
istiqamətlərindən biri olmuşdur və bu gün də belədir. Bizim
ordumuzun maddi-texniki bazası möhkəmlənir. 2005-ci ildə
ordunun xərcləri 2004-cü ilə nisbətən 70 faiz artmışdır. 2006-cı
ildə isə 2005-ci ilə nisbətən 100 faiz artacaqdır. Bizim hərbi
xərclərimiz 2006-cı ildə 600 milyon dollar səviyyəsinə
çatacaqdır və bu da son hədd deyildir. Bizim iqtisadi potensialı-
mız gücləndikcə, əlbəttə ki, orduya ayrılan xərclər daha da
böyük olacaqdır. Biz müharibə şəraitində yaşayırıq. Bizim
torpaqlarımız işğal altındadır və belə olan halda, orduya diqqət
və qayğı hər bir vətəndaşın prioritet məsələsi olmalıdır. Ölkənin
Prezidenti və Silahlı Qüvvələrin Ali Baş Komandanı kimi, mən
bu vəzifəni öz üzərimə götürmüşəm və gələcəkdə ordumuzun
hazırlığı, maddi-texniki bazasının möhkəmlənməsi sahəsində öz
səylərimi əsirgəməyəcəyəm.
Biz hamımız yaxşı bilirik ki, hər bir ölkənin hərtərəfli inki-
şafı üçün, milli maraqlarının maksimum dərəcədə qorunması
üçün onun iqtisadi potensialı mühüm rol oynayır. 2005-ci ildə
biz bu sahəyə də böyük diqqət göstərmişik. 2003-cü ildən
başlanmış Azərbaycanın yeni iqtisadi strategiyası həyata
keçirilir. Bu strategiya bizə qısa müddət ərzində Azərbaycanda
Dostları ilə paylaş: |