Journal of Azerbaijani Studies
421
İSA HÜSEYNOV YARADICILIĞINDA İNSAN PROBLEMİ
Tamilla ƏLİYEVA
1
(Xəzər Universitəsi)
Ekzistensial fəlsəfənin əsasını təşkil edən insan problemi zaman-zaman bədii
ədəbiyyatın da başlıca problemlərindən olmuşdur. Cəmiyyət dəyişdikcə insanın
cəmiyyətdəki rolu da dəyişdiyindən bədii təfəkkürdə dərhal öz əksini tapmışdır.
XX əsrin əllinci illərində cəmiyyətin inkişafının yeni mərhələyə (siyasi, iqtisadi
münasibətlər sistemində) daxil olması bədii fikrin də əsas diqqətini insan
probleminə yönəltdi.
Bədii təfəkkürdə insanın həyatla əlaqələrinə insan və təbiət amilləri arasında-
kı qarşılıqlı münasibətlərə geniş önəm verildi. İnsan mürəkkəbliyini (fərdi, sub-
yektiv keyfiyyətləri ilə birgə) bütün çalarları ilə təsvir etmək yazıçıdan yeni təs-
vir və ifadə üsulları formalaşdırmanı tələb edirdi. Bütövlükdə İttifaq ədəbiyya-
tında müşahidə edilən bu prosesin əsası, əslində Azərbaycan ədəbiyyatında 50-
ci illərdə qoyulur. Hələ vaxtilə tənqidçi A.Hüseynov ədəbiyyatımızda mövcud
olan bu prosesi düzgün müşahidə edərək yazırdı: «Buradan belə bir qənaətə gəl-
mək mümkündür ki, epik vüsətin keçilməsi yalnız 60-cı illərdə fəaliyyətə başla-
mış ədəbi nəslin yaradıcılığı ilə bağlı hadisə deyildir, əslində həmin əsərlər bu
cəhətdən gənclərin əsərlərindəki üslubi istiqamətin müəyyənləşməsi üçün zəmin
olmuşdur. Ümumiyyətlə, nəsrimizin yığcam formalara doğru aşkar meylinə dair
söhbətə orta nəslin fəaliyyətindən başlamaq daha məqsədəuyğundur (5, 4).
Bu cəhətdən yazıçı İsa Hüseynovun yaradıcılığı zəngin material verir. Belə
ki, yazıçı hələ ilk əsərlərində-hekayə və povestlərində insanın daxili aləmini
göstərməyə meyl edirdi. Atası haqqında yazdığı oçerkində də o, ədəbi prosesdə
mövcud olan stereotipləri dağıtmağa çalışırdı. Dövrün görkəmli tənqidçisi
M.Hüseynin «Səni tənbeh eliyəcəm. Oçerkdə niyə öz atandan yazmısan?
sözlərinə: «Çünki atamı yaxşı tanıyıram» cavabı isə nəinki İ.Hüseynovun, eləcə
də yeni nəslin və yeni nəsrin əsas kredosuna çevrilir. Bu dövrdən başlayaraq
İ.Hüseynov yaradıcılığında yeni mərhələnin başlandığını aydın görmək olar.
Xüsusilə insan obrazlarının yaradılmasında, həyat hadisələrinin təsvirində
lirizm və psixoloji təhlilə və yeni üsullar axtarmağa meyl özünü göstərməkdə
idi. Onun «Teleqram», «Saz», «Tütək səsi», «Kollu koxa», «Quru budaq»,
«Şəppəli», «Yanar ürək» əsərlərinin hamısında insan və təbiət amilinə
üstünlük verilirdi.
«Kollu Koxa» povestində yazıçının insanı psixoloji aspektdə təsvr edərək
qəhrəmanın xarakter və düşüncələrini, psixologiyasını xalq düşüncəsi ilə
bağlamağa çalışır. Əsərin qəhrəmanı xarakteri, duyğu və düşüncələri ilə xalq
1
Xəzər Universitəsi
422
Tamilla Əliyeva
içərisindən çıxdığı üçün onun ümumiləşmiş obrazına çevrilir. Kollu Koxanın
psixologiyasında təsvir edilən cəhətlər onun insan obrazını canlı etdiyi kimi,bir
qədər də bütövləşdirir. Yazıçı elə ilk andaca Kollu Koxa haqqında bir neçə
informasiya verməklə obrazın şəxsiyyətinə, hərəkət və fəaliyyətinə maraq
yaradır. Obrazın şəxsiyyəti ilə bağlı suallar oxucu marağını daha da artırır: «-
Cında qarı, Dingə Dəmir, Həsir Haşım».
Siyahı uzundur. Bizim Qaracalarda, uşaqları və yeniyetmələri çıxmaq şərtilə,
neçə Adam varsa, bir o qədər də ləqəb var. İndii o, kənddə yoxdur. İndinin
özünün də ləqəbi var: Kollu Koxa. Bəs bu lqəbi Kim qoşub? Nə üçün Kollu» (1,
259).
Bu suallar indi Qaracalarda olmayan, nə vaxt dönməsi də bilinməyən Kollu
Koxanın yalnız fərdi xüsusiyyətləridir. Lakin onu cəmiyyətə bağlayan, onu
subyektivlikdən çıxarıb ictimai münasibətlərə çevirən detallar da az düeyildir.
Kollu Koxa indii Qaracalarda yoxdur, haçan gələcəyi isə məlum deyil. Lakin
Kollu Koxa heç kimin yadından çıxmır. Hətta kolxox sədri belə onun kəndə
qayıtmasından sonra atacağı addımları; idarə heyətinə ərizə verib işdən çıxmağı,
evini satıb arvad-uşağını götürüb buradan getməyi fikirləşir. Koxanın yenidən
Qaracalara qayıdacağını fikirləşəndə onu xof bürüyür, çalışır ki, heç olmasa
bircə saatlığa onu unutsun. Lakin mümkün olmur. Koxa qarşısında dayanıb
nəfəs alır, gülə-gülə «Cındı qarı, Dinqə Dəmir, Həsir Haşım», - deyə sadalayır.
Koxanın ləqəbləri sərrast və tutarlı olur, hətta rayondan gələn qonaqlar belə
Koxadan ləqəbləri sadalamağı təkidlə xahiş edirdilər. Əsərin psixologizmi də
məhz buradan doğur. Yazıçı ayama qoşan Kollu Koxanın dili ilə insanların
daxili aləmini, duşuncəsini, xarakterini ğaçmağa çalışır və deməliyik ki, buna
nail olur.
Kollu Koxa obrazının əsərdə oynadığı ictimai yük hərtərəflidir. Kollu Koxa
hamı kimi bir fərd olmasına baxmayaraq cəmiyyətə təsir göstərir, onu
təmizləyir, saflaşdırır, sağlamlaşdırır. O, bununla camaatın gözünü açır, ona pisi
yaxşıdan seçməyi öyrədir. Yazıçı «ayama» qoşmaqla şeir qoşmağı müqayisə
edərək üstünlüyü birinciyə verir və demək istəyir ki, xəlvətə çəkilib mənasız
şeirlər yazmaqdansa cəmiyyət üçün bu cür xeyirli işlər görmək lazımdır.
Kollu Koxa obrazında insanın fərdi aləminin təsviri probleminə toxunan
tənqidçi A.Əfəndiyev obrazın bu xüsusiyyətini yüksək qiymətləndirərək
yazırdı: «Kollu Koxanın fəaliyyəti, müəyyən mənada, kollektivin vicdanı,
özünü dərketmə qabiliyyəti, narahatlığı, inkişaf təmayülü - səviyyəsinə yüksəlir.
O, ətrafındakılara yalnız zahiri təsir göstərmir. Onların daxili aləminə nüfuz
edir, onları düşünməyə, həyacanlandırmağa, narahat olmağa vadar edir. Adi
suçu ilə savadlı aqronomu da, rayonun fəxri sayılan Qılınc Qurbanı da, inzibati
işçiləri də rahat yaşamağa qoymayır. Onlara gülür və onları kamilləşdirir»
(4,45).
Psixoloji hadisələrə qüvvətli meyl, insanı bütün mürəkkəbliyi, ziddiyyətləri
ilə təsvir etmək İ.Hüseynovun yaradıcılığı üçün əsas xüsusiyyətlərdəndir.
İsfəndiyar («Saz»), Nuru («Quru budaq»), Şəppəli («Şəppəli»), Kollu Koxa
İsa Hüseynov yaradıcılığında insan problemi
423
(«Kollu Koxa») zahirən fərdi, şəxsi münasibətlər müstəvisində düşüncələri,
arzuları, istəkləri subyektivlikdən kənara çıxararaq bütövlükdə insanın duyğu və
düşüncələrini əks etdirir, ictimai məzmuna malik olur.
İnsanın daxili və mənəvi aləminin təsviri, fərdlərarası münasibətlərin ictimai
məzmun qazanması İ.Hüseynovun «Saz» povestində qabarıq verilib. Yazıçı bu
əsərində insanın mahiyyətinə enir, fərdi mücərrəd bir şəkildə deyil, ictimai
mühitdə, öz gerçəklyində və ictimai münasibətlər müstəvisində göstərməyə
çalışır. Povestdə iki qocanın, iki el ağsaqqalının xarakterli hadisələrin,
qanunauyğunluğun inkişaf prosesində, həyati münasibətlər çəçivəsində
müəyyənləşir. Bu iki fərdin qarşılaşması ictimai münasibətlərin qarşı-qarşıya
durması şəklində təcəssüm edir. İsfəndiyar və Qılınc Qurban eyni cəmiyyətdə
yaşasalar da, bir fərd olaraq fərqli xüsusiyyətlərə malikdirlər. Onların iş üsulları,
cəmiyyətə, insanlara baxışları da fərqli və müxtəlifdir.
Yazıçı bu iki konkret obrazın hadisə və insanlara münasibətində bütöv bir
cəmiyyətin obrazını yaradır. Yazıçı obrazlar arasında gedən mənəvi münaqişədə
tendensiyaçılıq göstərmir, daha çox bu mənəvi münaqişənin köklərini,
səbəblərini təsvir etməyə çalışır. Qılınc Qurbanın insanları çəkindirən
hərəkətlərinin obyektiv nədənini hiss etdirir. Müharibənin insan psixologiyasına
və münasibətlərinə gətirdiyi xüsusiyyətlər (ehtiyac və ağırlıqdan adamların
korlanması) Qılınc Qurbanı daha da sərtləşdirdiyi halda, İsfəndiyar kişini
həssas, diqqətcil və hörmətcil edir. Hadisələrin sonrakı inkişafı onların feldşer
Hacıya münasibətində ən yüksək nöqtəyə çatır.
Feldşerlə Qılınc Qurbanın və İsfəndiyar kişinin münasibəti insan və onun
mövcudluğunu təsvir etmək üçün yazıçının əlində ən yaxşı koordinat rolunu
oynayır. Ekzistensial təfəkkürə görə insana münasibət adi hallarda müəyyən
oluna bilməz. İnsan hər hansı mühitdə müəyyən oluna bilər, çünki o, mistik
təbiətə malikdir, onun meydana çıxması üçün xüsusi məntiqə malik mühit
olmalıdır. «Saz» povestində də belə olmuşdur. Yazıçı insan və onun
mövcudluğunu təsvir etmək üçün müharibə mühitini əsas götürmüşdür. Adi
mühitdə, bəlkə də nə Qılınc Qurbanın, nə də digər insanların feldşerə münasi-
bətlərinin komponentlərində həmin xüsusiyyətlər durmayacaqdı. Lakin əsgər ai-
ləsinin namusunu qorumaq tezisi Qılınc Qurbanı feldeşeri dama salmağa, insan-
ları eşitdiklərinə inanmağa məcbur edir. Bu cür mühitdə xeyir və şər eyni şəkil-
də dolaşır. Bu mühitdə şeytanlar çoxaldığı kimi, insanı hisslər də daha artıq də-
rəcədə baş qaldırır. İnsanın insana inamı, Allaha inamı heç zaman itmir. Ona
görə də dustaq damına salınan feldşer Hacı bilir ki, ona yalnız İsfəndiyar kişi
inana bilər: «Sən ki, məni tanıyırsan, İsfəndiyar əmi! Sən ki, mənim ürəyimə öz
ürəyin kimi bələdsən, isfəndiyar əmi! Niyə ona demirsən, niyə başa salmırsan?
Bundan sonra, bu damğadan sonra mən başımı qaldırıb necə baxım camaatın
üzünə?! Hörmətli, şöhrətli dağ boyda Qılınc Qurban deyəndə hamının dili orta-
sından iki yarılır, nə deyir, hamısına inanırlar!» (1, 54).
İ.Hüseynovun təsvir etdiyi mühitdə insan, ona inam vardır vı bu inamı yazıçı
özü yaratmır, obrazın daxili aləminin məntiqi inkişafından doğur. Yazıçı əsərlə-
424
Tamilla Əliyeva
rində insan psixologiyasına, onun mənəvi-daxili aləminə, dövrün, cəmiyyətin və
mühitin problemlərinə daha çox diqqət yetirir. İ.Hüseynov yaradıcılığında
psixologizmin, insanın daxili aləminə enmənin üstünlük qazandığı əsərlərdən
biri də «Tütək səsi» povestidir. Yazıçı burada müharibə illərinə nəzər salır və
insan amilinə geniş yer ayırır, insanın yaşamaq arzusu ac qalmamaq, ölməmək
fikri ilə təhdid edilir. Əsərin məhz belə bir qorxunc təhkiyə ilə başlaması sujetin
sonrakı mərhələlərində də insanın mövcudluq uğrunda aparacağı mübarizəyə
işarə edir: «_ Əppək… əppə-ək.. əp-pəək… - aradan uzun illər keçməsinə
baxmayaraq, bu uşaq səsi qulaqlarımdan getmir. Bu mənim qardaşımın səsidir.
Onu dinləyə-dinləyə mən illəri adlayıb keçmişə qayıdıram 1942-ci ilin hələ
əsgərlik yaşı çatmamış vətəndaşı oluram» (2, 283).
Lakin yazıçının məqsədi heç də müharibə dəhşətlərini göstərmək
olmamışdır, onun insanların mənəvi aləminə gətirdiyi bəlaları, kataklizmləri
təsvir etməyə çalışmışdır. Yazıçı iki oğul anası Söylünün müharibəyə gedən
ərinin ölüm kağızını aldıqdan sonra Cəbrayılla evləndikdən sonra ailəyə
gətirdiyi faciəni əks etdirir. Tapdıqla Cümrü işdən evə gələrkən qapının bağlı
olduğunu görürlər. Rəngi ağaran Cümrü «yəqin anam özünü öldürüb» deyə
fikirləşir, lakin baş vermiş hadisəni dərk etdikdə qardaşlar baltanı götürüb evə
hücuma keçirlər: «Mən Məlikin sözünü kəsib xəbər aldım ki,
- Bəs bu qapı-baca niyə bu kökdədi? Cümrü eləyib?
- Bə kim eliyəcəydi? Baltanı götürdü, cumdu qapıya. Bu yandan da Tapdıq
gəldi, bir balta da o götürdü. Bax o qıraqdakı Stavnya qopub düşəndə mən lap
birtəhər oldmuşdum, Nuru. Bu yandan ataları belə getdi, bu yandan da indii
girib içəridə analarının meyitini görəcəklər» (2, 301).
Beləliklə, mühitin yaratdığı vəziyyət insana münasibəti dəyişir, yazıçı
müharibəni başlayan alman faşistləri ilə kənardan kəndə girib kolxoz sədri olan
Cəbrayılı eyni tutur.
İnsanın ancaq Allaha münasibətdə mövcudluğu İ.Hüseynovun «Məhşər»
romanında da özünü göstərir. Romanın tarixi mövzuda olması müəllifə insan
konsepsiyasını ortaya qoymasına imkan verir. Müasir mövzuda yazdığı
əsərlərində İ.Hüseynov insan konsepsiyasında özünü müəyyən çərçivəyə
salmasına məcbur edirdisə, tarixi mözulu əsərində belə bir maneə ilə üzləşir.
Üstəlik, «Məşhər» romanının əsas xəttinin hurifizm fəlsəfəsini bədii təfəkkürdə,
fikirdə əks etdirən Nəsiminin həyatı və şəxsiyyəti dururdu. Hurifizm təlimində
Ən başlıca yer, insanın tutduğunu nəzərə alsaq, İ.Hüseynovun «Məşhər»
əsərində insan konsepsiyasının qoyuluşunun mahiyyətini aydın dərk etmək olar.
Belə ki, hurifizm təlimi insanı ictimai bir varlıq kimi deyil, «İlahi qüvvənin»
təcəssümü və təzahürü kimi başa düşürlər. Hurifiliyin əsas məğzi ondan ibarət
idi ki, o, insanın qarşısında özünü dərk etmək vəzimfəsini qoyurdu. Hürifilərin
insan haqqındakı təliminə görə ruh cisimdən əvvəl yaranmışdır. Yəni Allah gizli
bir xəzinə olan öz varlığını aşkar etmək və özünü tanıtmaq üçün insanları
yaratmışdır. Allah müxtəlif zamanlarda üç şəkildə (peyğəmbər, imam, Allah)
özünü göstərir (3).
İsa Hüseynov yaradıcılığında insan problemi
425
ƏDƏBİYYAT
1.
Hüseynov İ. Seçilmiş əsərləri. 3 cilddə, 1c. B., 1988.
2.
Hüseynov İ. Seçilmiş əsərləri. 3 cilddə, 2c. B., 1988.
3.
Hüseynov İ. Məhşər. B., 1989
4.
Əfəndiyev A. Müdriklik səlahiyyəti. B., 1978.
5.
Hüseynov A. Sənət meyarı. B., 1982.
Summary
HUMAN PROBLEM IN ISA HUSEYNOV’S CREATIVE LIFE
Tamilla ALİYEVA
(Khazar University)
The article observes on the human issues in the I. Huseynov’s works. A Human issue being
the object of the existentialism philosophy is also related to the literature. How a human is
changing to join with the changing world is related in the literature. The writer pays particular
attention to a person’s psychology, his inner world the issues of society and environment.
Key words: literature, existentialism, modernism, philosophy
Dostları ilə paylaş: |