KİÇİK QAFQAZIN TEKTONİK QURULUŞU VƏ ONUN MÜASİR STRUKTURU
Kiçik Qafqazın qırışıqlıq-qayma strukturu Gürcü massivindən şimalda yerləşən, şimala qabarmış geniş qövs əmələ gətirir və Transqafqaz eninə qalxması zonasında yerləşir. Müasir təsəvvürlərə görə Kiçik Qafqaz dağ-qırışıqlıq sistemi cənubi-Qafqaz mikroplitəsilə Mərkəzi-İran mikrokontinentinin (mikroplitəsinin) cənubi Azərbayсan seqmenti ilə kolliziya zonası hesab edilir və Mezotetisin Kiçik Qafqaz qanadının okean qabığının subduksiyası nəticəsində formalaşmışdır. Kontinental plitələrin sərhədi Zəngəzur tektonik qırılması – Girratağ qırılması boyu keçir.
Kiçik Qafqaz qırışıqlıq sisteminə Lök-Qarabağ, Göyçə-Həkəri, Misxan-Zəngəzur, Araz zonaları daxildir. Lök-Qarabağ zonası Cənubi-Qafqaz mikroplitəsinin cənub-qərb qanadı, Araz zonası isə Mərkəzi İran mikroplitəsinin ən kənar şimal-qərb blokudur. Onların arasında yerləşən ofiolitlər gec təbaşirdə mikroplitlərin kənarına obduksiya etmişdir və şimal Göyçə-Həkəri və cənub Vedi (Ermənistan ərazisində) melanj zonalarını əmələ gətirmişlər.
Dostları ilə paylaş: |