3
MÜNDƏRİCAT
Giriş .................................................................................................................................... 5
Körfəz Əməkdaşlıq Şurası (KƏŞ) ölkələrində şiələrin vəziyyəti ................... 6
Yaxın Şərqdə şiəliyin siyasi oyanışı və İranın regiona təsirinin artması ........ 8
KƏŞ ölkələrinin siyasi sistemlərinin problemləri ............................................. 11
Siyasi elitalar: “yuxarıdan inqilab” mümkündürmü? ...................................... 15
İqtisadi problemlər üsyana səbəb ola bilərmi? ............................................... 18
Daxili siyasətin perspektiv inkişaf ssenariləri .................................................... 23
Mövcud rejimlərin devrilməsi mümkündürmü?
Güzəştlərlə status-kvo saxlana bilərmi?
Ərəb üsyanları zor gücünə yatırılarsa...
Nəticə ............................................................................................................................... 28
Körfəz Əməkdaşlıq Şurası ölkələrində daxili vəziyyət və perspektiv inkişafın ssenariləri
5
Şimali Afrikada və Yaxın Şərqdə baş
verən dəyişikliklərə paralel olaraq, Körfəz
Əməkdaşlıq Şurası (KƏŞ) ölkələrinin “de-
mokratiya meylli” qüvvələri də son ay-
larda, siyasi və iqtisadi islahatlar tələbi ilə
çıxış etməyə başlayıblar. Bu, Bəhreyndə
və Omanda kütləvi etirazlar, Küveytdə,
Səudiyyə Ərəbistanında kiçik nümayişlər,
Qətərdə, Birləşmiş Ərəb Əmirliklərində
(BƏƏ) isə müxtəlif sosial şəbəkələr
və yazılı müraciətlər vasitəsi ilə həyata
keçirilməkdədir.
Bəhreynin
Mirvari
meydanında
nümayişçilərin tələbləri Misirin Azad-
lıq (Təhrir) meydanındakı tələblərdən
fərqlənməsə də, əhalinin 70 faizini təşkil
edən şiələrin azlığı təmsil edən sünni Əl-
Xəlifə ailəsi tərəfindən uzun illər siyasi
və iqtisadi sistemdən kənar saxlanılma-
sı qarşıdurmanın ideoloji tərəfini aşkara
çıxarır. Riyadın Manamaya qoşunlarını
yeritməsi isə Səudiyyə Ərəbistanında da
şiə nümayişlərinin qarşısını almaq məqsədi
daşıyır. Fevral ayının 25-də, Səudiyyə
Ərəbistanının şiələrin çoxluq təşkil etdiyi
Qatif bölgəsində başlayan etirazlar da bu
ehtimalı artırır.
Küveytdə isə bu ilin fevralında
hökumətin daxili işlər nazirini istefaya
göndərməsi ilə təxirə salınan nümayiş,
mart ayında Baş nazirin istefası tələbi
ilə keçirildi. Eyni zamanda, digər KƏŞ
ölkələrindən fərqli olaraq, siyasi müxalifətə
və fəal cəmiyyətə malik Küveytin siyasi
hərəkatlara görə öz tarixi vardır. Ərəbistan
yarımadasının ən sakit ölkəsi hesab edilən
Oman Sultanlığında isə son vaxtlara kimi
heç kəs xalq üsyanlarının şahidi olma-
mışdır. Nəticədə, Muskatda Məclis əs-
Şura qarşısındakı dinc oturaq nümayiş və
ölkənin şimalında, sənaye şəhəri Soharda
etirazlar Sultan Qabusu indiyədək olun-
mayan siyasi və iqtisadi güzəştlərə məcbur
etdi.
BƏƏ-də, Qətərdə, Səudiyyə Ərəbis-
tanında “demokratiya meylli” qüvvələr
müxtəlif sosial şəbəkələr və müraciətlər
vasitəsilə fevral və mart aylarında yer-
li hakimiyyətə qarşı inqilaba çağırsa-
lar da, hələ ki, heç bir etiraz aksiyası baş
verməmişdir.
Bəhreyn üsyanı KƏŞ ölkələrində siyasi
və iqtisadi problemləri, üsyana və narazı-
lıqlara səbəb ola biləcək amilləri və regi-
on ölkələrinin buna davam gətirə bilməsi
məsələsini artıq müzakirəyə çıxarıbdır.
Həm KƏŞ-in bütövlükdə, həm də ayrı-ayrı
ölkələrin özünəməxsus xüsusiyyətlərini
nəzərə alsaq, bu regionda bəzi ölkələrdə baş
verən və baş verə biləcək xalq hərəkatlarının
Misir və Tunis hadisələrindən birba-
şa qaynaqlandığını demək yanlış olardı.
Eyni zamanda, hər bir ölkənin spesifik
xüsusiyyətlərini nəzərə aldıqda hadisələrin
inkişafı həm region, həm də dünya üçün
fərqli nəticələr ortaya çıxara bilər.
Ümumiyyətlə, daxili və regional
səviyyədə məzhəb fərqlilikləri, ölkənin
GİRİŞ
Körfəz Əməkdaşlıq Şurası ölkələrində daxili vəziyyət və perspektiv inkişafın ssenariləri
6
siyasi sistemində təmsilçilik məsələsi, ha-
kim ailələr daxilində gedən proseslər bu
ölkələrin siyasi sabitliyi baxımından mü-
hüm əhəmiyyət kəsb edir. Eyni zamanda,
neftin qiymətinin mütəmadi olaraq azal-
ması əsas gəlir mənbəyi karbohidrogen
ixracı olan bu ölkələrdə hazırkı dotasiya
sistemini və dövlət sektorunu qıra bilər. Bu
da gələcəkdə ictimai iğtişaşlara səbəb olar.
Bu hesabatda KƏŞ ölkələrində iqtisa-
di və siyasi amillərin hazırkı vəziyyəti və
mümkün olan inkişaf perspektivləri araşdı-
rılacaqdır.
KÖRFƏZ ƏMƏKDAŞLIQ ŞURASI
ÖLKƏLƏRİNDƏ (KƏŞ) ŞİƏLƏRİN
VƏZİYYƏTİ
Körfəz Əməkdaşlıq Şurası (KƏŞ)
ölkələrinin etirazların baş verdiyi digər
ərəb ölkələrindən fərqi burada sünni-şiə
gərginliyinin mövcudluğudur. Əsrlərdir
ki, sünni elitalar tərəfindən idarə olu-
nan bütün KƏŞ ölkələrində şiələrin həm
sayı, həm də onlara münasibət eyni de-
yildir. Belə ki, şiələr Küveytdə, Səudiyyə
Ərəbistanında, BƏƏ-də, Oman və
Qətərdə azlıq, Bəhreyndə isə çoxluq təşkil
edirlər. Həmçinin, Bəhreyn və Səudiyyə
Ərəbistanında hökumət ilə şiələr arasın-
da münasibətlər digər KƏŞ ölkələrinə
nisbətən daha ciddidir.
Bəhreyndə və Səudiyyə Ərəbistanında
1970-ci illərdən başlayaraq şiələr ilə
hökumət qüvvələri arasında baş verən
toqquşmalar şiələrə qarşı sərt siyasətlə
nəticələnmişdir. Lakin şiə təzyiqlərinə
cavab olaraq Bəhreynin və Səudiyyə
Ərəbistanının islahatlara münasibəti də
eyni olmamışdır.
Bəhreyndə, kral Şeyx Həməd bin İsa
Əl-Xəlifənin islahatları nəticəsində şiələr
Əl-Vifaq partiyasının təmsilçiliyi altında
həm xalq tərəfindən seçilən parlamentdə,
həm də hökumətdə təmsil olunmuşlar. La-
kin bu islahatlara baxmayaraq, şiələr “ikin-
ci dərəcəli vətəndaş” hesab olunduqlarına
görə dövləti hələ də ittiham etməkdədirlər.
Bu, onların siyasi strukturlarda sıxış-
dırıldıqları (əhalinin çoxluğunu təşkil
etmələrinə baxmayaraq parlamentdə azlıq-
da olmaları - 40 üzvdən ibarət parlamentdə
sonuncu seçkilər zamanı Əl-Vifaq 18 yer
qazanmışdır), təhlükəsizlik sektorunda
təmsil olunmamaları, hökumətin ölkənin
demoqrafik balansını bəhreynli olma-
yan sünni ərəblərə vətəndaşlıq verməklə
dəyişməsi haqqında iddiaları ilə bağlıdır.
Beləliklə, siyasi islahatların səviyyəsindən
narazı olan şiələr və polis arasında toqquş-
malar 2004-cü ildən etibarən yenidən qı-
zışmış, 2010-cu ilin seçkiləri ərəfəsində 25
nüfuzlu şiə ictimai xadiminin hakimiyyətə
qarşı sui-qəsddə və terrorizmdə ittiham
edilərək həbs olunmasından sonra kulmi-
nasiya nöqtəsinə çatmışdır. Bu qarşıdurma
bu ilin fevralında ərəb dünyasında qarışıq-
lıq fonunda daha da kəskinləşmişdir.
1
Səudiyyə Ərəbistanında isə əksinə
islahatçı kimi tanınan Kral Abdullanın
2003-cü ildən sonra keçirmək istədiyi isla-
hatlar Sələfilərin/Vəhabilərin müqaviməti
1 Kenneth Katzman , Bahrain : reform, security, and U.S
policy, CRS Report for Congress, http://www.fas.org/sgp/crs/
mideast/95-1013.pdf,( 02. 3.2011)