Müasir dövr 167
Tarix və onun problemləri,
№ 3 2013
LEYLA ABASOVA
Bakı Dövlət Universitetinin
“Kitabşünaslıq və nəşriyyat işi” kafedrasının dissertantı
E-mail: Sg.leyla@gmail.com
“MƏTBUAT SARAYI” – “AZƏRNƏŞR”IN BINASININ
TIKILMƏSI HAQQINDA YENI FAKTLAR
Açar sözlər: “Mətbuat sarayı”, “Azərnəşr”, Ə.Pepinov, S.Peno, kitab, nəşriyyat.
Ключевые слова:
«Дворец Прессы», «Азернешр», А.Пепинов, С.Пено, книга,
издательств
о
Keywords: “Press palace”, “Azerneshr”, A.Pepinov, S.Peno, book, publishing house
Azərbaycan xalqının mədəni, elmi, siyasi səviyyəsinin yüksəlməsində Azərbaycan kita-
bı böyük əhəmiyyətə malikdir.Əlbəttə, Azərbaycan kitabının yaradılması nəşriyyat prosesin-
dən keçir və hər bir kitabın nəşri müəyyən məqsəd və vəzifəni yerinə yetirir. Əsərin nəşriyyat-
redaksiya prosesində formalaşması, çapdan buraxılması nəşriyyat fəaliyyəti ilə əlaqədardır.
Azərbaycanda Sovet hakimiyyətinin qurulması ilk növbədə ölkənin iqtisadiyyatının və
mədəniyyətinin təşkilini tələb edirdi. Buna görə də, Sovet hökuməti 1920-ci illərin əvvəllərin-
də ölkənin qarşısında duran quruculuq işlərini həyata keçirmək üçün müəyyən tədbirlər proq-
ramı hazırladı. Bu da öz növbəsində yeni tipli dövlət aparatının təşkilini qarşıya qoyurdu. Bu-
na görə də, Azərbaycan KP Mərkəzi Komitəsinin 28 aprel 1920-ci il tarixli qərarı ilə Azərbay-
can Müvəqqəti İnqilab Komitəsi və həmin Komitənin 1920-ci il 28 aprel tarixli iclasında isə
Respublika Xalq Komissarları Soveti təşkil olundu [1].
Respublikamızda nəşriyyat fəaliyyətindən danışarkən, hər şeydən əvvəl, Azərbaycan
Dövlət Nəşriyyatının, yəni “Azərnəşr”in yaranmasına, inkişafına, fəaliyyətinə xüsusi diqqət
yetirilməlidir. Belə ki, Azərbaycan Dövlət Nəşriyyatı Sovet hakimiyyəti illərində yaradılan ilk
universal nəşriyyat hesab edilir. Belə bir nəşriyyatın yaranmasına tələbat, hər şeydən əvvəl
1920-ci illərdə kitaba, mətbuata tələbatın mövcudluğu və artması ilə əlaqədar olmuşdur. Çünki
Azərbaycanda yeni qurulmuş Sovet hakimiyyətinin, başqa sözlə, Sovet dövlətinin məqsəd və
vəzifələrini əhali arasında yaymaq, əhaliyə çatdırmaq əsas vəzifə kimi qarşıya qoyulmuşdur.
Digər tərəfdən, yeni qurulan Sovet dövlətində maarifə, mədəniyyətə, təhsilə, elmə üstünlük
verilirdi. Bu problemlərin müvəffəqiyyətlə həll edilməsi kitabçılıq işini, yəni kitab nəşri,
təbliği və yayılmasını dövrün tələbləri səviyyəsində qurmağı tələb edirdi [2, 18].
Аzərbaycan Хаlq Mааrif Коmissarlığı 1921-ci il sentyabr ayının 19-da “Azərmərkəzi-
mətbuat”ın müdirinin, МК-nın Təşviqat şöbəsinin, AHİMŞ-nin nümayəndəsinin iştirakı və
Konstantin Тоmaşevskinin sədrliyi ilə mətbuat və nəşriyyat işinin bütün məsələlərini düzgün
tənzim etmək məqsədilə Xüsusi Komissiyanın təşkil edilməsi barədə göstəriş qəbul etmişdir.
Хüsusi Коmissiya bir qədər sonra Nəşriyyat şöbəsinə çevrilir. Şöbə müdirinin verdiyi
məlumata əsasən, Xalq Maarif Коmissarlığının Nəşriyyat şöbəsi 1920-ci il may ayının 28-dən
fəaliyyətə başlayıb. İlk günlərdən о ancaq təşkilati işlərlə, əməkdaşların toplanması, şöbə üçün
yerin təşkili və s. ilə məşğul olmuşdur. Nəşriyyat şöbəsində həyata keçirilən işlərə partiya
işçisi Ağa Əli Qasımov məsul idi.
Müdir və iki nəfər işçisi olan Nəşriyyat şöbəsinin 4 yarım şöbəsi var idi: 1) Коmmunist
şöbəsinin seksiyaları: а) kitabça, b) ciddi elmi ədəbiyyat; 2) Dərslik və dərs vəsaiti; 3) Yarım
168 Müasir dövr
Tarix və onun problemləri,
№ 3 2013
şöbə: а) elmi əsərlər, b) ədəbiyyat; 4) Ümumi yarımşöbə.
Nəşriyyat şöbəsi geniş mədəni quruculuq proqramı ilə fəaliyyətə başlamış gənc Sovet
Respublikasının kitaba olan böyük tələbatını ödəyə bilməzdi. Оdur ki, Azərbaycan İnqilab
Komitəsinin sədri N.Nərimanovun imzası ilə 1920-ci il iyun ayının 9-da Azərbaycan Mətbuat
şöbəsi və Dövlət Nəşriyyatı – “Azərmərkəzimətbuat”ın yaradılması haqqında Dekret qəbul
edildi. Bu Dekret 8 paraqrafda verilir. Bu paraqraflarda “Azərmərkəzimətbuat”ın fəaliyyəti
istiqamətləndirilir.
Dekretdə deyilirdi: “paraqraf 1. “Bütün komissarlıqların və idarələrin, partiya və sovet
təşkilatlarının nəşriyyat fəaliyyətini mərkəzləşdirmək məqsədilə Xalq Maаrif Komissarlığının
yanında Azərbaycan Mətbuat şöbəsi və Dövlət Nəşriyyatı – “Azərmərkəzimətbuat” – təsis
edilsin”;
paraqraf 2.“Azərmərkəzimətbuat” bütün komissarlıqlara və partiyaya xidmət etməklə
bərabər, geniş avtonomiya hüququna malikdir;
paraqraf 3. Bütün dövri və qeyri-dövri ədəbiyyat, habelə bütün növ plakatlar
“Azərmərkəzimətbuat”ın şöbəsində toplanır və yayılır;
paraqraf 4. Azərbaycan Respublikasının ərazisində kimə məxsusluğundan asılı
olmayaraq bütün kağız ehtiyatı “Azərmərkəzimətbuat”ın sərəncamına verilir;
paraqraf 5. “Azərmərkəzimətbuat”ın bütün ədəbiyyatı pulsuz olaraq xalqa çatdırılır
(Partiyanın Mərkəzi Komitəsinin nadir sərəncamlarından başqa).
paraqraf 6. “Azərmərkəzimətbuat”in, yəni Mətbuat şöbəsinin və Dövlət Nəşriyyatının
idarə olunması üç nəfərə: müdirə, Azərbaycan KP MK-nın və Xalq Maarif Komissarlığının
nümayəndəsinə həvalə edilir;
paraqraf 7. “Azərmərkəzimətbuat”ın və bütün komissarlıqların nəşrlərinin smetası
Xalq Maarif Komissarlığının nəzarətində olmalıdır;
paraqraf 8. Bütün idarələrə nəşriyyat işi və təşviqat fəaliyyəti üçün verilmiş kreditlər
ləğv edilir, verilmiş pul vəsaitləri geri qaytarılır və “Azərmərkəzimətbuat”ın hesabına
köçürülür” [3, 94].
1920-ci ildə “Azərmərkəzimətbuat”ın Azərbaycan şöbəsinin müdiri Ağababa
Yusifzadə olmuşdur [4].
Azərbaycanda poliqrafiyanın təşkilinə və inkişaf etdirilməsinə 1920-ci ilin may
ayından başlanmışdır. Bu vacib işin təşkili üçün hələ 1920-ci il may ayının 7-də Azərbaycan
Xalq Təsərrüfatı Şurasının yanında Poliqrafiya şöbəsi (idarəsi) təşkil edilmişdi. 1921-ci il
noyabr ayının 7-dən Azərbaycan Xalq Təsərrüfatı Şurasının yanında “Poliqrafiya Sənayesi
İdarəsi” fəaliyyətə başladı.
1929-cu il aprel ayının 23-dən isə yuxarıda adını çəkdiyimiz idarə Azərbaycan Xalq
Təsərrüfatı Şurasının Azərbaycan Poliqrafiya Tresti İdarəsi kimi fəaliyyət göstərməyə başladı.
Azərbaycanda poliqrafiya işinə və sənayesinə 1926-cı il avqust ayının 25-dən Müstəqil “Bakı
Poliqrafiya İdarəsi”, 1930-cu il fevral ayının 5-dən isə Azərbaycan Poliqrafiya Tresti rəhbərlik
etmişdir. Respublikada Poliqrafiya İdarəsinin təşkili kitabçılıq işinin inkişafına müsbət təsir
etdi.
Sovet hakimiyyətinin ilk illərində kitab nəşrinin ideya-siyasi səviyyəsinə ciddi fikir
verilirdi. Bu məqsədlə AK (b) P MK-nın Təşviqat şöbəsinin yanında Redaksiya-nəşriyyat
bölməsi təşkil olunmuşdu.
Çapdan çıxan bütün kitablar Redaksiya-nəşriyyat bölməsində yoxlanılıb nəzərdən
keçirilirdi. Göründüyü kimi, elə Sovet hakimiyyətinin ilk illərində dövlət nəzarəti mövcud
olmuşdur. Bunu dövlətin senzura nəzarəti kimi qiymətləndirmək lazımdır.
Müasir dövr 169
Tarix və onun problemləri,
№ 3 2013
Respublikada kitab nəşrinə artan tələbat müstəqil dövlət nəşriyyatının yaradılmasını
vacib məsələ kimi qarşıya qoyurdu. Əslində Azərbaycan Dövlət Nəşriyyatı 1920-ci ildə iyun
ayının 9-da təşkil edilmişdi. 1920-ci ilin iyun ayından fəaliyyətə başlayan “Azərmərkəzi-
mətbuat”a bütün komissarlıqlara, partiya və digər təşkilatlara kitabla xidmət etmək üçün geniş
hüquqlar verilmişdi. Bütün bunlara baxmayaraq kitab nəşrinin genişləndirilməsi, kitabın geniş
zəhmətkeş kütlələri arasında təbliği və yayılması günün ən aktual məsələsi kimi qarşıda
dururdu. Azərbaycanın ilk Xalq Maarif Komissarı D.BünyadzadəBirinci Ümumazərbaycan
Şuralar qurultayındakı məruzəsində demişdir: “Xalq Maarif Komissarlığının qarşısında tədris
müəssisələri üçün 400, 000 kitab çap etmək kimi böyük bir vəzifə durur”. Həmçinin o, Xalq
Maarif Komissarlığının ixtiyarına bir mətbəə verilməsini vacib hesab edirdi.
Keçmiş Kommunist Partiyası və Sovet dövlətinin qərar və göstərişlərində kitab nəşri-
nin, о cümlədən istehsalat-texniki və elmi-kütləvi kitabların getdikcə artan rolu, onun qarşısın-
da duran mühüm vəzifələr və inkişaf istiqaməti göstərilirdi. Hökumətin göstərdiyi qayğı
nəticəsində ölkəmizdə kitab nəşri sahəsində müəyyən nailiyyətlər qazanılır. 1920-ci il dekabr
ayının 15-nə qədər “Azərmərkəzimətbuat”ın Nəşriyyat şöbəsi 45 nəşri 3.089405 nüsxə ilə
çapdan buraxmış, 100-ə qədər nəşri isə 1.000.000 nüsxə ilə buraxmaq üçün çapa vermişdir”.
Kitaba yaranmış böyük tələbat “qardaş respublikalar”dan (Sovet dövrünün deyimi) və bir sıra
xarici ölkələrdən kitab gətirilməsini də irəli sürürdü. Sovet hakimiyyətinin ilk illərində
Rusiyadan, Gürcüstandan, İran və Türkiyədən kitablar alınıb Azərbaycana gətirilirdi.
Kitabların bölüşdürülməsi Azərbaycan Xalq Maarif Komissarlığı tərəfindən həyata keçirilirdi.
“Azərmərkəzimətbuat” idarə funksiyasını yerinə yetirirdi, yəni mətbuat və nəşriyyat
işinə ümumi rəhbərliyi həyata keçirirdi. Bu idarənin artıq kitab nəşrini, təbliği və yayılmasını
təşkil edən nəşriyyatı var idi. Bu elə dövlət nəşriyyatı kimi indi də fəaliyyət göstərən
“Azərnəşr” idi. Hələ, 1923-cü il noyabrın 25-dən dekabr ayının 1-nə çağırılmış III
Ümumazərbaycan Sovetlər qurultayı Azərbaycan Dövlət Nəşriyyatının təşkilinə, inkişafına və
onun maddi-texniki bazasının möhkəmləndirilməsinə böyük əhəmiyyət verdi.
Bunun nəticəsi idi ki, Azərbaycan Dövlət Nəşriyyatı – “Azərnəşr” 1924-cü ildən geniş
fəaliyyətə başladı. 1924-cü il martın 1-dən Azərbaycan Dövlət Nəşriyyatının sədri Məmmədzadə,
Nəşriyyat şöbəsinin müdiri isə Hənəfi Zeynallı olmuşdur [4].
Azərbaycan SSR Xalq Maarif Komissarlığına tabe olan Azərbaycan Dövlət Nəşriyyatı
çap ediləcək əsərlərin nəşri, təbliği və ticarəti ilə məşğul olmalı idi. “Nəşriyyatın tərkibinə
eyni zamanda mətbəə, cildxana, mərkəzi kitab anbarı, mərkəzi kitab mağazası, mərkəzi kitab
mağazasının baş kağız anbarı, musiqi-not mağazası və musiqi alətləri emalatxanası daxil idi.
“Azərnəşr”in təşkili Azərbaycan kitab mədəniyyəti tarixində çox fərəhli, əlamətdar bir hadisə
idi. İlk illərdə nəşriyyat əsasən dərsliklər, uşaq ədəbiyyatı, bədii və elmi-kütləvi kitablar çap
edirdi” [5, 25].
“Azərnəşr”in yenidən təşkili milli kitab xəzinəmizin zənginləşməsində və inkişafında
müstəsna əhəmiyyət kəsb etmişdir.
1926-cı ildə “Azərnəşr”in idarə müdiri olmuş Ə.Pepinov “Kommunist” qəzetinin müx-
birinə məlumat verərək bildirir ki, “Azərnəşr”in çap etdiyi kitabların getdikcə artdığını göstər-
mək üçün 1926-cı ildə nəşriyyatın 1925-ci ilə nisbətən 100/100 artığını söyləmək kafidir. Bu-
nu təcrübədən sonra vəzifəsini müvəffəqiyyətlə yerinə yetirmək üçün özünə mütləq bir mətbəə
tədarük (yaratmaq) etmək məsələsi “Azərnəşr”in qarşısında duran mühüm vəzifələrdəndir.
Buna görə də 1924-cü ildə mətbəə təsisinə başladı. Hal-hazırda “Azərnəşr”in mükəmməl bir
mətbəəsi var. Burada 72 işçi çalışır. Ancaq bu mətbəə fəaliyyətini genişləndirmiş “Azərnəşr”i
təmin etmir. Bunun üçün yaxın gələcəkdə bu mətbəəni genişləndirmək lazım gəlir. Ümumiy-
170 Müasir dövr
Tarix və onun problemləri,
№ 3 2013
yətlə, bütün nəşriyyat dairələri, xüsusən “Azərnəşr”in qarşısından duran çox böyük məsələ-
lərdən biri kitab nəşr etməklə bərabər, çıxarılan kitabı əlaqə ilə oxutmaq məsələsidir [6].
Bu yuxarıda qeyd olunan yazıdan məlum olur ki, “Azərnəşr”in 1926-cı ildə fəaliyyəti
genişlənmiş işçilərinin sayı 72-ə çatmışdır.Beləliklə, 1920-ci ildə yaranan, fəaliyyətə
başlayan“Azərnəşr”in 1924-cü ildə yeni mətbəəsi təsis edilir.
Tədqiqat nəticəsində məlum olur ki, “Azərnəşr” yarandığı gündən Morskoy (indiki
Bül-bül prospekti) və Krasno-Xristovski (indiki Şeyx Şamil) küçələrinin tinində yerləşmişdir.
Təbii ki, yeni binanın tikilib istifadəyə verilməsinə qədər.
1927-ci il noyabr ayının 8-də Kommunist Bazarni (indiki H.Hacıyev) və Zeytuyev
küçələri arasında, Parapet bağı yaxınlığında (indiki Fəvvarələr bağı) olan yerdə Azərbaycan
Dövlət Nəşriyyatının yeni tikiləcək binasının bünövrəsi qoyulur. Təntənəli iclası Maarif ko-
missarı Ruhulla Axundov açaraq, Azərbaycanda nəşriyyat sisteminin nə qədər müvəffəqiyyətli
surətdə tərəqqi etdiyini qeydilə yeni binanın əhəmiyyətindən məlumat vermişdir. Sonra
AMAQ sədri Ağaəli və Çayçılar İttifaqı sədri Braqman və başqa şəxslər təbrik nitqləri
söyləmişdir.
Nitqlərdən sonra binanın tarixi haqqında yazılan sənəd və bürünc daş AMAQ-ın sədri
Ağaməli tərəfindən qoyulur. Binanın 750-800sajın (metr) yerdən ibarət olması, bütün Dövlət
Nəşriyyatının mətbəə və başqa müəssisələri burada yerləşdirilməsi nəzərdə tutulur [7].
Amma tədqiqat nəticəsində məlum olur ki, hansısa səbəblərdən 1927-ci il noyabr
ayının 8-də özülü qoyulan “Azərnəşr”in binasının tikintisinə 1930-cildə başlanılır.
1930-cu ildə “İnqilab və mədəniyyət” jurnalında “Mətbuat sarayı tikilməyə başladı”
adlı maraqlı yazı dərc edilir: “Bakıda Bazarni və Zeytuyev küçələri arasında, Parapet bağı
yaxınlığında 2 kvartallıq məsafədə 2 aydan bəri “Azərnəşr”in “Mətbuat sarayı” tikilişinə
başlanmışdır. Bu bina, Bakıda misli görünməmiş maraqlı bir bina olacaqdır” [8].
Bu bina Amerika poliqraf müəssisələrinin yeni prinsipləri üzrə inşa edilmişdir. Binanın
bir tərəfi kitab şəklindədir. Binanın tikintisi zamanı 1500 (müqəb) metrlik böyük bir salonda
kitab çap edən və risalələr buraxan sexlərin yerləşdirilməsi nəzərdə tutulur.
“Binanın bu formada tikilməsində əsas məqsədlərdən biri də istehsalatı və daxili
nəqliyyatı yaxşılaşdırmaq idi. Belə ki, çap məhsulunun lift vasitəsilə qaldırılıb-endirilməsi
ləğv edilir. Çap maşınları sütunsuz və pəncərəsiz bir salonda yerləşdirilir və şimala baxan
xüsusi pəncərələr vasitəsilə işıq ala bilir. Bu üsul işığın maşınxanaya tez düşməsinə səbəb olur
və yayda binanın günəş hərarətindən qızmasına imkan vermir.Maşınxanadan bir qat üstə
tikilən mürəttibxana sexi də pəncərəsiz salonda yerləşir və eyni pəncərələr vasitəsilə işıq alır.
“Mətbuat sarayı”na lazım olan təchizat “Azərnəşr”in Morskoy küçədəki mətbəəsindən
gətirilir və get-gedə artırılır” [8].
“Mətbuat sarayı”nın alt mərtəbəsində kağız anbarı ilə çap olunmuş kitablar üçün yerlər
müəyyən edilir. Həmçinin bu binanın tikintisi zamanı işçilərin bütün istirahətinin təmin edən
məsələlər – yuyunmaq, çimmək yerləri, südəmər uşaqlar üçün yasli, yeməkxana, qiraətxana və
s. bu kimi yerlər nəzərdə tutulur.
Nəşriyyat korpusunun sağ tərəfindəki sütunların altında “Azərnəşr”in mərkəzi
nümunəvi mağazası da tikilir.
“Mətbuat sarayı” Moskvanın tanınmış memarı Stanislav Penonun 42 layihəsi arasından
seçilən layihəsi üzrə tikilir və özü şəxsən inşaat işlərinə rəhbərlik edir. İnşaat işləri
“Teplobeton” trestinin Bakı şöbəsi tərəfindən aparılır və pemza qarışıq betondan tikilir.
Binanın tikintisinə 1 milyon 200 min manat pul vəsaiti sərf edilir.
Müasir dövr 171
Tarix və onun problemləri,
№ 3 2013
“Mətbuat sarayı” binasının inşaat komitəsi sədri Bünyadzadənin işgüzarlığı üzrə saray
1931-ci ilin may ayında tikilib başa çatdırılması, istehsalat hissəsinin isə1931-ci ilin mart
ayına qədər qurtarması planlaşdırılır.
İnşaat işləri ilə əlaqə saxlamaq üçün “Azərnəşr” işçilərindən xüsusi briqada ayrılır” [8].
Maraqlı bir faktı da nəzərinizə çatıdırmaq istəyirəm ki, 1931-ci ildə istifadəyə verilməsi
nəzərdə tutulmasına baxmayaraq, Azərbaycan Dövlət Nəşriyyatının – “Azərnəşr”in tam
şəkildə binası 1933-cü ildə istifadəyə verilir.
Ha-hazırda bu tarixi bina Azərbaycan Respublikası Mədəniyyət Nazirliyinin reyest-
rində yerli əhəmiyyətli memarlıq abidəsi statusu altında qeydiyyata alınmışdır.
Təəssüflə qeyd etməliyik ki, 1995-ci ildə “Mətbuat sarayı”nın binasında Bank Standar-
tın baş ofisi açılır.Bank Standart tərəfindən əsaslı təmir isə 2005-ci ildə həyata keçirilmişdir.
Hal-hazırda Azərbaycan Dövlət Nəşriyyatı Mehdi Hüseyn küçəsi 61, dalan 2, ev 3
ünvanında yerləşir.
İstifadə olunmuş ədəbiyyat:
1.Известия временного революционного комитета //Азербайджан газ., 1920, 29 апрель,
№1.
2.Allahverdiyev B.V. Azərbaycan kitab nəşri problemləri (1920-1940) // Kitabşünaslıq və
nəşriyyat işi: elmi-nəzəri və təcrübi jurnal, 2010, №1, s.18-38.
3.Azərbaycan SSR qanunları, Azərbaycan SSR Ali Soveti Rəyasət heyəti fərmanları və
Azərbaycan SSR hökuməti qərarlarının xronoloji külliyyatı. C. 1. 1920-1935. Bakı, 1960, 260
s.
4.Azərbaycan Respublikası Mərkəzi Dövət Arxivi (MDA). Azərbaycan Xalq Maarif
Komissarlığı. F.57.siy.7, iş 68, v.24
5.Mirəhmədov Ə., Həsənov H. Sovet Azərbaycanının kitab mədəniyyəti. Bakı: Azərnəşr,
1975, 81 s.
6.Pepinov Ə. Azərnəşrin fəaliyyəti. //Kommunist qəz., 1926, 5 may, №102
7.Pepinov Ə. Azərbaycan Dövlət Nəşriyyatının binası // Kommunist qəz., 1927, 11 noyabr.
8.“Mətbuat sarayı” tikilməyə başladı // İnqilab və mədəniyyət jur., 1930, №7-8, s. 46
Л.Г.АБАСОВА
Диссертант кафедры "Книговедение и издательское дело"
Бакинского Государственного Университета
"ДВОРЕЦ ПРЕССЫ" - "НОВЫЕ ФАКТЫ
О СТРОИТЕЛЬСТВЕ ЗДАНИЯ «АЗЕРНЕШР»
О научной статье "Дворец Прессы" - "Новые факты о строительстве здания
«Азернешр» "Дворец Прессы" - здания "Азернешр" считается одним из великих архи-
тектурных памятников который имеет свою историю. Строительства "Дворца Прессы"
является примером государственного внимание на издание книги и ее развитие.
В статье предоставляется информация о строительстве здания по специальному
проекту и о подготовке этого проекта Станислав Пено, знаменитого архитектора того
времени. По этой причине строительство такой красивой архитектурный памятника
началось с 1927 года, и не смотря на серьезную внимание правительства, "Дворец
Прессы" был построен в течение 5-и лет. В статье предоставляется информация о
172 Müasir dövr
Tarix və onun problemləri,
№ 3 2013
строительство "Дворца Прессы", его значение для нашей культуры и об отражение
этого событие на средствах массовой информации которая была опубликована в 1933
году.
L.Q.ABASOVA
candidate for a degree at the department of
Bibliography and publishing work” at the Baku State University
“PRESS PALACE” - NEW FACTS
ABOUT CONSTRUCTION OF BUILDING OF “AZERNASHR”
“Press palace” – the building of “Azernashr” is regarded as one of the grandiose
architectural monuments that has a certain history in Azerbaijan. Building of the “Press
palace” is a distinct example of a given value to a book publishing by the state.The article is
about the construction of the publishing house on a special project which was designed by
then a famous architect StanislavPeno. The building of such an architectural monument started
in 1927 and got ready after five years.The article also broadly talks about how the press of
1933 highlighted the building of the “Press palace” and its significance for the culture of our
people.
Rəyçilər: t.e.d. B.Allahverdiyev, t.e.d.R.C.Süleymanov
Bakı Dövlət Universiteti “Kitabşünaslıq və nəşriyyat işi” kafedrasının 25.04.2013-cü
il tarixli iclasının qərarı ilə çapa məsləhət görülmüşdür (pr. №7).
Dostları ilə paylaş: |