Location: bukulu market-afternoon



Yüklə 68,28 Kb.
tarix05.02.2018
ölçüsü68,28 Kb.

EPISODE-24 “Mustapha’s Sandals

Written by ADONG Lucy Judith

SCENE I

LOCATION: BUKULU MARKET-AFTERNOON

B/G SFX: MARKET CHATTER

CHARACTERS: SHEIKH UMAR, MUSTAPHA, SULA, MAN

MILDRED: (AS NARRATOR) Nibagira ngu ekikozirwe omu mwirima nikirugaho kiza omu mushana. Nikyo kyabeire ahari Samira muka Mustapha, omukozi kandi omutembeeyi wenkeito. Ku yaherize kuzaara omwana wa mukaga, Samira yaza aha kikatu kyembaririra yoruzaaro. Kwonka taragambiire iba, kandi Mustapha akatabuka munonga ku yakimanyire. Eizooba rimwe, Sheik Umar, Imam womuzigiti gwa Bukulu akeshanga ahagati yorutaro rwamaka atakimanyire….



SFX: FADE UP MARKET SOUNDS UNDER NARRATION

MAN: Sheik enshaho, enshaho nungi munonga. Gurira hajat enshaho.

S. UMAR: Omukazi wangye tari Hajat.

MAN: Kwonka nabwo enshaho neza kumubonerera. Enshaho ezi nyine nezomutaano, Sheik.

S. UMAR: Ninyija kuba ningura.

SULA: Sheikh wallahi , nyine ebinyobwa birungi, nobwoki. Wallahi.

S. UMAR: (LAUGHS) Sula, tikirikwetengyesa kurahira buri kundeeba. Tori na musilaamu.

SULA: Ebinyobwa ebi nobwoki ni birungi. Na munonga obwoki, wallahi, Sheikh.

S. UMAR: Ninyija kuba ningura, Sula.

MUSTAPHA: Salaam alaikum, Sheikh Umar.

S. UMAR: Mustapha, wa’aleikum sallam warahmatulahi wabarkat.

MUSTAPHA: Kyebera ebintu byangye. Nimanya ngu noza kubonamu ekirakushemeze.

S. UMAR: Ogu nomudaara gwawe?

MUSTAPHA: Eego, kwonka ninkora nobutembeyi aha na hariya.

S. UMAR: Ni kirungi Mustapha. Enkeito ezi zona noziiha nkahi?

MUSTAPHA: Ninzikora okuruga omu mipiira, nempu. Muhara wangye Fatima nawe nanyambaho.

S. UMAR: Allahu akbar! Obu ka nobwengye bwaheiguru. Mbeire ntarikumanya ngu omuri Bukulu harimu omwoga nkogu. (MOVING FROM MIC) Ku ndagarukye omu katare nyine esente ninza kweguriraho enkeito, insha-allah.

MUSTAPHA: Rindaho Sheikh, torikugyenda engaro nsha, wareebire eki orikukunda. Twara enkeito, torikwetenga nokushashura.

S. UMAR: Tiheine oku ndikubaasa kutwara enkeito zawe.

MUSTAPHA: Gitware nka sadaka yangye ahariiwe.

S. UMAR: Ngaaha, ngaaha, nimba ntarikukubariirira. Enkeito ezi nizitekwa kuba zikutwariire amaani meingi.

MUSTAPHA: Manya tindikuzikora ngu ngume ninzireeba. Ninzikora ngu abantu nkeiwe bazijware.

S. UMAR: Nikwo, kwonka beine kuzigura. Ori omusheija omukozi, Mustapha. Kandi oine eka mpango yokuriisa.Nyijusya, hari oine abaana bangahi?

MUSTAPHA: Ni mukaaga hati.

S. UMAR: (LAUGHS) Mustapha, nokunda abaana, noza kuba wahisya tiimu yomupiira. Notekateeka kwongyeraho abandi?

MUSTAPHA: Nangwa ekyo nekintu eki ndikwenda kugambaho neiwe ku orabe oine Obwiire.



SFX: TRANSITION MUSIC UP AND OUT.

SCENE II

LOCATION: BUKULU MARKET-AFTERNOON

B/G SFX: MARKET CHATTER

CHARACTERS: SHEIKH UMAR, MUSTAPHA

S. UMAR: Enshonga ninkuru munonga ngu obanze wankiika aha rubaju?

MUSTAPHA: Nayenda ngu tugambeho omu kihama kwonka, Sheik. Noreeba eki nekintu eki… tindikumanya oku ndakitandike.

S. UMAR: Mustapha, tiheine ekintu ekitarikubaasa kugambwa. Bismillahi.

MUSTAPHA: Umar, Nkimanyire ngu omukazi wangye akaza omu (WHISPERS) mbaririra yoruzaaro eyomurembe. Atamburize!

S. UMAR: Subuhana-allah! Mustapha, omukazi wawe eki yakozire eki, nenki?

MUSTAPHA: (WHISPERS) akateza ekikatu, Umar.

S. UMAR: Astagafrullah.

MUSTAPHA: Kandi nkaza kukimanya bwanyima yemyezi eshatu. Akanshaba orusa ahabwokuba akaba aine kugaruka aheirwariro. Nokihurira ekyo?

S. UMAR: Okugaruka aheirwariro! Ahabwenki?

MUSTAPHA: Okuteza ekikatu ekindi.

S. UMAR: Yaa Rabii, tindikukiikiriza…omukazi wawe okutagira eki yakugambira obwiire obu bwona!

MUSTAPHA: Nigo mazima!

S. UMAR: (ANGRY) Eki tindikukiikiriza. Ensi egi ebeire eki? Abakazi bakatandika ryari kubeiha abasheija baabo? Nokuza omu mbaririra yoruzaaro!

MUSTAPHA: Hati noreeba eki naba ninyendera ngu tugambe omu kihama.

S. UMAR: Ninkireeba. Tikihikire na kakye. Omukazi wawe nabaasa ata kukora ekintu nkekyo, atabuurize?

MUSTAPHA: Sheikh Umar, nikishwaza munonga kukigamba, kwonka kiresireho obusaasi bwingi omuka yangye. Emyaka egi yona mbeire nteine buzibu na Samira wangye…okundeebya oku. Kindengire.

S. UMAR: Ninyetegyereza eki orikurabamu… nekintu kirikushaasha munonga.

MUSTAPHA: Tindikumanya ekyokukora. Ntekyereize nekyomukumubinga kwonka tindikubaasa. Abeire ari omukazi murungi kandi twine abaana bato.

S. UMAR: (STILL PROCESSING ALL THIS INFORMATION) Eego, kwonka yetwaare…otagira eki wakora omu bwiira… abaana. Nibeingana ki?

MUSTAPHA: Omuto ari heihi kuhisya omwaka, nakurata owemyaka ebiri. Namukiza emyezi ikumi na munaana yonka.

SFX: SILENCE

S. UMAR: (SIGHS) Nikitabura munonga eki.

MUSTAPHA: Nkoreki, Sheik?

S. UMAR: Wagira ngu omukazi wawe ni nkahi eyi arikutereza ekikatu kyembaririra yoruzaaro eki?

MUSTAPHA: Aheirwariro eri nansi Mildred arikukorera.

S. UMAR: Nomanya Mustapha, humura. Ninza kuzayo ngire ebi nabuuza.



SFX: TRANSITION MUSIC UP AND SLOWLY FADES OUT

SCENE III

LOCATION: HEALTH CENTER-MORNING

B/G SFX: DISTANT CRIES OF CHILDREN

CHARACTERS: SHEIKH UMAR, NURSE BETTY

N. BETTY: (CALLING) Ondiijo

S. UMAR: Oreire kurungi, nansi…?

N. BETTY: Betty.

S. UMAR: Eego, nansi Betty. Eiziina eryangye ni Sheik Umar. Aha niho nansi Mildred arikukorera?

N. BETTY: Niho aha, Sheikh Umar. Noshasha ota ?

S. UMAR: Tiheine ahu ndikushasha. Ekizibu kyangye ninkekyokwerarikirira. Nimbaasa kugamba na nansi Mildred?

N. BETTY: Eshaha egi Tariho, bambe. Kwonka nimpamya okwerarikirira kwawe nimbaasa kukukoraho nkoku Nansi Mildred yakukukozireho.

S. UMAR: Nimanya ngu nobaasa, kwonka niwe naba ninyenda. Mutegyereze?

N. BETTY: Nobaasa kumutegyereza kwonka tindikuhamya ngu nagaruka juba.

S. UMAR: Ahabwenki orikutekyerza otyo?

N. BETTY: Yaza kutayayira abakazi omukyanga kyabafuruki . okugamba nabo aha byembaririra yoruzaaro eyomurembe.

S. UMAR: Eee. Mbwenu Nansi Mildred eki nakikora munonga, ku oraabe otarikufayo okukubuuza?

N. BETTY: Okukora ki?

S. UMAR: Okugyenda omu bantu arikugamba ebyembaririra yoruzaaro eyomurembe?

N. BETTY: Naza omu bicweka byekyanga omu abantu abatarikwebaasa munonga nkomurundi gumwe omu sande, ahabwokuba okwo niyo heine ekyetengo kihango kyembaririra yoruzaaro.

S. UMAR: Hmmm, ningira ngyende, nze kumuronda. Webare, Nansi.

SFX: TRANSITION MUSIC UP AND OUT

SCENE IV

LOCATION: IMMIGRANT’S CAMP-AFTERNOON

B/G SFX: CASUAL SLUM COMMOTION, MUSIC

CHARACTERS: SHEIKH UMAR, NURSE MILDRED, WOMAN

MILDRED: Obujuma nibwo bukushemereire. Nomira akajuma kamwe buriizooba, baasi.

WOMAN: Mbwenu nimba nteine kukozesa za kondomu? Ahabwokuba omwami wangye tarikukunda za kondomu…

MILDRED: Kureka ku oraabe notekyereza ngu nabaasa kuba aine ondiijo…

WOMAN: Ngaaha bambe… omusheija wangye atuura ari omwesigwa…

MILDRED: Kwonka nabwo kikabeire kirungi mwembi ku mwakwekyebeza akakooko ka siliimu mutakarekyeire kimwe kukozesa za kondomu. Kwonka mwembi ku murikuba muteine kakooko ka Siliimu, nobaasa kukozesa obujuma kitarikwetengyesa kukozesa za kondomu. Nakajuma kamwe konka buriizooba.

WOMAN: Kare, ninza kugamba nomwami aha byokwekyebeza. Kwonka hahi ninyenda ngu ntandikye kukozesa obujuma.

MILDRED: (HANDING HER THE PILLS) Toora, oijukye kumira buriizooba. Ku orayebwe nobaasa kugira enda.

WOMAN: (MOVING FROM MIC) Ninza kwijuka, webare munonga, nansi Mildred.

MILDRED: Webare kusiima. (CALLING) Ondiijo.

S. UMAR: (APPROACHING MIC) Nansi Mildred?

MILDRED: Eego. Akatebe oshutame, sebo. Nkuyambe ki?

S. UMAR: Webare, Nansi Mildred. Eiziina ndi Sheikh Umar, ninye mukuru waba imam bomuzigiti gwa Bukulu, kandi mukuru wabasilaamu omuri Bukulu.

MILDRED: Nashemererwa kukureeba, Sheik Umar. Nintangaara okukureeba aha. Okabasize kuza aheirwariro otunga obuhabuzi aha mbaririra yoruzaaro.

S. UMAR: Nangwa niiwe ndikwenda kugambaho neiwe ku oraabe oteine mirimo mingi munonga.

MILDRED: Nkoku orikureeba orunyiriri enyuma yawe, Sheik, emirimo yo nyine mingyi. Kwonka ti mingi yokutuma nabinga omuntu , okukira munonga , omusheija oweija.

S. UMAR: Omusheija!

MILDRED: (JOKING) Nikinshemeza munonga okureeba abasheija barikufayo kutebekanisiza amaka gaabo (LAUGHS)

S. UMAR: (CATCHING ON) Reero mwenu nobaasa kungambira aha mukazi owu wakozireho omu biro bihingwiire , arikwetwa Samira.

MILDRED: Samira, Samira, Sa… ka ntarikumwijuka.

S. UMAR: Nomusilaamu.

MILDRED: (LAUGHS) Sheikh Umar, Nyine abasilaamu beingi abu ndikukoraho.

S. UMAR: Buzima? Naba ntarikukimanya.

MILDRED: Shana ogyezeho kungambira oku arikushusha.

S. UMAR: Na…kwonka nomanya, ahabwenki ntarikugaruka oteine bantu beingi.

MILDRED: Kare nitubaasa kugamba nyenkyakare narishi ku ndagarukye aheirwariro. Nimbaasa kureeba omu bitabo byangye, nyijukye Samira ogu.



SFX: TRANSITION MUSIC UP AND SLOWLY FADE OUT

SCENE V

LOCATION: MUSTAPHA AND SAMIRA’S HOME-EVENING

B/G SFX: SOFT RADIO MUSIC

CHARACTERS: MUSTAPHA, FATIMA

MUSTAPHA: (OFF MIC) Allahu-akbar, naruha.

FATIMA: Taata wagaruka?.

MUSTAPHA: eego, nagaruka, Fatima, Enki? Waba otarikunyenda omuka?

FATIMA: (LAUGHS) ngaaha, taata. Reka nkwakiire enshaho.

SFX: BAG DROPPING

MUSTAPHA: Webare mwana wangye. Enshaho egyo noshusha oti neyeyongyera oburemeezi buriizooba.

FATIMA: Salaam alaikum, taata.

MUSTAPHA: Wallaikum-salam.

FATIMA: eizooba ryashusha ki?

MUSTAPHA: Ryaba rireingwa nka buriijo, natambura nahingura nomurindi, kwonka ryagyenda gye.

FATIMA: Nomanyisa wabaasa kutundaho aha nkeito zangye zabakazi eriizooba?

MUSTAPHA: eego. Kasitoma weitu owa buriijo, Hadija yatwaraho ibiri kandi yagira ngu ngu nyije mutwarire nezindi agurire abomuka ye.

FATIMA: Ka ni kirungi. Kwonka shi ahabwenki atatwaraho nezindi?

MUSTAPHA: Yaba aine esente za peya ibiri zonka, kwonka yagira ngu esande yaba nehwa mutwarire agurire abomuka ye.

FATIMA: Ago namakuru marungi, taata. Naba ninshoma za magazine za West Africa nareebamu emishono mirungi eyi ndikwenda kukopa.

MUSTAPHA: Kukorera Hadija?

FATIMA: Eego, nimpamya naza kuzikunda.

MUSTAPHA: Ningira ku turazongyere aha zindi, niziza kwongyera kumushemeza. Kwonka obanze otungye obwiire bwebitabo byawe.

FATIMA: Ninkimanya taata.

MUSTAPHA: oine emyaka ikumi na mukaaga yonka. Oshemereire kumanya ngu emishomo yawe nikyo kukuru.

FATIMA: Oterarikirira taata. Ninza kubanza nashoma mbone kukopa emishono emisya.

MUSTAPHA: Ekyo nikyo ndikwenda kuhurira. Nyoko ari nkahi?

FATIMA: Ari ekanyuma nayozya ebisafuriya ebirikureemeera.

MUSTAPHA: Reka nze kumureeba.



SFX: TRANSITION MUSIC UP AND OUT

SCENE VI

LOCATION: MUSTAPHA AND SAMIRA’S BACK YARD- EVENING

B/G SFX: SOFT RADIO MUSIC

CHARACTERS: MUSTAPHA, SAMIRA

SFX: SCRUBBING OF POTS, WATER SPLASHING

SAMIRA: (ON MIC) Salam alaikum, Mustapha.

MUSTAPHA: (APPROACHING MIC) Walaikum salam.

SFX: MORE SCRUBBING

MUSTAPHA: Eizooba ryaba …. Rigumire kwonka ryagyenda gye.



SFX: SILENCE

SAMIRA: (HESITANTLY) Eeee.

MUSTAPHA: Eryawe ryagyenda rita, Samira?

SAMIRA: Nomanyisa ngu tokinyiniire kiniga, Mustapha?

MUSTAPHA: (ANGRY) Otabigarukamu. Ekiniga kyo nkikiine. Nobaasa ota kundaba enyuma okaza kumira obujuma bwembaririra yoruzaaro, kirikuhenda ebiragiro bya Allah!

SAMIRA: Nsasira, Mustapha. Ekindi nenki…/

MUSTAPHA: NSASIRA! Nkusasire ki? Okugomera Allah? Okundaba enyuma? Narishi okumbeiha?

SAMIRA: Ngyerizeho munonga ngu onsasire ekinakozire. Ekindi eki orikunyenza nenki? Nsasira… Ahabwenki otarikukirugaho?

MUSTAPHA: Ningyezaho. Ningyezaho kukusasira, Samira!

SFX: SILENCE

SAMIRA: Mbwenu noza kungirira ekiniga kuhisya ryari?

MUSTAPHA: Tindikumanya.

SAMIRA: Hakiri hati nitugamba hamwe. Okuhunama nokunyetantara bibeire nibinyita. Bibeire nibitwiita, abaana…/

MUSTAPHA: Abaana?

SAMIRA: Eego. Babeire bashobeirwe oku eka etuura eshemereirwe ebeire yaba eihano.

MUSTAPHA: (PAUSE) Kasita iwe nokimanya. Kwonka okuruga eriizooba, byaza kuhinduka. Nituza kusaala hamwe.

SAMIRA: Kyaba nikiza kuba kirungi, kwonka tindikubaasa. Natandika emicwe.

MILDRED: (AS NARRATOR) Omukago gwa Samira na Mustapha gukatengyesibwa eki Mustapha yabeire nareeba nk’ebishuba bya Samira. Ebyo bikiri aho, Sheik Umar akaba atakabirugireho kandi ku nagarukire nti aheirwariro, yeija kundeeba.

SFX: TRANSITION MUSIC UP AND SLOWLY FADES OUT

SCENE VII

LOCATION: HEALTH CENTER-MORNING

B/G SFX: DISTANT CRIES OF CHILDREN

CHARACTERS: NURSE MILDRED, SHEIKH UMAR

S. UMAR: Ni muka Mustapha.

MILDRED: Eee, Samira. Hati namwijuka. Nangwa namwijuka kurungi.

S. UMAR: Ahabwenki?

MILDRED: Okuzaara omwana wa mukaaga kukaba kugumire. Omwana akaba ateine nshonga, kwonka Samira akatwara omwanya mureingwa kukira.

S. UMAR: Allahu- akbar. Ka kyabeire kibi.

MILDRED: Okwongyera ahari ekyo yarwara na mastitis.

S. UMAR: Masti- nenki ekyo?

MILDRED: Mastitis, akazimba eibeere yategana nokwonsya.

S. UMAR: Eee. Mbwenu shi … embaririra yoruzaaro ekeija ryari omu kishushani?

MILDRED: Bwanyima yemyezi etaano aherize kuzaara akagaruka aha, namuhabura kukozesa embaririra yoruzaaro.

S. UMAR: Mbwenu niiwe wamuteiremu ekiteekateeko ?

MILDRED: Akaba Atari mu mbeera yokubaasa kuzaara ondiijo mwana omu biro bya heihi. Ku twagambire nawe yasharamu kukozesa ekikatu ahabwokuba nikimara emyezi eshatu.

S. UMAR: Noshusha ngu ekinyerarikiriize torikukireeba, nansi Mildred.

MILDRED: Ekikwerarikiriize nenki, Sheik?

S. UMAR: Samira nomusilaamu. Omu kumuhabura, okaba otarikukimanya?

MILDRED: Nkaba ninkimanya. Nindeeba abasilaamu beingi aha.

S. UMAR: Obahabura omu muringo nigwo gumwe?

MILDRED: Sheik Umar, nimbahabura nkoku ebyetengo byabo birikuba biri, kandi Samira akaba aine enshonga mpango erikwetengyesa ngu akozese embaririra yoruzaaro.

S. UMAR: Ni nshonga ki eyabeire nemwetegyesa kukozesa embaririra yoruzaaro?

MILDRED: Aine abaana mukaaga.

S. UMAR: Reero?

MILDRED: Kuri yagarukiremu kuzaara ahonaaho, akaba naza kuza omu kabi.

S. UMAR: Kandi shi iba? Akafayo, nangwa nokubanza yamubuuza?

MILDRED: Sheikh Umar, abahabuzi beitu buriijo nibahabura abakazi kugamba na beibabo, kwonka hariho obu abakazi barikushanga kitarikubasika. Nimpamya ngu Samira akahaburwa atyo,kwonka akaba atarikubaasa kugambira iba.

S. UMAR: Ahabwenki? Akaba namanya ngu naza kumuzibira?

MILDRED: Tindikubaasa kugamba aha bwa Mustapha. Kwonka nimanya ngu Samira akaba atarikwenda kuba yagira enda juba , twamuteera ekikatu.

S. UMAR: Mbwenu mukakimuteera mutabandize kufayo kumanya ku kiraabe kyabeire kihikire narishi kitahikire, we okukora ekyo?

MILDRED: Nimanya ngu kikaba kitagwiire , we okukikora. Kikaba kiri ahabwoburungi bwamagara ge. Kandi abakazi beingi nibasharamu okukyererezaho kuzaara.

S. UMAR: Samira ti “bakazi beingi”. Nomukazi omusilaamu…/

MILDRED: (CALMLY) Ekyo ninkyetegyereza, Sheikh Umar, kwonka okurugirira oku ndikumanya, tiheine kigwiire narishi ekirikuzibira kuba omusilaamu ku orikukozesa embaririra yoruzaaro. Nokusharamu kwomuntu. Ti kugira ngu nituba twiita omuntu.

S. UMAR: Embaririra yoruzaaro terikwita omuntu!

MILDRED: Ngaaha. Nangwa okukozesa embaririra yoruzaaro, nituhereza abakazi omugisha gwokugira amagara gomutindo ogwongyeirweho, ahabwaabo, namaka gaabo.

S. UMAR: Nobu kyakuba kiri kityo, eirwariro, ryawe tiririkufa kuta abakazi abasilaamu omu mbaririra yoruzaaro, bakashiisha emitwarize yamaka.

MILDRED: Nyowe narishi eirwariro eri tiheine oine ekigyendererwa kyokushiisha emitwarize yamaka, Sheik.

S. UMAR: Reero mbwenu nshobororera ahabwenki orikwenda kugomesa abakazi abasilaamu aha basheija baabo?

MILDRED: Sheikh Umar, tindikugyezaho kugomesa abakazi abasilaamu aha basheija baabo. Ninyenda kubahereza omugisha gwokutunga amagara marungi nkabakazi abandi boona, omuri Bukulu.

SFX: TRANSITION MUSIC UP AND OUT

SCENE VIII

LOCATION: SHEIKH HABIB’S HOME-AFTERNOON

B/G SFX: QURAN PLAYING ON RADIO

CHARACTERS: SHEIKH UMAR, SHEIKH HABIB

S. HABIB: Walaikum salam warhmatilahi wabarkatu. Taahamu, Sheikh Umar.

S. UMAR: Sheikh Habib, ninyesiga tineija aha bwiire bubi.

S. HABIB: Tihariho bwiire bubi kwakiira mwene taata omu busilaamu, kandi obwo Imam weena. (THEY LAUGH)

S. UMAR: Habib, ninyenda ngu ompabure aha nshonga nkuru.

S. HABIB: Kare, ngambira oku ndikubaasa kukuyamba, Insha-allah.

S. UMAR: Eki ndikwenda nokwetegyereza Koran kwawe. Sheik, orahuriireho embaririra yoruzaaro?

S. HABIB: Otakagihuriraga nooha? Neyenki?

S. UMAR: Munywani wangye ashobeirwe, anyizireho nekizibu kikwatireine nembaririra yoruzaaro. Omu mazima Koran nekigambaho enki?

S. HABIB: Kyanguhi ekyo. Neyikirizibwa, ku oraabe nikyo orikubuuza.

S. UMAR: Otenki?

S. HABIB: Eego, omu kushuruurwa kwa Koran, bamwe omuri bagyenzi bomukundwa weitu nabi Muhamad (obusingye bube nawe) bakaba nibagikozesa.

S. UMAR: Reero Al-Rasulu tiyabazibira?

S. HABIB: Buzima. Tarabazibiire narishi okubagambira ngu tikihikire. Kuri babeire nibakora ekitarikwikirizibwa omu busilaamu , Rasulu-Allah akaba neija kukigamba.

S. UMAR: Eego akaba nakigamba. Mbwenu embaririra yoruzaaro neikirizibwa.

S. HABIB: Aho niho okuhajaana kurikwizira. Bagyenzi ba Al-Rasulu bakaba nibakozesa okumarira aheeru.

S. UMAR: Okwihamu.

S. HABIB: Eego, okwahukire aha miringo endiijo erikukozesibwa omu mbaririra yoruzaaro eyomurembe – Obujuma, ebikatu, nebindi.

S. UMAR: Mbwenu shi eki orikungambira nenki, Sheik Habib? Ngu neikirizibwa, kandi terikwikirizibwa?

S. HABIB: Noreeba, Umar. Titushemereire kukora ekintu kyona ekirikuzibira omwana kuzaarwa – na’am?

S. UMAR: Na’am.

S. HABIB: Kwonka nkoku turikuza aha Hajj twaba turikubaasa, nikwo tushemereire nokureetera abaana omunsi twaba turikubaasa kubareberera.

S. UMAR: Aho ohikire.

S. HABIB: Tihariho nshonga eshemereire kugyemesereza abantu kuzaara abandi baana, okurindaho kwaba kurikuretaho omutindo gwamagara ogwongyeirweho, ahabweka yoona.

S. UMAR: Kandi shi okusiriiza amahuri, Habib?

S. HABIB: Ngaaha, ngaaha, ngaaha. Ekyo tikirikwikirizibwa, kureka amagara gomukazi gaba garikuza omu kabi ku yakuzaara omwana ondiijo.

S. UMAR: Obwo nikikirizibwa!

S. HABIB: Obusilaamu nibutuhabura kusharamu nobwengye omu bintu ebi. Otata amagara gomukazi omu kabi ngu ahakuba nomurimo gwe kuzaara abaana.

S. UMAR: Mbwenu hakiri omureka azaara abaana abu we neiba, barikubaasa kureberera bakakuza kurungi.

S. HABIB: Nikyo ekyo, enshonga reka tuziihe omu rwanju. Nitumanya ngu Allah nayendeza buri mukazi nomusheija abaana. Kwonka murekye tubahereze amagara marungi.

S. UMAR: Barakalahu fik, Sheikh Habib. Wanshobororera ekintu kihango. Kwonka eki ndikubuuza hati, omusheija ogu mugambire ki?

S. HABIB: Ashemereire kumanya eki buri musilaamu ashemereire kumanya; embaririra yoruzaaro terikuzibirwa. Nebaasa kukozesibwa amagara gomukazi gaba gari omu kabi…/

S. UMAR: Narishi abantu baaba nibenda kuzaara abaana bakye abu barikubaasa kureberera kurungi.

S. HABIB: Eego. Allah akaba atarikwenda ngu omusheija narishi omukazi agire enaku, narishi anyangarare ahabwokugira abaana beingi abu batarikubaasa kureeberera, narishi amagara gomukazi kuza omu kabi.

S. UMAR: Ekyo mbe nikyo nagambira omusheija ogu?

S. HABIB: Ngaaha..

S. UMAR: Ntamugambira?

S. HABIB: (LAUGHS) Oshemereire kukigambira buri omwe… nkoku ndikuza kukora!



SFX: TRANSITION MUSIC UP AND SLOWLY FADES OUT

SCENE IX

LOCATION: BUKULU CENTRAL MOSQUE-COMPOUND-AFTERNOON

B/G SFX: RECITATION OF QURAN ON SPEAKER

CHARACTERS: SHEIKH UMAR, MUSTAPHA

MUSTAPHA: Salam alaikum, Sheikh Umar.

S. UMAR: Walaikum salam warahmatulahi wabarkat, Mustapha.Nindeeba omurimo oguteiremu amaani nka buriijo.

MUSTAPHA: Okuguza kwangye okurikukirayo nokworwakataano nkoru. Hariho obu birikuhwaho.

S. UMAR: Waba ori aha omu kushomesa?

MUSTAPHA: Sheikh! Nogira ngu nyowe Mustapha nimbaasa kufeerwa juma reero nyije aha kuguza enkeito. Okwegyesa kwawe nakuhurira, okuhabura nikwo okwo?

S. UMAR: Na’am, ni Sunna. Okushomesa kweriizooba nkutebekanisize bwanyima yokwebuuza ahabantu, aha nshonga yawe. Ndeebire ngu buri musilaamu ashemereire kumanya ebyembaririra yoruzaaro.

MUSTAPHA: Mbwenu Samira tarahenzire biragiro byobusilaamu?

S. UMAR: Omukazi wawe akaza omu mbaririra yoruzaaro ahabwenshonga. Okuzaara omwana ondiijo kukaba nikuza kuta amagara ge omu kabi. Kwonka akaba ashemereire kukugambira. Ningira ogambe nawe.

MUSTAPHA: Ninza kugamba nawe.

S. UMAR: Haza erizooba ningira nyine esente zirikumara. Ninza kutwara enkeito ezo.

SFX: TRANSITION MUSIC UP AND OUT

SCENE X

LOCATION: MUSTAPHA AND SAMIRA’S HOME-EVENING

B/G SFX: SOFT RADIO MUSIC

CHARACTERS: MUSTAPHA, SAMIRA

SAMIRA: Waguza enkeito zingahi, Mustapha?

MUSTAPHA: Abiri neibiri eriizooba, Samira. Okukira munonga bwanyima ya Juma. Kandi natungaho ebigambo birungi na Sheik Umar.

SAMIRA: Imam.

MUSTAPHA: Ogwo. Manya ngu embaririra yoruzaaro teine buzibu. Ekibi nokwihamu enda, narishi okusiriiza amahuri.

SAMIRA: Ebyo byona nkaba nimbimanya, kwonka nabwo onsasire ahabwokutakugambira.

MUSTAPHA: Okaba nobimanya tiwangambira! Ahabwenki, Samira?

SAMIRA: omu mazima, Mustapha, nkatiina ngu noza kwanga kandi nkaba ntarikwenda kugaruka kugira enda . Nkaba nimbaasa kuba kubi.

MUSTAPHA: (SIGHS) Ninkyetegyereza kwonka oshemereire kungambira ebintu nkebi.

SAMIRA: Eego, ku oraraganise kuhurikiza nokwetegyereza.

MUSTAPHA: Hariho obu ndangire kwetegyereza?

SAMIRA: Mbwenu omwami wangye orikwetegyereza naza kunyikiriza kuza aheirwariro kuteeza ekindi kikatu?

MUSTAPHA: Hmm. Tindikureeba ahabwenki ntarikukwikiriza…

MILDRED: (AS NARRATOR)Ni kirungi okushoborokyerwa enshonga ezi. Obumwe, abantu nibarabanamu ahabwokutamanya eki enyikiriza yaabo erikugamba aha mbaririra yoruzaaro. Kwonka nkoku Sheik Habib arikugira okozese embaririra yoruzaaro n’obwengye. Ti kugira ngu nokwita abaana nkorikwiita amari. Embaririra yoruzaaro nokureeba ngu enda tizahikaana munonga, kandi tihabaho enda zitetekatekirwe. Ni kirungi okwakiira omwana omunsi namashemererwa hatari kuzaara omwana oteine muntu nomwe orikumukunda, ateine wokumureberera, kandi amagara gomukazi tigashemereire kuza omu kabi ahabwokugira enda…



SFX: TRANSITION MUSIC UP AND SLOWLY FADES OUT

OUTRO…




Dostları ilə paylaş:


Verilənlər bazası müəlliflik hüququ ilə müdafiə olunur ©genderi.org 2019
rəhbərliyinə müraciət

    Ana səhifə