Location: int: car, bukulu backroad-morning characters: ssalongo tadeo, nalongo margo, kizza, kato, mukasa

EPISODE-22 “Sweet Knowledge”

Written by ADONG Lucy Judith

SCENE I

LOCATION: INT: CAR, BUKULU BACKROAD-MORNING

CHARACTERS: SSALONGO TADEO, NALONGO MARGO, KIZZA, KATO, MUKASA

MILDRED: (AS NARRATOR) Nibagira ngu ebyobuhangwa nigwo musingi gw’abantu. Kwonka shi ebyobuhangwa bimwe ku byakuba bitakikwatagana n’ebizibu ebirikwaija n’emirembe? Hoona tushemereire kugumya ebyobuhangwa bweitu nobu byakuba birikutureetera okubonabona? Ssalongo Tadeo, mukuru w’ekika omuri Bukulu, akeebuuza ekibuuzo eki eizooba rimwe, we, n’omukazi we, n’abatabani babiri ku babeire nibarahukiriza barikuza aha mukoro gw’omutabani Kizza arikujwara diguri…

SFX: FADE INTO INTERIOR OF SPEEDING CAR

KATO: Taata tebeekana, ndiyo ninvuga munonga nkoku ndikubaasa.

S. TADEO: Reero ahabwenki orikushusha oti tiheine ahu twahikire, Kato?

N. MARGO: Ssalongo, otareetera omusigazi kurenzya sipiidi. Weeza Kato gyenda mpora. Kandi nabwo omugyenyi mukuru tumwiine omu motoka. Buri omwe naateekwa kutegyereza Kizza…

S. TADEO: Ninyanga kukyerererwa.

KIZZA: Beitu mweena timutebekana, nimanya ngu nituza kukwata eshaaha z’omukoro gwangye.

N. MARGO: Aha sipiidi egi nitubaasa kutazikwata. Nyowe tindikwenda kufa ntakahikire aha mukoro gwa Kizza arikujwara diguri.

KATO: Maama noshusha oti torikufayo abandi boona nobu baakufa, kwonka iwe okahika aha kujwara kwa Kizza.

N. MARGO: Ngaaha, Kato. Oine emyoga yaawe, mwana wangye. (JOKING) Kwonka eshaha egi, diguri ya Kato nikyo kikuru.

KIZZA: Kwonka maama!

N.MARGO: (EXCITED) Kizza, ninkwehuriza. Oyorekire Bukulu yoona ngu eka egi ti y’okuzaana.

KATO: Naaba ntarikumanya ngu Kizza niwe wenka okozire ebyokutangaaza!

N. MARGO: Omu mazima batabani bangye boona nimbehuriza. Kato, iwe na Wasswa nimukora kurungi omu bizinesi yeeka…/

S. TADEO: Nk’oku naabegyeise.

KATO: (AMIDST LAUGHTER) Maama, Kato otamwendamu ebintu bingi! Namanya ogwokushoma gwonka!

KIZZA: Otenki Kato? Torikuteekyereza ngu ninyija kutunguura Bukulu?

S. TADEO: Kato, ebyemboozi birugyeho, ovugye emotoka. Ekigaaniiro eki kyatureetera kugyenda mpora.

KATO: Taata tebeekana, ndi dureva omukugu. Nimbaasa kubikora byombi.

S. TADEO: Tebeekana, tebeekana. Buri kimwe, tebeekana.

N. MARGO: Nyowe ntebeekeine ahabwokuba twine owa diguri omu ntunguuka. Ebizibu by’entunguuka ya Bukulu byona nibiza kuhwa.

S. TADEO: Nalongo, reka kuhuzya Kato. Buri kuhimbisa Kizza, Kato ameisho naageiha aha ruguuto. Reka omwana avuge.

N. MARGO: Kwonka Ssalongo, noyenda ngu nkore ki? Nfe kuhunama nk’ekiteta? Noyenda ngu mpumbe akanwa ahabwokuhunama! Ndeka ngambe.

KATO: Taata tebeekana, ninye naaza kukora ogwokuhunama, reero nkavuga sipiidi nk’oku…/

SFX: HEAVY BUMP, CAR SKIDDING, SCREAMS

KATO: (BREATHING HEAVILY) Mweena muri gye?

N. MARGO: (HYSTERICAL) Ayi Ruhanga wangye! Naafa, naafa.

S. TADEO: (HOLDING HER) Tihariho nshonga, Nalongo, tuhuriire.

KIZZA: Nenki ekyo?

KATO: Ningira heine eki twatomera.

KIZZA: Reka tureebe.

SFX: DOORS OPENING AND SHUTTING

KIZZA: Ruhanga ayebare, n’embuzi kwonka. Watomera embuzi.

KATO/MARGO: Noreeba eki wakora?

S. TADEO: Nimwenda kugira ngu nomushango gwangye, niiwe wamuhuzya… mbwenu reeba.

N. MARGO: Nyowe? Tindikukiikiriza ngu oine nagokuntaho orubanja. Niiwe waguma nomuhagira kuvuga sipiidi, orikushusha oti egi n’endegye.

KATO: Maama, Taata, ebyokutungana enkumu tubanze tubirekye tureebe ekyokukora.

KIZZA: Ayi bambe, noshusha oti ti birungi. Ekyaaro kyona kiriyo nikyaija, kandi buri omwe naaza kuba naagira ngu embuzi neeye.

CROWD: (OFF MIC, SHOUTING) Bemereze, mutabeikiriza kugyenda.

MUKASA: (OFF MIC, SHOUTING) Beita embuzi yangye, mutabeikiriza kugyenda.

KIZZA: Ayi bambe ! Twaza kukora ki hati ?

SFX: TRANSITION MUSIC UP AND OUT

SCENE II

LOCATION: BUKULU BACK ROAD- MORNING

B/G SFX: ROWDY CROWD

CHARACTERS: MZEE KAYONDO, MUKASA, SSALOMGO TADEO, NALONGO MARGO, KIZZA, KATO

CROWD: Nibateekwa kuriha, nibateekwa kuriha…

M. KAYONDO: Obucureera, obucureera. Mwami Tadeo, ninye muzeyi Kayondo, omukuru w’ekika kyabafuruki, kandi watomera embuzi yomunyaruganda.

S. TADEO: Ni Ssalongo Tadeo, mukuru wekika kyentare, haza tindi mpumi, nimpweeza kurungi ngu natomera embuzi.

M. KAYONDO: Omukuru mugyenzi wangye, ni kirungi. Mbwenu hati, abantu bangye batakakwikiriize ngu ogumizemu oze aha mukoro nkoku orikugira, nooteekwa kubanza washashura Mukasa ogu ahabwembuzi ye.

S. TADEO: OKUSHASHURA! Banza oreebe, muzeyi, ninza kukugambira eki naaba naagambiire Mukasa; tiheine oku ndikuza kuriha embuzi erikwona aheitaka ryangye.

M. KAYONDO: Eki nikyeyoreka nk’eizooba, watomera embuzi. Omu mazima torikubaasa kwanga kugiriha!

S. TADEO: Buzima ninyanga. Imwe bafuruki mwe mutwiire nimushenga aheitaka ryeitu n’amatungo ganyu garikurofakaza eitaka ryeitu.

SFX: MURMURS OF DISCONTENT FROM CROWD

S. TADEO: Hati mumpiguze, ndabeho nze aha mukoro gwa diguri nya mutabani wangye.

MUKASA: Ssalongo, shashura embuzi yangye, notekyereza ngu nindya diguri ya mutabani waawe?

S. TADEO: Eki ori kurya kinkwatiire ki?

MUKASA: Embuzi zangye nizo zirikundiisa, mbwenu iwe n’eka yawe mweitaho emwe, erikukirayo obuhango.

N. MARGO: Reka kukuriiriza, musigazi. Buri omwe nakireeba ngu embuzi ekoohire nink’omwana orweire mutuku.

KIZZA: Maama, birekye. Reka nkitereeze. (TO MUKASA) Sebo, embuzi yawe nogyendamu sente zingahi?

MUKASA: Emitwaro makumi abiri zonka.

KATO: Ayi, Ruhanga wangye, egyo ka n’enjugano yomukazi ehweire.

MUKASA: Aka n’akajoogo? Imwe abekika kyentare, ku muraabe nimujooga abakazi banyu okuhika aha kubajugisa embuzi emwe, otagira ngu nikyo kimwe neitwe.

S. TADEO: Nobaasa ota kugamba otyo aha kika kyeitu, kandi obwe orikukimanyagye ngu ekika ekyanyu na mukuru waakyo mukatana nk’ekironda?

SFX: MORE MURMURS OF DISCONTENT

S. TADEO: Nigo mazima; mukecwa aha kika kyanyu ekihango, mwatana nk’ekironda. Hati mumezire amapapa ku tuherize kubeikiriza, tukabakiira omuri Bukulu!

MUKASA: Noza kushashura ahabwakajoogo kaawe.

SFX: COMMOTION, BREAKING OF GLASS

S. TADEO: Murugye aha motoka yangye imwe bashema mwe. Nituza kubyegyesa.

SFX: MORE COMMOTION

KIZZA: (SHOUTING) Murekye kurwana. Murekye tukitereeze omu busingye.

N. MARGO: Tindikuhamya ngu bahuriire. (CRYING OUT) Bambe, oine esimu atereere poliisi.

SFX: TRANSITION MUSIC UP AND SLOWLY FADES OUT

SCENE III

LOCATION: SSALONGO TADEO’S HOME-AFTERNOON

B/G SFX: SOFT RADIO MUSIC

CHARACTERS: SSALONGO TADEO, SSENGA DORA

S. TADEO: (LAUGHS) Eka yangye etuura eiguriire abagyenyi, shwenkazi Dora.

S. DORA: (LAUGHS LIGHTLY) Nangwa okucwa bugufu, naba nyizire kukusaasira ahabw’ekibeireho nyomwebazyo.

S. TADEO: (DULL) Eego, kibeire kibi munonga.

S. DORA: Okugira ngu ni kibi nokukisinsiina. Ekika kyabafuruki kihemwiire ekika kyentare. Haza n’orubanja rwa Nansi Mildred, nembaririra y’oruzaaro ye.

S.TADEO: Kwonka ekibeireho, nakahondano k’ebika bibiri, kandi nokimanya ngu tuhemukire. Orubanja n’oruta ota ahari Nansi Mildred?

S. DORA: Ssalongo, ekika ky’abafuruki kiine amaani. Bakatukiza obwengye tibaza omu by’embaririra y’oruzaaro, kandi nyomwebazyo batwerekire ngu obwingi bw’abantu ni kikuru.

S. TADEO: Tindikuhamya ngu naakwetegyereza, shwenkazi Dora.

S. DORA: Abafuruki bateire abasheija beitu nk’abereere, ahabwokuba bakye, bo bari beingyi.

S. TADEO: (PAUSE) Shwenkazi, nobaasa kuba ohikire nobu kigumire okukwikiriza. Kuri tubeire turi beingyiho, abo bashema tubeire nituza kubata omu mwanya gwabo.

S.DORA: Nikyo ndikugamba.

S.TADEO: Obushema bwabo bafuruki. Basiisire embaga yokujwara kwa Kizza. Kwonka nanye ndeeebire ngu naabaraaza omu kihome.

S. DORA: Oreebire enaku, musheija. Okujwara diguri kwomwana ti kintu eki orikureeba buriizooba.

S. TADEO: Na munonga omuri Bukulu.

S. DORA: Tiheine ekishemereire kuteganisa omukoro nkogwo. Noreeba n’enjura terikubaasa kugwa aha mikoro nkegyo.

S. TADEO: Okurugirira aha kibeireho nyomwebazyo, ninyerarikirira munonga embeera yekika kyeitu ebiro byomumeisho, abafuruki ku baragume nibeshembeza aheitaka ryeitu.

S.DORA: Ohikire munonga kwerarikirira.

S. TADEO: Eki ndikwerarikirira, abantu beitu ni bakye munonga, b’okurwaana n’abafuruki.

S.DORA: Kwonka shi ahabwenki otarikugira eki waakora omu mwanya gw’okwerarikirira kwonka? Mukuru w’ekika kyentare weena? Okore ahari Nansi Mildred ogwo!

S. TADEO: (UNSURE) Nkaba ntakareebire akabi k’embaririra y’oruzaaro ya Nurse Mildred egi omu buryo obu. Beitu ahabwenki obeire otakagambire aha buryo obu?

S.DORA: Kwonka ntura ninkugambira, na Bukulu yoona ngu embaririra y’oruzaaro ni mbi.

S. TADEO: Ninyikiriza ngu bariyo nibaza kuturabaho. Kandi okuruga nyomwebazyo ninyebuuza ekika kyentare ku kiraabe nikiza kuhonoka.

S. DORA: Ssalongo, ninshemererwa okureeba ngu hati nooreeba enshonga nkanye, noozeetegyereza. Nyowe ndiho okukuyamba omu buryo bwona, okushendashenda abantu okubinga abafuruki aba, n’ekika kyentaruuki kwonka. Ninza kweta abantu beitu boona.

S. TADEO: Webare munonga, shwenkazi Dora, omugambi murungi nkeiwe naaza kuyamba munonga omu kushendashenda ekika kyeitu.

S. TADEO: Ngaaha Ssalongo, niiwe oshemereire kugamba nabo… nk’omusheija, omukuru w’ekika ky’entare.

SFX: TRANSITION MUSIC UP AND OUT

SCENE IV

LOCATION: BUKULU MARKET SQUARE-AFTERNOON

B/G SFX: CROWD MURMURS

CHARACTERS: SSALONGO TADEO, SSENGA DORA, KATO

SFX: CROWD HAS GATHERED AND THEY ARE RESTLESS FOR S. TADEO TO SPEAK TO THEM

S. DORA: (WHISPERS) Reka ngambe nabo, Ssalongo Tadeo. Nimanya ekyokugamba. Iwe onyanjure kwonka, reero nkikoreho…

S. TADEO: (WHISPERS) Kare. (ALOUD) Ba Sebo na ba Nyabo, ntakagumiizemu, shwenkazi Dora aine eki arikwenda kubagambira.

S. DORA: (WHISPERS) Webare. (ALOUD, OFF MIC) Abanyaruganda bagyenzi bangye, ab’ekika kyentare. Turi omu kabi; ekika kyabafuruki kitwiine kubi.

SFX: MURMURS OF DISCONTENT FROM CROWD

KATO: (WHISPERS ON MIC) Taata, ningira ngu niiwe oyesire orukiiko oru, ti shwenkazi Dora.

S. TADEO: (ON MIC) Shwenkazi Dora nomumanya, nayenda kutegyeka buri kintu. Kandi nabwo nagamba kurungi kunkira kandi turi aha rubaju rumwe.

S. DORA: (OFF MIC) Nibenda kutumaraho. Bashengire aheitaka ryeitu, bataahiriire omukuru weitu, Ssalongo Tadeo neeka ye kandi nibagumizamu kutujooga.

SFX: CROWD IS GETTING HEATED UP

S. DORA: Haza ebi byona nibibaho aha bwa Nansi Mildred nembaririra yoruzaaro ye. Hati titurikubaasa kwerwanaho , turi bakye ahabwokuba tukeikiriza obutwa bwe bwembaririra yoruzaaro. Turi embaata ziteekami kwonka.

KATO: Kwonka taata…/

S. TADEO: Ninkimanya Kato. Ariyo naahemba omuriro omubantu, kwonka shi mbwenu nkore ki?

S.DORA: Tushemereire kumubinga nembaririra yoruzaaro ye. Tushemereire kuzaara, tukanye, tubaase kurwanisa abafuruki aba.

SFX: CROWD GOES WILD CHANTING

SFX: TRANSITION MUSIC UP AND SLOWLY FADES OUT

SCENE V

LOCATION: SSALONGO TADEO’S HOME-MORNING

B/G SFX: MORNING BIRDS SINGING

CHARACTERS: SSALONGO TADEO, KIZZA

KIZZA: (ON MIC) Ehururu ya shwenkazi Dora terikubaasa kukora taata. Ahoobwe neza kutwitira kimwe twena.

S. TADEO: Noreeba, Kizza, mutabani. Shwenkazi Dora tindikumukunda, nobu yaakuba emitwarize ye, kwonka eki arikugamba kirimu amazima.

KIZZA: Eki arikugamba nenki, taata?

S. TADEO: Ekika kyabafuruki kiturabireho. Nibatukira obwingi hati!

KIZZA: Reero nogira ngu ekika kyentare kureka embaririra yoruzaaro nikuza kutuyamba? Nansi Mildred ti kizibu ahobwe niiwe aine ekyokutuyamba.

S. TADEO: (SHOCKED) Waatabuka omutwe?

KIZZA: Nitwetenga amaka makye, gatari mahango. Nitwetenga abaana bakye bokuriisa, omu kyanga eki, batari beingi.

S. TADEO: (GRAMBLING) Tindikukiikiriza. Mutabani wangye oine diguri nahagira embaririra yoruzaaro. Nkazaara abaana munaana. Buri omwe nekitinisa kyangye… Obutungi bweitu kandi n’amaani.

KIZZA: Kwonka eitaka eri oine hati nituza kuribagana abaana munaana, taata.

S. TADEO: Buzima! Eka mpango nekintu eki amaka amakye garikuhereza ekitinisa. Obwingi burimu amaani.

KIZZA: Noreeba oku abafuruki beine amaka mahango kandi hati nibarwanangana bonka, nokubarikushenga aheitaka ryeitu.

S.TADEO: Nikyo ekyo! Nikyo neitwe tushemereire kugirira abaana beingi ngu hatagira owashenga aheitaka ryeitu.

KIZZA: Kwonka nomanya eki ekyo kirikuba nikimanyisa? Oku turikweyongyera kukanya nikwo turikweyongyera kurwanira eitaka, kutonganira ameizi…obwo omuntu naaba atakifayo aha kwiiba mutaahi we okugira ngu abeho.

S. TADEO: Titurikubaasa kureka ngu abafuruki batumareho!

KIZZA: Mbwenu reero abafuruki beine abaana beingi. Ekika kyentare kibakize abaana. Reero ebintu byona bishobe. Bishobere kimwe!

S. TADEO: Iwe torikubaasika, Kizza, nokimanya ekyo?

KIZZA: Hakiri nansi Mildred nagyezaho kuyamba aha mbeera ya buri omwe. Tarikurwanira eitaka narishi ebintu.

S. TADEO: Ebya Nansi Mildred bihuname. Torikubaasa kureeba ngu embaririra yoruzaara ye neyenda kuhwerekyereza abantu beitu?

KIZZA: Tata, ninkutamu ekitinisa, kwonka tiwahurira kigambo na kimwe eki nagamba.

S. TADEO: Hati watandika kugira ngu nfiire amatu?

KIZZA: Eki ndikugamba n’eki, ekika kyentare, nekika kyentaruuki boona nibetenga kumanya ngu oku turikweyongyera obwingi nikwo turikweyongyera kubonabona tweena. Akahondano aku orikwenda, taata, nikaza kushiisha ebi oine byoona.

S. TADEO: Nomanya, hakiri kuri ndi ekifa matu, okukira kukuhurira orikurogota oti. Tindikwikiriza ngu nkashashura fiizi ngu oze kuhaba otyo. Nduga omu meisho.

KIZZA: Kare. (MOVING FROM MIC) Noyenda omwana ashomire, aine diguri, kwonka torikwenda kwetegyereza omugasho gwobwegyese bwangye; kandi ku oraabe noyenda kumanya ebi nshomire, nokumanya ngu okugira abantu beingi narishi amaka mahango titwiine ahu tworekyereire!

SFX: TRANSITION MUSIC UP AND OUT

SCENE VI

LOCATION: SSALONGO TADEO’S HOME-AFTERNOON

B/G SFX: SOFT RADIO MUSIC

CHARACTERS: SSENGA DORA, SSALONGO TADEO

S. DORA: (EXCITED) Kwonka byona byatereera, reka tugyende, Ssalongo.

S. TADEO: Tuze nkahi, shwenkazi?

S. DORA: Abantu bategyereize. Bwasheesha ninshuma ninyinamuka ndikushendashenda abantu bokuhakanisa nansi Mildred nembaririra yoruzaaro ye.

S. TADEO: (STUTTERS) Ahabwenki otarikugyenda omu meisho? Tinyine maani marungi.

S. DORA: Ka wareeba, Ssalongo. Niguteekwa kuba guri omushwija, ninza kukureetera ebishaka. Kwonka hati, fa kwija onageyo ekigambo kyokutuhangaana nokutandika.

S. TADEO: Tikyo ekyo kyonka, shwenkanzi, ningira ninyetenga ebiro bikye kugaruka kutekateeka aha kiturikukora eki.

S. DORA: Kuteekateeka? Ekyokuteekateekaho nenki aho? Oriyo nogaruza ebigyere enyuma?

S. TADEO: Nangwa okukugambira amazima, nikwo kiri.

S. DORA: Ssalongo! Ku kiraabe kiri ekyokugambira abantu, ogwo ningukora, nimanya kugamba otafayo.

S. TADEO: Ngambire na mutabani wangye.

S. DORA: Otyo…? Egyo nayo nemboozi?

S. TADEO: Kizza natekyereza ngu tushemereire kuyamba abebika ebindi abo kukozesa embaririrra yoruzaaro reero…

S. DORA: Eihano! Tindikwikiriza eki naahurira.

S. TADEO: Ku ndabaase kugamba na muzeyi Kayondo, tukeikirizana…

S. DORA: Enki! Noyenda ngu ekyo kika kyentaruuki kikushekyerere nkomushema?

S.TADEO: Ngaaha.

S. DORA: Kwonka noyenda kuruga aha byobuhangwa bwawe ahabwokuba mutabani wawe Kizza aizire nentekateeka ensya?

S. TADEO: Banza ompurikize, shwenkazi Dora, eki…/

S. DORA: Ontereireki omu kushwaara oku nkwona ku obeire nomanya ngu torikuza kukigumizamu?

S. TADEO: Tinkuteiremu…/

S. DORA: Hati abantu mbagambireki? Ngu ohindwiire aha ntekateeka?

S. TADEO: Tindikwenda ngu ogambe omwiziina ryangye, shwenkazi Dora. Ninza kwegambira.

S. DORA: Nomanya? Tinyine bwiire bwabasheija bateine rubaju.

MILDRED: (AS NARRATOR)Eki nikyo kintu ekyakizireyo kugumira Ssalongo Tadeo omu magara ge; akaba naza kuhurikiza mutabani we Kizza narishi shwenkazi Dora? Bombi bakaba nibagamba ebirimu amagezi. Ssalongo tadeo akaba namanya ngu naateekwa kubanza nokukora aha byetengo byabantu be. Bwanyima y’ebiro bikye akagaruka yabugabugana na muzeeyi kayondo…

SFX: TRANSITION MUSIC UP AND SLOWLY FADES OUT

SCENE VII

LOCATION: MZEE KAYONDO’S COMPOUND-MORNING

B/G SFX: MORNING BIRDS SINGING

CHARACTERS: MZEE KAYONDO, SSALONGO TADEO

M. KAYONDO: Tinyine bwiire bwemizanozaano yawe ssalongo, mbwenu ku oraabe nogira ngu egyo nsheko ekuri aha matama neza kungoonza nooyebeiha.

S. TADEO: Bambe muzeyi Kayondo naija aha omu busingye. Nikyo neizira neitaagi eri nkakamanyiso k’obugwangye.

M. KAYONDO: Ka nyesigye ngu nikwo kiri ahabwokuba nyowe nabantu bangye turuhire nokutwarwa kubi ngu ahabwokuba turi abafuruki.

S. TADEO: Tineija aha kugaruza ebiteeketeeko bibi.

M. KAYONDO: Ngambira, nikitwara obwiire burikwingana ki omuntu okwakiirwa omu kyanga eki akagirirwa obuntu n’ekitiniisa?

S. TADEO: Nangwa ekyo nikyo neija kukureebera, Mzee Kayondo.

M. KAYONDO: Okuhereza abantu bangye ekitinisa?

S. TADEO: Omu muringo nkogwo. Noreeba, mperize kwetegyereza ekizibu kya Bukulu kyonyine, mbwenu neija aha kukushaba nka mukuru w’ekika mugyenzi wangye ngu tureebe ekyokukora.

M. KAYONDO: Hmm. Ninza kukwesiga. (SCEPTICAL) Eki oine omu mutwe nenki?

S. TADEO: Waakyetegyereize ngu oku turikweyongyera kukanya nikwo turikwongyera kurwanira eitaka, n’ebyobuhangwa ebindi.

M. KAYONDO: Otyo…nka?

S. TADEO: Emiti…eriyo neehwaho juba. Ameizi marungi nigeyongyera kuba ageibura. Abaana beitu kutunga obwegyese kugumiire kimwe. Orutaro rwekika kyangye nekyaawe tirurikwenda kuhwa- kandi nimpamya ngu nomu kika kyawe noreeba obuteikirizana nentongane birikweyongyera.

M. KAYONDO: Ago namazima. Mbwenu waaba nooteisa kukora ki?

S. TADEO: Nituteekwa kugyenda mpora ahakyokuzaara munonga, ekika kyawe nekyangye.

M. KAYONDO: Nakwetegyereza, oreebire oku ekika kyeitu kiteire ekyanyu mbwenu aka nakakoryo kokutumara amaani.

S. TADEO: Tikyo ekyo, muzeyi Kayondo.

M. KAYONDO: Ngu mubaase kutumaraho!

S. TADEO: (PERSISTING CALMLY) Nkabakuru bebika nitwetenga kukora hamwe kushomesa abantu ba Bukulu aha mbaririra yoruzaaro, kitari ekyo, ebika byeitu byombi biri omu kabi.

M. KAYONDO: Ba Tatenkuru bakuyambe. Ku oraabe nootekateeka ngu nobaasa kufa kuhindura ebyobuhangwa bweitu, noyebeiha.

S. TADEO: Kwonka eki tikiine kakwate…/

M. KAYONDO: Hurikiza, haza ohurikize kurungi, Ssalongo Tadeo. Nyowe, muzeyi Kayondo, tindikubaasa kushiisha ebyohangwa bwa ba tatenkuru.

S. TADEO: Aho niho ohabire, muzeyi. Embaririra yoruzaaro terikuza kushiisha ebyobuhangwa bweitu nebirinda.

M: KAYONDO: Nikireebeka ngu ogwereire kimwe eiraro. Ndugira omu mbuga, kandi otarigira obu ogarukire ku oraabe nomanya ekikushemereire.

SFX: TRANSITION MUSIC UP AND OUT.

SCENE VIII

LOCATION: HEALTH CENTER-AFTERNOON

B/G SFX: DISTANT CRIES OF CHILDREN

CHARACTERS: SSALONGO TADEO, NURSE MILDRED, KIZZA

MILDRED: Ssalongo, Kizza, tindikwenda akabi.

S. TADEO: Titweija aha ahabwakabi, Nansi Mildred.

KIZZA: Oterarikirira, Nansi Mildred. Taata nayenda ngu omuyambe.

S.TADEO: Nansi Mildred, tweija aha kukushaba ngu oshomese ekika kyabafuruki ebyembaririra yoruzaaro.

MILDRED: (SURPRISED) Enki ?

S. TADEO: Oku barikweyongyera kutunga ebizibu, naitwe nikwo birikweyongyera kutuhikaho.

MILDRED: Nimbashabira. Ngyerizeho kugamba na muzeyi Kayondo, kwonka…shana ngire ngu aine amaryo.

S. TADEO: Ekyo nitukimanya. Tarikwenda kuhindurwa. Kwonka nyizire kukireeba ngu agwiire. Kandi ndi omusheija orikwenda kukora ekihikire, Nansi Mildred.

MILDRED: Otyo, kwonka reka nkubuuze, Ssalongo. Ekikureteire kuhindura aha ntekateeka nenki?

S. TADEO: Kizza ogu; aherize kutunga diguri omu byentunguuka, aigwiire ameisho gangye kureeba ebizibu bya Bukulu byonyine, kandi yampiga kugira eki nakoraho okubikyendeeza, kutari kubyongyeraho.

MILDRED: Obwo ka nobumanzi buhango, Kizza. Abanya Uganda abashomire za diguri beingi nibabaasa kugira eki bakwegaho.

KIZZA: Okuhagira embaririra yoruzaaro?

MILDRED: Okugaruka omu byanga byaabo, bakata omu nkora ebi bashomire okukira kuburira omu tawuni.

S. TADEO: Niwo ogwo mutabani wangye. Akyorekire ngu obwegyese nezaabu.

MILDRED: Ninkikiriza kurungi. Mbwenu egi nentandikiro…okukora hamwe. Ninshemerererwa ekyokukora neiwe, Ssalongo Tadeo.

S. TADEO: Nashemererwa. Nkomwebembezi, ninkyetegyereza ngu buri kirungi eki turikukora omu magara aga, nikitandika n’embibo nkye…

SFX: TRANSITION MUSIC UP AND SLOWLY FADES OUT

SCENE IX

LOCATION: SSALONGO TADEO’S COMPOUND-AFTERNOON

B/G SFX: CRIES OF DOMESTIC ANIMALS

CHARACTERS: SSALONGO TADEO, KIZZA, MZEE KAYONDO

SFX: CAR STARTS

KIZZA: Wareeba, ninkomusyasya.

S. TADEO: (ABSENT MINDED) Eego.

KIZZA: Ba makanika bakozire omurimo murungi, bafuhiriire na dashiboodi, torikubaasa kumanya ngu nekirahuri nikisya.

S. TADEO: (ABSENT MINDED) Torikubaasa kukimanya, Kizza.

KIZZA: Taata, ori gye?

S.TADEO: Ndi gye.

KIZZA: Muzeyi Kayondo okwanga kugamba nekika kye aha byembaririra yoruzaaro nikikuteganisa, tikwo?

S.TADEO: (SIGHS) Eego.

KIZZA: Reka nkutebeze ekyokukugaruramu amaani. Amaka abiri. Emwe ekaba eine abaana beingi, endiijo abaana bakye.

S. TADEO: Iwe nebitebyo byawe. Kare, ekyakuratiireho nenki?

KIZZA: Eka yabaana beingi ekaba eine okubagabagana ebintu byabo bahendera bateine ki beine, kwonka eka eyabaana bakye bakabaasa kukozesa ebyabo nobwegyendesereza.

S. TADEO: (LAUGHS LIGHTLY)Ekitebyo kyo ni kirungi ekyo.

KIZZA: Eego, kwonka ekyegyeso n’eki – omutindo nigukira omubaro. Ekika kirikweyongyera obwingi kukira oku kirikutunga ebyobutungi nikitunga ebizibu bingyi…

S. TADEO: Ekirikunteganisa, ebizibu byaabo nibiba ebizibu byeitu, kandi omu mwanya gwokukwatanisa neitwe nibahendera barikutushwekyera kimwe…

M. KAYONDO: (APPROACHING MIC, CLEAR’S HIS VOICE) Ssalongo Tadeo, Ninyenda kugamba neiwe. Ku oraabe nokyenda…

SFX: TRANSITION MUSIC UP AND OUT

SCENE X

LOCATION: HEALTH CENTER-MORNING

B/G SFX: DISTANT CRIES OF CHILDREN

CHARACTERS: SSALONGO TADEO, MZEE KAYONDO, NURSE MILDRED

MILDRED: (LAUGHS)Nabashemerererwa imwe babiri, muzeyi Kayondo… Ssalongo Tadeo..

M. KAYONDO: Nansi Mildred, kuri Ssalongo Tadeo ogu atatomeire embuzi yowekika kyangye , Mukasa, ningira tinakubeire ninyija aha.

S. TADEO: Embuzi ebeire ekitambo kyokugaruraho obusingye.

M. KAYONDO: Buzima. Ningira nyeteegyereize ngu nintekwa kugamba na Ssalongo ku ntekyereize ekyareteire ekika kyeitu kuruga eyi twazeirwe kwija Bukulu. Tukaba tutakibaasa kuhikayo tweena. Kandi hati, bwanyima yemyaka mingi, turiyo nitugarukamu embeera egyo hanu omuri Bukulu.

S. TADEO: Kandi ku turaabe tutegyendesereize, twena omuri Bukulu nituza kubonaboona.

MILDRED: Mbwenu shi… ngire ngu ndi aha kutandikaho orutaro ahagati yebika byanyu – nari okureetaho obusingye?

M. KAYONDO: Tweena nitwenda entunguuka.

MILDRED: Reero ba sebo, imwe eki murikutekyereza ngu “nentunguuka” nenki?

S. TADEO: Nitwenda ngu tukyendeeze spiidi eyi turikuzaaramu…twetonde. Kwonka okukora ekyo nitwetenga kushomesa Bukulu yona.

M. KAYONDO: Tushomese abantu ngu abasheija nabakazi ku barakyendeeze aha muhendo gwabaana abu barikuzaara, nibabaasa kugira omutindo gwamagara ogwongyeirweho, bariise kandi bashomese abaana baabo kurungi, kandi bagire amagara marungi.

S. TADEO: Kandi bakyendereze kimwe okubaasa kureka kurwanira ebyobuhangwa bikye ebitarikuhanguha.

MILDRED: Ekyo ni kirungi munonga. Abantu nibahurikiza abeebembezi babo b’obuhangwa.

M. KAYONDO: Nansi Mildred, nibahurikiza nabakozi b’ebyamagara. Ninkushaba oije ogambe nabantu bangye aha byembaririra yoruzaaro. Nobaasa kushoborora ebi ntarikubaasa ku…

MILDRED: Ninza kushemererwa kukikora ekyo.

S. TADEO: Mbwenu muzeyi Kayondo nabantu be nibaza kutanga nyowe nabantu bangye okutunga obwengye bwawe ? Kandi ekiteekateeko kiri ekyangye…

MILDRED: Ssalongo Tadeo, notekwa kugira ahu watandikira. Torikushemererwa ngu muzeyi Kayondo yeikiriza ekiteeketeeko kyawe?

S. TADEO: Ninzaana, Nurse Mildred. Nashemererwa…Nyowe na muzeyi Kayondo twarugaho twakora hamwe.

MIILDRED: (AS NARRATOR) Reero mbwenu kilinika yangye yembaririra yoruzaaro nkagishanga eri entima yentunguuka omuri Bukulu, eyaaresire hamwe bakuru bebika babiri. Ahu babeire batuura bari abazigu neinga barikuhakana, hati bakaba nibakora hamwe ahabwoburungi bwa Bukulu. Kwonka okubabuganisa kukareetwaho omusigazi Kizza, na butandu yembuzi. Ababembezi bombi nibagumizamu kweega ngu ebyobuhangwa n’ekintu ekitarikuhinduka; ngu okukora hamwe nibabaasa kuyamba kukyendeeza okukanya kwabantu baabo, babaase kugyenda hamwe nentunguuka; kandi ngu ebiro byamaka mahango bikahwa. (SHE LAUGHS)…Nibiba bitanguhi buriijo, kwonka ebirungi biri omu meisho.

SFX: TRANSITION MUSIC UP AND SLOWLY FADES OUT

OUTRO….