Məmməd Əmin Rəsulzadə
BİR TÜRK MİLLİYƏTÇİSİNİN
STALİNLƏ
İXTİLAL XATİRƏLƏRİ
Kitab Məmməd Əmin Rəsulzadənin Stalin və stalinizm haqqında 1954-cü
ildə Türkiyədə çap etdirdiyi seriya məqalələrindən ibarətdir. Buraya böyük
vətəndaĢ XX əsrin əvvəllərində çarizmlə mübarizə gediĢində Stalinlə bağlı
hadisələr xatırlayır, bilavasitə iĢtirakçısı olduğu hadisələr fonunda Stalinin siyasi
portretini yaradır, bu proseslərin xarakterini açır. Müstəqil Azərbaycan
respublikasının iĢğalından sonra baĢına gələn sərgüzəĢtlər, Stalinlə məĢhur görüĢü
incələnir. Azərbaycan tarixi və ictimai fikri üçün son dərəcə maraqlı olan bir sıra
mətləblər açılır. Vətən tarixinin çox əhəmiyyətli bu dövrü və M.Ə.Rəsulzadənin
Ģəxsiyyəti, eləcə də stalinizmin anatomiyası ilə maraqlananlar üçün nəzərdə
tutulmuĢdur.
Az 2
Redaktoru:
akademik Ziya Bünyadov
Çapa hazırlayanı: Nəsib Nəsibli
M.Ə.Rəsulzadə
BİR TÜRK MİLLİYƏTÇİSİNİN
STALİNLƏ İXTİLAL XATİRƏLƏRİ
Bakı, elm nəĢriyyatı, 1991
Bakı: qanun, 2010, 132 səh.
Çapa imzalanmıĢdır: 10.11.2010.
Formatı 70x100 1/32. Fiziki ç/v 8,25
Tirajı 500
Qiyməti: 3 AZN
ĠSBN 978-9952-26-089-2
“Qanun” nəĢrlər evi
Bakı, AZ 1102, Tbilisi pros., II Alatava 9.
Tel: (+994 12) 431-16-62; 431-38-18
Mobil: (+994 55) 212-42-37
e-mail: info@qanun.az
www.qanun.az
ÖN SÖZ
KeçmiĢini bilməyən bu günün dərki edə bilməz həqiqəti bayağı olduğu
qədər də acıdır. Qoçaqları illərlə qılınc və qələm çaldılar. Lakin elə həmin nəslin
özünü-özgəni, böyüyünü-kiçiyini, xilaskarını-xəyanətkarını tanımaq istəyi,
xoĢbəxtlikdən, sonsuzdur. Bu istəyə cavab olaraq əlinizdə tutduğunuz kitabçanı
çapa hazırlamağı lazım bildik.
Böyük vətəndaĢ Məmməd Əmin Rəsulzadənin Stalinlə bağlı xatirələri
Türkiyədə “Dünya” qəzetinin 1954-cü il may-iyun nömrələrində 28 məqalədə çap
edilmiĢdir. “M.Ə.Rəsulzadə kimdir?” adlı bioqrafik yazı da bu məqalələrə əlavə
edilmiĢdir.
M.Ə.Rəsulzadənin xatirələrini tam adı orijinalda “Bir türk milliyətçisinin
Stalinlə ixtilal xatirələri” adlanır. Bu əsər bir qayda olaraq “Stalinlə ixtilal
xatirələri” kimi məĢhur olduğundan biz də onu məhz bu adla təqdim etməyi
münasib gördük.
Onu da deməliyik ki, bu məqalələrin fotosurətini dostu doktor Əli Yavuz
bəy Ağpınar göndərmiĢdir. Xatirələrdə Stalinin və stalinizmin anatomiyasının
açılması ilə yanaĢı, əsrimizin ilk onillərində Azərbaycanda gedən çox maraqlı
proseslər təsvir edilir. Onu çapa hazırlayarkən hər hansı izahat verməkdən
çəkindik. Bizim iĢimiz Məmməd Əmin Rəsulzadənin üslubunu mümkün qədər
saxlamaqla, geniĢ oxucu üçün rahat olsun deyə Ġstanbul ləhcəsinə xas sözlər və
ifadələrin (məs: nasıl, kəndi, Ģöylə, böylə), artıq arxaikləĢmiĢ ərəb-fars
tərkiblərinin qarĢılığını verməkdən, eləcə də yenə Ġstanbul ləhcəsi üçün xarakterik
olan fel sonluqlarını (məs: gəliyorum, gediyorum) dəyiĢdirməkdən ibarət
olmuĢdur.
Məmməd Əminin üslubuna xələl gəlməsin deyə ara-sıra vacib qarĢılıqlı
sözləri mötərizədə verməyi lazım bildik.
XX əsr Azərbaycanın ən dəyərli Ģəxsiyyətinin çox maraqlı siyasi xatirələri
ilə istəkli oxucuların görüĢünü ləngitməmək üçün yalnız onu deməklə kifayətlənək
ki, orijinaldakı cümlələrin quruluĢu olduğu kimi saxlanılmıĢdır.
MƏMMƏD ƏMİN RƏSULZADƏ KİMDİR?
Sabahdan etibarən dördüncü səhifəmizdə çox maraqlı xatirələrini
oxuyacağınız Məmməd Əmin Rəsulzadə Qafqazda Azərbaycan cümhuriyyətinin
təĢəkkülündə və milli qurtuluĢ hərəkatında tarixi rolu olan Milli Azərbaycan
“Müsavat” Xalq Partiyasının liderliyinə 1917 və 1919-cu illərdə Bakıda toplanan
partiya qurultaylarında yekdilliklə seçilmiĢdir.
28 may 1918-ci ildə cümhuriyyətin istiqlalını elan edən Azərbaycan Milli
ġurasının sədri idi. Mühacirətdə Azərbaycan milli hərəkatını illərdən bəri təmsil
edən Milli Azərbaycan Mərkəzinə sədrlik etmiĢdir.
Müsəlman dünyasının tanınmıĢ bir mühərriri olan Rəsulzadə 1905-1908-ci
illər arasında Bakıda intiĢar edən türkcə qəzetlərdə iĢləmiĢ; 1915-1917-ci illərdə
yenə Bakıda məĢhur “Açıq söz” qəzetini təsis və nəĢr etmiĢdir. 1908-1911-ci illər
arasında Tehranda Ġran üçün ilk dəfə olaraq Avropa üsulunda gündəlik “Ġrani-nou”
qəzetinin müdir və baĢ redaktorluğunu etmiĢdir (bu xüsusda bax: E.Brown. Nisfory
literary of Persia. London). Ġstanbulda çıxan çeĢidli türk qəzet və jurnallarında (o
cümlədən “Türk yurdu”) çalıĢmıĢ və 1923-cü ildən 1929-cu ilə qədər Ġstanbulda
nəĢr olunan Azərbaycan jurnallarını idarə etmiĢdir.
Qafqazlılar arasında tanınmıĢ siyasət adamıdır: Mavərayi-Qafqaz seymində
(1918) müsəlman fraksiyasına sədrlik etmiĢ, Maverayi-Qafqaz hökumətinin 1918-
ci ildə Trabzona, sonra da Batuma, o zamankı Türkiyə nümayəndələri ilə
müzakirəyə göndərdiyi heyətlərdə iĢtirak etmiĢdir.
* * *
1884-cü ildə Bakıda doğulmuĢ Məmməd Əmin Rəsulzadə hələ gənc ikən
siyasi həyata atılmıĢ, 1903 və 1904-cü ildən etibarən çar rejimi əleyhinə gizli
fəaliyyətlərdə iĢtirak etmiĢdir. Özünün təĢkil etdiyi azərbaycanlı gənc inqilabçılar
dərnəyinə baĢçılıq etmiĢdir. Bu arada konspirasiya Ģərtləri içində Stalinlə təmasa
girmiĢ və aralarında yaxĢı münasibətlər təsis olunmuĢdur. 1908-1910-cu illərdə
Ġrandakı məĢrutə hərəkatına qoĢulmuĢ, burada Ġran Demokrat Partiyasının Mərkəzi
Komitəsinə daxil olmuĢ və bu partiyanın ideologiyasını həmin partiyanın lideri
Seyid Həsən Tağızadə (Ġran senatının sədri) ilə birlikdə iĢləmiĢdir.
1910-cu ildə Ġranda nüfuzu qüvvətlənən çar hökuməti səfarətinin tələb və
təzyiqi ilə oranı tərklə Ġstanbula gəlmiĢdir. Burada Türkiyə siyasi cəmiyyətləri, o
cümlədən Türk ocaqları ilə bərabər çalıĢmıĢ; eyni zamanda buradan, Bakıda
təĢkilatlanmaqda olan gizli Azərbaycan fəaliyyətilə təması davam etdirmiĢ və
1911-ci ildə “Müsavat” Partiyasının təsisini təĢviq etmiĢdir.
1913-cü ildə Romanovlar sülaləsinin 300 illik səltənət yubileyi münasibətilə
elan olunan əfvi ümumidən istifadə edərək Bakıya qayıtmıĢ, burada həm nəĢriyyata
baĢlamıĢ, həm də gizli “Müsavat” Partiyası çalıĢmalarına və yarım gizli bir neçə
təĢkilat və cəmiyyətlərin fəaliyyətlərinə müyəssər olmuĢdur.