Metodika şÖBƏSİ
Yüklə 89,36 Kb. Pdf görüntüsü
|
- Bu səhifədəki naviqasiya:
- Sərgidə veriləcək sitatlar.
- “Mən adicə insanam...”
- Ədəbiyyat siyahısı
| AZƏRBAYCAN RESPUBLİKASI MƏDƏNİYYƏT VƏ TURİZM NAZİRLİYİ F.KÖÇƏRLİ ADINA RESPUBLİKA UŞAQ KİTABXANASI ELMİ- METODİKA ŞÖBƏSİ
Şeirimizin Dədə Qorqudu. B A K I – 2 0 1 0 Həyat və yaradıcılığı. Müasir Azərbaycan poeziyasının görkəmli nümayəndəsi, şeirləri ilə böyüklərin, kiçiklərin ürəyinə cığır açan, “Cığır”, “Ömrün bir günü”, “Dəniz küçəmizə gəlir”, “Sevgi yağışı”, “Məndən soruşsalar” və digər kitabları ilə oxucuların yaddaşına iz salan şair, publisist Sadıqov Fikrət Abbas oğlu 1930-cu il mayın 30-da Şamaxı şəhərində anadan olmuşdur. Burada ibtidai, Kürdəmirdə isə orta təhsil aldıqdan sonra Bakıda sənət məktəbini bitirmişdir (1946). Gəncə neft kəfiyyatının Naftalan qəsəbəsində, Tərtərdə neft kəşfiyyatı sahəsində elektrik montyoru işləmişdir (1946-1952). Sovet Ordusunda xidməti borcunu yerinə yetirəndən sonra Bakıda bir müddət kinomexanik kimi çalışmışdır. 1955-ci ildə Kürdəmirdə elektrik montyoru işlədiyi vaxt axşam məktəbini bitirmişdir. Sonra ADU-nun filologiya fakültəsində təhsil almışdır (1956-1961). Şamaxıda kənd müəllimi, rayon qəzeti redaksiyasında ədəbi işçi, ADU-nun Azərbaycan ədəbiyyatı tarixi kafedrasında baş laborant, Azərbaycan Sovet Ensiklopediyasının Baş redaksiyasında elmi redaktor, şöbə müdiri, C.Cabbarlı adına “Azərbaycanfilm” kinostudiyasında elmi-kütləvi və sənədli filmlər birliyi idarəsində baş redaktor, Azərbaycan Yazıçılar İttifaqında bədii ədəbiyyatın təbliği bürosunun direktoru olmuşdur (1961-1975). Azərbaycan Ali Soveti Rəyasət heyətinin Fəxri Fərmanı, “Əməkdar mədəniyyət işçisi” fəxri adına (1986), Azərbaycan Dövlət Mükafatı laureatına (1990) layiq görülmüş, “Əməkdə igidliyə görə” medalı ilə (1986) təltif olunmuşdur. Prezident təqaüdçüsüdür. Şair oxucularla ilk görüşə “Gənclik nəğmələri” almanaxında dərc edilmiş “Artist” və “Ana əli” şeirləri ilə gəlib. 1963-cü ildə “Cığır” adlı ilk şeir toplusu çapdan çıxmışdır. Sonralar “Ömrün bir günü”, “Dəniz küçəmizə gəlir”, “Sevgi yağışı”, “İşığın yaşı”, “Göydə nə var”, “Yerdən göyə ümid”, “Göydən alma düşmədi”, “Məndən soruşsalar”, “Gəlin yuyaq dənizi”, “Bir parça Vətən”, “Ömrün bir günü”, “Gözlədiyim ömür”, “Taleyin acığına” və s. kitabları işıq üzü görmüşdür. Vətənə, xalqa bağlı, vətəndaşlıq duyğuları ilə yaşayan bir şair kimi hər kəsin qəlbinə yol tapmışdır. Poetik yaradıcılığında bədii tərcüməyə də yer vermişdir. Böyük Azərbaycan şairi Şəhriyarın məşhur “Azərbaycan” şeirini farscadan azərbaycan türkcəsinə çevirmişdir. Nəsr sahəsində də qiymətli hekayələr yazmışdır. “Xırdaca gəlin”, “Daş balkon”, “İlk məhəbbət haqqında daha bir hekayə”, “Sinif-sinif oyunu” və s. hekayələr onun qələminin məhsuludur. Şair balaca balalarımızı da unutmamış, onlar üçün bir neçə pyes yazmışdır. “Yumaq top”, “Bir parça vətən”-Bakıda, “Oğul”-Şamaxıda, “Biri vardı, biri yoxdu” (Alp Ağüz)- Lənkəranda tamaşaya qoyulmuşdur. Ssenariləri əsasında “Fransa Qəhrəmanı”, “Naxçıvan-50”, “Süleyman Rüstəm”, İçəri Şəhər” sənədli filmlər və “Cırtdanın yeni sərgüzəşti” cizgi filmli çəkilmişdir.
Yubiley tədbirlərinin keçirilməsi.
Şair Fikrət Sadığın anadan olmasının 80 illik yubileyi münasibəti ilə bütün mədəni-maarif müəssisələrində, o cümlədən kitabxanalarda kütləvi yubiley tədbirləri hazırlanmaqdadır. Kitabxananın görkəmli yerlərində “Mən yalnız bu günə qədər bilirəm...”, “Sənin dadına Haqq çatar”, “Fikrət Sadıq-80” və s. kimi başlıqlarla kitab sərgiləri tərtib oluna bilər. Sərgidə Fikrət Sadığın irsini təbliğ edən şeirlərin toplusu, onun haqqında yazılmış kitablar, dövri mətbuatda dərc olunmuş qəzet və jurnal məqalələrinin foto-surətindən də istifadə etmək olar. Sərgidə yazıçının portreti, görkəmli şəxsiyyətlərin onun haqqında dedikləri sitatlar da ola bilər. Sərgidə veriləcək sitatlar. 1.
Fikrət Sadığın ən yaxşı şeirləri ruhən cavan, ehtiraslı, lakin saçına çox tez müdriklik ağı düşmüş adamı xatırladan şeirlərdir. 2.
Xalq şairi Rəsul Rza 3.
Fikrət Sadıq böyük xalq ruhunun qoruyucusu, bu ruhu saf və gözəl poetik rənglərlə zənginləşdirən qüdrətli şairimiz, Sabir və Hadi poeziyasındakı bədii- ictimai siqləti davam etdirən əsl söz ustadıdır. Yazıçı, şair, publisist Sabir Rüstəmxanlı 4.
sənət örnəkləri oxuyan, əvəzində xalqın minnətdarlıq alqışını qazanan bir şairdir. Xalq şairi Məmməd Araz Kitabxanada orta yaş qrup oxucular arasında keçirilən maraqlı tədbirlərdən biri icmaldır. Şairin kitablarından birini seçib, onun haqqında ətraflı məlumat verilir. Sonra həmin kitabdakı əsərin müzakirəsi keçirilir. İcmalın məqsədi oxucunun əsərə qarşı marağını daha da artırmaqdır. Şairin kitablarının təbliğ etmək məqsədilə biz onun “Taleyin acığına” kitabının və kitabdakı “Alp Ağüz” əsərinin qısa icmalını təqdim edirik: “Uşaqlar, şairin “Taleyin acığına” kitabı 2003-cü ildə “Çinar-Çap” mətbəəsində çap olunmuşdur. Kitabda şairin şeirləri, poemaları, nağılları, pyesləri, tərcümələri, onun haqqında yazılan məqalələr, müsahibələr toplanmışdır. Bizim bu gün sizə söhbət açacağımız əsər isə onun uşaqlar və gənclər üçün yazmış iki hissədən ibarət “Alp Ağüz” nağıl-pyesidir. Bu pyes qədim və gözəl bir ənənə daşıyır. Bizim xalqımıza xas olan cəsurluq, qəhrəmanlıq, böyüyə hörmət, yalan danışmamaq xüsusiyyətləri əsərdə öz əksini tapır. Düz danışmaq, məhəbbət əsərdə yalana, qorxaqlığa qalib gəlir. Biz inanırıq ki, oxucular bu əsəri oxusalar çox bəyənəcəklər. Yadınızda saxlayın ki, nə vaxtsa nağıl da çevrilib həqiqət ola bilər.” Həmçinin, kitabxanada seçilmiş şeirlərindən orta və böyük yaş qrup oxucular üçün poeziya axşamı da keçirmək olar. Poeziya axşamında şairin əsərlərinə yazılmış musiqilər hər şeirindən sonra səslənir, Fikrət Sadıq haqqında şairlər, yazıçılar, ədəbiyyatşünaslar, onu tanıyanlar çıxış edirlər. IX, X, XI sinif şagirdləri “Torpaq”, “Yanacağam günəş kimi”, “Taleyin acığına”, “Monoloq”, “Son şeir”, “Çərxi-fələk”, “Neynirəm”, “Etiraf”, “Vətən marşı”, “Bu dünya belə dünyadı” və s. şeirlərini söyləyə bilərlər.
Uşaqların şairin yaradıcılığı haqqında bildiklərini müəyyən etmək üçün onlar arasında kiçik bir anket sorğusu və ya test keçirmək məqsədə müvafiq olar. Bu testi keçirməkdə məqsədimiz oxucularda şairin həyat və yaradıcılığı haqqında bilgilərini müəyyən etməkdir. Testi aşağıda təqdim edirik:
A . 1928 B. 1932 C. 1930
D.1925 2. Fikrət Sadıq hansı rayonda anadan olmuşdur?
A
. Şəki
B. İsmayıllı C. Lənkəran
D. Şamaxı 3. İlk kitabı neçənci ildə çapdan çıxıb?
A . 1964 B. 1963 C. 1966
D. 1962
4. Aşağıdakı hansı cizgi filmin ssenari müəllifi Fikrət Sadıqdır?
B. “Sehrlənmiş küpə” C. “Pıspısa xanım və Siçan bəy”
D. “Cırtdanın yeni sərgüzəşti” 5. Fikrət Sadıq əmək fəaliyyətinə hansı sənətlə başlayıb?
A
. Kinomexanik B. Ədəbi işçi C. Elektrik montyoru
D. Müəllim 6. Fikrət Sadıq hansı mükafata layiq görülüb?
A
. “Əməkdə igidliyə görə” medalı B. “Tərəqqi” medalı C. “Vətənə xidmətə görə” ordeni
D. “Şöhrət” ordeni 7. Şairin ilk kitabı hansıdır?
A . “Cırtdan hara getmişdir?” B. “Cığır” C. “Ömrün bir günü”
D. “Taleyin acığına” 8. Hansı şairə həsr olunmuş sənədli filmin ssenari müəllifi Fikrət Sadıqdır?
A
. “Səməd Vurğun” B. “Süleyman Rüstəm” C. “Hüseyn Cavid”
D. “Rəsul Rza” 9. “Topumun yeddi rəngi var Hamısı ona yaraşır.” Bu musiqini cizgi filmində şairin hansı qəhrəmanı oxuyur?
A
. Cırtdan
B. Alp Ağüz C. Alp Qara
D. Ayxan 10. “Ölümdən niyə qorxum ki, Doğulanda ölmüşəm mən.” Bu misra şairin hansı şeirindəndir?
A. Son şeir
B. Bu dünya belə dünyadı C. Etiraf
D. Qorxuram
Cavablar :
1. C 4. D 7. B
10. C
2. D 5. C
8. B 3.B
6. A 9. A
Kitabxanada oxucular tərəfindən sevilən tədbirlərdən biri də ədəbi-bədii gecədir. Gecəyə məktəblilər, müəllimlər, məktəb direktorları, bir neçə şair və yazıçıları, oxucularımızı, Fikrət Sadığın ailə üzvlərini dəvət etmək olar. “Mən adicə insanam...” adlı ədəbi-bədii gecənin ssenarisini təqdim edirik:
I Aparıcı: Müasir poeziyamızın gözəl şairi Fikrət Sadıq ömrünün 80-ci ilini tamamlayır. İstedadlı şair, kiçik yaşlı oxucuları da yaddan çıxarmayan gözəl şeirlər müəllifi Fikrət Sadığın yubileyi münasiətilə ədəbi-bədii gecəyə toplaşan bütün qonaqları və tədbir iştirakçılarını salamlayırıq! Gəlin əvvəlcə bu gözəl şairimizin həyat yolunu nəzər salaq; o, istedadlar yetişdirən Şamaxıda dünyaya göz açıb, uşaqlığı müharibənin ağır illəriylə baş-başa gəlib. II Aparıcı: Fikrət Sadıq çox maraqlı, lakin çətin və ağır günlər yaşamış, uşaqlıq çağlarından atasından ayrılmış, uzun müddətdən sonra ata ilə görüşmək ona nəsib olmuşdur. On iki yaşından sənət məktəbinə girmiş, elektrik montyoru, kinomexanik işləmiş, doğulduğu Şamaxı rayonunda müəllimlik etmiş, qəzetdə müxbir kimi çalışmışdır... I Aparıcı: Hər hansı bir şairin şeirlərini oxuduqda, hətta tanımadığımız bir şairin şeirlərini oxuduqda belə şeirlərdən şairin həyatı haqqında bizdə təcəvvür yaranır. Fikrət Sadığın həyatını bilmək istəsən şeirlərinə müraciət etmək kifayətdir. Şair deyir: Küçələr əlimlə çıraqban oldu, Günəşə büründü kəndin yolları. İşıqlar çiçəyim, mən bağban oldum, Qorudum onları, sevdim onları.
Hardasa, kiminsə işığı sönüb, Qəlbimin çırağı sönüb sanmışam. Qollarım neçə yol məftilə dönüb, İşıq yanmayınca, özüm yanmışam. II Aparıcı: 37-ci ilin dəhşətləri şairin ailəsindən də yan keçməyib. Şairin atası represiya qurbanlarının siyahısında olub və tutulub. Şair ömrünün xeyli dövrünü atasız keçirib. Otuz illik həsrətdən sonra ona doğma atası ilə görüş nəsib olmuş və bu ata həsrəti misralarına çökmüş, şeirlərinə hopmuşdur. Atam qayıtdı dedilər, İnanmadım,
mən inanmadım. Yada düşdü ötən illər... Gəzməyə öyrənməmiş, Dərdin ağır yükünü Daşımağı öyrəndim. Əlifba oxumamış, Ürəyimdə sükutla Daşımağı öyrəndim. Şairin uşaqlıq illəri qanlı-qadalı müharibə illərinə təsadüf edir. O dəhşətli illərin uşaqları qəribə taleli uşaqlar olmuşlar. Onlar vaxtından qabaq böyümüş olurlar. Ataları, babaları döyüşlərə yollananda onlar valideynlərinin yerini tutmuş, onları əvəz etmişlər. Fikrət də belə taleli uşaqlardan olmuş və onun əzablı- cəsur, dözümlü uşaqlığı bütün yaradıcılığının qayəsi olmuşdur. I Aparıcı: Şairin “Ağ cığır” poemasında müharibənin qanlı-qadalı ili, 1943-cü il təsvir olunur. On iki-on üç yaşlı uşaqlar hərbi qatarla cəbhəyə qaçmaq, gedib atalarına qoşulub, döyüş meydanında yağılarla üz-üzə durmaq istəyirlər. Poemada bu uşaqlardan üçü Sanqaçal stansiyasında təsvir olunur. Onlardan biri Fikrətin özüdür. Lakin o uşaqların bütün ciddi-cəhdlərinə baxmayaraq, onları geriyə, öz evlərinə qaytarırlar. Çünki hələ dava yaşlı deyillər. Lakin əsərdən hasil olan ideya budur ki, elin, obanın, xalqın ağır günündə uşaqlar xalqımıza kömək etməyə həmişə hazırdır. Fikrət Sadıq şeirlərində yaratdığı təsirli lövhələrlə oxucularda müharibə əleyhinə kəskin nifrət yaradır. Bu lövhələr canlı olduğu üçün uzun zaman oxucunun xatirində dərin silinməz izlər buraxır. Şairin “Yaralı evlər” şeirində yüksək emosiya, dərin hiss və həyəcan vardır. Gəlin, dinləyək! (“Yaralı evlər” şeiri dinlənilir.) I Aparıcı: Şair şeirlərində II dünya müharibəsinin vurduğu ağır yaralardan ürək ağrısı ilə söhbət açır. Tale ona daha dəhşətli ağrılardan yazmağı məcbur etdi. Uzun illlər erməni qəsbkarları tərəfindən işğal altında qalmış torpaqlarımız, vətənindən didərgin düşmüş əhalimizin halı, əsirlikdə olan oğullarımızın taleyi şairin şeirlərində ürək ağrısı ilə duyulur. Şeirləri oxuduqda onun qəlbinin necə od tutub yandığı aşkarcasına hiss olunur.
(Oxucu “Yanğın” şeirini söyləyir.) Oxucu:
Erməni, ay erməni!
Yandırdı bu şər məni. Yandırdı yandırdığın
Dağlar, dərələr məni. Ay
dünyanı oynadan
Təzə qazan qaynadan
Özüm oz torpağımı
Yandırmaram, ay nadan!
Ciyərim, canım yanır, Azərbaycanım yanır.
Orda
doğma torpağa
Qarışan qanım yanır.
Orda göz yaşım yanır,
Öz
dağım-daşım yanır.
Yanan dağ-daşdı, alçaq! Sanma yaddaşım yanır.
məətəl qalıb,
BMT, ATƏT susur.
Quldur tövbə eləməz.
Qoca təbiət susur.
Saxla bunu yadında,
Sabah
sən yanacaqsan
Mənim qəzəb odumda. I Aparıcı: Şair şeirlərində böyük vurğunluqla, qurub-yaradan insanın qəhrəmanlığından danışır, xalqımızın tarixi abidələrini vəsf edir, ana torpağın müqəddəsliyindən söhbət açır.
Xalça – qədim xəritə,
hikmətlə dolu şeir, Burda
zərrəcə nöqtə bir kitablıq söz deyir.
Xalça uzaq dünənin bu günə
gül xonçası
Min bir əfsanə söylər hər gülü,
hər qönçəsi.
Əlifbanı bilməyən
nənəmin əlyazması, Bir
gülünə həkk olub həm özü,
həm dünyası. II Aparıcı: Duyursunuz, şeirdəki hikməti?! Şair qədim xalıları əlifba bilməyən nənəsinin və nənələrimizin əlyazması kimi mənalandırır. I Aparıcı: Fikrət Sadıq şeirlərində saf eşqi, vəfalı yarı, ana, Vətən məhəbbətini tərənnüm edir. Şairin şeirlərində tərənnüm etdiyi yüksək ideyalar oxucunu dərindən düşündürür, onun qəlbinə
hakim kəsilir. Vətən məhəbbəti onun yaradıcılığına əsaslı şəkildə hopmuşdur. II Aparıcı: Əsli xar olanın nəsli xar olar, Əsli - kökü olan bəxtiyar olar. Anadan əvvəl - torpaq - Anadır! Torpaq olan yerdə həyat var olar.
Torpaq - Vətən! Vətən - ulu, müqəddəs! Bunu bilməlidir Vətəndə hər kəs. Torpaq – Ana yurddur! Anayçın - oğul Ölümə atılsa, Ana yurd ölməz!
I Aparıcı: Fikrət Sadığın bir şair kimi ən çox müraciət etdiyi mövzulardan biri əfsanələr, dastanlar, nağıllardır. Şair təkcə Azərbaycan xalqının deyil, bir çox digər xalqların əfsanələrini də qələmə almışdır. “Balıqçı və su pərisi”, “Bacı-qardaş nağılı”, “Ana əli”, “Cırtdan hara getmişdi”. “Rəvayət” belə əsərlərdəndir.
Aparıcı: Ululardan eşitmişəm. Keçmişdə bir məmləkətdə bir zalım şah yaşardı. Onun həndəvərində bir də bir qəssab vardı. Hər ikisi möhkəm dost və baş kəsməkdə peşəkardı. Bir səhər baş meydanda bir cavanın bir əlini kəsməyi əmr edir padşah. İşin şirin yerində qəssabın daş ürəyi yumşalır birdən, diz çöküb, yalvarır. Qəssab: Şahım, onu mənə bağışla, əgər günahı varsa cəzasını verər allah. Aparıcı: Şah yerə salmadı dostunun sözün. Cavanı azad etdi elə həmin gün. Amma demə, qəssabın bir pis şakəri varmış. Başa qaxarmış tez-tez elədiyi yaxşılığı. Görüşəndə, söz düşəndə, gündüz də, gecə də. Soruşardı hey... Qəssab:
Əlin necədi? Necədi? Aparıcı: Bir az keçər yenə deyər. Qəssab:
Əlin necədi? Necədi? Aparıcı: O da eşitdikcə əlini gizlədərdi. Bir dəfə, üç dəfə, beş dəfə, on dəfə, bir dəfə də son dəfə. Qəssab: Əlin necədi? Necədi? Cavan: Bəsdir başıma qaxdın! Aparıcı: Cavan qapdı baltanı, kəsib atdı əlini. Rəvayəti söyləyənlər bunu da deyirlər ki, qəssab sonra peşman olub.Tutulub əl-ayağı, tutulub dili. Yalandımı, doğrudurmu, deyə bilmərəm. Amma buna bənzər nəsə olub. Hikmət dolu, ibrət dolu, eyham dolu bir məsəldi bu! I Aparıcı: Uşaqlar, “Yumaq top” nağıl-pyesi əsasında ssenarisi şairə məxsus olan “Cırtdanın yeni sərgüzəşti” cizgi filminə baxmısnızmı? Bu film balaca balalarımız üçün çəkilmişdir. Azərbaycan xalq nağılının məşhur qəhrəmanının bizim günlərdə başına gələn yeni əyləncəli sərgüzəştlərindən söhbət açılır. Filmdə xalq folklorunun fantastik motivləri ilə müasirlik bir-birini tamamlayır. II Aparıcı: İnsan düşüncəsinin məhsulu olan nəhəng müasir texnika bəşər övladına həmişə kömək etməyə hazırdır. Budur, əfsanəvi Simurq quşu, uçan xalça sehrli yumağın arxasınca nə qədər uçurlarsa xeyri olmur, onu tuta bilmirlər. Köməyə güclü və xeyirxah raket gəlir. O sehrli yumağı tutub balaca Cırtdana qaytarır. Uşaqlar, cizgi filmini seyr eləmək istəyirsiniz? Elə isə buyurun baxın.
I Aparıcı: Indi kitab oxumamaq Olub təzə xəstəlik. Kitabı ver oxuyana Birini də üstəlik. Fikrət Sadıq söz zərgəridir. Onun hər kəlməsi bir naxış, babaların ata sözü, nənələrin ilmələri, butasıdır. Uşaqlar, belə bir gözəl şeirlər müəllifi olan şairin kitablarını hər zaman oxuyun. Artıq indi şair öz ömrünün müdriklik çağını yaşayır. Gəlin, ona bu yaşda möhkəm can sağlığı, yeni yaradıcılıq uğurları arzulayaq! II Aparıcı: Və tədbirimizi şairin ustad Şəhriyardan tərcümə etmiş məşhur “Azərbaycan” şeirinin musiqisi ilə bağlayırıq.
Ədəbiyyat siyahısı
İnternetdə: www.google.az
1. Seçilmiş əsərlər.- B.: Gənclik, 1991.- 381s. 2.
3.
Bala kirpi.- B.: Gənclik, 1972.- 10 s. 4.
Bir parça vətən.- B.: Şirvannəşr, 1998.- 20s. 5.
Cığır.- B.: Gənclik, 1963.- 48s. 6.
Cırtdan hara getmişdir.- B.: Gənclik, 1970.- 32s. 7.
Dəniz küçəmizə gəlir.- B.: Gənclik, 1968.- 10s. 8.
Dünya öz işindədir.- B.: Yazıçı, 1989.- 182s. 9.
Gəlin yuyaq dənizi.- B.: Gənclik, 1988.- 52s. 10.
Göydən alma düşmədi.- B.: Gənclik, 1982.- 52s. 11.
Göydə nə var.- B.: Gənclik, 1978.- 80s. 12.
Gözlədiyim ömür.- B.: Şirvannəşr, 2003.- 264s. 13.
İşığın yaşı.- B.: Gənclik, 1974.- 200s. 14.
Məndən soruşsalar.- B.: Yazıçı, 1985.- 342s. 15.
Ömrün bir günü.- B.: Azərnəşr, 1965.- 44s. 16.
Sevgi yağışı.- B.: Gənclik, 1970.- 230s. 17.
Sərhəddə şəhər.- B.: Bilik nəşriyyatı, 2002.- 20 s. 18.
Sirli əlifba.- B.: Ayna mətbu evi, 1998.- 32s. 19.
Taleyin acığına.- B.: Qapp-Poliqraf nəşriyyatı, 2003.- 420s. 20.
Yerdən göyə ümid.- B.: Yazıçı, 1981.- 232s. Tərcümələri:
1. Marşak S. Axmaq siçan balasının nağılı.- B.: Gənclik, 1971.- 15s. 2.
Tərtib edən: Nailə Həşimova – F.Köçərli adına Respublika Uşaq Kitabxanası elmi-metodika şöbəsinin müdiri
Redaktor: Fizurə Quliyeva – F.Köçərli adına Respublika Uşaq Kitabxanasının Direktoru
Yüklə 89,36 Kb. Dostları ilə paylaş:
|