Microsoft Word 43 Hekim patoloqoanatom telimat
Yüklə 23,48 Kb. Pdf görüntüsü
|
| Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmişdir.
1.
Bu vəzifə təlimatı həkim-patoloqoanatomun vəzifə öhdəliklərini, hüquq və məsuliyyətini müəyyən edir. 2. Həkim-patoloqoanatom vəzifəsinə ali tibb təhsili olan, qanunvericiliklə müəyyən edilmiş qaydada müvafiq ixtisas üzrə peşə hazırlığı keçmiş şəxs təyin edilir. Elmi-tədqiqat institutlarının klinikalarında, respublika mərkəzlərində (xəstəxanalarında), klinik xəstəxanalarda ali tibb təhsili olan və qanunvericiliklə müəyyən edilmiş qaydada_“patoloji anatomiya, məhkəmə tibbi ekspertiza” ixtisası üzrə peşə hazırlığı keçmiş, ixtisası üzrə ən azı 3 il əmək stajına malik şəxs təyin edilir. 3. Həkim-patoloqoanatom Azərbaycan Respublikasının qüvvədə olan qanunvericiliyinə uyğun olaraq tibb müəssisə rəhbərinin əmri ilə vəzifəyə təyin və vəzifədən azad edilir. 4. Həkim-patoloqoanatom bilavasitə patoloqoanatomik şöbənin müdirinə, onun olmadığı halda isə tibb müəssisəsinin rəhbərinə və ya onun müavininə tabe olur. 5.
Həkim-patoloqoanatom aşağıdakıları bilməlidir: 5.1. Azərbaycan Respublikasının Konstitusiyasını, Azərbaycan Respublikasının səhiyyə haqqında qanunvericiliyinin əsaslarını; səhiyyə müəssisələrinin fəaliyyətini tənzimləyən normativ hüquqi aktları; 5.2. xəstəxana və ambulator-poliklinik müəssisələrində, təcili və təxirəsalınmaz hallarda əhaliyə müalicə-profilaktika və dərman yardımının təşkilinin əsaslarını; 5.3. öz ixtisası üzrə diaqnostika müasir metodlarını; 5.4. patoloji anatomiya,məhkəmə tibbi ekspertiza xidmətinin təşkili, strukturu, ştatları və təchiz edilməsi ilə bağlı məsələləri; 5.5. öz ixtisası üzrə qüvvədə olan normativ hüquqi və təlimat-metodik sənədləri; 5.6. tibbi sənədlərin rəsmiləşdirilməsi qaydasını; 5.7. əmək qabiliyyətinin müvəqqəti itirilməsinin ekspertizasını və tibbi-sosial ekspertizanın aparılması qaydasını; 5.8. dispanserizasiyanın əsaslarını, prinsip və metodlarını; 5.9. tibbi sığorta şəraitində səhiyyə müəssisəsinin və tibb işçilərinin fəaliyyətinin təşkilati-iqtisadi əsaslarını; 5.10. həkimlərin etik davranış qaydalarının, tibbi etika və deontologiyanın əsaslarını; 2 5.11. insan bədəninin üzv və sistemlərinin funksional vəziyyətinin klinik və laborator diaqnostikasının ümumi prinsip və əsas metodlarını; 5.12. təxirəsalınmaz tibbi yardım göstərilməsi qaydalarını; 5.13. sanitar-maarifləndirmənin əsaslarını; 5.14. daxili əmək intizamı qaydalarını; əməyin mühafizəsi, təhlükəsizlik texnikası, istehsalat sanitariyası və yanğına qarşı mühafizə qayda və normalarını.
Vəzifə öhdəlikləri
6. Həkim- patoloqoanatom tədqiqatın müasir metodlarından istifadə etməklə ixtisaslaşdırılmış patoloqoanatomik diaqnostikanı aparır. 7. Histoloji preparatların mikroskopik tədqiqatını aparır, əlavə tədqiqatların nəticələrini təhlil edir və yarılma protokolunda müvafiq qeydlər edir. 8.
Müalicə-profilaktika müəssisəsinin başqa bölmələrinin həkimlərinə öz ixtisası üzrə məsləhət yardımı göstərir. 9. Ölüm haqqında həkim şəhadətnaməsini doldurur, ölənin qohumlarına xəstəliyin xarakteri və ölümün səbəbi barədə şifahi arayış verir. 10. Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 11. Diaqnostik və müalicə prosedurlarının aparılmasının, alət, aparat və avadanlıqların istismarının, dərman preparatlarının səmərəli istifadəsinə, orta və kiçik tibb heyəti tərəfindən əməyin mühafizəsi qaydalarına riayət edilməsinə nəzarət edir. 12. Öz işini planlaşdırır və öz fəaliyyətinin göstəricilərini təhlil edir. Tibbi və digər sənədlərin müəyyən edilmişqaydalara uyğun olaraq vaxtında və keyfiyyətli rəsmiləşdirilməsini təmin edir. 13. Klinik-patoloqoanatomik konfransların hazırlanması və aparılmasında iştirak edir. 14. Bölmənin işi barədə illik hesabatın tərtib edilməsində iştirak edir. 15. Tibb müəssisəsinin fəaliyyətinə, işçilərinə, pasiyentlərə təhlükə yaradan əməyin mühafizəsi qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, tədbirlər görür. 16. Qanunvericiliklə müəyyən edilmiş müddətdə işlədiyi istiqamət üzrə təkmilləşdirmə kurslarında iştirak edir, mütəmadi olaraq öz ixtisasını artırır. 17. Müəyyən olunmuş qaydada sertifikasiyadan keçir.
Hüquqlar 18. Həkim-patoloqoanatom aşağıdakı hüquqları vardır: 18.1. müstəqil surətdə patoloqoanatomik diaqnoz qoymaq, zərurət olduqda başqa ixtisaslı həkimləri müəyyən edilmişqaydada məsləhət üçün cəlb etmək; 18.2. müalicə-diaqnostika prosesinin təkmilləşdirilməsi, özünün əmək fəaliyyətinin təşkilinin və şərtlərinin yaxşılaşdırılması üzrə rəhbərliyə təkliflər vermək; 18.3. öz səlahiyyətləri çərçivəsində orta və kiçik tibb heyətinin işinə nəzarət etmək, sərəncamlar vermək və onların həvəsləndirilmə və tənbeh edilmə üzrə rəhbərliyə təkliflər vermək;
3 18.4. öz vəzifə öhdəliklərinin icrası üçün zəruri olan informasiya materiallarını və normativ-hüquqi sənədləri rəhbərlikdən tələb etmək, əldə etmək və istifadə etmək; 18.5. onun işi ilə bağlı məsələlərin müzakirə olunduğu elmi-praktik konfranslarda və müşavirələrdə iştirak etmək; 18.6. müəyyən olunmuş qaydada ixtisas dərəcəsi almaq. 19. Həkim-patoloqoanatom Azərbaycan Respublikasının Əmək Məcəlləsinə uyğun olaraq bütün əmək hüquqlarından istifadə edir.
20. Həkim-patoloqoanatom aşağıdakılara görə məsuliyyət daşıyır: 20.1. ona həvalə olunmuş vəzifə öhdəliklərinin vaxtında və keyfiyyətli həyata keçirilməsinə; 20.2. öz fəaliyyəti üzrə rəhbərliyin əmr, sərəncam və tapşırıqlarının, normativ- hüquqi aktların vaxtında və peşəkar səviyyədə yerinə yetirilməsinə; 20.3.
qaydalarına riayət edilməsinə; 20.4. qüvvədə olan normativ hüquqi sənədlərdə nəzərdə tutulmuş tibbi və digər xidməti sənədlərin vaxtında və keyfiyyətli rəsmiləşdirilməsinə; 20.5. öz fəaliyyəti üzrə statistik və digər informasiyanın müəyyən olunmuş qaydada təqdim edilməsinə; 20.6. ona tabe işçilərin nizam-intizam qaydalarına və vəzifə öhdəliklərinin yerinə yetirilməsinə; 20.7. tibb müəssisəsinin fəaliyyətinə, işçilərinə, pasiyentlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər həyata keçirilməsinə; 21. Həkim-patoloqoanatom əmək intizamının, qanunvericilik və normativ- hüquqi aktların pozulmasına görə qüvvədə olan qanunvericiliyə əsasən, təqsirin ağırlıq dərəcəsindən asılı olaraq, intizam, maddi, inzibati və ya cinayət məsuliyyətinə cəlb edilə bilər. Yüklə 23,48 Kb. Dostları ilə paylaş:
|