1
AZƏRBAYCANIN FAYDALI QAZINTILARI
Azərbaycan ərazisi bir sıra faydalı qazıntı növləri ilə zəngindir. Bunların içərisində
enerjidaşıyıcılardan neft ve qaz; filizlərdən dəmir, xrom, mis, kobalt, molibden, polimetallar;
qeyri metallardan alunit, kaolinit, barit, daş duz xüsusilə qeyd edilməlidir.Respublikanın
bütün fiziki-coğrafi bölgələrində tikinti materiallarının bir çox növləri geniş yayılmışdır (5-ci
şə
kil)
Azərbaycanda qazıntılar çox qədimlərdən insana mə'lum olub və onlardan primitiv şəkildə
olsa da, hələ daş dövründən istifadə etməyə başlamışlar. Naxçıvan duz mədənlərində
tapılmış daş alətlər (baltalar, çəkiclər, bıçaqlar) daş dövründən, Gədəbəy və Daşkəsən
rayonlarında eneolit dövründən başlamış mis və dəmir filizi yataqlarının istismar edilməsinə
aid mə'lumatlar göstərir ki, Azərbaycanda dağ-mə'dən işlərinə eramızdan minillər əvvəl
başlanmışdır. Hələ eramızdan əvvəl 1-ci minillikdə Azərbaycanda dəmir, bürünc, qızıl,
gümüş mə'mulat və əşyalar hazırlanırdı. Abşeronda və Ceyrançöldə birbaşa yer səthinə çıxan
neft bulaqları insanlara çox qədim zamanlardan mə'lum idi. Abşeronda və Xınalıq kəndi
yaxınlığında yanar qazın səthə çıxıb alovlanması da bir başqa "mö'cüzə" idi.
Eramızın VI-ci əsrindən başlamış Konstantinopolda Vizantiya imperatorlarının sarayları
və kilsələr, o cümlədən, Aya Sofiya Bakıdan aparılan neftlə işıqlandırıldı
Enerji daşıyıcıları Azərbaycanda bir sıra faydalı qazıntılarının böyük ehtiyatlı olmasına
baxmayaraq, qədimlərdən, xüsusilə XIX əsrin sonu XX əsrdə onu şöhrətləndirən neft,
sonralar yanar qaz, bitum ehtiyatlarının istismarı olmuşdur.
Keçmiş Rusiya imperiyasında, sonralar Sovet ittifaqında hasil olan neftin 70%-dən artığı
Bakı neftinin payına düşürdü. Böyük Vətən müharibəsi illərində Abşeronun neft yataqları
daha intensiv istismar edilir və ildə 20-22 mln. ton neft çıxarılırdı. Bu bir həqiqətdir ki, Bakı
nefti olmadan müharibənin müqəddəratını həll edən Sovet ordusunun zirehli qüvvələrini,
hərbi hava və dəniz donanmalarını, bütün nəqliyyat vasitələrini hərəkətə gətirmək mümkün
olmazdı. Indiyə qədər Azərbaycanda 1,2 mlrd. tondan artıq neft çıxarılmışdır.
Keçmişdə Abşeron yataqlarının bə'zilərində yuxarı pliosen çöküntülərindən (yer səthinə
ə
n yaxın yatan neftli laylardan) çıxarılan neft ən təmiz neft idi. Azərbaycan nefti bir sıra
xüsusiyətlərinə, xüsusilə parafin və kükürdün azlığına görə başqa regionlardan çıxarılan
www.behruzmelikov.com
2
neftlərdən çox üstün olması ilə fərqlənir. Bu neftdən neftayırma zavodlarında ən yüksək
oktanlı yanacaqlar, qiymətli sürtgü yagları və başqa məhsullar alınır.
Respublikanın neft və qaz ehtiyatı əsasən Abşeron yarımadasında və Xəzər dənizinin
Azərbaycan akvatoriyasında (şelf zonsında) cəmlənmişdir. Bundan başqa Cənub-Şərqi
Qobustanda, Aşağı Kür depressiyasında (Əli Bayramlı, Neftçala), Gəncə (Qazanbulaq,
Naftalan) neftli rayonunda, Ceyrançöldə, Kür-Araz ovalığının mərkəzində (Muradxanlı-
Carlı), Siyəzən və Dəvəçi rayonlarında neft yataqları müəyyən edilmişdir.
Sadalanan regionlarda neft və qaz çıxarılması eyni vaxtda başlanmamışdır. Hələ keçən
ə
srin ortalarından, xüsusilə axırlarından Bakının məşhur neft mədənləri bir-birinin ardınca
kəşf edilmiş və istismara verilmişdir.
Azərbaycan neftinin xeyli hissəsi Abşeron yarmadasında məşhur Balaxanı-Sabunçu-
Ramana, Suraxanı, Qaraçuxur , Qala, Buzovna, Binəqədi, Bibi-Heybət, Qaradağ, Buta,
Korgöz, Pirallahı adası yataqlarından hasil edilmişdir.
Əsrimizin 20-ci illərindən, xüsusilə 40-cı illərin axırından dəniz neft yataqlarının
istismarına başlanmışdır. Bayıl buxtasının torpaqla doldurulması, Pirallahı, Qum adası,
Cilov, Neft Daşları, daha sonaralar, Səngəçal dəniz mədənlərinin işə salınması Azərbaycanın
neft hasilatında dəniz mədənlərinin xüsusi çəkisini artırdı. Quruda yerləşən mədənlərin
ehtiyatının kəskin azalması dəniz yataqlarının kəşfi ilə təxminən eyni vaxta düşürdü.
Son onilliklərdə Xəzərdə bir sıra böyük neft və qaz ehtiyatına malik olan neft yataqları
aşkar edilmişdir. Bunlardan Çıraq, Azəri, Günəşli, Şahdəniz, Qarabağ yataqları ən
perspektivli yataqlardır. Bu yataqlar bir sıra xarici şirkətlərlə birgə istismar ediləcəkdir.
Neft Daşları rayonunda dəniz şəraitində neft və qaz yataqlarının istismarı, Neft Daşlarının
şə
hərciyinin yaradılması, açıq dənizdə yüz kilometrlərlə estakadalar çəkilməsi Azərbaycan
neftçilərinin əmək salnaməsində xüsusi bir yer tutacaq.
Azərbaycanda neft və qaz ehtiyatları əsasən pliosen dövrünün məhsuldar qat adlanan
neftli-qazlı laydəstələrində toplanmışdır. Məhsuldar qat çöküntülərinin qalınlığı Abşeron
yarımadasında, Cənub-Şərqi Qobustanda, Cənub-Şərqi Şirvanda, Xəzər akvatoriyasında
1000-2000 m-lə 3000-3500 m arasındadır. Məhsuldar qat çöküntüləri tərkibində bir sıra
yüksək kollektor qabiliyyətli qalın qum, qumdaşı layları var. neft və qazın toplandığı
www.behruzmelikov.com
3
kollektor laylarının sayı yataqlarda 10-a çatır. Antiklinal qırışıqlarda neftli-qazlı kollektorlar
bəzi mədənlərdə 3000-4000 m-dən dərində yatırlar.
Siyəzən neft mədənlərində neft maykop çöküntülərindən, Muradxanlı yataqlarında yuxarı
mezozoy çöküntülərindən, Naftalan-Qazanbulaqda oliqosenin maykop çöküntülərindən
çıxarılır.
Gələcəkdə Azərbaycanda neftçıxarma, əsasən dəniz yataqları və qismən qurudakı
yataqların daha dərində yatan neftli kollektorları hesabına aparılacaqdır.
N a f t a l a n n e f t i böyük müalicə əhəmiyyətinə malik olduğundan burada keçmiş
ittifaq miqyaslı abad sanatoriyaları olan kurort şəhəri salınmışdır.
Azərbaycanda təbii qaz cənub-Şərqi Qobustanda çıxarılır. Bu qiymətli xammalın ən böyük
yatağı da burada yerləşir. Bundan əlavə neft yataqlarının istismarı zamanı neftlə bərabər
çıxan qazdan da istifadə edilir. Lakin onillər boyu yanar qazın bu növü havaya buraxılırdı.
Xəzərdə yeni neft yataqlarının istismarı ilə yanaşı neftlə bərabər çıxan qazdan da istifadə
ediləcək.
Neft yataqları ilə baglı yaranmış faydalı qazıntı növlərindən biri də təbii bitumlardır. Bitum
yataqları Abşeron yarımadasında Balaxanı, Binəqədi kəndləri ətrafındadır. Bunlardan
Balaxani yatağı daha böyük olmaqla, onillər ərzində istismar edilir.
Azərbaycanda çıxarılan neft və qazla əlaqədər Bakı və Sumqayıt şəhərlərində böyük neft-qaz
e'malı və neft-kimya sənayəsi inkişaf etdirilmişdir. Enerji daşıyıcılardan Böyük Qafqaz
dağlarının cənub yamacında İsmayıllı rayonu, Şimal yamacında isə Quba rayonu ərazisində
yanar şistlərin yataqları aşgar edilmişdir. Ceyrançöldə Eldarovuğu və Çobandağ antiklinal
tirələrinin şimal yamaclarında sarmat çöküntüləri tərkibində sənaye əhəmiyyəti olmayan daş
kömür təbəqələri yerləşir.
Filiz yataqları Azərbaycanın əsas filiz yataqları Kiçik Qafqaz vilayətində və Naxçıvan
MR-sı dağlıq ərazisində yerləşir. Kiçik Qafqaz dağları çoxdan "Azərbaycan Uralı" adı ilə
məşhurdur. Burada bir çox filiz və qeyri filiz faydalı qazıntı yataqları aşkar edilmiş,
öyrənilmiş və onların bir çoxu müxtəlif vaxtlarda istismara verilmişdir.
Kiçik Qafqazda bütün Qafqaz regionunun ən böyük dəmir filiz yataqları yerləşir. Gəncə
şə
həri yaxınlığında yerləşən Daşkəsən, Alabaşlı, Seyfəli və başqa dəmir filizi yataqları
arasında Daşkəsən maqnetit yatağı'daha böyük əhəmiyyət kəsb edir. Bu yataq aşağı tabaşir
www.behruzmelikov.com
4
yaşlı intruzivlə kəsilmiş orta və üst yuranın müxtəlif tuflarından, tuf qumdaşlarından, kvaslı
porfiritlərindən, argillitlərdən, mergellərdən və əhəngdaşlarından, həmçinin göstərilən
kompleksləri uyğun olmadan örtən üst tabaşir əhəngdaşı və mergellərindən ibarətdir.
Daşkəsən maqnetiti dəmir filizi yatağında layşəkilli maqnetitlərin qalınlığı 4-5 m-dən 60 m-ə
qədərdir. Lakin bəzi yerlərdə maqnetiti dəmir filizinin qalınlığı 100-200 m-ə çatır. Filizdə
dəmirin miqdarı 35-50% arasında dəyişir. Yatağın Azərbaycan Geologiya İdarəsi geoloqları
tərəfindən hesablanmış ümumi ehtiyyatı 200 mln.tondan azca aşağıdır.
Alabaşlı dəmir filizi yatağı çökmə mənşəli olmaqla, lay formasında yura dövrünün tufogen
süxurları tərkibində yerləşir. Bu yataqda dəmirlə daha zəngin hematitlərdir.
Bu göstərilən yataqlarla yanaşı Kiçik Qafqazın mərkəzi hissəsində ultra əsasi süxurlar
arasında xromit yataqları da mə'lumdur.
Azərbaycan respublikasının və eləcədə bütün Qafqaz regionunun ən böyük polimetal filiz
yatağı Böyük Qafqaz silsiləsinin cənub yamacında Balakən rayonu ərazisində 1958-ci ildə
aşkar edilmiş Filizçay yatağıdır.
Eyni adlı çayın hövzəsində ortadağlıq qurşaqda yerləşən bu yataq Tufan antiklinoriumunda
orta yuva şistləri, tufogen qumdaşı və argillit laylarında yerləşir. Azərbaycan Geologiya
İ
darəsi əməkdaşlarının tədqiqatları nəticəsində müəyyən edilmişdir ki, filiz kütləsinin əmələ
gəlməsi argillitlərin əvvəlcə pirit mineralı ilə, daha sonralar mis, gümüş, qurşun, sink,
mərgümüş, sürmə, bismut, tellur və bir sıra başqa mühüm filizlərin sulfidləri ilə
zənginləşməsi ilə əlaqədardır. Filizçay yatağında 80-dən artıq mineral müəyyən edilmişdir.
Yatağın ehtiyatı böyük olmasına baxmayaraq, o bu vaxta qədər istismara verilməmişdir.
Cənub yamacda bir sıra xüsusiyyətlərinə görə Filizçay polimetal yatağına yaxın Kasdağ və
Jixix yataqları da aşkar edilmiş və öyrənilmişdir.
Mənşəyinə və filiz tərkibinə görə Filizçay yatağından xeyli fərqlənən damar kvars-
polimetal formasiyası Yataqları Kiçik Qafqaz dağlarında yerləşir. Burada Mehmana,
Badakənd, Mollahəsənli və b. yataqlar müəyyən edilmişdir. Kiçik Qafqazda həmçinin lay
formalı mis-polimetal ( Tərtər rayonunda Elbekdaş yatagı) və mis-porfir yataqları da
mövcuddur.
Kiçik Qafqazda əlvan metallardan mis filizi daha çox yerlərdə müəyyən edilmişdir.
Azərbaycanda vaxtilə ən məşhur mis yatağı Gədəbəy yatağı olmuşdur. Istismarına hələ 1850-
www.behruzmelikov.com
5
ci ildən başlanmış yataqdan xeyli mis çıxarılmış və əsasən Almaniyaya aparılmışdır. Hazırda
bu yataq yalnız pirit yatağı kimi qiymətləndirilir.
Bir sıra müxtəlif faydalı qazıntı yataqları ilə məşhur olan Daşkəsən rayonu ərazisində
yüksək keyfiyyətli dəmir, polad almaq üçün mühüm komponentlərdən sayılan kobalt yatağı
bütün regionda nadir yataqlardandır. Bu yataq Aşağı Daşkəsən kəndi yaxınlığında
Qoşqarçayın dərəsində yerləşir.
Molıbdən yataqları Naxçıvan MR-də Parağaçay hövzəsində müəyyən edilmişdir. damar
halında olan Parağaçay molibdən yatağı uzun müddətdir ki, istismar edilir. Şəril rayonu
ə
razisində qurşun-sink yatağı paleozoy süxurlarından təşkil olunmuş Yuxarı Danziq
antiklinalının cənub-qərb qanadında yerləşir.
Kiçik Qafqazın bir sıra sahələrində qiymətli metallardan qızılın müxtəlif mənşəli
yataqları məlumdur. Bunlardan Kəlbəcər, Zəngilan rayonları ərazisində aşkar edilmiş
yataqlar sənaye əhəmiyyətlidir. Kiçik Qafqazın şimal-şərq yamacında axan çayların allüvial
çöküntüləri tərkibində (Gəncə-Qazax Maili düzənliyində) səpinti halında qızıl olması aşkar
edilmişdir.
Qeyri-filiz faydalı qazıntılar. Qeyri metal filizlərdən Daşkəsəndə Zəylik alunit yatağı
ehtiyyatına görə dünyada məşhur yataqlar sırasında durur. Alunit filizin əsas mineralları
alunit və kvarsdır. Zəylik yatağında alunit lay formasında yatan alunitləşmiş vulkanogen
süxurlarından ibarət olmaqla, əsas iki qatda yerləşir. Üst qaz az sahə tutsa da, orta qalınlığı
19 m-ə çatır. Alı qat daha böyük sanayə malikdir. Zəylik aluniti Gəncə giltorpaq və Sumqayıt
alüminium zavodlarının əsas xammalıdır.
Kiçik Qafqaz dağlarında, xüsusilə onun şimal-şərq yamacında bir sıra pirit yataqları
məlumdur. Bu yataqlardan Xanlar rayonundakı Çıraqdərə mədəni uzun müddət istismar
edilmiş və kükürd turşusu almaq üçün respublikanın tələbatını ödəmişdir. Həmin yataq
yaxınlığında Toğanalı və bir neçə başqa pirit yataqları var. Vaxtilə yalnız mis yatağı kimi
istismar edilən Gədəbəy mis yatağı hazırda mis ehtiyatı tükəndiyinə görə,yalnız pirit yatağı
kimi isdifadəyə yararlıdır.
Qeyri filiz yataqlardan Naxçıvanda daş duzun böyük yataqları çox qədimdən məlum
olmaqla, hələ daş dövründən istifadə edilməyə başlamışdır.Duz yatağı eyni adlı sinkinal
yaylaqda (Naxşıvan şəhərində 11-12 km şimal-qərbdə) Karaqan horizonu çöküntüləri
www.behruzmelikov.com
6
tərkibində (gil, gips,anhidridlər) yerləşir.Duz qatı qalınlığı 43-92 m arasında dəyişən lay
ə
mələ gətirir. Bu layın tərkibində gil, qum, anhidrid, gips təbəqələrinin olması duzun
keyfiyyətini aşağı salır. Naxçıvan daş duz yatağı tərkibində NaCL75-82%, həll olmayan
çöküntülər isə 11-17% təşgil edir. Naxçıvan çökəkliyində Duzdağ yatağından başqa səthdən
100m və daha dərində çox qalın daşduz qatı olması müəyyən edilmişdir.
Abşeron yarımadasının göllərində yay aylarında intensiv buxarlanma nəticəsində xörək
duzu çökür. Yerli əhali bu göllərdə çökən duzdan çox qədimlərdən istifadə edilir. XX əsrdə
isə əsasən iqtisadi böhranlar və müharibələr zamanı Abşeron göllərində əmələ gələn
duzlardan daha geniş miqyasda istifadə edilmişdir. lakin 40-cı 50-ci illərdən fərqli olaraq son
zamanlar Abşeron göllərində çökən duzlar ekoloji cəhətdən çox çirklənmişdir. Buna
baxmayaraq, əhali bu göllərdən indi daha çox duz yığır. Lakin Abşeron göllərindən yığılan
duzlar respublikanın xörək duzuna olan ehtiyacının az bir hissəsini ödəyir.
Azərbaycan ərazisində neft quyuları qazılmasında məhlulların ağırlaşdırıcısı kimi istifadə
edilən baritin bir sıra yataqları məlumdur. Barit əsasən tektonik çatlarda damar halında rast
gəlir. Bu mineralın ən böyük yataqları Xanlar rayonunda Çovdar yatağı, Goranboy
rayonunda Ağackənd yatağıdır. Bunlarla yanaşı Şəmkir rayonunda, Dağlıq Qarabağda da
barit yataqları, Tovuz rayonunda isə barit təzahürləri müəyyən edilmişdir.
Azərbaycanda, xüsusilə Kiçik Qafqaz dağlarının müxtəlif bölgələrində İslandiya
ş
tatı(Dağlıq Qarabağda Harov və Mirikənd kəndləri yaxınlığında), perlit və obsidian
(Kəlbəcər yaxınlığında), müxtəlif mineral boyalar(Çovdar kəndi yaxınlığında) o cümlədən
kopal (Göranboy rayonunun Aşağı Ağcakənd kəndi yaxınlığında, Laçın rayonunda) yataqları
aşgar edilmiş və onlardan bəziləri istismar edilir.
Tikinti materialları. Azərbaycan respublikasının bütün böyük regionları tikinti
materiallarının bu və yaxud başqa növləri ilə zəngindir. Tikinti materiallarının ənənəvi, yəni
çox qədim zamanlardan istifadə edilən növləri çiy kərpic, yonulmamış təbəqəli daşlar, qamış,
ağac, şirə (gil) olmuşdur. Çiy kərpic hazırlamaq üçün Azərbaycanın demək olar ki, bütün
dağətəyi və düzənlik zonalarında, dağlıq sahələrdə isə çay terraslarında, erozion tektonik
çökəklərdə əmələ gəlmiş delüvial, aeral mənşəli lössəbənzər gillicələr ən əlverişli xammal
olmuşdur. XX əsrin 50-ci, 60-cı illərinə qədər düzənlik rayonlarda kənd tikintisində, əsaən bu
xammaldan geniş istifadə edilir. Lössəbənzər gillicələrdən həmçinin bişmiş kərpic, damları
www.behruzmelikov.com
7
örtmək üçün kirəmit hazırlanırdı. Son onilliklərdə çiy kərpicdən divar materialı kimi istifadə
edilməsi heçə enmək həddinə çatmışdır.
Azərbaycanda divar materialı kimi ən çox işlədilən müxtəlif daşlardır. Bunlardan Abşeron
yarımadasında orta Abşeron əsri, Bakı və Xəzər yaşlı əhəngdaşları xüsusi yer tutur. Bu
müxtəlif yaşlı əhəngdaşları arasında Abşeron əhəngdaşları tikinti materialı tikinti materialı
kimi bütün başqa divar materialına nisbətən daha yüksək keyfiyyətlərə malik olması ilə
seçilir. Abşeron yarımadasında geniş yayılmış balıqqulağı əhəngdaşlarının iridənəli növləri
ə
sasən divar materialı kimi, xırdadənəli, daha monolit növləri isə üzük, dekorativ materialı
kimi istifadə edilir. Bakının arxitektur baxımdan olduqca gözəl, nadir(şərq və qotika stilləridə
tikilmiş) binalarının çox zərif ornamentləri, detalları da Abşeron yaşlı əhəngdaşlardan
hazırlanmışdır.
Abşeron əhəngdaşlarının ən müsbət cəhətlərindən daşkəsən maşınlarla onlardan müxtəlif
ölçülü divar daşı kəsməyin, səthini cilalamağın asan başa gəlməsi və bir sıra başqa
keyfiyyətlərini göstərmək vacibdir.
Abşeron yarımadasında bu qiymətli tikinti materialının ən məşhur yataqları Qaradağ,
Ş
onqar, Güzdək, Duvannı, Alatava, Dərnəgül Şüvəlan, Nardaran, Şıx, və bir çox başqa
yataqlardır. Bu yataqlardan Alatava, Dərnəgül, Nardaran və Duvannı yataqları istismar
edilir. Çox qiymətli və qalın orta Abşeron əhəngdaşı layından ibarət olan Duvannı
(Böyükdaş) karxanası bütün dünyada məşhur olan Qobustan qayaüstü rəsimlərilə əlaqədər
bağlanmışdır.
Azərbaycanın paytaxtı Bakı şəhəri, Sumqayıt və Abşeronun bütün tikililəri bu qiymətli
materialdan tikilmişdir. Son 20-30 ildə Abşeron əhəngdaşından Azərbaycanın ən uzaq
rayonlarında belə şəhər və kənd tikintisində geniş istifadə edilir.
Azərbaycanın bütün dağlıq bölgəsində əsas tikinti materialı kimi mezokaynozoy yaşlı
ə
həngdaşlarından, tufqumdaşından, mergellərdən hətta ağır daşlardan (məs.binaların özündə
müxtəlif lavalardan) istifadə edilir. Şimal-Qərbdə Qazax rayonundan cənub-şərqdə Ağdam
rayonuna qədər Kiçik Qafqazətəyi monoklinalın üst təbaşir əhəngdaşı və mergellərinin
böyük yataqları istismar edilir.
www.behruzmelikov.com
8
Ağ əhəngdaşı layları çox qiymətli divar materialı olmaqla yanaşı, yumşaq olduğuna görə
daşkəsən maşınlarla asan kəsilir. Tovuz mergellərini isə sanki tikinti materialı kimi təbiət özü
təbəqələşdirib, istifadə üçün hazır vəziyyətə salıb.
Kiçik Qafqazətəyi monoklialın və Qaradağın əhəngdaşı və mergelləri həmçinin sement
xammalı kimi istifadə edilir. 70 illik bir dövrdə Tovuz sement zavodu, son 40 ildə isə
Qaradağ sement zavodu respublikanın sementə olan tələbatının bir hissəsini təmin edir.
Naxçıvan MR-də divar materialı kimi paleogenin tufqumdaşı yataqlarından, Süst əhəngli
qumdaşından, Şahtaxtı, Qarabağlar travertinlərindən və başqa yerli materiallarından istifadə
edilir. Şahtaxtı, Qarabağlar travertinlərindən və başqa yerli materiallardan istifadə edilir.
Ş
ahtaxtı travertinləri qiymətli üzük materialı kimi Bakı və başqa şəhərlərdən binaların
daxilində işlədilir.
Azərbaycanda bahalı üzük materialı kimi istifadə edilən mərmər və mərmərləşmiş
ə
həngdaşlarının bir sıra yataqları məlumdur. Böyük Qafqaz dağlarının şimal-şərq yamacında
(Quba rayonunda) cəhrayı, Daşkəsəndə iridanəli ağ, Şəril rayonunda qara mərmərin yataqları
aşkar edilmişdir. Qara və ağ mərmərin ehtiyyatları böyükdür və onlardan müxtəlif sahələrdə
istifadə edilir.
Şuşa yaylasını təşkil edən yura dövrünə aid mərmərləşmiş əhəngdaşlarıda çox möhkəm və
və dözümlü tikinti və üzlük daş kimi istifadəyə yararlıdır.
Azərbaycan düzənlik və dağətəyi rayonlarında tikinti materialları kimi pliosenin, xüsusilə
dördüncü dövrün gillərindən geniş istifadə edilir.
Son zamanlar bağlanmış Zığ kərpic zavodu uzun illər yuxarı pliosen gil yatağı əsasında
fəaliyyət göstərmiş, Quba, Şəki, Lənkəran kərpic və kirəmit zavodları isə dördüncü dövr
gillicilər yataqları əsasında işləyirlər.
Azərbaycan tikinti materiallarından dəniz mənşəlli qumların böyük yataqları, Xəzər
sahillərində, allüvial qumlar isə Kür boyunda və Kürün qolları üzrə yerlləşirlər.
Azərbaycanın bütün allüvial-prolüvial maili düzənliklərində, Kür, Araz, Samur çayı yataqları
boyu zonada böyük qum-çınqıl yataqları mövcuddur. Bu yataqlardan şəhər və kəndlərin,
müxtəlif sənaye obyektlərinin, dəmir və şose yollarının tikintisində geniş miqyasda istifadə
edilir.
www.behruzmelikov.com
9
Yuxarıda göstərilən tikinti materialından başqa Xanlar, Şəmkir, Qazax və Abşeron
rayonlarında bentonit gillərinin Xanlar, Füzuli, Cəbrayıl rayonunda porfiritlərin və bir sıra
başqa faydalı qazıntıların yataqları məlumdur.
Mineral sular. Azərbaycanın bütün fiziki coğrafi vilayətlərində müxtəlif tərkibli mineral
su bulaqları aşkar edilmişdir. Mineal bulaqlarının bir qrupunun suyu soyuq, bir qrupununki
möhtədal (ilıq), bir qrupununki isə istidir. Respublika ərazisində adi və müalicəvi suyu ilə
seçilən külli miqdar mineal bulaqların bəziləri öz əhəmiyyətinə görədünya şöhrəti
qazanmışdır. Bu baxımdan mədə-bağırsaq xəstəliklərinin müalicəsində əvəzsiz əhəmiyyətə
malik olan Kəlbəcər İstisuyu Çexiyadakı Karlovı-Varı və Şimali Qafqazdakı Jeleznovodsk
suları ilə, böyük xəstəlikləri müalicəsində istifadə edilən Dəvəçi rayonundakı Qalaaltı Qərbi
Ukranyada Karpat dağlarının ətəyindəki məşhur Truskaves suları ilə müqayisə edilir. Hər iki
mineral su yanında sanatoriyalar fəaliyyət göstərir.
Azərbaycanın mineral bulaqlarının öyrənilməsində bir sıra hidrogeoloqların, xüsusilə
məşhur Azərbaycan geoloqu akademik Mirəli Qaşqayın və professor Əziz Əsgərovun
ə
vəzsiz rolu olmuşdur.
Azərbaycanın fiziki coğrafi vilayətləri içərisində Kiçik Qafqaz Naxçıvan və Lənkəran
vilayətləri mineral bulaqların bolluğuna və müalicə əhəmiyyətinə görə Böyük Qafqaz və Kür
çökəkliyi vilayətlərində daha zəngindir.
Mirəli Qaşqayın məlumatlarına görə Kiçik Qafqaz vilayətində 30-a qədər mineral bulaq
qrupu vardır. Bunlardan Kəlbəcər rayonundakı İstisu və Qoturlu mineral bulaqları, Laçın
rayonundakı Mirkənd-Əhmədli mineral bulaqları, Şuşa rayonundakı Turşsu, Şırlan və
Gədəbəy rayonunda Qızılca mineral bulaqları respublikamızda xüsusi şöhrət qazanmışdır.
İstisu kurort rayonunda mineral bulaqlar Tərtərçayın dərəsinin dibində yerləşir. Çayın
dərəsi və bulaqlar tektonik qırılma üzrə yerləşir. İstisu bulaqları qrupu Bağırsaq, Yuxarı
İ
stisu(yaxud İstisu kurortu), Aşağı İstisu və Kəlbəcər sahələrinə ayrılır.
Mineral bulaqlar vulkanogen süxurlardakı və qranitoidlərdəki çatlardan çıxır. Yuxarı
İ
stisu sahəsində mineral bulağın biri birbaşa çayın dibində fəvvarə vururdu. İstisu
bulaqlarında suyun temperaturu 21-61° arasında tərəddüd edir. Suların balneoloji
ə
həmiyyətini artıran onların radioaktivliyidir. Bu bulaqların gündəlik su debiti I milyon
www.behruzmelikov.com
10
litrdən çoxdur. Lakin bunun çox cüzi hissəsi istifadə edilir. Bundan başqa su şüşələrə
doldurmaq ölkənin müxtəlif regionlarına, xüsusilə Bakı şəhərinə göndərilir.
Minkənd mineral bulaqları eyni adlı çayın dərəsində səthə çıxan 6 böyük debitli
qaynaqdan ibarətdir. Bu qaynaqların ümumi debiti 1,5 mln. litirdən artıqdır. Suyun
temperaturu 25-29° arasındadır. Yayda bulaqlar ətrafında yüzlərlə alaçıq və çadır qurulur.
Qaynaqlar sahəsində xəstələr primitiv dayaz quyular qazaraqtəbii vannalar qəbul edirlər.
Minkənd bulaqlarından bir qədər aşağıda gündəlik debiti 0,6 mln. litirdən artiq olan və
temperaturu 8,8° ilə 19° arasında dəyişən Əhmədli mineral bulaqları yerləşir.
Turşusu və Şırlan bulaqları Qarqarçayın qollarından Zarıslı və Xəlifəli çayların
mənbələrinə yaxın bir-birindən 8 km məsafədə yerləşir. Turşusu bulaqları Şuşa-Laçın yolu
üzərindədir. Suyun temperaturu 8,2-9,6°, minerallaşma dərəcəsi 3,9q/litr, sərbəst karbon
qazının miqdarı 2,45-2,57 q/litrdir. Turşsuda suyu şüşələrə dolduran zavod tikilmişdir.
Qızılcan mineral bulaqları suyun temperaturu 7-12°, gündəlik debiti 20 min litrdən
çoxdur. Sular karbon qazlı-hidrokarbonat-kalsium-maqnezium-natrium tiplidir.
Naxçıvan MR ərazisində 50-yə qədər isti və soyuq sulu mineral bulaqlar mövcuddur.
Naxçıvan mineral suları kimyəvi tərkibinə görə dörd tipə ayrılır:
1 – acı və şor sular(Qızıl Vənk, Cuğa, Dərəşam, Dostu bulaqları), 2 – şor və acı- şor sular
( Darrıdağmərgümüşlü su bulaqları və Vayxır bulaqları), 3 – karbon – qazlı, əhəngli sular
(Badamlı və Gömür suları), 4 – qələvi sular(Sirab, Nəhəcir suları).
M. Qaşqay balneoloji xassələrinə və içməyə yararlığına görə aşağıdakı mineral su
bulaqlarından fərqləndirir:
1. Darrıdağ mərgümüşlü su bulaqları (Culfa rayonu); 2. Badamlı bulaqları(Şahbuz
rayonu); 3. Sirab (borjom tipli) bulaqları (Babək rayonu); 4. Nəhəcir(duzlu –qələvi sulu)
bulaqları (Babək rayonu); 5. Qızıl-Vənk mineral su bulağı (Babək rayonu); 6. Vayxır
mineral bulağı (Babək rayonu); 7.Gömür mineral bulağı (Gömür kəndi yaxınlığında).
Badamlı bulaqlarında suyun temperaturu 16-17°, ümumi gündəlik debiti 950 min litrdir,
minerallaşma dərəcəsi 1,45q/litr, karbon qazının miqdarı 1,3-1,5q/litrdir. 1 və 3 nömrəli
bulaqlarda isə minerallaşma dərəcəsi daha yüksək olub, müvafiq şəkildə 4,5 və 6,7 q/litrə,
çatır. Badamlı bulaqları suyu qiymətli içməli su kimi şöhrət qazanmış və respublikada geniş
miqyasda istifadə edilir.
www.behruzmelikov.com
11
Sirab bulaqlarında suyun temperaturu 15°, gündəlik debiti 30 min litrdən artıqdır.
Lənkəran vilayətinə dağətəyi zonada yerləşən tektonik qırılmalar üzrə bir sıra mineral su
bulaqlar qrupu yerləşir. Bunlara Masallı, Lənkəran, Astara mineral bulaqları daxildir.
Masallı, mineral bulaqları kimyəvi tərkibinə görə xloridli-natriumlu-kalsiumlu sulara aiddir.
Bu bulaqlar temperaturuna görə (50-64°) termal sulara aid edilir. Minerallaşma 17 q/litrə
çatır.
Lənkəran mineral bulaqları qrupu Lənkəran şəhəri yaxınlığında (12km qərbdə)
dağətəyində yerləşir. Lənkəran mineral bulaqları qrupu bir-birindən 3 km məsafədə yerləşən
Yuxarı və Aşağı Lənkəran bulaqlarına ayrılır. Yuxarı Lənkəran bulaqlarında suyun
temperaturu 43-46°-yə, gündəlik debiti 900 min litrə çatır. Aşağı Lənkəran bulaqları dəniz
səviyyəsindən 30-40 m yüksəkdədir. Bu bulaqlarda suyun temperaturu 41-43°-yə, çatır.
Lənkəran isti suyun üzərində müalicə və istirahət ocağı yaradılmışdır.
Astara İstisu bulaqları da alçaqdağlıq zonada yerləşir. Bu mineral bulaqlarda suyun
temperaturu 50°-yə çatır, gündəlik debiti isə 2 mln litrdən artıqdır. Bu bulaqların acıtəhər şor
sularının minerallaşma dərəcəsi 20q/litrə qədərdir.
Astara rayonunun Ərcivan kəndində qazılmış quyudan metan qazı ilə çox zəngin mineral
su çıxır. Kibrit çəkdikdə Ərcivan suyundan qaz alovlanır.
Vilayətin termal suları, təkrarsız təbii landşaftları, Xəzər çimərliklərinin yaxınlığı burada
böyük kurort və istirahət kompleksləri yaratmağa imkan verir.
Böyük Qafqaz vilayətində mineral bulaqları üç əsas regionda cəmlənmişdir.
Bunlar cənub və şimal-şərq yamac regionlarından və bu dağlıq vilayətin uzaq cənub-şərq
ə
təyi regionundan ibarətdir.
Cənub yamacda 60-dan artıq mineral bulaqlar daha məşhurdur. İlisu mineral bulaqları
natrium-hidrokarbonat və qələvi-karbon qazlı sular qrupuna aiddir. Bu bulaqlar məşhur İlisu
kəndindən yuxarı Hamamçayın (Kürmükçayın qoludur) sahilində yerləşir. Bu bulaqların
suyu şaquli çatlardan fəvvarə vurur, temperaturu 40-42°-yə çatır. Bu regionda Qax suyu
adlanan suyun da böyük müalicə əhəmiyyəti var.
Böyük Qafqazın şimal-şərq yamacında mövcud olan mineral bulaqlardan ən məşhurları
Quba rayonunda Cimi, Xaltan, Xaşı xüsusilə müalicə məqsədləri ilə 60-cı illərdən geniş
miqyasda istifadə edilən Dəvəçi rayonundakı Qalaaltı mineral bulaqlarıdır.
www.behruzmelikov.com
12
Şamaxı və Qobustan rayonlarında bir sıra hidrogen-sulfidli soyuq mineral bulaqlar
mövcuddur. Bunlardan daha əhəmiyyətlisi Çuxuryurd bulaqlarıdır (suyun temperaturu 15-
17°, gündəlik debiti 200 min litr).
Abşeronda böyük müalicə əhəmiyyətli isti su Şıx istisuyudur. Bunun əsasında Şıx
kəndində revmatizm və başqa xəstəliklərin müalicəsi üçün sanatoriya kompleksi
yaradılmışdır.
Kür-Araz ovalığında sərbəst mineral bulaqlar azdır. Bunlardan Göranboy rayonunda
Gəncə Bozdağının ətəyində yerləşən yodlu bulaq, Neftçala rayonunda Babazənən qrupu
bulaqları çox minerallaşması ilə seçilir. Ovalığın müxtəlif yerlərində qazılmlş quyulardan
daha çox maierallaşmış və müxtəlif qazlarla zəngin sular çıxır.
www.behruzmelikov.com
Dostları ilə paylaş: |