KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
107
KAMANÇA ALƏTİNİN MƏNŞƏYİ VƏ İNKİŞAF
MƏRHƏLƏLƏRİ
ORIGIN AND DEVELOPMENT STAGES OF KAMANSHA
ПРОИСХОЖДЕНИЕ ИНСТРУМЕНТА КЯМАНЧА И ЭТАПЫ
ЕГО РАЗВИТИЯ
Toğrul Mirnazimoğlu ƏSƏDULLAYEV
*
Özet
Bu yazıda keman enstrümanının kökeni, onun çeşitli dönemlerde temel türün-
den başlayarak günümüze kadar geçirdiği gelişim evreleri araştırılmaktadır. Bu
araştırmalarda klasik şiir sanatı örnekleri, sözlü halk edebiyatı eski yazılı risaleler
ana kaynak olarak benimsenmiştir.
Anahtar Kelimeler: Keman enstrümanı, gelişim evreleri, yaylı çalgılar
Summary
The present article analyzed origin of kamancha, its stages of development in
different periods beginning from its original type. Examples of classic poetry, folk-
lore and ancient written letters are considered main sources in these researches.
Key Words: Violin, development stages, bow instruments
Резюме
В данной статье исследуются происхождение инструмента кяманча,
стадии его развития в различные периоды, начиная с первичного вида по сей
день. Основными источниками данных исследований считаются образцы из
классической поэзии, устное народное творчество и древняя письменность
*
Azərbaycan Milli Konservatoriyası Bakı / AZƏRBAYCAN
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
108
Azərbaycanda məskunlaşan ibtidai insanlar maddi tələbatlarını ödəməkdən
ötrü çoxlu sayda primitiv əmək alətləri hazırlamışlar. Bu insanlar mənəvi
ehtiyaclarını ödəməkdən ötrü də bir sıra çalğı alətləri icad etmişlər. Sonralar bu
alətlərin bir qismi unudulmuş, tarixin keşməkeşli yollarında itib-batmış, bir qismi
isə inkişaf etdirilmiş, təkmilləşdirilmiş, mükəmməl alətə çevrilərək dövrümüzə
qədər gəlib çıxmışdır. Azərbaycan musiqi mədəniyyətinin inkişafında belə çalğı
alətlərinin böyük rolu və əhəmiyyəti olmuşdur.
Dünyanın ən qədim yaşayış məskənlərindən biri olan Azərbaycanda çalğı
alətlərimizin qədimliyini təsdiqləyən kifayət qədər tarixi, arxeoloji, etnoqrafik,
ədəbi və linqvistik mənbələr var. Araşdırmalardan aydın olur ki, Azərbaycanda
musiqi mədəniyyətinin inkişafı Daş dövründən, e.ə. XVIII-XV minilliklərdən
başlayır.
Müxtəlif dövrlərdə yaşayan və özündə ixtiraçılıq istedadı olan Azərbaycan
sənətkarları musiqi mədəniyyətimizə ecazkar səsli bir sıra çalğı alətləri bəxş
etmişlər. Bu alətlər Azərbaycan musiqi mədəniyyətinin ilkin təzahür formalarından
biri olmaqla onun ən qədim köklərinin, təşəkkül dövrünün öyrənilməsində böyük
rolu vardır. Belə alətlərin sırasında kamança da özünəməxsus yer tutur.
Kamança yayla (kamanla) çalınan telli alətdir. Ümumiyyətlə, çalğı alətləri səs
mənbəyi nəzərə alınmaqla 4 qismə ayrılır: 1. İdiofonlu (özənsəsli) alətlər; 2.
Aerofonlu (səs mənbəyi hava, nəfəslə alınan) alətlər; 3. Membranofonlu (səs
mənbəyi dəridən alınan) alətlər; 4. Xordofonlu (telli, səs mənbəyi tellərdən alınan)
alətlər.
Xordofonlu alətlər qrupuna daha çox alət daxildir. Bu qrupa aid edilən alətlər 3
üsulla səsləndirilir: 1. Mizrabla; 2. Yayla (kamanla); 3. Vurmaqla (çubuqları
döyəcləməklə).
Kamança xordofonlu qrupun yayla səsləndirilən telli alətlər sırasında özünə yer
almışdır. Bir sıra çalğı alətləri təkamül və inkişaf mərhələləri keçdiyi kimi,
kamança da təkamülləşərək müəyyən dəyişikliklərə məruz qalmışdır.
Qədim telli alətlərin yaranma tarixi Azərbaycan ərazisində uzaq keçmişə gedib
çıxır. Bu alətlərin tarixi inkişafını iki mərhələdə – antik (qədim) və Orta əsr
dövrlərində təhlil etmək, araşdırmaq tələb olunur.
Təkcə onu demək kifayətdir ki, indiki İran ərazisində, azərbaycanlıların
yaşadığı Cığamış şəhəri yaxınlığında tapılan və üstündə telli alətlərin təsviri həkk
olunmuş gildən hazırlanmış qabın yaşı 8 min ili ötür.
İlk yaradılmış telli alətin elmi adı “monoxord”dur. Monoxord yunan
(monoxordos) sözüdür, “mono” – tək, “xord” isə tel deməkdir
1
.
1
Келдыш Г.В. Музыкалъный энциклопедический словаръ. Москва, Советский
Энциклопедия, 1980, с. 353; Должанский А.Н. Краткий музыкалъный словаръ. Ленинград,
Музыка, 1964, с. 208-209.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
109
Sənətşünaslıq namizədi (sənəşünaslıq üzrə fəlsəfə doktoru
2
) Aslan Məmmədov
“Simli musiqi alətlərimiz” adlı əsərində monoxord tipli alətləri dilimizdə “musiqili
yay” şəklində təqdim edir. O, monoxord alətləri araşdırarkən yazır: “Coğrafi
şəraitdən, düzəldildiyi materialdan, eləcə də alətlər arasındakı ölçü fərqi və ən əsası
isə tayfaların etnik köklərindən irəli gələn dil xüsusiyyətləri monoxordun müxtəlif
cür adlanmasına gətirib çıxarmışdır. Məsələn, Hindistanda – pinaka, marilərdə –
kon-kon, Yeni Zelandiyada – ukeke və s.”
3
.
Daha sonra A.Məmmədov R.İ.Qruberə istinad edərək bu alətlərin müxtəlif
üsullarla səsləndirildiyini bildirir
4
: “Bir tayfada alət yerə qoyularaq, digərində
alətin bir ucu ağız boşluğunda, bir başqasında isə çiyin bərabərində tutularaq ifa
edilmişdir”
5
.
İlk telli çalğı alətlərinin yaranma tarixini dəqiq təyin etmək mümkün
olmamışdır. Lakin quruluşunun sadəliyinə görə, ilk telli çalğı alətlərini kifayət
qədər qədim dövrə aid etmək olar. Bu qəbildən olan alətlərin təxmini də olsa
yaranma tarixini müəyyənləşdirmək üçün kaman və oxun kəşf olunma dövrünü
öyrənməliyik.
Təsviri incəsənətin tanınmış nümayəndəsi, sənətşünaslıq doktoru Nəsir Rzayev
(1919-1998) “Əsrlərin səsi” əsərində kamanla bağlı yazır: “Azərbaycanın ən qədim
sənət abidələrini biz, hələlik, ancaq Qobustan qaya təsvirlərində görə bilirik. İti
uclu daş ilə qaya üzərində cızılmış bu təsvirlər e.ə. XIII-X minilliyə aiddir. Onlar
siluet şəklində, ön, arxa və yan tərəfdən təsvir edilmiş, kürəklərində kaman olan
ovçuların sxematik təsvirlərindən ibarətdir”
6
.
Kaman qədim silah alətlərindən biridir. Belə alətlərdən Azərbaycanda Mezolit
dövründə ov və döyüş zamanı istifadə edilərdi, kamanın kəndirinə ox qoyub atırdı-
lar. Qədim yunan coğrafiyaşünası və tarixçisi Strabon (e.ə. 64/63 - e. 23/24) “Coğ-
rafiya” əsərində Qafqaz Albaniyası, Atropatena (indiki Azərbaycan ərazisi) və Xə-
zər dənizi haqqında geniş məlumat verir
7
. O, əsərində burada yaşayan tayfaların
kamandan silah kimi çox gözəl istifadə etdiklərini bildirir.
AMEA-nın müxbir üzvü, tarix elmləri doktoru, professor Vəli Əliyev
“Gəmiqaya rəsmləri” adlı məqaləsində (“Tarixin izləri ilə” əsəri) yazır:
“Qayalardan birinin üzərində maraqlı ov səhnəsi var. Ayaq üstə dayanmış ovçu
şəkli diqqəti daha çox cəlb edir. Ovçunun sərrast atdığı ox keçilərdən birinin
köksünə sancılıb. Arxeoloji qazıntılardan məlumdur ki, ox və kaman qədim
Azərbaycan tayfalarının həyatında da uzun müddət mühüm rol oynamışdır. Odur
ki, Gəmiqayadakı ov səhnələrində bu alətlərin əks etdirilməsi heç də təsadüfi deyil.
2
2010-cu ildən etibarən Azərbaycanda AAK-nın qərarı ilə “sənətşünaslıq namizədi” elmi dərəcəsi
“sənətşünaslıq üzrə fəlsəfə doktoru” sözləri ilə əvəz olunmuşdur.
3
Məmmədov A.K. Simli musiqi alətlərimiz. B.: Nafta-Press, 2001, s. 6.
4
Грубер Р.И. История музыкалъной кулътуры. Том, частъ. Москва, Музыка, 1941, с. 141.
5
Məmmədov A.K. Simli musiqi alətlərimiz. B.: Nafta-Press, 2001, s. 7.
6
Rzayev N.İ. Əsrlərin səsi. B.: ADN, 1974, s. 4.
7
Azərbaycan Sovet Ensiklopediyası: 10 cilddə, V c., B.: 1981, s. 229.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
110
Daha sonra Vəli Əliyev “Gəmiqaya rəsmlərinin ən qədim nümunələrinin təxminən
4000-5000 il bundan əvvələ aid olduğunu” qeyd edir
8
.
Musiqi alətşünaslığında yayla (kamanla) səsləndirilən çalğı alətlərinin vətəni
Qədim Misir sayılır
9
. Eramızdan əvvəl təxminən IV-III əsrlərdə yayla (kamanla)
səsləndirilən ilk alət – rübab (yaxud rebab) yaradılmışdır.
Araşdırmalar nəticəsində aydın olmuşdur ki, yaylı-kamanlı çalğı alətlərinin
dərindən tədqiqi üçün məhz Orta əsrlərin qaynaqları daha etibarlı mənbələr sayıla
bilər. Onu da qeyd edək ki, Orta əsrlərdə ayrı-ayrı adlarla bir sıra ölkələrdə
müxtəlif kamanlı alətlər icad olunub. Lakin dövrümüzə qədər onlardan daha çox
kamança “mühafizə” edə bilmişdir.
Azərbaycanda kamanlı alətlərin VII-VIII əsrlərdən yayıldığı ehtimal edilir. Bu
da İslam dininin yaranması ilə əsaslandırılır. Yəni, başqa ölkələrdə, o cümlədən
Azərbaycanda İslamı təbliğ edən ərəblər özlərinin musiqi mədəniyyətlərini də
yayırdılar. Kamanlı (yaylı) rübab da beləcə Azərbaycana yol açmış, sonrakı
mərhələlərdə – müxtəlif dövrlərdə bu alətin əsasında azərbaycanlılar tərəfindən
fərqli şəkildə digər yaylı alətlər yaradılmışdır. Nümunə üçün Azərbaycanda
müxtəlif dövrlərdə istifadə edilən çəğanə, yektay, qabaq kamanə, çaqanaq, bəm ça-
qanaq, əhsən vəlləz, ğicək, iklik, kamança, bəm kamança, əsa kamança, ney-kaman
(yaxud neykamança), pandur, şeşkaman, yaylı tənbur, yaylı qopuz, qıl qopuz və s.
yaylı-telli alətlərin adlarını qeyd edə bilərik.
Azərbaycanda kamançanın ilkin forması kamanlı rebab (rübab) adlanmışdır.
Bu alət quruluşca primitiv, yəni at quyruğunun tüklərindən topa halda hazırlanmış
bir teli, nisbətən kiçik ölçüdə çanağı olmuşdur. Sonrakı mərhələlərdə qol, şiş
(dəmir ayaqcıq), tac (kəllə) hissəsi və çanağın ölçüləri və materialında müəyyən
dəyişikliklər edilmişdir.
Məlumdur ki, kamançanın araşdırılmasında əsas mənbələr klassik poeziya
nümunələri, şifahi xalq yaradıcılığı, təsviri sənət nümunələri və qədim yazılı
risalələr hesab olunur. Məhz bu kimi nümunələrdən kamançanın yaranması,
təkmilləşməsi və istifadə olunma məkanı haqqında aydın təsəvvür almaq
mümkündür.
Kamançanı Orta əsrlərdə yaşamış Nizami Gəncəvi (1141-1209), Fədai Təbrizi
(XVI əsr), Rüknəddin Məsud Məsihi (1580-1636) və Azərbaycanın başqa klassik
şairləri şeirlərində vəsf etmiş, onların quruluşuna, tembr xüsusiyyətlərinə dair
məlumat vermişlər. Deməli, XII-XVII əsrlərdə müasir formalı kamança aləti
formalaşırdı.
Kamançanın Orta əsrlərdə inkişafda olduğunu təsdiqləyən başqa bir faktı da
qeyd edə bilərik. Azərbaycanın, eləcə də Şərq dünyasının böyük musiqişünas alimi
8
Əliyev V.H. Tarixin izləri ilə. B.: Gənclik, 1975, s. 51.
9
С.Л.Сперанский. Музыкальные товары. Москва, “Экономика”, 1987, с. 52 (rus dilində).
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
111
Səfiyəddin Urməvi “Kitabül-ədvar” əsərində kamançanın təsvirindən, köklənmə
qaydalarından, texniki imkanlarından, ifa xüsusiyyətlərindən söz açmışdır
10
.
Azərbaycanın böyük musiqi alimi, şair, xəttat, həm də bir sıra müxtəlif
üsullarla səsləndirilən çalğı alətlərinin mahir ifaçısı Kamaləddin Əbdülqadir bin
Qeybi əl-Hafiz Marağalı (1353-1435) farsca yazdığı “Məqasidül-əlhan” (Rauf
Yekta bəy nüsxəsində) və “Fəvaid-i əşəra” risalələrində kamança, qicək, əhsən
vəlləz, nayi tənbur kimi yayla çalınan alətlərin adlarını çəkir. O, bu alətlər
haqqında dəyərli məlumat verməklə onların bir-birinə bənzər və fərqli cəhətlərini
qeyd edir
11
.
Xatırladaq ki, Ə.Marağalı çalğı alətlərini təsnifatlaşdırarkən onların mütləqat,
müqəyyədat və məcrurat növlərə ayrıldığını bildirir
12
. O, telli alətlərin bir qismini
müqəyyədat qrupa aid edir. Müqəyyədat – çalınarkən telləri barmaqla basılan
alətlərə deyilir. Ə.Marağalı kamanla (yayla) səsləndirilən alətləri də bu qrupa aid
edir. Lakin yayla səsləndirilməsinə görə Ə.Marağalı kamança, qicək, əhsən vəlləz
və nayi tənburu məcrurat tipli alətlər adlandırır.
M.Bardakçının tərcüməsində Ə.Marağalının kamança ilə bağlı qeydləri belədir:
“Kamança: Yaylı çalğı alətlərindəndir. Bəzi kamançaların çanağı təbii şəkildə
– hind cevizindən (qoz, kokos – T.Ə.) hazırlanır. Telləri isə at quyruğunun
tüklərindən (topa halda – T.Ə.) ibarətdir. Bəzi kamançaların çanağı isə içi oyulmuş
ağacdan olur, üzərinə isə inəyin ürəyinin pərdəsi çəkilir və ipəkdən hazırlanmış
teldən istifadə olunur. İkinci, yəni sonuncu kamançalar daha mükəmməldir”
13
.
Filologiya elmləri namizədi Məmmədəli Müsəddiqin kamança ilə bağlı
tərcüməsində “əhsən vəlləz” adlı əlavə bir yaylı alət də təqdim olunur:
“Kamançanın ikinci növü də vardır. Bu əhsən vəlləz adlanır. Onun kökləmə və
istifadə qaydası da o birisi kimidir. Amma simdə çalınan nəğmə yuxarı simdə
çalınan mütləq nəğmənin dörddə üçü qədər olur. Qalan məsələlər və nəğmələrin
çalınması çalğıçının özündən asılıdır. Onu istənilən havaya kökləyə bilər”
14
.
Deməli, əhsən vəlləz quruluşca eyni ilə təqdim edilən kamança formasındadır.
M.Müsəddiqin tərcüməsindən əhsən vəlləzin telləri kvarta nisbətində kökləndiyi
aydın olur. Burada köklənmə qaydasına görə əhsən vəlləz kamançadan
fərqlənirmiş.
Kamançanın adına Orta əsrlərin digər mənbələrində də rast gəlirik
15
. 1474-
1478-ci illərdə Təbrizdə Uzun Həsənin sarayında Venetsiyanın elçisi olmuş İosafat
10
Əsədullayev T.M. Kamança alətinin yaranmasına və təkamülünə bir baxış. // “Konservatoriya”
jurnalı. B.: 2009, №3-4, s. 68.
11
Ə.Marağalı. Musiqi alətləri və onların növləri (farscadan tərcümə M.Müsəddiqindir). //
“Qobustan” №1, 1977, s. 76-77.
12
Murat Bardakçı. Maragalı Abdülkadir. İstanbul: Pan Yayıncılık, 1986, s. 100 (türkcə).
13
Murat Bardakçı. Maragalı Abdülkadir. İstanbul: Pan Yayıncılık, 1986, s. 106 (türkcə).
14
Ə.Marağalı. Musiqi alətləri və onların növləri (farscadan tərcümə: M.Müsəddiq). // “Qobustan”
jurnalı №1, 1977, s. 77.
15
Səfərnameha-ye Veneziyan dər İran. Mənuçöhr Əmirinin ingiliscədən fars dilinə tərcüməsi.
Tehran: 2003 (1381 hicri), s. 69.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
112
Barbaroya (1413-1494) istinadən tarix elmləri doktoru, professor Seyidağa
Onullahi (1924-2003) “Qədim Təbrizin mədəniyyət tarixindən (X-XVII əsrlərdə)”
adlı məqaləsində qeyd edir: “…Digər venetsiyalı elçi İosafat Barbaro
16
yazır ki,
mən şahın yanına getdiyim ilk gündə (Təbrizdə Uzun Həsənin sarayında olmuşdur
– S.O.) xanəndələr və çalğıçılar onun yanında idi. Bu çalanların bir yard (0,7 metr)
uzunluğunda zəngləri var idi. Zənglərin nazik ucunu yuxarı tuturdular. Bundan baş-
qa cəng, ud, kamança, sinc, ney də var idi və yaxşı çalırdılar. Sonra bir dəstə
rəqqasə qadınlar Uzun Həsənin xidmətinə gəldi. Onlar oynayır və musiqi ça-
lırdılar”
17
.
S.Onullahi daha sonra həmin məqalədə Uzun Həsənin sarayında dəf, təbil,
zurna, nağara, luli, zəng, cəng, çəng, bərbət, ud, kamança, ney və sinc alətlərindən
istifadə olunduğunu yazır
18
.
Deməli, XV əsrin sonlarında Uzun Həsənin sarayında digər çalğı alətləri ilə
yanaşı kamançadan da geniş istifadə edilirdi.
II Şah İsmayılın (1533-1577) hakimiyyəti illərində saray musiqisində önəmli
yer tutan alətlərdən biri də kamança olmuşdur. Həmin illərdə kamança ilə yanaşı
ud, çəng, tənbur və çahartardan da sarayda geniş istifadə edilirdi.
İ.Barbaro (1413-1494), F.Kotov (XVII əsrin I yarısı), A.Oleari (1603-1671),
E.Kempfer (1651-1716), P.Vostrikov (XIX əsrin sonu) kimi səyyahlar xatirələrində
Azərbaycanda rastlaşdıqları və dinlədikləri çalğı alətləri haqqında qeydlər etmişlər.
Təəssüf ki, onlar (E.Kempfer istisna olunmaqla) milli alətlərimizi öz adı ilə deyil,
tanıdıqları Avropa alətlərinin adı ilə qələmə almışlar: ney – svirel, gərənay – truba,
nağara – baraban, qaval – buben, qanun – sitra, balaban –fleyta, ud – lyutniya,
zurna – rojok, santur – simbal, sinc – tarelka, tütək – dudka, kamança – qudok və s.
Alman səyyah və təbiətşünası Engelbert Kempfer
19
(1651-1716) İsveç səfirliyi-
nin nümayəndəsi kimi XVII əsrin sonunda Azərbaycanda (19 dekabr 1683-cü ildə
Şamaxıda, 6-9 yanvar 1684-cü ildə isə Bakıda) olmuşdur. O, yol qeydlərinin “XVII
əsr Şərq musiqi mədəniyyəti” adlı fəslində Azərbaycanda rastlaşdığı 23 çalğı
alətinin həm rəsmini çəkmiş, həm də bu alətlərin hər biri haqqında ayrıca məlumat
vermişdir . Bu alətlərdən biri də haqqında söhbət açdığımız kamançadır. Engelbert
Kempfer rəsmdə kamançanı 18 rəqəmi ilə göstərmişdir.
Maraqlıdır ki, E.Kempfer digər səyyahlardan fərqli olaraq gördüyü çalğı
alətlərini öz adı ilə latınca yazmışdır. Məhz bu baxımdan onun xatirələri daha
dəyərlidir.
16
Səfərnameha-ye Veneziyan dər İran. Mənuçöhr Əmirinin ingiliscədən fars dilinə tərcüməsi.
Tehran: 2003 (1381 hicri), s. 69.
17
Onullahi S.M. Qədim Təbrizin mədəniyyət tarixindən (X-XVII əsrlərdə). // “Qobustan” jurnalı.
B.: 1974, №3, s. 56.
18
Yenə orada.
19
Kaempfer E. Amoenitatum exoticarum politico-physico-medicarum. Fasciculus V. Lemgoviae,
Typis & impensis H.W/ Meyeri, 1712. p. 740-745.
KÜLTÜR EVRENİ - UNIVERSE OF CULTURE - ВСЕЛЕННАЯ КУЛЬТУРЫ
113
Nəticə olaraq kamançanın mənşəyini araşdırarkən məlum oldu ki, ilk yaylı
alətlər Qədim Misirdə yaranmışdır. Daha sonra dünyanın ən qədim xalqları
özünəməxsus şəkildə fərqli yaylı alətlər hazırlamışlar. Azərbaycanda da bir sıra
müxtəlif adlarla yaylı çalğı alətləri hazırlanılmışdır: yaylı rübab, çəğanə, kamança,
qicək, nayi tənbur, çaqanaq və s.
Beləliklə gördüyümüz kimi, adları sadalanan yaylı alətlərin Azərbaycanda ən
mükəmməli kamançadır. Elə Orta əsr mənbələrini də izlədikdə kamança digər yaylı
alətlərlə müqayisədə üstün tutulmuşdur. Bu alət əsrlərin süzgəcindən keçərək
inkişaf etdirilmiş və dövrümüzə qədər gəlib çıxmışdır.
Dostları ilə paylaş: |