2
Pərakəndə Bankçılıq üzrə Standart Şərtlər
(hesab, kredit, əmanət, kart, zaminlik, girov münasibətlərinin və fiziki şəxslərə göstərilən digər
bank xidmətlərinin tənzimlənməsi barədə)
MÜNDƏRİCAT
1. ÜMUMİ MÜDDƏALAR ................................................................................................................................ 3
2. ƏSAS ANLAYIŞLAR ..................................................................................................................................... 3
3. BANK HESABI ............................................................................................................................................... 6
4. KREDİT ........................................................................................................................................................... 8
5. ƏMANƏT ......................................................................................................................................................... 8
6. ÖDƏNİŞ KARTI ........................................................................................................................................... 10
7. ƏMANƏTLƏRİN SIĞORTALANMASI FONDU, BANK VƏ MÜŞTƏRİ ............................................ 14
8. “İNTERNET/MOBİLE BANKİNG” XİDMƏTİ ....................................................................................... 14
9. SMS İnfo və SMS Banking XİDMƏTİNƏ QOŞULMA VƏ XİDMƏTDƏN İSTİFADƏ ....................... 17
10. DİGƏR ŞƏRTLƏR ..................................................................................................................................... 18
11. YEKUN MÜDDƏALAR ............................................................................................................................. 18
3
Pərakəndə Bankçılıq üzrə Standart Şərtlər
(hesab, əmanət, kart, kredit münasibətlərinin və fiziki şəxslərə göstərilən digər
bank xidmətlərinin tənzimlənməsi barədə)
1. ÜMUMİ MÜDDƏALAR
1.1. Hazırkı Pərakəndə Bankçılıq üzrə Standart Şərtlər (bundan sonra “Standart şərtlər”) “Kapital
Bank” ASC–də (bundan sonra “Bank”) hesab, əmanət, kart, kredit münasibətlərini və fiziki şəxslərə
(bundan sonra “Müştəri”) göstərilən digər bank xidmətlərinə dair münasibətləri tənzimləyir, tərəflərin
hüquq və öhdəliklərini müəyyənləşdirir.
1.2. Hazırkı Standart şərtlər Bank tərəfindən 11 noyabr 2016-сı il tarixində təsdiqlənmişdir. Standart
şərtlər Bankın rəsmi internet ünvanı (saytı) olan
www.kapitalbank.az
(https://kapitalbank.az/)
vasitəsilə, habelə Bankın bütün filial, şöbə və nümayəndəliklərində çap variantında yerləşdirilməklə
Müştərilərin diqqətinə çatdırılır.
1.3. Hazırkı Standart şərtlər Bankın bütün Müştəriləri üçün eynidir. Standart şərtlər özü-özlüyündə
ayrılıqda müqavilə hesab edilmir. Standart şərtlər əvvəlcədən ifadə edilmiş, dəfələrlə istifadə üçün
nəzərdə tutulmuş şərtlərdir.
1.4. Hazırkı Standart şərtlərin hissələrində tənzimlənmə şərtləri nəzərdə tutulan münasibətlər Tərəflər
arasında o zaman yaranmış hesab edilir və Standart şərtlərlə də tənzimlənir ki, Müştəri tərəfindən
hazırkı Standart şərtlərlə məyyən edilmiş formada (yazılı formada və ya SMS, elektron imza,
internet, ATM vasitəsilə) Xüsusi şərtlər (Müqavilə) imzalanmış (bağlanmış) olsun. Hazırkı Standart
şərtlər Müştərilərlə bağlanılan Xüsusi şərtlərin (Müqavilənin) ayrılmaz tərkib hissəsi hesab olunur və
bu barədə qeyd Müştərilərlə bağlanılan Müqavilə(lər)də öz əksini tapır.
1.5. Hazırkı Standart şərtlərin hər hansı hissəsinə, bəndinə istinad edilməsilə, eyni zamanda, həmin
hissənin bəndlərinə, bəndlərin yarımbəndlərinə, abzaslarına da istinad edilmiş hesab edilir. Xüsusi
şərtlərə istinad eyni zamanda hazırkı Standart şərtlərə istinaddır.
2. ƏSAS ANLAYIŞLAR
Hazırkı Standart şərtlərdə birinci hərfi böyük hərflə yazılan ifadələr aşağıdakı mənaları ifadə edirlər,
bu şərtlə ki, müəyyən hallarda digər mənanın ifadə edilməsi açıqca bəlli olmasın.
ATM: Ödənişlərin aparılması, nağd pul vəsaitinin verilməsi və qəbulu, habelə digər bank
xidmətlərindən istifadə edilməsi üçün nəzərdə tutulmuş proqram-texniki kompleks (bankomat).
BANK: “Kapital Bank” ASC.
BANK KREDİTİ (bundan sonra KREDİT): Müqaviləyə uyğun olaraq qaytarılmaq, müəyyən
müddətə (müddətin uzadılması hüququ ilə) və faizlər (komisyon haqlar) ödənilmək şərti ilə, təminatla
və ya təminatsız müəyyən məbləğdə borc verilən pul vəsaitidir.
ÖDƏNİŞ SİSTEMİ: VISA Incorporated, MasterCard Worldwide və digər Ödəniş sistemləri.
BİR DƏFƏLİK MƏXFİ KOD: “Internet/Mobile Banking” xidmətinə hər daxil olma zamanı Bank
tərəfindən avtomatik olaraq müştərinin mobil nömrəsinə SMS vasitəsilə göndərilən bir istifadəlik
əlavə identifikasiya kodudur.
ƏLAVƏ KART: Müştərinin hesabına bağlı olan və ona, onun müəyyən etdiyi şəxslərə müəyyən
edilmiş xərc limiti daxilində, Ödəniş Sistemlərinə üzv rezident və qeyri-rezident Bankların
məntəqələrində mal və xidmətlərin nağdsız ödənişinin həyata keçirilməsini və həmçinin nağd vəsaitin
çıxarılmasını təmin etmək məqsədilə, Bank tərəfindən verilən əlavə ödəniş kartı.