© AMEA Hüseyn Cavidin Ev Muzeyi- www.huseyncavid.com
Muzeyə Giriş.
Söz yoq ki, Bu gün gəncliyə baqsan,
Bir sel kibi hər an,
Sağlam. Yeni məfkurələr izlər.
... Onlar qoşacaq, çarpışacaqlar,
Bir çoq uçurumlar aşacaqlar.
... Onlar mədəniyyətlə günəşlər yapacaqlar,
Keçmişlərə üstdən baqacaqlar.
Onlar güləcək, yüksələcəklər.
Bizdən daha xoş gün görəcəklər!
( “Azər” poemasından)
Başlanğıc.
Böyük Azərbaycan şairi və mütəfəkkiri Hüseyn Cavidin ev muzeyi onun Bakı
şəhərində daimi olaraq yaşadığı ünvanda – 1920-1937-ci illər arası ömür sürdüyü
İstiqlaliyyət küçəsi (keçmiş Kommunist) 8 saylı binanın 3-cü qatında yerləşir.
Girişi İstiqlaliyyət küçəsi tərəfindən - Əlyazmalar İnstitutu ilə eyni qapıdan
olan Cavidin ev muzeyi Azərbaycan Respublikası Milli Elmlər Akademiyasının
nəzdində fəaliyyət göstərən 3 muzeydən biridir.
Muzeyin yerləşdiyi bina tanınmış milyonçu Hacı Zeynalabdin Tağıyevin şəxsi
təşəbbüsü və himayəsilə memar İ.V.Qoslavskinin layihəsi əsasında 1898-1901-ci
illərdə tikilmiş və müsəlman qadın məktəbi üçün nəzərdə tutulmuşdur.
Məktəb 1918-ci ilədək fəaliyyət göstərmişdir. 1920-30-cu illərdə burada
Darülmüəllimin (pedaqoji məktəb), 1930-cu ildən sonra Mərkəzi İcraiyyə
Komitəsi, hazırda isə MEA Füzuli adına Əlyazmalar İnstitutu yerləşir.
Əlyazmalar İnstitutunun 2-ci mərtəbəsindən Cavid muzeyinin fərdi giriş
qapısı var və Cavidin ev muzeyinin burada yerləşməsi haqqında məlumat verən
lövhə orada vurulmuşdur: “Böyük şair və mütəfəkkir Hüseyn Cavid Vətənə
qayıdışı və yaşadığı mənzildə ev muzeyinin açılması Azərbaycan xalqının
ümummilli lideri Heydər Əliyevin təşəbbüsü, cəsarəti və ardıcıl səyləri ilə
gerçəkləşmişdir”.
Hüseyn Cavidin ev muzeyinin yaradılması haqqında 604 saylı ilk qərar
Heydər Əliyevin təşəbbüsü ilə Azərbaycan Kommunist Partiyası Mərkəzi Komitəsi
və Nazirlər Soveti tərəfindən 25 noyabr 1981-ci ildə qəbul edilmişdir. Respublika
Mədəniyyət Nazirliyinin 16 aprel 1991-ci il 74 saylı qərarı ilə muzey üçün
Azərbaycan Dövlət Əlyazmalar İnstitutunun yerləşdiyi binanın 1-ci mərtəbəsində 5
otaq ayrılmışdır. Nəhayət, Respublika Nazirlər Kabinetinin 10 iyul 1995-ci il 160
saylı qərarı ilə H.Cavidin ev muzeyi həmin binanın 3-cü mərtəbəsində, yerləşən və
şairin 1920-ci ildən 4 iyul 1937-ci ilə qədər yaşadığı, əsərlərinin əksəriyyətini
yaratdığı mənzilə köçürülmüşdür.
H.Cavidin ev muzeyinin açılışı 2002-ci il oktyabr ayının 24-də şairin 120-ci
doğum günündə olmuşdur.
© AMEA Hüseyn Cavidin Ev Muzeyi- www.huseyncavid.com
Muzeyin girəcəyində heykəltaraş Ömər Eldarovun yaratdığı və əsli Hüseyn
Cavid prospektində MEA-nın əsas binası ilə üzbəüz bağda ucalan tuncdan
tökülmüş “Cavid abidəsi”nin gipsdən olan kiçik variantı qoyulmuşdur. (1993)
175 sm. hündürlüyü və 75 sm. eni olan abidə 60 sm. hündürlüyü möhkəm
taxta təməl üzərində qoyulub və bürünc rənglidir.
Abidənin qoyulduğu hissə ilə üzbəüz divarda “Cavid planeti” adlı lövhə
asılıb.
Lövhənin ətrafında verilmiş mətndən aydın olur ki, Ukrayna alimi Nikolay
Çernıxın kəşf etdiyi 6262 saylı planetə Beynəlxalq astronomiya İttifaqı 20 iyun
1997-ci ildə böyük Azərbaycan şairi və dramaturqu H.Cavidin adını vermişdir.
Stendin üzərində H.Cavidin “Peyğəmbər” əsərindən götürülmüş bir misra
yazılmışdır:
“Bən fəqət hüsni-xuda şairiyim,
Yerə enməm də səma şairiyim...”
Həmin divara bitişik divarda “Mütəfəkkir şair Hüseyn Cavidin nəşinin Vətənə
gətirilməsi və yaşadığı mənzildə ev muzeyinin açılması Ümummilli lider Heydər
Əliyevin təşəbbüsü və ardıcıl səyləri ilə gerçəkləşmişdir” kəlamları yazılmış lövhə
asılmışdır.
Abidənin qoyulduğu divarda H.Cavidin Naxçıvandakı məqbərəsinin maketi.
(Müəllif İbrahim İbrahimov).
Məqbərənin yuxarısında “Hüseyn Cavidin Ev muzeyi” yazılan xalq sənətkarı
Seyfəddin Məmmədvəliyev tərəfindən işlənmiş qoz ağacından oyma asılmışdır.
Həmin divara bitişik divarda H.Cavidin adına olan gəminin şəkli asılmışdır.
**
**
**
CAVİDİN ƏBƏDİYYƏTİ.
Muzeyin ekspozisiyası 4 otaqda yerləşmişdir.
Ekspozisiya üçün ayrılmış bu otaqlar şərti olaraq aşağıdakı kimi adlanır:
Giriş otağı- “Cavidin əbədiyyəti”.
1-ci otaq- “Cavidin ömrü”.
2-ci otaq- “Cavidin faciəsi”.
Soldakı zal- “Cavidin şöhrəti”.
Təqdim olunan mövzu – ekspozisiya planında Cavidin ev muzeyinin tam
təsviri və aparıcı mətnlər verilsə də, muzey bələdçilərinin daha geniş biliyə və
məlumata malik olması zəruridir. Bunun üçün onlara aşağıdakı qaynaqların
öyrənilməsi tövsiyə edilir:
1. Məmməd Cəfər Cəfərov. Hüseyn Cavid.
2. Qulam Məmmədli. Cavid – ömrü boyu.
3. Rafael Hüseynov. Vaxtdan uca.
4. Mehdi Məmmədov. Şirin arzular, acı fəryadlar.
5. Cavidi xatırlarkən. Məqalələr və xatirələr toplusu.
6. Gülbəniz Babaxanlı. Azərbaycan ədəbi fikri və Hüseyn Cavid.
7. Kamran Əliyev. Hüseyn Cavid: həyatı və yaradıcılığı.
8. Rafael Hüseynov. Əbədi Cavid.