Moskva və bütün Rusiyanın Patriarxı KİRİLİN baş keşişlərə, dyakonlara, rahiblərə və Rus Pravoslav kilsəsinin
Yüklə 17,66 Kb. Pdf görüntüsü
|
- Bu səhifədəki naviqasiya:
- Allahısevən rahiblər və rahibələr, əziz qardaş və bacılar!
| Moskva və bütün Rusiyanın Patriarxı KİRİLİN baş keşişlərə, keşişlərə, dyakonlara, rahiblərə və Rus Pravoslav kilsəsinin bütün sadiq övladlarına ünvanladığı Milad bayramı münasibətilə müraciəti
Allahısevən rahiblər və rahibələr, əziz qardaş və bacılar!
Bu gün Müqəddəs Kilsə sevinclə Pak Məryamdan Tahrı və Xilaskar İsa Peyğəmbərin doğulmasını mədh edirik.
Yaradan Öz yaratdığını sevərək canlı surətdə bizə təşrif buyurub günahlardan başqa bizə bənzəyən insan oldu (bax 1Tim. 3, 16; Evr. 4, 15). Körpə Vifleyem mağarasında uzanmışdı. O dünyanı mənəvi və əxlaqi düşkünlükdən xilas etmək, insanı isə ölüm qorxusundan azad etmək üçün bunu etdi. Yaradan bütün sövqatlardan ən böyüyünü, yəni Öz Tanrı məhəbbətini, həyatın dolğunluğunu qəbul etməyi bizə təklif edir. İsada qorxuya qalib gələn ümid əldə etməyə, müqəddəsliyə və ölməzliyə nail olmağa qadir oluruq.
O, günahla parçalanmış dünyamıza gəlir ki, öz doğuluşu, həyatı, iztirabları, əzablı ölümü və şərəfli dirilməsi ilə yeni qanun, yeni nəsihəti – sevgi nəsihətini bərqərar etsin.”Sizə yeni nəsihət verirəm ki, bir-birinizi sevəsiniz; bir-birinizi Sizi sevdiyim kimi sevin” (İn. 13, 34) – bu sözlərlə Tanrı öz şagirdlərinə, onların vasitəsilə isə bütün dünyaya, o dövrdə, indi və bizdən sonra, dünya qurtaranadək yaşayanlara müraciət etmişdi.
Hər kəsə bu nəsihətə öz əməlləri ilə cavab vermək təklif edilmişdir. İsa bizə həqiqi mərhəmət göstərdiyi, nöqsanlarımıza hədsiz dərəcədə iltifatla yanaşdığı kimi biz də insanlara qarşı mərhəmətli və yumşaq olmalıyıq. Biz təkcə öz doğma və yaxınlarımızın qayğısına qalmalı deyilik, baxmayaraq ki, ilk növbədə onların qayğısına qalmaq lazımdır (bax 1 Tim. 5, 8), biz nəinki dostlarımız və məsləkdaşlarımızın, həmçinin Allahla hələ də vəhdətə nail olmayanların qeydinə qalmalıyıq. Biz məhəbbətdə özümüzü Xilaskara bənzətməli, bizə zülm edənlərə və bizi incidənlərə görə dua etməliyik (bax Mf. 5, 44), daim xalqın, Vətənin və Kilsənin rifahından düşünməliyik. Hər kəs, xeyirxah işlər görərək az da olsa ətrafdakı gerçəkliyi yaxşıya doğru dəyişməyə qadirdir. Çünki cəhalət həqiqi həyatın işığını ala bilmədiyi kimi qanunsuzluq da məhəbbətə qalib gəlmək iqtidarında deyil (bax İn. 1, 5).
Vətənimizin tarixində xalqımızın Tanrıya ümid bağlayaraq çətinliklərə sinə gəlməsi, ən çətin sınaqlardan layigincə çıxması nümunəsi az deyil. Belə hadisələrin bir çoxunu biz ötən ildə yada salırdıq. Biz Qiyamın 400-illiyini qeyd etdik ki, bu da müdaxiləçilərin qovulması və milli birliyin bərpa edilməsi ilə başa çatdı. Həmçinin, 1812-ci il Vətən müharibəsinin 200 illiyini qeyd etdik. Bu müharibə zamanı əcdadlarımız “on iki dilli”, yəni Napoleonun istila etdiyi bütün Avropadan topladığı çox böyük ordusunun yürüşünü dəf etmişdi.
2013-cü il Rusiyanın müqəddəs, apostola bərabər olan böyük knyaz Vladimir tərəfindən xristianlığın qəbul edilməsinin 1025-ci ildönümü ilə qeyd ediləcəkdir. Pravoslav dininin qəbul edilməsi xalqımızın həyatında yeni dövrün başlanğıcı olmuşdur. Xeyir-dua verilmiş Kiyev təpələrində bir vaxtlar parlayan İsa həqiqətinin işığı indi də tarixi Rusiya ölkələrinin sakinlərinin ürəklərini işıqlandırır və bizi xeyixah işlərin görməyə sövq edir.
Ötən ili yekunlaşdıraraq Allaha həm Onun böyük və zəngin mərhəmətinə, həm də ki Onun keçirtməyimizə yol verdiyi acılara görə minnətdarlığımızı bildirək. Tarixi boyunca Kilsə belə uzunsürən salamatlıq dövləri görməmişdir: sülh və dinclikdən sonra fəlakət və sınaqlar dövrü başlayardı. Lakin bütün hallarda Kilsə sözu və əməli ilə Allahın həqiqəti barədə xəbər verərdi, indi də xəbər verir və sübut edir ki, asan qazanc, qanunsuzluq, hədsiz azadlıq, əbədi həqiqətə etinasızlıq, nüfuzların inkar edilməsi prinsipləri əsasında qurulmuş cəmiyyət əxlaqən sağlam deyil və bunu çoxlu təhlükə gözləyir.
Mən hamınızı Allahın vəsihət etdiyi səbrə və Ana Kilsəyə, Allahın xalqına, doğma torpağımıza dua etməyə çağırıram. Həmişə dil imamının sözlərini xatırlayın: “Ayıq olun, imanlı, cəsarətli və möhkəm olun. Hər şeyiniz sevgilə dolu olsun!” (1 Korş 16, 13-14).
Bu bayram münasibətilə Sizi ürəkdən təbrik edir, dualarımla Allahın övladı İsadan hamımıza mənəvi və cismani qüvvət diləyirəm ona görə ki, hər kəs dünyaya şəxsən sübut etsin ki, Sevgidir bu gün doğulmuş Tanrımız və Allahımız (bax 1 İn. 4,8).
MOSKVA VƏ BÜTÜN RUSİYANIN PATRİARXI
Moskva Yüklə 17,66 Kb. Dostları ilə paylaş:
|