Oktyabr 2017-ci IL, çərşənbə
Yüklə 316,81 Kb. Pdf görüntüsü
|
- Bu səhifədəki naviqasiya:
- Sevda ƏLİBƏYLİ, Azərbaycan Yazıçılar və Jurnalistlər birliklərinin üzvü Zəhmətlə ucalan insan
- R.TAHİR, “Xalq qəzeti” Azərbaycan–Polşa dostluğuna dəyərli töhfə
- M.MÜKƏRRƏMOĞLU, “Xalq qəzeti” Şəmkir: ucqar dağ kəndində müasir xəstəxana
- Hamlet QASIMOV, “Xalq qəzeti”nin bölgə müxbiri
- Samirə ƏLİYEVA, “Xalq qəzeti” Yevlax-Ağcabədi çökəkliyində kompleks geofiziki kəşfiyyat işləri aparılıb
| 5 25 oktyabr 2017-ci il, çərşənbə
bəmbəyaz görmüşəm saçlarını. İlk görüşüm 1973-cü ildə olmuşdu. O zaman mən Lənkəran şəhər 5 saylı orta məktəbin VI sinif şagirdi, Hadi müəllim isə şəhər komsomol komitəsinin I katibi idi. SSRİ-də hər il mayın 19-u Ümumittifaq pioner təşkilatı günü kimi qeyd olunardı. Həmin gün rayon-şəhər pionerləri adından çıxış edəcəkdim. İndiki Heydər Əliyev Meydanında yüksək tribuna var idi. Bu tribunaya ilk dəfə qalxırdım. Minlərlə tamaşaçının toplaşdığı meydandakılara məni Hadi müəllim təqdim etdi. Videoların, telekanalların olmadığı həmin zamanda rayonda yerli qəzet vardı və bir də radio. İnsanlar səbirsizliklə yerli qəzeti və radio verilişlərini gözlərdilər. Ertəsi gün adım ilk dəfə yerli qəzetdə dərc olundu, radioda səsləndi. Bir il sonra komsomol yaşımız çatırdı. O dövrün yeniyetmələri üçün məsuliyyətli bir zirvə olan komso- mol sıralarına da bizi Hadi müəllim qəbul etdi. İndi o illərin uzaqlığına baxanda görürəm ki, gözümüzdə müdrik ağsaqqal olan Hadi müəllim o vaxtlar cəmi 25 yaşındaymış. Həyatda elə insanlar var ki, elə anadangəlmə ağsaqqal olurlar. Xe- yirxah xidmətləri ilə gənc ikən xal- qın gözündə ucalırlar. Bəzən qibtə ediləsi bir şəxsə deyirlər: “Bəxtəvərə anası görən necə layla çalıb?!” Bəli, anası ən xoş arzularla balasına layla çalıb. Firuzə Kəlbə Yunus qızı Bəylərovanı Lənkəranda tanımayan tapılmaz. Firuzə müəllim 86 illik ömrünün 50 ilini pedaqoji sahəyə həsr etmişdi. Onun müəllimliyindən başqa, şux zarafatları, dadlı biş- düşü, hətta şeir yazması da hamıya məlumdur. Firuzə müəllim könül payını sevdiyi insanlara, övladlarına, sonra isə nəvə-nəticələrinə ünvanla- yıb. Ülvi duyğularını nəzmə çəkərək ilki olan Hadi balasının laylasına çevirib. Hadi müəllimlə 50 illiyində görüşəndə avtobioqrafik bir şeir ver- di ki, bəzi suallara aydınlıq gətirmək üçün tanış olum. Doğrusu, şeir yazmasının ilk dəfə şahidi olurdum. Səmimiyyətlə yazılmış həmin şeiri yubileyində özündən özünə ən gözəl sürpriz kimi “Söz” jurnalında dərc də etdik. “Söz” jurnalı ilk olaraq Hadi Rəcəblini oxuculara şair kimi tanıtdı. Sonralar “Söz” ilə əməkdaşlığı davam etdi. “Millət vəkilinin söz sevgisindən” adlı xüsusi rubrika da açdıq ona. Dərc etdiyimiz ilk şeirində belə bir misra vardı: “Anam şeir nəfəslidir, mənsə onun avazı- yam”. Sonralar bu barədə xalq şairi Nəriman Həsənzadə belə yazmışdı: “Mənim tanış olduğum şeir parçaları Hadi Rəcəblinin 50 yaşından sonrakı ömrün məhsuludur. Yetkin, dərin, övlada, ailəyə bağlılıq hissləri ilə dolu bir poeziyadır! Bu şeirlərdə bir az nostalji hiss etdim, ötən günlərə həsəd duydum, yaşamaq arzuları oxudum, məhəbbətlə ömür sürmək istəyi olan qeydlərlə tanış oldum. Məni xüsusən avtobioqrafik şeirlər daha çox duyğulandırdı...” Gənc Hadi çörək zavodunda işləyə-işləyə Moskva Yeyinti Sənaye İnstitutunda qiyabi təhsil alıb. Za- vodda mühasib, texnoloq, iqtisadçı vəzifələrinə yüksəldi. Oradan şəhər komsomol komitəsinin ikinci, sonra birinci katibi seçildi. Respublika komsomolunun Mərkəzi Komitəsində, həm də I katiblər arasında onun xətir-hörməti yüksək idi. Bu xətir-hörməti və işgüzarlığını nəzərə alaraq 1976-cı ildə Hadi Rəcəbli dovlət qulluğunda yeni vəzifə perspektivləri üçün Ali Partiya Məktəbinə göndərildi. 1978- ci ildə “Bakinski raboçi” qəzetinin Cənub bölgəsi üzrə xüsusi müxbiri işlədi. Qəzetçilik fəaliyyəti ilə də yadda qaldı. Problem məsələlər qaldırdı və həllinə də nail oldu. Mərkəzi Komitənin rus dilində çıxan qəzetində imzasını qoya bildi. 1980–1981-ci illərdə Lənkəran Şəhər İcraiyyə Komitəsinin sədri seçildi. O dövr də lənkəranlıların yaxşı yadındadır. Şəhərdə bir can- lanma vardı. Hər şənbə-bazar şəhər camaatı iməciliyə çıxırdı. İnsanlar hər yerdə abadlıq, yaşıllaşdırma, səliqə-sahman işlərilə məşğul olur- dular. Bu işə məktəblilərdən tutmuş idarə, müəssisə rəhbərləri də cəlb olunurdu. “Lənkəran” qəzetində bu gün də davam etdirilən “Evimiz, küçəmiz, şəhərimiz” rubrikası Hadi müəllimin təşəbbüsü ilə yaranmışdı. Hər rübün axırında “Ən təmiz küçə”, “Ən yaşıl həyət” və s. müsabiqələrin qalibləri elan olunur, haqlarında qəzetdə yazılar dərc olunurdu. Eyni zamanda, səliqəsiz məhəllələr, bərbad küçələr və s. tənqid edilirdi. Tənqidi yazılar əlaqədar təşkilatlara göndərilir, görülən tədbirlər barədə dərhal cavablar gəlirdi. Hadi Rəcəblinin sonrakı fəaliyyəti respublikanın hüdudlarını əhatə edir. 1981–1983-cü illərdə Azərbaycan Kommunist Partiyası Mərkəzi Komitəsinin təşkilat partiya işi şöbəsinin inspektoru işləyir. Şəki Şəhər Partiya Komitəsinin birinci katibi seçilir və 1988-ci ilə kimi bu vəzifədə çalışır. Sosial-abadlıq işləriylə, camaatın maddi-rifah halının yaxşılaşdırılmasıyla yanaşı, Şəkidə ilk dəfə Gülüş və İdman bayramlarının, yubiley tədbirlərinin keçirilməsinə nail olur. Bütün bunlar qədirbilən Şəki camaatının yadda- şında əbədi iz qoymuşdur. Dəfələrlə özüm şahidi olmuşam, hər bir şəkili etiraf edir ki, Şəkiyə çox başçılar gəlib-gedib, heç kim Hadi müəllimin yerini verə bilmir. Maraqlıdır ki, şəkililər Milli Məclisdə öz seçdikləri deputatlardan çox, Hadi müəllimə müraciət edirlər. Hadi müəllim üçün o illərdə də, indi də bakılı, şəkili, gəncəli, lənkəranlı söhbəti olmayıb. Onun üçün hamı Azərbaycanın üçrəngli bayrağı altında birləşib dövlətçiliyimizə xidmət etməlidir. Təsadüfi deyil ki, kürəkənləri də, gəlinləri də Azərbaycanın müxtəlif yerlərindəndirlər. 1989–1995-ci illərdə Nazirlər Kabinetində referent, aparıcı mütəxəsis, bölmə müdiri, şöbə müdirinin müavini, şöbə müdiri vəzifələrində çalışmışdır. Həmin ağrılı illərdə qaçqınlarla, köçkün və didərginlərlə işləmək məhz onun qismətinə düşmüşdü. 1995-ci ilin seçkilərində 74 saylı Lənkəran kənd seçki dairəsindən namizədliyini ver- di. Hadi müəllim əvvəl də deputat olmuşdu. Sovet dönəmində birinci katib olan şəxs Ali Sovetin deputatı olmalı idi. Bəziləri millət vəkilliyinə vəzifə kimi gəlsələr də, Hadi Rəcəbli Nazirlər Kabinetindəki şöbə müdirli- yini təhvil verərək, 37 min seçicinin səsini toplayıb deputat seçildi. Artıq beşinci çağırışdır ki, Hadi Rəcəbli eyni dairədən namizədliyini irəli sürür və seçilir. Xalq elçisi kimi özünü doğrultmuşdur. Hadi müəllim üçün kənd-şəhər problemi yoxdur. Bütün fəaliyyəti şəhərlə bağlı olduğundan şəhər camaatı onu daha yaxşı tanıyır, sevir və işgüzar- lığına inanırlar. Hadi müəllim isə namizədliyini kənd dairəsindən ve- rir. Çünki Veravul kəndində dünyaya göz açdığından özünü həmişə kəndli balası sanır. Hamı kimi onun üçün də Vətən doğma kəndindən başlayır. Kənd üçün yeni məktəb binasının tikintisinə, müasir avtomat telefon stansiyasının istifadəsinə nail olub. Qarşıda həyata keçəsi planları da çoxdur.
Həyatda minnətdar olduğu şəxslər arasında, ilk növbədə, ulu öndərin adını məhəbbətlə çəkir. 20 yaşından məhz onun rəhbərliyi altında işləməsini fəxarətlə anır. Ulu öndərimiz haqqında xatirələri, şübhəsiz ki, bir yazıya sığan deyil. Amma elə xatirələr var ki, onları anmamaq mümkün deyil. Belə görüşlərdən biri Heydər Əliyevlə birgə müqəddəs Məkkə və Mədinə şəhərlərinə ziyarətidir. Məlumdur ki, Həcc ziyarəti müqəddəs Qurban bayramında olur. Məhz Heydər Əliyevə olan hörmət və məhəbbət sayəsində Kəbə evinin qapıları Qur- ban bayramında deyil, adi vaxtlarda ziyarətçilərin üzünə açıldı. Xarici səfərlərdə ümummilli liderin nələrə qadir olduğunun dəfələrlə şahidi olub. Belə saysız-hesabsız görüşlər, qəbullar yaddaşının ən unudulmaz xatirələrindəndir. Hadi Rəcəbli ən fəal, işgüzar deputatlardandır. O, Milli Məclisin ən ağrılı və həssas qruplarla işləyən sosial siyasət komitəsinin rəhbəridir. Bu qədər qaçqını, köçkünü, didərgini olan, torpaqları yaralı ölkədə millət vəkili olmaq o qədər də asan deyil. Nazirlər Kabinetində bu sahə ilə məşğul olduğundan kömək umanlar burada da Hadi müəllimə müraciət edirlər.
Beynəlxalq Konfranslarda tez-tez Azərbaycanı təmsil edir. Elmi məruzələri və çıxışları maraq- la dinlənilir. Qaldırılan ən qlobal məsələ Qarabağ, qaçqın, köçkün problemləri olur. Bütün bunların nəticəsidir ki, bir sıra qeyri-hökumət və beynəlxalq təşkilatların sorğu nəticələrinə görə “İlin deputatı”, “İlin ziyalısı”, “Jurnalistlərin dostu” elan edilmiş, Yusif Məmmədəliyev adına medala layiq görülmüşdür. Uşaq hüquqlarının müdafiəsi üzrə BMT-nın müəyyən etdiyi 52 lider siyasətçidən biridir. 60 yaşının ta- mamında isə Prezident İlham Əliyev Hadi Rəcəblini “Şöhrət” ordeni ilə təltif etmişdir. Milli Məclisin deputatı Hadi Rəcəbli həm də Prezident yanında Dövlət İdarəçilik Akademiyasının professoru, siyasi elmlər dok- torudur. Azərbaycanda ilk dəfə “BMT-nin ixtisaslaşmış qurumları ilə Azərbaycan arasında əlaqələr” mövzusunda namizədlik dissertasi- yası, “Azərbaycan Respublikasında sosial siyasətin transformasiyası və komporativ təhlili” mövzusunda doktorluq işi müdafiə etmişdir. “BMT-nin ixtisaslaşmış qu- rumları ilə Azərbaycan arasında əlaqələr”, “BMT-nin ixtisaslaşmış qurumları” və digər səkkiz kitabın müəllifidir. Dərs dediyi akademiya- da tələbələrə beynəlxalq təşkilatlara aid xüsusi kurslardan mühazirələr oxuyur. Gənclərlə işləmək gəncliyindən əzizdir Hadi müəllimə. Gənclərdə iki xüsusiyyət – mənəvi və fiziki tərbiyənin inkişafı həmişə diqqət mərkəzindədir. Çox zaman tələbələrini təcrübəyə Milli Məclisə gətirir. Tələbələr komitələrin iclas- larında olur, məsələlərə müdaxilə edir, fikir mübadiləsi aparırlar. Tələbələrlə Hadi müəllim arasında qibtə ediləcək dərəcədə səmimi münasibət vardır. Buna nail ol- duğuna görə daxilən qürur hissi keçirir. Akademiyada o, məmurlara – nazirlərə, icra başçılarına, digər rəhbər vəzifəli kadrlara da siyasi elmlərdən mühazirələr oxuyur. Lənkəran diyarı dövri-qədimdən generalları, sərkərdələri, dünya- ca məşhur tibb alimləri ilə tanı- nıb. Siyasət sahəsində isə Hadi Rəcəbli səviyyəsinə yüksələn ikinci həmyerlimiz yoxdur. Hər kəs bun- dan yalnız fəxarət duya bilər. Böyük enerji və iş qabiliyyətinə malik bu şəxsin vaxtını necə böldü- yü məni həmişə düşündürür. Tele- viziyanın hansı kanalını açsaq orda qonaq olduğunu görərik. Seçicilərilə onun qədər görüşə gedən deputat az olar. Bakıda, eləcə də Lənkəranın əksər tədbirlərində, xeyir-şər məclislərində başdadır. Onu xalqa sevdirən cəhətlərindən biri sadəliyi, səmimiliyidir. Bir də ki, işgüzarlıq, insanlara gərək olmaq mayasında, qanındadır. Gərgin iş saatlarından sonra dost-tanışların, imkansız və əlillərin toyunda, ad günündə, yubiley məclislərində qol götürüb süzəndə, ömür-gün yoldaşı Mehriban xanım və nəvələrilə birgə olanda yorğunlu- ğunu unudur. Torpağı çox sevir. Lənkəranla nəfəs alır. Şüvəlandakı bağında adam özünü Lənkəranda hiss edir. Limon, naringi, feyxoa ilə yanaşı nanə, giləmərzə də əkib becərir. Onların ətrini duyub bəhrəsini görəndə, sanki, bir ömür cavanlaşır. Tanıyanlar bilir ki, boş vaxtı varsa, ya Şüvəlandakı bağındadır, ya nəvələrinin yanında. İlahi sözü yüksək qiymətləndirən Hadi Rəcəbli dost- tanışın təkidi ilə 60 yaşdan sonra özü haqqında kitab yazılmasına razılıq verdi. İndi “Hadi Rəcəbli düşüncələr işığında” adlanan həmin kitab qarşımdadır. Kitabın üz qabı- ğından tutmuş icərisindəki fəsillərin tərtibatı da gözoxşayandır. Yazıla- rın “dadına-duzuna” da irad tapa bilmədim. Kitaba müəllif tapmaqda da Hadi Rəcəbli yanılmayıb. Kamal Tural (Rəhmanov) son dərəcə səmimi və orjinal qələm sahibidir. “Lənkəran” qəzetində uzun illər birgə işləmişik. Təəssüf ki, o ilk və yeganə kitabını görmək sevincini yaşaya bilmədi. Amansız ölüm onu aramızdan vaxtsız apardı. Kitabla bağlı daha bir nüansı Xalq yazıçısı Anar “Ön söz”də yazır: “Hadi Rəcəblinin rəhbərlik etdiyi rayonda bölgənin bütün incəliklərini, dadını, duzunu, ko- loritini özündə əks etdirən, ömrüm boyu unuda bilməyəcəyim bir tədbir – “Şəki bayramı” keçirilirdi. Həmin gün bir sıra obyektlərlə yanaşı, hamımız üçün əziz olan kitaba hörmət abidəsi kimi xüsusi zövqlə tikilmiş “Rəhil” kitab evi də açılırdı. Kitaba hörmət, sevgi, qayğı Hadi Rəcəblinin tutduğu bütün vəzifələrin tərkib hissəsi olmuşdur. Hələ cavan çağlarında Lənkəranda şəhər başcısı olarkən ənənəvi Kitab bayramının keçirilməsi yaddaşlarda onun adıyla qalıb”.
Yubileylər insan ömrünün hesabatıdır. Hadi Rəcəbli ömrün 70 illik zirvəsindən geriyə boylanan- da şərəfli bir yol görür. Mübarızə və gərginliklərlə dolu ömür yolu. 40 ildən çox pedaqoji fəaliyyətlə məşğul olan həyat yoldaşı Mehriban xanım Əməkdar müəllimdir. Birgə boya-başa çatdırdıqları övladlarının dördü də cəmiyyətdə layiqli mövqe sahibidir. Estafeti nəvələr davam etdirir. Ali və orta məktəblərdə qa- zandıqları uğurlarla ailəyə başucalı- ğı gətirirlər. Ailədə nəsil davamçısı olaraq Hadi Rəcəbli də yetişir, Mehriban Rəcəbli də... Doqquz nəvə toyu, nəticə sevinci gözləyir onu. Özünün dediyi kimi: “Nəvələr yaşadar məni yüzədək”. Hadi Rəcəblinin ömür yoluna qısa nəzər saldım. Onun təbiətinə, xarakterinə uyğun yazmağa çalışdım – səmimi, pafosdan və gəlişigözəl sözlərdən uzaq.
xarakter alan genişmiqyaslı quruculuq-abadlıq tədbirləri ilboyu kütləvi ağacəkmə aksiyaları, silsilə iməciliklərlə müşayiət olunur. Bugünlərdə paytaxtın mərkəzi rayonunda ilin növbəti “yaşıl marafon”u start götürüb. Nəsimi Rayon İcra Hakimiyyəti Başçısı Apara- tının kollektivinin də qoşul- duğu ilk iməcilikdə idarə və müəssisələrin kollektivləri və ra- yon sakinləri fəal iştirak ediblər. Vətənpərvərlik aksiyası zamanı rayonun mərkəzi küçələrində, mikrorayonlar ərazisində 1000- dən çox şam və sərv tingi əkilib, 2 mindən artıq ağaca quluq göstərilib. Heydər Əliyev Fondunun vitse-prezidenti, İDEA İctimai Birliyinin təsisçisi, BMT-nin Ərzaq və Kənd Təsərrufatı Təşkilatının xoşməramlı səfiri Leyla Əliyevanın təşəbbüsü ilə başlanmış “Məktəb bağları” layihəsi çərçivəsində təhsil və təlim-tərbiyə müəssisələrinin həyətyanı sahələrində isə meyvə ağaclarının növbəti əkininə başlanıb. Rayon icra hakimiyyətinin hərtərəfli dəstəyi ilə rayonun 4-cü mik- rorayon ərazisində yerləşən 147 saylı və “Qərənfil” uşaq bağçası- körpələr evlərinin həyətlərində keçirilən iməcilikdə çeşidli meyvə ağacları əkilib. Al-əlvan geyimləri ilə meyvə dekora- siyalarını təqdim edən bağça uşaqları yeni ağaclar əkməkdə böyüklərə bacardıqları köməyi göstərməklə yanaşı, təbiətə həsr olunmuş mahnı və rəqsləri ilə onlara şən əhval da gətiriblər. Nəsimi Rayon İcra Hakimiyyətinin başçısı Asif Əsgərov iməciliklərdə sakinlərlə canlı ünsiyyətdə olub, özü də yeni ağaclar basdırıb, yaşıl- lıqlara qulluq göstərib. Rayon rəhbəri aksiya iştirakçılarına xoş məramlarına, könüllü zəhmətlərinə görə təşəkkürünü bildirib. O qeyd edib ki, paytax- tın ən gözəl, yaraşıqlı ərazilərini əhatə edən Nəsimi rayonu son illər Prezident İlham Əliyevin rəhbərliyi ilə ölkəmizdə aparılan genişmiqyaslı quruculuq və abadlıq işlərinin önündə gedir. Bildirilib ki, İDEA İcti- mai Birliyinin “Yaşıl mara- fon ” layihəsi çərçivəsində buvaxtadək rayonda çoxlu ağac əkilib, yeni yaşıllıq zolaqları salınıb. Bu mövsümdə də davam etdirilən ağacəkmə aksiyaları ölkəmizdə ekoloji durumun daha da yaxşılaşdırılmasına mühum tövhələr verməkdədir. Silsilə iməciliklərin keçirilməsində məqsəd ra- yon ərazisində ətraf mühitin mühafizəsinə töhfə vermək, yaşıllıq zolaqlarını daha da genişləndirmək, şəhərin ekoloji tarazlığını bərpa etmək, insan- lara ekoloji mədəniyyət, təbiətə sevgi hissi aşılamaqdır. Görüş zamanı rayonda uğurla davam etdirilən hərtərəfli yeniləşmə tədbirləri ilə bağlı sakinləri maraqlandıran suallar cavablandırılıb, onların qaldır- dıqları sosial məsələlərin həll edilməsi üçün müvafiq tapşırıq- lar verilib.
Rövşən Ağayevin “Uzaq və yaxın Polşa” kitabının təqdimatı keçirilib. Mərasimdə universitetin rəhbərliyi, professor-müəllim heyəti və tələbələri ilə yana- şı, elmi işlər üzrə prorektor, professor Rafiq Novruzov, Milli Məclisin deputatı Novruz Asla- nov, “İRŞAD” İslam Araşdırma- ları Mərkəzinin direktoru, fəlsəfə elmləri doktoru Rafiq Əliyev, Şuşa Rayon İcra Hakimiyyətinin başçısı Bayram Səfərov, Müəllif Hüquqları Agentliyinin şöbə mü- diri Natiq İsayev iştirak ediblər. Tədbiri Bakı Slavyan Universitetinin rektoru, professor Nurlana Əliyeva açaraq, “Uzaq və yaxın Polşa” kitabının Azərbaycanla Polşa arasındakı dostluq və qardaşlıq əlaqələrinə dəyərli bir töhfə olduğunu bildirib. Xalqlarımız arasında- kı münasibətlərin tarixindən, bugünündən ətraflı danışan N.Əliyeva publisist Rövşən Ağayevin adıçəkilən əsərində məhz həmin dostluğun tərənnüm olunduğunu vurğulayıb: “Sovet dönəmində biz birbaşa əlaqə saxlaya bilməsək də, Azərbaycan həmişə Polşanı özünə yaxın bilib. Bizim turistlər ən çox bu ölkəyə gedərdilər. Nəhəng imperiya- nın süqutundan sonra birbaşa əlaqələrimiz bərpa olunub. Bakı Slavyan Universitetində Polşa Tədris-Mədəniyyət Mərkəzi fəaliyyət göstərir, Varşavanın Torn Universitetində Azərbaycan Mərkəzi gənclərə Azərbaycan dilini və ədəbiyyatını öyrədir. Bir sözlə, tarixi əlaqələr ha- zırki dövrdə də öz bəhrəsini verməkdədir”. N.Əliyeva XIX əsrdə və XX əsrin əvvəllərində Azərbaycanın Polşa ilə siyasi, iqtisadi, hərbi və s. sahədə əlaqələrinin qurulmasın- da ayrı-ayrı şəxslərin mühüm rol oynadığını bildirib. O, bu sırada Abbasqulu ağa Bakıxanovun, İsmayıl bəy Qutqaşınlının adlarını çəkib. BSU rektoru bu əsərin Azərbaycan gənclərinin Polşanı tanımasında və sevməsində önəmli rol oynayacağını vurğulayıb. “İRŞAD” İslam Araşdır- maları Mərkəzinin direktoru Rafiq Əliyev Polşa–Azərbaycan münasibətlərini xristian – islam vəhdəti kimi şərh edib. O, pol- yakların həmişə Azərbaycana öz doğma yanaşdıqlarını xatırladıb. Şuşa Rayon İcra Hakimiy- yətinin başçısı Bayram Səfərov Azərbaycan–Pol- şa münasibətlərinin tarixini dostluq və qardaşlıq tarixi kimi dəyərləndirib. O, Azərbaycan ziyalılarının vaxtilə bu ölkəyə üz tutmasının səbəbini polşalıların “şərqlilərə” xoş münasibəti ilə əlaqələndirib. Çıxışının sonunda icra başçısı qeyd edib ki, kitabın Azərbaycan və polyak dillərinə tərcümə olunmasına tam dəstək verməyə hazırdır. BSU-da polyak dilini tədris edən polşalı müəllim Pavel Frents onu maraqlandıran əksər sualların cavabını kitabda tapdığını vurğulayıb. Deyib ki, Azərbaycanda polyak dilinə göstərilən maraq, gənclərin bu dili yüksək səviyyədə mənimsəməsi mənə hər zaman maraqlı idi. Bu əsəri oxuduqdan sonra bir çox tarixi faktlarla rastlaşdım və məni maraqlandıran sualların cavabını burada tapdım. Müəllif Hüquqları Agentliyinin şöbə müdiri Natiq İsayev çıxışında kitabın əlyazma variantının ilk oxucularından biri olduğunu deyərək bu əsərin ya- zıçının təxəyyülündən deyil, real insanların həyatından doğan tarixi faktlara söykəndiyini diqqətə çatdırıb. N.İsayev “Uzaq və yaxın Polşa”nın XIX əsrin əvvəllərindən XX əsrin əvvəllərinə qədər mü- hüm hadisələri əhatə edən dəyərli əsər olduğunu qeyd edib. Milli Məclisin deputatı Novruz Aslanov da əsərin bədii və siyasi məziyyətlərindən danışıb. O, kitabın ciddi siyasi məzmuna malik olduğunu vurğulayıb. Müəllif əsərinin ideyasının iki xalqın tarixən bir-birinə yaxın, doğma olmasını diqqətə çatdır- maq olduğunu vurğulayıb. Qeyd edib ki, Azərbaycanın müstəqil dövlət olduğu indiki şəraitdə bu münasibətlərin öyrənilməsi son dərəcə vacibdir. Bu, bizim tariximizdir.
sağlamlığının qorunması, onlara göstərilən tibbi xidmətin keyfiyyətinin yaxşılaşdırılması daim diqqət mərkəzində saxlanılır, yeni səhiyyə ocaqları inşa olunur və ya əsaslı təmir edilir. Rayon icra hakimiyyəti bu sahənin işinə xüsusi diqqət yetirir, ən müasir tibb avadan- lığının alınıb gətirilməsi üçün əlindən gələni əsirgəmir. Təbii ki, Səhiyyə Nazirliyi rayona bu işdə lazımi köməyini əsirgəmir, problemlərin həllində yardımçı olur. Bu günlərdə rayonun daha bir tibb ocağında əsaslı təmir, yenidənqurma işləri aparılmış və istifadəyə verilmişdir. Çənlibel xəstəxanası öz görkəmini tamamilə dəyişmişdir. Bu münasibətlə keçirilən açılış mərasimdə çıxış edən rayon icra hakimiyyətinin başçısı Alimpaşa Məmmədov qeyd edib ki, dövlət başçısının səhiyyə sistemində apardığı uğurlu isla- hatlar, regionlarda tibb ocaqları- nın bərpa etdirilməsinə, sağlam cəmiyyətin formalaşmasına, əhaliyə daha yaxşı tibb xidməti göstərilməsinə şərait yaradıb. Rayon rəhbəri deyib ki, hər bir yaşayış məntəqəsində insanlara göstərilən qayğı, ilk növbədə, onların sağlamlağının təmin olunmasından başlanır. Tədbir iştirakçıları daha sonra xəstəxanada yaradılmış şəraitlə tanış olublar. Qeyd edək ki, daxili imkanlar hesabına təmir edilən Çənlibel xəstəxanasında ətraf kəndlərin də sakinlərinə müasir tələblərə uyğun səviyyədə tibbi xidmət göstərilməsi üçün hərtərəfli şərait yaradılıb. Kənd xəstəxanasında 27 tibb işçisi fəaliyyət göstərərir. Müasir stan- dartlara cavab verən xəstəxanada stasionar otaqlar, o cümlədən terapiya, stomatologiya, gineko- logiya şöbələri var.
“Kəşfiyyatgeofizika” İstehsal bölümü “Azneft” İB-nin sifarişi əsasında Yevlax–Ağcabədi çökəkliyində regional profillər üzrə kompleks geofiziki kəşfiyyat işləri aparıb. SOCAR-dan verilən məlumatda deyilir ki, ezokay- nazoy çöküntülərinin regional izlənilməsi və müxtəlif yaşlı çöküntü komplekslərinin qalın- lıqlarının öyrənilməsi məqsədi ilə cari ilin aprel ayından aparılan işlər zamanı ümumilikdə neftli- qazlı rayondan keçən dörd profil boyu 312 xətti kilometr həcmində 2D (ikiölçülü) seysmik kəşfiyyat, eləcə də hər biri 340 xətti kilometr olan qravimetrik və maqnitomet- rik tədqiqat işləri görülüb. Bu il üçün nəzərdə tutulumuş çöl işləri uğurla başa çatdırılmışdır. Əldə edilmiş materiallar hazırda emal və interpretasiya mərhələsindədir. Tədqiqat sahəsində işlənilmiş profillər üzrə alınan geofiziki məlumatlar əsasında müxtəlif miqyaslarda dərinlik kəsilişləri qurulacaq, quyu və seysmik məlumatların kompleks interpre- tasiyası nəticəsində seysmostratiq- rafik təhlillər aparılacaq, həmçinin seysmofasial komplekslər ayrılacaqdır. Yeni məlumatlar axtarış-qazma işlərinin düzgün istiqamətləndirilməsinə şərait yaradacaqdır. Samirə ƏLİYEVA, “Xalq qəzeti” Yevlax-Ağcabədi çökəkliyində kompleks geofiziki kəşfiyyat işləri aparılıb Yüklə 316,81 Kb. Dostları ilə paylaş:
|